Sivas Eyâleti Vâlîsi ve mecidiye-i nişâne hümâyûnun ikinci rütbesi ha’iz ve hasıl Vezir Mehmed Paşa iclâlehûya ve Sivas Na’ib ve Müftüsü’ne ve a‘za-yı meclise
Sivas Sancağı’na muzafe Ernak İli Kazası’na tabi‘ Belus Karyesi sakinlerinden olub bundan akdem katîlen vefât iden Mustafa bin Hasan’ın veraseti li-ebeveyn er karındaşı İbrahim ile kızkarındaşı Elife’ye inhisârı ‘indü’ş-şer‘î tahakkukdan sonra verese-i mezbûrenin kaza-i mezbûra tabi‘ Fertik Karyesi sakinlerinden Kovaş oğlu Hüseyin bin Mustafa ile meclisde ber nehc-i şer‘î hin-ü terâfü‘lerinde merkûm Hüseyin mütevefâ-yı mezbûr ve Mustafa’ya tüfenk kurşunuyla bi-gayr-ı hak başından ‘amden darb ve cerh iderek cerh-i mezkûrdan müte’essiren vefât eylediğini tav‘an ikrârı mezkûr Belus Karyesi sakinlerinden Çopur oğlu Mehmed bin İsma‘il ve Tovaklar mahallatından Binbağı Mahallesi sakinlerinden Dursun oğlu Hacı Ahmed bin ‘Ali nam kimesneler şahâdetleriyle sabit ve mütehakkık ve katil-i merkûmun kısasına hükm-i şer‘î lahık olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl- u mezbûr Mustafa’yı katil-i mezbûr Hüseyin’in mucebi kısas olan katl ile katl eylediği
tav‘an ikrârı beyine-i muadele ile sabit olmuş olmağın bu suretde varisan-ı mezbûran katil-i mezbûru kısasdan ‘afv itmediği halde bizzatihi huzurlarında talebleriyle katil-i mezbûr Hüseyin’e icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane varisan-ı merkûman katil-i merkûmu kısasdan ‘afv itmedikleri halde icrâ-yı kısası ve eğer vereseden biri ‘afv eylediği suretde diğerleri hakkında mes’ele-i diyete münkalib olacağından icab-ı şer‘înin icrâsı ve katil-i merkûmun habsi tarihi gösterilerek bu tarafa i‘zamı babında lazım gelen emr-i şerifimin ahrarı meclis-i vâlâ-yı mezkûrdan bâ- mazbata ifade olunduğu beyanıyla
Aslına tatbiken
S.9/B.16: Ber mentûk-u ferman-ı ‘adâlet ‘unvân katil-i merkûma verese-i
maktûl-u mezbûre huzurlarında icrâ-yı kısasına ibtidâr olduğunu natık vürûd olan i‘lâm ve mazbata ve şakka müzafa‘atları bâ-ferman-ı ‘ali şerh virildi
Fî 29 CÂ (Cemâziye’l-Evvel) Sene (1)273
(25 Ocak 1857) Bir sureti
Mülhakatıyla Silistre Eyâleti Vâlîsi ve mecidiye-i nişâne hümâyûnun birinci rütbesinin ha’iz ve hasıl Vezir ‘Osman Paşa iclâlehûya ve mirmiran-ı kiramdan Şemni Sancağı Ka’imakamı ve nişan-ı mezkûrun beşinci rütbesinin ha’iz ve hasıl Hüseyin Paşa dame iclâlehûya ve Şemni Na’ib ve Müftüsü’ne ve a‘za-yı meclise
Nefs-i Şemni mahallatından Binkalli Mahallesi sakinlerinden olub bundan akdem katîlen mütevefiye olan Ayşe bint-i Mehmed’in veraseti vâlidesi Fatma bint-i Hasan ve sadriye sağire kızı Seyde ve Sadriye sağir oğulları Mustafa ve Ahmed’e muhzıra olduğu ‘indü’ş-şer‘î tahakkukdan sonra ümm-i mezbûre Fatma’nın liva-i Zivor kurasından Kazı Karyesi sakinlerinden ‘asakir-i şâhânem firarilerinden Mustafa bin Hasan ile meclisde ber-nehc-i şer‘î hin-ü terâfü‘lerinde mezbûr Mustafa’nın maktûle-i mezbûre Ayşe’nin başına yatağan bıçağıyla bi-gayr-ı hak ‘amden darb ve cerh iderek cerh-i mezkûrdan müre’essiren vefât eylediği tav‘an ikrârıyla sabit ve mütehakkık ve katil-i mezbûrun kısasına hükm-i şer‘î lahık olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u mezbûre Ayşe’yi katil-i mezbûr ve Mustafa muceb- i kısas olan katl ile katl eylediği tav‘an ikrârıyla sabit ve mucebiyle katil-i mezbûrun
