Harput Eyâleti Vâlîsi ve mecidiye-i nişâne hümâyûnun ikinci rütbesinin ha’iz ve hasıl Vezir Cemaleddin Paşa iclâlehûya ve Harput Na’ib ve Müftüsü’ne ve a‘za-yı meclise
Harput Eyâleti dahilinde kâ’in Çemişgezek Kazası mahallatından Pina Mahallesi sakinlerinden olub bundan akdem katîlen vefât (eden) ‘Abdullah bin Hacı Fırat’ın veraseti babası merkûm ile vâlidesi Müslime bint-i ‘Abdullah’a ba‘de’l-inhisar ibn-i merkûm Hacı Fırat’ın bi’l-asale ve ümm-i mezbûre tarafından bi’l-vekâle kaza-i mezbûreye muzafe Zarsor Karyesi sakinlerinden Mehmed bin Ahmed ile meclisde ber- nehc-i şer‘î hin-ü terâfü‘lerinde merkûm Mehmed mütevefa-yı merkûm ‘Abdullah’ı katl kasdıyla kebir taş ile başına ‘amden ve bi-gayr-ı hak darb ve cerh iderek müte’essiren vefât eylediği tav‘an ikrârıyla sabit ve mütehakkık ve katil-i merkûmun kısasına hükm-i şer‘î lahık olduğu bâ-mazbata ve Harput Na’ib vekili tarafından i‘lâm ve inhâ olunmuş ve mufad-ı i‘lâma nazaren maktûl-u mezbûr ‘Abdullah’ı katil-i mezbûr Mehmed muceb-i kısas olan katl ile katl eylediği tav‘an ikrârıyla sabit ve katil-i mezbûrun kısasına hükm-i şer‘î lahık olmuş olmağın bu suretde vekil-i mûmâ-ileyh Na’ib-i asîl tarafından hükm-ü me’zûn olunarak husus-u mezkûru katl ve zebh itmiş ise maktûl-u mezbûrun li-ebeveyni ecl-i müvekkile-i zevcat-ı mezbûran katil-i mezbûru kısasdan ‘afv itmedikleri halde varisan-ı mezbûranın bizzatihi huzurlarında talebleriyle katil-i mezbûr Mehmed’e icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber-muceb-i kayd-ı fetvahane varisan-ı mezbûran kısasdan ‘afv itmedikleri suretde huzurlarında katil-i mezbûrun icrâ-yı kısası ve eğer vereseden biri ‘afv ider veya sulh olur ise o halde kısas-ı sakıt ve diğeri hakkında mes’ele-i diyete münkalib olacağından icab-ı şer‘înin icrâsıyla keyfiyetin bâ-mazbata ve i‘lâm-ı iş‘ârı babında lazım gelen emr-i şerifimin ahrarı meclis-i vâlâ-yı mezkûrdan bâ-mazbata ifade olunduğu beyanıyla
Kezâlik S.29/B.51: Bir sureti
Mülhakatıyla Trabzon Eyâleti Vâlîsi ve mecidiye-i nişâne hümâyûnun ikinci rütbesinin ha’iz ve hasıl Vezir Ragıb Paşa iclâlehûya ve rütbe-i saniye ashabından
Karahisar-ı Şarkî Ka’imakamı ‘Abdi zîde ‘uluvvuhûya ve Karahisar-ı şarkî Na’ib ve Müftüsü’ne ve a‘za-yı meclise
Trabzon Eyâleti dahilinde kâ’in Karahisar-ı Şarkî Sancağı’na muzafe Alucra Nahiyesi’ne tabi‘ Pina Karyesi sakinlerinden olub bundan akdem katîlen fevt olan Halil bin Ahmed’in veraseti zevcesi Ümmügülsüm bint-i İbrahim ile vâlidesi Raziye bint-i Süleyman ve sulbiye-i kebire kızı Gülizar ve eb-i merkûm Ahmed’e inhisârı ba‘de’t- tahakkuku’ş-şer‘î verese-i merkûmenin karye-i mezbûre sakinlerinden Veli Mehmed oğlu Cücük Mehmed bin Musa ile meclisde ber nehc-i şer‘î hin-ü terâfü‘lerinde merkûm Cücük Mehmed mütevefa-yı merkûm Halil’in tüfenk kurşunuyla ‘amden ve bi- gayr-ı hak sağ böğründen darb ve cerh iderek müte’essiren