Meblağ-ı mezkûr müddet-i duhûlünde îfâ olunamadığı halde eytâm nizâmnâmesine tevfîkan mürûr iden eyyâm-ı güzeştesi eytâm nizâmnâmesine tevfikân başkaca tarafımdan tesviye olunmak üzere işbu mahale temhîr kılındı.
Fî 4 Muharrem Sene 310
Cami-i Atik Mahallesi’nden Terzizâde Hüsnü (Mühür)
Ahd-ı hümâ âherin zimmetine lâzım gelen meblağa kefîl ve zâmin olmak ve mürûr iden eyyâm- ı güzeştesi eytâm nizâmnâmesine tevfîkan başkaca tarafımızdan tesviye olunmak üzere meblağ- ı mecmû’-ı mezkûr Lira-i Osmanî 100 guruşdan (olarak) 776 guruşa tarafeynden bi’l-emr ve’l- kabûl biz dahi kefâlet-i âmme ile kefîl ve zâmin olduğumuzu müş’âr işbu mahale şerh verilerek temhîr kılındı.
Fî 4 Muharrem Sene 310 (Pul)
Cami-i Atik Mahallesi’nden Feyzullah Ahmed Halim (Mühür) Biraderi Yusuf (Mühür)
Ber-vech-i muharrer takrîrleri alınmıştır. Nâ’ib-i Antalya (İmza)
Hüküm 20
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan (olarak) Çavuş Bahçesi Mahallesi’nden Dikici Aksekili Mustafa eytâmı Ahmed ve Şerîfe ve Hamel akçesinden 812 ve Sağır Bey
Mahallesi’nden Ahmed Pertev Efendi eytâmı Vehbiye ve Ali Rıza akçesinden 900 ve Müderriszâde Hüseyin Hafız’ın sagîr oğlu Ahmed mâlından 141 buçuk guruş ki cem’ân 1853 buçuk guruş istidâne ve kabz eyledim meblağ-ı mezkûrun 3 senelik devr-i şer’isi olan 667 guruş ki cem’ân lira 100 guruşdan (olarak) 2520 buçuk guruş zimmetimde mürûr iden eyyâm-ı güzeştesi dahi eytâm nizâmnâmesine tevfikân başkaca tarafıma iade olmak üzere zimmetimde vâcibü’l-edâ deynim olduğu işbu mahale zabt ve temhîr kılındı.
Fî 6 Muharrem Sene 310
Bali Bey Mahallesi’nden Mehmed Efendizâde (İmza-mühür)
Ahd-ı hümâ âherin zimmetine lâzım gelen meblağa kefîl ve zâmin olmak ve mürûr idecek eyyâm-ı güzeştesi dahi eytâm nizâmnâmesine tevfîkan başkaca tarafımızdan tesviye olunmak üzere meblağ-ı mecmû’-ı mezkûra tarafeynden bi’l-emr ve’l-kabûl biz dahi kefâlet-i âmme ile kefîl ve zâmin olduğumuzu müş’âr işbu mahale şerh verilerek temhîr kılındı.
Fî 4 Muharrem Sene 310 (Pul)
Timurcu Süleyman Mahallesi’nden Süleyman Efendizâde (Mühür) (Silik) (Mühür)
Ber-vech-i muharrer takrîrleri alınmıştır. Nâ’ib-i Antalya (İmza)
8/1
Hüküm 21
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak müteveffâ Gümrükcü Hasan Efendi kerîmesi sagîre Şükriye mâlından 2345 guruş 10 paradan ve Müderriszâde Hüseyin Hafız’ın sagîr oğlu Ahmed mâlından 8 guruş ki cem’ân 2353 guruş 10 para istidâne ve kabz eyledim meblağ-ı mezkûrun 2 senelik devr-i şer’isi olan 564 guruş 30 para ki ciheteyn-i mezkûreteynden cem’ân 2918 guruş mürûr iden eyyâm-ı güzeştesi eytâm nizâmnâmesine tevfikân başkaca tarafımdan tesviye ve i’tâ olunmak üzere zimmetimde vâcibü’l-edâ deynim ve borcum olduğu mübeyyin işbu mahale şerh ve zabt kılındı.
