Nâhiye-i Mağnisa der-livâ-i Saruhan Karye-i Sakarkaya 3800 kuruş
Karye-i Çataklu tâbi‘ mezbûr 4000 kuruş =7800 kuruş
An tahvîlât Şahbaz ve Ali ve sefer-i hümâyûn ve muhâfaza-i Budin
Kıdvetü’l-emâsil ve’l-akrân Saruhan Sancağının Alaybeğisi Ahmed zîde kadruhû dîvân-ı Budin’e mektûb gönderüp livâ-i mezbûrede Mağnisa nâhiyesinde Sakarkaya nâm karye ve gayrıdan üç bin sekiz yüz akçe tımara mutasarrıf olan Şahbaz ve yine livâ-i mezbûrda ve nâhiye-i mezkûrda Çataklu nâm karye ve gayrıdan dört bin akçe tımara mutasarrıf olan Ali beş altı seneden beru vâki‘ sefer-i hümâyûnlarda ve Budin Kal‘ası muhâfazasında gelmeyüp tımar-ı mezbûru bî-hâsıl olup kimesne rağbet etmediğinden ol vechle mahlûl olmağın ve yine bundan akdem yararlığı arz olundukda ibtidâdan beş bin akçe tımara ve emekdar olduğu üç bin akçe tertîbe tevârih-i muhtelife ile evâmir-i şer‘iyyesi olan…. boylu ……... gözlü……. kaşlu mezkûr Mehmed kulları içün mahal ve müstehakdır deyu iki bî-hâsıl tımarlar
112
virilüp berât olmak üzere virilmek bâbında inâyet ricâsına arz itmeğe sene sitte ve tis‘în ve elf Rebiülâhirinin evâhirinde virilen tahvîl mûcibince tımar olunduğu sancakda sâkin olup Alaybeğisi bayrağı altında sefer işmek şartıyla zikr olunan yedi bin sekiz yüz akçe tımarların tahvîlleri ber-vech-i meşrûh üzere beş altı seneden beru vâki‘ olan sefer-i hümâyûnda muhâfaza-i mezbûra gelmeyen merkûm Ali tahvîlinden
154/56-1
Bender Kalesi Seferine Katılmaya Emir
Sen ki sürüci çavuşumsun ba‘de’t-tehiyye üç güne değin bayrağın açup neferinle vilâyetinden çıkup serdârı Kal‘a-i Bender hakkından gelinmek içün arz ve i‘lâm eylemişsin bi’l-fi‘il vezâretle Dergâh-ı Mu‘allam yeniçerileri ağası olan düstûr-ı mükerrem müşîr-i mufahham nizâmü’l-âlem vezîrim Zülkadir Paşaedâmallâhu te‘âlâ iclâlehu tarafından mühürlü mektûb virilmekle mûcibince amel olunmak bâbında fermân-ı âlişânım sâdır olmuşdur buyurdum ki vusûl buldukda bu bâbda sâdır olan fermân-ı celîlü’l-kadrim ve müşârun-ileyh tarafından virilen mühürlü mektûb mûcibince amel idüp min ba‘d hılâfına rızâ ve cevâz göstermeyesiz şöyle bilesiz alâmet-i şerîfe i‘timâd kılasız tahrîren fî şehr-i Rebiülevvel sene sitte ve tis‘în ve elf
Be-makâm-ı Edirne El-mahrûse
154/56-2
Sefere Katılmaya Emir
Efâzıl-ı şi‘âr-ı fazîlet ve sânri Anadolu’nun sağ kolunda vâki‘ olan mevâlî-i izâm dâme izzuhum ve kuzât Efendi zîde fazluhum ve yeniçeri serdarları i‘lâm olunan oldur ki işbu sene-i mübârekede mukarrer ve muhakkak sefer-i hümâyûna gelmek içün bayraklarınız açup taht-ı hükûmetinizde vâki‘ kasabât ve kurâlardan yeniçeri tâifesinin gerek sahîhü’l-esâmî ve gerek çalık umûmen bayrağınız altına alup ve önlerine düşüp nevrûz-ı sultâniyle Edirne sahrâsında mevcûd bulunasız deyu bundan akdem sizlere mektûb gönderilmiş idi ihmâl ve müsâhele idüp ve âna değin yerlerinizden hareket eylemediğiniz ecilden tecellî-i ıtâb ve ıkâba müstahak olmuşsunuz hâliyâ husûs-ı mezbûr içün fermân-i şerîf sâdır olmağın işbu mektûb
113
