Nâhiye-i Mağnisa der-livâ-i Saruhan Be-nâm-ı Mehmed
Karye-i (tahrip olmuş)tâbi-i kazâ-i mezbûr 4200 kuruş An-tahvîl-i Yusuf sefer-i hümâyûn (tahrip olmuş)
Kıdvetü’l-emâsil ve’l-akrân Saruhan Sancağı Alaybeğisi Mustafa zîde kadruhû ordu-yı hümâyûnuma mektûb gönderüp livâ-i mezkûrda Mağnisa nâhiyesinde (tahrip olmuş) nâm karye ve gayrıdan dört bin iki yüz akçe tımara mutasarrıf Yusuf işbu sene-i mübârekede me’mûr olduğu sefer-i hümâyûnuma gelmeyüp tımarı ol vechle mahlûl olmağın bundan akdem yararlığı arz olundukda ibtidâdan üç bin akçe tımara ve bin akçeye tevcîh emr-i şerîfi virilen orta boylu elâ gözlü açık kaşlu mezbûr Mehmed’e virilmek bâbında inâyet ricâsıyla arz itmeğin mûcibince tevcîh olunmak emr olunup emr-i celîlü’l-kadr ile tımarı olduğu sancakda sâkin olup alaybeğisi bayrağı altında sefere eşmek şartıyla tevcîh olunmak içün li-sene hams ve tis‘în ve elf Zilka‘desinin evâhiri tarihi ile düstûr-ı mükerrem müşîr-i mufahham nizâmü’l-âlem vezîr Mustafa Paşa edâmallâhu te‘âlâ iclâlehû tarafından hükm-i şerîf virildikden sonra tezkiresi virilmek fermânım olmağın ber-mûceb-i fermân-ı âlî zikr olunan dört bin iki yüz akçe tımarı vech-i meşrûh üzere me’mûr olduğu sefer-i hümâyûn bu âna değin gelmeğin mezbûr Yusuf tahvîline ibtidâsı
158
bedel-i mezkûr Mehmed’e tevcîh olunup berât-ı âlişân içün tezkire virildi tahrîren fî gurre-i Zilhicceti’ş-şerîfe sene hams ve tis‘în ve elf
Sahrâ-yı be-yurd-u Belgrad
Kayd fî 6 min şehr-i Rebiülevvel sene 96
154/82-2
Sefere Çıkmayan Manisa Serdarının Tutuklanması
Bi’l-fi‘il medîne-i Mağnisa’da icrây-i ahkâm-ı şerî‘at-ı garrâ iden fazîletlü Efendi zîdet fezâiluhû ve kıdvetü’l-emâsil ve’l-akrân mütesellimi zîde kadruhû ve sâir a‘yân-ı vilâyetin iş erleri siz inhâ olunan oldur ki hâlâ medîne-i mezbûr serdârı olan sâdır olan fermân-ı şerîf-i âlişân mûcibince sefer-i hümâyûna hareket itmeyüp ita‘at-i fermân-ı pâdişâhî eylemediği huzûruma i‘lâm olunmağla kendümiz ol tarafa varınca ahz ve kal‘a-bend olunmak bâbında buyruldı tahrîr olunup kıdvetü’l-emâsil ve’l-akrân yanımızda olan Turnacı Paşa vekîli Mustafa Çavuş zîde kadruhû mübâşeretiyle irsâl olunmuşdur vusûlünde gerekdir ki zikr olunan medîne-i mezbûr serdârı mübâşir-i merkûm ma‘rifetiyle ahz ve kal‘a-bend idüp bir vechle mu‘âvenet ve himâye tarîkine sâlik olmayasız husûs-ı mezbûr ehemm-i mühimmât-ı dîn ü devlet ve elzem-i levâzımât-ı mülk ve saltanat olduğu muhakkak olmağla avk ve müsâheleden ictinâb idüp mûcib-i buyruldı ile âmil olasız
Kayd fî 13 Sene 96
154/83-1
Engürüs Seferine Asker Gönderilmesi
