natık varıd olan mazbata ve i‘lâm mazmunları bâ-ferman-ı ‘ali şerh virildi
Fî 3 CÂ (Cemâziye’l-Evvel) Sene (12)74
(20 Aralık 1857) Mirmiran-ı kiramdan Niş Eyâleti Mutasarrıfı ve mecidiye-i nişâne hümâyûnumun üçüncü rütbesinin ha’iz ve hasıl Zeynel Paşa dâme ikbâlühûya ve Niş Na’ib ve Müftüsü’ne ve a‘za-yı meclis zîde kadruhûma hüküm ki
Bosna Eyâleti dahilinde vaki‘ Yeni Bazar Kasabası mahallatından Leven Mahallesi ahalisinden olub bundan akdem katîlen vefât iden Boşnak Sadık bin Hasan’ın veraseti zevce-i metrukesi Fete bint-i Vasil ile sulbi sağir oğlu ‘Abdullah ve sulbiye-i sağire kızı Hana’ya muhzıra oldukdan sonra merkûm ‘Abdullah dahi vefât iderek veraseti anası mezbûre Kana ve kızkarındaşı sağire-i mezbûre Hana ile li-ebeveyn ‘ammisi İsma‘il ibn-i Ahazbor Hasan’a muhzıra olduğu ba‘de’t-tahakkuku’ş-şer‘i zevce-i mezbûre Hana asaleten ve merkûm isma‘il dahi asaleten ve vilayete-i Leskofça Mahallesi mütemekkinlerinden İsnobko veled Radvan ile meclisde ber nehc-i şer‘î mürafa‘larında mütevefa-yı merkûm Sadık Leskonce Kazası’ndan dihât-ı mübaya‘asıyla memleketi olan sadıkü’z-zikr Yenibazar Kasabası’na gelür iken esna-yı rahda mezkûr Leskonce Kasabası kurasından Necifes Karyesi hududu dahilinde topuk üzerinde merkûm İsnobko arkası üzerinden tüfenk kurşunuyla bi-gayr-ı hak ‘amden darb ve cerh iderek cerh-i mezkûrdan müte’essiren vefât eylediğini tav‘an ikrâr ve i‘zale iderek katil- i merkûm İsnobko icrâ-yı kısasına hükm-i şer‘î lahık olduğu bâ-i‘lâm ve mazbata inhâ olunmuş ve mufad-ı i‘lâma nazaren maktûl-u mezbûr Sadık’ı katil-i merkûm İsnobko muceb-i kısas olan katl ile katl eylediği tav‘an ikrârıyla sabit olmuş olmağın bu suretde varisan-ı mezbûran katil-i merkûmu kısasdan ‘afv itmedikleri halde bizzatihi huzurlarında talebleriyle katil-i merkûm İsnobko’ya icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i
kayd-ı fetvahane verese-i mezbûran kısasdan ‘afv itmedikleri halde bizzatihi huzurlarında talebleriyle katil-i merkûm İsnobko’nun icrâ-yı kısası ve eğer vereseden biri ‘afv ider veya sulh olur ise o halde kısas-ı sakıt ve mes’ele-i diğeri hakkında diyete münkalib olacağından icrâ-yı şer‘înin icrâsıyla keyfiyetinin bu tarafa iş‘ârı babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunmuş ve keyfiyet-i taraf-ı eşref şâhâneme ‘arz ile lede’l-istîzân ol-vechile icrâsı hususuna irade-i seniyye-i mülûkânem ta‘allukuyla emr-i hümâyûn-u şâhânem e sünûh ve sudûr eylemiş olmakdan naşi siz ki mutasarrıf ve Na’ib ve müftü vesa’ir mûmâ- ileyhimsiz keyfiyet-i ma‘lumunuz oldukda ber minval-i muharrer icrâ-yı ahkâm-ı şeriat-ı garraya müsaberet ve ‘alâ kile’t-takdireyn keyfiyetin bâ-mazbata ve i‘lâm der- bar-ı şevket karar mülûkâneme tahrir ve işara müsaderet eyleyesiz
