Divan Piri Mahallesi’nden Börekci Hacı Osman oğlu Mehmed Ağa (Mühür)
Timurcu Süleyman Mahallesi’nden Kuzu Müezzin oğlu Berber Ahmed Usta bin Ali (Mühür) Meydan Mahallesi’nden Melace oğlu Berber Hasan Usta bin Hüseyin (Mühür)
Takrîrleri alınmışdır. Fî 31 Ağustos Sene 309 Nâ’ib-i Antalya (Mühür)
Hüküm 59
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri İzzet Efendi yedinden Lira-i Osmanî 100 guruşdan olarak vasî olduğu Has Balaban Mahallesi’nden müteveffâ Mustafa Nafiz Efendi’nin sagîre kerîmesi Melek Hanım mâlından 2000 guruş istidâne ve kabz eyledim meblağ-ı mezkûrun 2 senelik devr-i şer’isi olan 480 guruş ki ciheteyn- i mezkûreteynden cem’ân 2480 guruş zimmetimde vâcibü’l-edâ ve lâzımü’l-kazâ deynim olub meblağ-ı mecmû’-ı mezkûr mukâbilinde bâ-sened hâkanî mutasarrıf olduğum Medine-i Antalya’nın Makbule Mahallesi’nde vâki bir tarafı Altı Parmak hanesi ve bir tarafı Tekeli hanesi ve bir tarafı Penairî Ağa ve bir tarafı tarîk-i âmm ile mahdûd bir bâb hânemi müdîr-i mûmâileyhe vefâ-ı ferâğ-ı ve tefvîz eylediğimde mûmâileyh dahi kabul idub
20/1
ben deynim bulunan meblağ-ı mecmu'u mezkûru müddet-i mezkûre tamamında edâ ve îfâ idemediğim halde mezkûr hâne bey’ olunarak semeni ahz ve kabza ve memuru huzurunda muamelan takrîrini dahi ifaya ve husûs-ı mezkûrun mütevâkıf olduğu umûrun külliyyesini tesviye ve âheri dahi tevkîyle me’zûn olmak üzere tarafımdan müdîr-i mûmâileyhi vekâlet-i devriye ile tevkil eylediğim işbu mahale zabt kılındı.
Fî 7 Cemâziye’l-evvel Sene 311 Müdîr-i Eytâm (İmza)
Makbule Mahallesi’nden Satr oğlu Kostra veledi Nikos (İmza)
Ahd-ı hümâ âherin zimmetine lâzım gelen meblağa dahi kefîl ve zâmin olmak üzere tarafeynden bi’l-emr ve’l-kabûl biz dahi meblağ-ı mecmû’-ı mezkûra kefîl ve zâmin olduğumuzu müş’âr işbu mahale şerh verilerek vaz’ imza kılındı.
Fî 7 Cemâziye’l-âhir Sene 311 (Pul)
Pehlivan oğlu Entasi (İmza)
Rabetiye Mahallesi’nden ve yine Teba’a-i devlet-i âliyyeden Tenekeci Penairî veledi Hacı Anton
(İmza) Şuhûdü’l-hâl
Evkâf müdîri izzetlu Şevket Bey
Defter-i hâkanî memuru kıymetli İbrahim Nazım Efendi Virgü memuru ref’etlü Efendi
Tapu kâtibi Mehmed Ali Efendi Takrîrleri alınmışdır.
