Mülhakatıyla Konya Eyâleti Vâlîsi ve mecidiye-i nişâne hümâyûnun birinci rütbesinin ha’iz ve hasıl Vezir Hamdi Paşa iclâlehûya ve Konya Na’ib ve Müftüsü’ne ve a‘za-yı meclise
Konya mahallatından Fakyadede Mahallesi sakinlerinden olub bundan akdem katîlen vefât iden ‘Ali bin Ahmed’in veraseti vâlidesi Ayşe bint-i Ebubekir ve li- ebeveyn kebire kızkarındaşı Emine ve li-ümm-i sağir erkarındaşı Mehmed Emin bin Güzel Mehmed’e inhisârı ba‘de’t-tahakkuku’ş-şer‘î sağir merkûmun vasî-i merkûm Güzel Mehmed ve ümm-i mezbûre Ayşe ile uht-u mezbûre Emine yine mahalle-i mezbûre sakinlerinden İsma‘il ibn-i Mehmed ile meclisde ber nehc-i şer‘î hin-ü terâfü‘lerinde merkûm İsma‘il maktûl-u merkûm ‘Ali’yi yedinde bulunan piştov kurşunuyla sağ kulağından ‘amden ve bi-gayr-ı hak darb ve cerh iderek müte’essiren derhal vefât eylediği ahrar-i ricâl-i müslimiyetden ve mahalle-i mezbûre sakinlerinden Hacı Müslihiddin zade Es-seyyid Ebubekir ve Es-seyyid ‘Abdülhamid bin ‘Ömer nam
kimesneler şahâdetleriyle sabit ve mütehakkık ve katil-i merkûmun kısasına hükm-i şer‘î lahık olmuş olduğu bâ-mazbata ve i‘lâm-ı inhâ olunmuş ve mufad-ı i‘lâma nazaren maktûl-u mezbûr ‘Ali’yi katil-i merkûm İsma‘il’in muceb kısas olan katl ile katl eylediği şahidan-ı mezbûran şahâdetleriyle sabit olmuş olmağın bu suretde kebirnan-ı mezbûran yahud birisi katil-i merkûmu kısasdan ‘afv itmedikleri halde bizzatihi huzurlarında talebleriyle katil-i mezbûr İsma‘il ber nehc-i şer‘î kısas olunmak lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane kebirnan-ı mezbûran veyahud birisi katil-i merkûmu kısasdan ‘afv itmediği halde bizzat huzurlarında talebleriyle katil-i mezbûr İsma‘il’e icrâ-yı kısas olunması ve eğer ‘afv ider veya sulh olur ise ol-halde kısas-ı sakıt ve mes’ele diyete münkalib olacağından icab-ı şer‘inin icrâsıyla katil-i merkûmun icrâ- yı mücâsereti zımnında keyfiyetin bâ-i‘lâm ve mazbata bu tarafa iş‘ârı babında lazım gelen emr-i şerifimin ahrarı meclis-i vâlâ-yı ahkâm-ı mezkûrdan bâ-mazbata ifade
olunduğu beyanıyla Aslı gibi
S.49-50/B.88: (S.49) Katil-i merkûmun verese-i maktûl huzurlarında icrâ-yı
kısasına ibtidâr olunmuş olduğu natık varıd olan mazbata me’alleri bâ-ferman-ı ‘ali şerh virildi
Fî 17 C (Cemâziye’l-Âhir) Sene (12)75
(22 Ocak 1859) Bir sureti
Yine Konya Eyâleti Vâlîsi müşârün-ileyh ve rütbe-i saniye ashabından Hamid Sancağı Ka’imakamı Ahmed Nazif zîde ‘uluvvuhûya ve Isparta Na’ib ve Müftüsü’ne ve a‘za-yı meclise
Hamid Sancağı dahilinde vaki‘ Afşar Kazası’na tabi‘ Beka Karyesi ahalisinden olub bundan akdem mecrûhen vefât iden Musa bin Hasan’ın veraseti zevcesi Fatma bint-i Hasan ve sulbi kebir oğulları Hasan ve Süleyman ve sulbi sağir oğlu Mustafa’ya inhisârı ba‘de’t-tahakkuku’ş-şer‘î zevce-i mezbûre tarafından tevkil olunmuş olan sağir- i mezbûr Mustafa’nın vasî-i mensub ‘Ali bin Hasan bi’l-vekale ve bi’l-asale ve merkûman Hasan ve Süleyman dahi bi’l-asale karye-i mezbûre sakinlerinden ve kutta‘i’t-tarîk gürûhundan Deli Süleyman oğlu Mehmed bin ‘Ali ile meclisde ber nehc-i
