Kıdvetü’l-emâsil ve’l-akrân Saruhan Sancağı Alaybeyisi Mustafa Ordû-yı hümâyûn’a mektûb gönderilüb livâ-i Mağnisa nâhiyesinde Kurtoğlu nâm karye ve gayrıdan dört bin akçe tımâra mutasarrıf olan Mustafa tahvîlinde mutasarrıf olan Ömer me’mûr olduğu sefer-i hümâyûnda ismi mevcûd ve cismi nâ-mevcûd olub sancağ-ı asker ile hidemât-ı hümâyûnda mevcûd bulunmayub tımarı mahlûl olmağın bundan akdem yararlığı arz olundukda (tahrip olunmuş) akçe (tahrip olmuş) edâ (tahrip olmuş) virilen orta boylu ala gözlü açık kaşlu mezkûr Mehmed virilmek bâbında (tahrip olunmuş) ricâsına arz itmek mûcibince virilmek emr olunub sâdır olan emr üzere tımarı olduğu sancağında olub alay-ı beyi bayrağı altında sefere eşmek şartıyla tevcih olunmak içün (tahrip olunmuş) evâsıtında târihiyle ve (tahrip olmuş) kelâm … mufahham nizâmü’l-âm hâlâ Engürüs seferine serdarım olan vezîrim Mustafa Paşa edâmallâhü te῾âlâ iclâlehü tarafından hükm-i şerîf virildikden sonra tezkeresi ihrâc olunmak olmağın ber-mûcib-i fermân-ı âlî zikr olunan dört bin akçe tımar vech-i meşrûh üzere sefer-i hümâyûn ismi mevcûd ve cismi nâ-mevcûd Ömer tahvîlinden mezkûr … bedeli merkûm huccet tevcîh olunup berât-ı âlîşân içün tezkeresi virildi tahrîr fî 25 (tahrip olmuş)
Kayd fî 24 şehri Rebî῾ü’l-evvel sene 92
154/88-1
Bektaşi Sâğir Mahallesindeki İsa Bali Mescidine İmam Tayini
Nişân-ı şerîf-i âlişân hükmi oldur ki
Akzâ kuzâtü’l-müslimîn Mağnisa kadısı Mevlânâ Seyyid Mustafa zîdet fezâiluhû Dersa‘âdetime arz idüb Mağnisa’da vâki‘ Bektaşi sağîr mescid-i şerîfinde yevmî beş akçe vazîfe ile imam olan Ali Halife fevt olub imâmet mahlûl olmağla müstehakdan işbu dârende-i fermân-ı hümâyûn Hüseyin Halife’ye tevcîh olunub berât-ı âlişânım virilmek ricâsına i‘lâm itmeğin mahal ve müstehak olmağla hakkında mezîd-i inâyet-i pâdişâhânem vücûda getürüb mevlânâ-yı müşârun-ileyhin arzı mûcibince bin doksan beş Zilka‘desinin yirmi beşinci gününde müteveffâ-yı
166
mezbûr Ali Halife yerine yevmî beş akçe vazîfe ile imam nasb olub bu berât-ı hümâyûnu virdüm ve buyurdum ki mezbûr Hüseyin Halife varub edâ-yı hizmet eyledikden sonra ta‘yîn olunan yevmî beş akçe vazîfesin evkâf-ı mezbûre mahsûlünden mütevellî yedinden alub mutasarrıf ola ol bâbda bir ferd dahl ve ta‘arruz kılmaya şöyle bileler alâmet-i şerîfe i‘timâd kılalar fi’l-yevmi’r-râbi‘ min şehr-i Zilhicceti’ş-şerîfe li-sene hamsin ve tis‘în ve elf
Be-makâm-ı Edirne el-mahrûse Kayd fî 28 min Saferi’l-hayr (SİLİK HÜKÜM)
154/89-1
Bektaş-i Sağir Mahallesindeki İsa Bali mescidi İmamının Görevini Yapmasına Müdahale Edilmemesi
