• Sonuç bulunamadı

İşbu sene sitte ve tis‘în ve elf Zilhiccesinin beşinci günü Edirne’den Aydın sancağında ve yol üzerinde olan kadılara hitâben iki re’s bargire fermân (tahrip olmuş)

154/21-1

Yunddağı Nahiyesindeki Karadede Zaviyesi’nde Vazife Tevcihi

Nişân-ı şerîf-i âlişân hükmü budur ki

Mağnisa müzâfâtından Yunddağı nâhiyesinde vâki‘ Karadede zâviyesinde mutasarrıf olan işbu refi‘-i tevkî‘-i refî‘-u hümâyûn ve Şeyh Ali bi’l-fi‘il berât-ı şerîf ile mutasarrıf olup mûcib-i azli yoğ iken Mehmed nâm kimesne (tahrip olmuş) tarîk ile alup mezbûr küllî gadr itmekle ref‘ olunup girü mezbûr kemâkân ibkâ ve mukarrer kılınmak bâbında yedinde olan berât-ı atîki mûcibince vâki‘ ise sadaka idüp bu berât-ı hümâyûnı virmeğin buyurdum ki varup mezbûr Şeyh Ali kemâkân zikr olunan zâviyeye mutasarrıf olup hizmet-i lâzımesin mer‘î ve mü’eddî kıldıkdan sonra üslûb-i sâbık üzere mutasarrıf olup vâkıfın rûhu devâm-ı ömr-i devletim içün du‘âya müdâvemet göstere şöyle bilesin alâmet-i şerîfe i‘timâd kılasın tahrîren fî evâhir-i Şevvali’l-mükerrem li-sene sitte ve tis‘în ve elf

Kayd fî 24 Zilhicce sene 96

154/21-2

Güherçile tahsili

Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmü’l-enbiyâi ve’l-mürselîn el-muhtass bimezîdi inâyeti’l-meliki’l-mu‘în mevlânâ Mağnisa kadısı zîdet fezâiluhû ve mefâhirü’l-kuzât ve’l-hükkâm ma‘âdinü’l-fezâil ve’l-kelâm Saruhan Sancağında vâki‘ olan kadılar zîde fazluhum ve mefâhirü’l-akrân ve’l-emâsil ve’l-akrân kethüdâyerleri ve yeniçeri serdarları ve asyân-ı vilâyetin iş erleri zîde kadruhû tevkî‘u refî‘u hümâyûn vâsıl olıcak ma‘lûm ola ki inşaallahu te‘âlâ sefer-i hümâyûnum içün mîrîde barut tabh itdirmek içün ziyâde gühercile iştirâsı lâzım ve

50

mühim olmağla imdi bahâsı livâ-i mezbûrun avârız ve bedel-i nüzülü malından bin doksan altı senesine mahsûb olmak üzere (tahrip olmuş) ile her bir vukiyyesi otuzar akçeye olmak üzere irsâl olunan defterde ta‘yîn ve tasrîh olunduğu üzerine Mağnisa kazâsına altı bin yüz doksan beş ve Ilıca kazâsından üç yüz otuz üç Güzelhisar kazâsından altı yüz yetmiş beş ve hâne (tahrip olmuş) kazâsından yetmiş altı Demürci kazâsından bin sekiz yüz ve Marmara kazâsından üç yüz altmış ve Gördük kazâsından altı yüz doksan yedi ve Adala kazâsından iki yüz doksan iki ve Gördük kazâsından bin altı yüz kırk iki ve Kayacık kazâsından dört yüz yirmi üç ve Akhisar kazâsından bin beş yüz doksan yedi ve Foçalar kazasından iki yüz yirmi beş ve Tarhaniyat kazâsından iki bin sekiz yüz on beş ve (tahrip olmuş) kazâsından iki yüz yetmiş vukiyye ki cem‘an on sekiz bin vukiyye hâlis gühercileyi irsâl olunan ve bir kazâya ta‘yîn ve tasrîh olunduğu üzere mu‘accelen iştirâ ve tedârik ve İzmir’de ve barut-ı siyah karhânesine nakl ve kabzına me’mûr olunan teslîm itdirüp itmâm-ı hizmet eyleye deyu emr olmuşdur buyurdum ki hükm-i şerîfimle vardukda bu bâbda sâdır olan emrim üzere amel idüp dahi kat‘a te’hîr ve tevakkuf eylemeyüp mübâşirin yedine verilen mühürlü ve nişanlu mevkûfât defterinde her kazâya ta‘yîn ve tasrîh olunduğu üzere bahâsı üzere mezbûr bin doksan altı avârız ve bedel-i nüzül mallarından mübâşir ma‘rifetiyle takas olunup ve her vukiyyesi İzmir kârhânesine nakli ile otuzar akçe olmak üzere zikr olunan kazâlardan iştirâsı fermânım olan ol mikdar vukiyye hâlis gühercileyi mu‘accelen iştirâ ve tedârik ve bir gün evvel İzmir kârhânesine nakl ve kabza me’mûr olana teslîm ve temessükât aldırup itmâm-ı hizmet eylemekde her biriniz ziyâde tekayyüd ve ihtimâm idüp avk ve te’hîrinden ihmâl ve müsâhaleden ve gühercile-i mezkûrdan evvel varup İzmir kârhânesine teslîm olunmağa barut-ı siyahı te’hîrine bâ‘is olmak ve bu bahâne ile re‘âyâ fukarâsından (tahrip olmuş) ta‘addîden begâyet ihtirâz eylemesiz