şer‘î hin-ü terâfü‘lerinde merkûm Mehmed maktûl-u merkûm Musa’yı katl kasdıyla yedinde bulunan tüfenk kurşunuyla ‘amden ve bi-gayr-ı hak sağ memesi altından darb ve cerh iderek müte’essiren derhal vefât eylediği ‘udûl-u ahrar-i ricâl-i müslimiden ve karye-i mezkûre ahalisinden Hacı ‘Ali bin Hacı Mehmed ve Hasan bin Mehmed nam kimesneler şahâdetleriyle sabit ve mütehakkık ve katil-i merkûmun icrâ-yı kısasına hükm-i şer‘î lahık olmuş olduğu bâ-i‘lâm ve mazbata inhâ olunmuş ve mufad-ı i‘lâma nazaren maktûl-u merkûm Musa’yı katil-i merkûm Mehmed’in muceb-i kısas olan katl ile katl eylediği şahidan-ı mezbûran şahâdetleriyle sabit olmuş olmağın bu suretde verese-i kübar veyahud içlerinden biri katil-i merkûmu kısasdan ‘afv itmedikleri halde bizzatihi huzurlarında talebleriyle katil-i merkûm ber nehc-i şer‘î kısas olunmak lazım (S.50) geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane verese-i kübar ve yahud içlerinden biri katil-i merkûmu kısasdan ‘afv itmedikleri halde bizzat huzurlarında talebleriyle katil-i merkûm Mehmed’e icrâ-yı kısas olunması ve eğer ‘afv ider veya sulha razı olurlar ise ol-halde kısas-ı sakıt ve mes’ele-i diyete münkalib olacağından icab-ı şer‘inin icrâsıyla katil-i merkûmun icrâ-yı mücâsereti zımnında keyfiyetin bâ-i‘lâm ve mazbata bu tarafa inhâ ve iş‘ârı babında lazım gelen emr-i şerifimin ahrarı meclis-i vâlâ-yı ahkâm-ı mezkûrdan bâ-mazbata ifade olunduğu beyanıyla
Kezâlik S.50/B.89: Ber-mentuk-u emr-i ‘ali katil-i merkûmun verese-i maktûl
huzurlarında icrâ-yı kısasına ibtidâr olunmuş olduğu natık varıd olan i‘lâm ve mazbata ve tahrirat me’alleri bâ-ferman-ı ‘ali şerh virildi
Fî 23 C (Cemâziye’l-Âhir) Sene (12)75
(28 Ocak 1859)
Bir sureti
Mülhakatıyla Kastamonu Eyâleti Vâlîsi ve mecidiye-i nişâne hümâyûnun ikinci rütbesinin ha’iz ve hasıl Vezir İsma‘il Paşa iclâlehûya ve rütbe-i saniye ashabından Viranşehir Sancağı Ka’imakamı Hakkı zîde ‘uluvvuhûya ve Zağferanbolu Na’ib ve Müftüsü’ne ve a‘za-yı meclise
Viranşehir Sancağı dahilinde vaki‘ Akranbolu Kazası’na tabi‘ Kavak Karyesi sakinlerinden olub bundan akdem katîlen fevt olan Beziran oğlu ‘Ömer bin Mustafa’nın
