Budur ki Yeni nâm karyeden Yakubbin Papaz mahfil-i şer’de Mehmed bin Ahmed nâm kimesne muvâcehesinde ikrâr idüb Arabalanı mahallesinde vâki‘ kıbleten tarîk-i âmm ve bir tarafı Yusuf mülkü ve bir tarafı Ebe Kadın ve bir tarafı Ömer Çelebi mülkü ile mahdûd olub Fevkânî bir bâb oda tahtâni iki bâb oda ve fırını eşcâr-ı müşmire gay-ı müsmireyi müştemil olan menzilimi mezbûr Mehmed’e iki yüz guruşa bey‘ ve teslîm itdikden sonra bi’t-tamam ve’l-kemâl aldım kabz eyledim didikde kayd şüd
Şuhûdü’l-hâl İbrahim Halife bin
Ramazan
Ca‘fer bin Kürd Bâli
Hızır bin Bekir
El-Hâc Mehmed bin Hızır Murad bin Oruç Hamza bin Salih Şa‘ban bin Receb Gaffar bin Sefer 61/64-5
Budur ki Bekirler nâm karyeden bundan akdem vefât iden El-Hâc Kerim’in sulbi oğlu Ali ile sulbiyye ve kebire kızı Hadice nâm hâtûn tarafından da‘vâ-yı âti’l-beyân içün vekil olub Mehmed ve Süleyman Paşa’ya vekâlet şer‘an sâbite olan mezbûre hâtunun zevci Torâk bin Cârullah nâm kimesne mahfel-i şer‘de El-Hâc Mahmud mahzarında da‘vâ idüb Müvekkilâtım mezbûrânın babaları vefât itdikde muhallefâtının
li-tezekkür mislü hıfzü’l-beyn beynimizde taksîm olundukda mezbûranın hisselerine isâbet iden seksen bin akçe mezbûrân-ı sagîr olub vasîleri olmağla seksen bin akçe hisselerini kabz idüb hâlâ mezbûrânın rüşdü hâsıl olmağın taleb ideriz su‘al olunub icrâ-ı hakk olunması matlubumdur didikde gıbbe’s-su‘âl onüç bin akçe isâbet idüb vesâyetim hasebiyle onüç bin menkûlât-ı nakidden kabz idüb anın dahi bu âna gelince nicesini mezbûrâna harc ve sarf idüb zimmetimde bir akçeleri kalmadı didüğü kayd şüd
61/65-1
Ba‘dahi mezbûr Turân Merkûm El-Hâc Mahmud’un kızkarındâşı bana virdüğü vakitde ağırlık nâmına altı guruş virdim didikde gıbbe’s-su‘âl fi’l-vâki‘ağırlık nâmına aldım didüğü kayd şüd
61/65-2
Budur ki Cemil Efendi odalarından Zâhi veled-i Bânî meclîs-i şer‘de Mihâl veled-i Yorgi mahzarında takrîr-i da‘vâ idüb buna emânet vaz‘ eyledüğüm sipârişi alub bâkî bunda bir dikilmiş mor dolama ve dikilecek mor dolama ve iki pâre kettân bezi kalmışdır didikde merkûm Mihâl cem‘an teslîm eyledim bâki kalmamışdır deyü yemîn billah itdüğü kayd şüd
61/65-3
Ba‘dehu mezbûr El-Hâc Mahmud kız karındâşı husûsı içün yetmiş guruş virdüm didüğü kayd şüd
61/65-4
Yevmü’l-isneyn fî selh-i cemaziye’l-evveli lisene tis‘a ve selâsîn ve elf Yâ Fettâh iftahlenâ Hayre’l-bâb
61/65-5
Yevmü’s-sülâsâ fî gurre-i şehr-i cemâziye’l-âhire sene elf 39 Yâ Fettâh iftahlenâ Heyre’l-bâb
Budur ki beytü’l-mâl emîni olan Mustafa Çâvuş İbn-i Sarı Çavuş mahfil-i şer‘de El-Hâc Osman İbn-i El-Hâc Abdullah muvâcehesinde takrîr-i da‘vâ idüb Serâbâd mahallesinde vâki‘ olan menzil İstanbul’da müteveffâ olan Ali Çâvuş nâm kimesnenin
deyub hâlâ mîriye hâne olub alıvirmesin taleb iderim didikde gıbbe’s-su‘âl cevâbında mezbûr Osman İbn-i Abdullah müteveffâ-yı mezbûr Ali Çâvuş’dan beşyüz akçe alub babamdan bana intikâl itmişdir didiği kayd şüd