Bi’l-fi‘il medîne-i Mağnisa’da icrâ-yı ahkâm-ı şerî‘at-i garrâ eden fazîletlü Efendi zîdet fezâiluhû ve kıdvetü’l-emâsil ve’l-akrân mütesellimi ve kethüdâyeri zîde kadruhum ve sâir a‘yân ve ahâlî ve vilâyetin iş erlerisiz inhâ olunan oldur ki bundan akdem Engürüs seferine me’mûr olan tavâif-i askerînin ihrâc ve irsâli içün sâdır olan fermân-ı şerîf-i âlişânı mûcibince tarafımızdan buyruldı muharrer ve sûretleri irsâl olunup ber-mûceb-i fermân sefer-i hümâyûna olanları tekrar buyruldı tahrîr olunup kıdvetü’l-emâsil ve’l-akrân Turnacı Paşa vekili olan Mustafa Çavuş zîde kadruhû mübâşeretiyle irsâl olunmuşdur vusûlünde gerekdir ki
159
sefer-i hümâyûna me’mûl olan askerî tâifesinden ber-mûceb-i fermân hareket itmeyüp yerinde bulunur ise bilâ-tevakkuf mübâşir-i merkûm ma‘rifetiyle ahz ve kal‘a-bend itdirüp ism ve resimleriyle mu‘accelen huzûruma arz ve i‘lâm eyleyesiz ki haklarında sâdır olan fermân-ı âlî mûcibince cezâları tertîb olunup sâire ibret ve mûcib-i nasîhat olunalar husûs-ı mezbûr bir vechle zaman-ı âhara kıyâs itmeyüp avk ve te’hîr ve müsâhaleden bir ferde mu‘âvenet ve himâyeden begâyet ihtirâz idüp mûcib-i buyruldı ile âmil olasız tahrîren sene 1096
Kayd fî 15 min Rebiülevvel sene 96
154/83-2
Eşkıyanın Yakalanması
Bi’l-fi‘il medîne-i Mağnisa’da icrâ-yı ahkâm-ı şerî‘at-i garrâdan fazîletlü Efendi zîdet fezâiluhû ve mefâhirü’l-emâsil ve’l-akrân mütesellim ve kethüdâyeri ve serdâr vekîlleri zîde kadruhû ve sâir a‘yân-ı vilâyetin iş erleri ve kurâ ahâlilerisiz inhâ olunan oldur ki kazâ-i mezbûra tâbi‘ Yunddağı nâhiyesinde Dere nâm karyeden El-hac İbrahim oğlu El-hac Süleyman elli kadar eşkiyâ ile ve Güzelhisar kazâsında Kilise nâm karyeden Küçük Hatib ve Münevveroğlu ve Bayrakdar İmam nâm şakîler onar nefer şakîler ile Musa nâm ağamızın zincir ile kuttâ‘ü’t-tarîk hapisleri ve getüren adamlarının önüne inüp eşyâların gâret ve yağmâ ve iki nefer ademini mecrûh ve zincirde olan hapisler ile bir ademîsin ahz eyledikleri huzûruma arz ve i‘lâm olunmağıl bi-eyy-i vech-i kân ahiz ve ele getürülmeleri bâbında buyruldı tahrîr olunup ağalarımızdan kıdvetü’l-emâsil ve’l-akrân zîde kadruhû mübâşeretiyle irsâl ve cevânib-i erba‘ada olan kazâ ahâlilerine dahi minvâl-i meşrûh üzere buyruldı îrsâl olunmuşdur gerekdir ki mübâşir-i merkûm ma‘rifetiyle ata ve dona kâadir tüfenk endâzlıkda bahâdır olan ahâlî-i vilâyetler-birle ittifâkan eşkiyâ-i mezkûr tecessüs ve tefahhus idüp her ne mahalde bulunurlar ise üzerlerine varup bi-eyy-i vech-i kân ahz ve ele getürmeye say‘ ve dikkat ve sarf-ı kudret eyleyüp bi’l-cümle refîkleri ile ele getürmeye ihtimâm-ı tâm idüp temerrüd ve muhalefetten be gayet ihtirâz eyleyüp mûcib-i buyruldı ile âmil olasız deyu tahrîr olundı
