Vech-i tahrîr-i hurûf oldur ki bin doksan altı senesinde Sofiler’de Hisarerli tımar zabt idenlerden bin akçe tımara mutasarrıf olan Halil nâm kimesne fevt olup mezbûr hisse mahlûl olup beytü’l-mâl olmak iken tasarrufunu Es-Seyyid Mehmed Çelebi nâm kimesneye virüp bize âid olan hakkü’t-tevârî olunup yedine temessük vaz‘ olunudı âhardan kimesne müdâhlale itmeyüp vakt-i hâcetde ihrâc oluna fî evâyil-i Rebiülâhir sene sitte ve tis‘în ve elf
Mahlasü’l-mefâd Mahmud Ağa Fî 21 Receb sene 96
154/51-1
Rüsum-ı Yörükan Tevcihi
Kıdvetü’l-kuzât ve’l-hükkâm ma‘âdinü’l-fezâil ve’l-kelâm Saruhan Sancağında vâki‘ olan kadılar zîde fazluhum tevkî‘u refî‘u hümâyûn vâsıl olıcak ma‘lûm ola ki bin doksan altı senesinde üç sene ber-tahvîl ve berât-ı âlişânımla Aydın ve Saruhan sancaklarından vâki‘ mukâta‘âta muhsassıl olan kıdvetü’l-emâcid ve’l-a‘yân İbrahim zîde mecduhû hâlâ Dersa‘âdetime arz-ı hâl idüp bin doksan altı senesine mahsûb olmak üzere Saruhan sancağında vâki‘ Elliciyan-ı Adala ve rüsûm-ı yörükan Eğirdir ve Elliciyan-ı Yunddağı ve tevâbi‘i mukâta‘aların tarafımızdan irsâl itdüği Ca‘fer nâm kimesnenin yedine virdiği mezbûr ve ma‘mûlün bih zabt temessükü mûcibince kadîmden olıgelen âdet ve kânûn üzere tarih-i mezbûrun Muharrem ibtidâsıdan zabt ve zikr olunan mukâta‘ât re‘âyasının cânib-i mîrîye âid olan hukûk ve rüsûmâtı cem‘ ve tahsîl ve ahz ve kabz itdirilmek bâbında emr-i şerîfim virilmek ricâ eylemeğin imdi kânun üzere zabt itdirilmek fermânım olmuşdur buyurdum ki hükm-i şerîfimle Ca‘fer vardukda bu bâbda sâdır olan emrim üzere amel idüp ve zikr olunan mukâta‘aları kadîmden olıgelen âdet ve kânûn üzere tarih-i mezbûrun Muharremi ibtidâsından muhsil-i mûmâ-ileyin virdüği mühürlü ve ma‘mûlün bih zabt temessükü mûcibince imdi mezbûr çıkup şer‘le zabt ve tasarruf ve re‘âyâsının mîrîye âid olan hukûk ve rüsûmâtını cem‘ ve tahsîl ahz ve kabz itdirüp
104
âhardan kimesneyi kat‘â dahl ve ta‘arruz itdirmeyesiz şöyle bilesiz alâmet-i şerîfe i‘timâd kılasız tahrîren fi’l-yevmi’s-sâmin aşara min şehr-i Cemâziyelâhire sene sitte ve tis‘în ve elf
Be-makâm-ı Kostantiniyye el-mahrûse
154/51-2
Rüsum-ı Yörükan Tevcihi