Hüddâm-ı Mahkeme
61/65-6
Ba‘dehu mezbûr El-Hâc Osman’a yarına değin Mahmud bin Mûsa ve El-Hâc İsma‘il nâm kimesnelerin kefîl oldukları kayd şüd
61/65-7
Budur ki Bölücek mahallesinde Turası bin Yahya mahfil-i şer‘de Kâsım bin Abdullah nâm kimesne muvâcehesinde takrîr-i da‘vâ idüb Onüç guruşum vardır hâlâ taleb iderim su‘âl olunsun didikde gıbbe’s-su‘âl mezbûr Kâsım cevâbında Mahalle-i mezbûrede vâkî‘ evimi ve bir hamâmı yakub onun mukâbelesinde aldım didüğü kayd şüd
Hüddâm-ı Mahkeme
61/65-8
Budur ki Mehmed Efendi İbn-i bin El-Hâc Ca‘fer meslîs-i şer‘de Bekir bin Mustafa muvâcehesinde takrîr-i da‘va idüb mezbûr Bekr’den Rıdvân nâm Abdi iştirâ itdükden sonra âbâk itdi ve ol dahî âbâkın itmişdir su‘âl olunsun didiğinde gıbbe’s-su‘âl mezbûr Bekir’in inkârı kayd şüd
Mehmed bin Seyyid Yakub
Seyyid Abdi İbn-i Seyyid Mehmed
Musluhiddin Efendi bin Ali
Veli Efendi bin İlyâs Dede
Kılıçzade İbrahim
61/65-9 Yevmü’l-erba‘a fî 2 Cemâziye’l-âhire sene 39
Budur ki Kırcalı nâm karyeden Mahmud bin Kâsım bin Ahmed mahfil-i şer‘de Medine-i Ma‘nisâ’da emîn-i beytü’l-mâl olan Sarı Çâvuşzâde Mustafa Çâvuş mahzarında da‘vâ idüb Medîne-i mezbûre mahallâtından Deveciler mahallesinde vefât
iden Şehribân bint-i İlyâs nâm hâtûnun verâseti zevci Hüseyin Beşe İbn-i El-Hâc Nasuh nâm râcil ile mezbûre hâtûnun babası İlyâs benim babam mezbûr Kâsım ile liebeveyn karındâş olub ben mezbûrenin liebeveyn ammisi oğlu olub muhallefâtının nısfı zevci mezbûra ve nısf-ı aheri bana intikâl iderken mezbûr Mustafa Çâvuş vaz-ı yed murâd ider didikde gıbbe’s-su‘âl emîn-i mezbûrun inkârı kayd şüd
61/65-10
Ba‘dehu Mehmed bin Ca‘fer nâm kimesneye dahi mezbûre hâtûn benim vârisim atâsıdır didüğü şehâdet itdikleri
61/65-11
Ba‘dehu mezbûr Mahmud mahfil-i şer’de mezbûre hâtûn vesâyetinde dört beş sene mikdârı mukaddem Müslümanlar huzûrunda benim içün ammim Kâsım’ın oğludur merkûm Kâsım benim babam El-Hâc İlyâs ile karındâşdır ba‘d-ı vefâtiha verâsetim buna münhasırdır didikde gıbbe’s-su‘âl ve’l-inkâr seyyid Mehmed Efendi bin Es-seyyid (tahrip olmuş) olan Mehmed Beşe nâm kimesne dahi târih-i kitâb gecesi mezbûr benim vârisimdir verâsetim buna münhasırdır deyû ikrâr idüb bizi işhâd eyledi didikleri kayd şüd
61/66-1
Yevmü’l-cum‘a fî 4 Şehr-i Cemâziye’l-âhire lisene 1039 Yâ Fettâh Yâ Rezzâk Budur ki Deveciler mahallesinde Hüseyin Beşe İbn-i Hasan mahfil-i kazâda Bâli bin El-Hâc Kürd mahzarında takrîr-i da‘vâ idüb Bundan akdem El-Hâc Ahmed Hacc-ı Şerîf’e gidüb mezbûr Bâlî zimmetinde olan dokuzbin akçeyi almağa vekîl idüb vekâletim hasebiyle hâlâ taleb iderim su‘âl olunsun didikde gıbbe’s-su‘âl inkâr itdüğü kayd şüd
Hüddâm-ı Mahkeme
61/66-2
Budur ki Dedebeğler’den Kayalular’dan Samed bin Murâd nâm kimesne mahfil-i kazâda Osman bmahfil-in Mahmud ve Hayreddmahfil-in bmahfil-in İsâ Mehmed bmahfil-in Arslân nâm kmahfil-imesneler muvâcehesinde üzerlerine takrîr-i da‘vâ idüb Bir kâtırım sirkat itmişler su‘âl olunsun didikde gıbbe’s-su‘âl mezbûr Osman ve merkûm Halil’in ikrârları ve mersûm Mehmedt’in inkârı kayd şüd