veraseti zevcesi Hanife bint-i Hasan ve vâlidesi Havva bint-i ‘Osman ile sulbi kebir oğlu Halil ve sulbi sağir oğulları Mehmed ve ‘Ömer ve İbrahim ve sulbiye-i kebire karındaşı Emine ve Fatma ve sağire kızları Hatice ve Zeliha’ya muhzıra olunub ba‘de’t- tahakkuku’ş-şer‘î suğar-ı mezbûrunun vasî-i mensubları olan ibn-i kebir merkûm Halil bi’l-asale ve bi’l-vesaye verese-i kübar-ı mezbûre dahi bi’l-asale liva-i mezbûr dahilinde vaki‘ Ovabozı Kazası’na tabi‘ Çakmak Karyesi sakinlerinden Cebağin oğlu Halil bin Halil ile meclisde ber nehc-i şer‘î hin-ü terâfü‘lerinde merkûm Halil maktûl-u merkûm Beziran oğlu ‘Ömer’i yedinde bulunan tüfenk kurşunuyla ‘amden ve bi-gayr-ı hak başına darb ve cerh iderek müte’essiren derhal vefât eylediği tav‘an ikrârıyla sabit ve mütehakkık ve katil-i merkûmun icrâ-yı kısasına hükm-i şer‘î lahık olmuş olduğu bâ- i‘lâm inhâ olunmuş ve mufad-ı i‘lâma nazaren maktûl-u merkûm ‘Ömer’i katil-i merkûm Halil’in muceb-i kısas olan katl ile katl eylediği tav‘an ikrârıyla sabit olmuş olmağın bu suretde verese-i kübarın cümlesi yahud içlerinden ba‘azısı katil-i merkûmu kısasdan ‘afv itmedikleri halde bizzatihi huzurlarında talebleriyle katil-i merkûm ber nehc-i şer‘î kısas olunmak lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane verese-i kübarın cümlesi veyahud içlerinden birisi katil-i merkûmu kısasdan ‘afv itmedikleri halde bizzat huzurlarında talebleriyle katil-i merkûma icrâ-yı kısas olunması ve eğer ‘afv ider veya sulh olur ise ol-halde kısas-ı sakıt ve mes’ele diyete münkalib olacağından icab-ı şer‘înin icrâsıyla katil-i merkûmun icrâ-yı mücâsereti zımnında keyfiyetin bâ-i‘lâm ve mazbat bu tarafa iş‘ârı babında lazım gelen emr-i şerifimin ahrarı meclis-i vâlâ-yı
mezkûrdan bâ-mazbata ifade olunduğu beyanıyla Kezâlik
S.50/B.90: Ma‘arif-i ‘umumiye nezareti inzimamıyla Girid Eyâleti Vâlîsi olub mecidiye ve imtiyaz-ı nişâne hümâyûnlarımın birinci rütbelerinin ha’iz ve hasıl olan vezirim ‘Abdurrahman Sami Paşa iclâlehûya ve Girid Kadısı’na ve a‘za-yı meclis zîde kadruhûma hüküm
Girid Eyâleti dahilinde Hanya nevahisinden Kisamo Nahiyesi’ne tabi‘ Kastil Kal‘ası ahalisinden olub bundan akdem katîlen vefât iden Berusan oğlu Emin bin Mustafa’nın veraseti zevcesi Meryem Hayriye bint-i Hasan ile li-ebeveyn erkarındaşı İsma‘il ve li-ebeveyn kızkarındaşı Kamile’ye muhzıra olduğu ba‘de’t-tahakuku’ş-şer‘î verese-i mezbûre nahiye-i mezbûreye tabi‘ Mesoya Karyesi ahalisinden ve teba‘a-i
devlet-i ‘aliyemden Markand Nakiyandon veled Yaki ile meclisde ber nehc-i şer‘î hin-ü terâfü‘lerinde mezbûr Markand ve Nakiyandon yedinde bulunan tüfenk kurşunuyla maktûl-u merkûm Emin’i göğsünden ‘amden ve bi-gayr-ı hak darb ve cerh iderek müte’essiren ol-anda vefât eylediği tab‘an ikrârıyla sabit ve mütehakkık ve katil-i merkûmun icrâ-yı kısasına hükm-i şer‘î lahık olmuş olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl merkûm Emin’i katil-i mesfur Markand ve Nakiyandon muceb-i kısas olan katl ile katl eylediği tav‘an ikrârıyla sabit olmuş olmağın bu suretde verese-i merkûmenin cümlesi yahud içlerinden birisi katil-i mersumu kısasdan ‘afv itmedikleri halde bizzatihi