Yâ fettâh Yâ rezzâk Yâ kerîm Yâ Allah
İzzet-meâb şeriat-nisâb faziletlu Münib Efendi kamiyâb Ba'de't-tahiyyetü'l-vâfiyye inhâ olunur ki
Konya vilayeti dahîlinde kâin Antalya kazasının umûr-ı ahkâm-ı şer'iyyesi meclis-i intihab-ı hükkam iş şer’den vâki olan ifade üzerine zât-ı hazret-i fetevâ-penâhînin rey ve tensiblerine ve nezâret-i âmmemize binaen 1309 senesi Saferü’l-hayrın yedinci gününden itibaren uhde-i beriyyenize ihâle ve tefvîz olunmuşdurki kazâ'-ı mezkûru yevm-i mezbûrdan bi'n-niyâbe zabt idüb beyne'l-ahâlî icrâ'-yı ahkâm-ı şer'-i âlîye say ve gayret ve vuku-yafte olan muhallefât-ı mevtâ-yı askeriyyenin mûcib-i tahrîr olanlarını tahrîr ve terkîm ve beyne'1-verese bi'l- farâzîyyeti'ş-şer'iyye tevzî' ve taksim hususunda ihtimâm ve dikkat eyleyesiz.
Ve's-selâm
El-fakîr Elhacc Abdullah Şakir el-kazaskeri Anadolu (imza)
2/1
Hüküm 1
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan (olarak) Papaz Nikola Efendi kerîmesi Maryanti Hatun’un sagîr oğlu Sefune mâlından 2196 guruş 30 para ve Nafiz Efendi kerîmesi Melek (Hanım) mâlından 1500 ve Hacı Süleyman Bey eytâmı Mehmed Bey ve Şerîfe Hanım mâlından 1636 guruş 10 para ve Ayan Ağa’nın Hüsnü Efendi mahdûmu Şaban mâlından 123 guruş 30 para ve (kesik) Fatma’nın terekesi esmânından 186 guruş 10 para ve Dühancızâde Hüseyin Ağa eytâmı Ahmed ve Salih ve Süleyman ve Şükriye mâlından 16 guruş 30 para ve müteveffâ Kulak Hüseyin’in sagîr oğlu Ahmed ve zevcesi Ayşe Nazife Hatun’un kaynı Hamel mâllarından 800 guruş cem’ân 6451 guruş 10 para istidâne ve kabz eyledim meblağ-ı mezkûrun 2 senelik devr-i şer’isi olan 1548 guruş 13 para ki cem’ân 8000 guruş 10 para mürûr iden eyyâm-ı güzeştesi eytâm nizâmnâmesine tevfîkan başkaca tarafımızdan tesviye olunmak üzere zimmetimde vâcibü’l-edâ deynim olduğu işbu mahale zabt ve temhîr kılındı.
Fî 8 Şa’bân Sene 309 Müdîr-i Eytâm (İmza)
Medyûn-ı merkûm Bekir Bey zimmeti olan meblağ-ı mecmû’-ı mezkûru kâmilen eytâm sandığına teslim eylediği eytâm müdîrinün idâne hüccet-i zuhûruna fî 27 Teşrîn-i evvel sene 309 tarihiyle olunan der-kenârdan müstebân olmakla malûm olmak üzere işbu mahale şerh verildi.
Fî 30 Mart Sene 310
Nâ’ib-i Antalya (Mühür)
Ahd-ı hümâ âherin zimmetine lâzım gelen meblağa dahi kefîl ve zâmin olmak ve mürûr iden eyyâm-ı güzeştesi dahi eytâm nizâmnâmesine tevfîkan başkaca tarafımızdan tesviye olunmak üzere tarafımızdan bi’l-emr ve’l-kabûl biz dahi kefâlet-i âmme ile meblağ-ı mecmû’-ı mezkûra kefîl ve zâmin olduğumuz işbu mahale şerhle temhîr kılındı.
