Medine-i Karahisar-ı Sâhib mahallâtından Kâhil Mahallesi ahâlisinden Ġmamoğlu RüĢdü Efendi ibn-i Hacı Nâfi„ Ģer„i Ģerîf-i enverde medine-i mezbûre Birinci Sınıf Da‘va Vekillerinden Ġsmail Hakkı Efendi ibn-i Hacı Mehmet Ağa mahzarında bi-tav„ihi takrîr-i kelâm ve ta„bir-i „ani‟l-merâm idüp mahalle-i mezkûre ahâlisinden Sipâhi-zâde Hacı Murat Efendi ibn-i Mustafa benden da„vâ edeceğim hâne hissesiyle bi‟l-cümle leh ve „aleyhime vuku„bulmuĢ ve ba„demâ vuku„bulacak da„âvînin „âid olduğu muhâkeme-i nizâmiyenin hukuk ve ceza ve ticaret ve meccânen sulh kısımlarında ve mecâlis-i idare ve devâir-i sâirede bidâyeten ve istinâfen ve temyîzen ve tashîhan ve i„tirâzan ve i„âdeten taleb ve da„vâ ve ahz u kabza ve muhâkeme ve muhâseme ve müdâfa„a ve murâfa„aya ve Ģuhûd-ı ikâme ve istimâ„ına ve tahlîfe ve ikrâra ve vaz„-ı hacz ve fekkine ve tebliğ ve tebliğa ve kendi imzasıyla istid„â ve levâyih-i tanzim ve merci„-i „âidiyete takdime ve istihsal eylediği i„lâmâtı mevki„-i icrâya vaz„a ve lede‟l-iktizâsı sulh ve ibrâya ve âharı dahi tevkil ve terfîk ve „azline ve‟l-hâsıl husûsât-ı mezkûre-i mütevakkıfe olduğu umûrun küllisini derece-i kusvâ ve mertebe-i müntehîye kadr-i îfâ ve icrâya tarafımdan vekâlet-i
106
„âmme-i mutlaka-i sahîha-i Ģer„iye ile mûmâ ileyh Ġsmail Efendiyi vekil ve nâib-i münâsib nasb ve ta„yin eyledim dedik de mûmâ ileyh Ġsmail Efendi dahi ber-vech-i muharrer vekâlet-i mezkûreyi kabul ve hizmet-i lâzımesini kemâ fî hakkahâ edâ ve îfâyı ta„ahhüd ve iltizâm eyledim dedik de mâ-vaka„a bi‟t-taleb ketb ve imlâ olundı fi‟l-yevmi‟s-sâdis ve‟l-„ıĢrîn min Recebi‟l-mürecceb li-sene isnâ ve selâsîn ve selâse- mietün ve elf.
ġuhûdü‟l-hâl
Ketebeden Osman Efendi, Ketebeden Ahmet Efendi, Hademe Ali Efendi ve gayrühüm
648/ SAYFA VE BELGE NO: 81/103
Medine-i Karahisar-ı Sâhib‟e tabi Omuzca nâm-ı diğer Mecidiye karyesi ahâlisinden Bayramoğlu Feyzullah bin Bayram bin Abdullah meclis-i Ģer„îmizde karye-i mezkûre ahâlisinden Rüstemoğlu Tahir bin Rüstem bin Eyüb muvâcehesinde li-ebeveyn er karındaĢım olup „Asâkir-i ġâhâne Dördüncü Kol Ordusu Osmânî’ye Mensûb Kale Topçusu bin üç yüz yirmi dokuz senesi Temmuz‟unun yirmi üçüncü günü Eski Zağra Kasabası Hastanesinde ecel-i mev„ûduyla vefat eden Bayramoğlu Osman bin Bayram bin Abdullah‟ın verâseti li-ebeveyn er karındaĢı bulunduğum cihetle benimle zevce-i menkûha-i metrûkesi Asiye bint-i Tahir‟e münhasıra ve bizden gayri vârisi ve terekesine müstehak âharı olmamakla murisim karındaĢım müteveffâ-yı mezbûr Osman‟ın mezbûr Tahir Ağa zimmetinde cihet-i karzdan hayatında mezbûr Hacı Arif Efendi zimmetinde cihet-i karzdan kırk kuruĢ alacak hakkı olup meblağ-ı mezkûru kable‟l-ahz ve‟l-istifâ ber- vech-i muharrer vefat etmekle meblağ-ı