Nâhiye-i Mağnisa der-livâ-i Saruhan Ahmed
Doğancılı tâbi‘ M. Ze‘âmet 5500
An tahvîli Hüseyin sefer-i hümâyûn
Kıdvetü’l-emâsil ve’l-akrân Saruhan Sancağı Alaybeğisi Mustafa zîde kadruhû ordu-yı hümâyûnuma mektûb gönderüp livâ-i mezbûr Mağnisa sancağında Doğancılar nâm karye ve gayrıdan beş bin beş yüz akçe tımara mutasarrıf olan Hasan me’mûr olduğu sefere-i hümâyûna gelmeyüp tımarı mahlûl olmağla bundan akdem
136
yararlığı arz olundukda ibtidâdan beş bin akçe emr-i şerîf virilen orta elâ gözlü açık kaşlu mezbûr Ahmed’e virilmek bâbında inâyet ricâsına arz itmeğin mûcibince tevcîh olunmağın emr olunup sâdır olan emr üzere tımarı olduğu sancakda sâkin olup Alaybeğisi bayrağı altında sefere işmek şartıyla tevcîh olunmak içün sene hams ve tis‘în ve elf Zilka‘desinin evâsıtı tarihiyle düstûr-ı mükerrem müşîr-i mufahham nizâmü’l-âlem hâlâ Engürüs seferime Serdâr-ı Ekrem olan vezîr Mustafa Paşa edâmallâhu te‘âlâ iclâlehû tarafından hükm-i şerîf virildikden sonra tezkiresi ihrâc olunmak fermân olmağın ber-mûceb-i fermân-ı âlişân zikr olunan beş bin beş yüz akçe tımar vech-i meşrûh üzere işbu sene hamse ve tis‘în ve elf Hasan tahvîlinden ibtidâsı bedelinden ziyâdesiyle merkûm Ahmed’e tevcîh idüp berât-ı âlişân içün tezkire virildi tahrîren fî 15 min şehr-i Zilka‘deti’ş-şerîfe
Fî 29 min Şehr-i Rebiülâhir sene 96 Buyruldı-ı sahrayı Belgrad
154/69-2
Manisa Subaşılığı Tevcihi
İzzetlü ve fazletlü Efendi hazretlerinin meclis-i şerîflerine a‘râz-ı kelâm ve tevkîr-i ihtirâm birle dürer-i meveddet-hâlisa ve gurer-i teslîmât-ı lâyıka (tahrip olmuş) mutasarrıf olduğum Saruhan Sancağında Mağnisa nâhiyesinde (tahrip olmuş) nâm karye ve gayrıdan iş bu bin doksan altı senesi martı ibtidâsından gâyetine varınca subaşılığı zabt ve tasarrufun tarafımızdan Hüseyin Beğ’e virüp vekîl eylemiş üzere imdi benim Efendim işbu bin doksan altı senesinde vâki‘ olan mahsûlât ve mahlûlât-ı mezbûr Hüseyin Çelebi’ye zabt itdirüp âhardan bir ferd dahl ve ta‘arruz itdirmeyesin bâkî hemîşe (tahrip olmuş) Muharremi’l-harâm sene 1096
Kayd fî 2 min şehr-i Rebiülevvel sene 96 El-fakîr
Ahmed
Sümme’l-kelâm fî hâze’l-makâm bi-mennillâhi sübhânehû ve te‘âlâ Es-Seyyid Mustafa el-kadî der-Mağnisa gufira anh
137
154/70-1
Sefer İçin Edirne’ye Asker Gönderilmesi
Bi’l-fi‘il Anadolu’nun sağ kolunda olan kazâlarda vâki‘ Yeniçeri serdârları inhâ olunur ki inşaallahu te‘âlâ evvelbahar-ı huceste-âsârda mukarrer ve muhakkak olan vakt-i hareket sefer-i hümâyûn karîb olmağla bayraklarınız açup taht-ı hükûmetlerinizde sâkin ve mütemekkin ve mukîm ve müsâfir ile sefere yeniçeri ve topçu ve cebeci neferâtını ve esâmîleri çaluk kul oğulların umûmen evlerinden ihrâc ve yerlerinde âram eylemeyüp nevrûz-ı sultânîde on gün mukaddem sahrâ-yı Edirne’de