Fî 8 Şa’bân Sene 309
Bali Bey Mahallesi’nden Hacı (kesik) Efendizâde Osman (kesik) Hacı Süleyman Efendi karındaşı Osman Nuri (Mühür)
Bali Bey Mahallesi’nden Yusuf Ağazâde Hasan Efendi (Mühür)
Timurcu Süleyman Mahallesi’nden Hasan Çavuşzâde Hacı Ali Efendi (İmza-mühür)
Her ne kadar Kulak Hüseyin’in sagîr oğlu ile Hamel’in akçesinden bâlâya 800 guruş istirbâh olunduğu muharrer ise meblağ-ı mezkûrun 171 guruş 35 parası Timurcu Kara Mahallesi’nden Köse Ahmed Abdi’nin sagîre kerîmesi Fatma mâlından ve bâkî 628 guruş 5 paraya Kulak Hüseyin’in sagîr oğlu Ahmed ile Hamel mâllarından olduğu ve meblağ-ı mezkûr 628 guruş 5 paranın dahi 359 guruş 10 parası merkûmun ve 268 guruş 35 parası dahi merkûm Ahmed’in olduğu tashîh olundu.
Ber-vech-i muharrer takrîrleri alınmışdır. Nâ’ib-i Antalya (İmza)
2/2
Hüküm 2
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak Ali Fahrettin Sagîr Karyesi’nden müteveffâ Hacı Hüseyin bin İbrahim’in sagîr oğlu Osman mâlından 10328 guruş 15 para istidâne ve kabz eyledim meblağ-ı mezkûrun 3 senelik devr-i şer’isi bulunan 3718 guruş 35 para ki cem’ân 14047 guruş 10 para mürûr iden eyyâm-ı güzeştesi eytâm nizâmnâmesine tevfîkan başkaca tarafımızdan tesviye olunmak üzere zimmetimde vâcibü’l-edâ deynim olduğu
işbu mahale zabt ve temhîr kılındı. Fî 9 Şa’bân Sene 309
Ali Fahrettin Sagîr Karyesi’nden İsmail Ağa ibn-i Hacı Mehmed oğlu Mehmed
Ahd-ı hümâ âherin zimmetine lâzım gelen meblağa (dahi) kefîl ve zâmin olmak ve mürûr idecek eyyâm-ı güzeştesi dahi eytâm nizâmnâmesine tevfîkan başkaca tarafımızdan tesviye olunmak üzere meblağ-ı mecmû’-ı mezkûr 14047 guruş 10 paraya tarafımızdan bi’l-emr ve’l- kabûl biz dahi kefîl ve zâmin olduğumuz işbu mahale şerh verilerek temhîr kılındı.
Fî 9 Şa’bân Sene 309
Tahıl Pazarı Mahallesi’nden Çobanlızâde Hafız Osman Efendi ibn-i Mustafa (Mühür) Sağır Bey Mahallesi’nden Mutyabzâde Hafız Mehmed Efendi ibn-i Mustafa (Mühür) Takrîrleri alınmışdır.
Nâ’ib-i Antalya (İmza)
2/2 Hüküm 3
Yine müdîr-i mûmâileyh yedinden Lira-i Osmanî 100 guruşdan olarak Ali Fahrettin Sagîr Karyesi’nden müteveffâ Hacı Hüseyin bin İbrahim‘in sagîr oğlu Osman mâlından 5785 guruş istidâne ve kabz eyledim meblağ-ı mezkûrun 1 senelik devr-i şer’isi bulunan 695 guruş ki cem’ân 6480 guruş zimmetimde mürûr iden eyyâm-ı güzeştesi dahi eytâm nizâmnâmesine tevfîkan başkaca (tarafımdan) tesviye olunmak üzere zimmetimde vâcibü’l-edâ deynim olduğu işbu mahale şerh verilerek temhîr kılındı.
Fî 9 Şa’bân Sene 309
Ali Fahrettin Sagîr Karyesi’nden Kara Tobak Halil Ağa bin İbrahim (Mühür)
Ahd-ı hümâ âherin zimmetine lâzım gelen meblağa kefîl ve zâmin olmak ve mürûr iden eyyâm- ı güzeştesi dahi eytâm nizâmnâmesine tevfîkan başkaca tarafımızdan tesviye olunmak üzere meblağ-ı mecmû’-ı mezkûr 6480 guruşa tarafımızdan bi’l-emr ve’l-kabûl biz dahi kefîl ve zâmin olduğumuz işbu mahale şerh verilerek temhîr kılındı.
Fî 9 Şa’bân Sene 309
Ali Fahrettin Sagîr Karyesi’nden Hacı Veli oğlu Ali Hafız (Mühür-imza) Tuzcular Mahallesi’nden Reşid Beyzâde Hüseyin
Takrîrleri alınmışdır. Nâ’ib-i Antalya (İmza)
3/1
Hüküm 4
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden lira 100 guruşdan olarak Ali Fahrettin Sagîr Karyesi’nden müteveffâ Hacı Hüseyin ibn-i İbrahim’in sagîr oğlu Osman mâlından lira 100 guruşdan olarak*
1600 guruş istidâne ve kabz eyledim meblağ-ı mezkûrun 1 senelik devr-i şer’isi olan 192 guruş ki cem’ân 1792 guruş mürûr iden eyyâm-ı güzeştesi eytâm nizâmnâmesine tevfîkan başkaca tarafımızdan tesviye olunmak üzere zimmetimde vâcibü’l-edâ deynim olduğu işbu mahale şerh verilerek temhîr kılındı.
Fî 9 Şa’bân Sene 309
Ali Fahrettin Sagîr Karyesi’nden Hacı Veli oğlu Ali Hafız (Mühür)
Ahd-ı hümâ âherin zimmetine lâzım gelen meblağa dahi dahi kefîl ve zâmin olmak ve mürûr idecek eyyâm-ı güzeştesi eytâm nizâmnâmesine tevfîkan başkaca tarafımızdan verilmek üzere meblağ-ı mecmû’-ı mezkûr 1792 guruşa tarafımızdan bi’l-emr ve’l-kabûl biz dahi kefâlet-i âmme ile kefîl ve zâmin olduğumuzu müş’âr işbu mahale şerh verilerek temhîr kılındı.
Fî 9 Şa’bân Sene 309
Ali Fahrettin Sagîr Karyesi’nden Kara Topak Halil Ağa bin İbrahim (Mühür) Tuzcular Mahallesi’nden Reşid Beyzâde Hüseyin Bey (İmza)
Takrîrleri alınmışdır. Nâ’ib-i Antalya (İmza)
Hüküm 5
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak vasîleri olduğu Hatib Süleyman Mahallesi’nden müteveffâ Çilingir Hacı Mustafa eytâmı Mehmed ve Bekir ve Hadice ve Hasibe ve Hanife mâllarından 1603 buçuk ve Sağır Bey Mahallesi’nden Ahmed Pertev Efendi eytâmı Ali Rıza ve Vehbiye mâllarından 931 guruş 5 para ve Tuzcular Mahallesi’nden müteveffâ Hacı Süleyman Bey eytâmı Mehmed Bey ve Şerîfe Hanım mâlından 3352 guruş 30 para ve Hatib Süleyman Mahallesi’nden müteveffâ Gümrükcü Hasan Efendi eytâmı Feride ve Şükriye mâllarından 399 ve Köseler Karyesi’nden Hasan Ali oğlu Halil akçesinden 24 guruş 15 para ki cem’ân 6310 guruş 30 para istidâne ve kabz eyledim meblağ-ı mezkûrun 2 senelik devr-
* “lira 100 guruşdan olarak” fazla yazılmış
i şer’isi olan 1514 guruş 25 para ki ciheteyn-i mezkûreteynden cem’ân lira 100 guruşdan (olarak) 7825 guruş 15 para mürûr iden eyyâm-ı güzeştesi eytâm nizâmnâmesine tevfîkan başkaca tarafımdan tesviye olunmak üzere zimmetimde vâcibü’l-edâ deynim olduğu işbu mahale zabt ve temhîr kılındı.
Fî 14 Şa’bân Sene 309
Mecdeddin Mahallesi’nden Hesabcızâde Mehmed Tevfik (Mühür)
Ahd-ı hümâ âherin zimmetine lâzım gelen meblağa (dahi) kefîl ve zâmin olmak ve mürûr iden eyyâm-ı güzeştesi dahi başkaca eytâm nizâmnâmesine tevfikân başkaca tarafımızdan tesviye olunmak üzere tarafeynden bi’l-emr ve’l-kabûl meblağ-ı mecmû’-ı mezkûr 7825 guruş 15 paraya biz dahi kefâlet-i âmme ile kefîl ve zâmin olduğumuz işbu mahale şerh verilerek temhîr kılındı.
Fî 14 Şa’bân Sene 309
Ve Timurcu Süleyman Mahallesi’nden Yörükzâde Ali Rıza (Mühür) Tuzcular Mahallesi’nden Mehmed Beyzâde Ömer Lütfi (Mühür) Ber-vech-i muharrer takrîrleri alınmışdır.