Fî Evâsıt-ı S (Safer) Sene (12)74 (1 - 10 Ekim 1857) S.24/B.42: Ber-mentuk-u emr-i ‘ali katil-i merkûm verese-i maktûl-u mezbûr
huzurlarına icrâ-yı kısasına ibtidâr olduğuınu natık varıd olan ve i‘lâm ve mazbata mazmunları bâ-ferman-ı ‘ali şerh virildi
Fî 4 C ( Cemâziye’l-Âhir) Sene (1)274
(20 Ocak 1858) Mülhakatıyla Hüdavendigâr Eyâleti Vâlîsi ve mecidiye-i nişâne hümâyûnumun birinci rütbesinin ha’iz ve hasıl vezirim Refet Süleyman Paşa iclâlehûya ve Burusa Kadısı’na ve a‘za-yı meclis zîde kadruhûma hüküm ki
Burusa Sancağı’nda kâ’in Mecanic Kazası’na muzafe Dedeluya Karyesi ahalisinden olub bundan akdem katîlen vefât iden Hafız Mehmed Emin Mevlâ Ahmed’in veraseti zevcesi Fatma bint-i Ahmed ile babası merkûm Ahmed ve vâlidesi Hanife bint-i Hüseyin’e inhisârı ber nehc-i şer‘i tahakkundan sonra verese-i mezbûrenin karye-i merkûm sakinlerinden Burak oğlu Hasan bin Koca Mustafa ile meclisde ber nehc-i şer‘î hin-ü terâfü‘lerinde merkûm Hasan maktûl-u merkûm Hafız Mehmed’i yedinde bulunan tüfenk kurşunuyla ‘amden ve bi-gayr-ı hak sağ memesi üzerinden darb ve cerh iderek cerh-i mezkûrdan heman müte’essiren vefât eylediği ‘udul-u ahrar-i ricâl- i müslimiyetden ve karye-i mezbûre ahalisinden Fırat ibn-i İbrahim ve ebeveyn-i damadı ‘Ali bin Mehmed nam kimesneler şahâdetleriyle sabit ve mütehakkık ve
mucebince katil-i mezbûr Hasan’ın kısasına hükm-i şer‘î lahık olduğu bâ-i‘lâm ve mazbata inhâ olunmuş ve mufad-ı i‘lâma nazaren maktûl-u mezbûr Hafız Mehmed’i katil-i mezbûr Hasan muceb-i kısas olan katl ile katl eylediği beyyine-i mu‘adele ile sabit olmuş olmağın bu suretde verese-i mezbûre katil-i mezbûru kısasdan ‘afv itmedikleri halde bizzatihi huzurlarında talebleriyle katil-i mezbûr Hasan’a icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane maktûl-u merkûmun veresesi katil-i merkûmu kısasdan ‘avf itmedikleri halde bizzatihi huzurlarında talebleriyle icrâ-yı kısası ve eğer verese-i merkûmdan biri kısasdan ‘avf ider veya sulh olur ise ol-halde kısas-ı sakıt ve mes’ele-i diğerleri hakkında diyete münkalib olacağından icab-ı şer‘înin icrâsıyla keyfiyetinin bâ-mazbata ve i‘lâm bu tarafa iş‘ar-ı ve katil-i merkûmun dahi habsi tarihi gösterilerek bu canibe irsali babında lazım gelen emr-i şerifimin ahrarı meclis-i vâlâ-yı ahkâm-ı ‘adliyeden bâ-mazbata ifade olunması ve keyfiyet-i taraf-ı eşref pâdişâhâneme ‘arz ile lede’l-istîzân ber minval-i muharrer icrâsı hususuna irade-i seniyye-i mülûkânem ta‘allukuyla emr-i hümâyûn-u şâhânem e sünûh ve südûr itmiş olmakdan naşi siz ki vâlî-i müşârün-ileyh ve mevlânâ vesa’ir mûmâ-ileyhimsiz ma‘lûmunuz oldukda ber-vech-i meşrûh icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn keyfiyet der-bar-ı şevket-karar mülûkâneme tahrir ve iş‘ara mübaderet eyleyesiz şöyle bilesiz
Fî Evâhir-i S (Safer) Sene (12)74
(11 - 20 Ekim 1857)