Fî 15 Muharrem Sene 310
Timurcu Süleyman Mahallesi’nden Hüseyin Çavuşzâde Hacı Ali Efendi (Mühür)
muharrer mürûr iden eyyâm-ı güzeştesi eytâm nizâmnâmesine tevfîkan başkaca tarafımızdan tesviye kılınmak üzere meblağ-ı mecmû’-ı mezkûr 2918 guruş tarafeynden bi’l-emr ve’l-kabûl biz dahi kefâlet-i âmme-i mutlaka-i sahîha ile kefîl olduğumuzu müş’âr işbu mahale şerh verilerek vaz’ imza ve temhîr kılındı.
Fî 15 Muharrem Sene 310 (Pul)
(Silik) (Mühür)
Timurcu Süleyman Mahallesi’nden Mollazâde Hasan (İmza) Ber-vech-i muharrer takrîrleri alınmışdır.
Nâ’ib-i Antalya (İmza)
Bi-minnet-i ve hatme bi’l-hayr
Alel’l el-kazâ-i medine-i Antalya’nın Elmalu Mahallesi’nde sâkin Seyyid Hacezâde Ömer Lahme (Mühür)
Hüküm 22
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak müteveffâ Çıragöz oğlu Hacı Mehmed eytâmı Hasan ve Yusuf ve Ahmed mâlından 1500 guruş istidâne ve kabz eyledim meblağ-ı mezkûrun 2 senelik devr-i şer’isi olan 360 guruş ki cem’ân 1860 guruş mürûr iden eyyâm-ı güzeştesi eytâm nizâmnâmesine tevfikân başkaca tarafımdan tesviye ve i’tâ olunmak üzere zimmetimde vâcibü’l-edâ deynim ve borcum olduğunu mübeyyin işbu şerh ve zabt kılındı. Fî 1 Rebî’ü’l-evvel Sene 310
Sağır Bey Mahallesi’nden Manavzâde Musa bin Hüseyin (Mühür)
Ahd-ı hümâ âherin zimmetine lâzım gelen meblağa (dahi) kefîl ve zâmin olmak ve ber-vech-i muharrer mürûr iden eyyâm-ı güzeştesi eytâm nizâmnâmesine tevfîkan başkaca tarafımızdan tesviye kılınmak üzere meblağ-ı mecmû’-ı mezkûr 1860 guruşu tarafeynden bi’l-emr ve’l-kabûl biz dahi kefâlet-i âmme-i mutlaka-i sahîha ile kefîl olduğumuzu mübeyyin işbu mahale şerh verilerek zabt kılındı.
Fî (silik) Rebi’ül-evvel Sene 310 (Pul)
(silik)
Antalya’nın Şeyh Sinan Mahallesi’nden Abdülkadir Efendizâde Hafız Mehmed (Mühür) Ber-vech-i muharrer takrîrleri alınmışdır.
Kazâ-i vekîl-i Nâ’ib-i Antalya (İmza)
Bi-minnet-i ve hatme bi’l-hayr vekîl-i Nâ’ib-i kazâ-i Antalya (Mühür)
8/2
İzzet-meâb şeriat-nisâb Tekfûr Dağı na’îbi faziletlu Mehmed Fevâid Efendi kamiyâb Ba'de't-tahiyyetü'l-vâfiyye inhâ olunur ki
Konya vilâyeti dahîlinde kâin Antalya nevahisinin umûr-ı ahkâm-ı şer'iyyesi meclis-i intihab-ı hükkâmü’l-şer’den vâki olan ifade üzerine zât-ı hazret-i fetevâ-penâhînin rey ve tensiblerine ve nezâret-i âmmemize binaen 1310 Senesi Rebî’ü’l-evvel gurresinden itibaren uhde-i beriyyenize ihâle ve tefvîz olunmuşdur gerekdir ki livâ-i mezkûru gurre-i mezbûreden bi'n-niyâbe zabt idub beyne'l-ahâlî icrâ'-yı ahkâm-ı şer‘-i âlîye sa‘y ve gayret ve vukû-yafte olan muhallefât-ı mevtâ- yı askeriyyenin mûcib-i tahrîr olanlarını tahrîr ve terkîm ve beyne'1-verese bi'l-farâzîyyeti'ş- şer‘iyye tevzi‘ ve taksim hususuna ihtimâm ve dikkat eyleyesiz.
