olduğunu natık varıd olan i‘lâm ve mazbata ve tahrirat me’alleri bâ-ferman-ı ‘ali şerh virildi
Fî 8 Receb Sene (12)74
(22 Şubat 1858) Mülhakatıyla Haleb Eyâleti Vâlîsi olub mecidiye-i nişâne hümâyûnun birinci rütbesinin ha’iz ve hasıl olan vezirim El-hâc Kamil Paşa iclâlehûya ve Haleb Kadısı’na ve a‘za-yı meclise hüküm
Haleb’de kâ’in Toto nam diğer (okunmuyor) Mahallesi ahalisinden olub bundan akdem mecrûhen vefât iden Mehmed Talib’in veraseti babası Hacı Talib ile zevcesi Fatma bint-i Mehmed’e inhisârı ba‘de’t-tahakkuku’ş-şer‘î eb-i merkûm Talib ile zevce-i mezbûre tarafından vekil-i nasb olunan babası merkûm Mehmed’in haneü’s-sebrî Mahallesi ahalisinden Şeyh Tüccarı oğlu ‘Abdullah ile meclisde ber-nehc-i şer‘î hin-ü terâfü‘lerinde merkûm ‘Abdullah mütevefa-yı mezbûr Mehmed Talib’i alet-i cariheden kalemtraş ile sağ kulağı altından bi-gayr-ı hak ‘amden darb ve cerh iderek müte’essiren vefât eylediği tab‘an ikrârıyla sabit ve mütehakkık ve katil-i merkûmun kısasına hükm-
i şer‘î lahık olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u mezbûr Mehmed Talib’i katil-i mezbûr ‘Abdullah muceb-i kısas olan katl ile katl eylediği tav‘an ikrârıyla sabit olmuş olmağın bu suretde maktûl-u mezbûrun hasran varisleri zevce-i menkûhe-i mezbûre Fatma ile babası ecl-i mezbûr El-hâc Talib huzurlarında talebleriyle katil-i mezbûr ‘Abdullah’a icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane verese-i mezbûre katil-i mezbûru kısasdan ‘afv idmediği halde bizzatihi huzurlarında talebleriyle icrâ-yı kısası ve eğer vereseden biri ‘afv ider veya sulh olur ise ol-halde kısas-ı sakıt ve mes’ele-i diyete münkalib olacağından icab-ı şer‘înin icrâsıyla keyfiyetin bâ-mazbata ve i‘lâm-ı iş‘ârı katil-i mezbûrun dahi habsi tarihi gösterilerek mukayyedenn bu canibe i‘zamı babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunmuş ve keyfiyet-i taraf-ı eşref şâhâneme ‘arz ile lede’l-istîzân ol-vechile icrâsı hususuna irade-i seniyye-i mülûkanem ta‘allukuyla emr-i hümâyûn-u pâdişâhâneme sünûh ve südûr eylemiş olmakdan naşi siz ki vâlî-i müşâr ve mevlânâ ve sa’ir mûmâ-ileyhimsiz keyfiyet-i ma‘lûmunuz oldukda ber minval-i meşrûh icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn keyfiyeti der-bar-ı şevket-karar mülûkaneme tahrir ve iş‘ara mübaderet eyleyesiz
Fî Evâhir-i R (Rebî‘ü’l-Âhir) Sene (12)74 (9 - 18 Aralık 1857) S.27/B.48: İşbu emr-i ‘ali mahalline lede’l-vürud ifa-yı ahkâm-ı sırasında
mütevefa-yı merkûmun babası Mehmed bi’l-amele ve bi’l-vekale katil-i merkûmu kısasdan meccanen ‘afv idüb maktûl-u merkûmun ümm-i ve diyetine müte‘allike ‘amme da‘vâsına katil-i merkûmun kabulünü havi zimmetine ibrâ itmiş ve katil-i merkûm li- ecli’l-mücâzât canib-i zabtiyeye gönderilmiş olduğunu natık bir kıt‘a i‘lâm ve mazbata vürûd itmiş ve merkûm Mehmed zevcesi müvekkile-i mezbûre Selime dahi ibrâ-i mezkûru izafe itmiş ise de varisan ebeveyn-i mezbûran fî-mâ-ba‘d husus-u mezkûre katil-i mezbûr ‘Ali’den nesne da‘vâsına kadir almayacakları canib-i fetvahaneden i‘lâm-ı mezkûr zahrına yazılmış olduğundan mazbata-i merkûmede tarih-i mahbusiyeti olduğu gösterilen yetmiş üç senesi cemâziye’l-âhiresinin yedinci gününden (2 Şubat