Nâ’ib-i Antalya (İmza)
3/2 Hüküm 6
Zikr-i âtî meblağı li-ecli’l-idâne kıbel-i şer’den vasî ta’yîn olunan eytâm müdîri İzzet Efendi yedinden lira 100 guruşdan olarak müteveffâ Keşirler Karyesi’nde sâkin Sarı Kerim’in sagîr oğlu Mehmed mâlından 455 buçuk guruş istidâne ve kabz eyledim meblağ-ı mezkûrun 2 senelik devr-i şer’isi olan 109 guruş 15 para ki cem’ân 564 guruş 35 para mürûr iden eyyâm-ı güzeştesi eytâm nizâmnâmesine tevfîkan başkaca tarafımdan tesviye olunmak üzere zimmetimde vâcibü’l-edâ deynim olduğu işbu mahale zabt ve temhîr kılındı.
Fî 21 Şa’bân Sene 309
Keşirler Karyesi Muhtarı Musa oğlu Bekir Ağa (Mühür)
Ahd-ı hümâ âherin zimmetine lâzım gelen meblağa kefîl ve zâmin olmak ve mürûr iden eyyâm- ı güzeştesi dahi eytâm nizâmnâmesine tevfikân başkaca tarafımızdan tesviye olunmak üzere tarafeynden bi’l-emr ve’l-kabûl biz dahi kefâlet-i âmme ile kefîl ve zâmin olduğumuz işbu mahale şerh verilerek zabt kılındı.
Fî 21 Şa’bân Sene 309
Karye-i mezkûrda sâkin Karahacılı Aşireti’nden Mahmud oğlu Ali Gebeş Ali (Parmak İşareti) Aşiret-i mezkûreden Mehmed oğlu Dellâl Ahmed (Parmak İşareti)
Ber-vech-i muharrer takrîrleri alınmışdır. Nâ’ib-i Antalya (İmza)
4/1 Hüküm 7
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden lira 100 guruşdan olarak Duraliler Karyesi’nden müteveffâ Hatib Molla Mehmed’in oğlunun oğlu Ali akçesinden 2515 buçuk guruş istidâne ve kabz eyledim meblağ-ı mezkûrun 3 senelik devr-i şer’isi olan 905 buçuk guruş ki cem’ân 3421 guruş mürûr iden eyyâm-ı güzeştesi eytâm nizâmnâmesine tevfîkan başkaca tarafımdan tesviye ve i’tâ olunmak üzere zimmetimde vâcibü’l-edâ deynim olduğunu işbu mahale şerh ile temhîr kılındı.
Fî 24 Şa’bân Sene 30
Duraliler Karyesi’nden Besli oğlu Ahmed bin Ali (Mühür)
Ahd-ı hümâ âherin zimmetine lâzım gelen meblağa dahi kefîl ve zâmin olmak ve mürûr idecek eyyâm-ı güzeştesi eytâm nizâmnâmesine tevfikân başkaca tarafımızdan verilmek üzere meblağ- ı mecmû’-ı mezkûr 3421 guruşa tarafeynden bi’l-emr ve’l-kabûl biz dahi kefâlet-i âmme ile kefîl ve zâmin olduğumuzu müş’âr işbu mahale şerh ve temhîr kılındı.
Fî 24 Şa’bân Sene 309 Kefîli
Antalya’nın Elmalu Mahallesi’nden Huncu Ali Ağa ibn-i Hacı Osman (Mühür) Kezâ
Duraliler Karyesi’nden Kadîd oğlu Abdurrahman ibn-i Veli (Mühür) Ber-vech-i muharrer tarafeynin takrîrleri ahz olunmuşdur.
