Budur ki zımmîyândan Karâya veled-i Ermenek ve Yorgi veled-i Dimitri çâycı zımmî Zekiriyya veled-i Nikola nâm papaza kefîl oldukları kayd şüd
El-Muhzırûn
61/56-4
Budur ki Habbâz Piyâle’nin etmeği çiğ olduğu kayd şüd 61/56-5
Budur ki Habbâz Kara Hasan’ın etmeği çiğ olduğu kayd şüd 61/56-6
Budur ki Habbâz El-Hâc Mehmed’in etmeği çiğ olduğu kayd şüd 61/56-7
Budur ki Habbâz Ali’nin etmeği çiğ ve hem ednâ olduğu kayd şüd 61/56-8
Budur ki El-Hâc Mahmud kurbünde Habbâz Oruç’un kerâstesi ednâ olduğu kayd şüd
61/56-9
Ba‘dehu ahşâm namâzına denlü dükkânlarında etmek bulunmayan habbâzın haklarından gelmek üzre tenbîh olunduğu kayd şüd
61/57-1
Budur ki Pîr Sultan Câmi‘-i şerîfinin irâd kâtibi olan Mahmud Çelebi Hüsn-i ihtiyâriyle kitâbet-i merkûmeden fâriğ oldum didiğü kayd şüd
61/57-2
Masraf kâtibi olan El-Hâc Halil’in dâhi hıyâneti zuhûr idüb ehl-i mürtezika talebleri ile yeri ahere tevcîh olunduğu kayd şüd
61/57-3
Budur ki Sultan mahallesinden Ömer ve birâderi Mehmed nâm şakîler ellerinde yâlın kılıç ve âlet-i harble mahkeme kapusuna gelüb (okunamadı) ile kabu tepdikden sonra subâşını geçer subâşıyı basub ellerinde olan mahbusların ikisini aldıkları kayd şüd
61/57-4
Ba‘dehu kethüdâ yeri olan Musa Bey‘ da‘vet idüb anların haklarından gel denildikde ol-dâhi anlar hâlâ meclisdedir sipâhî Meclisi basılmaz didüğü kayd şüd
61/57-5
Ba‘dehu mezbûr Musa merkûmân şakîlerin nefislerine kefîl olduğu kayd şüd Şuhûdü’l-hâl
Mütesellim Mehmed Ağâ İbn-i Hüseyin Ağâ
Ali Ağâ İbn-i Mustafa
Mehmed Ağâ İbn-i Mustafa 61/57-6
Budur ki sagîr Selim Âşık Ali nâm kimesneler sarhoş mahkeme-i şerîfeye gelüb ikrârları kayd olundu
61/57-7
Mine’l-ahad fî 7 Şehr-i Cemâziye’l-evveli sene 39
Budur ki beytü’l-mâl emîni olan Mustafa Çâvuş mahfil-i şer‘de Râziye bint-i nâm kimesne hâtûn mahzarındaa takrîr-i da‘vâ idüb Mu‘allim-i sânî Mehmed Efendi Abdülbâki İbn-i Mehmed
Şuhûdü’l-hâl Hüseyin bin Hasan Ramazan bin Bayram Mustafa bin Osman
Veli bin Şa‘ban Efendi
61/57-8
Budur ki Sultân Nâzırı olan Mustafa Bey bin Abdullah mahfil-i şer‘de Karabâş Hatîb mahzarında da‘va idüb mezbûr beni bîvech darb eyledi didikde gıbbe’s-su‘âl Ol-dâhî bana herbâr bre harîfdir didi lâkin darb itmedim didüğü kayd şüd
Şuhûdü’l-hâl Sârı Çâvuş
Zâde
Şa‘ban Efendi Hüddâm-ı Mahkeme
ve gayruhum 61/57-9
Ba‘dehu İbrahim bin Süleyman ve Mustafa bin Dursun nâm kimesneler mezbûr nâzır Mustafa bre harîf dimekle İmâm Efendi dâhî kalkub yumruk ile urdu deyû şehâdet itdikleri
Es-sâbıkûn
61/57-10
Budur ki Münevver bint-i Muslu nâm Hâtûn meclis-i şer‘de zevci Ali bin Mustafa nâm kimesne muvâcehesinde takrîr-i da‘va idüb târih-i kitâbdan bir gün mukaddem beni darb-ı şedîd ile darb eyledi su‘âl olunub ihkâk olunması matlubumdur didikde merkûm Ali cevâbında mezbûr bana bre kâfir didi anıniçün darb itdim didikde mezbûra
Hüddâm-ı Mahkeme
61/58-1