fevt olduğu tav‘an ikrârıyla sabit ve mütehakkık ve katil-i merkûmun kısasına hükm-i şer‘î lahık olduğu bâ-mazbata ve i‘lâm inhâ olunmuş ve mufad-ı i‘lâma nazaren maktûl-u mezbûr Halil’i katil-i mezbûr Mehmed muceb-i kısas olan katl ile katl eylediği tav‘an ikrârıyla sabit olmuş olmağın bu suretde verese-i mezbûre katil-i mezbûru kısasdan ‘afv itmedikleri halde bizzatihi huzurlarında talebleriyle katil-i mezbûr Mehmed’e icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış olduğundan ber- muceb-i kayd-ı fetvahane verese-i merkûm katil-i merkûmu kısasdan ‘afv itmedikleri halde huzurlarında talebleriyle icrâ-yı kısası ve eğer vereseden biri ‘afv ider veya sulh olur ise ol-halde kısas-ı sakıt ve diğeri hakkında mes’ele-i diyete münkalib olacağından icab-ı şer‘înin icrâsıyla keyfiyetinin bâ-mazbata ve i‘lâm-ı iş‘ârı ve katil-i merkûmun habsi tarihi gösterilerek li-ecli’l-mücâzât mukayyeden bu tarafa i‘zamı babında lazım gelen emr-i şerifimin ahrarı meclis-i vâlâ-yı merkûrdan bâ-mazbata ifade olunduğu beyanıyla
Kezâlik S.29/B.52: Müsehabbiren ferikan-ı kiramımdan ve dâr-ı şûrâ-yı ‘askerî a‘zasından der-sa‘adetim zabtiye müşiri Ka’imakamı ‘Abdülcelil Paşa dâmet ma‘aliyeye hükm
Kutta‘-i tarik ve eşkıya gürûhundan Kazanlıklı Nikola ile Manastır’lı Bağçevan Haresto nam şahıslar Kara Paşa Mahallesi sakinlerinden İnekci Zeliha nam hâtûnun leylen hanesine girerek mezbûreyi (okunmuyor) i‘dam itdikleri meclis-i zabtiyede ikrârlarıyla sabit olduğu ve maktûl-u merkûmenin veresesi dahi kısas iddi‘asında bulundukları bâ-mazbata iş‘ar olunmuş ve merkûman meclis-i vâlâ-yı ahkâm-ı
‘adliyeme celb ile lede’l-istîzân her takrir-i suret inkarda bulunmuş iseler de mukaddimin ikrârlarını iştima‘ iden dokuz nefer zabtiyeden celb olunan üç nefer zabtiye şahâdetleriyle dahi sübût bularak merkûman-ı mezbûrenin katili olduğundan kat‘an şüphe olmayub bu terkikat haklarında i‘dam cezasına hükm-i kafi görünmüş ibrâ gene ve bu makulelerin siyaseten i‘damları kanûn-u ceza ahkâmı iktizasından bulunduğuna bina’en emsaline ‘ibret-i mü’essire olmak üzere merkûmlardan birinin Karaköy Kapusu civarında ve diğerinin dahi Edirne Kapusu’nda salb olunmaları babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunması ve ol-vechile icrâsı hususuna emir ve ferman-ı ‘adâlet ‘unvân mülûkâneme müte‘allik ve şerefsüdûr olmuş olmağın sen ki ka’imakam-ı müşârün-ileyhsin ber minval-i muharrer merkûmlardan birini Karaköy Kapusu civarında ve diğerini dahi Edirne Kapusu’nda seri‘en salb itdirderek der-nefâz emir ve irade-i seniyyeme sırf-ı reviyyet eyleyesin şöyle bilesin
Fî Evâsıt-ı R (Rebî‘ü’l-Âhir) Sene (12)74 (29 Kasım - 8 Aralık 1857) S.29-30/B.53: (S.29) Mülhakatıyla Selanik Eyâleti Vâlîsi olub mecidiye-i nişâne hümâyûnun birinci rütbesini ha’iz ve hasıl olan vezirim Mehmed Vecihi Paşa iclâlehûya ve Selanik Kadısı’na ve a‘za-yı meclis zîde kadruhûma hüküm