İzzetlü fazîletlü Efendi hazretlerinin e‘azz huzûr-ı meclis-i şerîf-i vâcibü’t-ta‘zîmleri savbına (tahrip olmuş) bâbından sonra inhâ-ı muhibbâne olunur ki ve hâlâ Saruhan sancağında vâki‘ olan fazîletlü Efendiler hazretlerinin mecâlis-i şerîflerine şeri‘at-i tahiyyât-ı sâfiyat inhâ olunan bin doksan altı senesine mahsûb olmak üzere Aydın ve Saruhan ve Menteşe ve Karesi sancaklarından vâki‘ mukâta‘ât üç sene ber-tahvîl ile berât-ı âlişânla uhdemizde olup Saruhan sancağında vâki‘ Elliciyan-ı Adalave rüsûm-ı yörükân ve elliciyân-ı Yuntdağı ve tevâbi‘i mukâta‘âtı bin doksan altı Muharremi gureesinde cem‘ ve tahsîl eylemek üzere tarafımızdan kıdvetü’l-emâsil ve’l-akrân Ca‘fer zîde kadruhûya mevrus-birle ve huzûrları kılındı inde’ş-şerefi’l-vusûl me’mûldür ki taht-ı kazâ-i ma‘delet ünvânınızda elliciyân-ı Adala ve rüsûm-ı Yörükân ve Elliciyan-i Yunddağı ve tevâbi‘i mukâta‘aları kadîmden bu ana değin ber minvâl-i muhemer cem‘ ve tahsîl olıgeldüği üzere taraf-ı mîrîye âid olan cüz’î ve küllî tarafıma dahi ol minvâl üzere cem‘ ve tahsîl itdirüp (tahrip olmuş) hüsn-i nazarınız deriğ olmayup düşen husûslarında mu‘âvenet ve mâl-i mîrîye himâyetiniz ricâ olunur fî hemîşe seccâde-i şerî‘at dâim-bâd
(tahrip olmuş)
Kayd fî min Recebi’l-ferd sene 96
154/51-3
Hüccaclar Mahallesindeki Çınarlı Çeşme Vakfı’nın Su Yollarının Tamiri
Vech-i tahrîr-i tezkire budur ki medîne-i Mağnisa’da Hüccaclar mahallesinde mütevellî olduğumuz ……... binâ eylediği Çınarlı Çeşmenin su yolları ve kendi devr-i eyyâm ve kürûr-ı behûr ve a‘vâm-birle müşerref olup ta‘mîrât iktizâ itdikde bâ‘isü’t-terkîm Eş-şeyh Ali Efendi’nin mezbûr suyun mecrâsına on kuruş mikdarı
105
harc ve sarfı olup ve zarûreti olmak hasebiyle (tahrip olmuş) fazla hazîne-i (tahrip olmuş) cereyân iden suyunu mezbûr Ali Efendi beş kuruş icâre-i mu‘accele ve bir sene (tahrip olmuş) öşr akçe icâre-i mü’eccele (tahrip olmuş) tefvîz ve mezbûr suyun mezkûr Şeyh Ali Efendi’nin (tahrip olmuş) ta‘alluk eyledüği mûcibince cereyânına izin virilüp onlar dahi ber-vech-i meşrûh mefrûz ve kabûl eylemeğin temessük yedlerine vaz‘ olundu ki her ne vechle varup mutasarrıf olup âhardan kimesne olmaya min Recebi’l-ferd sene sitte ve tis‘în ve elf
El-fakîr Mehmed el-mütevellî hâlâ Kayd fî Min Receb sene 96
154/52-1
Ümerâ ve terkînde yolundan ber-vech-i temessük sekiz bin akçesin üzerine mezkûr Mehmed kullarına (tahrip olmuş) olmak üzere tevcîh olunup berât-ı âlişân ricâsına virildi tahrîren fi’l-yevmi’ (tahrip olmuş)
Kayd fî min Cemâziyelâhire sene 97 Be-makâm-ı Kal‘a-i Budin
154/52-2
Tımar Mahsulü Tevcihi
Vech-i tahrîr-i hurûf budur ki berât-ı şerîf ile mutasarrıf olduğumuz Mağnisa kazâsında (tahrip olmuş) ve Sakarkaya ve gayrıdan yedi bin sekiz yüz akçe tımarımızın bin doksan altı senesinde vâki‘ olan a‘şâr-ı şer‘iyyesin ve rüsûm-ı örfiyyesin tarafımızdan Mehmed Beğ vekîl olmuşdur zabta ve rabta âhardan kimesne mâni‘ olmaya