her biriniz gelüp mevcûd bulunup esâmîsi çalık olanları esâmîleri tashîh ve setûr oğulları bedrkâr olunup herkese me’mûr oldukları sefer-i hümâyûna irsâl ve hidemât-ı pâdişâhânem mevcûd ve bayraklarınız bâbında işbu mektûb tahrîr olunup bedergâh-ı âlî yeniçeri çavuşlarına kıdvetü’l-emâsil ve’l-akrân onuncu bölüğün Hüseyin Çavuş zîde kadruhû ile irsâl olunmuşdur vardukda gerekdir ki her biriniz kat‘a te’hîr ve ârâm eylemeyüp neferât-ı mezbûrun önlerine düşüp bayrakların açup minvâli muharrer üzere nevrûz-ı sultânîde on gün mukaddem umûmen gelüp bu tarafda bulunasın İnşâallâhurrahmân hizmet eylediğinizden her birinizde vilâyetinize serdarlığınızı zabt etmek içün izin virilüp irsâl olunur husûs-u mezbûr ehem ve mühimmât-ı dîn ü devlet olmadığında evvel te’hîr ve ihmâli musâlahadan bir ferde himâye olunup iyi kılınmakdan begâyet ihtirâz ve ictinâb eyleyesiz şöyle ki husûs-ı mezbûrede ihmâl ve yâhud gelmekde te’hîr ve müsâhale idicek olursanuz bir vechle cevâba kâdir olmayup haklarınınzdan gelinmek mukarrerdir ona göre âkibet endîş olup mûcib-i hükûmetle âmil olasın tahrîren fî evâhir-i min şehr-i Saferi’l-hayr sene sitte ve tis‘în ve elf
El-fakîr Zülfikar Ağa-yı yeniçeriyân-ı Dergâh-ı âlî hâlen
154/70-2
Karaoğlanlı Köyündeki İshak Bey’in Yaptırdığı Câmi Evkafı Mukata’alarının İltizamı
Vech-i tahrîr-i hurûf budur ki medîne-i Mağnisa’da vâki῾ merkûm ve mağfûrun-leh Saruhan oğlu İshak sulbî binâ eylediği câmi῾-i şerîfi ve havlûyu zâmin evkâfından olub Karaoğlanlı nâm karye dâhilinde vâki῾ olan hubûbât ve mahlûlât (tahrip olunmuş) Mustafa Çelebi (tahrip olunmuş) ile dokuz yüz esedî guruşda karâr
138
ve ziyâde ile tâlib (tahrip olunmuş) mezbûr Seyyid Mustafa Çelebi’ye münâza῾a (tahrip olunmuş) vech-i meşrûh üzere kabûl eylediğinde zabt ve kasr-ı huccet (tahrip olunmuş) temessük virildi meblağ-ı mezbûru (tahrip olmuş) edâ ve teslîm eyleye âhar kimesne müdâhale etmeye fi’l-yevmi’l-hâmis aşara şehri (tahrip olmuş) aşara fî 25 Receb
el-fakr Eş-şeyh Ali mütevellî Edirne
154/70-3
Ali Bey’in Yaptırdığı Cami Vakfı Mukata’alarının Gelirlerinin Tevcihi
Vech-i tahrîr-i hurûf budur ki evlâdiyet ve meşrûtiyet üzere mütevellîleri Ömer ve Seyfullah Beğ taraflarından vekâlete zabt üzere olduğumuz mahrûsa-i Mağnisa’da vâki‘ merhûm Ali Beğ binâ eylediği câmi‘-i şerîf (tahrip olmuş) âmireleri vakıf mukâta‘atına (tahrip olmuş) nâhiyesinde Erderlü mukâta‘asına işbu bin doksan altı senesinde vâki‘ mart ibtidâsıdnan sene tamâmına varınca a‘şâr-ı şer‘iyye ve rüsûm-ı örfiye ve mahlûlât resm-i bennâk ve (tahrip olmuş) ve resm-i müjdegân ve yâve ve kaçkun ve beytü’l-mâl ve hâssa ve çiftlik ve resm-i deştebân ve sâir cüz’î ve küllî vakfa âid olan şeyleri ber-vech-i maktû‘ yüz seksen kuruşa bâ‘isü’l-hurûf vakf-ı mezbûrun