Berat Sancağı’nda kâ’in Tomarica Kazası kurasından İstirovince Karyesi ahalisinden olub Selanik Sancağı’na tabi‘ Vidin Kazası’ında kâ’in Yanigon Karyesi’nde sakin iken bundan akdem karye-i mezbûre civarında vaki‘ Eskiköy nam mahalde katîlen vefât iden ‘Ali bin ‘Ali’nin veraseti li-ebeveyn ‘ammioğlu ‘Abdurrahman bin Süleyman’a muhzıra olduğunu ba‘de’t-tahakkuku’ş-şer‘î merkûme Orah ta’ifesi’nden Mencad veled Atkil ve li-ebeveyn erkarındaşı Kita ile meclisde ber nehc-i şer‘î hin-ü terâfü‘lerinde merkûmandan Kita mütevefa-yı merkûmandan Tonob karındaşı Mencad dahi yatağan bıçağıyla başından bi-gayr-ı hak ‘amden darb ve cerh ve boğazından dahi kat‘ ve zebh eylediği tav‘an ikrârıyla sabit ve mütehakkık ve katil-i merkûm Mencad icrâ-yı kısas ve mu‘in-i katil bulunan merkûm Kita’ya takrir-i şer‘î lazım geleceği bâ- mazbata ve i‘lâm inhâ kılınmış ve mufad-ı i‘lâma nazaren maktûl-u mezbûr ‘Ali’yi katil-i mezbûr Menca’nın muceb-i kısas olan katl ile katl eylediği ve merkûm Kita’nın dahi mu‘in-i katil olduğu (S.30) tav‘an ikrâr ve tasdikleriyle sabit olmuş olmağın bu suretde maktûl-u mezbûrun hasren varis-i mezbûr ‘Abdurrahman katil-i merkûmu
kısasdan ‘afv itmediği halde bizzat huzurunda talebiyle katil-i merkûm kısas olunmak ve mu‘in-i merkûm dahi takrir-i şer‘î icrâ kılınmak lazım geleceği canib-i fetvahaneden zahr-u i‘lâm-ı mezkûre tahrir ve işaret olunmak ve işaret-i mezkûre dahi cem‘iyet-i mahsusasında lede’l-mütala‘a merkûm ‘Abdurrahman’ın katil-i merkûmu kısasdan ‘afv idmediği halde bizzat huzurunda icrâ-yı kısas olunması ve ‘afv olunub mes’ele diyete münkalib olduğu takdirde icab-ı şer‘î bi’l-icrâ keyfiyetin bu tarafa iş‘ârı ve mu‘in-i katilin dahi habsi tarihi gösterilerek der-sa‘adetime tesyâr kılınması babında emr-i şerifim ahrarı ifade ve beyan kılınmış olunduğu meclis-i vâlâ-yı ahkâm-ı ‘adliyemden bâ-mazbata ifade olarak keyfiyet-i taraf-ı eşref şâhâneme ‘arz ile lede’l-istîzân ol- vechile icrâsı hususuna irade-i seniyye-i mülûkânem ta‘allukuyla emr-i hümâyûn-u pâdişâhâneme sünûh ve südûr itmiş olmakdan naşi siz ki vâlî-i müşâr ve mevlânâ vesa’ir mûmâ-ileyhimsiz ma‘lûmunuz oldukda ber minval-i meşrûh icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn der-bar-ı şevket-karar mülûkâneme tahrir ve iş‘ara mübaderet eyleyesin
Fî Evâhir-i R (Rebî‘ü’l-Âhir) Sene (12)74 (9 - 18 Aralık 1857) S.30/B.54: Mülhakatıyla Hüdavendigâr Eyâleti Vâlîsi olub mecidiye-i nişâne hümâyûnun birinci rütbesinin ha’iz ve hasıl vezirim Ra’fet Süleyman Paşa iclâlehûya ve Burusa kadısı zîdetu fezâ’ilühûya ve a‘za-yı meclis zîde kadruhûma hüküm
