Yine vâlî-i müşâr ve ka’imakam ve Na’ib ve müftü vesa’ire mûmâ-ileyhime Berat Kazası’na tabi‘ Devkul Karyesi sakinlerinden olub bundan akdem katîlen vefât iden Leyfa bin Meno’nun veraseti zevce-i menkûhe-i metrûkesi Emel bint-i Mane
ile li-ebeveyn erkarındaşı Emir ve kızkarındaşı Ayşe’ye muhzıra olduğu ledi’ş-şer‘î olunur zahir oldukdan sonra verese-i mezbûre tarafından vekil bulunan Hasan bin Yusuf nam kimesnenin yine karye-i mezbûre sakinlerinden maktûl-u merkûmun katili olan Radon bin Malo ile meclisde ber nehc-i şer‘î hin-ü terâfü‘lerinde katil-i merkûm maktûl-u mezbûr Leyfa’ya tüfenk kurşunuyla sol omzundan bi-gayr-ı hak ‘amden darb ve cerh idüb cerh-i mezkûrdan müte’essiren vefât eylediği tav‘an ikrârı karye-i mezbûre sakinlerinden Sinan bin Canove Dola bin ‘Abdülcelil ve Elmas bin Süleyman nam kimesneler şahâdetleriyle sabit ve katil-i merkûm Raboşla icrâ-yı kısasına hükm-i şer‘î lahık olmuş olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u mersum Leyfa’yı katil-i merkûm Raboş’a muceb-i kısas olan katl ile katl eylediğini tav‘an ikrârı şahidun-u mezbûrun şahâdetleriyle sabit olmuş olmağın bu suretde verese-i merkûme yahud içlerinden biri katil-i merkûmu kısasdan ‘afv itmedikleri halde mecmu‘ veresenin bizzatihi huzurlarında talebleriyle katil-i merkûm Raboş ber nehc-i şer‘î kısas olunmak lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olmağla ber-muceb-i kayd-ı mecmu‘ fetvahane mecmu‘ veresenin bizzat huzurlarında talebleriyle katil-i merkûme icrâ-yı kısas olunması ve içlerinden biri ‘afv ider veya sulh olur ise ol-halde kısas-ı sakıt ve mes’ele-i diyete münkalib olacağından icab-ı şer‘inin ifâsıyla katil-i merkûmun icrâ-yı mücâseret- i kanûniyesi zımnında habsi tarihi gösterilerek bu tarafa irsali babında lazım gelen emr-i şerifimin ahrarı meclis-i vâlâ-yı mezkûrdan bâ-mazbata ifade olunduğu beyanıyla
Aslına tatbiken S.60/B.110: Katil-i merkûm verese-i maktûl huzurlarında kısas olunmuş olduğu
natık varıd olan mazbata ve i‘lâm me’alleri bâ-ferman-ı ‘ali şerh virildi. Gurre-i S (Safer) Sene 1276
(30Ağustos 1859)
Rumili Beğlerbeğiliği Payelûlerinden Hersek Sancağı Mutasarrıfı olub mecidiye-i nişâne hümâyûnumun üçüncü rütbesini ha’iz ve hasıl olan Vasfi Paşa dâmet ma‘aliyeye ve Mostar Na’ib ve Müftüsü zîde ‘ilmühuya ve a‘za-yı mecli zîde kadruhûma hüküm
Hersek Sancağı dahinde kâ’in Dome Kasabası sakinlerinden iken mukaddema katîlen vefât iden İbrahim bin ‘Osman’ın veraseti vâlidesi Nefise bint-i Halil ile li-
ebeveyn erkarındaşı Mahmud bin ‘Osman’a inhisârı ba‘de’t-tahakku’ş-şer‘î verese-i merkûme maktûl-u merkûmun katili olan liva-i mezbûra tabi‘ Leboşfa Kazası’na muzafe Raşkopola Karyesi mütemekkinlerinden Verla bint-i Melenzan Mato ile meclis- i şer‘de ber nehc-i şer‘î hin-ü terâfü‘lerinde katil-i merkûmun maktûl-u mezbûru klubesinde misafir olduğu halde üzerine hücum ile alet-i cariheden olan keskin timur kazma ile başının sol gözü üzerine bi-gayr-ı hak ‘amden darb ve cerh iderek cerh-i mezkûrdan müte’essiren vefât idüb kuyuya ilka itmiş olduğu tav‘an ikrârı ‘udûl-u ahrar- i ricâl-i müslimiden ve kaza-i