TRANSKRİPSİYONU
Hüküm 6: Hizmet sebebiyle ücrette mutâbık kalma
Galata'da Alaca Mescid Mahallesi'nde sâkine mütekā‘idîn-i hasekiyân-ı Der- gâh-ı Âlî'den eshâb-ı sefâyinden sâhib-i arzuhâl Salih Ağa ibn-i el-Hâc [isim yok] Ağa Galata Bâb Mahkemesi'nde meclis-i şer‘de mezbûr Salih Ağa'nın kalyon kıçlı ta‘bîr olunur bir kıt‘a sefînesinde yelkenci Ali Beşe bin Ali ve işcisi Yakub Beşe bin Ahmed ve mellâhlarından Ali bin Ömer ve Hasan bin Hüseyin ve Memiş bin Hasan ve diğer Memiş bin Ahmed ve Foçacısı Yani veled-i Andon ve Aleksandri veled-i Panayot ve İspra veled-i Yorgo muvâcehelerinde Re’îsler Kethudâsı Ahmed Ağa ve kapan-ı dakik tüccârından el-Hâc Mehmed ve el-Hâc Ömer Ağa ve el-Hâc Ahmed Ağa ve el-Hâc Hasan Ağa hâzır oldukları hâlde zikr olunan sefinemi Âsitâne-i Aliyye'den Bahr-i Siyâh'da vâki‘ Sinop İskelesi'ne ve ondan Anapa İskelesi'ne varıp sefîne-i merkûmeye hınta vaz‘ ve tahmîl ve Âsitâne-i Aliyye'ye nakil için cânib-i mîrîden ücret-i ma‘lûme ile istîcâr olunup ve cânib-i mîrîden ihsân-ı hümâyûn olunan meblağ ber-vech-i peşîn bana teslîm ben dahi kezâlik ber-vech-i peşîn selef ta‘bîr olunur müddet beyân olmaksızın re’îs-i merkûma verdiğim seksen guruşu ve işciye verdiğim yüz seksen guruş ve yelkenciye verdiğim yüz yirmi guruş ve altı nefer mellâhûn-ı merkûmdan her birine verdiğim kırkar guruş ki cem‘an altı yüz yirmi guruş makbûzları olup sefîne-i mezkûre ile bin iki yüz iki senesi Zilka‘desinin
dördüncü günü Galata'da Kalafat Yeri nâm mahalden için Şile İskelesi'ne varıp ve ric‘at yüz on gün meks ü ücret zihâb müddetleri sebkat etmeleriyle kendülere medfû‘um olan meblağ-ı mezkûrdan eyledikleri hizmet-i merkumelerinin ber- mu‘tâd-ı kadîm ecr-i
[9a]
misilleri furû-nihâde kılınıp bâkî kalan meblağı bana edâ ve yâhûd sefîne-i mezkûre bu esnâda bâ-emr-i âlî Varna mübâya‘a sına me’mûr olmağla mahall-i merkûma varıp ve sefîne-i mezkureme hınta vaz‘ ve tahmîl ve Âsitâne-i Aliyye'ye nakil, mezbûrûna tenbîh olunmak matlûbumdur deyü da‘vâ eyledikde onlar dahi cevablarında, husûs-ı mezkûr müdde‘î-i mezbûrun takrîr-i meşrûhu üzere olduğunu her biri ikrâr ve makbûzumuz olan meblağ-ı mezbûr yüz on gün eylediğimiz meks ü hizmet-i zihâblarımızın ücret-i misline müsâvî ve mu‘âdildir deyü beynlerinde ba‘de-vukû‘i'l-münâza‘a ve bâ-vesâtat-ı muslihîn-i mezbûrûn sefîne-i merkûme ile zikr olunan Varna İskelesi'ne varıp ve onda sefîne-i merkûmeye hınta vaz‘ ve tahmîl ve Âsitâne'ye nakle her biri ta‘ahhüd-ı tâm eylediklerinden sonra mezbûrûnun nefislerine ve hîn-i mutâlebede meclis-i şer‘e ihzârlarına işbu hâzır bi'l- meclis sefîne-i merkûmûnun Kapudanı Zeynel Kapudan bin Süleyman nâm kimesne kefil olup ve mezbûr Salih Ağa dahi bu vechile râzî olduğu tescîl ve huzûr-ı âlîlerine i‘lâm olundu.Fî 22 Safer, Sene [1]203.
*
Hüküm 1: Alacak hakkı talebinin isbât edemeyişten dolayı reddi
Tüccârdan Kanilo veled-i Verako nâm zimmî, Galata Bâb Mahkemesi'nde meclis-i şer‘de bakkal tâifesinden Togofilo veled-i Yorgi nâm zimmî muvâcehesinde merkûm Togofilo bundan akdm yedimden iştirâ ve kabz eylediği on iki fıçı
seksen guruşun yüz guruşu yedinden ba‘de'l-ahz kalan seksen guruşu bana vermeyip zimmetinde kalmağla hâlâ taleb ederim deyü da‘vâ eyledikde ol dahi cevâbında ancak sekiz fıçı derûnunda mevzû‘ bin iki yüz vukıyye zeytunu yüz beş guruşa şirâsını ikrâr, ziyadeyi inkâr etmekle müdde‘î-i merkûm ber-vech-i muharrer ziyâde müdde’âsını isbâta kādir olmayıp bi't-taleb merkûm Togofilo zimmî ba‘de't-tahlîfi'ş- şer‘î mûcebince müdde‘î-i merkûm ziyade yetmiş beş guruşu da‘vâsıyla bilâ-beyyine mu‘ârazadan ba‘de'l-men‘ merkûm Togofilo'nun ikrârıyla lâzım gelen beş guruşu müdde‘î-i merkûm Kanilo zimmîye edâ ve teslîme mersûm Togofilo'ya tebhîh olunduğu huzûr-ı âlîlerine i‘lâm olundu.
