• Sonuç bulunamadı

Tezkiresi mûcibince virdümki zikr olunur ve buyurdum ki ba‘de’l-yevm taht-ı yedinde olup tahvîliniz şöyle ki vezâif-i hidemât-ı mebrûre-i mevkûfe ve mesaii meşkure ve asakir-i mansure ber mucibi defter-i hâkânî suduru şer’i minvâl ve kur’a ve ze‘âmeti halkı mûmâ-ileyhi kendülere subaşı bilüp ve subaşılığa müte‘allik umûrda mürâca‘ata mûmâ-ileyhe idesiz ol bâbda hiç ahad mâni‘ ve dâfi‘ olmaya şöyle bileler alâmet-i şerîfe i‘timâd kılalar tahrîren fî 22 min Şabani’l-mu‘azzam sene sitte ve selâsîn ve elf

Be-makâm-ı Edirne El-mahrûse

154/23-1

Esnaf Şeyhliği Anlaşmazlığı

Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l-yakîn vâris-i ulûmü’l-enbiyâi ve’l-mürselîn hüccetü’l-hakk ale’l-halkı ecma‘în el-muhtass bimezîdi inâyeti’l-meliki’l-mu‘în mevlânâ Mağnisa kadısı zîde fezâiluhû tevkî‘i refî‘i hümâyûn vâsıl olıcak ma‘lûm ola ki kıdvetü’s-sâdât Seyyid Ahmed zîde şeref siyâdetehû Dersa‘âdetime arz-ı hâl idüp Mağnisa’da vâki‘ Şeyh Seb‘a ta‘bîr olunur esnâf şeyhliği mâliye tarafından berât-ı âlişân ile tevcîh olunup bu âna dek mutasarrıf iken âherden Seyyid Hüseyin nâm kimesne askerî tarafından bir tarîk ile berât ibrâz idüp zabtına mâni‘ olup gadr eylediğin bildirüp yedinde olan mâliye berâtı mûcibince kemâkâne zabt itdirilüp askerî berâtıyla dahl iden mezbûr Seyyid Hüseyin ve âharı dahi ta‘arruz itdirmemek bâbında emr-i şerîfim virilmek ricâ eylemeğin hazîne-i

53

âmiremde mahfûz olan Anadolu muhâsebesi defterlerine nazar olundukda Mağnisa’da esnâf şeyhliği bin doksan dört Rebiülevvelinin yirmi ikinci gününde (tahrip olmuş) hümâyûnumla Seyyid Mehmed ref‘ınden Seyyid Ahmed’e tevcîh olunup hâlâ üzerinde olduğu mestûr ver mukayyed bulunmağın imdi derkenârı mûcibince zabt itdirilmek fermânım olmuşdur buyurdum ki hükm-i şerîfimle vardukda bu bâbda sâdır olan emrim üzere amel idüp dahi zikr olunan esnaf şeyhliği hâlâ mezkûr Seyyid Ahmed’in üzerinde olmağla elinde olan mâliye berâtı mûcibince marifeti şerle berâtla zabt itdirdüp askerî berâtıyla dahl iden mezbûr Seyyid Hüseyin ve âharı bir vechle dahl ve ta‘arruz itdirmeyesin husûs-ı mezbûrçün emr-i âher irsâline muhtâc eylemeyesin şöyle bilesin alâmet-i şerîfe i‘timâd kılasın tahrîren fi’l-yevmi’s-sâlis ve’l-işrîn min şehr-i Ramazani’l-mübârek sene sitte ve tis‘în ve elf Be-makâm-ı Edirne el-mahrûse

Kayd fî 26 min Zilka‘de sene 96

154/23-2

Karyelere Tayin Olunan Avarızhaneler

Zimmet

Bedel-i zahîre-i sursât kazâ-i mezkûr in der-livâ-i Saruhan sene 1096

Ber-mûceb-i defter-i hazîne-i âmire Kazâ-i Mağnisa ve Turgudlu ma‘a nefs-i şehr ve nevâhî ve kasaba-i Turgud

Kîl şa‘ir fi 40 kıymet 6000 kil 24000 Dakîk fi 90 500 kil 45000

Ağnâm fi 200 ru’us 8000 kıymet 24000

Revgan-sâde 400 kıyye 12000 fi 30 kıymet 400 12000

Asel 250 5000 fi 20 kıyye 250 kıymet 5000

Saman fî 30 kantar 500 kıymet 15000 Hatab fî 70 140 araba kıymet 9800 Yekûn 406800 sa