Ve's-selâm
El-fakir Esarzavizâde Mehmed Tevfik el-kazaskeri Anadolu (İmza)
Hüküm 23
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak müteveffâ Kızılkaya’nın Uğurlu Karyesi’nden Hacı Mehmed Ağa kerîmesi sagîre Dürdane mâlından 2348 guruş 25 para istidâne ve kabz eyledim meblağ-ı mezkûrun 2 senelik devr-i şer’isi olan 463 guruş 15 para ki ciheteyn-i mezkûreteynden cem’ân 2812 guruş zimmetimde vâcibü’l-edâ deynim ve borcum olduğunu mübeyyin işbu mahale şerh ve zabt kılındı.
Fî 18 Rebi’ü’l-âhir Sene 310 (İmza)
Kızılkaya Nâhiyesi’ne tâbi Kor Karyesi’nden Molla Ahmed oğlu Hüseyin Ağa (Mühür)
Ahd-ı hümâ âherin zimmetine lâzım gelen meblağa (dahi) kefîl ve zâmin olmak üzere meblağ-ı mecmû’-ı mezkûr 2812 guruşa tarafeynden bi’l-emr ve’l-kabûl biz dahi kefâlet-i âmme-i mutlaka-i sahîha şer’i ile kefîl olduğumuzu müş’âr işbu mahale şerh ve imza kılındı.
Fî 18 Rebi’ü’l-âhir Sene 310 Fî 18 Rebi’ü’l-âhir Sene 310 (Pul)
Karye-i mezkûrdan Süleyman Çavuş bin Hacı Mehmed (2 Mühür) Uğurlu Karyeli Konyalı Yusuf bin Abdullah (Mühür)
Karye-i mezkûrdan Kerim bin Hacı Osman (Mühür) Takrîrleri alınmışdır.
Fî 27 Teşrîn-i evvel Sene 308 (İmza)
Hüküm 24
Antalya’nın Teşvikiye Mahallesi’nden İstanbul’lu Hüseyin Ağa dimekle meşhûr Hüseyin Ağa ibn-i Ali Ağa ve eniştesi Dinle Ali Ağa ibn-i Kasım meclis-i şer‘de Has Balaban Mahallesi’nden müteveffâ Mustafa Nafiz Efendi’nin sagîre kerîmesi Melek Hanım’ın zikr-i âtî hususda li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi ibn- i İsmail Efendi mahzarında müdîr-i mûmâileyh sagîre-i mezbûrenin mâlından Lira-i Osmanî 100 guruşdan olarak bi’l-memurîye bize 21292 guruş 5 para idâne ve teslim eylediğinde biz dahi istidâne ve kabz ve umûrumuza sarfla istihlâk idub meblağ-ı mezkûr ile semen-i işbu tarihden (itibaren) 3 sene tamamına değin müeccel ve mev’ûd olmak üzere mezbûrenin mâlından müdîr-i mûmâileyh yedinden iştirâ’ ve kabz eylediğimiz bir cild Ali Efendi Fetâvâsı semeninden dahi 7665 guruş 5 para ki cem’ân 28957 guruş 10 para zimmetimizde sagîre-i mezbûreye vâcibü’l-edâ deynimiz olub meblağ-ı mecmu’û mezkûr mukâbilinde bâ-sened hâkanî mutasarrıf olduğumuz zikr olunan Teşvıkiye Mahallesi’nde vâki tarafları Abdülkerim ve Hacı Abdi Ağa tarlaları ve taraf-ı tarîk-i âmm ile mahdûd malûmü’l-müştemilât mâ-bahçe bir bâb mülk-i menzilimizi müdîr-i mûmâileyhe esasen vefâ-ı bey’ ve tefvîz eylediğimiz gibi bu kerre dahi yine vefâ-ı
9/1
bey’ ve tefvîz eylediğimizde mûmâileyh dahi kabul idub biz deynimiz bulunan meblağ-ı mecmû’-ı mezkûr 28957 guruş 10 paraya müddet-i mezkûre tamamında edâ ve teslim idemediğimiz halde vefâ-ı ferâğ-ı itmiş olduğumuz mâ-bahçe-i menzil-i mezkûremizi usûlü vechile bey’ ve kabz-ı semene ve makbûzundan deyn-i mezkûremizi edâya ve fazla kalur ise tarafımıza i’tâya âheri dahi tevkîyle me’zûn olmak üzere husûs-ı mezkûrun mütevâkıf olduğu umûrun külliyyesini tesviye ve rü’yete tarafımızdan müdîr-i mûmâileyhi vekâlet devriyye-i sahîha-i şer’iyye ile vekîl ve nâ’ib-i menâb nasb ve ta’yîn eylediğimizde mûmâileyh dahi ber- vech-i muharrer vekâlet-i mezkûreye kabul ve hizmet-i lâzımesini kemâ-yenbagî edâya ta’ahhüd ve iltizâm eylediği işbu mahale zabt ve temhîr kılındı.
