Şahidun-el Mesfurun B-3
İ’lâm-ı keşf
Maruz-u Daî-î Devlet-i Âliyeleridir ki
Sâdır olan fermân-ı âliyelerine intisab-ı sevab-ı şer-î enverden ma’zunel mürsel mevlânâ Kâtib Mustafa Efendi dâileri ve İzzetlü Bostancı Başı Ağa tarafından tâ’yin olunan İbrahim Haseki kulları ile Kasaba-î Beşiktaş’a tabic Arnabud karyesi pişkahından mürur ederken mâkul-u sefinesi taifelerinden Yani zımmi sefine-i mezkure derununda bi kabzallah-u tealâ düşüb halik odu deyu ihbar olunan karye-î mezburedeki mahallede ve Hancı Yenaki’nin menzilinde lâsâsı üzerine varub hicriyede mazbut âlâ-yı zımmiler muvacehelerinde â’zâsına emanetin nazır olundukda halik-i mesfurun sağ kolu sakat ve eksik sağ başı üstünden mecruh olduğu led-el mu’ayene-i hakikâti sual olundukda tarih-i i’lâmdan dört gün mukaddem sefine-î mezkure karyemiz pişkâhından mürur iderken mesfur zımmi düşüp mecruh ve müteasir halik oldu deyü mesfur Yenaki ve Köy Kethüdası Tanaş bâde-l ihbar ve merfurun öne verdiği Mevlana’yı mezbur mahalinde ketb ve tahrir ma’a mezbut-u emnâ şer’i âli Meclis-i şer’e gelüb âlâ vuku’e inha ve takrir eylediği ba’de-l tescil mübaşir-i merkum kulları iltimasıyla huzur-u âlilerine i’lâm olundu baki el emr kefaretimizle el emrindir
Fi 21 S (Safer) Sene 219 B-4
İbrâ
Mahurse-î Galata’ya müzâfe Kasaba-î Beşiktaş’da Sinan Paşa’yı Atik mahallesinde sakin-i zevatı zeylî vesikada muharrer-ül esami-î Müslimin tâ’rifleriyle mârife Fatma binti Abdullah nam Hatun Meclis-î şer-î hatir-i lazım-üt tevkirde ibra-yı âti-üz zikri tasdik ve kabule kendü nefsinden asil ve zevcesi Rukiye binti Mehmed nam Hatun tarafından vekil olan iş bu baas-ül vesika Bostanî Nakkaş Mehmed bin mahzarında ikrâr-ı tam ve takrir-i kelâm idüb tarih-î vesikadan altı ay mukaddem Zevcan-ı mezburan
levazım-ı huzuriyeyi ru’yet etmek üzere mahalle-î mezburda vâkî bi-l icareteyn ve ba’zan mütevelli-i taht ve tasarrufumda olan led-el ahali ve-l ceran ma’lum-ul hudud ve-l müştemilât bir bâb vakf-ı menzilimin nısf-ı şayi’ini zevcan-ı mezburan Mehmed ve Rukiye Hatuna âli-el-iştirak senevi bi-lâ bedel mütevelli-i ferağ ve tefviz eylediğimde anlar dahi ber münvâl-ı muharrer bâ’de-l takdim-ül kabullümüz mezkurde benimle ma’en sakineler olub lâkin zevcan-ı mezburan-ı levazım-ı zaruriyeyi vaziyette tekasül etmesiyle beynimizde münafic vuku’uyla münazaat kisre ceryan etmişdir el-haletü hazihi zevcan-ı mezburan bi-l terazi menzil-i mezkûrun nısf-ı şayi’ini yine bana mütevelli-î ferağ ve tefviz ve ben dahi tasdik ve kabul ve menzil-i mezkureden harç etmeleriyle husus-u mezbure ve beynimizde cârî bi-l cümle ahz ve îcta ve muamalât-ı şitaya vesair hukuk-u ma’lume ve mechuleye müteallike amme-i da’vâda ve mütalabat ve kefe-i iman ve muhasamatdan zevcan-ı mezburan Mehmed Rukiye Hatun’un zimmetlerini ibra-yı âmme râfî inhisamla ibra ve iskat eylediğimde anlar ibrâ-yı mezkuremi kabul eylediler dedikde ğıbbet tasdik-üş şer’i mâ vâkâ bit-taleb ketb olundu fi-l yevm-ül hamiş ve-l aşer min Safer-ül Hayr sene tis’a aşer ve mi’eteyn ve elf