160
154/83-3
Avarız Vergisi Tahsili Anlaşmazlığı
Bi’l-fi‘il medîne-i İzmir ve Mağnisa’da seccâde-nişîn-i şerî‘at-i garrâ olan fazîletlü Efendi zîde fazluhumâ inhâ olunan budur ki bin doksan beş senesine mahsûb olmak üzere Aydın ve Saruhan muhassılı olan fahrü’l-emâcid ve’l-a‘yân Osman Ağa zîde kadruhû arz-ı hâl sunup uhdesinde olan muhassıllık iltizâmına karye-i Elliciyan re‘âyâsının üzerlerine avârızları olmayup avârızları mukâbelesinde kadîmden bu âna dek (tahrip olmuş) ve rüsûmları içün dörder kuruş viregelmişler iken ta‘allül ve muhâlefet eylediklerin der-devlete inhâ eyledikde mu‘tâd-ı kadîm üzere viregeldikleri rüsûmât tahsîli içün tarafımıza hitâben fermân-ı şerî‘at-ı âlişân virilüp İzmir Mollası mevlânâ olmak hasebiyle tarafından nâib ve tarafımızdan Musa Ağa mübâşeretiyle re‘âyâ-yı mezbûrun üzerlerine
154/84-1
Avarız Vergisi Tahsili Anlaşmazlığı
Emîrü’l-ümerâi’l-kirâm kebîrü’l-küberâi’l-fihâm zü’l-kadri ve’l-ihtirâm sâhibü’l-izz ve’l-ihtişâm el-muhtass bi-mezîdi inâyeti’l-meliki’l-a‘lâ Rumeli pâyesiyle Anadolu eyâletinde eşkiyâ teftîşine me’mûr olan……paşa dâmet me‘âlihû ve akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bi-mezîdi inâyeti’l-meliki’l-mu‘în mevlânâ İzmir kadısı zîdet fezâiluhû ve kıdvetü’l-kuzât ve’l-hükkâm ma‘denü’l-fazl ve’l-kelâm mevlânâ Mağnisa kadısı zîde fazluhu tevkî‘u refî‘u hümâyûn vâsıl olıcak ma‘lûm ola ki bin doksan beş senesine mahsûb olmak üzere Aydın ve Saruhan muhassıllığı üzerine Osman zÎde kadruhû Dersa‘âdetime arz-ı hâl idüp uhdesinde emr-i muhassıllık iltizâmına dâir Elliciyan re‘âyâsı üzerinde avârız olmayup avârızları mukâbelesinde kadîmden bu âna değin toprak rüsûmlar içün dörder kuruş viregelmişler iken mu‘tâd-ı kadîm üzere virmekde muhâlefet idüp mîrîye gadr eylediğin bildirüp mezbûrların üzerine edâsı lâzım gelen rüsûmları kânûn-ı kadîm üzere ve defter üzere tahsîl itdirüp hılâf-ı şer‘ ve kânûn ta‘allül ve nizâ‘ itdirilmemek bâbında emr-i şerîfim ricâ eylediği ecilden imdi mîrîye gadr olunmamak üzere şer‘ ve kânûn üzere amel olunmak fermânım olmuşdur buyurdum ki hükm-i şerîfimle vardukda bu bâbda sâdır olan emrim üzere amel
161
idüp göresiz mezbûrların üzerlerine edâsı lâzım olmayup avârızları rüsûmları mukâbelesinde kadîmden olugeldiği üzere virmeyüp noksan üzere teklîf idüp gadr eyledikleri vâki‘ ise ol makûle şer‘le görüp mezbûrların üzerlerine edâsı lâzım gelen rüsûmların kânûn-ı kadîm üzere viregeldikleri üzere tahsîl itdirmeyüp hılâf-ı şer‘ ve kânûn ta‘allül ve nizâ‘ itdirmeyesiz şöyle bilesiz alâmet-i şerîfe i‘timâd eyleyesiz tahrîren fi’l-yevmi’l-işrîn min şehr-i Zilka‘deti’ş-şerîfe li-sene sitte ve tis‘în ve elf Be-makâm-ı Edirne el-mahrûse