Fî 7 Cemâziye’l-âhir Sene 311 Nâ’ib-i Antalya (İmza)
Hüküm 60
Fî 24 Cemâziye’l-evvel Sene 307 tarihi ve 135 numaralu bir kıt’a idâne hücceti mûcibince Lira- i Osmanî 100 guruşdan olarak Murtanalı Eciş oğlu Ahmed’in sagîr oğlu Mustafa akçesinden 7000 ve Has Balaban Mahallesi’nden Memiş Kanî Efendi’nin sagîre kızı Mümine akçesinden 6802 guruş 35 para ve Takyeci Mahallesi’nden Yusuf Efendi kerîmesi Meryem Hatun eytâmı Yusuf ve Mehmed ve Vesile mâllarından 1282 guruş 10 para cem’ân 15085 guruş 5 para istikraz ve kabz ile 2 sene tamamına değin müeccel olmak üzere oluk*
emvâl-i eytâm müdîri yedinden iştirâ’ ve kabz eylediğim bir cild Ali Efendi Fetâvâsı semeninden dahi 3620 guruş 15 para ki cem’ân 18705 buçuk guruş mukâbilinde mutasarrıf olduğum Teşvikiye Mahallesi’nde vâki bir tarafı yine tarlam olan harem düzinesi ve bahçesi ve etrafı sülüsesi tarîk-i âmm ile mahdûd selâmlık be-tabir olunur 4 oda ve bir adancana hizasında bulunan müferrez eşcâr-ı müsmire ve gayr-i müsmireli hâvî tahmînen bir buçuk dönüm mikdarı bahçe ve 2 kanad zokak kapusunu müştemil mâ-bahçe-i menzili vefâ-i bey’ ve tefvîz itmişdim meblağ-ı mezkûrun bil’â devr nemâ olub kabulüm olan 3141 guruş 15 para ki cem’ân 21846 guruş 35 para zimmetimde vâcibü’l-edâ deynim olarak merkûm Eciş oğlu eytâmı
20/2
akçesinden 984 ve Mehmed Efendi kerîmesi Mümine akçesinden 530 buçuk ve Meryem Hatun eytâmı akçesinden 235 buçuk guruş ki cem’ân 1750 guruş nıfz olarak eytâm sandığına mukaddemâ teslim eylediğim misillü rub’ mülzem mezkûrlardan emvâl-i eytâm müdîri bulunan
Ömer Arif Efendi’nin ber-mûcibi kânûn aidâtı olub teslim eylediğim 169 guruş ki cem’ân 1919 guruş bi’t-tenzil bâkî Lira-i Osmanî 100 guruşdan olarak zimmetimde Eciş oğlu eytâmı akçesinden 9074 ve Mehmed Efendi eytâmı akçesinden 9289 ve Meryem eytâmı akçesinden 1564 guruş 35 para ki cem’ân 19927 guruş 35 para sagîrûn-ı merkummuna vâcibü’l-edâ deynim olub meblağ-ı mezkûr ile semen-i işbu tarihden itibaren 3 sene tamamına değin müeccel ve mev’ûd olmak üzere sagîrûn-ı merkûmun içun li’ecli-l-idâne kıbel-i şer’den vasî ta’yîn olunan müdîr-i mûmâileyh Arif Efendi yedinden iştirâ’ ve kabz eyledim 1 cild Ali Efendi Fetâvâsı semeninden dahi 7173 guruş 30 para ki ciheteyn-i mezkûrteteynden cem’ân 27101 guruş 25 para zimmetimde vâcibü’l-edâ deynim olub meblağ-ı mecmu-ı mezkûrun 5 sene sülüsünü eytâm sandığına edâ ve teslim ideceğim misillü vefâ-ı ferâğ-ı etmiş olduğum ma- bahçe-i mezkûr menzilimi dahi kel-evvel müdîr-i mûmâileyhe vefâ-ı bey’ ve tefvîz (eylediğimde) mûmâileyh dahi tezevvüc ve kabul idub ben deynim bulunan meblağ-ı mecmu-ı mezkûru müddet-i mezkûre tamamında te’diye idemediğim halde mâ-bahçe-i selâmlık tabir olunur mezkûr-ı menzilimi tâlibine usûlü vechile ferâğ-ı ve kabz-ı semene ve semeninden deynim bulunan meblağ-ı mecmû’-ı mezkûru edâya ve fazla kalur ise tarafıma i’tâya ve husûs-ı mezkûrun mütevâkıf olduğu umûrun külliyyesini tesviye ve rü’yete icraya dahi tevkîyle me’zûn olmak üzere müdîr-i vasî-i mûmâileyhi vekâlet-i devriyye-i sahîha şer'i ile vekîl ve nâ’ib-i menab-ı nasb ve ta’yîn eylediğimde mûmâileyh dahi kabul eylediği işbu mahale şerh ve temhîr kılındı.
