emr-i şerîfim mûcebince amel olunmak içün hüküm yazılmışdır.
Fî evâhiri Ca. sene 1100.
169
Zâyiʻden bir kıtʻa dahi yazılmışdır. Fî evâili C. sene [1]100.
Şumnu kādîsına ve mâl-ı mîrî tahsîldârına hüküm ki,
Kazâ-i mezbûrdan bundan akdem tahsîli fermânım olan mâl-ı mîrî tahsîline kazâ-i mezbûr sâkinlerinden baʻzı kimesneler mâni„ olmalarıyla bu âna gelince cem„ ve tahsîl olunmadığı mesmûʻ-ı hümâyûnum olmağın imdi sen ki kādî ve mûmâ-ileyhsin emr-i şerîfim vardığı tahsîli fermânım olan mâl-ı mîrînin tahsîline muhâlefet edenler her kim ise ism ü resmleriyle vukū„ı yazıp rikâb-ı hümâyûnuma arz ve i„lâm eyleyesiz deyü hüküm yazılmışdır.
Fî evâhiri Ca. sene [1]100.
170
Selanik muhâfazasında Vezîr İsmâʻîl Paşa'ya ve Selanik kādîsına hüküm ki,
Kabanya? piskoposu Agyasor ve Kostantin ve Hasanik? ve Yorgi nâm zımmîler gelip mezbûrlar Selanik metropolidi mahsûlü cem„ine vekâleten meʼmûr olup kimesnenin deynin edâya vekîller olmayıp ve kefîl olmuş değiller iken ba„zı kimesneler mücerred ta„cîz içün bizim hâlâ metropolid olan Makodiyos ve sâbık metropolid olan Benoktoz? nâm râhibler zimmetlerinde olan akçeleri siz edâ edin deyü hilâf-ı şer„ rencîde etmeleriyle mahallinde şer„le görülmek içün şurûtuyla hüküm yazılmışdır.
Fî evâhiri Ca. sene 1100.
171
(…) ve (…) kādîlarına hüküm ki,
Osmân gelip mezkûr Maraş sancağında Zamantı kazâsında vâkı„ sâdât-ı ekrem kāimmakāmı olan Seyyid Hacı Mansur [zîdet] siyâdetuhû tarafından gelip nikābet husûsu içün nakībü'l-eşrefim tarafından mühürlü mektûb alıp ol tarafa gitmek murâd etmeğin dirliği olmamağla esnâ-i tarîkde mürûruna kimesne mâni„ olmaya deyü hüküm yazılmışdır.
155 172
İstanbul kāimmakāmına ve kādîsına hüküm ki,
Birinci bölüğün çorbacısı Mehmed gelip mahrûsa-i mezbûr sâkinlerinden Ahmed nâm yeniçeri zimmetinde bin doksan (...) senesinde cihet-i şer„den üç yüz elli guruş hakkı olup taleb eyledikde inkâr ve isbât etdikden sonra edâda ta„allül etmekle izn-i şer„le habs olmuşken tekrâr muhâlefet etmekle izn-i şer„le muhallefâtı fürûht olunup alıverilmek içün şurûtuyla hüküm yazılmışdır.
Fî evâhiri Ca. sene 1100.
173
(… ) kādîsına ve Tekfurdağı nâibine hüküm ki,
Seyyid Hasan ve Seyyid İbrahim gelip Tekfurdağı sâkinlerinden iken mürd olan Lahvaz nâm zımmî ile karındaşları Seyyid Mehmed'in bir menzil husûsu içün olan şer„î da„vâları içün bin doksan (…) senesinde kazaskerim huzûrunda ve sâir mahallerde defe„âtle mürâfa„a-i şer„ olduklarında üzerine bir nesne sâbit olmayıp da„vâsı lağv olmakla da„vâdan men„ oldukdan sonra mezkûr zımmî mürd olup evlâd-ı sıgārına vasiyyesi olan (…) nâm Nasrâniye ...? tekrâr da„vâya imâmet etmeğin mahallinde şer„le görülmek içün şurûtuyla yazılmışdır.
Fî evâhiri Ca. sene 1100.