Hüdavendigâr Sancağı dahilinde kâ’in Mihaliç Kazası’na tabi‘ Tophisar Karyesi sakinlerinden olub katîlen vefât iden Kocabeğ oğlu Mustafa’nın verese-i muhzırasının ve maktûl-u merkûmun uşağı olub Kezâlik katîlen vefât iden Filibe’de İrşehr Karyesi ahalisinden Filib’in zahirde veresesi olmadığından taraf-ı hükümetden tayin kılınan Harsamran karası Sancağı’nda vaki‘ Manyas Kazası’na tabi‘ Elkesr Karyeli Kolcu Ahmed ile Çavuşlar Karyesi sakinlerinden Koca ‘Ömer ve Mehmed ve Hüseyin ve ‘Ömer kethüda ve Filibeli Dimo ve Çolak oğlu Polat ve Kızanıklı diğer Polat ve Torekoblu boyacı Todori nam şahıslar ile meclisde ber nehc-i şer‘î hin-ü terâfü‘lerinde eşnehas-ı merkûme maktûl-u merkûm Mustafa’nın leylen menziline dühûl ve maktûl-u merkûm ile zevcesinin ellerini bağlayub darb iderek mezbûrenin altı bin dokuz yüz seksen yedi guruşluk ham ve selîm zarf ve altunlarını ve mütevefa-yı mezbûrun dahi kırk dört bin dokuzyüz seksen yedi guruşluk ham ve nükûd ve eşyasını bi’l-ittifak ahz ve gasb eylediklerini bi’t-tav‘an ikrârları ve eşhas-ı merkûmeden Elkesr Karyeli Kolcu
Ahmed’in dahi maktûl-u mezbûr Mustafa’ya muceb-i kısas olan kat ile katl eylediği beyine ile sabit olarak merkûm Kolcu Ahmed’in kısasına hükm-i şer‘î lahık oldukdan sonra katil-i merkûm meclisde iken ecl-i mev‘uduyla vefât itmiş olduğu ve maktûl-u merkûmun uşağı olub hane-i mezkûrda katîlen vefât iden merkûm Filib’i merkûmandan ‘Ömer kethüda kebir yatağan bıçağıyla darb ve katl eylemiş olduğunu ikrâr eylediği ‘udul-u ahrar-i ricâl-i müslimiyetden ve marü’z-zikr Mihaliç Kazası meclis a‘zasından Hacı Hasan bin ‘Ali ve Mehmed Emin bin Mehmed nam kimesneler şahâdetleriyle sabit ve merkûm ‘Ömer kathüdanın kısasına hükm-i şer‘î lahık olduğu ve merkûmandan Dimo dahi mu‘avenet-i katil olduğundan takriri lazım geldiği iki kıt‘a i‘lâm ile inhâ olunmuş ve merkûm Kolcu Ahmed’in vefâtı cihetiyle kısasına mahal kalmadığı misüllü terekesinden diyet ahzı dahi lazım gelmeyüb ancak eşhas-ı merkûmenin takdir olunmaları ve emval-i mensûbe-i mezkûre mevcud ise ‘aynen ve müsterihen ise zamanen icrâ ve ifâ eylemeleri ve teba‘a-i devlet-i ‘aliyemden zahirde varis-i ma‘ruf olmayan maktûl-u merkûm Filib’i katil-i merkûm ‘Ömer Kethüda muceb-i kısas olan katl ile katl eylediğini ve katil-i merkûm Dimo mu‘in-i katil olduğunu bi’t-tav‘an ikrârları beyine-i mu‘adele ile sabit olmuş olmağın bu suretde ber-mentuk-u i‘lâm merkûm Dimo’ya takdir lazım gelüb katil-i mezbûr ‘Ömer Kethüda kısasen katl olunmak yahud katil-i mezbûrun rızasıyla canib-i beyne’l-mal içün katil-i merkûmdan tamamen diyet alınmak husulleri irade-i seniyye-i mülûkâneme menut idüğü canib-i fetvahaneden zikr olunan i‘dâmlar zahrına tahrir ve işaret kılınmış olmakdan naşi eşhas- ı merkûmenin hane-i mezkûre girub maktûl-u merkûm Mustafa ile zevcesinin ellerini bağlayub ol-mikdar nükûd ve eşyalarını aldıkdan sonra mahbesde vefât iden Kolcu Ahmed maktûl-u merkûmu ve uşağı maktûl Filib’i dahi ‘Ömer Kethüda bi-gayr-ı hak ‘amden katl eylemeleri kutta‘-i tarik fezahatını mu‘adil cenayat-ı cesimeden olduğundan nükûd ve eşyanın ber-muceb-i kayd-ı