Fî 18 Rebi’ül-âhir Sene 310 Müdîr-i Eytâm (İmza)
Yine mahalle-i mezkûrdan mezbûr Hüseyin Ağa eniştesi Dinle Ali Ağa ibn-i Kasım (Mühür)
Mukırr-ı medyûn-ı mûmâileyh hüma Hüseyin ve Ali Ağaların sagîre-i mezbûreye zimmetinde edâsı vâcib deynleri olan meblağ-ı mecmu’û mezkûr 28957 guruş 10 paraya îfâ idemeyubda vefâ-ı ferâğ-ı etmiş oldukları mâ-bahçe-i menzil-i mezkûrları bey’ olunarak semen-i meblağ-ı mecmu’û mezkûra vefâ itdiği sûretde noksanı tarafımızdan îfâ olunmak ve ahd-ı hümâ âherin zimmetine lâzım gelen meblağa dahi kefîl ve zâmin olmak üzere tarafeynden bi’l-emr ve’l- kabûl biz dahi kefâlet-i âmme ile kefîl bi’l-mâl ve zâmin olduğumuz işbu mahale şerh verilerek vaz’ imza ve temhîr kılındı.
Fî 18 Rebi’ül-âhir Sene 310 ve Fî 28 Teşrîn-i evvel Sene 308 (Pul)
(silik) (Mühür)
Yine mahalle-i mezkûreden Burdurî (İmza) Takrîrleri alınmışdır.
Nâ’ib-i Antalya (İmza)
9/2
Hüküm 25
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak Has Balaban Mahallesi’nden müteveffiyye Dilber Hanım’ın sagîre kerîmesi Melek Hanım mâlından 13300 guruş istidâne ve kabz eyledim meblağ-ı mezkûrun 3 senelik devr-i şer’isi olan 4788 guruş ki cem’ân lira 100 guruşdan 18088 guruş zimmetimizde sagîre-i mezbûreye vâcibü’l-edâ deynimiz olub ahd-ı hümâ âherin zimmetine lâzım gelen meblağa dahi kefîl ve zâmin olub meblağ-ı mecmû’-ı mezkûr mukâbilinde bâ-sened hâkanî mutasarrıf olduğumuz Ahi Kızı Mahallesi’nde vâki bir tarafı Şevket ve Zühtü Beyler haneleri ve tarafeyn-i kal’a ve bir tarafı tarîk-i âmm ile mahdûd malûmü’l-müştemilât bir bâb mülk-i menzil ve ittisâlinde vâki iki bâb mağazada 88 sehm itibarıyla 35 sehm hisse-i şayîamızı ve medyûn-ı mûmâileyh hümadan Mustafa Efendi dahi bâ- sened hâkanî müstakîllen mutasarrıf olduğu mâ-Kardıc İğdir Nâhiyesi’nde Ulupınar’da vâki tarafları câmi’ allahüekber ve pınar gözü ve çay ile mahdûd bir kıt’ada 20 ve yine tarafları cebel ve çay ve tarîk ile mahdûd bir kıt’ada 9 dönümki cem’ân 29 dönüm arazi ile yine tarafları çay ve tarîk ve orman ve sahib-i sened ile mahdûd 5 dönüm arazi üzerine münci bir taş deverân iden bir bâb âsiyâbı maen müdîr-i vasî-i mûmâileyhe vefâ-ı bey’ ve tefvîz (eylediğimizde) ol dahi tezevvüc ve kabul idub biz deynimiz bulunan meblağ-ı mecmû’-ı mezkûru müddet-i
mezkûre tamamında edâ ve îfâ idemediğimiz halde vefâ-ı ferâğ-ı itmiş olduğumuz menzil ve mağazada olan hisselerimiz ile mezkûr arazi ve âsiyâb usûlen bey’ ve ferâğ-ı olunarak semen-i ve bedelinden deynimiz bulunan meblağ-ı mecmû’-ı mezkûru edâya ve fazla kalur ise tarafımıza i’tâya ve husûs-ı mezkûrun mütevâkıf olduğu umûrun külliyyesini tesviye ve rü’yete hükümâ âzâletin fâinat vekîli ve mefhûmu üzere azl ve in’izâlden masûn vekâlet devriyye-i sahîha-i şer’iyye ile âheri dahi tevkîyle me’zûn olmak üzere tarafımızdan müdîr-i mûmâileyhi vekâlet-i devriyye-i sahîha şer’i ile vekîl ve nâ’ib-i menâb nasb ve ta’yîn eylediğimizde ol dahi kabul eylediği işbu mahale zabt ve temhîr kılındı.