Akzâ kuzâtü’l-müslimîn evlâ vülâtü’l-müslimîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bi-mezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû tevkî‘i refî‘i hümâyûn vâsıl olıcak ma‘lûm ola ki medîne-i Mağnisa mahallâtından Bektaş-ı sağîr mahallesinde kadîmden İsa Bali binâ eylediği mescid-i şerîfin berât-ı hümâyûnumla imamı olan dârende-i fermân-ı vâcibü’l-iz‘ân Hüseyin zîde halâsahû Südde-i sa‘âdetime arz-ı hâl idüb kadîmden mahalle-i merkûmede vâki‘ akd-i nikâhı ve cenâze ve sâir imâme müte‘allik umûr-ı şer‘îyi mescid-i mezkûrun imam olanın görü sonradan binâ olunan Hüseyin Şeyh mescidine imam olanlar alâka ve müdâhale idegelmiş değiller iken hâlâ Hüseyin Şeyh mescidinde imam olan Mehmed Halife kadîme muhâlif müdâhale itmekle yedinden mezbûr Mehmed Halife müdâhale itmemek içün cânib-i şer‘den berât virmiş iken yine mezbûr Mehmed Halife kadîme muhâlif bi-gayr-ı vech ol vechle dahl ve ta‘arruzdan hâlî olmaduğın bildirüb kadîme mugâyir ol vechle müdâhale itdirmeyüb men‘ ve def‘ olunmak bâbında emr-i şerîfim ricâ itmeğin buyurdum ki hükm-i şerîfimle vardukda beraber varub müvâcehelerinde tâm hak ve adl üzere tefahhus idüb göresin i‘lâm olunduğu üzere Hüseyin Şeyh mescidinin binâ üzere İsa Bali mescidi kadîm olmağla mahalle-i mezbûrede vâki‘ akd-i nikâh ve cenâze ve sâir imama müte‘allik umûr-ı şer‘îyi kadîmden İsa Bali mescidinde imam olanların göregelmiş iken hâlâ Hüseyin Şeyh mescidinde imam
167
olanlar mezbûr Mehmed Halife kadîme muhâlif dahl ve ta‘arruz ider ise ol bâbda muktezâ-yı şer‘-i kavîm ile amel idüb ber-vech-i meşrûh üzere mahalle-i mezbûrede vâki olan akd-i nikâh ve cenâze ve sâir imama müte‘allik umûr-ı şer‘îyi İsa Bali mescidi imamı olan mezkûr Hüseyin Halife’ye gördürüb mezbûr Mehmed Halife’ye bi-gayr-ı vech kadîme muhâlif müdâhale itdirmeyesin min ba‘d şer‘-i şerîfe ve emr-i hümâyûnuma muhâlif kimesneye iş itdirmeyesin kaziyyede medhali olmayanları dahl itdirmeyüb eslemleyüb inâd ve muhâlefet üzere olanları isimleri ve resimleri ile vukû‘ üzere yazub Südde-i sa‘âdetime arz idüb husûs-ı mezbûr içün bir dahi şikâyet olunub emr-i şerîfim varmalu eylemeyesin şöyle bilesin alâmet-i şerîfe i‘timâd kılasın tahrîren fî evâyil-i şehr-i Cemâziyelevvel li-sene hamsin ve tis‘în ve elf Be-makâm-ı Kostantiniyye el-mahrûse
154/89-2
Tımar Gelirlerinin Tahsili İçin Vekil Tayini
Vech-i tahrîr-i hurûf oldur ki
Berât-ı şerîf-i âlişân ile mutasarrıf olduğumuz Saruhan sancağında Mağnisa nâhiyesinde Bozköy nâm karye ve gayrıdan olan üç bin yüz elli akçe tımarımızı işbu bin doksan altı senesi martı ibtidâsından sene tamâmına varınca vâki‘ olan (tahrip olmuş) ve rüsûm-ı örfiye (tahrip olmuş) ve muhassıl ve mahsûl ve resm-i (tahrip olmuş) bîgâne ve sâir hukûk-ı cüz’î ve küllî her ne (tahrip olmuş) âid olursa işbu hâfızü’t-temessük Yusuf Beğ’i tarafımızdan vekîl nasb etmişizdir zabtıçün yedine işbu temessük virildi (tahrip olmuş) ibrâz iderler ise ma‘mûlün bihâ olmaya hurrire fi’t-târihi’l-mezbûr fi’l-yevmi 10 mâh-i Rebiülevvel sene (tahrip olmuş)