fetvahane serî‘ân istirdadıyla ‘Ömer Kethüdadan ma‘ada sinîn yedişer sene müddetle küreğe konulmak üzere tarih-i habsleri gösterilerek bu tarafa irsali ve merkûm ‘Ömer Kethüda maktûl-u merkûmu muceb-i kısas olan katl ile katl eylediği tahakkuk eylemiş olduğundan kısasen katl babında lazım gelen emr-i şerifimin ahrarı meclis-i vâlâ-yı ahkâm-ı ‘adliyemden bâ-mazbata ifade olunması ve keyfiyet-i taraf-ı eşref şâhâneme ‘arz ile lede’l-istîzân ol-vechile icrâsı hususuna irade-i seniyye-i mülûkanem ta‘allukuyla emr-i hümâyûn-u şâhâneme sünûh ve südûr itmiş olmağın siz ki vâlî-i müşâr ve mevlânâ vesa’ir mûmâ-ileyhimsiz keyfiyet-i ma‘lûmunuz
oldukda ber minval-i muharrer ve hareketle icrâ-yı ahkâm-ı şer‘îat-ı garraya müsaberet ve keyfiyeti der-bar-ı şevket-karar mülûkaneme tahrir ve iş‘ara mübaderet eyleyesiz
Fî Evâsıt-ı R (Rebî‘ü’l-Âhir) Sene (12)74 (29 Kasım - 8 Aralık 1857)
S.31/B.55: Ber-mentuk-u emr-i ‘ali katilan-ı merkûman verese-i maktûl
huzurunda kısas olunmuş olduğu natık varıd olan i‘lâm ve mazbata ve tahrirat me’alleri bâ-ferman-ı ‘ali şerh virile
Fî 5 Ş (Şa‘bân) Sene (12)74
( 21 Mart 1858) Mülhakatıyla Kastamonu Eyâleti Vâlîsi ve mecidiye-i nişâne hümâyûnun ikinci rütbesinin ha’iz ve hasıl vezirim İsma‘il Paşa iclâlehûya ve Rumili Beylerbeğiliği payelûlerinden Bolu Sancağı Ka’imakamı Mehmed Talib Paşa dâmet ma‘aliyeye ve Bolu Na’ib ve Müftüsü’ne ve a‘za-yı meclise hüküm
Bolu Sancağı dahilinde kâ’in Gerde Kazası mahalatlından Timurcular Mahallesi sakinlerinden olub bundan akdem katîlen vefât iden Küçük oğlu Mustafa bin Ahmed’in veraseti vâlidesi Fatma bint-i Salih ile li-ebeveyn kebir karındaşı Halil’e muhzıra oldukdan sonra merkûm Halil’in asaleten ümmi’l-mezbûre Fatma tarafından dahi mahalle-i mezbûre sakinlerinden Toyralı oğlu ‘Ömer’in vekâleten maktûl-u merkûmun katilleri bulunan Zenci Hasan ve Kozika Nahiyesi’ne tabi‘ Kuracık Divanı ahalisinden ‘Abdüş oğlu Salih ile meclis-i memleketde ber-nehc-i şer‘î hin-ü terâfü‘lerinde maktûl- u merkûm Mustafa ahz ve i‘ta zımnında Devrek Kazası divanlarında geşt ve güzar ider iken Bafrat Karyesi dağı ve Setında Nefşak nam mahalde maktûl-u merkûm-u merkûman Zenci Hasan ile ‘Abdüş oğlu Salih yedlerinde bulunan kebir bıçaklarıyla ‘amden ve bi-gayr-ı hak boğazlayub na‘şını dahi ihrak-ı bi’l nar itmiş oldukları ‘udul-u ahrarı ricâl-i müslimiyetden ve marü’z-zikr Bafrat Karyesi ahalisinden Tablacı oğlu ‘Osman bin İbrahim Düngelci oğlu Mehmed ‘Ali bin ‘Ali nam kimesneler şahâdetleriyle sabit ve mütehakkık olarak merkûmanın kısasdan hükm-i şer‘î lahık olmuş olduğu bâ-mazbata ve i‘lâm inhâ olunmuş ve mufad-ı i‘lâma nazaren katilan-ı merkûman Zenci Hasan ve Salih’in maktûl-u mezbûr Mustafa’ya muceb-i kısas olan katl ile ma‘aen katl eyledikleri şahidan-ı mezbûran şahâdetleriyle sabit olmuş olmağın bu suretde varisan-ı mezbûran Halil ve Fatma katilan-ı merkûmanı kısasdan ‘afv
