154/45-1 Tımar Tevcihi - 154 numaralı Manisa Şer`iyye Sicili`nin transkripsiyon ve değerlendir

Nâhiye-i Mağnisa der-livâ-i Saruhan Ahmed

karye-i (tahrip olmuş) tâbi‘ m. 14000

An-tahvîli Ahmed der muhâfaza-i Budin nâ-mevcûd

Kıdvetü’l-emâsil ve’l-akrân Saruhan Sancağı Alaybeğisi Ahmed zîde kadruhû dîvân-ı Budin’e mektûb gönderüp Saruhan sancağında Mağnisa nâhiyesinde (tahrip olmuş) nâm karye ve gayrıdan on dört bin akçe tımara mutasarrıf olan Ahmed

me’mûr olduğu Budin muhâfazasında bulunmayup nâ-mevcûd olmağla ol vechle tımarı mahlûl olmağın bundan akdem yararlığı arz olundukda ibtidâdan beş bin akçe tımara ve emekdar olmağla üç def‘a üçer bin akçe terakkîlere tevârih-i mezbûr ile elinde evâmir-i şerîfe olan kara gözlü kara kaşlu orta boylu diğer Ahmed kullar ıçün mahal ve müstehakdır deyu virilmek bâbında inâyet ricâsına arz itmeğin sene sitte ve tis‘în ve elf Rebiülevvelinin yirmi beşinci gününde olan tahvîl-i tam mûcibince tımarı olduğu sancakda sâkin olup alaybeğisi bayrağı altında sefere işmek şartıyla tımar-ı mezbûr sancağı askeriyle me’mûr olduğu Budin Kal’ası muhâfazasına gelmeyüp nâ-mevcûd olan Ahmed tahvîlinden ibtidâdan terakkîleri bedeli merkûm diğer Ahmed kullarına tevcîh virilmek emr-i şerîf-i âlişân sadaka buyrulmak içün tezkire virildi tahrîren fi’t-târihi’l-mezbûr

Kal‘a-i Budin el-mahrûse Kayd fî 25 Şaban sene 96

154/45-2

İvaz Paşa Camii Vakfının Koldere Karyesindeki Tımarının Mirahur Yusuf Ağa’ya Tevcihi

Vech-i tahrîr-i hurûf budur ki Mağnisa’da merhûm El-hac İvaz Paşa binâ eyledüği câmi‘-i şerîfin Belen nâhiyesinde Koldere nâm karyede câmi‘-i şerîfin tımarını üç sene zabt içün işbu bin doksan altı mart ibtidâsından ve her senesi yüz altmış esedî kuruş olmak üzere izzetlü Abdi Paşa hazretlerinin mirahûrı Yusuf Ağa’ya virmişdir mahlûlü ve beyânesi biledir ve Yusuf Ağa cânib-i vakfa her sene yüz altmış esedî kuruşu cânib-i vakfa edâ itmek üzere üzerine der-uhde eylemişdir tarafımızdan dahi yedine işbu temessük virilmişdir ki taraf-ı âhardan kimesne mâni‘ olmaya

Kayd-ı fî 6 Min Şabani’l-mu‘azzam sene 96

154/45-3

Turgutlu’daki Mustafa Ağa Camii’nin Çalışanlarına Maaşlarının Verilmesi

Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmi’l-enbiyâi ve’l-mürselîn el-muhtass

bimezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû tevkî‘i refî‘i hümâyûn vâsıl olıcak ma‘lûm ola ki kazâ-i mezbûr müzâfâtından Turgudlu nâhiyesinde Piyale Çavuş oğlu Mustafa Ağa binâ eyledüği câmi‘i şerîfin bi’l-fi‘il berât-ı şerîfimle imam ve hatîb ve sâir mürtezikaları Dergâh-ı Mu‘allam’a arz-ı hâl idüp bunlar câmi‘-i mezbûrun bi’l-fi‘il berât-ı şerîfimle imam ve hatîb ve sâir mürtezikaları olup berâtları mûcibince hizmetleri mukâbelesinde müstahak oldukları vazîfelerin vakf-ı mezbûr mütevellîsinden hazîne-i âmiremiz alınduğu minvâl üzere taleb eylediklerinde mütevellî-i mezbûru kuruş ve esedî kuruş ziyâdeye teklîf idüp gadr eylediği bildirüp hazîne-i âmireme alunduğı minvâl üzere alıvirilmek bâbında emr-i şerîfim ricâ eyledikleri ecilden vech-i meşrûh üzere amel olunmak emrim olmuşdur buyurdum ki vusûl buldukda bu bâbda sâdır olan emrim üzere amel idüp dahi berâtları mûcibince hizmetleri mukâbelesinde müstehak oldukları

154/46-1

Yeniçeri Serdarı Tayini

İzzetlü ve fazletlü Efendi hazretlerinin huzûrlarına tahiyyât-ı sâfiyât ittihâfından sonra inhâ-i muhlisâne olunan oldur ki zîr-i hükûmetiniz olan Mağnisa’da vâki‘ yeniçeri serdârı ref‘ olunup yerine üslûb-ı sâbık üzere beşinci cema‘atin Mahmud Beşe serdâr nasb ve ta‘yîn olunmağın işbu mektûb tahrîr ve iş‘âr ve der-huzûr kılındı lede’l-ahvâl-i mezbûru serdarlık umuruna istihdâm buyurup âharı dahl itdirmeyesin ve ol cânibde yeniçeri ve acemî oğlanı ve topcu ve cebeci mezbûru üzerlerine serdar bilüp sözünden taşra ve re’yinden hâric vaz‘ itdirmeyüp belî‘ ve münkâd ve şer‘-i şerîfe itâ‘at ve inkıyâd üzere olalar ve tavâif-i mezbûreden bilâ vâris ma‘rûf fevt olanların muhallefât-ı metrûkâtda merkûme ahz ve kabz ve sevk-ı selâtinde füruht itdirüp hâsıl olan nakdîyi müfredât defteriyle mahzâ ve’l-kadrim bu cânibe irsâl itdirile ve lakin hilâf-ı şer‘ ve kânûn kimesneye rencîde itdirilmemesi bâbında mesâ‘î-i (tahrip olmuş) ve sen ki serdarsın taht-ı hükûmetinden ehl-i sefer yeniçeri ve topcu ve cebeci neferâtı me’mûr oldukları sefer-i hümâyûna yollayup bir ferde himâye eyleyüp alıkomayasun ve re‘âyâ zümresinden olanlara hilâf yere sâhib çıkmak re‘âyâlıklarında olalar şöyle bilüp mûcib-i mektûb ile âmil olasız fi’l-yevmi’l-âşir min şehr-i Recebi’l-mürecceb li-sene sitte ve tis‘în ve elf Zülkadir Ağa-yı yeniçeriyân-ı Dersa‘âdet hâla

95 Kayd fî 22 min Receb sene 96

154/46-2

Sahte Berat ile Tımara Tasarrufun Engellenmesi

Vech-i tahrîr-i temessük budur ki işbu bin doksan altı senesinde berât-ı âlişânımla mutasarrıf olduğum Mağnisa nâhiyesinde Sofular nâm karye ve gayrıdan bin akçe tımarımızı muhaddemâ Hacı Hasan nâm kimesne zabt eyledim deyu sahte temessük ibrâz itmekle ve tarafımızdan dahi temessük virilmediği ecilden azl idüp yine tarafımızdan tımarı mezbûru El-hac Mustafa’ya kemâkân ibkâ ve mukarrer olunup sene-i mezbûrede vâki‘ olan a‘şâr-ı şer‘iyye ve sâir âid olan mahsûlâtı her ne ise kadîmden olıgeldüği üzere mezkûr Hacı Mustafa’ya ahz ve kabz idüp zabt-ı tasarrufuna âhardan kimesne mâni‘ olunmamak içün işbu temessük virilmişdir tahrîren fî 25 Recebi’l-mürecceb li-sene sitte ve tis‘în ve elf