Fî 7 Cemâziye’l-evvel Sene 311 ve Fî 4 Teşrîn-i sânî Sene 309 Müdîr-i Eytâm (İmza)
(İmza)
Vefâ-ı ferâğ-ı olunmuş olan mâ-bahçe-i menzili mezkûr müddet-i mezkûr hitâmında te’diye deyni olunmayubda bey’ ve ferâğ-ı olunarak deyn-i meblağ-ı mecmû’-ı mezkûra kifâyet itmediği sûretde noksanı tarafımızdan tesviye olunmak ve ahd-ı hümâ âherin zimmetine lâzım gelen meblağa dahi kefîl ve zâmin olmak üzere işbu mahale şerh verilerek vaz’ imza ve temhîr kılındı.
Fî 7 Cemâziye’l-âhir Sene 311 (Pul)
(silik)
Tuzcular Mahallesi’nden Edib Mehmed Efendizâde (İmza) Ber-vech-i muharrer takrîrleri alınmışdır.
Fî 7 Cemâziye’l-âhir Sene 311 Nâ’ib-i Antalya (İmza)
21/1 Hüküm 61
Antalya’nın Tuzcular Mahallesi’nden Hacı Ahmed bin Zabitiye Hacı Mehmed meclis-i şer’imizde Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri Ömer Arif Efendi ibn-i Mehmed mahzarında müdîr-i mûmâileyh vasî olduğu Has Balaban Mahallesi’nden müteveffâ Mustafa Nafiz Efendi’nin sagîre kerîmesi Melek Hanım mâlından Lira-i Osmanî 100 guruşdan (olarak) 7349 guruş bana idâne ve teslim eylediğinde ben dahi istidâne ve kabz idub meblağ-ı mezkûrun 2 senelik devr-i şer’isi olan 1763 guruş 30 para ki cem’ân 9112 guruş 30 para sagîre-i mezbûreye zimmetimde vâcibü’l-edâ deynim olub meblağ-ı mecmû’-ı mezkûr mukâbilinde zikr olunan Tuzcular Mahallesi’nde kâin bâ-sened hâkanî mutasarrıf olduğum tarafları Boyacı Yusuf ve Bayrakdar Hasan ve Yağıcı Mehmed ve tarîk-i âmm ile mahdûd malûmü’l-müştemilât bir bâb mülk-i menzilde olan nıfz-ı hisse-i şayîam ile İstanos’da Kışla Karyesi’nde kâin tarafları Salih Bey ve Mehmed Ağa ve Manav Yusuf ve Kara Molla ve Kudret Kâmile menzil ve bahçeleri ve tarîk-i âmm ile mahdûd kezâlik malûmü’l-müştemilât 6 dönüm eşcâr-ı müsmire ve gayr-i müsmireli havî bir bâb mâ-bahçe-i mülk-i menzilin nıfz-ı pederim müteveffa-i mezbûr Zabitiye Hacı Mehmed’in âle’l-vefat yedinde malı olub vefatıyla yeri arz-ı mera olduğu cihetle müstakillen ve mülk olan enbiya ve eşcârından 8 sehmde 7 sehm bana mevrûs ve müstakil bulunduğu cihetle işbu hissemi dahi müdîr-i vasî-i mûmâileyh vefâ-ı bey’ ve tefvîz eylediğimde mûmâileyh dahi kabul idub yine meblağ-ı mecmû’-ı mezkûru müddet-i mezkûre tamamında te’diye ve teslim idemeyeceğim halde mezkûr nıfzlarımı usûlü vechile bey’ ve kabz-ı semene ve makbûzundan deyn-i mezkûremi ahz ve kabza ve fazla kalur ise tarafıma i’tâya ve husûs-ı mezkûrun mütevâkıf olduğu umûrun külliyyesini tesviye ve rü’yete tarafeynden mûmâileyh Arif Efendi’ye vekâlet-i devriyye-i sahîha-i şer’iyye ile vekîl ve nâ’ib-i menâb nasb ve ta’yîn eylediğimde mûmâileyh dahi kabul eylediği işbu mahale şerh verilerek zabt kılındı.