Budur ki Yeni Mahalleden Hânım ve Sevindik meclîs-i şer‘de El-Hâc İsâ bin Ahmed nâm kimesne muvâcehesinde takrîr-i da‘vâ idüb mezbûr İsâ’ya müteveffât olan vâlidem Hafsa nâm hâtûn hâl-i hayatında ve bir kâlice ve bir kilim ve bir çarşaf ve iki gömlek ve iki yasduk ve üç kâlıb sâbun ve yedi tob penbe bezi idâ‘ eylemiş hâlâ taleb iderim didikde gıbbe’s-su‘âl mezbûr İsâ cevâbında Penbe bezinden mâ‘adasını birâderi Halîl ile mezbûre Hânım’a teslîm eyledim didikde gıbbe’l-istintâk teslîm itmedüğüne half-ı billâh itdüğü kayd şüd
Şuhûdü’l-hâl Sefer bin Ali Mehmed bin Süleyman Mustafa bin Veli Şa‘bân Efendi İbn-i Yusuf Şa‘bân bin
Receb
61/58-2
Ba‘dehu mezbûr İsâ mezbûre Hânım’ın vâlidesi merkûma Hasan’a yedi tob bezi idâ‘ itmedüğüne yemîn billâh itdüğü kayd şüd
61/58-3
Yevmü’l-isneyn fî 8 şehr-i cemâziye’l-evvel sene 39
Budur ki Sultân mahallesi sâkinelerinden Fâtıma bint-i Yunus nâm Hâtûn mahfil-i kazâda zevci Resûl Bey ile olan da‘vâsına Mehmed Bey bin Halil’i vekîl idüb anın dâhî kabûlü kayd şüd
Hüddâm-ı Mahkeme Şuhûdü’l-hâl El-Hâc İsâ bin Ahmed Sefer bin Veli Ali bin Mustafa Ali bin Mehmed Mehmed bin Hızır ve gayruhum 61/58-4
Ba‘dehu mezbûr Halil dahî Mahfil-i şer‘de zikr olunan pembe bezinden mâ‘adâsını fi’l-hakîka aldım didiğü kayd şüd
Es-sâbıkûn
61/58-5
Budur ki bundan akdem müteveffâ olan Balamud zâde hâtûnunun zevci olan Ahmed Efendi İbn-i Mehmed mahfil-i kazâda Medîne-i mezbûre sükkânından Mehmed bin Yusuf mahzarında Baba Kuyusu kurbünde vâki‘ tahmînen on dönüm yeri müteveffâ zevcem Ayşe’den dokuz bin akçeye babası alub on sekiz guruşa teslîm idüb bâkisin taleb ideriz didikde gıbbe’s-su‘âl Fi’l-vâki‘ babam almış lâkin mezkûr yer mirlivâ hâssı dâhilinde olmağla ol-tarafdan füruht eylediler didiği kayd şüd
Budur ki Fâtıma bint-i Yunus nâm hâtûn zevci Resûl bin Mahmud mahzarında da‘vâ idüb mezbûr ile zindegânımız olmamağla nice def‘a beni bî vech darb itdiğinden ma‘adâsın tatlik idin deyû benim kırk guruşum alub beni tatlik itmişken hâlâ üzerime dâhil olur su‘âl olunub icrâ-yı hakk olunması matlubumdur didikde gıbbe’s-su‘âl ve’l-inkâr kayd şüd
61/58-7
Ba‘dehu Halil bin İbrahim Hûbân bint-i Mehmed nâm kimesneler Fi’l-hakîka işbu bin otuzsekiz ramazânü’l-mübârekîn onbeşinci günü merkûm Arslân Bey zevcî merkûmdan kırk ‘aded gurûş bizim huzûrumuzda alub kabz eyledi deyû şehâdet itdikleri kayd şüd
Şuhûdü’l-hâl Hüseyin Bey bin
Hasan
Sefer bin Veli
Ramazan bin Mustafa
El-Hâc Veli bin Yusuf
El-Hâc Veli bin Ahmed
Şa‘bân bin
Receb ve gayruhum
61/58-8
Budur ki şehr zâbiti olan Receb bin İlyâs Zımmîler mahallesinden Erhundiyye veled-i Ayurâne nâm zımmiyyeyi mahfil-i kazâya ihzâr ve mahzarında takrir-i kelâm idüb târih-i kitâbdan dört gün mukaddem gice ile mezbûrenin kapusıyla oğlu Mustafa’nın kapusına katran sürmüşler ahvâlleri mahalle ahâlisinden tefehhus olunması matlûbumdur didikde mezbûre hâtûnun eyülüğüne Sakızlı Anton veled-i ve Kekârî veled-i Masarlı ve Papazları seldes ihbâr itdikleri kayd şüd
