Budur ki Ali bin Selim mahfil-i kazâda Ali bin Hüdâvirdi mahzarında da‘vâ idüb mezbûr (tahrip olmuş) talep iderim su‘âl olunsun didikde gıbbe’s-su‘âl merkûm Ali ikrâr idüb bin deynim (tahrip olmuş)
Tahrîren fî selh-i Muharremü’l-harâm sene 1039 Şuhûdü’l-hâl Mustafa bin Ali Mustafa bin Hasan Süleyman bin Mehmed (tahrip olmuş) 61/4-2
Budur ki Hasan bin Mehmed mahfil-i şer‘de El-Hâc Ahmed mahzarında ikrâr idüb bahâsından bir guruş deynim vardır
61/4-3
Budur ki Ali bin Ahmed Ahmed bin Ali mahzarında da‘vâ idüb mezbûra bin akçeye inek bey‘ itdim taleb iderim didikde gıbbe’s-su‘âl mezbûr Ahmed cevâbında bin akçeye inek aldım on osmânî kendüye virüb altıyüz elli akçe dâhî Durmuş Beşe’ye havâle idüb ânâ virdim didiğü kayd şüd
Şuhûdü’l-hâl Hasan bin Mehmed Mustafa bin Ali Süleyman bin Mehmed ve gayruhum 61/4-4
Ba‘dehu mezbûr Durmuş Beşe altıyüz elli akçe mezbûr Ahmed’den aldım didüğü kayd şüd
El-mezbûr
61/4-5
Ba‘dehu mezbûr Ali inek bahâsından bin akçem vardır gayrı yokdur didiği kayd şüd
61/4-6
Budur ki Kurd Çelebi İbn-i Mehmed Ağa mahfil-i şer‘de Ramazan bin Hamza mahzarında da‘vâ idüb mezbûr Ramazan evinde olan odunu yükünü on dörder akçeye bâzâr idüb yüzyirmi yük odunu teslîm itdi yüz seksen yük odunum kaldı didikde gıbbe’s-su‘âl mezbûr Ramazan fi’l-vâki‘ bâzâr itdim. Yüzyirmi yük odunu teslîm itdim fe‘amma odunun nısfı babamın idi ol bahâya babam râzı olmadı didüğü kayd şüd
Şuhûdü’l-hâl Mustafa bin Ali Süleyman bin Mehmed ve gayruhum 61/4-7
Budur ki Hamza bin Hâcı ben oğlu mezbûrun bâzârın kabûl itmedim deyû yemîn didiği kayd şüd
61/4-8
Yevmü’l-erba‘a gurre-i saferü’l-hayr li sene tis‘a ve selâsin ve elf min Hicret-i men lehû’-izzât-ve’ş-şer
Budur ki Kilizman nâm karyeden Şa‘ban bin Abdulahad karye-i mezbûreden Hasan bin Kara Mahmud ve İbrahim bin Abdullah mahzarlarında da‘vâ idüb târih-i kitâbdan üç gün mukaddem ahşâm namazı vaktinde ben hereminde ehlî iken Kara
Ahmed ve Hüseyin nâm kimesneler ile beni darb ve mecrûc idüb ve elim ardına bend itdikden sonra Ahmed Çâvuş gelub ıtlâk itdi didikde gıbbe’s-su‘âl mezbûr Hasan cevâbında benim tarlâma sığır girüb anı çıkarmağa vardıkda umde-i mezbûr Şa‘ban Hendek içinde elinden seküb zararın senin didiğimde üzerime gelüb yedinde olan yarak ile beni çalub ba‘dehu oldukda ben hâlî olub bağlayub getürdüm ba‘dehu Ahmed Çâvuş ıtlâk itdirdi didiği kayd şüd
(İkinci varakda tafsîl üzre yazılmıştır) 61/4-9
Ba‘dehu mezbûr İbrahim inkâr itdüğü kayd şüd 61/4-10
Ba‘dehu Ahmed Çâvuş bin Mehmed gelub vakt-i mezbûr yeri hali oldukda vardık zikr olunan dört nefer evimi yanlarında mezbûr Şa‘ban zararımız varsa ıtlâk itdirdik meclîs-i fıskda bulduk didiği kayd şüd Ba‘dehu Kara Ali bin Abdullah nâm kimesne dahî vech-i meşrûh üzre şehâdet itdikleri kayd şüd