174
Selanik muhâfazasında [olan] Vezîr Süleyman Paşa'ya ve Selanik kādîsına hüküm ki, Hâlâ Selanik metropolidi Benoktoz? nâm râhib gelip bin doksan dokuz senesinde Selanik metropolidi olan Benoktoz? nâm râhib âyinleri üzere İstanbul patriğine zeyt yağı akçesi nâmıyla yüz bin akçe verip ve Selanik piskoposlarından beherine verilen temessük mûcebince yüz bin akçeyi tahsîl eylediğinden gayrı on altı bin akçe ziyâde taleb ve ibtidâdiye? nâmıyla piskoposlardan altmış akçe isteyip ve cebren alıp ve bin yüz senesi cizyesi uhde[sinde] olmayıp bunun uhdesinde iken arz peydâ ve emr-i şerîfle mübâşir alıp buna ve piskoposlara gadr eylediğin bildirip tekrâr akçe talebiyle rencîde olunmayıp fukarâdan cebren fuzûlî aldığı akçe gerü ashâbına alıverilmek üzere şurûtuyla hüküm yazılmışdır.
156 175
Kapudan paşaya hüküm ki,
Ümerâ-i deryâdan Kapucuzâde Mehmed gelip mezbûrun bir mikdâr deyni olmağla bu sene-i mübârekede dâyinlerine bir şey verilmeyip sefînenin mühimmâtın tekmîl etmek üzere ashâb-ı hukūka taksît ile bin yüz senesinden iki yük akçe verilmek üzere hükm-i hümâyûnum recâ etmeğin sen ki vezîr-i müşârun-ileyhsin işbu sene-i mübârekede dâyinleri tarafından mîr-i mûmâ-mîr-ileyhden bmîr-ir akçe taleb olunmayıp ancak bmîr-in yüz senesmîr-inden beher sene dâymîr-inlermîr-ine ikişer yük akçe taksît ile edâ olunmak emrim olmuştur deyü yazılmışdır.
Evâhir-i Ca. sene 1100.
176
(… ) ve (….) kādîlarına ve Karıştıran ustasına hüküm ki,
Alvari? nâm zımmî arzuhâl edip bunun karındaşı oğlu Hıristo nâm zımmî Malkara kazâsına tâbiʻ İbrice nâm karye ile Hayrabolu kazâsına tâbiʻ Sarşab? nâm karye beyninde sığır raʻy ederken Mustafa nâm kimesnenin (...) (eksik hüküm)
177
Eğin kādîsına hüküm ki,
Sen ki kādîsın mektûb gönderip Eğin kasabasında Zülfikar nâm kimesne kendü mâlıyla binâ eylediği câmi„-i şerîfe vakf eylediği boyahâne mürtezikasından mütevellîsi olan Ali ve hatîb ve imâm ve sâir vazîfehârları kazâ-i mezbûreden el-Hâc Dayı Ömer nâm kimesne binâ edip vaʻaz ve tedrîs içün vakf eylediği boyahânenin mürtezikasından Vâ„iz Ebubekir ve Vâ„iz Ali ve Dersiâm Mehmed Fakih kasaba-yı mezbûrdan İbrahim nâm kimesne veresesi yedinde olan baʻzen vakıf baʻzen mülk olan boyahânenin hâlâ sâhibi olan oğulları Ömer ve İshak ve vazîfehârları ve kasaba-i mezbûr kurbunda Ilıca nâm karyede mezbûr Ömer binâ eylediği yine karye-i mezbûre cânibinde vaʻaz ve dersiâmlık içün vakf eylediği boyahânenin alâ-senedihî mürtezikası olan Vâ„iz ve Dersiâm Mehmed ve mütevellîsi İbrahim ve yine kasaba-i mezbûr kurbunda Kamerkab nâm karyede Osmân kendü mâlıyla binâ eylediği câmi„-i şerîfe vakf eyledcâmi„-iğcâmi„-i boyahâne alâ-senedcâmi„-ihî vazîfedârı olan İmâm ve Hatîb Mehmed meclcâmi„-is-câmi„-i şer„a varıp zikr olunan boyahâneler müteʻaddid olmağla vazîfelerine noksân ve evkāfa halel ve zarar müterettib olmağın bu vechile boyahâneler hacr olup kasaba-i mezbûrede Kazgancılar nâm mahallede Dayı Ömer binâ etdirdiği boyahâne işlemeyip ashâb-ı hayrât ta„yîn eylediği vezâif-i muʻayyeneleri ol boyahâneden alınmak fukarâya enfaʻ ve evkāf-ı mezbûreye dahi küllî evlâ olmağın bunlarda kasaba ve kurâda ihdâsen binâ olunmamak bâbında ilhâhlarıyla arz eylediğin eclden imdi baʻde'l-yevm kasaba ve kurâda zikr olunan
157