Medine-i Karahisar-ı Sâhib mahallâtından Kâhil Mahallesi ahâlisinden iken bundan akdem vefat eden Kebabcı-zâde Hacı Ahmet Ağa ibn-i Hacı Mehmet Ali ibn-i Mustafa‟nın verâseti zevce-i menkûha-i metrûkesi Hatice bint-i Yusuf ile sülbiye-i sagîre oğulları Osman ve Mehmet ve sülbiye-i sagîre kızları Huriye ve Rabia’ya münhasıra sagire-i mezbûre Huriye dahi vefat idüp verâseti vâlidesi mezbûr Hatice ile li-ebeveyn er karındaĢları sagiran-ı mezbûran Osman ve Mehmet ve li-ebeveyn kız karındaĢı sagire-i mezbûre Rabia’ya münhasıra olduğu bi‟l-ihbâr ba„de‟t-tahakkuku‟Ģ-Ģer„î sıgâr-ı mezbûrun Osman ve Mehmet ve Rabia’nın tesviye-i umurlarına kıbel-i Ģer„den vâlideleri mezbûre Hatice vasî ta„yîn olunmuĢ ise de sıgâr-ı mezbûrunun iki bab dükkân ve bir hâne hisselerini ve îcârını ve sâire-i emvâlını defter-i kassâma derc etmediği ve Eytam Müdürüne dahi göstermediği ve bu vechle sıgâr-ı mezbûrûna emanet eylediği bu kere Eytam Komisyonu tarafından icrâ edilen tahkikatdan anlaĢılmıĢ olmakla mezbûre vesâyinden „azl edilmekle sıgâr-ı mezbûrûnun tesviye-i umûrlarını bi-hak ru‟yete ehliyetim ve emniyetim mahkeme-i Ģer„iyede tahakkuk eylediği tsviye-i umûrlarına nasb ve ta„yîn olunmaklığımı ve mezbûre Hatice sıgar-ı mezbûrûna ecnebi bir zevâta teftiĢini tezevvüc eylemiĢ olduğundan mallarını hasara uğramaksızın bana teslime mezbûre Hatice’ye tenbih-i Ģer„î olunmasını taleb ederim dedik de müdde„î mûmâ ileyh Mustafa Efendi emin ve müstakim ve umûr-ı vesâyeti tamamiyle der„uhde etmeğe muktedir bulunduğu Kâhil Mahallesi ahâlisinden Ġmam-zâde Ahmet Efendi ibn-i Hacı AliĢ Efendi bin Abdurrahman ve mahalle-i mezkûre ahâlisinden Fırıncıoğlu Salih bin Hacı Mehmet bin Hacı Alioğlu Ahmet bin Hacı Ali bin Himmet nâm kimesnelerin Ģâhidanlarıyla tahkîk etmeğin Ģâhidân-ı mezbûrân usûl-ı mevzû„asına tatbikan ve varaka-i mestûra mensûb oldukları mezkûr Kâhil Mahallesi Ġmamı Yusuf Efendi ibn-i Mustafa bin Mehmet ve Muhtarı Emir Himmetoğlu Mehmet bin Mehmet
112
bin Abdullah nâm kimesnelerden evvela sırran ve ba„dehû ÇavuĢoğlu Mahallesi ahâlisinden Zobuoğlu Ali Efendi ibn-i Yunus bin Ahmet ve Sinan PaĢa Mahallesi ahâlisinden Geneli-zâde RüĢdü Efendi ibn-i Ahmet bin Halil nâm kimesnelerden müdde„î mûmâ ileyh Mustafa Efendi ile Ģâhidân-ı mezbûrun hazır oldukları halde bi‟l-müvâcehe „alenen lede‟t-tezkiye „adl ve mekbûlü‟Ģ-Ģahâde idükleri iĢ„âr ve ihbâr olunmağın mûcibince müdde„i merkûm Mustafa Efendi sıgar-ı mezbûrunun vakt-i rüĢd ve sedadlarına değin babaları müteveffâ-yı mezbûrdan mevrûs ve müntakil mallarını hıfz ve hırasına vesâir umûr-ı lâzımelerini tesviye ve ru‟yete kıbel-i Ģer„den vasî nasb ve ta„yîn olduk da ber-vech-i muharrer vesâyet-i merkûmeyi kabul ve hizmet-i lâzımelerini kemâ yenbağî edâ ve îfâyı ta„ahhüd ve iltizâm etmeğin mâ vaka„a bi‟t-taleb ketb olundu fi‟l-yevmi‟l-hâmis „aĢar min Recebi‟l-mürecceb li-sene isnâ ve selâsîn ve selâse-mietün ve elf.
