Cenâb-ı emâret-meâb eyâlet-nisâb sa‘âdet-intisâb zevi’n-nesebi’t-tâhir ve’l-hisâbi’z-zâhir müstecmi‘u’l-me‘âlî ve’l-mefâhir-i kâbiren an-kâbir-i cemâli’s-sülâleti’l-Hâşimiyye fer‘i’ş-şecereti’z-zekiyyetü’n-nebeviyye tırâzü’l-‘asâbeti’l-‘ulvviyeti’l-mustafaviyye “zübdet-i âli’r-resûl kurreti ‘ayni’z-zehrâi’l-betüli’l-mahfûf bi-sunûf-i ‘avâtıf-ı meliki’l-kevni’ş-şerîf” dâme-sa‘duhu terfî‘-i refi‘-i hümâyûnumuz vâsıl olucak ma‘lûmunuz olsun ki siz ki şerîf-i nebâhet-elîf müşârun-ileyhsiz ‘unsur-i fıtrat-i asliyye ve maya-i hilkat-i nesliyyenizde muzammer ve merkûz olan nekā-yı cevher-i ‘Arafât “Adnânîyye” ve Safâ-yı taviyyet-i asâlet kahtâniyye-i muktaziyyesince makām-i ‘ulyâ-yı siyâdet-intimâya ku‘ûd ve sellem rafî‘ü’l-müntehâ-‘ulyâ-yı emâret-i Mekke-i Mükerreme’ye su‘ûdunuzdan beri Haremeyn-i Muhteremeyn’in hüsn-i îfâ-yi levâzımı tevkîr ve ihtirâmı ve ahâlî ve mücâvirîn-i ‘izâmın istikmâl-i refâh-ı hâl ve ferâğ-ı bâlları emr-i ehemminde ve’l-hâsıl hıttâ-i Hicâz mağfiret-tırâzın ikāme-i du‘âim-i nizâm ve idâme-i zevâbit u intizâmıyla ol aktâr-ı meyamin-istizhâra “min külli feccin ‘amîk” zâmle-bend-i ‘azîmet müstelzimü’t-tevfîk olan kavâfil-i hüccâc hidâyet-i münhâc ve züvvâr ve ebnâ-yı sebîl ve tüccârın karîn-i emn ü selâmet ve rehîn-âsûdeği ve istirâhat oldukları hâlde iyâb ü zihâbları husûs-u mu‘tenâ bahâsında ibrâz-ı mesâ‘î cümleye ve izhâr-ı meâsir-i Hamîdiyye der-kâr olan ikdâm ve dikkatiniz nezd-i ilhâm-vefd-i şehriyârânemizde bedîhi ve izhâr ve bundan böyle dahi evvel mihâm vâcibetü’l-ihtimâmın kemâ yenbağî hüsn-i ru′yet ve tensîki husûsunda tarafınızdan bezl ü himmet ve icrâ-yı merâsim-i gayret ü kıyâset olunması me′mûl ve muntazır olmakdan nâşî hakkınızda mehâsin teveccühât-ı şâhânemiz berâber ve âfitâb-kiyeti sitâne-i mekremet-i mülûkânemiz ez-ser-nev ziyâdâr olmak hasebiyle bu def‘â cânib-i setûde menâkibinize “yakası sırmalı ve incü ile müzeyyen olarak (pırlanta kobcalı) bir top ferâce-i hazrâ-i meymenet-intimâ ihdâ ve şeref-bahşâ-yı südûr olan işbu nâme-i hümâyûn melâtıfet-i
makrûnumuzun iblâğ ve îsâli hizmetinde ta‘yîn kılınan Enderûn-i Hümâyûnum erkânından iftihârü’l-ekâbir ve’l-emâcid” dâme-mecduhu ile ba‘s ve isrâ olunmuş [118]olmakla öteden beri hânedan-ı ‘azîmü’ş-şân ve dûdmân rasînetü’l-erkânımıza olan meziyet-i safvet-i serîret ve vâkur-i husûsiyyet ve istikāmetiniz mübtegāsınca hil‘at-i behiyye-i mersûle taraf-ı şerîfinize lede’l-vusûl ri‘âyet-i rüsûm ve tevkîr ile iclâl ve murâ‘at-i sunûf tefhîm ve icbâl ile telakkî ve istikbâl ve duş-i istihkāk ve istihâlinize pûşeş ve iksâ ile merâsim-i mübâhât ve mefâhiret ve vezâif-i sıdk ü ihlâs taviyyet edâ ve ikmâl kılındıkdan sonfra cibîn-i mübeyyin ve nâsiye-i necâbet-rehînizde sâti‘ ve dırah-şân ve lâmi‘ ve tâbân olan envâr-ı asâlet ve pertev fütüvvet ve