Mustafa tarafından, aralarında olan münakaşadan dolayı kurşun memlü tüfek ile sağ memesi üzerinden vurulmak suretiyle, katledildiğini ve varis-i maktulce verilecek karara göre katil-i merkuma kısas uygulanıp uygulanamayacağını belirten 12 – 21 Temmuz 1859 tarihli ferman.
S.69 - 70/B.127: Eşkıya makulesinden ve kura firarisinden olub Canik Sancağı kazalarında geşt ve güzar ve ebna-yı sebil isale rahre ve har itmekde olan malum olan kişilerin yakalanması zımnında müceddiden tertib ve üzerlerine sevk ve tertib olunmuş olan neferat-ı zabtiye eşkıya-yı merkume tarafından teşhir-i silah ibtidâr ile içlerinden birisi eşkıya bulunan Kalense Kazası’nda Miran Karyesi sakinlerinden Soğancıoğlu Osman’ın ateş ettiği tabancanın kurşunu neferat-ı merkumeden Tarbzon Eyaleti dâhilinde bulunan Etna Kazası’nın Yaşköy ahalisinden olub Canik Sancağı’nda Samsun kurasının Ferak Karyesi sakinlerinden Bayram oğlu İsmail bin Memiş’in sol memesi altından isabet idüb beş buçuk saat sonra vefat ettiğini belirten 22 – 31 Temmuz 1859 tarihli ferman.
S.70/B.128: Karahisar Sahib’e bağlı Baviredi Karyesi haricinde sakin Kıbtîyan Taifesi’nden Mehmet bin Satılmış’ın taife-i merkumeden merkum Mehmet’in eşi Arzu Hatun’un erkek kardeşi Kamer bin Mehmet tarafından, sağ tarafı kasığından piştov kurşunuyla vurulmak suretiyle katledildiğini ve varis-i maktulce verilecek karara göre katil-i merkuma kısas uygulanıp uygulanamayacağını belirten 10 – 19 Ağustos 1859 tarihli ferman.
DİBACE(S.2): Bismi te‘ala haza defter-i kısas der-zaman sadr-ı südûru’l-vüzerâ Hazret-i Mustafa Reşid Paşa ve fî-iyân-ı nezâret-i umur-ı hariciye-i cenâb-ı Edhem Paşa yeşhirü hüma Allahû mâ yürîd ve mâ yeşâ el-vaki‘
Fî Gurre-i CÂ ( Cemâziye’l-Evvel) Sene 1273 (28 Aralık 1856) S.2/B.1: Tırhala Sancağı inzimamıyla Yanya Eyâleti Vâlîsi olub ve mecidiye-i nişâne-i hümâyûnumun birinci rütbesinin ha’iz ve hasıl olan vezirim Mehmet Emin Paşa iclâlehûya ve mirmiran-ı kiramdan Berat Sancağı Ka’imakamı Hüseyin Paşa dâmet ma‘aliyeye ve Berat Kazası Na’ib ve Müftüsü’ne ve a‘za-yı meclis zîde kadruhûma hükm ki
Yanya Eyâleti dahilinde kâ’in Berat Kazası mahallatından Mehmed Beğ Mahallesi ahalisinden olub katîlen vefât iden Mustafa bin Ahmed’in veraseti vâlidesi Hadice bint-i Hasan’a muhzıra olduğu ledi’ş-şer‘ olunur zahr ve mütehakkık oldukdan sonra mezbûre-i Hadice’nin kaza-i mezbûra tabi‘ Labarca Karyesi ahalisinden Hüseyin bin Elhas nam Kıbtî ile meclisde ber-nehc-i şer‘î hin-ü terâfü‘lerinde merkûm Hüseyin maktûl-u merkûm Mustafa’ya piştov kurşunuyla ‘amden bi-gayr-ı hak cerh ve katl iderek cerh-i mezbûrun müte’essiren der-‘akab vefât eylediği katil-i merkûmun bi’t-tav‘ ve’l-rıza i‘tiraf ve ikrârıyla sabit ve merkûmun kısasına hükm-i şer‘î lahık olduğu bâ- mazbata ile i‘lâm inhâ olunmuş ve mufad-ı i‘lâma nazaren maktûl-u mezbûr Mustafa’ya katil-i mezbûr Kıbtî Hüseyin mucebi kısas olan katl ile katl