Kayd fî 23 Cemâziyelâhire sene 96 El-fakîr Mehmed Ağa
106
154/52-3
Zeamet Tevcihi
Nâhiye-i Manisa der-livâ-i Saruhan Ze‘âmet-i be-nam Şahin
Karye-i Eğri tâbi‘ m. 20000 kuruş An-tahvîl-i Yusuf der-muhâfaza-i Budin
Kıdvetü’l-emâsil ve’l-akrân Saruhan Sancağı Alaybeğisi Ahmed zîde kadruhû dîvân-ı Budin’e mektûb gönderüp livâ-i mezbûrda Mağnisa nâhiyesinde Eğri nâm karye ve gayrıdan yirmi bin akçe ze‘âmete Mustafa tahvîlinden ordu-yı hümâyûn tezkiresiyle mutasarrıf olan Yusuf me’mûr olduğu Budin muhâfazasına sancağı askeri ile gelmeyüp terk-i hizmet itmeğin ol vechle ze‘âmeti mahlûl olmağın bundan akdem yararlığı arz olundukda ibtidâdan yirmi bin akçe ze‘âmete emr-i şerîf olan ……. gözlü açık kaşlu orta boylu kıdvetü’l-emâsil ve’l-akrân Şahin zîde kadruhû içün mahal ve müstehakdır deyu virilmek ricâsına arz itmeğin sene sitte ve tis‘în ve elf Rebiülâhirinin on dördüncü gününde virilen tahvîl mûcibince sancağı askeriyle me’mûr olduğu Budin muhâfazasına gelinmeyüp terk-i hzimet iden Yusuf tahvîlinden ibtidâsı bedeli merkûm zîde kadruhûya tevcîh olunup berât-ı şerîf-i âlişân ricâsına tezkire virildi tahrîren fi’t-târihi’l-mezbûr
Kayd fî 23 Cemâziyelâhire sene 96 Be-medîne-i Budin el-mahrûse
154/52-4
İvaz Paşa Camii İmameti Anlaşmazlığı
Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hakk ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bi-mezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû ve kıdvetü’l-emâsil ve’l-akrân Saruhan sancağı mütesellimi zîde kadruhû tevkî‘u refî‘u hümâyûn vâsıl olıcak ma‘lûm ola ki kıdvetü’s-sulehâi’s-sâlikîn Hüseyin Halife zîde salâhahû Dersa‘âdetime arz-ı hâl idüp Mağnisa‘da vâki‘ müteveffâ El-hac İvaz Paşa
107
vakfı câmi‘i şerîfinin vazîfe-i mu‘ayyenesiyle imâmeti mukaddemâ Ebubekir mahlûlünden rü’ûs-ı hümâyûnum ve mâliye tarafından berât-ı âlişânımla kendüye tevcîh ve hâlâ üzerinde olmağla bir vechle dahl olunmak îcâb itmez iken hâlâ âhardan Es-Seyyid Ahmed nâm kimesne imâmet-i mezbûreyi ben dahi senin ref‘inden aldım deyu askerî tarafından berât ibrâz ve müdâhale ve zabtına mâni‘ olmağla kendüye küllî gadr eyledüğin bildirüp yedinde olan mâhiye berâtı mûcibince zabt ve tasarruf itdirilüp ol vechle askerî berâtıyla müdâhale iden mezbûr Es-Seyyid Ahmede dahi kat‘â dahl ve ta‘arruz itdirilmemek bâbında emr-i şerîfim ricâ itmeğin hazîne-i âmiremde mahfûz olan Anadolu muhâsebesi defterlerine nazar olundukda Mağnisa’da vâki‘ zikr olunan El-hac Ivaz Paşavakfı câmi‘i şerîfinin vazîfe-i mu‘ayyenesiyle imâmeti bin doksan beş senesinde Ebubekir mahlûlünden rü’ûs-ı hümâyûnum ve mâliye tarafından berât ve nişânımla ve mezbûr Hüseyin Halife’ye