mezbûre ahalisinden Murad bin Yusuf ve ‘Osman bin Ahmed nam kimesneler şahâdetleriyle sabit ve mütehakkık olarak kısasına hükm-i şer‘î lahık olmuş olduğu bâ-mazbata ve i‘lâm inhâ ve mufad-ı i‘lâma nazaren maktûl-u mezbûr İbrahim‘i katil-i mersum Mato’ya muceb-i kısas olan katl ile katl eylediği tav‘an ikrârı şahidan-ı mezbûran şahâdetleriyle sabit olmuş olmağın bu suretde varisan-ı mezbûran yahud birisi katil-i mefsuru kısasdan ‘afv itmedikleri halde bizzatihi huzurlarında talebleriyle katil-i mersum Mato ber nehc-i şer‘î kısas olunmak lazım geleceği canib-i fetvahaneden zahr-u i‘lâm-ı mezkûre tahrir ve inhâ kılınmış olduğundan ber-muceb-i kayd-ı fetvahane verese-i merkûme veyahud birisi katil-i merkûmu kısasdan ‘afv itmedikleri halde bizzat huzurlarında talebleriyle icrâ-yı kısas olunması ve eğer ‘afv iderler ve yahud biri sulh olur ise ol-halde kısas-ı sakıt ve mes’ele-i diyete münkalib olacağından icab-ı şer‘inin ifâsıyla katil-i merkûmun icrâ-yı mücâseret-i kanûniyesi zımnında habsi tarihi gösterilerek bu tarafa irsali babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade kılınmış ve keyfiyet-i taraf-ı eşref pâdişâhâneme ‘arz ile lede’l-istîzân ber minval-i muharrer icrâsı hususuna irade-i seniyye mülûkânem ta‘allukuyla emr-i hümâyûn-u şâhânem sünûh ve südûr itmiş olmağın siz ki mutasarrıf-ı müşâr ve Na’ib ve müftü vesa’ir mûmâ-ileyhimsiz keyfiyet-i ma‘lumunuz oldukda ber minval-i meşrûh icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn keyfiyetin bâ-mazbata ve i‘lâm inhâ ve iş‘ârına mübaderet eyleyesiz
Fî Evâi’l-i Ş (Şa‘bân) Sene (12)75 (6 - 15 Mart 1859) S.61/B.111: Mirmiran-ı Kirâmdan Mar‘aş Sancağı Mutasarrıfı Hurşid Paşa dâme ikbâlühûya ve Mar‘aş Na’ib ve Müftüsü zîde ‘ilmühuya ve a‘za-yı meclis zîde kadruhûma hüküm
Mar‘aş Sancağı’na tabi‘ Şekerdöbe Nahiyesi hazeratından iken bundan akdem maktûlen vefât etmiş olan İnce Süleyman ile birâderi İbiş ibn-i ‘Ali’den mütevefa-yı merkûm Süleyman’ın veraseti zevce-i menkûhe-i metrûkesi Fatma bint-i Mehmed ve vâlidesi Sultan bint-i Mustafa ve sulbi kebir oğulları ‘Ali ve Halil ve sulbi sağir oğlu Mehmed’e ve mezbûr İbiş’in veraseti dahi zevce-i menkûhe-i metrûkesi Server bint-i ‘Ali ve vâlidesi mezbûre Sultan ve sulbi sağir oğulları Mustafa ve İbiş nam kimesnelere inhisârı ba‘de’t-tahakku’ş-şer‘î verese-i merkûmunun kabl-i şer‘den mensub vasîleri ve maktûl-u merkûm Süleyman’ın kebir oğlu ‘Ali’nin maktûlan-ı merkûmanın katilleri bulunan Helesra Eyâleti dahilinde kâ’in Kefretiz Nahiyesi’ne tabi‘ İshak Çamdüzü Karyesi sükkanından ve meşahid-i eşkıyadan ‘Ali ve Kel ‘Ali nam şahıslar ile meclisde ber nehc-i şer‘î hin-ü terâfü‘lerinde katilan-ı merkûman maktûlan-ı mezbûran Süleyman ve İbiş’in mukaddemce der-‘uhde eyledikleri Kemer nam mahalde (okunmuyor) esnasında bir takım ‘avane-i selime nahiye-i mezbûra hücum iderek katilan-ı merkûmandan ‘Ali maktûl-u merkûm Süleyman’ı kendi yedinde mevcud kurşun memlu tüfenk ile sol memesi üzerinden ve mezbûr İbiş’i dahi merkûm Kelali sağ canibinden ensesi altından bi-gayr-ı hak ‘amden darb ve cerh iderek cerh-i mezkûrdan müte’essiren