61/66-3
Ba‘dehu yine karye-i mezbûra Mehmed bin İsâ nâm kimesne mezbûrân Osman ve Halil ve Mehmed muvâcehelerinde Bir al kısrakım sirkat itmişler su‘âl olunsun didikde gıbbe’s-su‘âl mezbûrânın ikrârları ve mezbûr Mehmed’in inkârı
61/66-4
Ba‘dehu mezbûrân Halil ve Osman’a şeriklerinden su‘âl olundukda Dere Hamâmı kurbünde Kör Mehmed Nârlıca mahallesinde diğer Mehmed ve Karaköy Medresesi’nden Osmân Halîfe nâm kimesnleer şerîkimizdir didikleri kayd şüd
Şuhûdü’l-hâl Abdurrahman Efendi bin
Abdülkerim Ali bin Ca‘fer Abdullah bin Becî Bektâş bin Emrullah
Seyyid Hasan bin Sevindik
İsa İbrahim bin Mahmud Şa‘bân bin
Receb
61/66-5
Yevmü’s-sebt fî 5 şehr-i Cemâziye’l-âhire sene 39
Budur ki Kayalular nâm karyeden Abdüssamed bin Murad vea Dedebeğler nâm karyeden Muslu bin Umur ve yine Kayalular’dan İsâ bin Mehmed nâm kimesneler mahfil-i şer‘de Kayalular’dan Mehmed bin Arslân ve Halil bin İsâ ve Medine-i Ma‘nisâ’da Enarlıca mahallesinde sâkin Osman bin Mahmud nâm kimesneleri mahfil-i kazâya ihzâr ve mahzarında herbiri takrîr-i kelâm idüb İşbu müşâhede olunan iki kâtır sıpası ile iki re’s kısrâk mülküm olub târih-i kitâbdan dört gün mukaddem yevmü’l-erba‘adır gece ile işbu merkûm Mehmed mezbûr ile izin birikdirüb herbirimizin ahûrından çıkarıvirüb mezbûrlar dâhi alub gelüb Ma‘nisâ’da Derviş Ağâ mahallesinde olan badamlar arasına getürdüklerinde biz dahi tecessüsde iken tutılub mezbûrlar ile ahz olunmuş su‘âl olunub icrâ-yı hakk olunması matlûbumdur didiklerinde gıbbe’s-su‘âl mezbûr Halil ve Osman Fi’l-hakîka yevm-i mezbûrda merkûm Mehmed bize çıkarı virüb biz dâhi alub geldik deyü tav‘en i‘tirâf idüb mezbûr Mehmed’den su‘âl olundukda bi’l-külliye inkâr itdüğü kayd şüd
Şuhûdü’l-hâl El-Hâc Piri bin
Mehmed Hasan bin Ali Sefer bin Yunus Şa‘ban bin Receb Ahmed Çelebi bin
mehmed
Hızır bin
Receb ve gayruhum
61/66-6
Ba‘dehu mezbûr Osman muvâcehesinde merkûm Abdüssamed da‘va idüb İşbu iki yaşında siyâh tüylü erkek kâtır benimdir didikde Abdüssamed bin Mehmed ve Arslân bin Osman nâm kimesneler şehâdetleri ile sâbit olduğu kayd şüd
61/66-7
Ba‘dehu mezbûr Muslu bin umur dâhî mezbûr al tüylü kısrâk ile yanında katırı benimdir didikde Veli bin Ca‘fer ve İbrahim bin Umûr nâm kimesneler dahi şehâdet itdikleri kayd şüd
61/66-8
Ba‘dehu Mehmedbin İsâ’nın olduğuna al tüylü kısrâk Musa bin Mehmed şehâdetleri ile sâbit olduğu kayd şüd
Es-sâbıkûn
61/67-1
Budur ki dergâh-ı Ali müteferrikalarından kıdvetü’l-emâcid ve’l-ekârim Büyük Mehmed Ağâ bin Abdullah mahfil-i şer’de Halil İbn-i Hamza muvâcehesinde ikrâr ve i‘tirâf idüb Mahalle-i İbrâhim Çelebi’de vâki‘ bir tarafı Ağâzâde Mehmed Efendi mülkü bir tarafı Mü‘ezzin Ebu Bekir Halîfe mülkü ve bir tarafı tarîk-ı âmm ve bir tarafı El-Hâc Mustafa mülkü ile mahdûd olub iki bâb tahtâni toprak örtülü evi ve mâ-i cârîyi ve fırını ve havluyu ve eşcâr-ı müsmireyi müştemil olan mülk menzilimi bî cümleti’t-tevvâbi‘ ve’l-levâhık mezbûra târih-i kitâbdan mukaddem on sekiz bin nakd râyic-i fi’l-vakt akçeye bey‘i bât-ı sahîh-i şer’î ile bey‘ idüb teslîm-i meblâğ-ı mahdûd ve kabz-ı semen-i