huzurlarında talebleriyle katil-i mesfur Markand ve Nakiyandon ber nehc-i şer‘î kısas olunmak lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane katil-i merkûmun icrâ-yı kısası ve eğer verese-i merkûmenin cümlesi veyahud içlerinden birisi ‘afv ider veya sulh olur ise ol-halde kısas-ı sakıt ve mes’ele diyete münkalib olacağından kısas-ı sakıt ve mes’ele diyete münkalib olacağından icab- ı şer‘înin icrâsıyla mücâseret-i kanûniyesinin icrâsı zımnında katil-i merkûmun habsi tarihi gösterilerek bu tarafa irsali babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunmuş ve keyfiyet-i taraf-ı eşref şâhâneme ‘arz ile lede’l-istîzân ber minval-i muharrer icrâsı hususuna irade-i seniyye-i mülûkânem ta‘allukuyla emr-i hümâyûn-u pâdişâhâneme sünûh ve südur eylemiş olmakdan naşi siz ki vâlî-i müşâr ve mevlânâ vesa’ir mûmâ-ileyhimsiz ma‘lûmunuz oldukda ber minval-i meşrûh icrâ-yı ahkâm-ı şei‘at-ı garraya müsaberet ve ‘alâ kile’t- takdireyn keyfiyet-i der-bar-ı şevket-karar mülûkâneme tahrir ve iş‘ara mübaderet eyleyesiz
Fî Evâi’l-i M (Muharrem) Sene (12)75 (11 - 20 Ağustos 1858) S.51/B.91: Katil-i merkûmun verese-i maktûl huzurlarında icrâ-yı kısasına
ibtidâr olunduğu natık varıd olan mazbata me’ali bâ-ferman-ı ‘ali şerh virildi.
Fî 20 Receb Sene (12)75 (23 Şubat 1859)
Bir sureti
Mülhakatıyla Vidin Eyâleti Vâlîsi olub mecidiye-i nişâne hümâyûnumun birinci rütbesini ha’iz ve hasıl olan vezirim ‘Osman Paşa iclâlehûya Vidin Na’ib ve Müftüsü’ne ve a‘za-yı meclise
Vidin nevahisinden Belgradcık Nahiyesi’ne tabi‘ Virboh Karyesi ahalisinden ve teba‘a-i devlet-i ‘aliyeden olub bundan akdem cerihen fevt olan Sino veled Malko’nun veraseti zevcesi Yevane bint-i Virağan ile sulbi kebir oğulları Lazar ve Marko ve Meladen ve Beşo ve sulbi sağir oğlu Gorki ve sulbiye-i sağire kızı Ziko’ya inhisârı ba‘de’t-tahakuku’ş-şer‘î zevce-i mezbûre bi’l-asale ve sağiran-ı mezbûran taraflarından bi’l-vesaye ve verese-i kübar mezbûre dahi bi’l-asale karye-i mezbûre mütemekkinlerinden ve teba‘a-i devlet-i ‘aliyeden İsyas veled Boran ile meclisde ber- nehc-i şer‘î hin-ü terâfü‘lerinde beynlerinde tahaddüs iden münâza‘adan dolayı merkûm İsyas mütevefa-yı merkûm Sino’nun baltanın keskin tarafıyla kafasına bi-gayr- ı hak ‘amden darb ve cerh iderek müte’essiren vefât eylediği tav‘an ikrârıyla sabit ve mütehakkık ve katil-i merkûmun icrâ-yı kısasına hükm-i şer‘î lahık olmuş olduğu bâ- mazbata ve i‘lâm inhâ olunmuş ve mufad-ı i‘lâma nazaren maktûl-u mersum Sino’yu katil-i mesfur İsyas’ın muceb-i kısas olan katl ile katl eylediğini tav‘an ikrârıyla sabit olmuş olmağın bu suretde verese-i kübar veyahud içlerinden biri katil-i mesfuru kısasdan ‘afv itmedikleri halde bizzatihi huzurlarında talebleriyle katil-i mefsur İsyas ber nehc-i şer‘î kısas