Nâ’ib-i Antalya (İmza)
Hüküm 8
Zikr-i âtî mebâliği li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak vasî olduğu Has Balaban Mahallesi’nden müteveffâ Mustafa Nafiz Efendi’nin sagîre kerîmesi Melek Hanım mâlından 7478 guruş 35 para ve Timurcu Kara Mahallesi’nden müteveffâ Köse Ahmed’in sagîr oğulları Yusuf ve
Süleyman mâlından 964 ve yine mahalle-i mezkûreden müteveffâ Köse Ahmed oğlu Abdi’nin sagîre kerîmesi Fatma mâlından 20 ve asl Karamanlı müteveffâ Molla Mahmud eytâmı Hasan mâlından 259 guruş 5 para ve Süllü mâlından 104 buçuk ve Mustafa mâlından kezâ 104 buçuk guruş ki cem’ân 8931 guruş istidâne ve kabz eyledim meblağ-ı mezkûrun 2 senelik devr-i şer’isi bulunan 2143 buçuk guruş ki ciheteyn-i mezkûreteynden cem’ân 11074 buçuk guruş mürûr iden eyyâm-ı güzeştesi eytâm nizâmnâmesine tevfîkan başkaca tarafımdan tesviye olunmak üzere zimmetimde vâcibü’l-edâ ve lâzımü’l-kazâ deynim olduğunu müş’âr işbu
mahale şerh verilerek imza ve temhîr kılındı. Fî 26 Şa’bân Sene 309
Divan Piri Mahallesi’nden İsa Beyzâde Bekir Sami (Mühür)
Meblağ-ı mecmu’û mezkûr 11074 buçuk guruşa ahd-ı hümâ âherin zimmetine lâzım gelen meblağa dahi kefîl ve zâmin olmak ve mürûr idecek eyyâm-ı güzeştesi dahi eytâm nizâmnâmesine tevfikân başkaca tarafımızdan verilmek üzere meblağ-ı mecmû’-ı mezkûra biz dahi kefâlet-i âmme ile kefîl bi’l-mâl ve zâmin olduğumuzu müş’âr işbu mahale şerh verilerek temhîr kılındı.
Fî 26 Şa’bân Sene 309
Divan Piri Mahallesi’nden Ahmed (İmza-mühür)
Has Balaban Mahallesi’nden Şaban Efendizâde Ahmed (Mühür) Sağır Bey Mahallesi’nden Ciran Süleyman Çavuş (Mühür) Bali Bey Mahallesi’nden Mehmed Efendizâde (Mühür)
Medyûn-ı merkûm Bekir Bey meblağ-ı mezkûru kâmilen eytâm sandığına teslim eylediği idâne hüccet-i zuhûruna yine eytâm müdîri tarafından fî 27 Teşrîn-i evvel sene 309 tarihiyle olunan der-kenârdan müstebân olmakla malûm olmak üzere işbu mahale şerh verildi. Fî 30 Mart Sene 310
Nâ’ib-i Antalya. (Mühür)
Ber-vech-i muharrer takrîrleri ahz olumuşdur. Nâ’ib-i Antalya (İmza)
4/2 Hüküm 9
Zikr-i âtî meblağı li-ecli’l-idâne kıbel-i şer’iden vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak vasî olduğu Has Balaban Mahallesi’nden
müteveffâ Mustafa Nafiz Efendi’nin sagîre kerîmesi Melek Hanım mâlından 6278 guruş 35 para istidâne ve kabz eyledim meblağ-ı mezkûrun 2 senelik devr-i şer’isi olan 1506 guruş 30 para ki cem’ân 7785 guruş 25 para mürûr iden eyyâm-ı güzeştesi dahi eytâm nizâmnâmesine tevfîkan başkaca tarafımdan tesviye olunmak üzere zimmetimde vâcibü’l-edâ deynim olduğu ve meblağ-ı mezkûr mukâbilinde mukaddemâ vefâ-ı ferâğ-ı etmiş olduğum Şeyh Sinan Mahallesi’nde kâin tarafları vakf-ı değirmen ve namazgâh ve gümüş ibrik menzil ve tarîk-i âmm ile mahdûd iki taşlı deverân iden bir bâb âsiyâbın mutasarrıf olduğum nıfz-ı hisse-i şâyiamın merhûniyetini kemâ-fi-s-sâbık ifâ idub müddet-i mezkûr mukâbilinde deynim olan meblağ-ı mezkûr edâ oluna sâbık-ı sûretde nısf-ı değirmen-i mezkûru usûlü vechile bey’ ve ferâğ-ı ve kabz-ı semene ve bedele ve makbûzâtından deynim bulunan meblağ-ı mecmû’-ı mezkûru edâya ve fazla kalur ise tarafıma i’tâya âheri dahi tevkîyle me’zûn olmak üzere vekâlet-i devriyye-i sahîha-i şer’iyye ile müdîr-i mûmâileyhi vekîl ve nâ’ib-i menâb nasb ve
ta’yîn eyledimde mûmâileyh dahi kabul eylediği işbu mahale zabt olunarak temhîr kılındı. Fî 26 Şa’bân Sene 309
Müdîr-i Eytâm (İmza)
Kızıl Saray Mahallesi’nden Kasab Hacı Ahmed oğlu Hafız İsmail (Mühür) Ber-vech-i muharrer takrîrleri alınmışdır.