Hüddâm-ı Mahkeme
61/59-1
Yevmü’s-sülâsa fî 9 Şehr-i Cemâziye’l-evvel sene 39 Yâ Fettâh Yâ Rezzâk Abdi Beşe İbn-i Ömer nâm kimesne ben yeniçeri biz şarab-ı hamr ideriz didüğü kayd şüd
Ba‘dehu mezbûr Abdi mahfil-i şer‘de Ahmed Beşe İbn-i Yusuf mahzarında takrîr-i da‘vâ idüb Yüz guruşum almışdır didikde gıbbe’s-su‘âl ve’l-inkâr ve’l-‘acz yemîn billâh itdüğü kayd şüd
Şuhûdü’l-hâl Mustafa Çâvuş bin
Sârı Çâvuş Hasan bin Ubeydullah Hüsam bin Receb Şa‘ban bin Receb 61/59-3
Budur ki Mehmed bin Nasreddin arpacı olduğu kayd şüd Şuhûdü’l-hâl
Mustafa bin Muharrem
Ali Beşe bin İbrahim
Nasûh Beşe bin Mehmed
Şa‘ban bin Receb
61/59-4
Budur ki Vildân bin Abdürrahmân nâm kimesne arpacı olduğu 61/59-5
Budur ki Abdullah bin Mehmed nâm kimesne arpacı olduğu 61/59-6
Budur ki El-Hâc Yahya mahallesinde bundan akdem müteveffâ olan El-Hâc Veli nâm kimesnenin zevce-i metrûkesi ve vârisesi Ümmü bint-i Sâtılmış’dan gayrı vâris-i ma‘rûfu olmamağla metrûkâtı rüb‘i mezbûreye ve bâkîsi cânib-i beytü’l-mâla ‘âid olmağın mahalle-i mezbûrede vâki‘ bir tarafı İbrahim bir tarafı Mustafa Beşe bir tarafı Dellâke Fâtıma bir tarafı tarîk-i âmm ile mahdûd olan menzili emîn-i beytü’l-mâl-ı ‘amme ve hassa olan Mustafa Çâvuş mezbûre Ümmü’ye mihr-i mü‘ecellime ve rüb‘ hissesi mukâbelesinde ve iki bin akça dahi nakd alub ba‘de’l-yevm mezbûrenin mülküdür didüğü kayd şüd
Şuhûdü’l-hâl Atâullah bin Ahmed Efendi Süleyman bin Ali Ali bin Mahmud Abdünnebi Durmuş Şa‘bân bin Receb Halil bin El-Hâc Hızır 61/59-7
Budur ki Kasab Abdülkerim bin El-Hâc İbrahim mahfil-i şer‘de Hüseyin Ağâ bin Hasan Bey mahzarında da‘va idüb mezbûr Hüseyin Ağâ’da iki bin akçem vardır taleb iderim didikde gıbbe’s-su‘âl mezbûr Hüseyin Ağâ cevâbında merkûmda üç bin akçem var idi iki bin akçe aldım âna tuta aldım zimmetinde dâhî bin akçem vardır didikde mezbûr Abdülkerim’in Bir akçe deynimyokdur didüğü kayd şüd
61/59-8
Ba‘dehu mezbûr Hüseyin Ağâ Yılancı oğlundan binyüz akçe aldım didüğü kayd şüd
61/59-9
Ba‘dehu mezbûr Abdülkerim Yüzotuz vukiyye et virdim didikde merkûm Hüseyin Ağâ doksan vukiyye et idi akçesin bi’t-tamam virdim didüğü kayd şüd
61/59-10
Ba‘dehu mezbûr Abdülkerim İki bin akçeden gayrı deynim yokdur deyûcek Hasan Beşe bin Abdullah ve Mehmed Çelebi bin nâm kimesneler fi’l-hakîka mezbûr Hüseyin Ağâ’nın merkûm ba‘zı mu‘âmelâtı olub bizim huzûrumuzda hesablaşub merkûm Abdülkerim’in zimmetinde ikibin dokuzyüz akçesi kalub bizim huzurumuzda ikrâr eyledi didikleri kayd şüd
61/59-11
Aşağı Mahalle sâkinelerinden Morola bint-i Yorgaç nâm Ermeniye tarafından ikrâr-ı âtiyyü‘l- beyân içün vekîl olub vekâleti şer‘an sâbite olan zevci İsrâil veled-i Geruz nâm Ermeni mahfil-i Şer‘de Donanmacı Mehmed bin Mustafa mahzarında ikrâr idüb Ayazment kazâsında Ayvalık nâm mevzi‘de vâki‘ bir tarafı Monol ve bir tarafı Kanuncu ve bir tarafı Manol ve bir tarafı tarîk-i ‘âmm ile mahdûd tahminen buçuk dönüm mikdârı mülk bâğçesini içinde olan eşcâr-ı müsmireyle mezbûra dokuz yüz akçeye mezbûra bey‘ idüb teslim-i semen kıldım muhhûlünde bey‘-i mezbûrı teslîme merkûm taslît eyledim didikde gıbbe’t-tasdîk kayd-ı şüd
