Nâhiye-i Mağnisa der-livâ-i Saruhan Süleyman karye-i Seklik tâbi‘ M. Ze‘âmet 5000
An-tahvîli diğer Mehmed el-müteveffâ
Orta boylu elâ gözlü açık kaşlu mezkûr Mehmed ordu-yı hümâyûnuma gelüp bundan akdem yararlığı arz olundukda ibtidâdan beş bin akçe tımara emr-i şerîf virilüp ve Saruhan Sancağında Mağnisa nâhiyesinde Seklik nâm karye ve gayrıdan beş bin akçe tımara mutasarrıf olan diğer Mehmed fevt olup tımarı mahlûl olmağla kendüye virilmek bâbında inâyet ricâsına mezkûrun fevti vâki‘ olduğu livâ-i mezbûr
155
Alaybeğisi Mustafa zîde kadruhû i‘lâm itmekle mûcibince tevcîh olunmak ümerâ tımarı olduğu sancakda sâkin olup Alaybeğisi bayrağı altında sefere işmek şartıyla tevcîh olunmağ içün sene hams ve tis‘în ve elf Ramazanü’l-mübârek yirmi üçüncü günü tarihinde düstûr-ı mükerrem müşîr-i müfahham nizâmü’l-âlem bi’l-fi‘il Haleb vâlisi (tahrip olmuş) Engürüs seferinde asâkir sürmeğe serdâr-ı Ekrem olan vezîrim Mustafa Paşa edâmallâhu te‘âlâ iclâlehû tarafından hükm-i şerîf virildikden sonra tezkiresi ihrâc olunmak fermân (tahrip olmuş) ber-mûceb-i fermân-ı âlî zikr olunan tımar beş bin tımar vech-i meşrûh üzere müteveffâ-yı mezbûr Mehmed tahvîlinden ibtidâsı bedel-i mezkûr diğer Mehmed’e tevcîh olunmak (tahrip olmuş) berât-ı âlişân içün tezkire virildi tahrîren fî şehr-i Zilhicce sene sitte ve tis‘în ve elf
Kayd fî 28 min Şehr-i Rebiülâhir sene 96 (tahrip olmuş)
154/80-3
Avarız Vergisi Tahsili Anlaşmazlığı
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm (tahrip olmuş) el-muhtass bi-mezîdi inâyeti’l-meliki’l-a‘lâ Rumeli pâyesiyle Anadolu eyâletinde eşkiyâ teftîşine me’mûr olan ……. Paşadâmet me‘âlihû akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bi-mezîdi inâyeti’l-meliki’l-mu‘în Mevlânâ İzmir kadısı zîde fezâiluhû ve kıdvetü’l-kuzât ve’l-hükkâm ma‘deü’l-fazl ve’l-kelâm Mevlânâ Mağnisa kadısı zîde fazluhû tevkî‘i refî‘i hümâyûn vâsıl olıcak ma‘lûm ola ki doksan beş senenesine mahsûb olmak üzere Aydın ve Saruhan muhassılı olan Osman zîde kadruhû Dersa‘âdetime arz-ı hâl idüp uhdesinde olan muhassıllık iltizâmına dâhil olmayan re‘âyâsının
154/81-80-3
Üzerlerinde avârızları olmayup avârızları mukâbelesinde kadîmden bu âna değin tobdan rüsûmları içün dörder kuruş viregelmişler iken hâlâ kânûn-ı kadîm üzere viregelene muhâlefet idüp mîrîye gadr eylediklerin bildirüp mezbûrların üzerlerine edâsı lâzım gelen rüsûmların kânûn-ı kadîm üzere viregeldikleri üzere tahsîl itdirüp hilâf-ı şer‘ ve kânûn ta‘allül ve nizâ‘ itdirmemek bâbında emr-i şerîfim ricâ
156
eyledikleri ecilden imdi mâl-ı mîrîye gadr olunmamak üzere şer‘ ve kânûn üzere amel olunmak fermânım olmuşdur buyurdum ki hükm-i şerîfimle vardukda bu bâbda sâdır olan emrim üzere amel idüp dahi göresin mezbûrların üzerlerinde avârızların olmayup avârızları rüsûmları muhâsebesi kadîmden veregeldikleri üzere virmeyüp noksan üzere teklîf idüp gadr eyledikleri vâki‘ ise ol takdîrce şer‘le görüp mezbûrların üzerlerine edâsı lâzım gelen rüsûmların kânûn-ı kadîm ve viregeldikleri üzere tahsîl itdirüp hılâf-ı şer‘ ve kânûn ta‘allül ve nizâ‘ itdirmeyesin şöyle bilesin alâmet-i şerîfe i‘timâd kılasın tahrîren fi’l-yevmi’s-sâlis min şehr-i Rebiülâhir sene sitte ve tis‘în ve elf
Be-makâm-ı Edirne
Kayd fî 29 min şehr-i Rebiülâhir sene 96
154/81-1
Osmancalı Karyesi Ahalisinden Haksız Yere Avarız ve Resm-i Bennak Vergisi Alınmaması
Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn vâris-i ulûmü’l-enbiyâi ve’l-mürselîn huccetü’l-hak ale’l-halkı ecma‘în el-muhtass bimezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû ve kıdvetü’l-emâsil ve’l-akrân Saruhan Sancağı mütesellimi …..zîde kadruhû tevkî‘u refî‘u hümâyûnum vâsıl olıcak ma‘lûm ola ki Yunddağında vâki‘ Elliciyan re‘âyâsından Osmanlı nâm karye re‘âyâsı Dersa‘âdetime arz-ı hâl idüp biz her sene üzerimize edâsı lâzım gelen bedel-i avârız ve resm-i bennâkımızı kânûn ve defter mûcibince edâ idüp kusûrumuz yoğiken cem‘ine me’mûr olan kânûn ve defter mûcibince emti‘a kana‘at eylemeyüp hılâf-ı defter beher neferine ikişer kuruşumuzu alup ziyâde zulm ve ta‘addî eylediklerin bildirüp men‘ ve def‘ olunmayup defter mûcibince virdükden sonra hilâf-ı kânûn ve defter ikişer kuruş alurum deyu rencîde ve ta‘addî olunmak bâbında emr-i şerîfim ricâ eyledikleri ecilden hazîne-i âmiremde mahfûz olan mukâta‘a defterlerine nazar olundukda Saruhan sancağında Yunddağında vâki‘ Elliciyan re‘âyâsının avârızları bedel-i resm-i bennâk ve bedel-i avârız beher neferinden seksen üç akçe alınageldüği mestûr ve mukayyed bulunmağın imdi emr ve defterden ziyâde alınmaya deyu fermânım olmuşdur buyurdum ki hükm-i şerîfim vardukda bu bâbda sâdır olan emrim üzere amel idüp
157
dahi mezbûrlar resm-i bennâk ve bedel-i avârızların seksen üç akçeden virüp ve sâir hukûk ve rüsûmları kânûn-ı kadîm ve defter mûcibince viregeldiklerinden sizin hılâf-ı kânûn ve defter ikişer kuruş alurum deyu re‘âyâshılâf-ın rencîde ve remîde itdirmeyüp husûs-ı mezbûrdan tekrar şikâyet olunmalu eylemeyüp emr-i âhar irsâline muhtac eylemeyesin şöyle bilesin alâmet-i şerîfe i‘timâd kılasın tahrîren fi’l-yevmi’s-sâlis min şehr-i Cemâziyelevvel li-sene sitte ve tis‘în ve elf
Be-makâm-ı Kostantiniyye el-mahrûse Kayd fî 29 min şehr-i Rebiülâhir sene 96
154/82-1