Kayd fî 4 min Rebiülâhir sene 96
154/84-2
Damga Vergisi Anlaşmazlığı
Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn vâris-i ulûmi’l-enbiyâi ve’l-mürselîn hüccetü’l-hak ale’l-halkı ecma‘în el-muhtass bi-mezîdi inâyeti’l-meliki’l-mu‘în mevlânâ Mağnisa kadısı zîdet fezâiluhû ve mefâhirü’l-kuzât ve’l-hükkâm ma‘âdinü’l-fezâil ve’l-kelâm Aydın sancağında vâki‘ olan kadılar zîde fazluhum tevkî‘i refî‘i hümâyûn vâsıl olıcak ma‘lûm ola ki Tire’de vâki‘ olan cullâh tâifesi Dersa‘âdetime arz-ı hâl idüp bundan akdem bin yetmiş senesinde Aydın sancağında damgalanması fermân olunan eşyâdan dörder (tahrip olmuş) resm-i damga olunup peştemal ve döşeme ve (tahrip olmuş) ve ketan bezi ve abdest makremesi ve hamam gömleği damgalanmayup bey‘ etmek içün Mağnisa’ya getürüp bey‘-i mezâd itdiğimizde Mağnisa’da damga emîni elimizde olan emr-i şerîf ve sûret-i deftere kana‘at eylemeyüp hılâf-ı emr ve deftere damgası taleb idüp rencîde ve remîde itdirilmemek bâbında emr-i şerîfim ricâ eyledikleri ecilden hazîne-i âmhazîne-iremde mahfûz olan mukâta‘ât defterlerhazîne-ine nazar olundukda
154/85-84-2
Aydın sancağında işlenen gömlek keten bezi ve döşeme ve (tahrip olmuş) ve hamam gömleği ve abdest makremesinden damga itmeye deyu emr-i şerîfim virilmidir deyu arz olundukda imdi kuyûdu mûcibince amel olunmak emr-i şerîfim olmuşdur buyurdum ki hükm-i şerîfimle vardukda bu bâbda sâdır olan emrim amel idüp göresin vech-i meşrûh üzere imdi sancağında işlenen gömlek keten bezi ve döşeme silgi ve abdest makremesinden ve hamam gömleğinden resm-i damga nâmıyla
162
mezbûrları mukaddemâ ve hâlâ virilen emr-i şerîfime muhâlif rencîde ve remîde itdirmeyesin şöyle bilesin alâmet-i şerîfe i‘timâd kılasın tahrîren fi’l-yevmi’r-râbi‘ şehr-i Receb sene sitte ve tis‘în ve elf
Kayd fî 26 şehr-i Rebiülevvel sene 96 Be-makâm-ı Edirne el-mahrûse
154/85-1
Sancak Mukataalarındaki Reayanın Vergi Anlaşmazlığı
Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmi’l-enbiyai ve’l-mürselîn el-muhtass bi-mezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû ve mefâhirü’l-kuzât ve’l-hükkâm ma‘âdinü’l-fezâil ve’l-kelâm Saruhan sancağında vâki‘ olan kadılar zîde fazluhum ve mefâhirü’l-emâsil ve’l-akrân mütesellimler ve iş erleri zîde kadruhum tevkî‘i refî‘i hümâyûn vâsıl olıcak ma‘lûm ola ki bin doksan üç ve doksan dört ve doksan beş senesine mahsûb olmak üzere ber-vech-i emânet dört kuruş Kılcan maa toyla Osmaneli mukâta‘asını der-uhde iden Mehmed