Nâhiye-i Menemen der-livâ-i Saruhan İvaz an-tahvîl-i Mustafa bin (tahrip olmuş) Karye-i Pecer tâbi‘ m 3000 kuruş
Kıdvetü’l-emâsil ve’l-akrân Saruhan Sancağı Alaybeğisi Mustafa zîde kadruhû ordu-yı hümâyûnuma mektûb gönderüp livâ-i mezbûrda Menemen nâhiyesinde Pecerli nâm karye ve gayrıdan iki bin akçe ze‘âmete mutasarrıf olan Mustafa me’mûr olduğu sefer-i hümâyûna gelmeyüp ze‘âmete mahlûl olmağla
115
bundan akdem yararlığı arz olundukda ibtidâdan üç bin akçe tımara emr-i şerîf virilen…….. boylu……gözlü……. kaşlu mezkûr Ivaz’a virilmek bâbında inâyet ricâsına arz itmeğin mûcibince virilmek emr olunup sâdır olan emr üzere tımarı olduğu sancakda sâkin olup alaybeğisi bayrağı altında sefere eşmek şartıyla tevcîh olunmak içün sene hams ve tis‘în ve elf Şabanının evâyil tarihiyle düstûr-ı mükerrem müşîr-i mufahham nizâmü’l-âlem âlî Engürüs seferine ve serdâr-ı Ekrem olan vezîr Mustafa Paşa
154/58-1
İştirası Ferman Olunan Darının Tahsili
Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bimezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû ve mefâhirü’l-kuzât ve’l-akrân a‘yân-ı vilâyetin iş erleri zîde kadruhum tevkî‘i refî‘i hümâyûn vâsıl olıcak ma‘lûm ola ki bundan akdem kazâ-i mezbûrda iştirâsı fermânım olan bin sekiz yüz doksan yedi kile darı yedi yüz otuz kilesi teslîm ve bin yüz altmış kilesi bâkî kalmağla imdi mukaddemâ virilen emr-i şerîfim ve ahâlî-i kazânın viregeldikleri hüccet-i şer‘iyyesi mûcibince tahsîli îcâb idenlerden mu‘accelen taleb ve tahsîl ve Midillü adasına irsâl ve teslîm eyleyesiz deyu fermânım olmuşdur buyurdum ki hükm-i şerîfimle vardukda bu bâbda sâdır olan emrim üzere amel idüp dahi sen ki kadı ve siz ki iş erlerisiz mukaddemâ kazâ-i mezbûrdan iştirâsı fermânım olan darıdan hüccet-i şerîf mûcibince defterlerinde kalan taruların bi-eyy-i vech-i kân tahsîli îcâb idenlerden mu‘accelen taleb ve tahsîl ve Midillü adasına ta‘yîn ve irsâl eylemekde ziyâde ihtimâm idüp vech-i meşrûh üzere olan emri yerine getüresiz şöyle bilesiz alâmet-i şerîfe i‘timâd eyleyesiz tahrîren fi’l-yevmi’l-hâdî aşara min şehr-i Cemâziyelevvel li-sene sitte ve tis‘în ve elf Kayd fî 8 Cemâziyelâhire sene 96
116
154/58-2
Nif Kazası Ahalisinden Haksız Vergi İstenmemesi
Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bimezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû ve kıdvetü’l-emâsil ve’l-hükkâm ma‘denü’l-fazl ve’l-kelâm Mevlânâ Mağnisa kadısı zîde fazluhû tevkî‘-i refî‘-i hümâyûn vâsıl olıcak ma‘lûm ola ki Nif kazâsı ahâlisi Dergâh-ı Mu‘allam’a arz-ı hâl idüp bunlar üzerlerine edâsı lâzım gelen tekâliflerin kanun ve defter mûcibince virüp ve kadîmden Saruhan Sancağına mutasarrıf olanlara ve mütesellimlerine zahîre bahâ ve devr ve selamiye nâmıyla yüz elli kuruş viregelmişler iken livâ-i mezbûre mutasarrıf olanlar ve mütsellimleri kanâ‘at eylemeyüp üzerinize devre deyu zahîre bahâ nâmına ziyâde taleb idüp ve müft ve meccânen yem virmek ve sâir me’kûlâtların alup zulm ve ta‘addî itmeleriyle kadîmden ziyâde alunmayup hılâf-ı şer‘-i şerîf rencîde olunmamak üzere mukaddemâ emr-i şerîfim virilmişken kanâ‘at yüz elli kuruşdan ziyâde akçe talebiyle rencîde itmekden hâlî olmadıkların bildirüp men‘ ve def‘ olunmak bâbında emr-i şerîfim ricâ eyledikleri ecilden mukaddemâ vârid olan emr-i şerîfim mûcibince amel olunup hılâf-ı şer‘-i şerîf rencîde olunmamak emrim olmuşdur buyurdum ki hükm-i şerîfimle vusûl buldukda bu bâbda sâdır olan fermân-ı celîlü’l-kadrim mûcibince amel dahi husûs-ı mezbûre tamâm hak ve adl üzere takayyüd olup göresin arz olunduğu üzere eyyi eyyâm sa‘âdet-encâmda fukarâya zulm ve ta‘addî olunduğuna rızâ-yı şerîfim yokdur livâ-i mezbûr mütesellimlerine muhkem tenbîh ve te’kîd eyleyesin ki bunlar üzerlerine edâsı lâzım gelen tekâliflerin ve kadîmden viregeldiklerin zahîre bahâyı livâ-i mezbûre mutasarrıf olanlara ve mütesellimlerine virdiklerinden sonra zahîre nâmıyla ziyâde akçelerin ve müft ve meccânen yem ve yemek ve sâir me’kûlâtların almayalar ve aldırmayup men‘ ve def‘ eyleyesin min ba‘d şer‘-i şerîfe ve kânûn ve deftere ve mukaddemâ ve hâlâ virilen emr-i hümâyûnuma muhâlif kimesneye ta‘allül ve inâd itdirmeyesin kaziyyede medhali olmayanı dahl itdirmeyüp eslimyânı isim ve resimleriyle yazup
117
154/59-58-2
arz ve i‘lâm idüp bu husûs içün tekrar şikâyet olunmayu eylemeyesin şöyle bilesin alâmet-i şerîfe i‘timâd kılasın tahrîren fî evâsıt-ı Şehr-i Cemâziyelevvelî sene sitte ve tis‘în ve elf
Be-makâm-ı Edirne El-mahrûse
Kayd fî 28 min Cemâziyelâhire sene 96
154/59-1
Susam Ziraat Edenlerden Resm-i Çift Tahsili
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâhibü’l-izz ü ve’l-ihtişâm el-muhtass bi-mezîdi inâyeti meliki’l-a‘lâ vilâyet-i Anadolu’da müfettiş olan…. dâme ikbâluhû ve mefâhirü’l-kuzât ve’l-hükkâm ma‘âdinü’l-fezâil ve’l-kelâm Saruhan Sancağında vâki‘ olan kadılar zîde fazluhum ve kıdvetü’l-emâsil ve’l-akrân Mağnisa mütesellimi zîde kadruhû tevkî‘u refî‘u hümâyûn vâsıl olıcak ma‘lûm ola ki bin doksan beş senesine mahsûb olmak üzere Saruhan Sancağında vâki‘ ve her hâne-i resm-i çift mukâta‘ası emîni olan ……zîde kadruhû Dersa‘âdetime arz-ı hâl idüp livâ-i mezbûrda vâkie resm-i çift mukâta‘asının olıgeldüği üzere mîrî rüsûmâtı tahsîline mübâşeret olundukda bazen kurâ ahâlileri bizim çift hizmeti nâmında viregeldüğimiz yokdur deyu lâzım gelen maktû‘ların virmekde ta‘allül eylediklerin bildirdüği ecilden hazîne-i âmiremde mahfûz olan mukâta‘ât defterlerine nazar olundukda Saruhan Sancağında vâki‘ susam zirâ‘at idenlerden ber-vech-i maktû‘ hâne resm-i çift olunduğu mestûr ve mukayyed bulunmağın imdi susam zirâ‘at idenlerden kadîmden olıgeldüği üzere (tahrip olmuş) hâne resm-i çift maktû‘larını tarih-i mezbûrda bir def‘a edâ eylemeyenlerden ma‘rifet-i şer‘le taleb ve tahsîl itdirilmek fermânım olmuşdur buyurdum ki hükm-i şerîfimle vardukda bu bâbda sâdır olan emrim üzere amel idüp dahi vech-i meşrûh üzere livâ-i mezbûrda susam zira‘at idenlerin tarih-i mezbûrda üzerlerine edâsı lâzım gelen dehl hâne-i resm-i çift maktû‘u resimlerin kadîmden olıgeldüği âdet ve kânun üzere taleb ve tahsîl ve edâ ve teslîm itdirüp ben bu makûle resm-i çift nâmına nesne virdüğimiz yokdur deyu bir ferde ta‘allül ve muhâlefet itdirmeyüp mal-ı mîrîye gadr
118
ve zarar olmakdan begâyet ihtirâz eyleyesiz şöyle bilesiz alâmet-i şerîfe i‘timâd kılasız kayd fî 13 min Cemâziyelevvel sene 96
154/59-2
Sefer İçin Edirne’ye Asker Gönderilmesi