154/71-70-3
Îrâd ve kâtibi Mehmed Çelebi’ye iltizâm ve der-uhde olunmağın mezbûrdan vech-i meşrûh üzere iltizâm ve kabûl eyledikden sonra sene-i merkûmede mukâta‘a-i merkûmenin hâsıl olan mahsûlâtını ahz ve kabz içün taraf-ı vakıfdan izin virildi tarafımızdan taraf-ı âhardan dahl ve ta‘arruz olunmaya hurrire fi’t-târihi’l-mezbûr El-fakîr El-hac Muhammed kâimmakâm-ı mütevellî vakfü’l-mezbûr hâlâ
Kayd fî 25 min şehr-i Rebiülâhir sene 96
154/71-1
Saruhan Sancağı Beyt’ül Mâl Mukata’asının Tevcihi
İzzetlü ve fazîletlü Efendi hazretlerinin huzûr-ı meclis-i şerîf-i vâcibü’l-ızâmları savbına rûy-yı mâliyet kılındıkdan sonra muhibbâne inhâ olunan oldur ki
139
hâlâ Saruhan Sancağında vâki‘ olan fazîletlü Efendi hazretlerinin meclis-i şerîflerine şerâif-i kitâb-ı sâfiyet ihdâsıyla bin doksan altı senesinde mahsûb olmak üzere Aydın ve Saruhan ve Menteşe ve Sığla ve Karesi sancaklarında vâki‘ mukâta‘ât üç senesi bir tahvîl ile berât-ı âlişân ile uhdemizde olup Saruhan sancağında vâki‘ beytü’l-mâl-i kazâ-beytü’l-mâl-i Akhbeytü’l-mâl-isar ve kazâ-beytü’l-mâl-i Demürcbeytü’l-mâl-i beytü’l-mâl-ı âmme ve hâssa ve lbeytü’l-mâl-ivâ-beytü’l-mâl-i Saruhan mukâta‘ası bin doksan altı Rebiülâhir gurresinden bir sene tamâmına değin tarafımızdan kıdvetü’l-emâsil ve’l-akrân ağaya der-uhde olunup mektûb sûret-i (tahrip olmuş) irsâl ve arz kılındı (tahrip olmuş) kazâ-i ma‘delet ünvânınızda vâki‘ Livâ-i Saruhan mukâta‘ası beytü’l-mâl-i âmme ve hâssa ziyâde ve mecmû‘ ve sâir mahsûllerin kadîmden bu âna değin minvâl üzere zabt ve rabt ve cem‘ ve tahsîl olunageldüği üzere tarafımızdan mîrîye âid olan cüz’î ve küllî zabt olunagelmiş ise mûmâ-ileyh dahi o mnvâl üzere zabt ve cem‘ ve tahsîl itdirmeniz bâbında mu‘âvenet ve müzâheret eylemeniz ricâ olunur bâkî hemîşe seccâde
Kayd fî 22 min şehr-i Rebiülevvel
154/71-2
Sancak Mukataalarının Tevcihi
Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmü’l-enbiyâi ve’l-mürselîn el-muhtass bi-mezîdi inâyeti’l-meliki’l-mu‘în mevlânâ Mağnisa kadısı zîdet fezâiluhû ve mefâhirü’l-kuzât ve’l-hükkâm ma‘âdinü’l-fezâil ve’l-kelâm Saruhan sancağında vâki‘ olan kadılar zîde fazluhum tevkî‘i refî‘i hümâyûn vâsıl olıcak ma‘lûm ola ki bin doksan altı senesinden üç sene bir tahvîl ile Saruhan Sancağında vâki‘ mukâta‘âtın muhassıllığı İbrahim zîde mecduhûya der-uhde ve berât-ı âlişân virilmekle livâ-i mezbûrda vâki‘ bi’l-cümle muhassıllık aklâmında vâki‘ olan beytü’l-mâl-i âmme ve hâssanın zabtı tarih-i Rebi’ülâhiri gurresinden olmağla muhassıl-ı mûmâ-ileyhin tarafından temessükü ile irsâl ve der-uhde eylediği nâm kimesneye ma‘rifet-i şer‘le zabt ve ahz ve kabz itdirüp taraf-ı âhardan kimesneyi dahl ve ta‘arruz itdirmeyesiz deyu fermânım olmuşdur buyurdum ki hükm-i şerîfimle vardukda bu bâbda sâdır olan emrim üzere amel idüp dahi vech-i meşrûh üzere zikr olunan muhassıllık üç sene bir tahvîl ile mûmâ-ileyhe Efendi İbrahim zîde mecduhûya der-uhde ve berât-ı âlişânım virilmekle livâ-i mezbûrda vâki‘ olan beytü’l-mâl-i âmme ve hâssayı mûmâ-ileyhin der-uhde eyledüği nâm kimesneye