zîde kadruhû eline virilen berât-ı şerîf mûcibiyle varup mukâta‘a-i mezbûr re‘âyâsın hukûk ve rüsûmları tahsîline mübâşeret itdiğinde mukâta‘a-i mezbûre re‘âyâsı kadîmden olup mürûr ve mezbûr iderler iken bazıları varup Saruhan sancağında vâki‘ kasabât ve kurâda ve nefs-i Mağnisa’da sâkin olup hukûk ve rüsûmları taleb olundukda biz zikr olunan sancakda mütesellim olanlar tarafından kadısı ta‘yîn olunanlara viregeldük deyü vermeyüp mîrîye gadr eylediklerin bildirüp mezbûrlara ol vechle nizâ‘ itdirmeyüp üzerlerine edâsı lâzım gelen hukûk ve rüsûmlarını bi-eyy-i vech-i kân tahsîl itdirilmek bâbında emr-i şerîfim ricâ eylediği ecilden mûcibince tahsîl olunmak fermânım olmuşdur buyurdum ki hükm-i şerîfimle vardukda bu bâbda sâdır olan emrim üzere amel idüp dahi mukâta‘a-i mezbûre re‘âyâsı tarafından olunur ise biz hukûk ve rüsûmlarımızı mütesellim tarafından kadısı ta‘yîn olunanlara viregeldik deyu özr ve bahâne itdirmeyüp üzerlerine edâsı lâzım gelen hukûk ve rüsûmlarını ma‘rifet-i şer‘le ve berât mûcibince tahsîl itdirmeyüp kimesneye ta‘allül ve muhâlefet itdirmeyesiz mâni‘ olanları men‘ ve def‘ idüp memnû‘ olmayanları yazup bildirüp emr-i âhar irsâline muhtâc eylemeyesiz şöyle bilesiz alâmet-i şerîfe i‘timâd
163
kılasız tahrîren fi’l-yevmi’s-sânî aşara min Zilka‘deti’ş-şerîfe li-sene hams ve tis‘în ve elf
Be-makâm-ı Edirne el-mahrûse Kayd fî 6 min Rebiülevvel sene 96
154/86-1
Sefer İçin Edirne’ye Asker Gönderilmesi
Mefâhirü’l-kuzât ve’l-hükkâm ma‘âdinü’l-fezâil ve’l-kelâm Anadolu’nun sağ kolunda vâki‘ olan kadılar zîde fazluhum tevkî‘i refî‘i hümâyûn vâsıl olıcak ma‘lûm ola ki inşaallahü’l-meliki’l-müte‘âl evvel-i bahar-ı hüceste-âsârda sefer-i hümâyûn-ı nusret-i makrûnum mukarrer ve muhakkak olmağla taht-ı kazânızda sâkin gediklü Dergâh-ı Mu‘allam müteferrikaları ve çavuşları ve dîvân-ı hümâyûnum ve defter-i hâkânî (tahrip olmuş) ve sâirleri sefer-i hümâyûnuma me’mûr olmalarıyla imdi her biriniz taht-ı kazânızda sâkin olanları vakt ü zamanıyla müstakillen evlerinden ihrâc ve bir yerde meks ü ârâm eylemeyüp nevrûz-ı fîrûzla üzerlerine mevcûd bulunmaları bâbında fermân-ı âlişânım sâdır olmuşdur buyurdum ki vusûl buldukda bu bâbda sâdır olan fermân-ı celîlü’l-kadrim üzere amel idüp dahi her biriniz taht-ı kazânızda sâkin olan mezbûrları vakt ü zamanıyla müstakillen evlerinden ihrâc ve bir yerde meks ü ârâm eylemeyüp nevrûz-ı fîrûzda Edirne’de mevcûd bulunalar şöyle ki vakt ü zamanıyla (tahrip olmuş) mezbûrda mevcûd bulunmayalar bir vechle özr ve cevâbları mesmû‘-ı hümâyûnum olmayup âhara buyrulduğundan gayrı mesûl ve mu‘âteb ve cezâları tertîb olunmak mukarrerdir ana göre tefhîm ve tenbîh idüp vech-i meşrûh üzere sâdır olan fermân-ı hümâyûnumun mazmûn-ı münîfi icrâsında dakîka fevt eylemeyesiz şöyle bilesiz alâmet-i şerîfe i‘timâd kılasız tahrîren fî evâhir-i şehr-i Muharremi’l-harâm li-sene sitte ve tis‘în ve elf