Mefâhirü’l-kuzât ve’l-hükkâm ma‘denü’l-fazl ve’l-kelâm Anadolu’nun sağ kolunda vâki‘ kadılar zîde fazluhum ve mefâhirü’l-emâsil ve’l-akrân zikr olunan kazalarda vâki‘ yeniçeri serdarları zîde kadruhum tevkî‘i refî‘u hümâyûn vâsıl olıcak ma‘lûm ola ki inşaallahu te‘âlâ evvel bahar hüceste âsârda mukarrer ve muhakkak olan sefer-i hümâyûnum içün siz ki serdârlarsız taht-ı hükûmetinizde vâki‘ kasabât ve kurâlarda mütemekkin ve mukîm ve müsâfir nefer-i yeniçeri ve esâmîlerin çalık olanları umûman evlerinden ve yerlerinden ihrâc ve bayrağınız açup önlerine düşüp nevrûz-ı fîrûzda Edirne sahrâsında mevcûd bulunasız deyu bundan akdem emr-i şerîf gönderilüp tehbîh-i hümâyûnum olmuşidi bu âna değin hareket eylemedüğinizden suâl ve mu‘âteb olmuşsuzdur imdi ocakları tarafından sürüci ta‘yîn olunan otuzuncu bölükden kıdvetü’l-emâsil ve’l-akrân Mustafa Çavuş zîde kadruhû ma‘rifetiyle emr-i şerîf vardığı gibi aslâ te’hîr ve tevakkuf eylemeyüp bayrağınız açup tevâbi‘i mezbûreyi umûmen evlerinden ihrâç ve vakt-i mevfûde Edirne sahrasında hazur eyleyüp ve ortadan ve korucılar dahi Âsitâne-i sa‘âdetim muhâfazasına irsâl ve (tahrip olmuş) evlerinde ve yerlerinde alıkoyamalar şöyle ki bundan sonra biz (tahrip olmuş) kalmaduğı mesmû‘-ı hümâyûnum olursa siz ki adem-i takayyüd ve ihmâl ve müsâhale ve müsâ‘adenize haml olunup hakkınızdan gelinmek mukarrerdir
154/60-1
Yeniçerilerin Halka Zulüm Etmemesi
Mürâca‘atı lede’l-ahd itdirmeyesin ve siz ki ol câhibde altı bölüğün yoldaşlarısız mûmâ-ileyh üzerine zâbıt ve kethüdâyeri bilüp düşen da‘vâ ve nizâ‘ınızı izn-i şer‘-i şerîf-i vâcibü’ş-şerîfde ve ma‘rifeti merkûmuyla gördürüp hilâf-ı şer‘-i şerîf bir ferdi rencîde eylemeyesiz ve sen ki kethüdâyeri zîde kadruhûsun ol cânibde olan altı bölük yoldaşların hüsn-i zendgânî üzere zabt ve rabt idüp ve sana muhâlefet üzere olanları ism ve resm ve bölükleriyle yazup arz ve i‘lâm eyleyesin ve ol tarafda bazı levendât tâifesi bayrak ve mızrak getürüp sipâhî nâmıyla re‘âyâ fukarâsını rencîde ider var ise ol makûleleri dikkat-i birle ele getürüp üzerlerine
119
şer‘iyle lâzım gelen icrâ-yı ahkâm-ı şer‘iyye iderse sâirlere mûcib-i ibret ve sebeb-i nasîhat olup re‘âyâ fukarâsı devlet-âsûde hâli üzere olalar bâkî hemîşe der-seccâde-i şerî‘at dâim bâd tahrîren fî 2 min Saferü’l-hayr sene sitte ve tis‘în ve elf
El-fakîr Kadir Ağa yeniçeriyân-ı Yesâr hâlâ
El-fakîr Ebubekir Ağa yeniçeriyân-ı Dergâh-ı âlî hâlâ El-fakîr Mehmed Ağa yeniçeriyân-ı Dergâh-ı âlî hâlâ El-fakîr Ahmed Ağa yeniçeriyân-ı Dergâh-ı âlî hâlâ El-fakîr Ağa-yı silahdârân-ı Dergâh-ı âlî hâlâ
El-fakîr Hüseyin Ağa-yı sipâhiyân dergâh-ı âlî hâlâ
154/60-2
Kethüdalık Tayini
İzzetlü ve fazîletlü Efendi hazretlerinin meclis-i fezâil-i karînelerine dürer-i da‘vât-ı sâfiyât-ı icâbet âyât ve gurer-i tahiyyât-ı vâfiyât-ı isâbet-i gâyât-ı itmâm siyâkında inhâ-ı muhibbî budur ki taht-ı kazâlarında vâki‘ nefs-i Mağnisa ve tevâbi‘ ve nevâhîsinde sâkin ve mütemekkin altı bölüğün yoldaşlarına üzerlerine emekdar ağalarımızdan Hasan Ağa zâbıt ve kethüdâyeri ta‘yîn olunmağın tarafından irsâl olunmuşdur inşaallahu te‘âlâ lede’l-vusûl merkûmu hizmet-i mezbûrede olıgeldüği üzere istihdâm itdirilüp kethüdâyeriliğine müte‘allik olur ve husûsda şer-i şerîf müsâ‘ade itdüği mertebe-i inâyet ve hitâbet eylemeniz me’mûldür bâkî der-izzet ve fazîlet bâd
Hâlis El-fakîr Mustafa kapudan
120
154/60-3