154/90-1
Anadolu’da Eşkıya Takibine Memur Olan Ali Paşa’nın Engürüs Seferi İçin Sürücü Tayin Olunduğu
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâhibü’l-izz ve’l-ihtişâm el-muhtass bi-mezîdi inâyeti’l-meliki’l-mu‘în Rumeli beğlerbeğisi pâyesiyle Anadolu’da eşkiyâ teftîşine me’mûr olan Ali Paşa dâmet me‘âliyehû tevkî‘i refî‘i hümâyûn vâsıl olıcak ma‘lûm ola ki inşaallâhu meliki’l-müte‘âl evvelbahar-ı hüceste-âsârda Engürüs keferesi üzerine mukarrer olan sefer-i
168
hümâyûnuma me’mûr erbâb ve dört bölük halkı ve Dergâh-ı Mu‘allam yeniçerileri ve cebecileri ve topçuları ve top arabacıları ve sâir tavâif-i askerî sefer-i hümâyûnuma sürmeye me’mûr ta‘yîn olunmuşsundur imdi sen ki mîrimîrân-ı mûmâ-ileyhsin vakt ü zamanıyla kalub sâkin olan yerlerde kendü ve (tahrip olmuş) mahallerde mukaddem mu‘temedün aleyh olanlar gönderüb inşaallâhu te‘âlâ nevrûz-ı fîrûzda Belgrad sahrâsnevrûz-ına düstûr-nevrûz-ı mükerrem müşîr-i mufahham nizâmü’l-âlem Engürüs seferine asâkir-i İslâm nusret-şi‘ârım askerim olan vezîrim……. paşa edâmallâhu te‘âlâ iclâlehûnun yanında ordu-yı hümâyûnumda dernek ve cem‘iyyetde mevcûd bulunmak üzere evlerinden ihrâc ve sürüb irsâl ve mevcûd itmekle dikkat ve ihtimâm eyleyüb ammâ bu bahâne hılâf-ı şer‘i şerîf re‘âyâ fukarâsına ta‘addî ve tecâvüzden ihtirâz eylemek bâbında fermân-ı âlişânım sâdır olmuşdur buyurdum ki
vusûl buldukda bu bâbda sâdır olan fermân-ı celîlü’l-kadrim mûcibince amel idüb dahi sen ki mîr-i mîrân-ı mûmâ-ileyhsin vakt ü zamanıyla kalkub münâsib olan yerlere kendün ve müsâde olan mahallere mukaddem ve mu‘temedün aleyh ademler gönderüb sefer-i hümâyûnuma me’mûr olan tavâif-i mezbûreyi evlerinden ihrâc ve sürüb inşaallâhurrahman nevrûz-ı fîrûzda Belgrad sahrâsına serasker vezîr-i müşârun-ileyhin yanında ordu-yı hümâyûnumda dernek ve cem‘iyyetde mevcûd bulunmak üzere irsâl ve mevcûd eylemeğe ziyâde dikkat ve ihtimâm eyleyüb ammâ bu bahâne ile hılâf-ı şer‘i şerîf re‘âyâ fukarâsına zulm ve ta‘addî ve tecâvüzden begâyet ihtirâz eyleyesin husûs-ı mezbûr ehem-i mühimmât-ı dîn ü devlet elzem-i levâzımât-ı mülk-i saltanatımda olmağla bu zamanı sâir zamana kıyâs eylemeyüb şöyle ki vakt ü zamanıyla gelüb mevcûd bulunmayub asâkir-i İslam’ın enzârıyla iyâzen billâhi te‘âlâ sefer-i hümâyûnumun te’hîrine bâ‘is olasın adem-i tekayyüdüne ve ihmâl ve müsâhele ve müsâ‘adene haml olunup bir vechle