Şuhud-ül Hâl
El-Hac Mehmed Ağa bin Osman, Ahmed Ağa bin Ali, Ali Ağa bin Mehmed, Mehdem Ağa bin Receb, Mehmed Ağa bin Süleyman
B-5 İ’lâm
Maruz-u Daî-î Devlet-i Âliyeleridir ki
Cevahir Bostanı Hâcegânından Sâdullah Ağa İbn Mustafa İzzetlü Bostancı Başı Ağa tarafından tâyin olunan Saim Haseki kulları mübaşeretiyle Kasaba-i Beşiktaş mahkemesine ihzar etdirdiği Tüccar Zafiri Veled Asturi nam zımmi muvacehesinde meclis-i şer’de mesfur zamiri zimmetinde bundan akdem yedinden iştira ve ahz ve kabz eylediği Sincaplı Çarşısı semeninden yetmiş ğuruş ve Çarkuşa Şal semeninden yigrmi ğuruş ve şemasi samur nefsi kürk semeninden kırk beş ğuruş ve bir tab beyaz entarilik ve bir beyaz entari semenlerinden kırk iki ğuruş ve bir şal semeninden on altı ğuruşda cemcan yüz doksan üç ğuruş alacak hakkım olmağla sual olunub alı verilmek matlumumdur deyü bâ’de-l da’vâ ve-l sual mucebiyle meblağ-ı mecmuc mezkur yüz doksan üç miri mezbur Sâdullah Ağa (V12-a/V12-b) edâ’ ve teslime mesfur zafiri zımmiye tenbih olunduğu
ba’de-l tescil mübaşir-i merkum iltimasıyla huzur-u âsâfilerine i’lâm olundu baki el emr kefaretimizle el emrindir
Fi 29 S (Safer) Sene 219 B-6-
İlâm
Maruz-u Daî-î Devlet-i Âliyeleridir ki
Divarcı Yani veled Tudor nam zımmi İzzetiy Bostancı Başı Ağa tarafından ta’yin olunan Selim Haseki kulları mübaşeretiyle Kasaba-î Beşiktaş mahkemesine ihzar ettirdiği Tüccar Zafiri Veled Asturi nam zımmi müvacehesinde meclis-î şer’de bundan akdem mesfur zafiri zımmi Uzun Nazır Ağa’nın tutağı ebniyesinin mahdudi bina ve inşasını maktu’ üzerine alub ebniye-i mezkureyi bina ve inşaya mübaşeret eyledik de iş bu yedimde olan defter-i musarıfat mantukunca emriyle iştira ediverdiğim enva’i kkerasta ve ecnas-ı simar semenlerinden deyü arcik ücretinden mesfur zafiri zimmetinde cemcan iki yüz altmış dört ğuruş alacak hakkım olmağla sual olunub alıverilmek matlumumdur deyü ba’de-l da’vâ ve-l sual ve-l ikrar mucebiyle meblağ-ı mezkur iki yüz altmış dört ğuruşu miri mesfure edâ’ ve teslim-i merkum Tüccar Zafiri zımmiye tenbih olunduğu tescil ve mübaşir-î merkum iltimasıyla huzur-u âlilerine ilâm olundu bakî el-emr kefaretimizle el emrindir
Fi 29 S (Safer) Sene 219 B-7
İlâm
Maruz-u Daî-î Devlet-i Âliyeleridir ki