Fî 20 Cemâziye’l-evvel Sene 311 Müdîr-i Eytâm (İmza)
Tuzcular Mahallesi’nden Zabitiye Hacı Mehmed oğlu Hacı Ahmed (Mühür)
Ahd-ı hümâ âherin zimmetine lâzım gelen meblağa dahi kefîl ve zâmin olmak üzere tarafeynden bi’l-emr ve’l-kabûl Lira-i Osmanî 100 guruşdan olarak meblağ-ı mecmû’-ı mezkûr 9112 guruş 30 paraya biz dahi kefîl bi’l-mâl ve zâmin olduğunu işbu mahale şerh verilerek zabt kılındı.
(2 Pul)
Ahi Yusuf Mahallesi’nden Hacı İbrahim Ağazâde (İmza) Medyunun vâlidesi Hacı Hadice bin Ömer (İmza)
Kıymetlu tekâüd Yusuf Tal’at Efendi Kıymetlu Hacı Ali Rıza Efendi Yamancızâde Osman Efendi İcra memuru İsmail Bey Saatci Hacı Hafız Efendi
Ber-vech-i muharrer takrîrleri alınmıştır. Fî 20 Cemâziye’l-evvel Sene 311
Nâ’ib-i Antalya (İmza)
21/2 Hüküm 62
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri Ömer Arif Efendi yedinden Lira-i Osmanî 100 guruşdan olarak Has Balaban Mahallesi’nden müteveffâ Mustafa Nafiz Efendi’nin sagîre kerîmesi Melek Hanım mâlından 21000 guruş bize idâne ve teslim eylediğinde biz dahi yedinden istidâne ve kabz ve umûrumuza sarfla istihlâk idub meblağ-ı mezkûr ile semeni işbu tarih-i hüccetden 3 sene tamamına değin müeccel ve mev’ûd olmak üzere müdîr-i vasî-i mûmâileyh yedinden iştirâ’ ve kabz eylediğimiz bir Ali Efendi Fetâvâsı semeninden dahi 7560 guruş ki ciheteyn-i mezkûreteynden cem’ân Osmanî altun-i 100 guruşdan olarak zimmetimde 28560 guruşa sagîre-i mezbûreye vâcibü’l-edâ deynimiz olub ahd-ı hümâ âherin zimmetine lâzım gelen meblağa dahi tarafeynden bi’l-emr ve’l-kabûl kefîl ve zâmin olduğumuzdan mâada meblağ-ı mecmû’-ı mezkûr mukâbilinde bâ- sened hâkanî müştereken mutasarrıf olduğumuz Sağır Bey Mahallesi’nde vâki tarafları Baş Hafız ve Mustafa Çavuş menzilleri ve tarîk-i âmm ile mahdûd malûmü’l-müştemilât mâ-bahçe- i bir bâb mülk-i menzilimi mûmâileyhe vefâ-ı bey’ ve tefvîz eylediğimizde mûmâileyh dahi tezevvüc ve kabul idub biz deynimiz bulunan meblağ-ı mecmu'u mezkûru müddet-i mezkûr hatminde teslim eylediğimizde vefâ-ı ferâğ-ı etmiş olduğumuz deyn-i mezkûremizi mâ-bahçe usûlü vechile bey’ ve kabz-ı semene ve makbûzundan deyn-i mezkûremizi edâya ve fazla kalur ise tarafımıza i’tâya âheri dahi tevkîyle me’zûn olmak üzere vekâlet-i devriyye-i sahîha şer'i ile müdîr-i vasî-i mûmâileyhi vekîl ve nâ’ib-i menab-ı nasb ve ta’yîn eylediğimizde mûmâileyh dahi kabul eylediği işbu mahale şerh verilerek temhîr kılındı.
