Ahmed Hamdi Efendi (H 1277 / M 1860-1861)

Ahmed Hamdi Efendi tüccârdan Fazlızâde müteveffâ Mahmûd Efendiʼnin oğludur. Bin iki yüz yetmiĢ yedi senesi Rebîʻüʼl-Âhirʼinin dokuzunda Antalyaʼda tevellüd etmiĢtir.

Sıbyân ve rüĢdiyye mekteblerinde müretteb olan dersleri biʼt-tahsîl Ģehâdetnâme almıĢtır. Türkçe okur yazar.

Doksan altı senesi Ģehr-i Recebʼinin yirmisinde on dokuz yaĢında iken Teke Sancağı Tâhrîrât Kalemiʼne müdâvemetle doksan yedi senesi Rebîʻüʼl-Evvelʼinin yirmi ikisinde iki yüz elli guruĢ maʻâĢla livâ-ı mezkûrda KaĢ Kazâsı Bidâyet Mahkemesi ikinci kâtibliğine taʻyîn kılınmıĢ ise de sene-i merkûme ġevvâlʼinin sekizinde maʻâĢının kifâyetsizliğinden nâĢi istiʻfâen infisâl etmiĢ ve doksan sekiz senesi Ģehr-i Recebʼinin on beĢinde üç yüz guruĢ aylıkla kazâ-ı mezkûr müstantık muʻâvinliğine girip üç yüz senesi Ģehr-i Ramazan-ı Ģerîfinin sekizinde oradan da biʼl-istiʻfâ münfasıl olub üç yüz bir senesi Rebîʻüʼl-Evvelʼinin yedisinde Antalya Sancağıʼna tâbi Elmalı Kazâsı mülhakatından Çıralı Ġskelesi Orman Ondalık meʼmûrluğu vekâletiyle kayrılmıĢ ve üç yüz iki senesi Ģehr-i Saferʼinin dokuzunda sâbıkının iâde-i meʼmûriyyet etmesiyle açığa çıkmıĢtır. Üç yüz üç senesi Ģehr-i Ramazan-ı Ģerîfinin on birinde yüz otuz beĢ guruĢ maʻâĢla Teke Sancağı dâhilinde Kızılkaya Nâhiyesi Tahrîrât

844 _{BOA. DH. SAĠD. 136/489.}

Kitâbeti‟ne biʼt-taʻyîn üç yüz dört senesi Ģehr-i Saferʼinin yedisinde oradan dahi biʼl-istiʻfâ infisâl ederek üç yüz beĢ senesi Ziʼl-Kaʻdesiʼnin on sekizinde üç yüz guruĢ Ģehriyye ile Kalkan Düyûn-ı Umûmiyye meʼmûriyyeti vekâletine iʻzâm edilmiĢ ise de üç yüz altı senesi Ģehr-i Muharremüʼl-Harâmʼının yirmi birinde asîlin avdetiyle açığa çıkarılmıĢ ve sene-i merkûme Ģehr-i Recebʼinin altısında üç yüz elli guruĢ maʻâĢla Çıralı maʻa Agva Düyûn-ı Umûmiyye seyyar muhâfaza meʼmûru olarak üç yüz yedi senesi Ģehr-i ġaʻbânʼının dokuzunda mezkûrüʼl-mikdâr maʻâĢla Finike Düyûn-ı Umûmiyye meʼmûrluğuna tahvîl-i meʼmûriyyet etmiĢtir.

Ġzmir Düyûn-ı Umûmiyye Nezâreti‟yle Ġdâre-i Merkeziyye Müdîriyyet-i Umûmiyyesi‟nden iktidârı tasdîk kılınmıĢtır.

