Emânet malın harcanması sebebiyle alacak hakkı da‘vâsında uyuşma

Bahr-i Sefîd'de vâki‘ Eşkeroz? adası ahâlisinden Andriya veled-i Mihail nâm zimmî Galata Bâb Mahkemesi'nde meclis-i şer‘de yine ada-i mezkûre ahâlisinden Istımat veled-i Zaharya nâm zimmî tarafından husûs-ı âti'z-zikrde tasdîke vekîl olmak üzere hâzır olan Manol veled-i Yorgi nâm zimmî muvâcehesinde ben bundan akdem müvekkil-i merkûm Istımat Re’îs'in râkib olduğu sefînesiyle Âsitâne'ye nakil için ada-i mezkûrede sefîne-i mezkûreye vaz‘ ve tahmîl eylediğim beş yüz kırk dört varul derûnunda mevzu‘ hamrı Âsitâne'ye ba‘de'n-nakl üç yüz müdre hamrımı ??? müvekkil-i merkûm istihlâk etmekle kıymeti olan cem‘an üç yüz guruşu müvekkil-i merkûm Istımat bana zāmin olsun deyü tasaddî eylediği da‘vâsından meccânen fâriğ olup sâlifü'l-beyân üç yüz müdre hamr ve kıymeti mezkûresi olan üç yüz guruşa müte‘allika da‘vâdan müvekkil-i merkûm Istımat zimmînin zimmetini ibrâ ve iskāt, ol dahi ber-minvâl-i meşrûh ibrâsını kabul birle kat‘-ı münâza‘a eyledikleri huzûr-ı âlîlerine i‘lâm olundu.

Fî 24 Muharremü'l-harâm, Sene [1]203.

*

Hüküm 7: Alacak hakkı talebinin isbât edemeyişten dolayı reddi

Galata'da sâkine İbrahim Beşe bin Mahmûd nâm kimesne Galata Bâb Mahke- mesi'nde meclis-i şer‘-i şerifde halatçı Satur el-Hâc Ali bin Ahmed kimesne muvâce- hesinde gâib ani'l-meclis Arslan Hasan Re’îs bin Abdullah nâm zimmetinde bir bâb mülk menzil semeninden alacak hakkım olan iki yüz otuz guruşdan bâkî şüz sekiz

guruşa mezbûr el-Hâc Ali bi'l-emr ve'l-kabûl kefil ve zāmin olmakla meblağ-ı bâkî-i mezkûr kefâleten mezbûr el-Hâc Ali'den taleb ederim deyü ba‘de'd-da‘vâ ve'l-inkâr müdde‘î ber-vech-i muharrer müdde‘âsını isbâta kādir olmayıp bi't-taleb mezbûr el- Hâc Ali ba‘de't-tahlîfi'ş-şer‘î mûcebince müdde‘î-i mezbûr da‘vâ-yı mezkûresiyle bilâ-beyyine mu‘ârazadan men‘ olunduğu huzûr-ı âlîlerine i‘lâm olundu.

Fî 11 S. Sene [1]203.

*

Hüküm 8: Alacak hakkı talebinin isbât edemeyişten dolayı reddi

Galata hâricinde Hüseyin Ağa Mahallesi'nde sâkin Corci veled-i Anna nâm zimmî Galata Bâb Mahkemesi'nde meclis-i şer‘de yine mahalle-i mezbûrede mütemekkine mu‘arrefetü'ş-şahs Lusye bint-i Fransız nâm Nasrâniyye

muvâcehesinde; ben ücret ile hidmet makûlesinden olup ben bundan akdem merkûm Lusye'nin talebiyle ücret-i kavlinsiz altı ay hidmet edip müddet-i mezkûrede

eylediğim hidmetimin ecr-i misliyle merkûme Lusye Nasrâniyyeden taleb derim deyü ba‘de'd-da‘vâ ve'l-inkâr müdde‘î-i merkûme ber-vech-i muharrer müdde‘âsını isbâta kādir olmayıp bi't-taleb merkûme Lusye Nasrâniyye ba‘de't-tahlîfi'ş-şer‘î mûcebince müdde‘î-i merkûm Corci da‘vâ-yı mezkûresiyle bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. El-emr li-men lehü'l- emr.