140
virdüği temessükü mûcibince zabt ve ahz ve kabz itdirüp taraf-ı âhardan bir ferdi kat‘â müdâhale ve mu‘âraza itdirmeyüp vech-i meşrûh üzere olan emrimi yerine getüresin şöyle bilesin alâmet-i şerîfe i‘timâd kılasın tahrîren fi’l-yevmi’l-işrîn min şehr-i Muharremi’l-harâm sene sitte ve tis‘în ve elf
Be-makâm-ı Edirne el-mahrûse
154/72-1
Sefer İçin Asker İhracı
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâhibü’l-izz ü ve’l-ihtişâm el-muhtass bi-mezîdi inâyeti’l-meliki’l-a‘lâ ber-vech-i arpalık sâbıkan sancağına mutasarrıf olan (tahrip olmuş) ikbâluhû tevkî‘u refî‘u hümâyûn vâsıl olıcak ma‘lûm ola ki inşaallâhu te‘âlâ evvelbahar-ı hüceste âsârda muharrer ve muhakkak olan sefer-i hümâyûn ve muhâfazaya me’mûr Aydın ve Saruhan ve Menteşe ve Sığla ve Teke sancaklarında vâki‘ kasabât ve kurâda sâkin ve mütemekkin ve mukîm ve müsâfir nefer Dergâh-ı Mu‘allam Yeniçerileri ve cebeci ve topcular sürmeğe sen me’mûr olmuşsundur imdi vakt-i hareketde sefer karîb olmağla te’hîr ve tevakkuf itmeyüp mükemmel ve müretteb kapun ve yarar ve (tahrip olmuş) ve müstevfî ademlerinle kalkup varup elviye-i mezbûrda vâki‘ kasabât ve kurâda sâkin ve mütemekkin ve mukîm ve müsâfir nefer Dergâh-ı Mu‘allam yeniçerileri ve cebecileri ve topcu tâifesin ocak tarafından ta‘yîn olunan kıdvetü’l-emâsil ve’l-akrân onuncu bölüğün Hüseyin Çavuş zîde kadruhû ma‘rifetiyle evlerinden ihrâc ve bir yerde meks ü ârâm itdirmeyüp tavâif-i mezbûrı kur’âda evlerinde ve yerlerinde alıkonulup sürüp sefer-i hümâyûnuma me’mûr olduğu ve muhâlif me’mûr olanları muhâfazaya irsâl ve me’mûr oldukları mahalde mevcûd bulunmalarına ikdâm ve ihtimâm idüp ve ba‘de’t-tenbîh avdetde ve evlerinde bulunanların çavuş-ı mûmâ-ileyh ma‘rifetiyle haklarından gelüp bir ferde müsâmaha ve himâyeden ve ihmâl ve müsâhale ve bu bahâne ile akçe alınmakdan begâyet ihtirâz eylemek bâbında fermân-ı âlişânım sâdır olmuşdur buyurdum ki vusûl buldukda bu bâbda sâdır olan fermân-ı celîlü’l-akdrim mûcibince amel idüp dahi sen ki mîrimîrân-ı müşârun-ileyhsin vakt-i hareket-i sefer karîb olmağla te’hîr ve tevakkuf itmeyüp mükemmel ve müretteb ve yarar ve güzîde ve müstevfî ademlerinle kalkup varup elviye-i mezbûrede vâki‘ kasabât ve kurâda sâkin ve mütemekkin ve mukîm ve müsâfir Dergâh-ı Mu‘allam yeniçerileri ve cebeci ve topçu
141