Mezkûr Ģehâdetnâme ile mahkeme ikinci kitâbet ve müstantık muʻâvinliğinden ve Çıralı Orman Ondalık meʼmûr-ı vekâlet ve Kızılkaya tahrîrât-ı kitâbet ve Kalkan Düyûn-ı Umûmiyye meʼmûr vekâletinden berâʼet-i zimmet ve hüsn-i hidmetini hâvi Fî 9 Receb sene 1295 ve Fî 1 Eylül sene [12]96 ve Fî 1 Temmuz sene 1299 ve Fî 1 Haziran sene 1301 ve Fî 8 Mart sene minh ve 15 Eylül sene [1]304 târihli mazbatalarla devr-i muhâsebe defteri zeyllerinin nezâret-i mezkûreden musaddak sûretleri terceme-i hâl varakasına merbûttur. Fî 23 Receb sene 1312 Fî 8 Kânûn-ı Sâni sene 1310 m.

Mûmâ-ileyhin maʻâĢı bin üç yüz on senesi ġaʻbânʼının yirmi dördünde 1 Mart sene [1]309 dört yüz guruĢa iblâğ olunub âhiren zimmeti zuhûr etmekle beraber vukûʻa getirilen ve muʻâmelât-ı resmiyyede mercîʻine hilâf-ı vâki iĢʻârâtta bulunmak meyhânecilere tezkiresine müskirât satmaya meydân vermek gibi yolsuzluklarından dolayı üç yüz on üç senesi Cumâdeʼl-Âhirʼinin onunda 15 TeĢrîn-i Sâni sene [1]311 azl edildiği Düyûn-ı Umûmiyye-i Osmâniyye Meʼmûrîn ġuʻbesi‟nin 21 Mayıs sene [1]318 târihli vukûʻât pusulasında gösterilmiĢtir. m.

Mûmâ-ileyhin bin üç yüz on dört senesi Ziʼl-Kaʻdesiʼnin beĢinde “26 Mart sene [1]313” iki yüz elli guruĢ maʻâĢla Teke Sancağıʼnda Kızılkaya Nahiyesi müdîriyyetine taʻyîn kılınarak hakkında isnâd olunan darb mesʼelesinden dolayı üç yüz on beĢ senesi Ziʼl- Hiccesiʼnin yirmisinde “gâye-i Nisan sene [1]314” iĢten el çektirilip Teke Sancağı Meclis Ġdâresi‟nce icrâ kılınan tahkîkât netîcesinde berâʼeti tahakkuk eylemesi hasebiyle üç yüz on yedi senesi Muharremʼnin yedisinde “5 Mayıs sene [1]315” meʼmûriyyetine iʻâde edilerek sene-i mezkûre Recebʼinin dokuzunda “gâye-i TeĢrîn-i Evvel sene [1]315” yine maʻâĢ-ı hâlisiyle Millü Nâhiyesi Müdîriyyeti‟ne nakli cihetiyle biʼl-infikâk “21 TeĢrîn-i Sâni sene [1]315” târihinde iĢe mübâĢeretle yine maʻâĢ-ı hâlisiyle DüĢenbe Nâhiyesi Müdîriyyeti‟ne nakl olunmasına mebni sene-i mezkûre Ziʼl-Kaʻdesiʼnin on birinde “gâye-i ġubat sene

[1]315” Millüʼden infikâk ve Ziʼl-Hiccesiʼnin on dördünde “1 Nisan sene [1]316” DüĢenbeʼde vazîfesine mübâĢeret eylediği ve fakat bir hâneye cebren duhûl etmek maddesinden dolayı üç yüz on sekiz senesi “gâye-i TeĢrîn-ı Sâni sene [1]316” azl ve bidâyeten altı ay mahkûm edilmiĢ ise de istînâfen Teke Sancağı Meclis Ġdâresi‟nce cereyân eden muhâkeme netîcesinde berâʼetine karar verildiği ve hidemât-ı mebsûtadan bir gûne zimmet ve iliĢiği olmadığı livâ-ı mezbûr Meclis Ġdâresi‟nin 5 Haziran sene [1]320 târihli mazbatasıyla Konya Vilâyeti vâliliğinin 27 Kânûn-ı Evvel sene [1]324 târihli tahrîrât-ı cevâbiyyesine ve vilâyet-i mezkûrenin 12 Nisan sene [1]325 târihli diğer tahrîrâtına melfûf Teke Sancağı Mutasarrıflığı‟nın tahrîrâtına atfen mülgâ dâhiliyye sicil Ģuʻbesinin 29 Nisan sene [1]325 târihli vukûʻât pusulasıyla bildirilmiĢtir. m.