Fî 20 Rebi’ül-âhir Sene 310 Müdîr-i Eytâm (İmza)
Ahi Kızı Mahallesi’nden Mestrelî Hüseyin Ağazâde(İmza-mühür) Biraderi Mestrelî Hüseyin Ağazâde (İmza)
Meblağ-ı mecmû’-ı mezkûra tarafeynden bi’l-emr ve’l-kabûl ben dahi kefâlet-i âmme-i mutlaka-i sahîha-i şer’iyye ile kefîl ve zâmin olduğumu müş’âr işbu mahale şerh verilerek vaz’ imza ve temhîr kılındı.
Fî 29 Teşrîn-i evvel Sene 308 ve Fî 20 Rebi’ül-âhir Sene 310 (Pul)
Moralı Hasan Ağazâde (İmza-mühür) Takrîrleri alınmışdır.
Fî 29 Teşrîn-i evvel Sene 308 Nâ’ib-i Antalya (İmza)
10/1 Hüküm 26
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden lira 100 guruşdan olarak Has Balaban Mahallesi’nden müteveffiyye Dilber Hanım’ın sagîre kerîmesi Melek Hanım mâlından 4000 guruş istidâne ve kabz eyledim meblağ- ı mezkûrun 3 senelik devr-i şer’isi olan 1440 guruş ki cem’ân lira 100 guruşdan (olarak) 5440 guruş zimmetimde vâcibü’l-edâ deynim olub meblağ-ı mecmû’-ı mezkûr mukâbilinde bâ-sened hâkanî mutasarrıf olduğum Cami-i Cedîd Mahallesi’nde (vakî) tarafları bi’l-cümle ve Sulu ve Kalaycı Hacı İstirati ve tarîk ile mahdûd malûmü’l-müştemilât bir bâb mülk-i menzilimi müdîr- i vasî-i mûmâileyhe vefâ-ı bey’ ve tefvîz (eylediğimde) mûmâileyh dahi tezevvüc ve kabul idub ben deynim bulunan meblağ-ı mecmû’-ı mezkûru müddet-i mezkûre tamamında ifâ
idemediğim halde vefâ-ı ferâğ-ı itmiş olduğum menzil-i mezkûremi usûlen bey’ ve ferâğ-ı ve kabz-ı semene ve bedelinden deyn-i mezkûremi edâya ve fazla kalur ise tarafıma i’tâya vekâlet- i devriye ile müdîr-i vasî-i mûmâileyh âheri dahi tevkîyle itmek üzere me’zûn olmak şartıyla mûmâileyhi vekîl ta’yîn (eylediğimde) ol dahi kabul eylediği işbu mahale zabt kılındı.
Fî 3 Cemâziye’l-evvel Sene 310 Müdîr-i Eytâm (İmza)
Rabetiye Mahallesi’nden ve devlet-i âliyye Teba’asından Kazan oğlu Kontrasi Vasili (İmza)
Lira 100 guruşdan olarak meblağ-ı mecmû’-ı mezkûrun ahd-ı hümâ âherin zimmetine lâzım gelen meblağa (dahi) kefîl ve zâmin olmak üzere biz dahi kefîl ve zâmin olduğumuzu işbu mahale şerh verilerek imza ve temhîr kılındı.
Fî 10 Teşrîn-i sânî Sene 308
Timurcu Süleyman Mahallesi’nden Yüzbaşı Abdullah Ağazâde Tevfik Ağa (Mühür)
Câmi-i Cedîd Mahallesi’nden Teba’a-i devlet-i âliyyeden Kostrid oğlu Hacı Penairi Kunduracı (İmza)
Takrîrleri alınmışdır.
