Nişân-ı şerîf-i âlişân-ı sâmî-i mekân-ı sultânî ve tuğrâ-yı garrâ-yı cihan-sitân-ı hâkânî hükmü oldur ki
Kıdvetü’l-emâsil ve’l-akrân (tahrip olmuş) Alaybeğisi olan İbrahim zîde kadruhû Dergâh-ı Mu‘allam’a mektûb gönderüp Saruhan sancağında Palamud nâhiyesinde …… Budaklu der karyei zir ve gayrıdan on bin yetmiş sekiz akçe mensûh tımara mutasarrıf olan Ömer me’mûr olduğu Sakız muhâfazasına gelmeyüp tımarı ol vechle mahlûl olmağla bundan akdem yararlığı arz olundukda ibtidâdan on bin akçe tımara emr-i şerîfimle orta boylu elâ gözlü açık kaşlu râfi‘-u tevkî‘-u refî‘ü’ş-şân-ı hâkânî Ali’ye virilmek bâbında inâyet ricâsına tevcîh itmeğin tımarı olduğu sancakda sâkin olup alaybeğisi bayrağı altında sefer işmek şartıyla tevcîh olunmağıçün sene sitte ve tis‘în ve elf Saferü’l-hayrının evâilinde hükm-i şerîfim virildikden sonra tezkiresi ihrâc olunmak fermânım olmağın zikr olunan on bin yetmiş sekiz akçe tımara vech-i meşrûh üzere Sakız muhâfazasına varmayan Ömer tahvîlinden ibtidâsı tamâmından ziyâdesiyle merkûm Ali’ye tevcîh olunup lâyık ve evlâ ve sezâvâr ve âharı görüp verdiği zikr olunur ve ayan ve beyan kılınur
Karyei budaklu tabii mezburçiftlik 730
Karyei (tahrip olmuş) der ören tabii mezbur çiftlik 1008 Karyei …………1037
Der karye-i ……….
122 Karye-i Arabacı …….gayri çiftlik mukarrerdir Der karye-i Karaköy çiftlik 717
Karye-i (tahrip olmuş)
Der karye-i Karaköy tabii Manisa çiftlik 133
ishak der karye-i Karaköy tabii mezbur mevkuf çiftlik 1300 Der karye-i Karaköy tabii Manisa 130
Safer der karye-i Karaköy tabii Manisa 131
Helvacı …..der karye-i Karaköy tabii mezbur mevkuf 126 Bekir der karye-i Karaköy tabii mezbur mevkuf 135 der karye-i Karaköy Manisa mevkuf 130
Mehmed der Karaköy tabii mezbur mevkuf çiftlik 124 Etmekçi der karye-i sakin tabii mezbur 138
Çiftlik Yusuf der karyei Köse der tımarı sarsanoğlu tabii çiftlik 160 Yekün 10078
Buyurdum ki bade’l yevm tahtı yedinde olup tasarruf kılıp şöyle ki vezaif-i hidemat-ı mebrure muvafıktır ve mesaiyi meşkur asakir … mezahim olup dahl ve taarruz kılmaya şöyle bileler alâmetî şerife itimad kılalar imzai beratı mezbur tıpkı asla aslıhül (tahrip olmuş) illallahi ve teala Es Seyyid Mehmed eş- şehir bi ömer zade En Naibü mahkeme-i Mahmut Paşa bi Medinei Konstantiniyye el mahmiye ufiye anhu Be makamı Edirne el mahruse
Tahriren fi 3 şehri zilhicce sene sitte ve tis’in ve elf Kayd fi 6 cemaziyel evvel sene 96
123
154/61-4
Tımar Mahsulünün Tahsili
Vech-i tahrîr-i hurûf oldur ki hâliyâ berât-ı pâdişâhiyle Saruhan sancağında Palamud nâhiyesinde (tahrip olmuş) ve (tahrip olmuş) karye reis ve gayrıdan on bin yetmiş sekiz akçe mensûh tımara mutasarrıf olup ve lakin Sakız muhâfazasına me’mûr olmağla tarafımızdan tımarımızın ahz ve zabt ve kapu yoldaşlarımız İbrahim Beğ bendelerine sipâriş idüp ve yine memhûr temessük ve dahi virmişizdir imdi İbrahim bey tarafımızdan varup tımarımızın a‘şâr-ı şer‘iyye ve rüsûmâtını ve sâir cüz’î ve küllî âid ve râcî olan her ne ise kendüye ahz ve zabt ve kabz itdirüp min ba‘d taraf-ı âhardan kimesne mâni‘ ve mezahim olmaya deyu işbu zabt temessük yedine vaz‘ olunmuşdur tahrîren fî 11 min Saferi’l-hayr sene 96
Ahlesu’l-….Ali Ağa
Kayd fî 6 Min cemâziyelâhire sene 96
154/62-1
Rum Mehmed Paşa Vakfına Ait Olan Bedesten Dışında Kumaş Satışına Engel Olunması
Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmü’l-enbiyâi ve’l-mürselîn el-muhtass bi-mezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû tevkî‘u refî‘u hümâyûn vâsıl olıcak ma‘lûm ola ki Hacı Mustafa ve Hacı Mehmed ve Nurullah nâm yeniçeri ve sâirleri Dergâh-ı Mu‘allam’a arz-ı hâl idüp bunlar nefs-i Mağnisa’da vâki‘ müteveffâ Rum Mehmed Paşaevkâfından bezezistan hâricinde yine vakf-ı mezbûra kârâtından kadîmden çuha ve kumaş bey‘ olunagelen dükkana mutasarrıf ve kadîmi üzere çuha ve kumaş bey‘ idüp cânib-i vakfa âid olan çuha edâ iderler iseniz vakf-ı mezbûr mütevellîsi olan……… nâm kimesne kadîmden çuha ve kumaş bezezistan dâhilinde bey‘ olunur imiş elimde emr vardır deyu kadîme mugâyir bunların kâr ve kesblerine mâni‘ olup ziyâde ta‘addî eylediklerin bildirüp ol vechle ta‘addîsini men‘ ve def‘ olunmak bâbında hükm-i hümâyûnum ricâ eyledikleri ecilden kadîme mugâyir hilâf-ı şer‘i şerîf rencîde itdirilmemek emrim olmuşdur buyurdum ki hükm-i şerîfimle vusûl buldukda bu bâbda sâdır olan emrim üzere amel
124
idüp dahi mukaddemâ ma‘rifet-i şer‘le görülüp fasl olunmayan husûsları tamâm hak ve adl üzere mutehassır idüp göresin arz olunduğu üzere kadîme mugâyir ol vechle ta‘addî eyledüği vâki‘ ise men‘ ve def‘ idüp min ba‘d şer‘-i şerîfe ve kadîm mugâyir kimesneye iş itdirmeyesin kaziyyede medhali olmayanı dahl ve ta‘arruz itdirmeyüp isimleyanı yazup arz idüp husûs-ı mezbûr tekrar şikâyet olunup bir dahi emr-i şerîfim varmalu eylemeyesin şöyle bilesin alâmet-i şerîfe i‘timâd kılasın tahrîren fî evâhir-i Zilhicce sene hamse ve tis‘în ve elf
Be-makâm-ı Edirne El-mahrûse
Kayd fî min Cemâziyelevvelî sene 96
154/62-2
Rum Mehmed PaşaBedesteni Haricindeki Dükkanların Kiracıları İçin Ferman Gönderildiği
Meclis-i şerîfleri savbına da‘vât-ı lâyıka ittihâfıyla inhâ olunur ki ashâbü’l-mektûb Rum Mehmed Paşaevkâfının hâric-i Bezezistan’da olan dekâkîni müst’cirleri husûslarıçün emr-i sultânî isdâr etmişlerdir gerekdir ki husûslarını ber-mûceb-i emr-i âlî icrâ ve ihtmâm idesiz bâkî der-seccâde-i şerî‘at bâd
Fi’l-muhlis ale’l-fakîr gufira anh
Kayd fî 11 min Cemâziyelevvelî sene 96
154/62-3
Hamza Efendi’nin Bina Eylediği Cami Vaizine Müdahale Olunmaması
Nişân-ı şerîf-i âlişân hükmü budur ki
Mağnisa mahallâtından Bektaş-ı Sağîr Mahallesinden El-hac Halil ve Yarhasanlar mahallesinden Es-Seyyid El-hac Mehmed merhûm Hamza Efendi binâ eylediği câmi‘-i şerîfde vâ‘iz olanlara vakf-ı şart olan nükûdun ribhiyle vâ‘iz işbu râfi‘u tevkî‘-u refî‘ü’ş-şân-ı hâkânî Mehmed’in ve özr ve mûcib-i azli yoğiken âhardan hilâf-ı inhâ bir tarîkle alup küllî gadr itmekle ref‘ olunup geri mezbûra kemâkân ibkâ ve mukarrer kılınmak bâbında inâyet taleb itmeğin berât-ı atîki vâki‘
125
ise sadaka idüp bu berât-ı hümâyûnumu virdim ve buyurdum ki varup kemâkân vâ‘iz olup hizmet-i lâzımesin mer‘î ve mü’eddî kıldıkdan sonra nükûd-ı vakfın ribhiyle mutasarrıf olup vâkıfın rûhu ve devâm-ı ömr-i devletim içün duâya müdâvemet göstere ol bâbda taraf-ı âhardan aslâ bir ferd dahl ve ta‘arruz kılmayalar şöyle bilesiz alâmet-i şerîfe i‘timâd kılasız tahrîren
154/63-1
Muradiye Evkafından Boğaz Mukata’asının İltizamı
Sa‘âdetlü ve izzetlü sultanım hazretlerinin huzûr-ı şerîflerine dürer-i du‘â lâyıka ve gurer-i senâ-yı vefîka ittihâfından sonra inhâ-yı muhlisî budur ki mahrûse-i Mağnisa’da vâki‘ merhûm Sultan Murad Han hazretlerinin binâ ve ihdâs eyledüği câmi‘-i şerîf ve imâret-i âmireleri evkâfından taht-ı hükûmetlerinde vâki‘ Boğaz mukâta‘asını bin doksan altı martı ibtidâsından sene tamâmına varınca vâki‘ olan mahlûlât ve mahsûlât ve sâir cüz’î ve küllî bâd-ı hevâsını bâ‘is-i mektûb-ı meveddet El-hac Abdurrahman Ağa’ya altı yüz esedî kuruşa iltizâm ve der-uhde olunup zabtıçün tarafımızdan mektûb tahrîr ve irsâl ve huzûr kılındı şeref-vusûlünde mercûdur ki vech-i meşrûh iltizâm ve kabûl tescîl kadîmden olıgeldüği üzere mukâta‘a-i mezbûre merkûma zabta vâki‘ olan mahsûlât ve mahlûlât ve sâir cüz’î ve küllî bâd-ı hevâsını ahz ve kabz itdirilmeğe mervitârî oluna bâkî hemvâremiz der-devlet-sa‘âdetim bâd
Fi’l-muhibbi’l-muhlis Ahmed el-mütevellî hâlâ Kayd fî 13 min Cemâziyelevvelî sene 96
154/63-2