Fî 10 Saferu'l-hayr, Sene [1]203.

[8a]

Tüccârdan Apostol veled-i Nikola veled-i Apostol nâm zimmî tarafından husûs-ı âti'z-zikr taleb ve da‘vâ ve ahz u kabz ve lede'l-iktizâ sulh ve ibrâya vekil olduğu yağcı Hasan Çelebi bin Ömer ve Ahmed Ağa bin Kasım nâm kimesneler şehâdetleriyle sâbit olan yağcı esnâfından Ahmed bin İbrahim nâm kimesne Galata Bâb Mahkemesi'nde meclis-i şer‘de yine esnâf-ı mezkûreden diğer Ahmed bin el- Hâc Ahmed nâm kimesne muvâcehesinde müvekkilem merkûm Apostol bundan akdem seftce tarîkıyla bin beş yüz guruşunu mezbûr diğer Ahmed'in şeriki Bahr-i Siyâh cânibinde Tuna sevâhilinde vâki‘ İsmâ‘il kasabasında müsâfiren sâkine Küçük Mehmed bin Abdullah nâm kimesneye def‘ ve teslîm edip mezbûr Küçük Mehmed dahi şeriki mezbûr diğer Ahmed'in üzerine havâle-i sahîha-i şer‘iyye ile havâle edip ve her biri havâleyi ba‘de'l-kabûl mezbûr diğer Ahmed meblağ-ı mezkûrun bin iki yüz kırk altı guruşunu müvekkilem merkûma def‘ ve teslîm edip bâkî iki yüz elli dört guruşunu mezbûr diğer Ahmed'den bi'l-vekâle taleb ederim deyü da‘vâ eyledikde ol dahi cevâbında ber-vech-i muharrer ikrâr lâkin meblağ-ı bâkî-i mezkûrun yüz guruşunu dahi müvekkil-i merkûm Apostol'a teslîm etmiş idim deyü mezbûr diğer Ahmed mikdar-ı mezkûrede eylediği def‘ini isbâta ba‘de'l-havâle mezbûr diğer Ahmed'in ikrârıyla lâzım gelen yüz elli dört guruşu müvekkil-i merkûm için vekîl-i mezbûra edâ ve teslîme mezbûr diğer Ahmed'e tenbîh olunduğu huzûr-ı âlîlerine i‘lâm olundu.

Fî 10 Saferu'l-hayr, Sene [1]203.

Hüküm 2: Alacak hakkı talebinin isbât edemeyişten dolayı reddi

Sâhib-i arzuhâl Osman Beşe bin Yusuf Galata Bâb Mahkemesi'nde meclis-i şer‘de derûn-ı arzuhâlde merkûmü'l-ism Civan veled-i Yuvan nâm zimmî muvâcehe- sinde mersûm Civan târih-i i‘lâmdan yirmi iki [gün] mukaddem civar-ı Saltanat-ı Aliyye'de İstinye nâhiyesine tâbi‘ Balta Limanı nâm mahalde kâ’in odam derûnunda mevcûde altmış guruşu bi-gayri hakkın ahz etmekle hâlâ taleb ederim deyü ba‘de'd- da‘vâ ve'l-inkâr müdde‘î-i mezbûre ber-vech-i muharrer müdde‘âsını isbât için meclis-i şer‘e ikāmet eylediği iki Müslim kimesneler müdde‘î-i mezbûrun da‘vâsına mutâbık edâ-i şehâdet-i şer‘iyye edemeyip şâhid-i âhar ikāmetinden izhâr-ı acz birle bi't-taleb merkûm Civan ba‘de't-tahlîfi'ş-şer‘î mûcebince müdde‘î-i merkûm da‘vâ-yı mezkûresiyle bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu.

Fî 10 Saferu'l-hayr, Sene [1]203.

*