Kayd fî 28 min Recebi’l-ferd sene 97 El-fakîr Mehmed Beğ

154/47-1

Sahte Berat ile Tımara Tasarrufun Engellenmesi

Vech-i tahrîr-i temessük budur ki işbu doksan altı senesinde berât-ı âlişânla mutasarrıf olduğum Mağnisa kazâsında Sofular nâm karye ve gayrıdan dokuz yüz akçe tımarımızı mukaddemâ El-hac Hasan nâm kimesne zabt eyledim deyu sahte temessük ibrâz itmekle tarafımızdan temessük virilmediği ecilden mezbûr Hacı Hasan’ı azl idüp bile tarafımızdan sene-i mezbûru El-hac Mustafa’ya kemâkân ibkâ ve mukarrer olunup vâki‘ olan a‘şâr-ı şer‘iyye ve sâire âide olan cüz’î ve küllî mahsûlâtı her ne ise kadîmden olıgeldiği üzere ahz ve kabz itdirüp zabt ve tasarrufuna mezkûr El-hac Hasan taraf-ı âhardan kimesne mâni‘ olmamak içün işbu temessük tahrîr olunup virilmişdir tahrîren fî 25 Recebi’l-ferd li-sene sitte ve tis‘în ve elf

Kayd fî min 28 min Recebi’l-ferd sene 96 El-fakîr Mustafa Beğ

154/47-2

Sahte Berat ile Tımara Tasarrufun Engellenmesi

Vech-i tahrîr-i temessük budur ki işbu doksan altı senesinde berât-ı âlişânla mutasarrıf olduğum Mağnisa kazâsında Sofular nâm karye ve gayrıdan bin akçe tımarımızı mukaddemâ El-hac Hasan nâm kimesne zabt eyledim deyu sahte temessük ibrâz itmekle tarafımızdan temessük virilmediği ecilden mezbûr Hacı Hasan’ı azl idüp bile tarafımızdan sene-i mezbûru El-hac Mustafa’ya kemâkân ibkâ ve mukarrer olunup vâki‘ olan a‘şâr-ı şer‘iyye ve sâire âide olan cüz’î ve küllî mahsûlâtı her ne ise kadîmden olıgeldiği üzere ahz ve kabz itdirüp zabt ve tasarrufuna mezkûr El-hac Hasan taraf-ı âhardan kimesne mâni‘ olmamak içün işbu temessük tahrîr olunup virilmişdir tahrîren fî 25 Recebi’l-ferd li-sene sitte ve tis‘în ve elf

Kayd fî min 28 min Recebi’l-ferd sene 96 Kethüdâyeri

154/47-3

Sahte Berat ile Tımara Tasarrufun Engellenmesi

Kayd fî min 28 min Recebi’l-ferd sene 96 El-fakîr Mustafa Beğ

154/47-4

Sehven Tevcih Edilen Tımarın Asıl Sahibine Verilmesi

Vech-i tahrîr-i hurûf budur ki bundan akdem Sofular tımarına mutasarrıf olan Halil fevt olup tımar-ı mezbûr ol vechle beytü’l-mâlden zabtıçün bundan akdem El-hac Mustafa’ya temessük virilmiş idi zabt eylemek üzere iken sehven bir âhara dahi temessük virilmiş def‘ olunup yine El-hac Mustafa’ya tekrar temessük-i cedîd virilmişdir gerekdir ki tımarı mezbûru zabt idüp âhardan müdâhale olunmaya tahrîren fî 29 min Receb fî 96