itmedikleri halde bizzatihi huzurlarında talebleriyle icrâ-yı kısas lazım geleceği canib-i fetvahaneden zahr-u i‘lâm-ı mezkûre tahrir ve işaret kılınmış ve sabıkü’z-zikr mazbata ve i‘lâm tatbik-i kavanin cem‘iyetine lede’l-i‘ta katilan-ı merkûman Zenci Hasan ve Salih’in merkûmu muceb-i kısas olan katl ile ma‘aen katl eylediklerine şeri‘a ile sabit olduğundan kendüleri kısasdan ‘afv itmedikleri veya sulh olmadıkları takdirde bizzatihi huzurlarında icrâ-yı kısası ve eğer merkûmanı vereseden biri ‘afv ider ise ol-halde kısas-ı sakıt ve diğerleri hakkında mes’ele-i diyete münkalib olacağından icab-ı şer‘înin icrâsıyla ceza-yı kanûndan ifâ olunmak üzere katilan-ı merkûmanın habsi tarihleri gösterilerek bu tarafa irsali babında lazım gelen emr-i şerifimin ahrarı bâ-müzekkere ifade olunmuş olduğu meclis-i vâlâ-yı ahkâm-ı ‘adliyemden inhâ kılınmış ve keyfiyet-i taraf-ı eşref şâhâneme ‘arz ile lede’l-istîzân ol-vechile icrâ-yı iktizası hususuna irade-i seniyye-i mülûkânem ta‘allukuyla emr-i hümâyûn-u şâhâneme sünûh ve südûr itmiş olmağın siz ki vâlî ve ka’imakam-ı müşâr ve Na’ib ve müftü vesa’ir mûmâ-ileyhimsiz keyfiyet-i ma‘lûmunuz oldukda ber minval-i meşrûh icrâ-yı ahkâm-ı şeri‘at-ı garraya müsaberet ve keyfiyet-i der-bar-ı şevket-karar mülûkaneme tahrir ve iş‘ara mübaderet eyleyesiz
Fî Evâhir-i R (Rebî‘ü’l-Âhir) Sene (1)274 (9 - 18 Aralık 1857) S.31/B.56: Mülhakatıyla Edirne Eyâleti Vâlîsi ve mecidiye-i nişâne hümâyûnun ikinci rütbesinin ha’iz ve hasıl vezirim Mu‘ammer Paşa iclâlehûya ve Edirne kadısı zîde fezâ’ilihûya ve a‘za-yı meclis zîde kadruhûma hüküm
Edirne Eyâleti dahilinde kâ’in Karaağaç Kazası’na muzafe Beğ Karyesi sakinlerinden maktûlen vefât iden Receb bin Memiş’in veresesiyle katil ve mu‘ini bulunan ‘Ali bin Sinan ve İsma‘il bin Yunus’un icrâ olunan müdafa‘a-i şer‘iyelerine da’ir mukaddema varıd olan i‘lâm-ı ihticâca sulh olduğundan sebükî muvaffak iden şer‘î i‘lâmın irsali babında makam-ı celil-i vekâlet-i mutalakam canibinden tastîr kılınan tahrirata cevaben bu def ‘a vürûd iden i‘lâm ve tahriratda maktûl-u mezbûrun veraseti zevciyet-i menkûhetiyet-i metrûkiyeti Emine ibnete Emirzade ‘Ali ve Hadice ibnete diğer ‘Ali ile zevce-i mezbûre Emine’den mütevellideler sulbiye-i kebire kızları Fatma ve Cemile ve sağire Şerife ve Rukiye ve Zeliha ve diğer zevcesi Hatice’den mütevellid sulbi oğlu ‘Abbas nam sağire muhzıra olunub ba‘de’t-tahakkuku’ş-şer‘î seğayir-i mezbûre şerifesi Rukiye ve Zeliha’nın vâlideleri ve kabl-i şer‘den mensûbe-i vasîleri