Şuhûdü’l-hâl
(Eksik) Mehmed Bey
İbn-i Mahmud
Osman bin Mehmed
Hüseyin Beşe bin Musa Osman bin
Bekir
ve gayruhum
61/5-1
Yevmü’l-hamîs 2 Saferü’l-hayr li sene tis‘a ve selâsîn ve elf Yâ Fettâh Yâ Rezzâk
(tahrip olmuş) Ahmed bin Mehmed diğer Ahmed bin Pîrî mahzarında harmanım dökmeğe üç kile tereke kavl arpa (tahrip olmuş) ve nısfı budâydır cümlesi buğdây değildir deyü yemîn billâh itdüğü kayd şüd
Hızır bin Receb Şa‘ban bin Receb İbrahim bin Mehmed Mustafa bin Osman ve gayruhum 61/5-2
Budur ki Çaprastlar-ı iştihâr-ı kebirden Fâtıma bint-i Mirzâ nâm Hâtûn mahfil-i şer‘-i şerîfde işbu ba‘is-ü’s-sicil Hasan bin Mustafa mahzarında ikrâr idüb mahalle-i mezbûrede vâki‘ kıbleten tarîk-ı ‘âmm ve şarken Çullâh Ahmed mülkü ve şimâlen Aşçı İbrahim mülkü ve garben tarîk-ı âmm ile mahdûd olub menzil-i tevvâbii zevcim Mehmed bin Sâlih onyedi bin akçeye merkûm Hasan’a bey‘ ve teslim ve kabz itdüm benim ‘alâkam yokdur keyfe yeşâ‘ mutasarrıf olsun didikde gıbbe’t-tasdîk kayd şüd
Şuhûdü’l-hâl Hasan Efendi İbn-i Abdurrahim
El-Hâc Hüseyin bin Abdi Seyyid Ahmed bin Seyyid İsa Bey El-HâcYusuf bin El-Hâc Ahmed Abdülkerim bin Ca‘fer Hızır bin Receb Veli bin Hasan Şa‘ban bin Receb İbrahim bin Mehmed ve gayruhum 61/5-3
Yevmü’l-cum’a 3 Saferü’l-hayr li sene tis‘a ve selasîn ve elf
Budur ki Keçilü nâm karyeden Nihal bint-i El-Hâc Memi nâm Hâtûn tarafından husûsâtü’z-zikre aldıkda vekîl olan Ahmed bin Mustafa mahfil-i şer‘de Hamza bin Turhan mahzarında da‘vâ idüb mezbûrun yedinde olan siyah Kara sağır ineği ile zevcem mezbûra müteveffâ karındâşı Hasan’dan müntakil mülkü olub taleb iderim su‘âl olunsun didikde gıbbe’s-su‘âl mezbûr Hamza cevâbında zikr olunan ineği İsa nâm kimesndene altıyüz akçeye iştirâ itdim mezbûrenin mülkü idüğü ma’lûmum değildir didüğü kayd şüd
61/5-4
Budur ki Musa bin Ömer mahfil-i şer‘de İbrahim bin Musa mahzarında Ali’de olan beş buçuk guruşuma mezbûr İbrahim kefîl-i bi’l-mâl olmuşdur didikde gıbbe’s-su‘âl inkârı kayd şüd
Şuhûdü’l-hâl Şa‘ban bin Receb İbrahim bin Mehmed Hızır bin Receb ve gayruhum 61/5-5
Ba‘dehu Mehmed Beşe İbn-i Musa ve Bekir bin Mehmed nâm kimesneler bizim huzûrumuzda meblâğ-ı merkûma kefîl oldu deyü şehâdet itdikleri kayd şüd
Es-sâbikûn 61/5-6
Ba‘dehu mezbûr Musa Ali Dede’den ikiyüz elli akçe almadım deyû yemîn billâh itdüğü kayd şüd
61/5/7