eylediği tav‘an ikrârıyla sabit olmuş olmağın bu suretle maktûl-u mezbûrun vâlidesi ve hasren varisesi mezbûre Hadice katil-i mezbûru kısasdan ‘afv itmediği halde bizzatihi huzurunda talebiyle katil-i mezbûr Hüseyin’e icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olmağla ber-muceb-i kayd-ı fetvahane-i mezbûre Hatice ‘afv itmediği halde bizzatihi huzurunda talebiyle katil-i merkûmun icrâ-yı kısası ve eğer ‘afv ider veya sulh olur ise ol-halde kısas-ı sakıt olacağından icab-ı şer‘inin icrâsıyla keyfiyetin bâ-mazbata ve i‘lam iş‘ârı ve katil-i merkûmun dahi hakkında mücâseret-i kanûniye icrâ olunmak üzere tarih-i habsi gösterilerek bu tarafa irsali babında lazım gelen emr-i şerifimin ahrarı meclis-i vâlâ-yı ahkâm-ı ‘adliyeden bâ- mazbata ifade olunmuş ve keyfiyet-i taraf-ı eşref pâdişâhâneme ‘arz ile lede’l-istîzân
ber minval-i muharrer icrâsı hususuna irade-i seniyye-i mülûkânem ta‘allukuyla emr-i hümâyûn-u şâhânem sünûh ve südûr itmiş olmağın siz ki vâlî ve ka‘imakam-ı müşârün- ileyhümâ ve Na’ib ve müftü vesa’ir mûmâ-ileyhimiz bir minvâl-i meşrûh maktûl-u merkûmun varisesi olan vâlidesi ‘afv itmediği halde huzurunda katil-i merkûmun icrâ-yı kısası ve eğer ‘afv ider veya sulh olur ise ol-halde kısas-ı sakıt ve mes’ele-i diyete münkalib olacağından icab-ı şer‘inin icrâsıyla keyfiyetin bâ-mazbata ve i‘lâm-ı iş‘ârı ve katil-i merkûmun dahi hakkında mücâzât kılınmasına icrâ olunmak üzere tarih-i habsi gösterilerek bu tarafa irsali irade-i seniyye-i mülûkânem muktezasından idüğü ma‘lûmunuz oldukda ol-vechile icrâ-yı ahkâm-ı şeri‘at-ı garraya müsaberet ve ‘alâ kile’t takdireyn keyfiyetin der-bar-ı şevket karar mülûkâneme inhâ ve iş‘ârına mübaderet eyleyesiz şöyle bilesiz
Fî Evâhir-i R (Rebî‘ü’l-Âhir) Sene (1)273
(19-28 Aralık 1856)
S.3/B.2: İşbu emr-i ‘ali mahalline lede’l-vürûd verese-i kübardan zevce-i
mezbûre Hanife beş yüz elli mezbûre Emine yedi yüz yigirmi ve ahvât-ı mezbûran-ı Kezban ve Döndü ve Rabi‘a üçer yüz guruş üzerine her biri bizzatihi katil-i merkûm ‘Abdullah ile sulh ve tarafeyn her biri sulh-u mezbûru kabul itmiş olduklarını natık Kastamonu Na’ibi’nin bir kıt‘a i‘lamıyla meclisinin mazbatası vürûd itmiş ve bu cihetle kısas-ı sakıt ve sağire hakkında diyete münkalib idilmiş olmağın bu suretde maktûl-u mezbûrun diyeti olan on bin dirhem-i şer‘i kazadan sağirenin hisse-i irsiyesi deyü ber- mantuk-ı i‘lâm katil-i mezbûrun mukassatan edâ’’ eylemesi lazım geleceği ve kebirnan-ı mezbûrun fî-mâ-ba‘d husus-u mezkûrde katil-i mezbûrun nesne da‘vâsına kadir olamayacakları canib-i fetvahaneden zahr-u i‘lâma tahrir ve işaret kılınmış ve katil-i merkûmun habs-i tarihinden i‘tibaren tersane-i ‘amirede on beş sene müddetle vaz‘-u kürek olunarak hitam-ı müddetinde memleketine tard ve def‘i babında canib-i zabtiyeye buyuruldu-i sami tastîri lazım geleceği meclis-i vâlâ-yı ahkâm-ı ‘adliyeden bâ-mazbata ifade olunmuş ve irade-i seniyye-i hazret-i şâhâne dahi ol-merkezde müte‘allik ve şeref- südûr buyurulmuş olduğundan mucebince keyfiyeti kaydı bâlâsına şerh virilerek