özr ve cevâbınız mesmû‘ı hümâyûnum olmayub senin ve müstakil bu husûsa ademler ta‘yîn olunup onlarda bulunanların vakt ü zamanıyla gelüb irişmeyenlerin ve dirlikleri âhara virildikden gayrı itâ‘at-ı emr-i şerîf eylediklerin sâire mûcib-i ibret ve sebeb-i nushat içün muhkem haklarından gelinmek mukarrerdır ana göre işbu emr-i şerîfimin mazmûn-ı münîfi mücemmi‘i nâs olan mahallerde nidâ ve cümle i‘lân ve işâ‘at itdüresin ki haber ve âgâh olup özr ve bahâneden sâlik olmaya şöyle bilesin alâmet-i şerîfe i‘timâd kılasın tahrîren fî evâyil-i Şehr-i Muharremi’l-harâm sene sittin ve tis‘în ve elf
169 Kayd fî 27 min Saferi’l-hayr sene 96
154/90-2
Sefer İçin Edirne’ye Asker Gönderilmesi
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâhibü’l-izz ve’l-ihtişâm el-muhtass bi-mezîdi inâyeti’l-meliki’l-a‘lâ Rumeli beğlerbeğisi pâyesiyle Anadolu’da eşkiyâ teftîşine ve asker sürmeğe me’mûr olan Ali Paşa dâmet me‘âliyehû tevkî‘i refî‘i hümâyûn vâsıl olıcak ma‘lûm ola ki inşaallâhu’l-meliki’l-müte‘âl evvelbahar hüceste-i âsârda vukû‘u mukarrer ve muhakkak olan sefer-i hümâyûn-ı nusret-makrûnuma vilâyet-i Anadolu’da gönüllü Dergâh-ı Mu‘allam müteferrikaları ve çavuşları ve dîvân-ı hümâyûnuma ve defter-i hâkânî kâtibleri ve şâkirdleri ve sipâh ve silahdâr neferâtı me’mûr ve ta‘yîn ve nevrûz-ı fîrûzda Edirne’de mevcûd bulunmaları fermânım olmağla imdi sen ki mîr-i mîrân-ı mûmâ-ileyhsin vech-i meşrûh üzere mezbûrları vakt ü zamanıyla evlerinden ihrâc ve bir mahalle meks ü ârâm itdirmeyüp bir gün evvel vakt-ı mev‘ûde mahfel-i mezbûrda bulunmaları içün irsâl ve îsâl eylemek bâbında fermân-ı âlişânım sâdır olmuşdur buyurdum ki vusûl buldukda bu bâbda sâdır olan fermân-ı celîlü’l-kadrim mûcibince amel idüb dahi sen ki mîrimîrân-ı mûmâ-ileyhsin mezbûrları vakt ü zamanıyla evlerinden ihrâc ve bir mahalle
154/91-90-2
meks ü ârâm itdirmeyüp bir gün ve bir saat mukaddem vakt-i mev‘ûdda Edirne’de mevcûd bulunmaları tekayyüd eyleyesin ve bi’l-cümle sefer-i hümâyûnuma me’mûr olan eğer mezbûrlardır ve eğer sâir tavâif-i askeridir cümlesin vakt ü zamanıyla me’mûr oldukları üzere irsâl ve mevcûd bulunmaları üzere ikdâm ve ihtimâm eyleyesin şöyle ki vakt ü zamanıyla gelüp (tahrip olmuş) mezbûrda mevcûd bulunmayalar bu bâbda senin adem-i takayyüd ki haml olunduğundan gayrı dirlikleri âhara virilmekle kana‘at olunmayup mes’ûl ve mu‘âteb ve cezâları tertîb olunmak mukarrerdir ona göre her birine haber ve âgâh eyleyüp emr-i şerîfimin icrâsında dakîka fevt eylemeyesiz şöyle bilesiz alâmet-i şerîfe i‘timâd kılasız tahrîren fî evâhir-i Şehr-evâhir-i Muharremevâhir-i’l-haram levâhir-i-sene sevâhir-itte ve tevâhir-is‘în ve elf