Budur ki Kazâ-i Ma‘nisâ’ya tâbi‘ Kilizmân nâm karyeden Şa‘ban bin Abdulahad mahfil-i şer‘de karye-i mezbûre sükkânından Hasan bin Mahmud ve İbrahim bin Abdullah muvâcehelerinde da‘vâ idüb mezbûrân Hasan ve İbrahim refîkleri Kara Ahmed ve Hüseyin nâm kimesneler ile târih-i kitâbdan üç gün mukaddem karye-i mezbûre kurbünde meclis-i fısk idüb ben tarlâmda harmanım üzerinde hizmetimde iken beyne’l-işâ‘în mezbûr Hasan pürmest üzerime gelub beni darb ve mecrûh itdikden sonra iki ellerim ardına bend idüb cebren ve kahren fısk itdikleri meclislerine getürüb mezbûr Hasan rüfekâsı mezbûrûn ile beni katl iderlerken iken ümmet-i Muhammed feryâd itdiğimde
61/6-1
Karye-i mezbûrede sâkin Ahmed Çâvuş ve sâ’ir ahâli-i karye gelüb beni halâs itdiler su’al olunub icrâ-yı hakk olunmak matlûbumdur didikde gıbbe’s-su‘âl mezbûr
Hasan cevâbında vakt-i mezbûrda penbe tarlama sığır girub çıkarmağa varduğumda ol mahalde mezbûr Şa‘ban üzerime gelmek ile ben gâlib olub bağladım darb ve mecrûh etmedim ben rüfekâmız olan mezbûrûn ile meclis-i fısk itmedim deyücek hâla merkûm Şa‘ban’dan beyyine taleb olundukda karye-i mezbûreden Ahmed Çâvuş ve sâ‘ir nâm kimesneler hâzırân olub mezbûrda bir kimesne feryâd ider ‘acaba bu feryâdın aslı nedir deyû cemâ‘at ile feryâd olan mahalle varduğumuzda meczbûrûn Hasan ve İbrahim ve Kara Ahmed ve Hasan meclis-i fısk idüb mezbûr Şa‘ban’ı yanlarında bağlı bulub bizden istimdâd itmekle ellerinden alub halâs eyledik deyu edâ’-i şehâdet-i şer‘iyye itdiklerinden gıbbe’r-riâyet şerâit-il kabul şehâdetleri makbûl oldukdan sonra mâ hüve’l-vâki‘ bi’t-taleb ketb olundu tahrîren fî gurre-i saferü’l-hayr li sene tis‘a ve selasîn ve elf Şuhûdü’l-hâl Şa‘ban bin Receb Durmuş Beşe İbn-i Bâlî
Mehmed Bey bin Mahmud
Osman bin Mehmed Hüseyin Beşe bin
Musa
Osman bin
Bekir ve gayruhum
61/6-2
Sâbıkan Medine-i Afyon Karahisâr sâkinelerinden olub hâlâ Mahmiye-i Ma‘nisâ mahallâtından
61/6-3
Budur ki Koca Lala Pâşâ mahallesinde sâkine Turbola bint-i Ahmed nâm hâtûn meclis-i şer’1 şerif-i lâzimü’t-tevkîrde Esseyid hâfizü’l-kitâb dergâh-ı Âli sipâhilerinden kudvetü’l-emâcid ve’l-akrân Mehmed Bey İbn-i Mahmud Bey nâm cündî medine-i mezbûrede vâki‘ olub bundan akdem vefât iden babası merhûm Ahmed’den intikâl iden menzilde iki ba‘dehu vefât iden karındâşı Mehmed’den intikâl iden iki bâb dükkânları lenmûla ve hükm ve ibrâya ve bey‘ ve semenine ve külliyen ve intikâline kabz ve isâle mezbûr Mehmed Bey’i vekîl itdim oldâhi vekâlet-i mezbûreyi bi’l-muvâcehe kabul ve
hidmet-i vekâleti ikâmete müteahhid oldukdan sonra mâ hüve’l-vâki‘ bi’t-taleb ketb olundu
Tahrîren fî 3 saferü’l-hayr sene 39 Şuhûdü’l-hâl El-Hâc Bayram bin Ivaz El-Hac Ahmed bin Mehmed Hızır bin Ivaz İlyas bin Hızır Dayısı Hüseyin Bey
Mahmud Medine-i İzmir
Şa‘ban bin Receb Mustafa bin Osman Mustafa bin Mustafa ve gayruhum 61/6-4