oradan mezkûre-i meclis-i vâlâ-yı mezkûre evrâk odasına virilmişdir Fî 18 S (Safer) Sene (12)74
Mülhakatıyla Kastamonu Eyâleti Vâlîsi olub mecidiye-i nişâne hümâyûnun birinci rütbesinin ha’iz ve hasıl olan vezirim Mehmed Namık Paşa iclâlehûya ve Kastamonu Na’ib ve Müftüsü ve a‘za-yı meclis-i zîde kadruhûma hükm
Kastamonu Sancağı dahilinde kâ’in Zarı Kazası’na tabi‘ Pınarbaşı Divanı ahalisinden olub bundan akdem mecrûhen vefât iden ‘Ali amuca oğlu ‘Ali bin Mehmed’in veraseti zevcesi Hanife bint-i İbrahim ile vâlidesi Emine bint-i Mehmed ve sulbi sağire kızı Sultan’a ve lî-ebeveyn kızkarındaşları Kezban’a ve Döndü ve Rabi‘a hatunlara inhisârı ba‘de’t-tahakku’ş-şer‘î sağire-i mezbûrenin re’isi ve vasi-i mensubu olan Tuval oğlu Receb vesayeten ve zevce-i mezbûre ve bintan-ı mezbûran el-verese meclis-i şer‘i şerifde divan-ı mezkûr ahalisinden Menteş oğlu ‘Abdullah bin İbrahim ile terafü‘ olundukda merkûm ‘Abdullah mütevefa-yı merkûm ‘Ali’in esna-yı râhda elindeki sopa ile sağ kulağı arkasına ve alet-i cariheden çakı bıçağıyla dahi başına ve boğazına ‘amden ve bi-gayr-ı hak darb ve cerh iderek müte’essiren vefât eylediği tav‘an ikrâriyla sabit ve mütehakkık ve katil-i merkûmun kısasına hükm-i şer‘i lahık olunduğu bâ-mazbabta ve i‘lâm inhâ olunmak ve mufad-ı i‘lâma nazaren maktûl-u mezbûr ‘Ali’ye katil-i mezbûr ‘Abdullah muceb-i kısas olan katl eylediği tav‘an ikrârıyla sabit olmuş olmağın bu suretde maktûl-u mezbûrun verese-i kübarı katil-i mezbûru kısasdan ‘afv itmediği halde bizzatihi huzurlarında talebleriyle katil-i mezbûr ‘Abdullah’a icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane maktûl-u merkûman verese-i kübarı kısasdan ‘afv itmedikleri halde bizzatihi huzurlarında talebleriyle katil-i merkûmun icrâ- yı kısası ve eğer vereseden biri ‘afv ider veya sulh olur ise ol-halde kısas-ı sakıt ve diğerleri hakkında mesele-i diyete münkalib olacağından icab-ı şer‘inin icrâsı keyfiyetinin bâ-mazbata ve i‘lâm iş‘ârı ve katil-i merkûmun dahi habsi tarihi gösterilerek bu tarafa î‘zamı babında lazım gelen emr-i şerifimin ahrarı meclis-i valâ-yı ahkâm-ı ‘adliyemden bâ-mazbata ifade olunub keyfiyet taraf-ı eşref-i pâdişâhâneme ‘arz ile lede’l-istîzân ol-vechile icrâsı hususuna irade-i seniyye-i mükûkânem ta‘allukuyla emr-i hümâyûn-u şâhâneme sünûh ve südûr itmiş olmakdan naşi siz ki vâlî-i müşâr ve Na’ib vesa’ir mûmâ-ileyhimsiz ber minval-i muharrer maktûl-u mezbûrun verese-i kübarı katil-i mezbûru kısasdan ‘afv itmedikleri halde huzurlarında talebeleriyle icrâ-yı kısas ve eğer vereseden biri ‘afv ider veya sulh olur ise ol-halde kısas-ı sakıt ve diğerleri hakkında mesele-i diyete münkalib olacağından icab-ı şer‘inin icrâsıyla keyfiyetinin iş‘ârı ve katil-i merkûmun dahi tarihi habsi gösterilerek bu canibe i‘zamı irade-i