kısasına hükm-i şer‘î lahık olmuş olmağın bu suretde ümm-i mezbûre katil-i mezbûru kısasdan ‘afv itmediği halde bizzatihi huzurunda talebiyle katil-i mezbûr Mustafa’ya icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış ve merkûmun sa‘hi-i ‘askeriden kaydı terkin kılındığı taraf-ı ser-‘askeriden ifade olunmuş olduğundan ber-muceb-i kayd-ı fetvahane-i mezbûre katil-i mezbûru kısasdan ‘afv itmediği halde bizzatihi huzurunda talebiyle katil-i merkûmun icrâ-yı kısası ve eğer mezbûre ‘afv ider veya sulh olur ise ol-halde kısas-ı sakıt ve mes’ele-i verese-i sa’ire hakkında diyete münkalib olacağından icab-ı şer‘înin icrâsıyla keyfiyetin bâ-i‘lâm ve mazbata iş‘ârı ve katil-i merkûmun habsi tarihi gösterilerek bu canibe i‘zamı babında lazım gelen emr-i şerifimin ahrarı meclis-i vâlâ-yı mezkûrdan bâ- mazbata ifade olunduğu beyanıyla
Kezâlik S.10/B.17: Ber mentuk-u ferman-ı ‘adalet-‘unvân katil-i merkûm verese-i
maktûl-u merkûmun huzurlarında icrâ-yı kısasına ibtidâr olunduğunu natık varıd olan i‘lâm ve mazbata ve şakka mazmûnları bâ-ferman-ı ‘ali şerh virildi
Fî 8 S (Safer) Sene (1)274 (28 Eylül 1857)
Bir sureti
Mülhakatıyla Hüdavendigâr Eyâleti Vâlîsi olub mecidiye-i nişâne-i hümâyûnun birinci rütbesinin ha’iz ve hasıl olan Vezir Ra’fet Süleyman Paşa iclâlehûya ve Rum ili Beğlerbeğiliği payelûlerinden Foça ili Sancağı Ka’imakamı Hüseyin Remzi Paşa damet ma‘aliyeye ve İzmir Na’ib ve Müftüsü’ne ve a‘za-yı meclise
İzmir’e tabi‘ Saraylı Karyesi ahalisinden olub bundan akdem katîlen vefât iden Es-seyyid Mehmed ‘Ali bin Emin ‘Osman’ın veraseti sulbiye-i sağire kızı Fatma ve vâlidesi Hadice ile li-ebeveyn kız karındaşı Ayşe’ye inhisârı ‘indü’ş-şer‘î tahakkukdan sonra uht-u mezbûre Ayşe ile ümm-i mezbûre Hadice kendü tarafından asaleten ve sağire-i mezbûre tarafından karye-i merkûm ahalisinden Kara ‘Ali oğlu Salih ile meclisde ber nehc-i şer‘î hin-ü terâfü‘lerinde merkûm Salih maktûl-u mezbûr Es-seyyid Mehmed ‘Ali Beğ’in iki küreği arkasından tüfenk kurşunuyla ‘amden ve bi-gayr-ı hak darb ve cerh iderek cerh-i mezkûrdan müte’essiren vefât eylediği ‘udûl-u ahrar-i ricâl-i müslimiyyetden ve karye-i merkûm ahalisinden Mevlâ oğlu Mustafa Emin Ahmed ve
Arnavud Receb bin Hüseyin nam kimesneler şahâdetleriyle sabit ve mütehakkık ve katil-i merkûmun kısasına hükm-i şer‘î lahık olduğu bâ-i‘lâm ve mazbata inhâ olunmuş ve mufad-ı i‘lâma nazaren maktûl-u mezbûr Es-seyyid Mehmed ‘Ali Beğ’i katil-i mezbûr Salih muceb-i kısas olan katl ile katl eylediği beyine-i mu‘adele ile sabit olmuş olmağın bu suretde ümm-i mezbûre Hadice ile uht-u mezbûre Ayşe katil-i mezbûru kısasdan ‘afv itmediği halde bizzatihi huzurlarında talebleriyle katil-i mezbûr Salih’e icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane-i mezbûreler ‘afv itmedikleri halde huzurlarında katil-i merkûm Salih’e icrâ-yı kısas olunması ve eğer vereseden biri ‘afv ider veya sulh olur ise ol-halde kısas-ı sakıt ve verese-i sa’ire haklarında mes’ele-i diyete münkalib olacağından icab-ı şer‘înin icrâsıyla keyfiyetin bâ-mazbata ve i‘lâm bu tarafa iş‘ârı ve katil-i merkûm Salih’in dahi tarih-i habsi gösterilerek bu tarafa irsali babında lazım gelen emr-i şerifimin ahrarı meclis-i vâlâ-yı mezkûrdan bâ-mazbata ifade olduğu beyanıyla