fevt oldukları ahrar-i ricâl-i müslimiyetde ve Şekerdöbe ve Karalar Karyesi sakinlerinden Ebubekir bin Hüseyin ve ‘Ali bin Halil nam kimesneler şahâdetleriyle sabit ve mütehakkık ve icrâ-yı kısaslarına hükm-i şer‘î lahık olmuş olduğu bâ-mazbata ve i‘lân inhâ olunmuş ve canib-i fetvahane dahi maktûlandan mezbûr İnce Süleyman’ı katilandan merkûm ‘Ali ve mezbûr İbiş merkûm Kelali mucebleri kısas olan katl ile ber- vech-i muharrir katl itmiş oldukları şahidan-ı mezbûran şahâdetleriyle sabit olmuş olmağın bu suretde makturun-u mezbûranın verese andan(?) kübar-ı merkûmun yahud içlerinden biri katilan-ı mezbûranı kısasdan ‘afv itmedikleri halde bizzatihi huzurlarında talebleriyle katilan-ı merkûman ‘Ali ve Kelali ber nehc-i şer‘î kısas olunmak lazım geleceği zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane verese-i kübar veyahud içlerinden biri katilan-ı mezbûranı kısasdan ‘afv itmedikleri halde bizzat huzurlarında talebleriyle katilan-ı merkûman’ın icrâ-yı kısasları ve eğer ‘afv ider veya sulh olur ise ol-halde kısas-ı sakıt ve mes’ele diyete münkalib olacağından icab-ı şer‘înin icrâsıyla katilan-ı merkûmanın mücâseret-i kanûniyeleri ifâ olunmak üzere tarih-i habsleri gösterilerek bu tarafa irsali babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunmuş ve ol- vechile icrâsı hususuna irade-i seniyye-i mülûkânem ta‘allukuyla emr-i hümâyûn-u
şâhânem sünûh ve südûr olmuş olmağın siz ki mutasarrıf-ı müşâr ve Na’ib ve müftü vesa’ir mûmâ-ileyhimsiz ber minval-i meşrûh icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn keyfiyetin bâ-mazbata ve i‘lâm der-bar-ı şevket-karar mülûkâneme tahrir ve iş‘ârına mübaderet eyleyesiz
Fî Evâsıt-ı Ş (Şa‘bân) Sene (1)275
(16 - 25 Mart 1859)
S.61-62/B.112: (S.61) Mülhakatıyla Yanya Eyâleti Vâlîsi vezirim ‘Akif Paşa iclâlehûya ve Berat Kazası Na’ib ve Müftüsü zîde ‘ilmühuya ve a‘za-yı meclis zîde kadruhûma hüküm
Berat Kazası’na tabi‘ Çomraş Karyesi sakinlerinden olub bundan akdem katîlen vefât iden Daylan bin Niro’nun veraseti zevce-i menkûhe-i metrûkesi Horme bint-i Pehlül ile zevce-i mezbûreden mütevellid sulbi kebir oğlu Emin ve sulbi sağir oğulları Sa‘dedin ve Şahin’e muhzıra olduğu ‘indü’ş-şer‘î zahir ve mütehakkık oldukdan sonra sağiran-ı mezbûranın kabl-i şer‘den mensub-u vasîleri birâderleri mezbûr Emin bi’l- asale ve bi’l-vesaye ve mezbûre Horme taraflarından vekaleti sabit olan ‘âzim-i bi’l- vekâle maktûl-u merkûmun katil-i bulunan karye-i mezbûre sakinlerinden Tahir bin Mahmud ile meclisde ber nehc-i şer‘î hin-ü terâfü‘lerinde katil-i merkûm Tahir maktûl- u mezbûr Daylan’ın piştov kurşunuyla başının sağ tarafına bi-gayr-ı hak ‘amden darb ve cerh idüb cerh-i mezkûrdan müte’essiren der-‘akab vefât eylediği ikrârıyla sabit ve ol- vechile icrâ-yı kısasına hükm-i şer‘î lahık olmuş olduğu bâ-mazbata ve i‘lâm inhâ ve maktûl-u merkûm Daylan’ı katil-i merkûm Tahir’in muceb-i kısas olan katl ile katl eylediği tav‘an ikrârıyla sabit olmuş olmağın bu suretde vereseden kebiran-ı mezbûran yahud birisi katil-i merkûmu kısasdan ‘afv itmedikleri halde bizzatihi huzurlarında talebleriyle katil-i