Emine Hâtûn’un bi’l-verase ve bi’l-vesaye ve kebirnan-ı mezbûrnan Fatma ve Cemile Hâtûnların dahi bi’l-verase ve sağir-i mezbûr ‘Ali’nin vâlidesi ve kezâlik kabl-i şer‘den mensûbe-i vasîsi mezbûre Hatice Hâtûn’un bi’l-vesaye ve bi’l-verase meclisde ma‘rifet- i şer‘î hin-ü terâfü‘lerinde merkûman Ali ve İsma‘il ile katil-i merkûm ‘Ali maktûl-u mezbûr Receb bin Memiş’i bevhan-ı mümilla-yı şedidesinden dolayı geçen yetmiş üç senesi şevvâlinin on altıncı gecesi (9 Haziran1857) yedinde bulunan balta ile başına ve maktûl-u mezbûrun damadı merkûm İsma‘il’i dahi keskin çalı tırpanı ile omuzundan ve ayaklarından ‘amden darb ve cerh itmelerinden naşi mütevefa-yı merkûm firar ider iken müte‘akiben merkûm ‘Ali arkasından yanaşub mezkûr balta ile mükerreren darb itmesiyle müte’essiren vefât eylediği ve merkûm İsma‘il’in dahi madde-i katlde mu‘avin olduğu ikrârlarıyla sabit ve mütehakkık ve katil-i merkûmun kısasına hükm-i şer‘î lahık olmuş olduğu inhâ olunmuş ve mufad-ı i‘lâma nazaren maktûl-u mezbûr Receb’i katil-i mezbûr ‘Ali’nin muceb-i kısas olan katl eylediği ve mezbûr İsma‘il’in mu‘in-i katil olduğu tav‘an ikrâr ve i‘tiraflarıyla sabit olmuş olmağın bu suretde varisan-ı mezbûran katil-i mezbûru kısasdan ‘afv itmedikleri halde bizzatihi huzurlarında talebleriyle katil-i mezbûr ‘Ali kısas olunmak ve mu‘in-i mezbûr İsma‘il’e tahrir-i şer‘î icrâ kılınmak lazım geleceği canib-i fetvahaneden zahr-u i‘lâma tahrir sabit kılınmış olduğundan tatbik-i kavanin cem‘iyetine lede’l-havale katil-i merkûmun ber- muceb-i kayd-ı fetvahane icrâ-yı kısası ve katil-i merkûm canib-i vevreseden ‘afv olunub da mes’ele diyete münkalib olacağı halde icab-ı şer‘înin icrâsıyla ceza-yı kanûn icrâ olunmak üzere habsi tarihi gösterilerek der-sa‘adete i‘zamı babında lazım gelen emr-i şerifimin ahrarı bâ-müzekkere beyan olunmuş olduğu meclis-i vâlâ-yı ahkâm-ı ‘adliyemden bâ-mazbata ifade olunmuş ve ol-vechile icrâsı hususuna irade-i seniyye-i mülûkânem ta‘allukuyla emr-i hümâyûn-u şâhâneme sünûh ve südûr eylemiş olmağın siz ki vâlî-i müşâr ve mevlânâ vesa’ir mûmâ-ileyhsiz ber minval-i muharrer icrâ-yı ahkâm-ı şeri‘at-ı garraya müsaberet ve ‘alâ kile’t-takdireyn keyfiyet-i bâ-mazbata ve
i’lâm der-bar-ı şevket karar mülûkâneme tahrir ve iş‘ârına mübaderet eyleyesiz Fî Evâi’l-i CÂ (Cemâziye’l-Evvel) Sene (1)274
(18 – 27 Aralık 1857) DİBACE(S.32): Der-zaman sadr-ı südûru’l-vüzera hazret-i Mehmed Emin ‘Ali
Paşa ve fî eyyam-ı umur-u nezaret-i hariciye hazret-i Fuâd Paşa
(11 Ocak 1858) S.32/B.57: Katil-i merkûm verese-i maktûl huzurlarında icrâ-yı kısasına imtina
olunmuş olunduğu natık varıd olan mazbata ve tahrirat ve i‘lâm me’alleri ferman-ı ‘ali şerh virildi
Fî 9 L (Şevvâl) Sene (12)74
(23 Mayıs 1858)
Mülhakatıyla Konya Eyâleti Vâlîsi olub mecidiye-i nişâne hümâyûnumun birinci rütbesini ha’iz ve hasıl olan vezirim Hamdi Paşa iclâlehûya ve dergâh-ı mu‘allam kapucu başılarından Teke Sancağı Ka’imakamı İsma‘il dâme mecduhûya ve Antalya Na’ibine ve a‘za-yı meclis zîde kadruhûma hüküm
Teke Sancağı’nda İstanos Nahiyesi’ne mufaze Bayır Karyesi ahalisinden olub bundan akdem katîlen vefât iden ‘Ömer bin ‘Ali pehlivan’ın veraseti zevcesi Ayşe bint-i