Nâ’ib-i Antalya (İmza)
Hüküm 10
Zikr-i âtî meblağı li-ecli’l-idâne kıbel-i şer’iden vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak Has Balaban Mahallesi’nden müteveffâ Mustafa Nafiz Efendi’nin sagîre kerîmesi Melek Hanım mâlından 1700 guruş ve Tuzcular Mahallesi’nden Hacı Süleyman Bey eytâmı Mehmed Bey ve Şerîfe Hanım mâlından 1050 guruş ve Antalyalı Ham oğlu Ahmed’in gaib karındaşları Murad ve Mahmud mâlından 500 guruş ki cem’ân 3250 guruş istidâne ve kabz eyledim meblağ-ı mezkûrun 3 senelik devr-i şer’isi olan 1170 guruş ki ciheteyn-i mezkûreteynden cem’ân 4420 guruş mürûr iden eyyâm-ı güzeştesi eytâm nizâmnâmesine tevfîkan başkaca tarafımızdan verilmek üzere zimmetimde vâcibü’l-edâ ve lâzımü’l-kazâ deynim olduğunu müş’âr işbu mahale şerh verilerek imza ve temhîr kılındı.
Fî 7 Ramazan Sene 309 Müdîr-i Eytâm (İmza)
Meblağ-ı mecmû’-ı mezkûr 4420 guruşa ahd-ı hümâ âherin zimmetine lâzım gelen meblağa dahi kefîl ve zâmin olmak ve mürûr idecek eyyâm-ı güzeştesi eytâm nizâmnâmesine tevfikân başkaca tarafımızdan verilmek üzere meblağ-ı mecmû’-ı mezkûra biz dahi kefâlet-i âmme ile kefîl bi’l-mâl ve zâmin olduğumuzu müş’âr işbu mahale şerh verilerek temhîr kılındı.
Fî 7 Ramazan Sene 309
Mahalle-i mezkûr(dan) medyûnun pederi Kadir oğlu Hüseyin Onbaşı (Mühür)
Bali Bey Mahallesi’nden müteveffâ (silik) Ali (silik) mahdûmu Mehmed Efendi (Mühür) Ber-vech-i muharrer takrîrleri alınmışdır.
Nâ’ib-i Antalya (İmza)
5/1
Hüküm 11
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak vasî olduğu Millü’nün Dağı Mahallesi’nden müteveffâ Mehmed Ali oğlu Mustafa’nın sagîre kerîmeleri Hadice ve Gülsüm mâllarından 1000 guruş istidâne ve kabz eyledim meblağ-ı mezkûrun 1 senelik devr-i şer’isi bulunan 120 guruş ki ciheteyn-i mezkûreteynden cem’ân 1120 guruş zimmetimde vâcibü’l-edâ deynim (olan) ve mürûr iden eyyam güzeştesi eytâm nizâmnâmesine tevfîkan başkaca tarafımdan tesviye olunmak üzere zimmetimde deynim olduğunu müş’âr işbu mahale şerh verilerek temhîr kılındı.
Fî 8 Ramazan sene 309 Müdîr-i Eytâm (İmza) Hacı Atazâde Yusuf (Mühür)
Ahd-ı hümâ âherin zimmetine lâzım gelen meblağa dahi kefîl ve zâmin olmak ve mürûr iden eyyâm-ı güzeştesi eytâm nizâmnâmesine tevfikân başkaca tarafımızdan tesviye olunmak üzere meblağ-ı mecmû’-ı mezkûr 1120 guruşa tarafeynden bi’l-emr ve’l-kabûl biz dahi kefâlet-i âmme-i mutlaka-i sahîha-i şer’iyye ile kefîl bi’l-mâl ve zâmin olduğumuzu müş’âr işbu mahale şerh verildi.
