Medine-i Karahisar-ı Sâhib mahallâtından Hacı Evtal Mahallesi ahâlisinden Hancı-zâde Abdülkadir Efendi ibn-i Hasan Ağa meclis-i Ģer„-i Ģerîf-i enverde medine-i mezbûre Da‘va Vekillerinden …-zâde Ahmet Efendi ibn-i Hasan mahzarında bi-tav„ihi takrîr-i kelâm ve ta„bir-i „ani‟l-merâm idüp „an asıl Karahisar ahâlisinden olup medine-i mezbûrede mucâvire-i mukim Ġsmail ibn-i
93
Ġbrahim bin Osman medine-i mezbûre mahkeme Ģer„iyesinde bana hitaben Ģöyle takrir-i kelâm eder ki taht-ı tevliyetimde bulunan Afyonkarahisar’ın ÇarĢı içi Mahallesi’nde kâin câmi ve ona ait vakıf hânenin be-mûceb Ģart-ı vâkıfı tamir ve termim ve îcâre-i ve sâire hususât-ı lazımesinin icrâsında evvelce bâ-hüccet-i Ģer„iye tevkil etmiĢ olduğu li-eb biraderi Ziya Beyin „azliyle vakf-ı mezkûr-ı vâridat ve masrûfât muhâsebesinin ru‟yet ve tedkikine ve vakf-ı gallesinden zimmetine bir Ģey geçirmiĢ olduğu tahakkuk ederse tahsiline ve icabında husûs-ı mezkûr hakkında müdde„î ve müdde„î „aleyh sıfatıyla bidâyeten ve istînâfen ve temyîzen da„vâ ve muhaseme ve mürâfa„aya ve taleb ve ahz ve kabz ve istihsâl edeceği i„lâmın infâzına ve lazım gelecek mesned„iyân alındı imzasıyla ve dilediği gibi „ibâre ile vermeğe velhasıl husûs-ı mezkûrun mütevakkıf olduğu umûrun küllisini îfâya ve husûl-ı maksad içün her kim lazım ise icrâya verilir isem bu vekâletin cümlesine veyahut ba„zısına âharı tevkîle müddeten ve ba„d merraten ve kerraten „azl ve tebdîle iĢ bu bin üç yüz otuz bir senesi Zilkadeti‟Ģ-Ģerifesinin sekizinci günü tarihiyle müverrih ve Medine-i Münevvere Kadısı Süleyman RüĢdü Efendinin imza ve zımmını hâvî ve fetevâhâne-i celîleden musaddak bir kıt„a hüccet-i Ģer„iye mûcebince mûmâ ileyh Ġsmail Efendi beni kabûle mevufe âharı tevkîle me‟zûn olmak üzre hayr-ı vekâlet bana vâsıl olduk da ben dahi zuhûr eden mazeretim üzerine husus-ı mezkûru bizzat ta„kib edemeyeceğinden me‟zûniyet-i mezkûreme binâen husûsât-ı mezkûrenin tevakkuf olduğu umûrun küllisini derece-i kusvâ ve mertebe-i müntehîye kadr-i îfâ ve icrâsına tarafımdan mûmâ ileyh Ahmet Efendi‟yi vekâlet-i sahîha-ı Ģer„iye ile vekil ve nâib-i münâsib nasb ve ta„yin eyledim dedik de mûmâ ileyh Ahmet Efendi dahi ber-vech-i muharrer vekâlet-i mezkûreyi kabul ve hizmet-i lâzımesini kemâ fî hakkahâ edâ ve îfâyı ta„ahhüd ve iltizâm eyledim dedik de mâ-vaka„a bi‟t-taleb ketb ve imlâ olundı fi‟l-yevmi‟s-sâbi„„aĢar min Cemâziye‟l-âhir li-sene isnâ ve selâsîn ve selâse-mietün ve elf.