mezkûr kırk kuruĢdan hisse-i irsiyyeme isabet eden otuz kuruĢu hala bana eda ve teslime mezbûr Tahir Ağaya tenbih olunmak matlubumdur deyü da„vâ ettik de lede‟l-suâl mezbûr Tahir Ağa dahi cevabında cihet-i merkûmeden merkûm Osman’a zimmetinde meblağ-ı mezkûr kırk kuruĢ deynî olduğu tav„an ba„de‟l-ikrâr lakin müdde„iyye-i mezbûre Fatıma Hatun’un ber-vech-i muharrer vefat ve verâset-i müdde„âsını külliyen inkar etmekle müdde„î merkûm Feyzullah’ın ber-vech-i muharrer vefat ve verâset-i mezkûre müdde„âsına mutâbık beyyine taleb olunduk da Yarımca nâm-ı diğer Servi karyesi ahâlisinden„Asâkir-i ġâhâne Otuz Üçüncü ‘Alayının Ġkinci Taburunun
107
Dördüncü Bölüğünün onbaĢısı olup terhis olunan Osman oğlu Ġbrahim bin Mehmet bin Osman nâm kimesneler li-ecli‟Ģ-Ģahâde meclis-i Ģer„a hâzırân olup istiĢhâd olunduklarında fi‟l-hakika iĢ bu müdde„iye-i mezbûr Feyzullah’ın li-ebeveyn er karındaĢı Asâkir-i ġâhâne Dördüncü Kol Ordusu Osmani’yenin Kale Topçusu mezkûr Omuzca nâm-ı diğer Mecidiye karyesi ahâlisinden Bayramoğlu Osman bin Bayram bin Abdullah bin üç yüz yirmi dokuz senesi Temmuz‟unun yirmi üçüncü günü tarihinde Eski Zağra Kasabası Hastanesinde esîran vefat eylediği râyü‟l-„ayn müĢâhade idüp salâtını edâ ve mekâbir-i Müslimine defin eyledik müteveffâ-yı mezbûr Osman’ın verâseti li-ebeveyn er karındaĢı iĢ bu müdde„î mezbûr Feyzullah ile zevce-i menkûha-ı metrûkesi Asiye binti Tahir‟e münhasıradır bunlardan gayri vârisi ve terekesine müstehak âharı olduğu ma„lûmumuz değildir. Biz bu hususa bu vech üzre Ģâhidiz ve Ģahâdet dahi ideriz deyü her biri müttefikü‟l- lafz ve‟l-ma„nâ bi‟l-müvâcehe ber-nehc-i Ģer„î edâ-yı Ģahâdet-i Ģer„î edâ-ı Ģahâdet Ģer„iye etmeleriyle Ģâhidân-ı mezbûrân usûl-ı mevzû„asına tatbîkan bâ-varaka-ı mestûre mensub oldukları mezkûr Servi karyesi Ġmamı Mehmet Efendi ibn-i Salih bin Mustafa ve Muhtarı Hacı Osman bin Mustafa bin Osman nâm kimesnelerden olan sırren ve ba„dehû Burhaniye karyesi ahâlisinden Osmanoğlu Hasan bin Hüseyin (SAHĠFE-82) Karaman Mahallesi ahâlisinden AĢkaroğlu Mustafa bin Hasan bin Hüseyin nâm kimesnelerden müdde„î mezbûr Feyzullah ile müdde„i „aleyh mezbûr Tahir ve Ģâhidân-ı mezbûrân hazır oldukları halde bi‟l-müvâcehe „alenen lede‟t-tezkiye „adl ve makbûlü‟Ģ-Ģahâde idükleri iĢ„âr ve ihbâr olunmağın mucibince müdde„iye-i mezbûre Feyzullah’ın ber-vech-i muharrer vefât ve verâset-i mezkûre müdde„âsına ba„de‟l-hükm „alâ mûceb ikrâra meblağ-ı mezkûr kırk kuruĢtan hisse-i irsiyyesine isabet eden otuz kuruĢu müdde„iyye-i mezbûre Feyzullah’a hala edâ ve teslimiyle müdde„î „aley-i mezbûr Tahir Ağa ilzâm olunduğu tescîl ve i„lâm olundı fi‟l-yevmi‟s-sânî ve‟l-„ıĢrîn r min Recebi‟l-mürecceb li-sene isnâ ve selâsîn ve selâse-mietün ve elf.