Fî 8 Ramazan Sene 309
Eslah oğlu Ahmed biraderi an-mahal-i Divan Piri
Timurcu Süleyman Mahallesi’nden Tıraz oğlu Hasan Kapudanzâde (İmza) Takrîrleri alınmışdır.
Hüküm 12
Mâ-İskender Çelebi Ahi Yusuf Mahallesi’nde sâkin iken bundan akdem vefat eden Teke Sancağı Müddeî-i umumi muavini Bogos Efendi’nin verese-i gaib akçesinden lira 100 guruşdan (olarak) eytâm müdîri İzzet Efendi yedinden 600 guruş istidâne ve kabz eyledim meblağ-ı mezkûrun 1 senelik devr-i şer’isi olan 72 guruş ki cem’ân 672 guruş mürûr eyyâm-ı güzeştesi eytâm nizâmnâmesine tevfîkan başkaca tarafımızdan tesviye olunmak üzere zimmetimizde vâcibü’l-edâ deynimiz olub ahd-ı hümâ âherin zimmetine lâzım gelen meblağa dahi kefîl ve zâmin olduğumuzu müş’âr işbu mahale zabt kılındı.
Fî 21 Ramazan Sene 309
Mahkeme-i bidâyet mübâşirlerinden Duman oğlu Numân Ağa bin İbrahim (Mühür) Yine mübâşir Genç Ağa’nın Yusuf Ağa (Mühür)
Ber-vech-i muharrer takrîrleri ahz olunmuşdur. Fî 21 Ramazan Sene 309
Nâ’ib-i Antalya (İmza)
5/2
Hüküm 13
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak vasîleri olduğu Millülü Mehmed Ali oğlu Mustafa’nın sagîre kerîmesi Hadice ve Gülsüm mâllarından 224 guruş 20 para ve müteveffâ Bogos Efendi’nin verese-i gaib akçesinden 400 ve Nafiz Efendi kerîmesi Melek Hanım mâlından 370 buçuk guruş ve müteveffâ Hüseyin Ağa kerîmesi Emine mâlından 8 guruş 5 para ki cem’ân 1008 guruş 5 para zimmetimde eytâm-ı merkûmana vâcibü’l-edâ deynim olub meblağ-ı mecmû’-ı mezkûrun 2 senelik devr-i şer’isi bulunan 242 guruş 2 para ki cem’ân 1250 guruş 20 para zimmetimde vâcibü’l-edâ deynim olduğu işbu mahale zabt kılındı.
Fî 28 Ramazan Sene 309
Makbule İslâm Mahallesi sâkinlerinden Kuyumcu Hacı Mihail veledi Yalef (İmza)
Ahd-ı hümâ âherin zimmetine lâzım gelen meblağa dahi kefîl ve zâmin olmak ve mürûr iden eyyâm-ı güzeştesi eytâm nizâmnâmesine tevfikân başkaca tarafımızdan tesviye olunmak üzere meblağ-ı mecmû’-ı mezkûra biz dahi kefâlet-i âmme ile kefîl bi’l-mâl ve zâmin olduğumuz işbu mahale şerh verilerek imza kılındı.
Fî 28 Ramazan Sene 309
Hıristolu veledi Nefiyudus (İmza)
Baba Doğan Mahallesi’nden ve Teba’a-i devleti âliyyeden Solomon oğlu Kosti veledi Solomon (İmza)
Ber-vech-i muharrer takrîrleri alınmışdır. Nâ’ib-i Livâ-i Antalya (İmza)
Hüküm 14
Zikr-i âtî meblağı li-ecli’l-idâne kıbel-i şer'iden vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak vasîleri olduğu Millülü Mehmed Ali oğlu Mustafa’nın sagîre kerîmesi Hatice ve Gülsüm mâllarından 174 guruş 30 para ve Mustafa Nafiz Efendi’nin sagîre kerîmesi Melek Hanım mâlından 381 ve Çıragöz oğlu Hacı Mehmed’in sagîr oğulları Hasan ve Yusuf ve Ahmed mâllarından 500 guruş ki cem’ân 1055 guruş 30 para zimettimde eytam-ı merkûmana vâcibü’l-edâ deynim olub meblağ-ı mezkûrun 2 senelik devr-i şer’isi olan 253 guruş 30 para ki cem’ân 1309 buçuk guruş zimmetimde vâcibü’l-edâ deynim