Fî 21 S. Sene [1]203.
*
Hüküm 2: Alacak hakkı talebinin isbât edemeyişten dolayı reddi
Galata hâricinde Bedreddin Bey Mahallesi'nde sâkine mu‘arrefetü'z-zât Zeliha bint-i Ali nâm hâtun Galata Bâb Mahkemesi'nde meclis-i şer‘de Galata'da Alaca Mescid Mahallesi'nde sâkine Ayşe bint-i Mehmed nâm hâtun muvâcehesinde
mezbûre Ayşe mârru'z-zikr Bedreddin Bey Mahallesi'nde sâkin olduğum menzilimde müsâfireten sâkine iken târih-i i‘lâmdan bir gün mukaddem işbu meclis-i şer‘de mu‘âyene olunan bir çuka kaput ve bir neftî binişi bi-gayri hakkın ahz etmekle hâlâ taleb ederim deyü da‘vâ eyledikde ol dahi cevâbında müdde‘iye-i mezbûre târih-i merkûmda zikr olunan mahallede menzile gelip istikrâz ve kabz eylediği doksan yedi guruş mukābelesinde işbu zikr olunan kaput ve binişi yedime rehin vaz‘ ve teslîm etmiş-idi, deyü eylediği da‘vâsını isbâta kādir olmayıp bi't-taleb mezbûre Zeliha ba‘de't-tahlîfi'ş-şer‘î mûcebince mezbûre Ayşe mebağ-ı mezkûr doksan yedi guruş da‘vâsıyla bilâ-beyyine bî-vech mu‘ârazadan ba‘de'l-men‘ mezbûre Ayşe'nin
ikrârıyla zikr olunan kaput ve binişi müdde‘iye mezbûre Zeliha'ya geri red ve teslîme mezbûre Ayşe'şe tenbîh olunduğu huzûr-ı âlîlerine i‘lâm olundu.
Fî 21 S. Sene [1]203.
*
Hüküm 3: Alacak hakkı talebi
Gemlik kazâsına tâbi‘ Ömer Bey nâm karye ahâlisinden olup Galata'da misâ- firen sâkin es-Seyyid Ali bin Mustafa Galata Bâb Mahkemesi'nde meclis-i şer‘de es- Seyyid Mehmed Re’îs bin Ömer muvâcehesinde gâ’ib ani'l-meclis Süleyman Yazıcı zimmetinde bâ-temessük cihet-i karzdan alacak hakkım olan üç yüz guruşdan bâkî iki yüz kırk bir guruşa bi'l-emr ve'l-kabûl mezbûr es-Seyyid Mehmed Re’îs kefil ve zāmin olmağla meblağ-ı bâkî-i mezkûr iki yüz kırk bir guruşu ber-vech-i muharrer kefâletine binâ’en mezbûr es-Seyyid Mehmed Re’îs'den taleb ederim deyü ba‘de'd- da‘vâ ve'l-ikrâr mûcebince meblağ-ı bâkî-i mezkûr iki yüz kırk bir guruşu müdde‘î-i mezbûra bi-hükmi'l-kefâle edâ ve teslîme mezbûr es-Seyyid Mehmed Re’îs'e tenbîh olunduğu huzûr-ı âlîlerine i‘lâm olundu.
Fî 22 S. Sene [1]203.
*
Hüküm 4: Alacak hakkı talebi
Galata'da sâkin yağcı esnâfından el-Hâc Osman bin Mehmed nâm kimesne Galata Bâb Mahkemesi'nde meclis-i şer‘de çörekçi esnâfından Mahmud Beşe bin Ömer nâm kimesne muvâcehesinde mezbûr Mahmud Beşe zimmetinde beynimizde ma‘lûmü'l-vezn revgan-ı sâde semeninden iki yüz elli altı guruşdan bâkî elli guruş alacak hakkım olmağla hâlâ taleb ederim deyü tasaddî eylediği da‘vâsından bâ- tavassut-ı muslihîn yirmi beş guruşa mezbûr Mahmud Beşe ile ba‘de's-sulh ve'l-
kabûl bedel-i sulh-i mezkûrdan mâ‘adâ yirmi beş guruşa müte‘allika da‘vâdan mezbûr Mahmud Beşe'nin zimmetini ba‘de'l-ibrâ ve'l-kabûl bedel-i sulh-i mezkûr yirmi beş guruşu müdde‘î-i mezbûr el-Hâc Osman'a edâ ve teslîme mezbûr Mahmud Beşe'ye tenbîh olunduğu huzûr-ı âlîlerine i‘lâm olundu.
Fî 24 S. Sene 1203.
*
Ma‘rûz-ı dâ‘î-i Devlet-i Aliyyeleridir ki
Hüküm 5: Alacak hakkı talebi
Galata'da sâkine el-Hâc İbrahim bin Osman nâm kimesnenin Kigork veled-i İstefan nâm zimmî zimmetinde cihet-i karzdan iki yüz doksan sekiz buçuk guruş alacak hakkı olduğu lede't-terâfu‘ zimmî-i merkûmun ikrârıyla şer‘an sâbit olmağın mûcebince meblağ-ı merkûm ki yüz doksan sekiz buçuk guruşu müdde‘î-i mezbûra bi't-taleb edâ ve teslîme zimmî-i mersûma tenbîh olunduğu Galata Bâb
Mahkemesi'nde tescîl ve huzûr-ı âlîlerine i‘lâm olundu. Fî 25 S. Sene 1203.
*