seniyye-i mülûkânem muktezasından idüb ma‘lumunuz oldukda ol-vechile icrâ-yı ahkâm-ı şeri‘at-ı ‘garraya müsaberet ve ‘alâ kile’t takdireyn keyfiyeti der-bar-ı şevket- karar mülûkâneme tahrir ve iş‘âra mübaderet eyleyesiz
Fî Evâi’l-i C (Cemâziye’l-Âhir) Sene (12)73 (27 Ocak-5Şubat 1857) S.3/B.3: Bir sureti
Mülhakatıyla Trabzon Eyâleti Vâlîsi ve mecidiye-i nişâne-i hümâyûnun ikinci rütbesinin ha’iz ve hasıl Vezir Ragıb Paşa iclâlehûya ve Trabzon kadısı zîde fazluhûya ve a‘za-yı meclise
Trabzon Sancağı’na tabi‘ Rize Kazası’na muzafe Enzi Karyesi ahalisinden olub bundan akdem katîlen vefât iden Yusuf bin Mehmed’in veraseti zevcesi Hamide ibnete ‘Osman ve birâderi mezbûr Mehmed ve sulbi kebir oğlu ‘Osman’a ve sulbi sağir oğulları Mustafa ve Hüseyin ve Bayram ve sulbiye-i sağire kızı Fatma’ya inhisârı ba‘de’t-tahakkuku’ş-şer‘î verese-i kübar merkûma bi’l-asale ve bi’l-velaye meclis-i şer‘i şerifde karye-i merkûm ahalisinden Bayram ‘Ali bin ‘Abdülkerim ile terâfü‘ olan merkûm ‘Ali yedinde bulunan alet-i cariheden şişhane tüfenki kurşunuyla merkûm Yusuf’un sol kolu küreğinden ‘amden ve bi-gayr-ı hak darb ve cerh iderek cerh-i mezkûrdan müte’essiren vefât eylediği ‘udûl-u ahrar-i ricâl-i müslimiyetden ve nahiye-i mezbûrede kâ’in Kasarık Karyesi ahalisinden Durzi İsma‘il oğlu Genç ‘Ali bin Hüseyin ve mezkûr Asri Karyesi ahalisinden Keskin Mehmed bin İsma‘il nam kimesneler şahâdetleriyle sabit ve mütehakkık ve katil-i mezbûrun kısasına hükm-i şer‘i lahık olmuş olmağın bâ-mazbata ve i‘lâm inhâ olunmak ve mufad-ı i‘lâma nazaren maktûl-u mezbûr Yusuf’u katil-i mezbûr Bayram ‘Ali muceb-i kısas olan katl ile katl eylediği beyyine-i mu‘adele ile sabit olmuş olmağın bu suretde verese-i kübar-ı mezbûre katil-i mezbûru kısasdan ‘afv itmedikleri halde bizzatihi huzurlarında talebeleriyle katil-i merkûm Bayram ‘Ali’ye icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olunduğu ber-muceb-i kayd-ı fetvahane verese-i kübar katil-i merkûmu kısasıdan ‘afv itmedikleri halde bizzatihi huzurlarında talebleriyle katil-i merkûmun icrâ-yı kısası ve eğer verese-i kübar-ı merkûmdan biri ‘afv ider veya sulh olur ise ol-halde kısas-ı sakıt ve diğerleri hakkında mes’ele-i diyete münkalib olacağından icab-ı şer‘inin icrâsı keyfiyetinin bâ-i‘lâm ve mazbata iş‘ârı ve katil-i merkûmun dahi tarih-i habsi gösterilerek lî-ecli’l-mücâzât bu tarafa irsali babında lazım
gelen emr-i şerifimin ahrarı meclis-i vâlâ-yı mezkûrdan bâ-mazbata ifade olunduğu beyanıyla
Aslına tatbiken S.3/B.4: İşbu emr-i ‘ali mahaline bi’l-vusûl katil-i merkûme meclisde mevkuf
bulunduğu halde hastalanarak vürûd-u emr-i ‘aliden mukaddem ba‘zı mukaddem Teşrin-i Evvel’in sekizinci günü (20 Ekim) hulûl-i ecel-i mev‘uduyla fevt olmuş ve şu cihetle hakkında mucazat-ı ilahiye vuku‘ bulmuş olduğunu natık varıd olan mazbata-i ‘ali ba-ferman-ı ‘ali şerh virildi.