Fî 10 Teşrîn-i sânî Sene 308 (İmza)
Hüküm 27
Zikr-i âtî meblağı li-ecli’l-idâne kıbel-i şer’den vasî ta’yîn olunan eytâm müdîri İzzet Efendi yedinden lira 100 guruşdan (olarak) 5148 guruş müteveffâ Uğurlu Köyü Karyesi’nden Hacı Mehmed Ağa ibn-i Mustafa’nın sagîre kerîmeleri kızı karındaşlarım Hadice ve Şerîfe mâl(lar)ından istidâne ve kabz eyledim meblağ-ı mezkûrun 1 senelik devr-i şer’isi olan 617 guruş 30 para ki cem’ân 5765 guruş 30 para zimmetimde lira 100 guruşdan olarak vâcibü’l-edâ deynim olduğu işbu mahale zabt kılındı.
Fî 3 Cemâziye’l-âhir Sene 310 Müdîr-i Eytâm (İmza)
Eytâm-ı merkûmanın karındaşı Ali Ağa ibn-i el-merkûm Hacı Mehmed Ağa bin Mustafa (Mühür)
Lira 100 guruşdan olarak meblağ-ı mecmû’-ı mezkûra ve ahd-ı hümâ âherin zimmetine lâzım gelen meblağa dahi kefîl ve zâmin olmak üzere biz dahi kefâlet-i âmme ile kefîl ve zâmin olduğumuzu müşar işbu mahale şerh verilerek temhîr kılındı.
(Pul)
Uğurlu Karyesi’nden Ahmed bin Mehmed Efendi (Mühür) Uğurlu Karyesi’nden Konyalı oğlu Yusuf bin Abdullah (Mühür) Karye-i mezkûrdan Mehmed Onbaşı oğlu Ali (Mühür) Takrîrleri alınmışdır.
Fî 11 Teşrîn-i sânî Sene 308 (İmza)
10/2 Hüküm 28
İstavruz Karyesi’nden müteveffâ pederim Tobal Ali eytâmı Feyzullah ve Tevfik ve Hadice’nin li-ecli’l-idâne (kıbel-i şer‘den) vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak 10420 buçuk guruş istidâne ve kabz eyledim meblağ-ı mezkûrun 2 senelik devr-i şer’isi olan 2501 guruş ki cem’ân lira 100 guruşdan (olarak) 12921 buçuk guruş zimmetimde karındaşlarım sagîrûn-ı merkumûna vâcibü’l-edâ ve lâzımü’l-kazâ deynim olduğu işbu mahale zabt olunarak temhîr kılındı.
Fî 3 Cemâziye’l-evvel Sene 310 Müdîr-i Eytâm (İmza)
Karye-i mezkûrdan Tobal Ali oğlu Kerim (Mühür)
Meblağ-ı mecmû’-ı mezkûr 12921 buçuk guruşa Lira-i Osmanî 100 guruşdan olarak ve ahd-ı hümâ âherin zimmetine lâzım gelen meblağa dahi kefîl ve zâmin olmak üzere tarafeynden bi’l- emr ve’l-kabûl biz dahi kefâlet-i âmme ile kefîl bi’l-mâl ve zâmin olduğumuzu müş’âr işbu mahale şerh verilerek temhîr kılındı.
Fî 11 Teşrîn-i sânî Sene 308 (3 Pul)
Timurcu Kara Mahallesi’nden Bayram oğlu Mehmed Ağa bin el-merkûm Bayram (2 Mühür) Timurcu Kara Mahallesi’nden Çullu oğlu Mustafa Ağa bin Mustafa (Mühür)
Yine mahalle-i mezkûrdan Ayan oğlu Ali Ağa bin Mustafa Ağa (Mühür) Takrîrleri ahz olunmuşdur.