154/22-1

Zeamet Mübadelesi ve Tevcihi

Nişân-ı şerîf-i âlişân budur ki

Saruhan Sancağında Mağnisa nâhiyesinde Kozanlu nâm karye ve gayrıdan otuz altı bin dört yüz kırk dokuz akçe ze‘âmete mutasarrıf olan Hüseyin’in ze‘âmeti ile Hüdâvendigâr sancağında Geyve nâhiyesinde Koldere nâm karye ve gayrıdan yedi bin dört yüz doksan dokuz akçe ze‘âmete mutasarrıf olup emekdâr olmağla altı

51

def‘a dörter bin ve bir def‘a dört bin akçe tımara evâmir-i şerîfim virilen orta boylu kara gözlü kara kaşlu refi‘i tevkî‘i refî‘ü’ş-şân-ı hâkânî kıdvetü’l emasil vel-akrân Hüseyin zîde kadruhûnun tımarıyla birbirlerinin himmetlerine münâsib olmağla ellerinde olan berâtları birbirlerine virüp mübâdele itmek murâd itmeleriyle sene sitte ve tis‘în ve elf Şabanının evâhirinde ordu-yı hümâyûnum tarafından ber-vech-i mübâdele tevcîh olunup beratları virilmekle zikr olunan otuz altı bin dört yüz kırk dokuz akçe ze‘âmet vech-i meşrûh üzere mübâdelesi Hüseyin tahvîlinden ze‘âmeti olduğu sancakda sâkin olup alaybeğisi bayrağı altında sefere işmek şartıyla terakkîleri bedelinden ziyâdesiyle merkûm diğer Hüseyin zîde kadruhûya tevcîh olunup düstûr-ı mükerrem müşîr-i mufahham nizâmü’l-âlem Engürüs seferinde asker-i İslam’a seraskerim olan vezîrim İbrahim Paşaedâmallâhu te‘âlâ iclâluhûnun Nâhiye-i Kozanlu tâbi‘ Mağnisa 6177

Karye-i Sakarkaya mezra‘a Dindarlar tâbi mezbûr 13000- 5000 Karye -i (tahrip olmuş)tâbi‘i mezbûr 2000

Karye -i Kızılhavlu tâbi’i Gördes 3500 Karye -i (tahrip olmuş) tâbi‘ mezbûr 2121 Karye -i (tahrip olmuş) tâbi‘ Gördüs 4291

Karye -i (tahrip olmuş) tâbi mezbûr 378 yekûn 8000- 1000

Karye -i (tahrip olmuş) tâbi‘i Mağnisa ve (tahrip olmuş) 21500- 3500- 1500

Karye-i (tahrip olmuş) nâm-ı diğer Kerime tâbi‘ Mağnisa 9000- 6000 -1000 – 28000 Karye-i Bektaşlu tâbi‘ Mağnisa hisse 7500- 1000

Mezra‘a-i Aşık tâbi‘ Güzelhisar Güzel akçeli 9600- 1000 Karye-i Halitlü tâbi‘ Gördüs 6500- 3500

Mezra‘a-i Mevkuf tâbi‘ Adala 2900- 1000 14551- 9451- 3451 Karye-i Süleymanlu tâbi‘ mezbûr hisse 7599- 2599 4999- 1000

52 Karye-i (tahrip olmuş) tabii Adala 6000 Karye-i Kozluca tâbi‘ mezbûr 3000 Karye-i Beğler tâbi‘ Gördük 7850- 2763

Karye-i Kuzu tâbi‘ mezbûr 2330- 7000- 2000 10772- 3999 Yekûn 36446

154/22-2