Fî 27 Ş (Şevvâl) Sene (1)273 (20 Haziran 1857)
Bir sureti
Yine Trabzon Vâlîsi müşâr ve kadısı mûmâ-ileyhümâya vesa’ire
Trabzon nevahisinden Yomra Nahiyesi’ne tabi‘ Dikne Karyesi ahalisinden olub bundan akdem katîlen vefât iden Türidi oğlu Hüseyin Derviş ibn-i Mehmed Tahir’in veraseti zevcesi Vahide ibnete ‘Ali ve sulbi sağîr oğlu Mehmed Tahir’in ve sulbiye-i sağire kızları Hediye ve Baynun ve ‘Ayşe ve Zeliha’ya inhisârı ba‘de’t-tahakkuku’ş- şer‘i suğar-ı mezbûrunın vasi-i mensubesi olan ümm-i mezbûre Vahide bi’l-asale ve bi’l-vesaye meclis-i şer‘i şerifde nahiye-i mezbûreye tabi‘ Cicre Karyesi ahalisinden ve ‘asker-i bahriye neferatından Uzun Hüseyin oğlu Ahmed bin Mehmed ile terâfü‘ olundukda merkûm Ahmed mütevefa-yı merkûm Hüseyin dervişin şişhane tüfenki kurşunuyla göğsünden bi-gayr-ı hak ‘amden darb ve cerh iderek cerh-i mezkûrdan müte’essiren vefât eylediği ‘udûl-u ahrar-i ricâl-i müslimiden ve mezkûr Cicre Karyesi ahalisinden ‘Osman oğlu İsma‘il Tufan ve Hacı oğlu Mehmed Emin ibn-i El-hâc Mustafa nam kimesneler şahâdetleriyle sabit ve mütehakkık ve katil-i merkûmun kısasına hükm-i şer‘i lahık olunduğu bâ-i‘lâm ve mazbata inhâ olunmuş ve mufad-ı i‘lâma nazaren maktûl-u mezbûr Hüseyin Derviş katil-i mezbûr Ahmed muceb-i kısas olan katl ile katl eylediği beyyine-i mu‘adele ile sabit ve katil-i mezbûrun kısasına hükm olunmuş olmağın bu suretde zevce-i mezbûre katil-i mezbûru kısasdan ‘afv itmediği halde bizzatihi huzurunda talebiyle katil-i mezbûr Ahmed’e icrâ-yı kısas lazım geleceği canib-i fetvahaneden zahr-u i‘lâm-ı mezkûre-i tahrir ve işaret kılınmış ve katil-i merkûmun bahriye yoklamasında olan kaydı dahi terkin olunduğu makam-ı
kuyûdâtiden beyan olmuş olduğundan ber-muceb-i kayd-ı fetvahane zevce-i mezbûre ‘afv itmediği halde huzurunda talebiyle katil-i merkûmun icrâ-yı kısası ve eğer ‘afv ider veya sulh olur ise ol-halde kısas-ı sakıt ve diğerleri hakkında mes’ele-i diyete münkalib olacağından icab-ı şer‘înin icrâsıyla keyfiyetinin bâ-mazbata i‘lâm-ı iş‘ârı ve katil-i merkûmun dahi habsi tarihi gösterilerek mukayyedenn bu canibe i‘zamı babında lazım gelen emr-i şerifim ahrarı meclis-i vâlâ-yı mezkûrdan bâ-mazbata ifade olunduğu beyanıyla
Kezâlik S.3-4/B.5: (S.3) Bir sureti
Derbent nezareti ve Tırhala Sancağı inzimamı ile Yanya Eyâleti Vâlîsi olub mecidiye-i nişâne-i hümâyûnun birinci rütbesini ha’iz ve hasıl olan Vezir Mehmet Emin Paşa iclâlehûya ve Yanya Na’ib ve Müftüsü’ne ve a‘za-yı meclise