merkûm ber nehc-i şer‘î kısas olunmak lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan fetvahane kaydında gösterildiği üzere verese-i kübar veyahud (S.62) içlerinden biri katil-i merkûmu kısasdan ‘afv itmedikleri halde bizzat huzurlarında talebleriyle katil-i merkûmun ber nehc-i şer‘î icrâ-yı kısas ve eğer ‘afv ider veya sulh olurlar ise ol-halde kısas-ı sakıt ve mes’ele diyete münkalib olacağından iktiza-i şer‘î nin icrâsıyla katil-i merkûmun mücâseret-i kanûniyesi icrâ olunmak üzere tarih-i habsi gösterilerek bu tarafa irsali babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunmuş ve keyfiyet-i taraf-ı eşref şâhâneme ‘arz ile
lede’l-istîzân ber minval-i muharrer icrâsı hususuna irade-i seniyye-i mülûkânem ta‘allukuyla emr-i hümâyûn-u şâhâneme sünûh ve südûr itmiş olmağın siz ki vâlî-i müşâr ve Na’ib ve müftü vesa’ir mûmâ-ileyhimsiz keyfiyet-i ma‘lûmunuz oldukda ber minval-i meşrûh icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn takrirat-ı keyfiyetin bâ-mazbata ve i‘lâm der-bar-ı şevket karar mülûkâneme inhâ ve iş‘ârına mübaderet eyleyesiz
Fî Evâhir-i Ş (Şa‘bân) Sene (12)75 (26 Mart - 4 Nisan 1859) S.62/B.113: Der-sa‘adetim zabtiye müşiri olub mecidiye ve imtiyaz-ı nişâne hümâyûnlarımın birinci rütbelerinin ha’iz ve hasıl olan vezirim Mehmed Emin Paşa iclâlehûya hüküm
Der-sa‘adetde hümâyûn-u hizmetde Mirahur Mahallesi mütemekkinlerinden ve Rum milletinden olub bundan akdem katîlen vefât iden Kapucu Vankli’nin veraseti babası Fekolom ve anası İlinko’ya muhzıra olduğu ba‘de’t-tahakku’ş-şer‘î varisan-ı merkûman maktûl-u merkûmun katili bulunan millet-i merkûmeden ve mahall-i mezkûr mütemekkinlerinden Mağazacı Colene veled Estefan ile huzur-u şeyhü’l-islâmide ber nehc-i şer‘î hin-ü terâfü‘lerinde katil-i merkûm Ored maktûl-u merkûme Refz Dambonre göğsünden ve saniyen maktûl-u merkûmun kasığının sağ tarafından bi-gayr-ı hak ‘amden darb ve cerh idüb merkûm Dambonre cirahi (okunmuyor) olmuş ise de merkûm Vankli (okunmuyor) olub yigirmi gün mürûrundan sonra müte’essiren vefât itmiş olduğu ahrar-i ricâl-i müslimiyetden ve Hemanba mütemekkinlerinden (okunmuyor) dizdarı veled Banko ve Balgacre Cemyorson veled Daniş nam kimesneler şahâdetleriyle sabit ve katil-i merkûm Colena ber-mentuk-u (okunmuyor) şerife varisan- ı merkûman huzurlarında kısasına hüki şer‘î lahık olmuş olduğu i‘lâm kılınmış olmağla varisan-ı merkûman katil-i merkûmu kısasdan ‘afv itmedikleri veya sulh olmadıkları halde ber-mentuk-u i‘lâm katil-i merkûm Nikola’ya huzurlarında talebleriyle icrâ-yı kısas olunması ve varisan-ı merkûman katil-i merkûmu kısasdan ‘afv ider veya sulh olur ise kısas-ı sakıt ve mes’ele diyete münkalib olacağından ol-halde icab-ı şer‘înin ifâsıyla katil-i merkûmun icrâ-yı mücâseret-i kanûniyesi zımnında tekrar istîzân-ı keyfiyet kılınması babında lazım gelen emr-i şerifimin ahrarı mecli-i vâlâ-yı ahkâm-ı ‘adliyemden bâ-mazbata ifade olunmuş ve keyfiyet-i taraf-ı eşref mülûkâneme ‘arz ile lede’l-istîzân ol-vechile icrâsı hususuna irade-i seniyye-i mülûkânem ta‘allukuyla emr-i