tâifesin çavuş-ı mûmâ-ileyh ma‘rifetiyle evlerinden ihrâc ve bir yerde meks ü ârâm itdirmeyüp tâife-i mezbûrdan bir ferdi evlerinden ve yerlerinden alıkoymayup sürüp sefer-i hümâyûnuma kâdir seferde muhâfazaya me’mûr olunanları muhâfazaya irsâl ve me’mûr oldukları mahalde mevcûd bulunmasına ikdâm ve ihtimâm idüp ba‘de’t-tenbîh avdetde ve evlerinde bulunanların çavuş-ı merkûm ma‘rifetiyle haklarından gelüp bir ferde müsâmaha ve himâyeden ve ihmâl ve müsâhale ve bu bahâne ile akçe alınmakdan begâyet ihtirâz ve ictinâb eyleyesin ve bu emr-i şerîfimin mazmûn-ı münîfi mücemmi‘-i nâs olan mahallerde nicâ ve cümleye i‘lâm ve işâ‘at itdiresin her biri hasîme ve âgâh olup özr ve bu bahâne ile olmayalar şöyle bilesin alâmet-i şerîfe i‘timâd kılasın tahrîren fî evâhir-i şehr-i Saferi’l-hayr sene sitte ve tis‘în ve elf Be-makâm-ı Edirne el-mahrûse
154/72-2
Sefer İçin Edirne’ye Asker Gönderilmesi
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâhibü’l-izz ü ve’l-ihtişâm el-muhtass bi-mezîdi inâyeti’l-meliki’l-a‘lâ ber-vech-i arpalık sâbıka sancağına mutasarrıf olan Hüseyin dâime ikbâluhû tevkî‘i refî‘i hümâyûn vâsıl olıcak ma‘lûm ola ki inşaallahu te‘âlâ evvelbahar-ı hüceste-âsârda mukarrer ve muhakkak olan sefer-i hümâyûna me’mûr Aydın ve Saruhan ve Menteşe ve Sığla ve Teke sancaklarında olan sipâh ve silahdâr iki bölük zâbiti ile zikr olunan sancakların harclığı zü‘emâ ve erbâb-ı tımar sürmeğe sen me’mûr olmuşsundur vakt-i hareket-vakt-i sefer karîb olmağla te’hîr ve tevakkuf vakt-itmeyüp yanına ta‘yîn olunan svakt-ipah ve silahdâr çavuşları kıdvetü’l-emâsil ve’l-akrân ve zîde kadruhumâ ma‘rifetiyle iki bölük halkın zâbıtleri ma‘rifetiyle zü‘emâ ve erbâb-ı tımarı sen evlerinden ihrâc ve bir yerde meks ü ârâm itdirmeyüp ve tavâif-i mezbûrun
154/73-72-2
Evlerinde ve yerlerinde bir ferdi ele komayup sürüp iki bölük halkını mukaddemâ vârid olan emr-i şerîfim mûcibince nevrûz-ı fîrûzdan on beş gün mukaddem Edirne’de rikâb-ı hümâyûnuma ve zü‘emâ ve erbâb-ı tımarı me’mûr oldukları sefer-i hümâyûnuma irsâl ve mevcûd bulunmalarına ikdâm ve ihtimâm idüp ve ba‘de’t-tenbîh avdet ve evlerinde bulunanların zâbıtleri ma‘rifetiyle haklarından gelüp bir ferde himâye ve müsâmaha olunmaya ve müsâferetle ve bu bahâne ile akçe
142
alınmakdan begâyet ihtirâz eylemek bâbında fermân-ı âlişânım sâdır olmuşdur buyurdum ki vusûlünde bu bâbda sâdır olan fermân-ı celîlü’l-kadrim üzere amel idüp dahi sen ki mîr-i mîrân-ı mûmâ-ileyhsin vakt-i sefer karîb olmağla iki bölük halkın zâbitleri ma‘rifetiyle ve zü‘emâ ve erbâb-ı tımarı evlerinden ihrâc ve bir yerde meks ü ârâm itdirmeyüp ve tavâif-i mezbûru evlerinde ve yerlerinde bir ferd ele komayup sürüp iki bölük halkın mukaddemâ sâdır olan fermân-ı hümâyûnum mûcibince nevrûz-ı fîrûzdan on beş gün mukaddem Edirne’de rikâb-ı hümâyûnla ve zü‘emâ ve erbâb-ı tımarı me’mûr oldukları