Budur ki Medine-i Ma‘nisâ’da olan Handan Ağâ ve Mustafa Ağâ ve Mehmed Beğ İbn-i Bekir ve Mehmed Bey İbn-i Mahmud ve Yusuf Bey İbrahim Bey ve Ali Bey ve Halil Bey bin İbrahim Ağâ ve Hasan Bey ve Abdurrahman ve Mehmed Bey bin Abdullah ve Mukâta‘acızâde Mehmed Bey ve Abdi Bey bin Lütfullah ve sâir sipâhî meclîs-i şer‘-e gelub serdârlığa Hocalı Mehmed Bey’i her biri murad itmeğin merkûm Mehmed ta‘yîn olunduğu kayd-ı sicil olundu tahrîren fî evâil-i saferü’l-hayr sene 1039
Şuhûdü’l-hâl Ahmed Bey İbn-i
Abdullah Şa‘ban bin Receb İbrahim bin Mehmed ve gayruhum 61/6-5
Budur ki Ma‘nisâ mütesellimi tarafından Ahmed Ağâ mahfil-i şer‘de kazâ-i Ma‘nisâ’ya tâbi‘ Bostancı nâm karyeden Hadice bint-i Abdülkerim nâm bikr-i bâliğa mahzarında bast-ı kelâm idüb mezbûrenin gulâmları Yusuf ile ‘alâkası olmakla köleden hamli zuhûr idüb ba‘dehu düşürüb bu husûsdan köle gâ‘ib olub ve yâvecilerine birkaç guruş cerime virmişler hakîkât ahâlî-i karyeden istintâk olsunun didikde mezbûre hâtûn cevâb virub evimize harmandan buğday yükü gelub çuvâl kaldırırken burnumdan kan boşandı idi benim içün oğlân düşürdü deyu şâyi‘ olmuş sû-i hâlim var ise hakkımdan
gelinsün didikde karye-i mezbûreden Veli bin Abdülkerim ve Emrullah bin Bahşâyiş ve Habib bin İne Bey ve El-Hâc İsmâ‘il bin Nasûh ve Siyâmi bin Osman ve Turgud bin Süleyman ve Ali bin Ramazan ve Mehmed Efendi İbn-i Ahmed ve sâ‘iri hâzırûn olub mezbûrenin hakkında ol-makûle köle ile alâkasın işitmedik nihâyet çuvâl kaldırırken böyle boşanmış deyu şâyi‘ oldu müstakîme ve sâlihadır deyû ihbâr itdikleri kayd olundu tahrîren fî 3 Safer sene 39
Şuhûdü’l-hâl El-Hâc Hızır Beşe İbn-i Ahmed Şa‘ban bin Receb Hızır bin Receb Mustafa bin Hasan ve gayruhum 61/7-1
Budur ki bir siyah ve sarı tüylü ikişer yaşında tosunlar yâve ahz olundu sâhipleri nâma‘lûm olmağın yevmî sekizer akçe nafaka takdîr olundukdan sonra müddet-i şer‘iyyesiyle tamâm olunca yâve emini olan Mustafa Çâvuş’a teslim olundu tahrîren fî 3 Saferü’l-hayr sene 1039 Şuhûdü’l-hâl Şa‘ban bin Receb Abdulgaffâr bin Sefer İbrahim bin Mehmed Mustafa bin Hasan Hızır bin Receb Mustafa bin
Osman ve gayruhum Allahû A‘lem
61/7-2
Yevmü’l-sebt 4 Saferü’l-hayr li sene tis‘a ve selâsin ve elf Yâ Fettâh Yâ Rezzâk Budur ki Medîne-i Mani‘sâ’da emîn-i beytü’l-mâl olan Mustafa Çâvuş mahfil-i şer‘de Medine-i mezbûreden Mustafa bin Ahmed mahzarında da‘vâ idüb Tire’de vefât idüb hazırda vâris-i ma‘rûfu olmayan Sarı Mustafa nâm sekbânda mezbûrda otuzüç guruşu olub mîrî içün taleb iderim didikde gıbbe’s-su‘âl mezbûr Mustafa dokuzyüz akçesin