Beyşehir muhâcirlerinden olub Antalya’nın Sağır Bey Mahallesi’nde sâkin Ali Beyzâde (İmza- mühür)
Ali Beyzâde (İmza-mühür) Takrîrleri ahz olunmuşdur. Fî 3 Cemâziye’l-âhir Sene 311 Naib’ül-Antalya (İmza)
Yine mâ-bahçe-i menzil-i mahdûd mezkûremi müstahâk çıkacak olur ise menzil-i mezkûrun eytâm sandığına istirbâh olunmakda olan 210 liraya deyn-i mezkûr mukâbil ahz ve kabza itmek emrinde müdîr-i mûmâileyhe emr ve havale eylediğimizde ol dahi kabul eylediği gibi vekâlet-i devriye ile dahi mûmâileyh vekîl bulunmakla umumu hakkında âheri dahi tevkîyle me’zûn eyledik.
Fî 3 Cemâziye’l-âhir Sene 311 Muhacir Beyşehir (İmza-mühür) Ali Beyzâde (İmza-mühür)
İşbu takrîrleri dahi ahz olunmuşdur. Fî 3 Cemâziye’l-âhir Sene 311 Nâ’ib-i Antalya (İmza)
Meblağ-ı mecmû’-ı mezkûr tarafeynden bi’l-emr ve’l-kabûl ve’l-ademi gaîbi ân’il-meclis Ayan Ağa kerîmesi Adile Hanım’la yekdiğerin zimmetine lâzım gelen meblağa dahi kefîl ve zâmin olmak üzere kefîl olduğum işbu mahale şerh verilerek vaz’ imza ve temhîr kılındı.
Fî 3 Cemâziye’l-âhir Sene 311
Tahıl Pazarı Mahallesi’nden Hüseyin Beyzâde (İmza) Hakkı Müderriszâde Yusuf Tâl’ât Efendi
Defter-i hâkanî memuru İbrahim Nazım Efendi Meclis-i idâre azasından Yamancızâde Osman Efendi Mahkeme-i Başkâtibi Ahmed Efendi
Tapu Kâtibi Mehmed Ali Efendi Takrîrleri alınmışdır.
Fî 30 Teşrîn-i sânî Sene 309 Nâ’ib-i Antalya (İmza)
22/1 Hüküm 63
Meblağ-ı mecmû’-ı mezkûrumuz müteveffâ Salih Bekir Bey zimmetinde olan 28560 guruşa hazır bi’l-meclis oğlum Halil Bey ile ahd-ı hümâ âherin zimmetine lâzım gelen meblağa dahi kefîl ve zâmin olmak üzere tarafeynden bi’l-emr ve’l-kabûl kefîl ve zâmin olduğumuzu cânib-i şer’i enverden mezunen irsâl olunan (mahkeme-i) şer’iyye Başkâtibi Hüseyin Hüsnü Efendi’nin Tahıl Pazarı Mahallesi’nde vâki hânemizde zeyl-i hüccetde mezkûru’l esâmî-i müslimîn mahzarında akd eylediği meclis-i şer’ide ketb ve tahrîr ile işbu mahale şerh verilerek temhîr kılındı.
Fî 30 Teşrîn-i sânî Sene 309
Tahıl Pazarı Mahallesi’nden Ayan Ağa kerîmesi Adile Hanım ibneti Hacı Mehmed Ağa (Mühür)
Hüseyin Beyzâde (İmza)
Mezbûrenin zâtı taraflarımızdan ba’de-t-tarîf ber-vech-i muharrer takrîrleri huzurumuzda ahz olunduğu tasdîk kılındı.
Fî 30 Teşrîn-i sânî Sene 309
Muhtar Yusuf Onbaşı ibn-i Mehmed (Mühür) Beyşehirli Ciran Ağa ibn-i Hüseyin (Mühür) İnha olunmuşdur.