tahrîr ve otuz bölüğün kıdvetü’l-emâsil ve’l-akrân Mustafa Çavuş zîde kadruhû sürücü ta‘yîn olunup ol tarafa gönderilmişdir inşaallâhu te‘âlâ her hangınızın taht-ı hükûmetlerinde vâsıl olur ise sâdır olan fermân-ı şerîf mûcibince aslâ te’hîr ve tevakkuf eylemeyüp bayraklarınızı açup taht-ı hükûmetlerinizde olan gerek esâmîleri ve gerek çalık yeniçerileri umûmen bayrağının altına alup Edirne sahrâsına getürüp (tahrip olmuş) ve (tahrip olmuş) eyleyesiz ki esâmîleri olan odalarına irsâl olunup ve çalık olanlar dahi mütesahhih olunup sefer-i hümâyûna irsâl olunanlar ve ortak ve korucı olanlar dahi Âsitâne-i Sa‘âdet’e irsâl eyleyüp askerî tâifesinden bir ferdi vilâyetlerinde alıkoymayasız ki bundan sonra vilâyetlerinde kalanlar eşedd-i ukûb ile cezâ tertîb olunur sen ki sürüci çavuş-ı merkûmsun husûs-ı mezbûre tekayyüd idüp her kangı serdarın ba‘de’t-tehiyye üç güne değin bayrağına açup ve neferâtını önüne katup vilâyetlerinden çıkmaz ise kendüsine kal‘a bend idüp bu tarafa arz ve i‘lâm eyleyesin ki ana göre haklarından geline şöyle bilüp mûcib-i mektûb ile âmil olasız tahrîren fî evâyil-i şehr-i Rebiülevvel sene sitte ve tis‘în ve elf
Kayd fî 16 min Cemâziyelâhir sene 96 Zülfikar Ağa-yı Yeniçeriyân-ı Dergâh-ı Ali
154/57-1
Zeamet Tevcihi
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâhibü’l-izz ü ve’l-ihtişâm el-muhtass bi-mezîdi inâyeti’l-meliki’l-a‘lâ Anadolu beğlerbeğisi Hasan dâme ikbâluhû tevkî‘i refî‘i hümâyûn vâsıl olıcak ma‘lûm ola ki ordu-yı hümâyûna mektûb gönderüp Saruhan Sancağında Mağnisa nâhiyesinde (tahrip olmuş) nâm karye ve gayrıdan yirmi iki bin akçe ze‘âmete mutasarrıf olan İsmail fevt olup ze‘âmeti mahlûl olmağla bundan akdem yararlığı arz olundukda ibtidâdan yirmi bin akçe ze‘âmete ve emekdâr olmağla üç bin akçe terakkîye tevârih-i muhteltevârih-ifelertevârih-iyle evâmtevârih-ir-tevârih-i şerîfe vtevârih-irtevârih-ilen uzun boylu elâ gözlü açık kaşlu dârende-tevârih-i fermân-ı vâcibü’l-iz‘ân kıdvetü’l-emâsil ve’l-akrân Abdi zîde kadruhûya virilmek bâbında inâyet ricâsına arz eyledüğin ecilden virilmek emrim olmuşdur buyurdum ki göresin mezkûr fevt olup ze‘âmeti mahlûl ise ve mezkûrun elinde ol mikdar ze‘âmet ve terakkîye emirleri var ise sancağında sâkin olan alaybeğisi bayrağı altında sefere
114
eşmek şartıyla tevcîh idüp tezkiresin viresin şöyle bilesin alâmet-i şerîfe i‘timâd kılasın tahrîren fi’l-yevmi’s-sânî şehr-i Rebiülevvel li-sene sitte ve tis‘în ve elf Be-makâm-ı Kal‘a-i Budin
El-mahrûse
Kayd fî 23 min Cemâziyelâhire sene 96
154/57-2
Zeamet Mahsulü Tevcihi
Vech-i tahrîr-i hurûf budur ki işbu bin doksan altı senesinde Saruhan Sancağında Mağnisa nâhiyesinde Devletcan nâm karye ve gayrıdan yirmi iki bin akçe ze‘âmete vekîli olduğumuz izzetlü Abdi Ağa’nın bin doksan altı senesinin mart ibtidâsından bir sene tamâmına değin a‘şâr-ı şer‘iyyesin ve mahlûlât ve resm-i beyânesin cüz’î ve küllî her ne olursa Mağnisa sâkinlerinden El-hac Receb’e iki yüz seksen kuruşa deruhde ve iltizâmlarına kabûl itmeksizin biz iki yüz seksen kuruşu vekâletimiz hasebiyle mezbûr Receb’den bi’t-tamâm ahz ve kabz olunup zabt ve rabtıçün yedine temessük virildi tarafımızdan ve taraf-ı âhardan bir ferd mâni‘ olmaya sene 1096
El-fakîr İbrahim el-vekîl
Kayd fî 23 min Cemâziyelâhir sene 96
154/57-3