Kayd fî selh-i Receb sene 96

El-fakîr Mahmud serdâr beytü’l-mâl-i âmme

154/47-5

Hamza Efendi (Yarhasanlar) Camiine Vaiz Tayini

Nişân-ı şerîf-i âlişân budur ki

Çün avâtıf-ı vâfire-i şâhânem da‘vât-ı mekâtib-i bendkânem mahal ve müstehak irtifâ‘-ı şân ve müteveccib-i i‘tilâmkân olanlar hakkında mebzûl ve bî-deriğdir binâen alâ zâlik Mağnisa’da vâki‘ Hamza Efendi câmi‘-i şerîfinde yevm-i cum‘ada vâ‘iz ve nâsih olan ulemâdan işbu râfi‘u tevkî‘u refî‘-i hümâyûn Şeyh Ali zîde ilmuhû bi’l-fi‘il berât-ı şerîfimle ve hüccet-i şer‘iyyemle mutasarrıf olup mûcib-i azli yoğiken âhardan Mehmed nâm kimesne alup mezbûre küllî gadr itmekle

154/48-1

Subaşı, Mütesellim ve Mirimiran Olanların Halktan Subaşılık, Selamiye devr ve Seferiye Adları Altında Ziyade Vergi Taleb Ettikleri ve Bunun Men Olunması

Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hakk ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bi-mezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû ve kıdvetü’l-kuzât ve’l-hükkâm ma‘âdinü’l-fezâil ve’l-kelâm Adala kadısı zîde fezâiluhû tevkî‘u refî‘u hümâyûn vâsıl olıcak ma‘lûm ola ki Adala kazâsı ahâlisi Dergâh-ı Mu‘allam’a arz-ı hâl gönderüp Saruhan Sancağı hâs olmazdan mukaddem

sancak subaşılarına her üç ayda bir subaşılık ve devr ve selâmiye nâmıyla ikişer yüz kuruş ve mirlivâ olanlara sefere gitdiklerinde devr ve seferiye nâmına dörder yüz kuruş matbah bahâ rızâları ile viregelmişler iken hâlâ livâ-i mezbûr mütesellimi olanlar kana‘at itmeyüp ziyâde akçelerin aldıklarından mâ‘adâ mîrimîrân ve sâirleri taraflarından dahi hilâf-ı şer‘-i şerîf ve bi-gayr-ı hakkın akçe talebiyle dahl ve rencîde eylediklerin bildirüp ol bâbda hükm-i hümâyûnum ricâ eyledikleri ecilden kânun-ı kadîmden ziyâde bir akçeleri alınmamak emrim olmuşdur buyurdum ki hükm-i şerîfim vusûl buldukda bu bâbda sâdır olan fermân-ı celîlü’l-kadrim mûcibince amel dahi husûs-ı mezbure tamâm hak ve adl üzere mukayyed olup göresiz i‘lâm olunduğu üzere ise eyyâm-ı sa‘âdet encâmımla bir ferde ta‘addî olunduğuna kat‘an rızâ-i şerîfim yokdur mirlivâ mütesellim ve subaşı olanlara kadîmden rızâları ile viregeldiklerinden ziyâde subaşılık ve devr ve seferiye ve matbah bahâ nâmıyla ziyâde akçelerin almayalar ve aldırmayup men‘ ve def‘ eyleyesin men‘-i birle memnû‘um olmayup vech-i meşrûh üzere ta‘addî ve tecâvüz iderler ise vukû‘u üzere yazup arz eyleyesin min ba‘d hilâf-ı kânûn ve mugâyir-i emr-i hümâyûn kimesneye iş itdirmeyesin husûs-ı mezbûr içün tekrar şikâyet olunmalu itmeyesin şöyle bilesin alâmet-i şerîfe i‘timâd kılasın tahrîren fî evâsıt-ı Cemâziyelâhire sene hamse ve tis‘în ve elf

Be-makâm-ı Edirne el-mahrûse Kayd fî 17 min Recebi’l-ferd sene 96

154/48-2

Subaşı, Mütesellim ve Mirliva Olanların Halktan Selamiye Devr Seferiye Adları Altında Ziyade Akçe Taleb Ettikleri ve Bunun Men Olunmasına Dair

Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hakk ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bi-mezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû ve kıdvetü’l-kuzât ve’l-hükkâm ma‘âdinü’l-fezâil ve’l-kelâm Adala kadısı zîde fezâiluhû tevkî‘-i refî‘-i hümâyûn vâsıl olıcak ma‘lûm ola ki sen ki Adala kadısı mevlânâ İbrahim zîde fazluhûsun Dergâh-ı Mu‘allam’a mektûb gönderüp Saruhan sancağında vâki‘ Adala kazâsının eimme ve hutebâ ve meşâyih ve fukarâ ve sâir re‘âyasın bi-cem‘ihim meclis-i şer‘-i şerîfe varup livâ-i mezbûr hâs olmazdan

mukaddem sancak subaşılarına her üç ayda bir subaşılık ve devr ve selâmiye nâmıyla ikişer yüz kuruş ve mirlivâ olanlar sefere gitdiklerinde devr ve seferiye nâmıyla dörder yüz kuruş matbah bahâ rızâlarıyla viregelüp ve yine virmeğe râzılar iken hâlâ ber-vech-i arpalık livâ-i mezbûre mutasarrıf olan düstûr-ı mükerrem ve müşîr-i mufahham nizâmü’l-âlem vezîrim Halil Paşa edâmallâhu te‘âlâ iclâlehûnun mütesellimi tarafından Halil nâm kimesne kanâ‘at eylemeyüp elimde emrim vardır deyu (tahrip olmuş) ve iki bin kuruş (tahrip olmuş) re‘âyâ fukarâsın rencîde ve remîde idüp perâkende ve perîşân olmalarına bâ‘is oldukların bildirüp ol bâbda vâki‘ hâlî hükm-i hümâyûnum virilmek ricâsına ilâ (tahrip olmuş) arz eyledüğin ecilden kazâ-i mezbûr ahâlisi talebiyle mukaddemâ virilen emr-i şerîfim mûcibince min ba‘d evvel emir-i şerîfime mugâyir re‘âyâ fukarâsından ziyâde bir akçe ve habbe taleb olunmamak emrim olmuşdur buyurdum ki hükm-i şerîfim vusûl buldukda bu bâbda sâdır olan emrim üzere amel dahi siz ki (tahrip olmuş) mûmâ-ileyhimâsız husûs-ı mezbûre mukayyed olup görüp arz olunduğu üzere ise âbâ ve sa‘âdet encâmımda re‘âyâ fukarâsına ol vechle zulm ve ta‘addî olunduğuna kat‘a rızâ-yı şerîfim yokdur mukaddemâ kazâ-i mezbûr ahâlisi yedlerine virilen emr-i şerîfim mûcibince livâ-i mezbûr hâs olmazdan mukaddem sancak subaşılarına üç ayda bir subaşılık vedevr ve selâmiye nâmıyla ikişer yüz kuruş ve mirlivâ olanlar sefere gitdiklerinde devr ve seferiye nâmına dörder yüz kuruş matbah bahâsı rızâlarıyla virdiklerinden sonra min ba‘d hâlâ livâ-i mezbûr mütesellimi ve subaşıları ve ademlerine ol emr-i şerîfime mugâyir elimizde emrimiz vardır deyu re‘âyâ fukarâsından ziyâde bir akçe ve bir habbe taleb itdirmeyüp men‘ ve def‘ eyleyesiz memnû‘ olmayup itâ‘at-ı emr-i şerîfim itmezler ise isim ve resimleri ile yazup arz ve i‘lâm eyleyesiz min ba‘d şer-i şerîfe ve mukaddemâ ve hâlâ virilen evâmir-i şerîfime muhâlif bir kimesneye iş itdirmeyesiz tekrar şikâyet itdirmeyesiz şöyle bilesiz alâmet-i şerîfe i‘timâd kılasız tahrîren fî evâhir-i şehr-i Saferi’l-hayr li-sene sitte ve tis‘în ve elf