sefer-i hümâyûnuma irsâl ve mevcûd bulunmağla ziyâde takayyüd ve ihtimâm idüp ve ba‘de’t-tenbîh avdetde ve evlerinde bulunanların zâbitleri ma‘rifetiyle haklarından gelüp bir ferde himâye ve müsâmaha ve ihmâl ve müsâmahadan ve bu bahâne ile akçe alınmakdan begâyet ihtirâz ve ictinâb üzere olup sâdır olan emr-i şerîfimin mazmûn-ı münîfin mücemmi‘-i nâs olan mahallerde nidâ ve cümleye i‘lâm ve inâyet eyleyesin ki hayr ve âgâh olup özr ve bahâne sâlik olmayalar şöyle bilesin alâmet-i şerîfe i‘timâd kılasın tahrîren fî evâhir-i Şehr-i Saferi’l-hayr li-sene sitte ve tis‘în ve elf
Be-makâm-ı Edirne el-mahrûse
Kayd fî 21 min şehr-i Rebiülâhir sene 96
154/73-1
Sefer İçin Asker Toplanması
Şeri‘at-şi‘âr-ı fezâil âsâr Anadolu’nun sağ kolunda vâki‘ olan mevâliyü’l-izâm dâme izzuhum ve kuzât Efendiler zîde fazluhum yeniçeri serdarları inhâ ve i‘lâm olunan oldur ki inşaallahu te‘âlâ evvelbahar-ı huceste-âsârda mukarrer ve muhakkak olan vakt-i hareket-i sefer-i hümâyûn karîb olmağla taht-ı kazâlarınızda sâkin ve mütemekkin ve mukîm ve müsâfir ehl-i sefer nefer ve yeniçeri ve topcu ve cebeci ve börk sipâhî ve erbâb-ı tımar ve za‘îm ve zü‘emâ tâifesin evlerinden ihrâc ve bir yerde meks ü ârâm itdirmeyüp me’mûr oldukları sefer-i hümâyûna ve muhâfazaya me’mûr olanları muhâfazaya ve (tahrip olmuş) ve korucu tâifesin Dersa‘âdet’e irsâl eylemek içün fermân-ı âlişân ile izzetlü Hüseyin Paşahazretleri tarafından dahi kıdvetü’l-emâsil ve’l-akrân onuncu bölük Hüseyin Çavuş zîde kadruhû sürücü nasb ve ta‘yîn olunmağın işbu mektûb tahrîr ve irsâl kılınmışdır inşaallahurrahman vusûlünde taht-ı kazâlarınızda mücemmi‘i nâs olan mahallerde
143
dellaller nidâ ve cümleye i‘lâm ve işâ‘at itdiresin ve yine olmayup bir özr ile ve yâhud bir kimesnenin mu‘âvenetle sefere gitmeyüp evlerinde kalalar izzetlü paşa-yı müşârun-ileyh ocak tarafından ta‘yîn olunan çavuş-ı merkûm avdetlerinde haklarından gelecekleri i‘lâm eyleyesin sen ki çavuş-ı merkûmsun ba‘de’t-tenbîh mütenebbih olmayup evlerinde kalan askerî tâifesin fermân-ı âlişânım mefhûm-ı sa‘âdet-i makrûnu üzere izzetlü paşa-yı müşârun-ileyh ma‘rifetiyle haklarından gelesin şöyle ki (tahrip olmuş) kân düşüp tavâif-i mezbûrdan bir akçe ve ziyâde habbe alup ziyâde himâyet eylemeyüp evlerinde alıkoyup olursun sonra bir vechle özrün kabûl olmayup ıtâb ve ıkâba müstahak olman mukarrerdir ona göre (tahrip olmuş) endîş olup mûcib-i mektûb ile âmil olasın ve’s-selâm tahrîren fî evâhir-i şehr-i Saferşehr-i’l-hayr sene sşehr-itte ve tşehr-is‘în ve elf
El-fakîr Zülfikar ağa-yı yeniçeriyân-ı Dergâh-ı âlî
154/74-1
Eşkıyanın Yakalanması