Mûmâ-ileyhin bin üç yüz yirmi altı senesi Saferʼinin yirmi üçünde “13 Mart sene [1]324” iki yüz guruĢ maʻâĢla Çıralı rüsûmât meʼmûrluğu vekâletine biʼt-taʻyîn Rebîʻüʼl- Âhirʼinin yirmi beĢinde “14 Mayıs sene [1]324” asîlin vürûduna mebni infikâk ederek üç yüz yirmi yedi senesi Rebîʻüʼl-Âhirʼinin yirmi altısında “4 Mayıs sene [1]325” iki yüz elli dokuz guruĢ maʻâĢla Finike Nâhiyesi müdîriyyeti vekâletine taʻyîn olunub Cumâdeʼl-Evvelʼisinin yirmi dördünde “31 Mayıs sene [1]325” yine asîlin avdet etmesine mebni infikâk eylediği ve Cumâdeʼl-Âhiresiʼnin yirmi dokuzunda “5 Temmuz sene [1]325” maʻâĢ-ı mezkûrla mahallince nâhiye-i mezkûre müdîriyyete sânîyen taʻyîn kılınmıĢ ise de asâletinin tasdîki husûsu vilâyete inhâ olunamamasından nâĢi vilâyetce diğerinin taʻyîni cihetiyle sene-i mezkûre Ziʼl-Hiccesiʼnin altısında “4 Kânûn-ı Evvel sene [1]325” infikâk eylediği ve mezkûr vekâletlerden dolayı bir gûna zimmet ve iliĢiği bulunmadığı Konya Vilâyetiʼnin 9 Mart sene [1]327 târihli tahrîrât-ı cevâbiyyesiyle Antalya Sancağı muhâsebesinin muhâsebe-i vilâyetten musaddak 10 Ağustos sene [1]326 târihli müddet-i hizmet cedvellerinden anlaĢılmıĢtır. m.

Mûmâ-ileyhe 7 Kânûn-ı Evvel sene [1]325 târihinden iʼtîbâren yüz guruĢ maʻzûliyyet maʻâĢı tahsîs edildiği Mülkiyye Tekâʻüd ve Maʻzûlîn Sanduku Nezâreti‟nin 4 Haziran sene [1]327 târihli tezkiresiyle bildirilmiĢtir.

Mûmâ-ileyh tarafından verilen arz-ı hâlde bir meʼmûriyyete taʻyîni istidʻâ kılınıp tedkîk edilen terceme-i hâlin mâni-i istihdâm hâli görülememiĢ ise de âhiren icrâ kılınan tedkîkâtda Encümen-i Ġntihâbiyye Tensîk Kânûnu‟nun onbirinci maddesine tevfîkan muʻâmele-i ifâsına 21 Nisan sene [1]327 târihinde karar verildiği tensîk mazbatası sûret-i musaddakasından anlaĢıldığı meʼmûrîn-i kalem müdîriyyetinin 26 Nisan sene [1]327 târihli tezkiresiyle bildirilmiĢtir. m.

Mûmâ-ileyhin sâlifüʼz-zikr on birinci madde mûcebince muʻâmele-i ifâsına târih-i mezkûrda karar verildği 26 ġubat sene [1]327 târihli müzekkire ile bildirilmiĢ ise de mûmâ-

ileyh hakkında sâlifüʼl-beyân Encümen-i Ġntihâbiye 21 ġubat sene [1]325 tarihinde karar verilmiĢ olmasına nazaran sehiv vukûʻa gelmiĢ olduğundan târih-i mezkûrun tashîhi meʼmûrîn kalemi müdîriyyetinin 21 TeĢrîn-i Evvel sene [1]328 târihli müzekkire ile bildirilmekle tashîhân tezyîl kılındı. Fî 29 Kânûn-ı Sâni sene [1]328845