ġuhûdü‟l-hâl
Ġmam-zâde Ahmet Efendi ibn-i Hacı AliĢ Efendi bin Abdurrahman Furuncuoğlu Salih bin Hacı Mehmet bin Mehmet, Hacı Alioğlu Ahmet bin Hacı Ali bin Himmet ve gayrühüm
648/ SAYFA VE BELGE NO: 84/108
Medine-i Karahisar-ı Sâhib‟e tabi„ Kararslan karyesinde sâkine ve zâtı ta„rîf-i Ģer„î ile mu„arrefe olan Emine binti Bâlî nâm Hatun meclis-i Ģer„îde ve medine mezkûre mahallâtından Sinan PaĢa Mahallesi (SAHĠFE-85) ahâlisinden Arık-zâde Hacı Arif Efendi ibn-i Hacı Ahmet muvâcehesinde zevc-i dahlim olup ‘Asâkir-i ġâhâne Yirmi BeĢinci Alayının Üçüncü Taburunun Üçüncü Bölüğünün On BeĢinci Mangasının dördüncü neferi iken bin üç yüz otuz senesi Zilhicceti‟Ģ- Ģerifesinin on ikinci günü tarihinde Çatalca’da UĢak Tabyasında Ģehîden vefat eden karye-i mezkûre ahâlisinden ġehirli Mehmetoğlu Veysel bin Mehmet bin Ali‟nin verâseti zevce-i menkûha-i metrûkesi bulunduğum cihetle benimle vâlidesi AyĢe binti Ali ve li-ebeveyn kız karındaĢları Ġsmihan ve Mavi ve li-ebeveyn er karındaĢları Ġsmail ve Hasan münhasıra ve bizden gayrı vârisi ve terekesine müstahak âharı olmamakla mûrisim zevcem müteveffâ-yı mezbûr ve hayatında mezbûr Hacı Arif Efendi zimmetinde cihet-i karzdan kırk kuruĢ alacak hakkı olup meblağ-ı mezkûru kable‟l-ahz ve‟l-istifâ ber-vech-i muharrer vefat etmekle meblağı
113
mezkûr kırk kuruĢdan hisse-i irsiyyeme isabet eden on kuruĢu hala bana eda ve teslime mezbûr Hacı Arif Efendiye tenbih olunmak matlubumdur deyü da„vâ ettik de lede‟l-suâl mezbûr Hacı Arif Efendi dahi cevabında cihet-i merkûmeden merkûm Veysel’e zimmetinde meblağ-ı mezkûr kırk kuruĢ deynî olduğu tav„an ba„de‟l-ikrâr lakin müdde„iye-i mezbûre Emine’nin ber-vech-i muharrer vefat ve verâset-i mezkûre müde„âsı külliyen inkar etmekle müdde„iyye-i mezbûre Emine Hatundan ber-vech-i muharrer vefat ve verâset-i mezkûre müdde„âsına mutabık-ı beyyine talep olunduk da Sinan Halife Mahallesi ahâlisinden Halacoğlu Mehmet bin Osman bin Mehmet ve Deper karyesi ahâlisinden ġitğlu Ömer bin Hüseyin nâm kimesneler li-ecli‟Ģ-Ģahâde meclis-i Ģer„a hâzırân olup istiĢhâd olunduklarında fi‟l-hakika iĢ bu müdde„iye-i mezbûre Emine bint-i Bali nâm Hatunun zevc-i dahli Asâkir-i ġâhâne Yirmi BeĢinci Alayının Üçüncü Taburunun Üçüncü Bölüğünün dördüncü neferi Karaarslan karyesinden ġehirlioğlu Veysel bin Mehmet bin Ali bin üç yüz otuz senesi Zilhicceti‟Ģ-Ģerifesinin on ikinci günü tarihinde Çatalca‟da UĢak Tabyasında Ģehîden vefat eylediğini ra‟yü‟l-„ayn müĢâhade eyledik ve müteveffâ Veysel’in verâset-i zevce-i menkûha-i metrûkesi Emine binti Balı ve vâlidesi AyĢe binti Ali ve li-ebeveyn kız karındaĢları Ġsmihan ve Mavı ve li-ebeveyn er karındaĢları Ġsmail ve Hasan’a münhasıradır bunlardan gayri vârisi ve terekesine müstehak âharı olduğu ma„lûmumuz değildir. Biz bu hususa bu vech üzre Ģâhidiz ve Ģahâdet dahi ideriz deyü her biri müttefikü‟l-lafz ve‟l-ma„nâ bi‟l-müvâcehe ber-nehc- i Ģer„î edâ-yı Ģahâdet-i Ģer„iye etmeleriyle Ģâhidân-ı mezbûrân usûl-ı mevzû„asına tatbîkan bâ-varaka-ı mestûre mensub oldukları mezkûr Deper karyesi Ġmamı Hacı Hafız Mehmet Efendi ibn-i Hafız Ġbrahim bin Ali ve Muhtarı Hacı Hasan bin Hacı Mehmet bin Salih ve Sinan Halife Mahallesi Ġmamı Çolakoğlu Ahmet Efendi ibn-i Bekir bin Abdullah ve Muhtarı Mirimoğlu Hacı Süleyman bin Abdullah nâm kimesnelerden olan sırren ve ba„dehû Hacı Evtal Mahallesi ahâlisinden Kamburoğlu Molla Ahmet bin Mehmet Efendi bin Ahmet ve ÇavuĢbaĢ Mahallesi ahâlisinden Müezzinoğlu Abdurrahman Efendi ibn-i Bekir bin Hacı Ali nâm kimesnelerden müdde„iyye-i mezbûre Emine ile müdeî„-i „aleyh-i mezbûr Hacı Arif Efendi ve Ģâhidân-ı mezbûrân hazır oldukları halde bi‟l-müvâcehe „alenen lede‟t-tezkiye „adl ve makbûlü‟Ģ-Ģahâde idükleri iĢ„âr ve ihbâr olunmağın mucibince müdde„iye-i mezbûre Emine’nin ber-vech-i muharrer vefât ve verâset-i
114
mezkûre müdde„âsına ba„de‟l-hükm „alâ mûceb ikrâra meblağ-ı mezkûr kırk kuruĢtan hisse-i irsiyyesine isabet eden on kuruĢu müdde„iyye-i mezbûre Emine Hatuna hala edâ ve teslimiyle müdde„î „aleyh-i mezbûr Hacı Arif Efendi ilzâm olunduğu tescîl ve i„lâm olundı fi‟l-yevmi‟l„iĢrîn min Recebi‟l-mürecceb li-sene isnâ ve selâsîn ve selâse-mietün ve elf.