Kazâ-i Gördük

Dakîk 150 kîl kıymet 13500 Şa‘îr 800 kîl kıymet 32000

54 Ağnam ru’us 70 kıymet 1400

Sade revgan 70 kıyye kıymet 2100 Asel 50 kıymet 1000 Saman 80 kantar 2400 Hatab 40 araba 2800 Yekûn 67800 Kaza-i Güzelhisar Şa‘ir kîl 800 kıymet 32000 Dakîk 150 kil kıymet 13500 Ağnam 100 ruus kıymet 20000

Revgan-ı sâde kıyye 100 kıymet 3000 Asel kıyye 50 kıymet 1000

Saman kantar 100 kıymet 1000 Hatab araba 4 kıymet 2800 Yekûn 75300

Kazâ-i Adala

Şa‘îr kil 800 kıymet 32000

Dakîk kil 150 kıymet 13500 Ağnam ru’us 100 kıymet 20000 Revgan-ı sade kıyye 100 kıymet 3000 Asel kıyye 50 kıymet 1000

Saman 100 kantar kıymet 3000 Hatab 40 araba kıymet 2800 Yekûn 75300

Kazâ-i Marmara

Şa‘ir kil 900 kıymet 36000 Dakîk kil 150 kıymet 13500 Ağnam 100 ruu’s kıymet 20000 Ravgan-ı sade kıyye 100 kıymet 3000 Asel kıyye 50 kıymet 1000

Saman 60 kantar kıymet 1800 Hatab 30 araba kıymet 2100 Yekun77400

154/24-1

Vakıf Karye Zabitinin Öşürleri Uzak Pazara Gönderdiği Hakkında Şikayet

Akzâ kuzâtü’l-müslimîn evlâ vülâtü’l-muvahhidîn ma‘denü’l-fazl ve’l yakîn hüccetü’l-hakk-i ale’l-halkı ecma‘în vâris-i ulûmi’l-enbiyâ’i ve’l-mürselîn el-muhtass bimezîdi inâyeti’l-meliki’l-mu‘în Mevlânâ Mağnisa kadısı zîdet fezâiluhû ve kıdvetü’n-nüvvâb ve’l-müteşerri‘în Turgudlu nâhiyesinde nâibü’ş-şer‘ olan Mevlânâ……….zîde ilmuhû tevkî‘u refî‘u hümâyûn vâsıl olıcak ma‘lûm ola ki

55

Mağnisa kazâsı müzâfâtından Turgudlu nâhiyesinde vâki‘ evkâf karyelerinden dârendegân-ı fermân-ı hümâyûn Klizman nâm vakıf karye ahâlisi Dergâh-ı Mu‘allam’a âdem ve arz-ı hâl gönderüp bunlar karye-i mezbûre toprağında zira‘at ve hıraset idüp hâsıl eyledikleri terekeleri öşrünü evvelâ karyelerinde olan anbara bade her hafta durur (tahrip olmuş) satulur akreb bazara getürmeğe râzılar iken karye-i merkûm zâbiti olan……..nâm kimesne mesâfe-i ba‘îde olan bazara götürün deyu dahl ve rencîde eyledüğin bildirüp ol bâbda kânûn üzere emr-i şerîfim ricâ eyledikleri ecilden buyurdum ki hükm-i şerîfimle varduklarında husûs-ı mezbûra mukayyed olup göresin arz olunduğu üzere bunlar karyeleri toprağında zira‘at ve hırâset idüp hâsıl eyledikleri terekeleri öşrün evvelâ karyelerinde olan anbar-ı ba‘îde her hafta durur tereke satılur Akreb bazara götürdüklerinden sonra hilâf-ı kânûn karye-i merkume zâbiti olanlar mesâfe-i ba‘ide olan bazara götürün deyu dahl ve rencîde ve ta‘addî itdirmeyüp men‘ ve def‘ eyleyesin min ba‘d şer‘i şerîf ve kânûn ve emr-i hümâyûnuma muhâlif kimesneye iş itdirmeyesin eslemeyüp inat üzere olanları isim ve resimleriyle yazup bildirüp bu husûs içün tekrar şikâyet olunmalu eylemeyesin şöyle bilesin alâmet-i şerîfe i‘timâd kılasın tahrîren fî evâsıt-ı şehr-i Cemâziyelevvel sene sitte ve tis‘în ve elf

Be-makâm-ı Edirne el-mahrûse Kayd fî 13 Zilka‘detü’ş-şerîfe sene 96

154/24-2