Fî 30 Teşrîn-i sânî Sene 309 Nâ’ib-i Antalya (İmza)
Hüküm 64
Zikr-i âtî meblağı li-ecli’l-idâne kıbel-i şer’den vasî ta’yîn olunan emvâl-i eytâm müdîri Arif Efendi yedinden Osmanî altun-i 100 guruşdan olarak İstavruz Karyesi’nden Tobal Ali eytâmı Feyzullah ve Tevfik ve Hadice mâlından 2296 ve müteveffâ Mevlüd Efendi eytâmı mâlından 1500 ve Sağır Bey Mahallesi’nden müteveffâ Ahmed Pertev Efendi eytâmı Ali Rıza ve Vehbiye mâlından 117 ve Telgraf müdîri Süleyman Efendi zevcesi Emine’nin verese-i gaîb akçesinden 83 guruş ki cem’ân 4000 guruş istidâne ve kabz eyledim meblağ-ı mezkûrun 2 senelik devr-i şer’isi olan 960 guruş ki cem’ân 4960 guruş Osmanî altun-i 100 guruşdan (olarak) zimmetimde vâcibü’l-edâ deynim olub meblağ-ı mecmû’-ı mezkûr mukâbilinde bâ- sened hâkanî mutasarrıf olduğum Makbule Mahallesi’nde vâki 12000 guruş kıymetli tarafları Kırmızı oğlu Hacı Mihail ve Kunduracı Hacı İsbir ve Yani menzilleri ve tarîk-i âmm ile
mahdûd malûmü’l-müştemilât bir bâb mülk-i menzilimi dahi müdîr-i vasî-i mûmâileyhe vefâ-ı bey’ ve tefvîz eylediğimde mûmâileyh dahi tezevvüc ve kabul idub ben deynim bulunan meblağ-ı mecmu'u mezkûru müddet-i mezkûre tamamında edâ ve îfâ idemediğim halde hane-i mezkûreyi usûlü vechile bey’ ve ferâğa ve kabz-ı semene ve bedele ve makbûzundan deyn-i mezkûremi edâya ve fazla kalur ise tarafıma i’tâya âheri dahi tevkîyle me’zûn olmak üzere tarafımdan müdîr-i vasî-i mûmâileyhi vekâlet-i devriyye-i sahîha şer’i ile vekîl ve nâ’ib-i menâb nasb ve ta’yîn eylediğimde ol dahi kabul eylediği işbu mahale zabt kılındı.
Fî 7 Cemâziye’l-âhir Sene 311 Müdîr-i Eytâm (İmza)
Teba’a-i devlet-i âliyyenin Rum milletinden ve Makbule Mahallesi’nden Dülger Hacı Eser Usta veledi İstefan (Mühür)
Ahd-ı hümâ âherin zimmetine lâzım gelen meblağa dahi kefîl ve zâmin olmak üzere tarafeynden bi’l-emr ve’l-kabûl biz dahi kefalet-i âmme-i mutlaka-i sahîha şer’i ile kefîl bi’l- mâl ve zâmin olduğumuzu müş’âr işbu mahale şerh verilerek vaz’ imza kılındı.
Fî 30 Teşrîn-i sânî Sene 309 (Pul)
Ahi Yusuf Mahallesi’nden (silik) Mehmed Efendizâde (İmza)
Mahalle-i mezkûrdan ve Teba’a-i devlet-i âliyyeden ve medyûn-ı merkûmun kayın pederi millet-i merkûmdan Keresteci Hacı Liguri Usta veledi Dimitri (Mühür)
Takrîrleri alınmışdır. Fî 30 Teşrîn-i sânî Sene 309 Nâ’ib-i Antalya (İmza)
22/2 Hüküm 65
Medine-i Antalya’nın Şeyh Sinan Mahallesi’nden ve zât-ı zeyl-i hüccetde mezkûru’l-esâmî-i müslimîn nevahisiyle maârife Fatma Hatun ibneti Alaiyeli Hacı Ahmed meclis-i şer’imizde mahalle-i mezkûrda sâkin iken bundan akdem vefat iden Çoban Hüseyin oğlu Hasan Hafız’ın sagîr oğulları Süleyman ve Mehmed’in li-ecli’l-idâne kıbel-i şer’den vasî ta’yîn olunan emvâl-i eytâm müdîri Arif Efendi ibn-i Mehmed mahzarında müdîr-i mûmâileyh sagîr oğullarım merkûmanın mâllarından Osmanî altun-i 100 guruşdan (olarak) bana 4926 guruş idâne ve teslim eylediğinde ben dahi yedinden istidâne ve kabz idub meblağ-ı mezkûrun 5 senelik devr-i
şer’isi olan 2955 guruş 25 para ki cem’ân 7881 guruş 25 para zimmetimde sagîran-ı merkûmana vâcibü’l-edâ deynim bulunduğu işbu mahale zabt kılındı.