S.24-25/B.43: (S.24) Bir sureti
Rumili Beğlerbeğiliği payelûlerinden Musul Sancağı Mutasarrıfı ve mecidiye-i nişâne hümâyûnun üçüncü rütbesinin ha’iz ve hasıl Mustafa Paşa dâmet ma‘aliyeye ve Musul Na’ib ve Müftüsü’ne ve a‘za-yı meclise
Musul mahallatından Pabailisray Mahallesi sakinlerinden ve zabtiye nezaretinden olub bundan akdem katîlen fevt olan ‘Abdülkadir bin Hasan’ın veraseti babası merkûm Hasan ile vâlidesi Şefika bint-i Yunus ve zevcesi Saliha bint-i Seyyid Ahmed ve sağir oğlu Salih ve sağire kızı Hâtûn’a muhzıra olduğu ber nehc-i şer‘î tahakkuk oldukdan sonra verese-i merkûmenin Cezire ahalisinden Melra bin Yusuf ile meclisde ber nehc-i şer‘î hin-ü terâfü‘lerinde merkûm Melra mahbusda olduğu halde firar itmek üzere taşda hücum iderek merkûm ‘Abdülkadir dahi hapisane kapusu
kurbünde bulunub merkûmu firardan men‘ itmek isdedikde merkûm Melra yedinde bulunan tabanca kurşunuyla sağ genzinden ve hançer ile sa’ir mahallinden bi-gayr-ı hak ‘amden darb ve cerh iderek müte’essiren vefât eylediği ‘udûl-u ahrar-i ricâl-i müslümiyetden Mehmed Emin bin İbrahim ve ‘Abdülhamit bin Mustafa nam kimesneler şahâdetleriyle sabit ve mütehakkık ve katil-i merkûmun kısasına hükm-i şer‘î lahık olduğu bâ-i‘lâm ve mazbata inhâ olunmasına ve mufad-ı i‘lâma nazaren maktûl-u mezbûr ‘Abdülkadir’i katil-i mezbûr Melra nam kimesnenin muceb-i kısas olan katl ile katl eylediği beyyine-i mu‘adele ile sabit olunmuş olmağın bu suretde maktûl-u mezbûrun kübar-ı veresesi katil-i mezbûru kısasdan ‘afv itmedikleri halde bizzatihi huzurlarında talebleriyle katil-i mezbûra icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane verese-i kübar katil-i mezbûru kısasdan ‘afv itmedikleri halde bizzatihi huzurlarında talebleriyle icrâ-yı kısas ve eğer içlerinden biri ‘afv ider veya sulh olur ise ol-halde kısas-ı sakıt ve verese-i sa’ire hakkında mes’ele-i diyete münkalib olacağından icab-ı şer‘inin (S.25) icrasıyla keyfiyetinin bâ-mazbata ve i‘lâm iş‘ârı babında lazım gelen emr-i şerifimin ahrarı meclis-i vâlâ-yı mezkûrdan bâ-mazbata ifade olunduğu beyanıyla
Aslına tatbiken S.25/B.44: Mülhakatıyla Şam-ı şerif Eyâleti Vâlîsi ve mecidiye-i nişâne hümâyûnun birinci rütbesinin haiz ve hasıl vezirim El-hâc İzzet Paşa iclâlehûya ve Şam-ı şerif Kadısı’na ve a‘za-yı meclis zîde kadruhûma hüküm ki
Şam-ı şerif kurasından Humuriye Karyesi ahalisinden olub bundan akdem sakin oldukları hanede mehtûkân vefât iden Şeyh Sa‘id ibn-i Mehmed’in veraseti vâlidesi Zeyneb bint-i Mehmed ile zevcesi Esma bint-i Şeyh ‘Abdulhamid’i ve sulbiye-i sağire kızları Zeyneb ve Hadice ve Emine’ye ve mütevefa-yı merkûmdan sonra kezâlik mehtûkane-i mütevefiye olan zevcesi mezbûre Esma Hâtûn’un veraseti dahi vâlidesi Hadice ibnete Mehmed ile sadriye-i sağire kızları mezbûran