olmak lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane ve katil-i merkûmun icrâ-yı kısası ve eğer kübar-ı vereseden biri ‘afv ider veye sulh olur ise ol-halde kısas-ı sakıt ve mes’ele diyete münkalib olacağından icab-ı şer‘înin icrâsıyla katil-i mesfurun icrâ-yı mücâsereti zımnında tarih-i habsi gösterilerek bu tarafa irsali babında lazım gelen emr-i şerifimin ahrarı meclis-i vâlâ-yı mezkûrdan bâ-mazbata ifade olunduğu beyanıyla
Aslına tatbiken S.51/B.92: Mülhakatıyla Trabzon Eyâleti Vâlîsi olub mecidiye-i nişâne hümâyûnumun birinci rütbesinin ha’iz ve hasıl olan vezirim El-hâc ‘İzzet Paşa iclâlehûya ve Trabzon kadısı zîdetu fazâ’ilühûya ve a‘za-yı meclis zîde kadruhûma hükm
Trabzon Sancağı’na tabi‘ Rize Kazası muzafetından Mehaneze Karyesi ahalisinden olub bundan akdem katîlen vefât iden Cabe oğlu Mefrazan’ın veraseti babası Mehmed ve vâlidesi Akıle ibnete Hüseyin’e muhzıra olduğu ba‘de’t-tahakku’ş- şer‘î li-ebeveyn-i merkûman liva-i mezbûr nevahiyesinden Kura-i Sey‘a nahiyesi’ne tabi‘ Barsam Karyesi mahallatından Melez Mahallesi ahalisinden ve Çoban Ta’ifesi’nden Kaçan oğlu Bayram ve karındaşı mezbûr Durmuş ibn-i ‘Osman ve yine mahalle-i mezbûre ahalisinden Kaçan oğlu ‘Ali bin Salih na-mevt kimesneler ile meclisde ber nehc-i şer‘î hin-ü terâfü‘lerinde merkûm Mekaradi mezbûr Bayram’ı tüfenk kurşunuyla göbeğinden ve karındaşı mezbur Durmuş’u dahi yedinde bulunan iki ağzı kama ile sol kasığından ve mezbûr ‘Ali dahi yedinde bulunan Kezâlik iki ağzı kama ile sa’ir a‘zasından ‘amden ve bi-gayr-ı hak darb ve cerh-i menhut ile ma‘an cerh itmeleriyle müte’essiren derhal vefât eylediği ‘udûl-u ahrar-i ricâl-i müslimiden ve mezkûr Mehaneze Karyesi ahalisinden Cebe oğlu ‘Ömer bin Mahmud ve kaza-i mezbûra tabi‘i Emme Karyesi ahalisinden ‘Abdurrahman bin Yakub nam kimesneler şahâdetleriyle sabit ve mütehakkık ve katilan-ı merkûmanın icrâ-yı kısaslarına hükm-i şer‘î lahık olmuş olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u mezbûr Mekaradi katilun-u merkûmun Bayram ve Durmuş ve ‘Ali’nin muceb- i kısas olan katl ile ma‘an katl eyledikleri şahidan-ı mezbûran şahâdetleriyle sabit olmuş olmağın bu suretde li-ebeveyn-i mezbûran yahud bunlardan biri katilan-ı mezbûranı kısasdan ‘afv itmedikleri halde bizzatihi huzurlarında talebleriyle katilun-u merkûmun Bayram ve Durmuş ve ‘Ali’ye icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane li- ebeveyn-i mezbûran yahud bundan biri ‘afv itmedikleri halde bizzat huzurlarında talebleriyle katilan-ı merkûmun icrâ-yı kısas olunması ve eğer li-ebeveyn-i merkûmandan biri ‘afv ider veya sulh olur ise ol-halde kısas-ı sakıt ve mes’ele diyete münkalib olacağından icab-ı şer‘înin icrâsıyla katilan-ı merkûmun icrâ-yı mücâsereti zımnında habsleri tarihi gösterilerek