Yanya Eyâleti’nde kâ’in Berat Sancağı dahilinde Piremedi Kazası’na tabi‘ Firas Karyesi mütemekkinlerinden ve teba‘a-i devlet-i ‘aliyeden olub bundan akdem katîlen fevt olan Febla veled Mebci’nin veraseti zevcesi Roşa bint-i Nikola ve sulbiye-i kebire kızı Kastano ve sulbiye-i sağire kızı Marta ile babası merkûm Mebci’ye inhisârı ba‘de’t- tahakuku’ş-şer‘î mezbûre Kastano tarafından vekil-i nasb olunan Kosova Karyesi mütemekkinlerinden Glikor veled Papas Kıli ve kendi tarafından asaleten ve mezbûre Marta canibinden vesayeten eb-i merkûm Mebci ve zevce-i mezbûre Roşa’nın yine teba‘a-i devlet-i ‘aliyeden ve karye-i mezbûre mütemekkinlerinden Alamu veled Dimitri (S.4) ile meclisde ber-nehc-i şer‘î hin-ü terafü‘lerinde merkûm Alamu mütevefa-yı merkûm Febla’yı deril-i pesenden piştov kurşunuyla bi-gayr-ı hak ‘amden darb ve cerh iderek cerh-i mezkûrdan müte’essiren vefât eylediği Goblar Karyesi ahalisinden ve teba’a-i devlet-i ‘aliyemden Keberd veled Febto ve Revadat Karyesi ahalisinden Vasil veled Dimitri nam kimesneler şahâdetleriyle sabit ve mütehakkık ve katil-i merkûmun kısasına hükm-i şer’î lahık olduğu bâ-i‘lâm ve mazbata inhâ olmak ve mufad-ı i‘lâma nazaren teba’a-i devlet-i ‘aliyemden maktûl-u merkûm Febla’ye katil-i merkûm Alamu mucebi kısas olan katl ile katl eylediği şahidan-ı merkûman şahâdetleriyle sabit olmuş olmağın bu suretde maktûl-u merkûmun verese-i kübarı katil-i merkûmu kısasdan ‘afv itmedikleri halde bî-şett-hüsamâ(?) huzurlarında talebleriyle katil-i merkûm Alamu’ya icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olunmasına ber-muceb-i kayd-ı fetvahane maktûl-u merkûmun verese-i kübarı
katil-i merkûmu kısasdan ‘afv itmedikleri halde huzurlarında talebleriyle katil-i merkûmun icrâ-yı kısası ve eğer vereseden biri ‘afv ider veya sulh olur ise ol-halde kısas-ı sakıt ve diğerleri hakkında mes’ele-i diyete münkalib olacağından icab-ı şer‘inin icrâsı keyfiyetinin bâ-i‘lâm ve mazbata iş‘ârı ve katil-i merkûmun habsi tarihi gösterilerek mukayyeden bu canibe i‘zamı babında lazım gelen emr-i şerifimin ahrarı meclis-i vâlâ-yı mezkûrdîn bâ-mazbata ifade olunduğu beyanıyla
Aslına tatbiken S.4/B.6: İşbu ferman-ı ‘adalet unvan mahalline lede’l-vürûd icrâ-yı kısasına
ibtidâr olunacağı sırada maktûl-u merkûmun veresesinden zevcesi Hanife Hâtûn ba- hüsn-ü rıza kısasdan ‘afv eylediği ecilden verese-i sa’irenin hakları diyete münkalib üç sene mukasseten tediyesine sebt-i şer‘î olunduğu bâ-i‘lâm ve mazbata ve şakka inha olunmuş ve mufad-ı i‘lâma nazaren zevce-i mezbûre Hanife fî-mâ-ba‘d husus-u mezbure katil-i mezbûrdan nesne da‘vâsına kadire olmayub maktûl-u mezbûrun diyeti olan on bin dirhem-i şer‘i miktanı verese-i sa’irenin hisse-i irsiyelerini sinin-i selâsede tekâsit-i selâse ile katil-i mezbûrun edâ’ eylemesi lazım geleceği canib-i fetvahaneden zahr-u i‘lâm-ı mezkûre tahrir ve imlâ kılınmış ve katil-i merkûmun bu tarafa gönderilmiş olduğundan ber-muceb-i kanûn-ı heyetin tarih-i habsi gösterilen yetmiş iki sene zi’l- hiccesinin yedinci gününden (9 Ağustos 1856) i‘tibaren on sene müddetle tersane-i ‘amirede vaz‘-u kürek olunarak hitam-ı müddetinde sebilinin tahliyesi meclis-i vâlâ-yı ahkâm-ı ‘adliyeden bâ-mazbata ifade olunmuş ve irade-i seniyye-i şâhâne dahi ol- merkezde müte‘allik ve şeref-südûr buyrulmuş olduğundan mucebince keyfiyet-i kayd-ı balâsına şerh virilerek evrâk-ı mezkûre meclis-i vâlâ-yı evrâk odasına virilmişdir