bizzât mezbûr Sarı Mustafa’ya virüb ve binsekiz yüz vekîl akçesini Mehmed bin Ali’ye teslîm itdim bâkîsin tedârik idivereyim didüği kayd şüd
61/7-2
Ba‘dehu merkûm Mehmed bin Ali ikrâr idüb meblağ-ı merkûm bin sekiz yüz akçeyi vekâletim hasebiyle aldım bendedir didüğü kayd şüd
Şuhûdü’l-hâl Şa‘ban bin Receb İbrahim bin Mehmed Hızır bin Receb ve gayruhum 61/7-3
Budur ki Ayn-ı Ali mahallesinde vefât iden Kara Hüseyin bin Karabıyık nâm müteveffânın sulbiyye kızı Ayşe nâm hâtûn Mustafa Çelebi İbn-i Bâyazıd’ı vekîl itdüğüne Receb bin Müstecâb ve Bayazıd bin Mahmud şehâdet itdiklerinde ba‘de’l-kabûl kayd şüd
Tahrîren fî 4 Safer sene 39 Şuhûdü’l-hâl Ali bin Ömer Sefer bin Şa‘ban Mehmed bin Umûr Halil bin Hüseyin Mustafa bin Şa‘ban ve gayruhum 61/7-4
Budur ki El-Hâc Ahmed bin El-Hâc Mehmed mahfil-i şer‘de El-Hâc İbrahim İbn-i El-Hâc Mehmed mahzarında oniki guruşa bir merkeb virdim didikde ben altı guruşa aldım didiği kayd şüd
61/7-5
Budur ki Medine-i Ma‘nisâ’da Gürhâne mahallesinde bundan akdem vefât iden Mehmed’in vâlîdesi Sâliha bint-i Ahmed nâm Hâtûn mahfil-i şer‘i şerîfde müteveffâ-yı
mezbûrun ammisi oğlu Halil bin Mahmud’un mahzarında ikrâr idüb müteveffâ-yı mezbûr Mehmed’in babası olub mukaddemâ vefât iden zevcim Mehmed’in zimmetinde olan ikibin akçe mihr-i mü‘eccelim ve muhallefâtından âid olan semen-i hisse-i şer‘iyyemi da‘vâ ve taleb itdiğimde bin iki yüz akçe alub sulh olub mîrâsa ve mihre müte‘allık da‘vâdan merkûm Halil’in zimmetine ibrâ ve iskât itdim min ba’d da‘vâ ve nizâ‘ım kalmamışdır didikde gıbbe’t-tasdîk kayd olundu Tahrîren fî 4 Saferü’l-hayr sene 39
Şuhûdü’l-hâl Hüseyin Bey bin
Hasan
Muslu Bey İbn-i Mehmed
Ivaz bin Abdi
Mehmed Bey bin Mustafa El-Hâc Himmet bin
Mustafa
Mehmed Beşe İbn-i Arslan
Muslu bin Bahar Abdulgaffâr bin
Sefer El-Muhzır ve gayruhum
61/7-6
Yevmü’l-ahad 5 Saferü’l-hayr li sene tis‘a ve selâsîn ve elf Yâ Fettâh Yâ Rezzâk budur ki Mani‘sâ muhtesibi olan Satılmış bin Ali Musa bin Ömer mahzarında ikrâr idüb bin otuz dokuz Muharreminde sene tamâmına varınca ayda altışar yüz ellişer akçeye Karaköy bâzârı ihtisâbın mezbûra der‘uhde itdim didikde gıbbe’t-tasdîk kayd-ı sicil olundu tahrîren fî Maharrem sene 1039
Şuhûdü’l-hâl Şa‘ban bin Receb İbrahim bin Mehmed Abdulgaffâr bin Sefer ve gayruhum 61/8-1
Budur ki Hatıblar nâm karyeden Mihri bint-i Hüdâvirdi zevci Seyyid Sefer bin El-Hâc Mehmed vekîl itdüğü Nebi bin Nasuh ve İbrahim bin Ali şehâdetleriyle sâbit olduğu kayd şüd
Şuhûdü’l-hâl Şa‘ban bin Receb İbrahim bin Mehmed Mustafa bin Osman Abdulgaffâr bin Sefer ve gayruhum 61/8-2