bu tarafa gönderilmeleri babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunmuş ve keyfiyet-i taraf-ı eşref şâhâneme ‘arz ile lede’l-istîzân ol-vechile icrâsı hususuna irade-i seniyye-i mülûkânem ta‘allukuyla emr-i hümâyûn-u pâdişâhâneme sünûh ve südûr eylemiş olmakdan naşi siz ki vâlî-i müşâr ve mevlânâ vesa’ir mûmâ-ileyhimsiz ma‘lûmunuz oldukda ber minval-i muharrer icrâ-yı ahkâm-ı şeri‘at-ı garraya müsaberet
ve ‘alâ kile’t-takdireyn keyfiyet-i der-bar-ı şevket-karar mülûkâneme inhâ ve iş‘ara mübaderet eyleyesiz
Fî Evâsıt-ı R (Rebî‘ü’l-Âhir) Sene (12)75 (18 - 27 Kasım 1858) S.52/B.93: Ber-mentuk-u emr-i ‘ali katil-i merkûm verese-i maktûl huzurlarında
kısas olunmuş olduğu natık varıd olan mazbata ve i‘lâm me’alleri bâ-ferman-ı ‘ali şerh virildi.
Fî 7 C (Cemâziye’l-Âhir) Sene (12)75 (12 Ocak 1859)
Bir sureti
Mirmiran-ı kiramdan Tırnova Sancağı Ka’imakamı ‘Alaaddin Paşa dâme ikbâlühûya ve Tırnova Na’ib ve Müftüsü’ne ve a‘za-yı meclise
Tırnova Sancağı’nda kâ’in İsezka Karyesi ahalisinden olub bundan akdem mecrûhen vefât iden Süleyman bin Hasan’ın veraseti zevcesi Ayşe bint-i Mehmed ve vâlidesi Ümmügülsüm bin ‘Ali ve sulbi sağir oğlu Hüseyin ve sulbiye-i sağire kızları Fatma ve Rukiye’ye inhisârı ba‘de’t-tahakku’ş-şer‘î zevce ve ümm-i mezbûran bi’l- asale ve suğar-ı mezbûrun dahi mensubları bulunan karye-i mezkûre ahalisinden ‘Osman bin ‘Ali bi’l-vesaye maktûl-u merkûmun li-ebeveyn erkarındaşı Mustafa ile meclisde ber nehc-i şer‘î hin-ü terâfü‘lerinde merkûm Mustafa maktûl-u merkûm Süleyman’ı beynlerinde tahaddüs iden münâza‘adan dolayı yedinde bulunan balta ile katl kasdıyla ‘amden ve bi-gayr-ı hak başına ve arkasına darb ve cerh iderek müte’essiren vefât eylediği ‘udûl-u ahrar-i ricâl-i müslimiden ve karye-i mezbûre ahalisinden Hüseyin bin Mustafa ve Sa‘dullah bin Musa nam kimesneler şahâdetleriyle sabit ve mütehakkık ve katil-i merkûmun icrâ-yı kısasına hükm-i şer‘î lahık olmuş olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u merkûm Süleyman’ı katil-i mezbûr Mustafa’nın mucebi kısas olan katl ile katl eylediği şahidan-ı mezbûran şahâdetleriyle sabit olmuş olmağın bu suretde vereseden kebirnan-ı mezbûrnan yahud birisi katil-i merkûmu kısasdan ‘afv itmedikleri halde bizzatihi huzurlarında talebleriyle katil-i mezbûr Mustafa’ya icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane verese-i kübar yahud birisi katil-i merkûmu kısadan ‘afv itmedikleri
halde bizzat huzurlarında talebleriyle katil-i mezbûr Mustafa’ya icrâ-yı kısas olunması ve eğer kübar-ı verese cümleten veyahud içlerinden biri katil-i merkûmu ‘afv ider veya sulh olur ise ol-halde kısas-ı sakıt ve mes’ele diyete münkalib olacağından iktiza-yı şer‘înin icrâsıyla katil-i merkûmun icrâ-yı mücâsereti zımnında tarih-i habsi gösterilerek bu canibe irsali babında lazım gelen emr-i şerifimin ahrarı meclis-i vâlâ-yı mezkûrdan bâ-mazbata ifade olunduğu beyanıyla