61/60-1
Budur ki Karakoca nâm karyeden Hüseyin bin Bâyazıd mahfil-i şer‘de Medine-i Ma‘nisâ’da Mehmed halîfe mahzarında takrîr-i kelâm idüb Karye-i mezbûre kurbünde vâki‘ etrâf-ı erba‘ası Mustafa ve Ahmed ve diğer Mustafa ve Veli tarlaları ile mahdûd tahminen on dönüm mikdârı tarlayı izn-i sipâhi ile beş yıl mukaddem babasından bin akçeye almışken mezbûr ben virdiğin akçeyi virüb almadın deyû zabtıma mâni‘ olur didikde gıbbe’s-su‘âl Fi’l-hâkika babam izn-i sipâhi ile hakk-ı tasarrufuna virdi didikde ta‘arruzdan men‘-i birle kayd şüd
Şuhûdü’l-hâl Hüseyin Bey bin
Mustafa
Süleymân bin
Ali ve gayruhum
61/60-2
Yevmü’l-erba‘a fî 10 Cemâziye’l-evveli lisene 39 Yâ Fettâh Yâ Rezzâk
Budur ki Kara Yunus mahallesinden Nisâ bint-i Hüsam nâm hâtûn meclîs-i şer‘de takrîr-i kelâm idüb Bundan akdem beni tatlik iden Mehmed bin Nurullah’dan Abdullah nâm sagîrin nafaka ve kisvesine kemâl-i ‘aczim vardır didikde yevmî beşer akça ta‘yin olunmuşdur kayd şüd
Şuhûdü’l-hâl Mustafa Çâvuş İbn-i Sarı Çâvuş
Ali Efendi Osman Beşe
Çukadır ve gayruhum
61/60-3
Budur ki Bazirgânlı nâm karyeden bundan akdem müteveffâ olan Sırât bin Nurullah nâm kimesnenin hemşiresi Fâtıma bint-i Murâd nâm hâtûn müteveffâ-yı mezbûrun zevce-i metrûkesi Meryem bin Alemşâh nâm hâtûn muvâcehesinde ikrâr idüb Müteveffâ-yı mezbûrun muhallefâtından alâ-tarîkü’t-tehârüc bir inek alub sulh oldu didüğü kayd şüd Şuhûdü’l-hâl Halil İbn-i Kürd Çâvuş Ramazan bin Mustafa Halil bin El-Hâc Mustafa Bayram bin Abdullah ve Hüddâm-ı Mahkeme 61/60-4
Budur ki dört tob bogâsînin birinin üç rub‘ ve birinin üç rüb‘ kere ve birinin dahî üç rüb‘ ve birinin dahi üç rüb‘ eksikleri olduğu kayd şüd
61/60-5
Budur ki Gürhâne mahallesinden Halil bin Abdülaziz nâm kimesnenin zevce-i mutallakası Fâtıma bint-i Yusuf nâm hâtûn hicrinde olan mezbûrun sagîre kızları Rahime ve Kerîme’nin nafkalarıçün yevmî beşer akçe kayd şüd
Şuhûdü’l-hâl Atâ‘ulâh Efendi İbn-i Ahmed Mustafa bin Osman Şa‘ban bin Ali Mehmed Efendi İbn-i Abdullah ve gayruhum 61/60-6
Budur ki Hasan Ağâ’nın Abd-i memlükü Yusuf bin Abdullah’ın ağzında râyiha-i hamr olduğu Hasan ve İbrahim Çelebi şehâdetleriyle sâbit olduğu kayd şüd
61/60-7
Budur ki Abdi ve Mehmed İbn-i Zâtî mahfil-i şer‘e gelüb Câmi-i kebîr mahallesinde kendü evi önünde tarîk-i ‘âmmda maktûl bulduk keşf olunması matlûbumuzdur didiklerinde fî mahalle-i mezbûrede tarik-i ‘âmmda sol memesi önünde hançer paresi ile maktûm Ahmed Veli ölü ve Hamza Efendi Hâcı Hasan
Abdi İbn-i Memi
Mahmud Efendi bin Süleyman
Hüsâm Efendi İbn-i Veli İbrahim Efendi
İbn-i Hızır
Makaracı Mehmed Çelebi bin Muslu
61/61-1