ma‘dûd kıldım mülk-i müşterâsıdır keyfe yeşâ tasarruf olunsun didikde gıbbe’t-tasdîk bi’t-taleb ketb olundu tahrîren fî 5 Cemâziye’l-âhire sene 39
Yevmü’s-sebt 5 Cemâziye’l-âhire sene 39 Yâ Fettâh Yâ Rezzâk Şuhûdü’l-hâl
Memi Ağâzâde Mehmed Ağâ
Sarı Çâvuş Zâde Mustafa Çâvuş
Veli Efendi İlyâs Dede Mustafa bin Osman Şa‘bân bin Receb Ahmed Çâvuş El-Îmâm Mustafa bin Hasan Şeyh Muslihiddin Efendi Karabaş Mehmed Çelebi Birgili Mehmed Çelebi
Bekir Halîfe bin Karabaş İmâm 61/67-2
Yevmü’s-sebt 5 Cemâziye’l-âhire sene 39 Yâ Fettâh Yâ Rezzâk
Budur ki Medine-i Ma‘nisâ’da emin-i beytü’l-mâl olan Mustafa Çâvuş bin Sârı Çâvuş mahfil-i kazâda bundan akdem Hâc İlyâs-ı Sagir mahallesinde vefât iden El-Hâc Ni‘metullâh bin Derviş’in sulbi oğlu Hüseyin mahzarında takrîr-i da‘vâ idüb Mahalle-i mezbûrede vâki‘ etrâf-ı erba‘ası. tarîk-ı âmm ve Ya‘kûb ve Murtazâ mülkleri ile mahdûd olub hâlâ mezbûrların babalarından montakil vâzı‘ü’l-yed oldukları menzil bundan akdem vefât iden Tâvukcu bâşının mülkü olub ba‘d-ı vefâtihi oğlu İbrahim ile kızı (tahrip olmuş) nâm hâtûna intikâl idüb mezbûr İbrahim gâib olmağla anın hissesi beytü’l-mâla ‘âiddir deyû da‘vâ itmişidim mezbûrun dâhi mezbûr İbrahim’in zarûret-i bey‘olunmuş deyû nizâ‘ itdiklerinde yedi guruş alub terk-i da‘vâ eyledim didikde gıbbe’t-tasdîk kayd şüd Şuhûdü’l-hâl İbrahim bin Ali Abdülkerim bin İbrahim Halil bin Yusuf Mustafa bin İbrahim Şeyh Osman Efendi Veli bin Hasan
Lutfullah Çelebi bin Ahmed Efendi Fahrü’l-akrân Mustafa Ağâ Ahmed bin Şa‘bân Mevlüd bin Hüseyin
El-Hâc Bayram bin İbrahim
Sun‘ullâh Çelebi bin Abdüssamed Ahmed Mustafa bin
Hasan ve gayruhum
61/67-3
Budur ki Medine-i Ma‘nisâ’da Nâsırlı oğlu mahallesinde hadd-i bulûğa tahammülü olub ‘alâmât-ı bulûğdan haber virüb bulûğuna mukırra ve mu‘terife olan Ayşe bint-i Mahmud nâm bikr-i bâliğa mahfil-i şer‘de İşbu hâfizü’l-kitâb ammisi İbrahim bin Mehmed mahzarında ikrâr idüb mahalle-i mezbûrede vâki‘ iki tarafı yine kendi mülkün ve bir tarafı Hoca oğlu Mustafa ve bir tarafı tarîk-ı hass ile mahdûd olub ve bir tarafı mezbûrun mülki ile mahdûd olan mülk ve iki zirâ‘ mikdârı garb tarafında vâki‘ birbâb toprak oda ve çardâkı ile zikr olunan odanın penceresi önünde olan enâr ağacının muhâzisinde olan ayvâ ağacından Mustafa mezbûrun divârına varınca bu zikr olunan iki zirâ‘ havlusına mezbûra yirmi guruşa bey‘ idüb teslîm-i bey‘ ve kabz-ı semen kıldım didikde gıbbe’t-tasdîk kayd şüd
Şuhûdü’l-hâl Veli bin
Ali
Ali bin Himmet
Esseyid Mustafa Çelebi bin Seyyid Ali Veli bin İsa El-Hâc Hızır bin Receb ve gayruhum 61/67-4