Aslı gibi S.52/B.94: ‘Irak ve Hicaz ordu-yı hümâyûn müşirliği inzimamıyla hâlâ Bağdad Eyâleti Vâlîsi olub mecidiye ve imtiyaz-ı nişâne hümâyûnlarımın birinci rütbelerini ve serdar-ı ekremlik ‘ünvanına ha’iz ve hasıl olan vezir-i virasetimden ‘Ömer Paşa iclâlehûya ve Bağdad kadısı zîdetu fezâ’ilühûya ve a‘za-yı meclise hüküm
Bağdad’da Karanlık Kapu haricinde kâ’in zaviye-i kerada sakinlerinden olub bundan akdem katîlen vefât iden Hacı Cebri ibn-i Hacı Derviş’in veraseti zevcesi Fatma bint-i Yusuf ve sulbiye-i kebire kızı Sakine ve sulbi sağir oğlu ‘Umran ve sulbiye-i sağire kızları Veliha ve Verde’ye inhisârı ba‘de’t-tahakku’ş-şer‘î zevce ve bint-i kebire-i mezbûrnan Fatma ve Sakine taraflarından tevkil kılınmış olan Mevlâ Salih ibn-i Hacı Mahmud bi’l-vekâle ve sağiran-ı mezbûrun ba-hin-i şer‘iye vasî-i mensubları bulunan ‘ammzadeleri Hacı Garba ibn-i Kazım bi’l-vesaye mezkûr Kerada sakinlerinden Selnan ibn-i Meşkor ile meclisde ber nehc-i şer‘î hin-ü terâfü‘lerinde merkûm Selnan maktûl-u merkûm Hacı Cebri-yi uyluğu yukarısından tüfenk kurşunuyla ‘amden ve bi-gayr-ı hak darb ve cerh iderek müte’essiren vefât eylediği ‘udul-u ahrar-i ricâl-i müslimiyetden ve mahall-i mezkûr sakinlerinden Hamid ibn-i Halife ve Celeb ibn-i ‘Urman ve Ahmed ibn-i Mehdi vesa’ir ma‘lûmü’l-esami kimesne şahâdetleriyle sabit ve mütehakkık ve katil-i merkûmun icrâ-yı kısasına hükm-i şer‘î lahık olmuş olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u merkûm Hacı Cebri’yi katil-i merkûm Selnan muceb-i kısas olan katl ile katl eylediği şahidan-ı merkûman şahâdetleriyle sabit olmuş olmağın bu suretde vereseden kebirnan-ı merkûmnan yahud birisi katil-i merkûmu kısasdan ‘afv itmedikleri halde bizzatihi huzurlarında talebleriyle katil-i merkûm ber nehc-i şer‘î kısas olunmak lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane vereseden kebirnan-ı mezbûrnan yahud birisi katil-i merkûmu kısasdan ‘afv itmediği halde huzurlarında talebleriyle huzurlarında katil-i merkûm Selnan’a icrâ-yı
kısas olunması ve eğer verese-i kübar cümleten yahud birisi katil-i merkûmu kısasdan ‘afv ider veya sulh olur ise ol-halde kısas-ı sakıt ve mes’ele diyete münkalib olacağından iktiza-yı şer‘înin ifâsıyla katil-i merkûmun icrâ-yı mücâsereti zımnında keyfiyetin tezekkür bâ-i‘lâm ve mazbata istîzân olunması babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade kılınmış ve keyfiyet-i taraf-ı eşref şâhâneme ‘arz ile lede’l-istîzân ol-vechile icrâsı hususuna irade-i seniyye-i mülûkânem ta‘allukuyla emr-i hümâyûn-u pâdişâhâneme sünûh ve südûr eylemiş olmakdan naşi siz ki vâlî-i müşâr ve mevlânâ vesa’ir mûmâ-ileyhimsiz