Fî 10 S (Safer) Sene (1)274 (30 Eylül1857)
Bir sureti
Mülhakatıyla Hüdavendigâr Eyâleti Vâlîsi olub mecidiye-i nişâne hümâyûnumun birinci rütbesini ha’iz ve hasıl olan Vezir Ra’fet Süleyman Paşa iclâlehûya ve rikâb-ı hümâyûn-u şâhâne kapucubaşlarından Karahisar Sahib Sancağı Ka’imakamı Yahya Beğ dâme mecduhûya Karahisar Sahib Na’ib ve Müftüsü’ne vesa’ire
Karahisar-ı Sahib mahallatından Hacı Nasuh Mahallesi ahalisinden olub bundan akdem mecrûhen fevt olan Koyuncu Adem oğlu Hüseyin bin ‘Ömer’in veraseti zevcesi Hanife ibnete Ahmed ile vâlidesi ‘Ayşe ibnete Mahmud ve sulbiye-i sağire kızları İsmihan ve Zeliha ve ‘Ayşe ve sulbi kebir oğlu ‘Ömer’e inhisâr-ı tahakkukdan sonra suğar-ı mezbûrdan vasî-i mensûbesi olan zevce-i mezbûre Hanife bi’l-asale ve bi’l- vesaye li-ümm-i mezbûre ‘Ayşe eb-i merkûm ‘Ömer dahi bi’l-asale meclis-i şer‘i şerifde Karahisar Sahib ahalisinden ve Çoban ta’ifesinden Bayram oğlu İbrahim bin Ahmed ile terâfü‘ olundukda merkûm Çoban İbrahim mütevefa-yı mezbûr Hüseyin’in sol böğründen ve diz kapağı altından ve üzerinden alet-i cariheden bıçak ile ‘amden ve bi-gayr-ı hak darb ve cerh iderek cerh-i mezkûrdan müte’essiren ol-anda vefât eylediği tab‘an ikrârıyla sabit ve mütehakkık ve katil-i merkûmun kısasına hükm-i şer‘i lahık olunduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u mezbûr Hüseyin’i katil-i mezbûr İbrahim mucebi kısas olan katl ile katl eylediği tav‘an ikrârıyla sabit olmuş olmağın bu suretde verese-i kübar mezbûre katil-i mezbûru kısasdan ‘afv itmedikleri halde bizzatihi huzurlarında talebleriyle katil-i mezbûr İbrahim’e icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olmağın ber-muceb-i kayd-ı fetvahane verese-i kübar kısasdan ‘afv itmedikleri halde huzurlarında talebleriyle katil-i merkûm İbrahim’in icrâ-yı kısası ve eğer vereseden biri ‘afv ider veya sulh ider ise ol-halde kısas-ı sakıt ve diğerleri hakkında mes’ele-i diyete münkalib olacağından icab-ı şer‘inin icrâsıyla keyfiyetin bâ- mazbata i‘lâm-ı iş‘ârı ve katil-i merkûmun dahi tarih-i habsi gösterilerek bu canibe i‘zamı babında lazım gelen emr-i şerifimin ahrarı meclis-i vâlâ-yı mezkûrdan bâ- mazbata ifade olmuş olunduğu beyanıyla
Kezâlik S.4/B.7 : Bir sureti
Rum İli Beğlerbeğiliği payelûlerinden Niş Sancağı Mutasarrıfı İshak Paşa dâme ma‘alihûya ve Niş Na’ib ve Müftüsü’ne ve a‘za-yı meclise
Niş Sancağı mahallatında Szokçe Kazası’na tabi‘ Rudor Karyesi mütemekkinlerinden ve teba‘a-i devlet-i ‘aliyemden olub bundan akdem mecrûhen vefât iden İsnobko veled İsbaso’nun veraseti zevcesi Roza bint-i Kofa ile sulbi kebir oğulları Keno ve İsnanko ve Bovav ile sulbi sağir oğlu Meladna ve sulbiye-i kebire kızı