Zeyneb ve Hadice ve Emine ve li-ebeveyn erkarındaşı Mahmud ve Ahmed ve Salih ve li-ebeveyn kızkarındaşı Zeyneb ve Sa‘adiye’ye ve yine karye-i mezbûre sakinlerinden olub yine hane-i mezkûrda katîlen mütevefiye olan Şerife bint-i Mehmed’in veraseti vâlidesi ‘Ayşe ibnete Tayy ile li-ümm-i erkarınadaşı sağir ‘Abdullah ibn-i ‘Osman’a inhisârı ba‘de’t-tahakkuku’ş-şer‘î mahtu’l-u merkûm Şeyh Sa‘id ile zevcesi mezbûre Esma ve
maktûl-u mezbûre Şerif’e hazretlerinin verese-i kübarlarca bi’l-amele ve bi’l-vesaye ve merkûm-u sağir ‘Abdullah’ın babası bi’l-velaye katlde bulunan Afganistan ahalisinden Mehmed bin İsma‘il ile meclisde ber nehc-i şer‘î hin-ü terâfü‘lerinde mezbûr Mehmed mütevefa-yı merkûm Şeyh Sa‘id’i hane-i mezbûrun omzuna celbi ile ağzına çevre sokub ve elleriyle boğazından sıkub eftân ve’l-helâk eyledikden sonra zevce-i mezbûre Esma Hâtûn dahi keza elleriyle boğazından sıkub eftân ve’l-helâk ve maktûl-u mezbûre Şerife’yi bıçak ile ba‘zı mahallerinden ‘amden ve bi-gayr-ı hak darb ve zebh ve cerh iderek müte’essiren vefât eylediklerini tav‘an ikrâr itdiği ‘udûl-u ahrarı ricâl-i müslimiyetden ve karye-i mezbûre ahalisinden Ahmed ibn-i ‘Abbas ve ‘Ömer ibn-i İsma‘il ve Cum‘a bin Ahmed vesa’ir ma‘lume’l-esamî kimesne şahâdetleriyle sabit ve mütehakkık ve mucebince mahtul-u mezbûr Şeyh Sa‘id içün on bin ve mehtûkâ-i mezbûre Esma Hâtûn içün beş bin dirhem gümüş diyet lazım geldiği ve maktûl-u mezbûre Şerife’yi ber-vech-i muharrer katl ile katl eylemiş olduğundan katil-i merkûm Mehmed’e icrâ-yı kısas lazım geleceği bâ-mazbata ve i‘lâm inhâ olunmuş ve mufad-ı i‘lâma nazaren katil-i mezbûr Mehmed zevcan-ı mezbûran Şeyh Sa‘id ile Esma Hâtûn’a ber-vech-i muharrer hank ve kalt eylediğini ve yine varisan-ı i‘lâmda mezkûre Şerife Hâtûn’a dahi muceb-i kısas olan katl ile katl itdiğini tav‘an ahrarı şahidan-ı mezbûran şahâdetleriyle sabit olmuş olmağın bu suretde maktûl-u mezbûre Şerife’nin vâlidesi mezbûre ‘Ayşe katil-i mezbûru kısasdan ‘afv itmediği halde bizatihi huzurunda talebiyle katil-i mezbûr Mehmed’e maktûl-u mezbûre Şerife içün kısas ve katilan-ı zevcan-ı mezbûran içün ber-mentûk-u i‘lâm diyet-i ricâl vesa’ir lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane katîlen zevcan-ı mezbûranın icab iden diyetlerinin ber-mentûk-u i‘lâm tasviyesiyle maktûl-u mezbûr Şerife’nin varisi olan vâlidesi katil-i mezbûru kısasdan ‘afv itmediği halde bizzatihi huzurlarında talebiyle katil-i merkûm Mehmed’in icrâ-yı kısası ve eğer ‘afv ider veya sulh olur ise ol-halde kısas-ı sakıt olacağından icab-ı şer‘înin icrâsıyla keyfiyetinin bâ-mazbata ve i‘lâm-ı iş‘ârı babında lazım gelen emr-i şerifimin ahrarı meclis-i vâlâ-yı ahkâm-ı ‘adliyeden bâ-mazbata ifade olunmasına ve keyfiyet-i taraf-ı eşref pâdişâhâneme ‘arz ile lede’l-istîzân ber-vech-i muharrer icrâsı hususuna irade-i seniyye-i mülûkânem ta‘allukuyla emr-i hümâyûn-u şâhâneme sünûh ve südûr eylemiş olmakdan naşi siz ki vâlî-i müşâr ve mevlânâ vesa’ir mûmâ-ileyhimsiz ma‘lûmunuz oldukda ber minval-i muharrer icrâ-yı ahkâm-ı garraya müsaberet ve ‘alâ