ġuhûdü‟l-hâl
Ketebeden Ahmet Efendi, Ketebeden Osman Efendi, Hademe Ali Efendi ve gayrühüm
648/ SAYFA VE BELGE NO: 74/94
94
Hüseyinoğlu Hüseyin ÇavuĢ bin Ali Medine-i mezbûre mahkemesinde ma„kûd ve meclis-i Ģer„-i Ģerîfde Medine-i mezkûre mahallâtından Sorup Toros Mahallesi mütemekkinlerinden Teb„a-ı Devlet-i „Aliyyenin Ermeni milletinden Avakan Hacı Nazret veledi Begos muvâcehesinde tarih-i zabttan bir sene mukaddem sekiz adet lira-yı Osmânî semen-i medfû„ ve makbûz mukâbelesinde uzun kuyruklu ve kuyruğunun ucu cüz‟î beyaz on bir yaĢında bir re‟s kancık camus ineği karyemiz ahâlisinden Kalakoğlu Hüseyin den iĢtirâ idüp ol vechle Ģerâen ceddimde malım ve mülküm olup karyemiz harman yerinde ra„â olunurken târih-i zabt-ı mezkûreden üç gün evvel sirkat olunmağla mezkûr camusu hayyen tahrir etmek de iken iĢ bu meclis- i Ģer„ada mu„âyene olunan mezkûr camusun derisini merkûm Nazret yedinde bulmamla mezkûr deri yedinde olduğu tav„an ba„de‟l-ikrâr lakin mezkûr deriyi gâib „ani‟l-meclis-i Kassâb Hakkı‟dan tarih-i zabtdan bir gün mukaddem beheri kaydı yediĢer kuruĢ otuz beĢ paradan yirmi bir kıyye camus derisini yüz altmıĢ altı buçuk kuruĢ esemen-i medfû„ ve makbûz mukabelesinde iĢtirâ idüp ol vechle mezkûr deri Ģerâen malım ve mülküm olmağla bi-hak zabt ve vaz„-ı yed ederim deyü müdde„î merkûm Hasan‟ın ber vech-i muharrer müdde„âsını inkâr etmekle müdde„î mezbûr Hüseyin ÇavuĢ dan ber vech-i muharrer müdde„âsına mutâbık beyyine taleb olunduk da her biri Küçük Hüyük karyesi ahâlisinden Hacı Ġbrahimoğlu Hacı Mehmet bin Ali bin Osman ve Burmalı Mahallesi ahâlisinden Mustafa Efendi ibn-i Mehmet Efendi ibn-i Abdullah nâm kimesneler li-ecli‟Ģ-Ģahâde meclis-i Ģer„a hâzırân (SAHĠFE-75) olup istiĢhâd olunduklarında fi‟l-hakika iĢ bu müdde„î merkûm Hüseyin ÇavuĢ bin Ali tarih-i zabtdan bir sene mukaddem mezkûr Küçük Hüyük karyesi ahâlisinden Kalakoğlu Hasan‟dan sekiz „aded lira-yı Osmânî mukabelesinde uzun kuyruklu ve kuyruğunun ucu cüz‟î beyaz bir baĢ kancık camus ineği iĢtiraedüp ol vechle merkûm Hüseyin ÇavuĢ‟un iĢtirâ yedinde malı olduğu halde mezkûr camusu harman yerinde tarih-i zabtdan üç gün evvel sirkat olunmuĢ idi iĢ bu mu„âyene olunan deri mezkûr camusun derisidir biz bu hususa bu vech üzre Ģâhidiz ve Ģahâdet dahi ideriz deyü her biri müttefikü‟l-lafz ve‟l-ma„nâ bi‟l- müvâcehe ber-nehc-i Ģer„î edâ-ı Ģahâdet-i Ģer„iye etmeleriyle Ģâhidân-ı mezbûrân usûl-ı mevzû„asına tatbîkan bâ-varaka-ı mestûre mensub oldukları mezkûr Küçük Hüyük karyesi Ġmamı ġükrü Efendi ibn-i Hüseyin Efendi bin Hacı Ahmet ve Muhtarı Veyisoğlu Ali bin Mehmet bin Ali ve Burmalı Mahallesi Ġmamı Halil
95
Efendi ibn-i Hacı Mustafa bin Abdullah ve Muhtarı Kalaycı Arif bin Fettah bin Ömer nâm kimesnelerden evvela sırran ve ba„dehû Efecik Mahallesi ahâlisinden Muytab Hacı Mahmutoğlu Ahmet bin Hacı Mahmut bin Abdullah ve Sinir karyesi ahâlisinden ġükrüoğlu Mustafa bin Salih bin Hüseyin nâm kimesnelerden müdde„î mezbûr Hüseyin ÇavuĢ ile müdde„î „aleyh-i mezbûr Haci Nazret ve Ģâhidân-ı mezbûrân hazır oldukları halde bi‟l-müvâcehe „alenen lede‟t-tezkiye „adl ve makbûlü‟Ģ-Ģahâde idükleri iĢ„âr ve ihbâr olunmağın mucibince müdde„î merkûm Hüseyin ÇavuĢ mezkûr-ı müdde„iyyenin ineğini kable‟l-tervih hiç bir kimesneye satmadığına vehbe ve ibrâ etmediğine ve hiçbir vechle mülkünden ihrâc etmediğine mezkûr inek kendisi tarafından ile derisini hiçbir vechle mülkünden çıkarmadığına ber nehc-i Ģer„î tahlif edilmeğin mucibince müdde„âya mezkûr derisi müdde„î merkûm Hüseyin ÇavuĢ‟a hala edâ ve teslimiyle müdde„î „aley-i mezbûr Hacı Nazret‟e tenbih olunduğu tescîl ve i„lâm olundı fi‟l-yevmi‟l-„ min Recebi‟l- mürecceb li-sene isnâ ve selâsîn ve selâse-mietün ve elf.