Fî 5 Cemâziye’l-âhir Sene 311 Müdîr-i Eytâm (İmza)
Şeyh Sinan Mahallesi’nden Çoban Hüseyin oğlu müteveffâ Hasan Hafız zevcesi ve Feyzullah vâlideleri Hacı Ahmed kızı Fatma (Parmak İşareti)
Mezbûrenin zâtı taraflarımızdan tarif olunmuşdur. Fî 5 Cemâziye’l-âhir Sene 311
Duman oğlu mübâşir Numân Ağa (Mühür) Hacı Muslah oğlu Mehmed Hafız (Mühür)
Ahd-ı hümâ âherin zimmetine lâzım gelen meblağa dahi kefîl ve zâmin olmak üzere meblağ-ı mecmû’-ı mezkûra tarafeynden bi’l-emr ve’l-kabûl biz dahi kefîl ve zâmin olduğumuzu müş’âr işbu mahale şerh verilerek temhîr kılındı.
Fî 2 Kânûn-i evvel Sene 309 (2 Pul)
Timurcu Kara Mahallesi’nden Hacı Ali Çavuş bin Hasan (Mühür) Şeyh Sinan Mahallesi’nden Yağıcı oğlu İbrahim Ağa bin Mehmed (Mühür) Şeyh Sinan Mahallesi’nden Çoban Hüseyin oğlu Mehmed Çavuş (Mühür) Şeyh Sinan Mahallesi’nden Çoban Hüseyin oğlu Hasan Hafız Şa’bân Müteveffa-i merkûm Hasan Hafız oğlu Hüseyin Hafız (Mühür)
Hasan Salih oğlu Şaban Takrîrleri alınmışdır. Fî 2 Kânûn-i evvel Sene 309 Nâ’ib-i Antalya (İmza)
23/1 Hüküm 66
Zikr-i âtî meblağı li-ecli’l-idâne kıbel-i şer’den vasî ta’yîn olunan Medine-i mezbûre emvâl-i eytâm müdîri Ömer Arif Efendi ibn-i Mehmed yedinden Lira-i Osmanî 100 guruşdan olarak müteveffâ Çıragöz oğlu Hacı Mehmed eytâmı Hüsnü ve Yusuf ve Ahmed mâllarından 500 ve Telgraf Müdîri Süleyman Efendi’nin zevcesi Emine Hanım’ın verese-i gaib akçesinden 419 guruş 10 para ve Mevlüd Efendi eytâmı akçesinden 9 ve Kiremitçi Alaiyeli Mustafa eytâmı
Ömer mâlından 325 ve Bulgurcu Hacı Abdullah eytâmı Mehmed mâlından 1146 ve Taş Köprülü Bedel İsmail’in verese-i gaîb akçesinden 945 guruş 7 para ve müteveffâ Nafiz Efendi eytâmı Melek Hanım mâlından 1655 guruş 8 para ki cem’ân 5000 guruş istidâne ve kabz eyledim meblağ-ı mezkûrun 2 senelik devr-i şer’isi olan 1200 guruş ki cem’ân Lira-i Osmanî 100 guruşdan (olarak) 6200 guruş zimmetimde sagîrûn-ı merkûmuna vâcibü’l-edâ deynim olub meblağ-ı mecmû’-ı mezkûr mukâbilinde bâ-sened hâkanî mutasarrıf olduğum Yazır Karyesi’ne tabî Gölcük nâm mahallede vâki bir tarafı tarîk ve etrafı sülüsesi sahib-i sened ile mahdûd bir bâb kahvehâne mâ-âhûr müdîr-i mûmâileyhe vefâ-ı bey’ ve tefvîz eylediğimde mûmâileyh dahi tezevvüc ve kabul idub ben deynim bulunan meblağ-ı mecmu'u mezkûru müddet-i mezkûre tamamında edâ ve îfâ idemediğim halde mâ-âhûr kahvehane-i mezkûremi usûlü vechile memur-ı marifetiyle bey’ ve ferâğa ve kabz-ı semen(e ve) bedele ve makbûzundan deyn-i mezkûremi edâya ve fazla kalur ise tarafıma i’tâya âheri dahi tevkîyle me’zûn olmak üzere tarafımdan mûmâileyhi vekâlet-i devriyye-i ile tevkil eylediğimde ol dahi kabul eylediği işbu (mahale) zabt kılındı.