Simsar Kunurte Veled Evram Yahudi İzzetlü Bostancı Başı Ağa tarafından tayin olunan Hüseyin Haseki kulları mübaşeretiyle Kasaba-î Beşiktaş mahkemesinde ihzar etdirdiği pazarkâne Kundatil Veled Komto nam zımmi müvacehesinde meclis-î şer’de pazarkâne taifesinden Turlori Veled Nikole Kulbi nem zımmi zimmetinde beynimizde malum eşya semeninden yüz otuz dört ğuruş on dokuz para alacak hakkım olmağla mesfur Turlori tarih-i i’lâmdan bir ay mukaddem meblaüı mezkur iş bu Kundefil zımmiden bana havale-î sahihe şer’îyye ile ba’de-l havalet-i ve-l kabul-ü mesfur Tudori
diyar-ı ahere âzam olmağla meblağ-ı mezkur yüz otuz dört ğuruş on dokuz paayı min cihet-il havale-î mesfur Kundafil zımmiden talebi derim deyü ba’de-l dava v-l inkâr-ı mir-î mafurdan ber veçhi muharrer mirasını mütabıka beyyine taleb olunduk da etyan-ı beyyineden izhar birle tahlife taleb olmağın mesfur Tudori zımmi tarih-î merkumde meblağ-ı mezkur yüz otuz dört ğuruş on dokuz parayı Deyn-i mesfur Kunurte Yahudi’ye havale-î sahihe-i şer’iyye ile havale idüb kabul etmediğine yemin teklif olundukda mesfur Kundafil zımmi dahi yemininden nükul etmeğin mucebiyle meblağ-ı mezkur yüz otuz dört ğuruş on dokuz parayı mesfur Kunurte Yahudi’ye edasıyla merkum Kundafil zımmiye tenbih olunduğu tescil ve mübaşir iltimasıyla huzur-u âsâfilerine ilâm olundu baki el-emr kefaretimizle el-emrindir
Fi Selh S (Safer) Sene 219 B-8 İlâm
Maruz-u Daî-î Devlet-i Âliyeleridir ki
Havlucu Agob Veled Evakim nam zımmi Halvet Bölükbaşı Halil kulları mübaşeretiyle Kasaba-î Beşiktaş makemesine ihzar etdirdiği Berber Kalfası Andon Veled Bedras nam zımmi müvacehesinde meclis-î şer’de Havlucu Bagdas Veled Hüdaverdi nam zımmi zimmetinde havlu semeninden kırk ğuruş alacak hakkım olub mesfur Bagdos zımminin dahi iş bu Andan zimmetinde havlu semeninden kırk ğuruş alacak hakkım olmağla tarih-i i’lâmdan bir sene mukaddem üçümüz bir mahalde haiz iken mesfur Bagdos mablağ-ı mezkur kırk ğuruş merkume Andon zımmiden bana havale-î sahih-üş şer’îyye ile ba’de-l havaleti ve-l kabul meblağ-ı mezkurun on yedi ğuruşunu mesfur Andon bana edâ’ ve teslim ve ben dahi yedinden ahz ve kabz idüb yigrmi üç ğuruş baki kalmağla meblağ-ı baki-i mezkuru talebi derim deyü ba’de-l da’vâ ve-l sual mesfur Andon merkum Baydos zımmiye havlu semeninden kırk ğuruş deyni olduğunu ikrar lâkin havale-î mezkureyi ba’de-l inkâr miri mesfurden ber vech-i muharrer mirasını mütabık-ı beyyine taleb olunduk da etyan-ı beyyineden izhar birle tahlife taleb olmağın ol dahi yemininden nükul etmekle mucebince meblağ-ı baki-î mezkur yigrmi üç ğuruş mirî mesfur Agob zımmiye edâ’ ve teslim-i merkum Andon zımmiye tehbih olunduğu tescil ve mübaşir-î merkum iltimasıyla huzur-u âlilerine ilâm olundu baki el-emr kefaretimizle el-emrindir