154/53-52-4
Tevcîh dahi el ân üzerinde olduğu mestûr ve mukayyed bulunmağın imdi yedinde olan berâtı ve kaydı mûcibince zabt itdirilmek fermânım olmuşdur buyurdum ki hükm-i şerîfim vardukda bu bâbda sâdır olan emrim üzere amel idüp dahi zikr olunan imâmeti hazîne-i âmirem defterlerinde mezbûr Hüseyin Halife’nin hâlâ üzerinde olmağla yedinde olan mâliye berâtı mûcibince zabt ve tasarruf ve vazîfe-i mu‘ayyenesi kendüye alıvirüp emrimle askerî tarafından berât ibrâz ve müdâhale iden mezbûr Es-Seyyid Ahmed tarafından âhardan bir ferd mâni‘ dahl ve ta‘arruz itdirmeyüp men‘ ve def‘ eyleyesiz bu husûs içün bir dahi emrim varmalu itmeyesiz şöyle bilesiz alâmet-i şerîfe i‘timâd kılasız tahrîren fi’l-yevmi’t-tâsi‘ ve’l-işrîn min şehr-i Cemâziyelevvelî sene sitte ve tis‘în ve elf
Kayd fî 23 Min Cemâziyelâhir sene 97 Be-makâm-ı Edirne
154/53-1
Sancak Hassı Vergilerinin Tevcihi
Vech-i tahrîr-i hurûf budur ki bin doksan altı senesinde Cemâziyelâhire gurresinde berât-ı pâdişâhiyle zabt ve tasarrufumuzda olan Mağnisa kadılığından Sofular nâm karye ve gayrıdan bin akçe hassımızı Hacı Mustafa’yı azl idüp Seyyid
108
Hüseyin’e füruht idüp akçesin bi’t-tamâm ahz ve kabz idüp a‘şâr-ı şer‘iyyesi ve rüsûm-ı örfiyyesin her neye olur ise işbu yedine temessük virilmişdir âhardan bir ferd mâni‘ olmaya
El-fakîr Mehmed Ağa
154/53-2
Sancak Hassı Vergilerinin Tevcihi
Vech-i tahrîr-i hurûf budur ki bin doksan altı senesinde Cemâziyelâhire gurresinde berât-ı pâdişâhiyle zabt ve tasarrufumuzda olan Mağnisa kadılığından Sofular nâm karye ve gayrıdan bin akçe hassımızı Hacı Mustafa’yı azl idüp Mehmed Çelebi’ye füruht idüp akçesin bi’t-tamâm ahz ve kabz idüp a‘şâr-ı şer‘iyyesi ve rüsûm-ı örfiyyesin her neye olur ise işbu yedine temessük virilmişdir âhardan bir ferd mâni‘ olmaya
El-fakîr Mustafa
154/53-3
Sancak Hassı Vergilerinin Tevcihi
Vech-i tahrîr-i hurûf budur ki bin doksan altı senesinde Cemâziyelâhire gurresinde berât-ı pâdişâhiyle zabt ve tasarrufumuzda olan Mağnisa kadılığından Sofular nâm karye ve gayrıdan bin akçe hassımızı Cabi Mustafa’yı azl idüp El-hac Hasan’a füruht idüp akçesin bi’t-tamâm ahz ve kabz idüp a‘şâr-ı şer‘iyyesi ve rüsûm-ı örfiyyesin her neye olur ise işbu yedine temessük virilmişdir âhardan bir ferd mâni‘ olmaya
El-fakîr Mehmed
Kayd fî 26 Cemaziyelâhir sene 96
154/54-1