kile’t-takdireyn keyfiyeti der-bar-ı şevket-karar mülûkâneme tahrir ve iş‘ara mübaderet eyleyesiz
Fî Evâhir-i S (Safer) Sene (12)74 (11 - 20 Ekim 1857) S.26/B.45: Mülhakatıyla Bosna Eyâleti Vâlîsi olub mecidiye-i neşane hümâyûnun birinci rütbesinin ha’iz ve hasıl vezirim Mehmed Reşid Paşa iclâlehûya ve Benaloka Kazası Na’ib ve Müftüsü zîde ‘ilmühuya ve a‘zayı meclis zîde kadruhûma hüküm ki
Benaloka Kazası’na tabi‘ Lubacveh Karyesi sakinlerinden olub bundan akdem katîlen vefât iden Simo veled Boran’ın veraseti zevcesi Yozica bint-i Marko ile sulbi kebir oğlu Nesto ve sağir oğlu Boran ve sulbiye-i sağire kızları İnsan ve Corciye ve Cuhena ve Bofa’ya inhisârı ba‘de’t-tahakkuku’ş-şer‘î zevce-i mezbûre ile li-eb-i merkûm Senoza yine karye-i mezbûre sakinlerinden Miko veled Fito ile meclisde ber nehc-i şer‘î hin-ü terâfü‘lerinde merkûm Miko mütevefa-yı merkûm Simon’un başına balta ile bi-gayr-ı hak ‘amden darb ve cerh iderek müte’essiren der-‘akab vefât eylediği tab‘an ikrârıyla sabit ve mütehakkık ve katil-i merkûmun kısasına hükm-i şer‘î lahık olduğu bâ-i‘lâm ve tahrirat inhâ olunmuş ve mufad-ı i‘lâma nazaren teba‘a-i devlet-i ‘aliyemden maktûl-u merkûm Simon’u katil-i merkûm Miko muceb-i kısas olan katl ile katl eylediği tav‘an ikrârıyla sabit olmuş olmağın bu suretde zevce-i merkûme ile li-eb-i kebir-i merkûm katil-i merkûmu kısasdan ‘afv itmedikleri halde bizzatihi huzurlarında talebleriyle katil-i merkûm Miko’ya icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane maktûl-u merkûmun verese-i kübarı katil-i merkûmu kısasdan ‘afv itmedikleri halde bizzat huzurlarında talebleriyle katil-i merkûm Miko’nun icrâ-yı kısası ve eğer içlerinden biri ‘afv ider veya sulh olur ise o halde kısas-ı sakıt verese-i suğar hakkında mes’ele-i diyete münkalib olacağından icab-ı şer‘înin icrâsıyla keyfiyetinin bâ-mazbata ve i‘lâm-ı iş’arı babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunması ve keyfiyet-i taraf-ı eşref şâhâneme ‘arz ile lede’l-istîzân ber minval-i meşrûh icrâsı hususuna irade-i seniyye-i mülûkanem ta‘allukuyla emr-i hümâyûn-u pâdişâhâneme sünûh ve südûr eylemiş olmakdan naşi siz ki vâlî-i müşâr ve Na’ib ve müftü vesa’ir mûmâ-ileyhimsiz ma‘lûmunuz oldukda ber
minval-i muharrer icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn keyfiyet-i der-bar-ı şevket-karar mülûkâneme tahrir ve iş‘ara mübaderet eyleyesiz
Fî Evâhir-i S (Safer) Sene (12)74
(11 - 20 Ekim 1857)
S.26/B.46: Ber-mentuk-u ferman-ı celâlet-‘unvân merkûmûndan mezbûran