Be-makâm-ı Edirne El-mahrûse

100

154/49-1

Yunddağı Hassı Reayasının Avarız Vergisi Vermemek İçin Ayaklanması

Şeri‘at- şi‘âr-ı fezâil ve sâr Yunddağı mukâta‘ası re‘âyâsı sâkin olan yerlerin kadıları zîde fezâiluhum oldur ki bu sene-i mübârekede Aydın ve Saruhan muhassılı olan kıdvetü’l-emâsil ve’l-akrân Osman Ağa zîde kadruhûnun iltizâmında olan aklâmında Yunddağı nâm cebelde vâki‘ olan kurâ ahâlilerine üzerlerine edâsı lâzım gelen rüsûm-ı ra‘iyyetlerin virmemeleriyle bundan akdem vilâyet-i Anadolu’da müfettiş olan sa‘âdetlü Ali Paşahazretlerine hitâben fermân-ı âlişân sâdır olup merkûmun uhdesinde olan muhassıllık iltizâmına dâhil Elliciyân re‘âyâsının üzerlerinde avârızları olmayup mukâbelesinde kadîmden bu âna değin tobdan rüsûmlar ıçün dörder kuruş viregelmişler iken kanun-ı kadîm üzere taleb eylediklerinde virmekde ta‘allül ve muhâlefet idüp mâl-i pâdişâhîye gadr eylediklerin bildirüp sa‘âdetlü Ali Paşa tarafından ta‘yîn olunan mübâşir ile varılup iki def‘a mahzar ve mürasele irsâl olunup itâ‘at-i şer‘-i şerîf ve ittisâl-i emr-i şerîf itmekdiklerinden gayrı erbaşlarından Kurşebe nâm karyeden El-hac Emir oğlu Süleyman ve Tavuk Çukuru karyesinden Hacı Himmet oğlu Hasan ve İsmail karyesinden El-hac Ali ve Çerdekli karyesinden Topal oğlu ve Orta karyesinde Kulaksız ve Çamlı karyesinde İvaz nâm kimesneler cümleten kurâ ahâlilerin tahrik ve sekiz yüz miktarı tüfenkle cem‘ idüp inkıyad itmediklerin İzmir mollası fazîletlü Efendi Dersa‘âdete arz eyledüği ecilden tekraren tarafımıza hitâben mü’ekked tahsîli bâbında fermân-ı şerîf vârid olmağın ber-mûceb-i fermân-ı âlî buyruldı isdâr ve ağa-yı mezbûr kıdvetü’l-emâsil ve’l-akrân Mürtezâ Ağa zîde kadruhû ta‘yîn ve irsâl kılınmışdır vusûlünde gerekdir ki merkûmun miri mübâşir-i mûmâ-ileyh ma‘rifetiyle ihzâr-ı şer‘ eyleyüp yedinde olan fermân-ı şerîf ve berâtı zinhâr ta‘allül ve bahâne itdirmeyüp bu makûle mâl-ı mîrî tahsîline mâni‘ olanlar kimesneleri ahz ve kabz itdirüp kendimiz varıncaya değin mübâşir-i mûmâ-ileyhe teslîm eyleyesiz ve husûs-ı mezbûr ehem-i dîn ü devlet olmağın cânib-i mîrîye gadr olmakdan ve hilâf-ı şer‘ ve kânûn kimesneye iş itdirmekden ihtirâz idüp kendümiz varıncaya dek mâl-ı mîrî tahsîline ihtimâm eyleyesiz deyu fermân