hümâyûn-u şâhâneme sünûh ve südûr eylemiş olmağın sen ki müşiri müşârün-ileyhinsin ber-vech-i meşrûh icrâ-yı ahkâm-ı şeri‘at-ı garraya müsaberet eyleyesiz
Fî Evâi’l-i N (Ramazân) Sene (12)75 (4 - 13 Nisan 1859) S.62-63/B.114: (S.62) Mülhalkatıyla Ankara Eyâleti Vâlîsi ve mecidiye-i nişâne hümâyûnumun ikinci rütbesini ha’iz ve hasıl vezirim Hayreddin Paşa iclâlehûya ve Ankara Na’ib ve Müftüsü zîde ‘ilmühuya ve ‘aza-yı meclis-i zîde kadruhûma hüküm
Bolu Sancağı dahilinde kâ’in Gerede Kazası’na tabi‘ Çoğali Karyesi mahallatından Yeniyaban Mahallesi sakinlerinden olub bundan akdem katîlen vefât iden Hüseyin bin Hacı Hüseyin’in veraseti zevce-i menkûhe-i metrûkesi Kezban bint-i Ahmed ve vâlidesi Hatice bint-i Mahmud ve li-ebeveyn-i kebir erkarındaşları İbrahim ve Ahmed ile li-ebeveyn-i kebire kız karındaşları Halime ve ‘Ayşe ve Cemile’ye inhisârı ‘indü‘ş-şer‘î zahir ve mütehakkık oldukdan sonra verese-i mezbûrenin kabl-i şer‘den mensub-u vekil ve vasîleri ümm-i mezbûr İbrahim bi’l-verase ve bi’l-vekâle ve bi’l-asale maktûl-u merkûmun katil-i bulunan Ankara Sancağı’nda kâ’in Bebanili Kazası’na tabi‘ Özmeş Karyesi ahalisinden Mahmud bin Mustafa ile meclisde ber nehc- i şer‘î hin-ü terâfü‘lerinde katil-i merkûm Mahmud maktûl-u mezbûr Hüseyin’i Bayrak dimekle ma‘ruf mahalde alet-i cariheden yedinde bulunan kebir teke bıçağı ile bi-gayr-ı hak ‘amden sol kasığından darb ve cerh idüb cerh-i mezkûrdan müte’essiren vefât itmiş olduğu ‘udûl-u ahrar-i ricâl-i müslimiden ve mezkûr Coğalı Karyesi ahalisinden Salih bin Mustafa ve İsma‘il bin Mahmud nam kimesneler şahâdetleriyle sabit ve kısasına hükm-i şer‘î lahık olduğu bâ-mazbata (S.63) ve i‘lâm inhâ olunmuş ve mufad-ı i‘lâma nazaren maktûl-u merkûm Hüseyin’i katil-i merkûm Mahmud’un muceb-i kısas olan katl ile katl eylediği şahidan-ı mezbûran şahâdetleriyle sabit olmuş olmağın bu suretde verese-i mezbûrenin küllisi yahud ba‘zısı katil-i merkûmu kısasdan ‘afv itmedikleri halde bizzatihi huzurlarında talebleriyle katil-i merkûm ber nehc-i şer‘î kısas olunmak lazım geleceği canib-i fetvahaneden zahr-u i‘lâm-ı mezkûre tahrir ve inhâ kılınmış olduğundan ber-muceb-i kayd-ı fetvahane veresenin cümlesi ve yahud ba‘zısı katil-i merkûm-u kısasdan ‘afv itmedikleri halde bizzat huzurlarında talebleriyle katil-i merkûm hakkında icrâ-yı kısas olunması ve eğer vereseden biri ‘afv ider veya sulh olur ise ol-halde kısas-ı sakıt ve mes’ele-i diyete münkalib olacağından icab-ı şer‘înin ifâsıyla katil-i merkûmun icrâ-yı mücâseret-i kanûniyesi içün habsi tarihi gösterilerek
bu tarafa gönderilmesi babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunması ve keyfiyet-i taraf-ı eşref pâdişâhâneme ‘arz ile lede’l-istîzân ber minval-i muharrer icrâsına irade-i seniyye-i mülûkânem ta‘allukuyla emr-i hümâyûn-u şâhânem sünûh ve südûr itmiş olmağla sizki vâlî-imüşâr ve Na’ib ve müftü vesa’ir mûmâ-ileyhimsiz keyfiyet-i ma‘lumunuz oldukda ber minval-i meşrûh icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn keyfiyetin bâ-mazbata ve i‘lâm der-bar şevket-karar mülûkâneme inhâ ve iş‘ârına mübaderet eyleyesiz
Fî Evâi’l-i N (Ramazân) Sene (12)75
(4 -13 Nisan 1859)