Hesko ve İbrahim müddeti mezkûreler içün pranga bend olunmuş ve mâ‘adası mahallerinde siyaseten salb oldukları natık varıd olan i‘lâmat ve mazbata ve suretleri bâ-ferman-ı ‘ali şerh virildi
Fî 14 R (Rebî‘ü’l-Âhir) Sene (1)274 (2 Aralık 1857)
Mülhakatıyla Eyalet-i Silistire Vâlîsi olub mecidiye-i nişâne hümâyûnun birinci rütbesinin ha’iz ve hasıl vezirim ‘Osman Paşa iclâlehûya ve Silistre Na’ib ve Müftüsü’ne ve a‘za-yı meclis zîde kadruhûma hüküm ki
Silistre ve havalisinde misli geşt ve güzar ile envâ‘i habâsete ictisar itmekde oldukları halde tutulub istintak ve mahkemeleri icrâ olunan senî‘-i hevn Kulaksız Mehmed ve refiki Salim ve ‘Ali ve Çankırınlı Korı Halil’in refiki Kadri ve Tuzcular karyeli Kahveci Hasan ve Bergos Karyeli Kıbtî Kuyumcu Mehmed ve Murad nam şahısların katl-i nefs ve kutta‘-i tarik misüllü fezahata mücâseretleri ve Kıbtî Hesko ile Küçük İbrahim oğlu Hasan’ın fezaha-i katlde merkûmları mu‘avenetleri sabit ve tahakkuk itmiş olduğu bâ-tahrirat inhâ ve meclis-i muvakkaran beş kıt‘a mazbatasıyla istintaknameleri dahi takdim ve isra kılınmış ve bu makule aşhas-ı muzıradan kat‘-ı nüfus ve kutta‘-i tarik fezahata ictisar idenlerin siyaseten i‘damlarıyla bunlara mu‘avenetleri tahakkuk idenlerin vaz‘-ı pranga olunarak icrâ-yı mücâzâtı virilen ta‘limat iktizasından bulunmuş olduğundan merkûmlardan Kulaksız Mehmed ve refik-i Salih ve ‘Ali ve Çankırınlı Korı Halil’in refiki Kadri ve Tuzcular Karyeli Kahveci Hasan ve Bergos Karyeli Kıbtî Kuyumcu Mehmed ve Murad’ın siyaseten katl ve i‘damları merkûman Hasko ve Küçük İbrahim oğlu Hasan’ın ber-muceb-i kanûn-u ceza tarih-i habslerinden i‘tibaren dörder sene müddetle mahallinde vaz‘-ı pranga olunarak hitam müddetlerinde kefilleri alınarak sebillerinin tahliyesi babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunmuş ve ol- vechile icrâ-yı iktizası hususuna irade-i seniyye-i mülûkanem ta‘allukuyla emr-i
hümâyûn-u şâhânem sünûh ve südûr eylemiş olmağın siz ki vâlî-i müşâr ve Na’ib ve müftü vesa’ir mûmâ-ileyhimsiz bir-minval-i muharrer katl-i nefsi ve kat‘ ve kutta‘-i tarîk fezahata ictisar iden merkûman Kulaksız Mehmed ve refiki Salih ve ‘Ali Çankırınlı Korı Halil’in refiki Kadri ve Tuzcular karyeli Kahveci Hasan ve Bergos karyeli kıbtî kuyumcu Mehmed ve Murad’ın siyaseten i‘damlarıyla merkûman Hesko ve Küçük İbrahim oğlu Hasan’ın ber-muceb-i kanûn-u ceza tarih-i habslerden i‘tibaren dörder sene müddetle mahallinde vaz‘-ı pranga olunarak hitam müddetlerinde kefilleri alınarak tahliyeye mübaderet eyleyesiz
Fî Evâhir-i S (Safer) Sene (12)74
(11 - 20 Ekim 1857)
DİBACE (S.27): Der-zaman sadr-ı südûru’l-vüzera hazret-i Mustafa Reşid
Paşa ve fi eyyam-ı umur-u nezaret-i hariciye hazret-i Mehmed Emin ‘Ali Paşa
Fî 3 RÂ (Rebî‘ü’l-Evvel) Sene (1)274 (22 Ekim 1857)