Hüküm 29
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak müteveffâ Kızıl Harım Mahallesi’nden Bulgurcu Hacı Abdullah eytâmı Mahmud mâlından 631 guruş 15 para ve Timurcu Kara Mahallesi’nden Müderriszâde Hüseyin Hafız eytâmı Ahmed mâlından 1019 guruş 35 para ve Has Balaban Mahallesi’nden müteveffiyye Dilber Hanım eytâmı Melek Hanım mâlından 3261 guruş 30 para ve Has Balaban Mahallesi’nden Hacı Süleyman Bey eytâmı Mehmed Bey ve Şerîfe Hanım mâlından 3019 guruş 20 para ve Aksekili müteveffâ Mahmud oğlu Yusuf Hace’nin terekesi esmânından 753 guruş 18 para ve müteveffâ Bahçıvan Hacı Ömer oğlu İbrahim eytâmı Hasan ve Hüsnü mâlından 700 ve Şerbetçi Ali karındaşı oğlu Ali ve kızı Ayşe mâlından 1673 guruş 15 para ve Andiyalı müteveffâ Ayan Hasan eytâmı İbrahim mâlından 975 buçuk guruş ki cem’ân 12034 guruş 33 para istidâne ve kabz eyledim meblağ-ı mezkûrun 5 senelik devr-i şer’isi bulunan 7220 guruş 17 para ki cem’ân Lira-i Osmanî 100 guruşdan olarak 19255 guruş 10 para zimmetimde vâcibü’l-edâ deynim olub meblağ-ı mecmû’-ı mezkûr mukâbilinde bâ-sened hâkanî mutasarrıf olduğum Bucak Nâhiyesi’ne tâbi Kökaz Çiftliği’nde vâki tarafları Müezzin Ali ve Ali Ağa tarlaları ve cebel ve Veli ile mahdûd tahmînen bir kıt’ada 50 ve yine tarafları sahib-i sened tarlaları ve Kökaz Çiftliği cebeli ve Geyik ve Şehriman altı ile mahdûd tahmînen bir kıt’ada 600 dönümki cem’ân 2 kıt’ada 650 dönüm arazilerimizi müdîr-i vasî-i mûmâileyhe vefâ-ı bey’ ve tefvîz eylediğimde mûmâileyh dahi tezevvüc ve kabul idub ben deynim bulunan meblağ-ı mecmû’-ı mezkûru müddet-i mezkûre tamamında edâ ve ifâ idemediğim halde mezkûr arazilerimizi usûlü vechile bey’ ve ferâğ-ı ve kabz-ı bedele ve makbûzundan deyn-i mezkûremi edâya ve fazla kalur ise tarafıma i’tâya âheri dahi tevkîyle me’zûn olmak üzere müdîr-i vasî-i mûmâileyhi vekâlet devriyye-i sahîha-i şer’iyye ile vekîl ve nâ’ib-i menâb
11/1
nasb ve ta’yîn eylediğimde mûmâileyh dahi kabul ve hizmetü’l- lazimesini kema-yenbagî edâya ta’ahhüd ve iltizâm eylediği işbu mahale zabt kılındı.
Fî 18 Cemâziye’l-evvel Sene 310 Müdîr-i Eytâm (İmza)
Medyûn-ı mûmâileyh müddet-i mezkûre tarafından*
meblağ-ı mecmû’-ı mezkûru edâ idemeyubda vefâ-ı ferâğ-ı olunmuş olan mezkûr arazi bey’ olunarak bedel-i kifâyet itmediği sûretde noksanı tarafımızdan îfâ olunmak ve ahd-ı hümâ âherin zimmetine lâzım gelen meblağa dahi kefîl ve zâmin olmak üzere tarafeynden bi’l-emr ve’l-kabûl biz dahi kefâlet-i âmme ile kefîl ve zâmin olduğumuzu işbu mahale şerh verilerek temhîr kılındı.
Fî 25 Teşrîn-i sânî Sene 308 (silik) (Mühür)
Has Balaban Mahallesi ahalisinden ve meclis-i bidâyet azası Salih Efendizâde (Mühür) Kızıl Saray Mahallesi’nde sâkin nüfûs memuru Süleyman Faik bin Hasan Tevfik (Mühür) Takrîrleri alınmışdır.
Fî 25 Teşrîn-i sânî Sene 308 (İmza)
Hüküm 30
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak Tuzcular Mahallesi’nden müteveffâ Hacı Süleyman Bey eytâmı Mehmed Bey ve Şerîfe Hanım mâlından 4739 (guruş) 10 para ve Müminler Mahallesi’nden müteveffâ Çerci Hacı Abdullah eytâmı Hasan ve Hüseyin mâlından 558 guruş 10 para ve Hacı Süleyman Bey eytâmı akçesinden 1219 guruş 20 para ve Kışlalı Çilingir Ali oğlu Hasan mâlından 638 guruş 15 para ve müteveffâ Karîr Mehmed Efendi’nin sagîre kerîmesi Hanife mâlından 277 guruş 35 para ve Timurcu Süleyman Mahallesi’nden Molla Hasan kızı Fatma eytâmı Şerîfe mâlından 638 ve Hatib Mevlüd Efendi eytâmı Habib ve