1857) i‘tibaren katil-i merkûm ‘Ali’nin sekiz sene müddetle tersane-i ‘amirede vaz‘-u
i zabtiyeye buyruldu-i sami tastîri ve sureti Hüdavendigâr Vâlîsi devletlû Paşa hazretlerine dahi bildirilmesi tatbik-i kavanin cem‘iyeti müzakkeratı üzerine ahkâm-ı ‘adliyeden bâ-mazbata ifade olunmuş olmağla mucebince keyfiyet-i emr-i ‘ali-i mezkûrun kayd-ı bâlâsına şerh virilerek oradan mezkûre meclis-i mezkûr evrâk odasına virilmişdir
Fî 9 Ş (Şa‘bân) Sene (12)74 (25 Mart 1858)
Mülhakatıyla Hüdavendigâr Eyâleti olub mecidiye-i nişâne hümâyûnun birinci rütbesinin ha’iz ve hasıl olan vezirim Ra’fet Süleyman Paşa iclâlehûya ve Burusa Kadısı’na ve a‘za-yı meclis zîde kadruhûma hüküm
İnegöl Kazası’na tabi‘ Derme Karyesi sakinlerinden olub bundan akdem katîlen vefât iden Halil bin Mehmed’in veraseti babası merkûm Mehmed ve vâlidesi Selime bint-i Bektaş’a inhisarı ba‘de’t-tahakkuku’ş-şer‘î eb-i merkûm Mehmed’in bi’l-asale ve zevcesi ümm-i mezbûre tarafından bi’l-vekâle karye-i mezbûre sakinlerinden Ahvan oğlu ‘Ali bin Hasan ile meclisde ber nehc-i şer‘î hin-ü terâfü‘lerinde merkûm ‘Ali maktûl-u merkûm Halil’in tepesine yedinde bulunan yatağan bıçağıyla ‘amden ve bi- gayr-ı hak darb ve cerh iderek müte’essiren vefât eylediği ‘udul-u ahrar-i ricâl-i müslimiyetden ve karye-i mezbûre ahalisinden Mehmed bin İbiş ve El-hâc Hasan ibn-i İsma‘il nam kimesneler şahâdetleriyle sabit ve mütehakkık ve katil-i mezbûrun kısasına hükm-i şer‘î lahık olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u mezbûr Halil’i katil-i mezbûr ‘Ali muceb-i kısas olan katl ile katl eylediği beyine-i mu‘adele ile sabit olmuş olmağın bu suretde maktûl-u mezbûrun li-ebeveyni ve hasren varisleri li-ecl ve müvekkile-i zevcat-ı mezbûran katil-i mezbûr ‘Ali’yi kısasdan ‘afv itmedikleri halde varisan-ı mezbûranın bizzatihi huzurlarında talebleriyle katil-i mezbûr ‘Ali’ye icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane maktûl-u mezbûrun veresesi katil-i mezbûr ‘Ali’yi kısasdan ‘afv itmedikleri halde bizzatihi huzurlarında talebleriyle katil-i mezbûr ‘Ali’ye icrâ-yı kısas olunması ve eğer varisan-ı mezbûrandan biri katil-i merkûmu kısasdan ‘afv ider veya sulh olur ise ol-halde kısas-ı sakıt ve mes’ele-i diğeri hakkında diyete münkalib olacağından icab-ı şer‘înin icrâsıyla keyfiyetini bâ-mazbata ve i‘lâm-ı iş‘ârı ve katil-i merkûmun li-ecli’l-mücâzât tarih-i habsi gösterilerek bu tarafa i‘zamı babında lazım gelen emr-i şerifimin ahrarı meclis-i
vâlâ-yı ahkâm-ı ‘adliyemden bâ-mazbata ifade olunmuş ve kayfiyet-i taraf-ı eşref şâhâneme ‘arz ile lede’l-istîzân ol-vechile icrâsı hususuna irade-i seniyye-i mülûkânem ta‘allukuyla emr-i hümâyûn-u pâdişâhâneme sünûh ve südûr eylemiş olmağın siz ki vâlî-i müşâr ve mevlânâ vesa’ir mûmâ-ileyhimsiz keyfiyet-i ma‘lûmunuz oldukda bir minval muharrir icrâ-yı ahkâm-ı şeri‘at-ı ‘garraya müsaberet ve ‘alâ kile’t-takdireyn keyfiyet-i der-bar-ı şevket-karar mülûkaneme tahrir ve iş‘ara mübaderet eyleyesiz
Fî Evâi’l-i RÂ (Rebî‘ü’l-Evvel) Sene (12)74 (20 - 29 Ekim 1857)