Budur ki Medine-i Ma‘nisâ’da vâki‘ merhûm ve mağfuru’n-leh Sultân Murâd Hân Aleyhürrahmeti ve’l-gufrân Câmi‘-i Şerîf ve ‘imâret-i ‘âmireleri evkâfına bi’l-fi‘îl- kâim-i makâm-ı mütevelli olan Ali Beşe İbn-i Abdullah meclîs-i şer‘i şerîfde hâlâ livâ-i Sâruhân’da resm-i duhân mukâta‘asına ber vech-i iltizâm emîni olan Hasan Ağa İbn-i Ahmed nâm sipâhî mahzarında takrîr-i da‘vâ idüb kâim-i makâm-ı mütevelli olduğum evkâfın karyeleri min külii’l-vücûh serbest olub rüsûm-ı serbestiyyesine hâricden mirmîrân ve mîrlivâ subâşıları ve emîrleri ve sisâm ve resm-i duhân eminleri ve sâ‘ir ‘ümmâl ve nüzzâr ve ehl-i ‘örf tâifesi dahl itmeyub ilâhâze’l-ân vakf içün zabt olunagelmişken hâlâ merkûm Hasan Ağâ vakfın karyelerine varub re‘âyâsına ta‘arrûz idüb re‘âyâsından resm-i duhân nâmına külli akçelerinahz etmekle cânib-i vakfa külli gadr olmuşdur deyû serbestnâme-i hümâyun ibrâz idüb nazar olundukda mazmûn-ı şerîfinde selâtin-i mâziyyenin evkâfı ve re‘âyâsı min külli’l-vücûh mefrûzü’l-kalem ve maktû‘ü’l-kıdem serbest olub rüsûm-ı serbestiyyesine dahl olunmak câ‘iz değildir min ba‘d mîrmîrân ve mîrlivâ adamları ve resm-i sisâm ve resm-i duhân emînleri dahl itmiyeler eğer dahl idüb vakfa âid olan resm-i duhân almışlar ise ba’de-sübût hükm idüb alıviresiz deyû fermân olunmağın merkûm Hasan Ağâ’dan vâki‘ hâl su‘âl olundukda cevâb virüb Sâruhân sancâğından resm-i duhân mukâta‘ası iltizâmımda olmağın vakfın karyelerinden ancak binbeş yüz akçe resm-i duhân cem‘ itdim deyû i‘tirâf idecek ber mûceb-i serbest nâme-i hümâyûn cânib-i vakfa meblağ-ı merkûmı girü cânib-i vakfa hükm olunub tenbil-i birle mâhüve’l-vâki‘ bi’t-taleb ketb olundu Tahrîren fî evâil-i Saferü’l-hayr li sene tis‘a ve selasîn ve elf
Şuhûdü’l-hâl Hızır bin Receb Şa‘ban bin Receb Ali bin Ahmed İbrahim bin Mehmed Abdulgaffâr bin Sefer Mustafa bin Hasan Mustafa bin
61/8-3
Budur ki Ahmed Beşe İbn-i Yunus Servet bin Nuri mahzarında da‘vâ idüb târih-i ktârih-itâbdan yedtârih-i gün mukaddem merkûm Servet htârih-idmetkârım Altârih-i’ytârih-i bâğ arasına alub girib şarab hamr itdirmiş didikde gıbbe’s-su‘âl Seydî Kadı’nın bâğına vardık oğlan bağda imiş bir mikdâr üzüm düşürüvirüb getürdü yiyüb gelüb gittik iki senedir teehhül ideli ben ağzıma hamr almış değilim didüğü kayd şüd Tahrîren fî 6 Safer sene 1039
El-mezbûrûn Es-sâbikûn
61/8-4
Budur ki Mehmed bin Mustafa mahfil-i şer‘de Attâr Ece mahallesinden Mehmed Bey İbn-i Hüseyin mahzarında takrîr-i da‘vâ idüb mahalle-i mezbûrede vâki‘ kıbleten Mesci Hüseyin mülkü ve şarken tarîk-i âmm ve garben Rukiye Hâtun mülkü ve şimâlen câmi‘-i şerîf ve mezbûr Mehmed Bey mülkü ile mahdûd olub ve iki bâb evi ve bir toprak örtülü evi ve harâbe ahûru ve havluyu müştemil menzil babamdan intikâl etme mülk-i mevrûsüm iken ben âher diyârda iken mezbûrun yedinde buldum taleb iderim su‘âl olunsun didikde gıbbe’s-su‘âl mezbûr Mehmed Bey cevâbında menzil-i mezkûru El-Hâc Sâtı nâm kimesneden oniki bin beşyüz akçeye iştirâ‘ itdim mezbûrun idüğü ma‘lûmum değildir didüğü kayd şüd