Âlişânım sâdır olmuşdur buyurdum ki vusûl buldukda bu bâbda sâdır olan fermân-ı celîlü’l-kadrim üzere amel idüp dahi siz ki kadılar ve kethüdâyerleri ve yeniçeri serdârları ve a‘yân-ı vilâyet ve sâir iş erlerisiz bi’l-cümle darb ve harbe kâdir iş erleri ile mîrimîrân-ı müşârun-ileyh ma‘rifetiyle Yunddağı ve Kebe Çınar nâm mahalde kat‘-ı tarîk ve şekâvet ve fesâd ile ebnâ-yı sebîlin yollarına inüp nehb ü gâret ve fesâd üzere olan eşkiyâyı bi-eyy-i vech-i kân ahz ve ele getürmekde ziyâde takayyüd ve ihtimâm idüp şer‘le haklarında lâzım geleni icrâ ve ehl-i fesâda himâye ve müsâmahadan ve kendü hâlinde olanları hilâf-ı şer‘-i şerîf rencîde ve remîde bu bahâne ile bir akçe ve habbe alınmakdan begâyet ihtirâz ve ictinâb üzere olup sâdır olan fermân-ı hümâyûnun mazmûn-ı münîfi icrâsına dakîka fevt eylemeyesiz şöyle bilesiz alâmet-i şerîfe i‘timâd kılasız tahrîren fî evâhir-i Şehr-i Saferi’l-hayr li-sene sitte ve tis‘în ve elf
Be-makâm-ı Edirne el-mahrûse Kayd fî 21 Şehr-i Rebiülâhir sene 96
144
154/74-2
Gevher Sultan’ın Paşmaklık Hassı Reayasından Haksız Vergi Alınmaması
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâhibü’l-izz ü ve’l-ihtişâm el-muhtass bi-mezîdi inâyeti’l-meliki’l-a‘lâ Anadolu Beğlerbeğisi…….. ve ber-vech-i arpalık Saruhan sancağına mutasarrıf olan dâme ikbâluhû akzâ kuzâtü’l-müslimîn evlâ vülâtü’l-muvahhidîn ma‘denü’l-fazl yakîn hüccetü’l-hak ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bimezîdi inâyeti’l-meliki’l-mu‘în Mevlânâ Kütahya kadısı zîdet fezâiluhû tevkî‘-i refî‘-i hümâyûn vâsıl olıcak ma‘lûm ola ki seyyidetü’l-muhadderât ekliyyetü’l-muhassenât tâcü’l-mestûrât Gevherhân Sultan dâmet ismetuhânın başmaklığı hâslarından (tahrip olmuş) ve (tahrip olmuş) haslarının re‘âyâsı ordu-yı hümâyûnuma arz-ı hâl ve adem gönderüp hâs-ı merkûm serbest olup hâricden dahl olunmak îcâb itmez iken mîrimîrân ve mirlivâ ve voyvodaları ve subaşıları ve sâir ehl-i örf tâifesi taraflarından karyelerine gelüp müft ve meccânen yem ve yemek ve sâir me’kûlâtların aldıklarından mâ‘adâ devr-i selâmiye ve nal‘i bahâ nâmıyla akçelerin alup ta‘addîden hâlî olmadıkların bildirüp ol vechle dahl ve rencîde itdirilmeyüp men‘ ve def‘ olunmak bâbında emr-i şerîfim ricâ eyledükleri ecilden hilâf-ı şer‘ ve kânûn rencîde itdirilmemek emrim olmuşdur buyurdum ki vusûl buldukda bu bâbda sâdır olan emrim üzere amel idüp dahi husûs-ı mezbûru tamâm hak ve adl üzere tefahhus idüp göresin i‘lâm olunduğu üzere ise eyyâm-ı sa‘âdetimde fukarâya bir ferde zulm ve ta‘addî olunduğuna rızâ-yı şerîfim yokdur mîrimîrân ve mirlivâ voyvoda ve subaşılarına ve sâir ehl-i örf tâifesinden olan mezbûrlara muhkem tenbîh ve te’kîd eyleyesin ki karyelerine gelüp müft ve meccânen yem ve yemek ve sâir devr-i selâmiye ve na‘l bahâ nâmıyla dahl ve rencîde itmeyeler ve itdirmeyüp men‘ ve def‘ eyleyesin ba‘de’t-tenbîh isimleyüp vech-i meşrûh üzere