Be-makâm-ı Edirne el-mahrûse Kayd fî gurre-i Rebiülevvel sene 96
164
154/86-2
Sultan Murad Han, Sultan Süleyman Han’ın Validesi ve Sultan Şehinşah Evkafı Mültezimlerinin Bakayalarını Tahsili
Düstûr-ı mükerrem ve müşîr-i mufahham nizâmü’l-âlem müdebbirü’l-cumhûr (tahrip olmuş) mütemmimü’l-bünyân ed-devlet ve’l-ikbâl müşeyyed-i erkânü’s-sa‘âdet ve’l-iclâl el-mahfûf bi-sınûfi avâtıfi’l-mülki’l-a‘lâ ber-vech-i arpalık Saruhan Sancağı mutasarrıf olan vezîrim Halil Paşa edâmallâhu te‘âlâ iclâlehû ve akzâ kuzâtü’l-müslimîn evlâ vülâtü’L-muvahhidîn ma‘denü’l-fazl ve’l-yakîn hüccetü’l-hak ale’l-halkı ecma‘în vâris-i ulûmi’l-enbiyâi ve’l-mürselîn el-muhtass bi-mezîdi inâyeti’l -meliki’l-mu‘în İzmir ve Mağnisa kadıları zîdet fezâiluhumâ tevkî‘i refî‘i hümâyûn vâsıl olıcak ma‘lûm ola ki medîne-i Mağnisa’da (tahrip olmuş) merhûm ve mağfûrun leh Sultan Murad Han ve vâlide-i Sultan Süleyman han ve vâlide-i Sultan şehinşâh evkâfının bi’l-fi‘il berât-ı şerîfimle mütevellîsi olan kıdvetü’l-emâsil ve’l-akrân
154/87-86-2
Ahmed zîde kadruhû Dergâh-ı Mu‘allam’a arz-ı hâl idüp evkâf-ı mezbûr mukâta‘alarından taht-ı kazânızda vâki‘ Urla ve Burun Abad ve Terkos ve Kafirboz (tahrip olmuş) ve Gürleye ve mukâta‘aları bin doksan beş senesine cânib-i vakıfdan der-uhde iden (tahrip olmuş) zimmetlerinde bakâyâ kalan mal-ı vakfı mezbûrlardan taleb eyledikde vermekde ta‘alül idüp vakfa küllî gadr eylediklerin bildirüp mezbûrların zimmetlerine bekâyâ kalan mâl-ı vakf alıvirilmek bâbında emr-i şerîfim ricâ itmeğin şer‘le görülmek emrim olmuşdur buyurdum ki vusûl buldukda bu bâbda sâdır olan emrim üzere amel idüp mukaddemâ bir def‘a şer‘le görülüp fasl olunmayan husûsların tamâm hak ve adl üzere teftîş vetefahhus idüp göresin arz olunduğu üzere ise ol bâbda mugâyir-i şer‘-i kavîmle amel idüp dahi ba‘de’l-yevm sene-i merkûmede evkâf-ı mukâta‘aları der-uhde ve ikdâm iden mezbûrların zimmetlerinde bekâyâ kalan mal-ı vakf her ne ise hükm idüp bî-kusûr alıvirüp min ba‘d şer-i şerîfe ve emr-i hümâyûnuma ta‘arruz ve ta‘allül ve inâd itdirmeyüp husûs-ı mezbûr içün tekrar şikâyet olunmalu eylemeyesin şöyle bilesin alâmet-i şerîfe i‘timâd kılasın tahrîren fî evâsıt-ı şehr-i Muharremi’l-harâm sene sitte ve tis‘în ve elf Be-makâm-ı Edirne el-mahrûse
165 Kayd fî 4 min şehr-i Rebiülevvel sene 96
154/87-1