Kezâlik S.10/B.18: Mülhakatıyla Hüdavendigâr Eyâleti Vâlîsi olub mecidiye-i nişâne hümâyûnun birinci rütbesinin ha’iz ve hasıl olan vezirim Ra’fet Süleyman Paşa iclâlehûya ve Brusa Kadısı’na a‘za-yı meclise hüküm
Hüdavendigâr Eyâleti dahilinde kâ’in Mihalic Kazası’nda Çoban ta’ifesinden olub bundan akdem katîlen vefât iden teba‘a-i devlet-i ‘aliyemden Ökçeli Minhalko veled Herakdi’nin zahirde varise-i ma‘rufe ve ma‘rufesi olmadığı cihetle terekesi canibin beyine el-menud a‘id ve raci‘ olmağla husus-u mezbûru kayd-ı şer‘înin hısm-ı ta‘biyet kılınan Kenya’dan Mustafa Kayabey ibn-i El-hâc Mustafa’nın yine Çoban ta’ifesi’nden Kalbeli Yinko bin Haresno ile meclisde ber nehc-i şer‘î hin-ü terâfü‘lerinde merkûm Yinko maktûl-u merkûm Minhalko’nun malına tama‘en yedinde olan kebir bıçak ile boğazına ‘amden ve bi-gayr-ı hak katl kasdıyla katl iderek ol-anda müte’essiren vefât eylediğini tav‘an ikrârı ‘udûl-u ahrar-i ricâl-i müslimiden olub maru’z-zikr Mihalic Kazası müdîri Mehmed Mezididdin ibn-i Mustafa El-hâc ‘Osman ibn-i ‘Ali nam kimesneler şahâdetleriyle sabit olarak katil-i merkûmun kısasen katl olunmuş yahud rızasıyla tamam-ı diyet ahz kılınmış irade-i seniyye-i mülûkâneme mutevakkıf iderek bâ-i‘lâm ve mazbata inhâ olunmuş ve mufad-ı i‘lâma nazaren teba‘a- i devlet-i ‘aliyemden zahirde varis-i ma‘rufe olmayan maktûl-u merkûm Mincalko’nun
katil-i merkûm Yinko’nun muceb-i kısas olan katl ile katl eylediğini tav‘an ikrârı beyine-i mu‘adele ile sabit olmuş olmağın bu suretde katil-i merkûm Yinko kısasen katl olunmuş yahud katil-i merkûmun rızasıyla canib-i beyyinü’l-hat içün katil-i merkûmdan tamam-ı diyet alınmak hususu ra’i ve li’ü’l-emre menut-ı mülavat idüğü canib-i fetvahaneden zahr-u i‘lâm-ı mezkûre-i tahrir ve işaret kılınmış ve merkûm Yinko’nun mütecâsir olduğu madde-i katlin derecesine göre icrâ-yı kısas-ı lazımeden ba‘adi olunduğundan ol-babda iktiza iden emr-i şerifimin ahrarı meclis-i vâlâ-yı ahkâm-ı ‘âdliyeden bâ-mazbata ifade kılınmış ve keyfiyet-i taraf-ı eşref pâdişâhâneme ‘arz ile lede’l-istîzân ol-vechile icrâsı hususna irade-i seniyye-i mülûkânem ta‘allukuyla emr-i hümâyûn-u şâhâneme sünûh ve südûr itmiş olmağla siz ki vâlî-i müşâr ve mevlânâ ve sa’ir mûmâ-ileyhimsiz keyfiyet-i ma‘lumunuz olan ber minval-i muharrer icrâ-yı iktizasıyla keyfiyetin der-bar-ı şevket karar mülûkâneme tahrir ve iş‘ârına mübaderet eylesiz
Fî Evâi’l-i N (Ramazân) Sene (1)273 (25 Nisan - 4 Mayıs 1857) DİBACE (S.10): Der-zaman-ı sadr-ı südûru’l-vüzera hazret-i müşârün-ileyh ve
fî eyyam-ı nezaret-i hariciye ‘Ali Galip Paşa
Fî N (Ramazân) Sene (12)73 (25 Nisan - 24 Mayıs 1857)
S.11/B.19: Mülhakatıyla Harput Eyâleti Vâlîsi vezirim Cemaleddin Paşa