emâret-i muktezâ-yı her hâlde ibrâz ve izhâr-ı müsâberet “ve hâlâ Şâm Vâlîsi ve Emîr-i Hacc düstûr-i mükerrem müşîr-i müfahham nizâmü’l-‘âlem müşîr-i dirâyet-semîrim” edâma’l-lâhu Te‘âlâ iclalehu ile bi’l-muhâbere aktâr-ı ma‘mûre-i bilâd-ı İslâmiyye’den tavâf-ı Beyt-i şerîf ve ziyâret-i darîh-i mukaddes nebiyy-i bâhiri’t-teşrîf içün hâdiyân-ı nâke-i teveccüh ve ‘azîmet ve sâikān rekb-şitâb ve sür‘at olan hüccâc-ı hidâyet-i münhâc ve tüccâr ve zuvvâr meyâmin-i ibtihâcın vücûh-ı şitâ ile himâyet ve siyânetleri ve te′mîn-i tarîk-i Haremeyn-i Muhteremeyn ve tahsîl-i refâh-ı kıtân ve mücâvirîn-i “makāmeyn-i münîfeyn” husûslarına sa‘y ü gayret ve zât-ı hilâfet-simâtımız için ol emâkin-i meşhûneti’l-mehâsinde sâkin sulehâ ve ahyâr ve ‘ubbâd ve zühhâd ve ebrârın ed‘iye-i Hayriyeleri isticlâbına ve kātıbe-i umûr ve mesâlih-i aktâr-ı Hicâziye’nin tavr-ı hüsn ve vech-i vecîhe müstahsen üzere tesviye ve tanzîmine ve husûsan hüccâc-ı müslimînin medâyin-i sâlihden istikbâl ve yine mahall-i mezkûre kadar teşyî‘leriyle eşkiyâ-i ‘urbân ve sâire tâife-i muzırra ve mûziyesinin ıtâle-i iyâdı ta‘aruz u ta‘addîlerinden muhârese ve vikāyelerine icâle-i cevâd-ı dikkat ve tehzîz-i rimâh-ı hamâset ve teşmîr-i sâ‘id miknet ve kâffe-i umûr u husûsun ber vefk-i matlûb itmâm u ikmâline bezl ü iktidâr ve
ol-vecihle şân-ı şevket-i ‘unvân-ı saltanat-ı seniyyemize ve hıdamât ve şehâmet-i Hâşimiyyeniz muvâfık-ı mesâ‘î-i cemîle ve meâsir-i celîle vücûda getirmeye sarf-ı ru′yet ve i‘kāb-ı salât ve evkāt-ı icâbet-âyetde müteşerrifeyn zemzem ve makām ve mu‘tekîfîn beyt-i harâm olan ahlas-ı ‘ubbâd ve meşâyih-i salâh-ı i‘tiyâdla devâm-ı ‘ömr ü devlet ve kıvâm-ı feru şevketimiz du‘avâtına bi-hulûsi’l-bâl-i iştigāl ve müvâzabat ve herhâlde celb-i hâtır-ı kerâmet-i müzâhir-i mülûkânemize himmet eyleyesiz tahriren fî evâil-i şehr-i intehâ.
[119]
Kad temme bi‘avni’l-lâhi’l-meliki’l-mennâni tahrîra haza’t-tarîhi ve veffaka’l-lâhu tenmîkahu ve tertîbehu ve tensîkahu mine’t-tevarîhi’l-meşhûrati ve’t-tedgîgāti’l-me′sûrâti ellezi ceme‘ahu el-fekîru ila’l-lâhi’l- kadir e’r-Râci’ el-‘afve min feyzi’l-bârî Muhammed el-Emin ehadu a‘zâi encumeni nezârati’l-me‘ârifi’l-celîleti’l-‘umûmiyye fi dâri’l-hilâfeti’l-‘allıyyeti ve Kad kâne’l-ferâgu min tebyidihi fi şehri zi’l-hicceti’l-harâmi min şuhûri seneti selâse mietin ve tis‘âte ‘aşera ve elfin min hicratin. Seyyidinâ Muhammed salla’l-lâhu ‘aleyhi ve sellem ve ‘alâ âlihi ve ashabi’l-‘izzi’l-kirâmi ve gad Ce‘altuhu hidmeten li’l-hakîkati ve beyânen
lişerefi’d-dîni’l-İslâmiyye femen raâ fihi nuksânen ev nisyânen ev hefveten fel yefud ‘an ‘ayni’l-afvi
ve’l-ihsâni ve ya‘zuruni fi kusûrî feinne’l-insâne la yehlû mine’n-naksi ve’n-nisyâni ve ene eselu’l-lâhe te‘âlâ en yenfe‘a bihi külle men tâle‘ahu ve nezara fîhi feinnehu ekramu mesûlin.