Fî 9

101

154/49-2

Avarız Vergisi Tahsili Anlaşmazlığı

Şer‘i şerîf-i nebevî ve müstemedet-i Mustafavî ve Mevlânâ (tahrip olmuş) Efendi hazretlerinin mecâlis-i ünvanları ve himmet kesret cevâhir-i anber en-nesî letâfet imtizâcların suâl olundukda nef‘at-ı hâfır olunup hemvâre makâm-ı devlet vâris ile mesnet-nişîn olalar fîmâ ba‘d nâkil-i sahîfe-i sûret-i sâdıradan sancağı muhassılı olan Osman Ağa tarafımıza ithâfen fermân-ı şerîf ibrâz idüp ber-mûceb-i fermân-ı âlî buyruldı isdâr ve cenâb-ı şerîflerine (tahrip olmuş) tahrîr ve irsâl kılınmışdır lede’l-husûl tarafımızdan varan ağa-yı müşârun-ileyh ma‘rifetiyle merkûm Osman Ağa’nın tarafımızdan irsâl olunan (tahrip olmuş) yanına bir nâibinizi koşup mahallindemi olur yoksa tarafınızdan mı olur ihzâr-ı husemâ kılup ber-mûceb-i fermân-ı âlî üzerlerber-mûceb-ine edâsı lâzım gelen rüsûmâtlarını yedber-mûceb-inde olan fermân ve defter mûcibince bî-kusûr el-hâtır olmamız mukarrer ve me’mûldür ki mûcibince ol cânibde varduğumuzdan tekraren himmet gelmekle efendimiz askeri tâifesinin üzerlerine ve yerlerinde sâkin bu âna değin mukayyed olmayup sefer-i hümâyûnuma gitmedikleri mesmû‘umuz olmakla bu makûle itâ‘at-i emr-i pâdişâhî itmeğin ancak (tahrip olmuş) dahi muhkem tenbîh ve ikdâm buyurup vardukları mahalle sâirleri himmet (tahrip olmuş) (tahrip olmuş)

154/50-1

Kassam-ı Askeri tayini

Meclis-i şerîf-i (tahrip olmuş) ve mahfel-i münîf-i fezâil-i (tahrip olmuş) savbına kemâl-i ta‘zîm ve tekrîmden sonra inhâ-i muhlis olunur ki işbu sene sitte ve tis‘în ve elf Cemâziyelâhiresi gurresinden Mağnisa kazâsının umûr-ı kısmet-i askeriyesi tarafımızdan size tefvîz olunmuşdur me’mûldür ki vâki‘ olan mevtâ-yı askeriye muhallefâtını tahrîr ve terkîm ve beyne’l-verese bi’l-farîzati’ş-şer‘iyye tevzî‘ ve taksîm husûsunda sa‘y ve ihtimâm üzere olasız ve’s-selâm bi’l-ikrâmi’t-tâm huriye fi’t-târihi’l-mezbûr li-seneti’l-mezbûre.

Kayd fî 26 min Cemâziyelâhir sene 96 El-fakîr Feyzullah be-asâkir-i Anadolu

102

154/50-2

Sinan Bey Vakfına Ait Mukataların İltizamı

Vech-i tahrîr-i hurûf budur ki merhûm ve mağfûrun leh Sinan Beğ’in evfkafıdnan olup vilâyet-i Anadolu’da Mağnisa kazâsında Yörükan ve Evtaş cema‘atlerinin zimmetlerine lâzım gelüp cânib-i vakf-ı şerîfe resm-i ra‘iyyet kayd olunan âdet-i ağnâm ve resm-i bennâk ve sâir rüsûmlarını işbu bin doksan altı senesinde vâki‘ mart ibtidâsından bir sene tamâmına değin zabt itmek üzere işbu sâhibetü’t-temessük kudvetü’l-emâsil ve’l-akrân Bostânî Ahmed Beğ’e ber-vech-i maktû‘ bin üç yüz kuruşa der-uhde ve iltizâm olunup mezbûr dahi celb-i hâtır ile iltizâmı kabûl eyledikden sonra meblağ-ı mezbûrdan ber-vech-i peşîn yüz elli kuruş bundan vakfiçün ahz ve kabz ve bâkî kalan yüz elli kuruş dahi tarih-i kitâbdan yüz elli gün tamamında vakfa edâ eylemek üzere ta‘ahhüd itmekle tevliyetim hasebiyle işbu temessük ketb ve tahrîr ve yedine virildiği zikr olunan re‘âyâlar kolu nefer ve rızâ ve ta‘allüm ve maktû‘ü’l-kadem serbest olmağla hâzır olan mahsûl vakfı cüz’î ve küllî serbest üzere zabt idüp vakfıçün ahz ve kabz eyleye âhardan kimesne

Belgede 154 numaralı Manisa Şer`iyye Sicili`nin transkripsiyon ve değerlendirmesi (1095 -1096/1684 -1685 ) (sayfa 123-134)