Şuhûdü’l-hâl Hüseyin Beşe bin
Musa Şa‘ban bin Receb Abdulgaffâr bin Sefer ve gayruhum 61/9-1
Yevmü’s-sebt Saferü’l-hayr li sene tis‘a ve selasin ve elf
Budur ki Burusa’dan Ali Beşe İbn-i Abdullah mahfil-i şer‘de Süleyman bin Mehmed mahzarında da‘vâ idüb mezbûrun zimmetinde cihet-i karzdan altmış guruşum olub talep iderim didikde gıbbe’s-su‘âl mezbûr Süleyman bir habbe deynim yokdur didüğü kayd şüd
Ahmed Çelebi Şa‘ban bin Receb İbrahim bin Mehmed ve gayruhum 61/9-2
Budur ki Akhisar kazâsına tâbi‘ Kırcalu nâm karyeden İbrahim bin Hisarlı Medîne-i Mani‘sâ’da sâkîn Mehmed bin Ali mahzarında da‘vâ idüb bundan akdem El-Hâc Mehmed Pâşâ zamânında sekiz sene mukaddem on nefer sekbân ile gelub dört bin penbe ipliğim ve kîse ile üçyüz mikdârı akçem ve bir çükrüm ve bin akçem aldılar didikde gıbbe’s-su‘âl mezbûr Mehmed inkâr itdüğü kayd şüd
61/9-3
Budur ki Göktaşlı mahallesinden Mehmed Bey İbn-i Tercümân nâm kimesne mecrûhen mahfil-i kazâya gelub işbu târîh-i kitâb günü gecesi ba‘de-salâti’l-mağrib civârında sâkine Sartlı Hâtûn dimekle ma’rûf Râziye bint-i nâm hâtun havlu kapum çalub taşraya çıkduğumda mezbûrenin ardından Eğerci oğlu Mehmed Beşe nâm yeniçeri ve oğlu Ahmed durub mezbûr Mehmed Beşe sen benim hakkımda ba’zı kelimât eylemiş deyû üzerime sûğlak çıkarub üzerime yürüdükde ben havlumdan içerüye firâr itdiğimde ardımca içerü girub içerüde evimin kapusunda yetişüb sûğlak ile zahrimde sol küreğim altında urub mecrûh itdikden sonra merkûm Ahmed dâhî taşla darb itdi cârihim mezbûr eğerçi oğlu Mehmed ve cârihim merkûm Ahmed’dir bu cerâhatden fevt olursam dem ve deynim mezbûrândan ve Râziye Hâtun’dan taleb oluna cerâhatim keşf olunsun didikde fi’l-vâki‘ zahrinde sol küreği altında bıçak yarası ve göğsünde taş beresi olduğu müşâhade olunduğu kayd şüd
Tahrîren fî 7 Safer sene 39 Şuhûdü’l-hâl
Mehmed bin Osman
Hasan bin Mahmud
Habib Çelebi bin Ahmet Çelebi Ali bin Ramazan Eğlence bin Yusuf Mehmed bin Ramazan
El-Hâc Hüseyin bin Arab
Yusuf Fakih bin Murad
Hasan Hüseyin bin El-Hâc Cafer
Abdullah bin
Koca ve gayruhum
61/9-4
Ba‘dehu mezbûr Mehmed Bey benim ahâli-i mahalleden da‘vâm yokdur da‘vâm mezbûrân Mehmed Beşe ve Ahmed ve mezbûre Râziye’dendir didiği kayd şüd
61/9-5
Ba‘dehu mecrûh-ı mezbûrun cârihi Mehmed Beşe İbn-i Murad nâm Râcile serdârı Hasan Beşe ve Durmuş Beşe kefîl oldukları kayd şüd