Fî 11 Cemâziye’l-evvel Sene 311 Müdîr-i Eytâm (İmza)
Kiçi Balî Mahallesi’nden olub İstanos Karyesi’ne tabî Havacızâde Ahmed Rasim Efendi ibn-i İsmail Efendi ibn-i Ahmed (Mühür)
Ahd-ı hümâ âherin zimmetine lâzım gelen meblağa dahi kefîl ve zâmin olmak üzere tarafeynden bi’l-emr ve’l-kabûl biz dahi meblağ-ı mecmû’-ı mezkûra kefîl bi’l-mâl ve zâmin olduğumuz işbu mahale şerh verilerek temhîr kılındı.
Fî 11 Cemâziye’l-evvel Sene 311 (Pul)
Kızıl Saray Mahallesi’nden Fenerzâde Murad Hafız ibn-i Hafız Hüseyin (Mühür) Şeyh Sinan Mahallesi’nden Kasab Hacı Eyüb oğlu Ali Çavuş
Hacı Yusuf oğlu Ali Çavuş (Mühür) Takrîrleri alınmışdır. Fî 8 Kânûn-i evvel Sene 309 (İmza)
23/2 Hüküm 67
Medine-i Antalya Nevahisi’nden Serik Nâhiyesi Kazâsı’ndan Zaîmler Karyesi sâkinelerinden ve zât-ı zeyl-i hüccetde mezkûru’l esâmî-i müslimîn marifetiyle maarîfe Emine Hatun ibneti
Mehmed meclis-i şer’imizde karye-i mezkûrede sâkin iken bundan akdem vefat iden Hacı Mehmed Ağa bin Hüsnü’nün sagîr oğulları Seyfullah ve Mustafa ve Hüseyin’in li-ecli’l-idâne kıbel-i şer’den vasî ta’yîn olunan emvâl-i eytâm müdîri Ömer Arif Efendi ibn-i Mehmed mahzarında müdîr-i mûmâileyh sagîr oğullarım merkûmunun mâllarından Lira-i Osmanî 100 guruşdan bana 22806 guruş 10 para idâne ve teslim eylediğinde ben dahi yedinden istidâne ve kabz edub meblağ-ı mezkûrun 5 senelik devr-i şer’isi olan olan*
13583 guruş 10 para ki cem’ân 36489 guruş 20 para zimmetimde sagîrûn-ı merkûmuna vâcibü’l-edâ deynim olduğu işbu mahale zabt kılındı.
Fî 16 Cemâziye’l-âhir Sene 311 Müdîr-i Eytâm (İmza)
Zaîmler Karyesi’nden müteveffâ Hacı Mehmed Ağa zevcesi ve sagîrunun vâlideleri Mehmed kızı Emine Hatun (2 Mühür)
Mezbûrenin zâtı taraflarımızdan tarif olunmuşdur.