Mahruse-î Galata’ya müzâfe Kasaba-î Beşiktaş’da Maçka Mahallesi İmamı için bundan akdem vefat iden Es-Seyyid Hafız Mehmed Efendi Bin Es-Seyyid Ahmed bin Abdullah’ın veraseti zevce-î menhuke metrukesi Hâfız Hatun İbneti El-hac İsmail ile Salih Kebir oğlu Es-Seyyid Osman ve Sülbiye Kebir oğlu Es-Seyyid Osman ve Sülbiye Kebire Kızı Şerife Züleyha’ya münhasıra mes’elesi yigrmi dört siham-ı mezkureden üç sehm zevce-i mezbure Hafız Hatun ve on dört sehmi oğlu mezbur Es-Seyyid Osman’a ve yedi sehmi kızı mezbure şerife Züleyha’ya isabeti led-üş şer’ül enver zahir ve mütehakık olduktan sonra zevce-î mezbure Hafize Hatun bundan akdem müteveffâ-yı mezburdan müntakil zikr-i âti bir bâb mülk-ü menzilde olan siham-ı mezkure mucebince üç sehm hisse-i ırsiye-i şayicine mezburan Es-Seyyid Osman ve Şerife Züleyha’ya al-el iştirâk El Sevi Batar sıhhen semen mâ’lum makbuza bi-l hüccet-î şer’iyye beyc ve temlik ve teslim idüb ol-vecihle menail-i mezkûrun on beş buçuk sehmi mezbur Es-Seyyid Osman’ın ve sekiz buçuk sehmî Mezbure Şerife Züleyha Hatun’un şer’an mülkleri olduktan sonra zât-ı tâ’rif-î şer-î ile mârife-i mezbure şerife Züleyha Hatun meclis-î şer-î hatzât-ır-î lazzât-ım-üt tevkirde iş bu baas-ül vesika karındaşı mezbur Es-seyyid Osman mahzarında ikrâr-ı tâm ve takrir-î kelâm idub mahalle-î mezburede vâkî bir tarafdan Zenbiye Raşende Hatun menzili ve bir tarafdan Fatma Hatun menzil-i arsası ve bir tarafdan Maçka Hangâhı ve taraf-ı rabic tarik-i amm ile mahdud fevkâni iki bâb oda ve bir sofa ve tahtında bir mutbah ve bir ber’a kenif bir mikdar bağçe zukak kapusun müştemil bir bâb mülk-ü menzil mevrusumuz babamız müteveffâ-yı mezburun al-el vefat mülkü ve ba’de-l vefate terekesinden olub siham-ı mezkure mucebince bizlere mevrus olmağla ben menzil-i mezkûrde âsâr-ı şerrî mâlik olduğum sekiz buçuk sehm-i hisse-i şay’ini bi-l cümleti ma’işetimle ukuye tarafından icâb ve kabulü hâvî ve şürût mesfureden ârî beycîbât sahih-i şer-î sahih-ile karındaşım mezbur Es-Seyysahih-id Osman yüz guruşa beyc ve temlik ve teslim eyledik de ol dahi bir münval-ı muharrer iştirâ ve temellük ve tesellüm ve kabul idüb semeni olan meblâğ-ı mezkûr yüz guruş bana defc ve teslim ve ben dahi yedinden tamamen teslimve ahz ve kabz eyledim bâ’de-l yevm menzil-i mahdud-u mezkurede
B-2 Devamı
Benim kat’a âlâka ve medhalim kalmayub karındaşım mezbur Es-Seyyid Osman’ın münhasıran mülk-ü mahzı ve hakk-ı sarf olmuşdur keyfimâ yâ’şa ve bahtiyar mutasarrıf olsun dedik de ğıbbe-t tasdik üş şer’î mâ vâkâ bi-t taleb ketb olundu fil yevm sâni min şehr-i Rebi’ül evvel sene tis’a aşer ve mi’eteyn ve elf
Şuhudü-l Hâl
Abdullah Ağa İbn Mehmed, Hüseyin Ağa Bin El-Hac Kadir, Berber Es Seyyid Mehmed Ağa İbn Es-Seyyid Halil, Mehmed Ağa Bin Süleyman, Salih Ağa Bin Abdullah
Tereke’den hisse-i ırsiyesinden ibraz B-3
Mahruse-î Galata’ya müzâfe Kasaba-î Beşiktaş’da Sinan Paşa’yı Atik Mahallesinde sakin iken bundan akdem vefât iden İbrahim Ağa İbn Mehmed Sadık bin Abdullah’ın veraseti zevce-i menkuhe-i metrukesi Hayriye binti Abdullah nam Hatun ile li-üm karındaşı El-Hâc Ali Ağa İbn Yusuf’a münhasır olduğu led-üş şer’ül enver zâhir ve mütehakkık oldukdan sonra zât-ı zeyl-i vesika muharrerül-esamîc müslimin tâ’rifleriyle mâ’rife-î zevce-î mezbure-î Hayriye Hatun meclis-i şer’i hatır lazim-üt tevkirde tereke müteveffâ-yı mezbure bi-l verase vaziciyedi olan iş bu baas-ül kitab mezbur El_Hac Ali Ağa mahzarından bi-l verase ikrâr-ı tam ve takrir-î kelâm idub zevcem müteveffâ-yı mezburun terekesi akl-el kalil olmağla rabi hisse-i ırsiyemden ben bi-l terazi ferağa olub zevcim müteveffâ-yı mezburun zimmetinde mütekarrer ve ma’kud-u âliyye olan iki yüz guruş mihr-i muacele ve dahil defter-i kassam ve hariç ez defter-i kalil ve keşir ve celil ism-i matlak olduğu bi-l cümle terekesinden hisse-i mezkureye müteallike amme-î dâ’vadan ve mütalabet ve kefe-î iman ve muhasamatdan mezbur El-Hac Ali Ağa’nın zimmetini mücasen ibrâ ve sahih-i şer-î rafî inhisamla ibrâ ve iskat eylediğimde ol dahi bir veçhi muharrer ibra-yı mezkûr-u kabul eyledim dedikde ğıbbe-t tasdik üş-şer’î mâ vâkâ bit-taleb ketb olundu fi-ğurre-î Rebi-ül evvel sene ti’a aşer ve mi’eteyn ve elf
Şuhud-ül Hâl
Fahr-ı Ulema Es-Seyyid Ali Efendi İbn El-Hac Mustafa, Balmumcu Es-Seyyid Mahmud Ağa, Balmumcu Mehmed Emin Ağa, Balmumcu Es-Seyyid Hafız Hüseyin Efendi, Balmumcu Hafız Muhammed Efendi
Hüccet B-4
Mahruse-î Galata’ya müzâfe Kasaba-î Beşiktaş’da Rum Ali Ağa mahallesinde sakîn-î zevat-ı zeyl-i vesikada muharrer-ül esâmi-î müslimin tâ’rifleriyle marife Şerife Münevver binti Es-Seyyid Hüseyin nam Hatun Meclis-î şer-î hatir-î lazım-üt zevç matluku iş bu rabi-ül vesika Ahmed Beşe ibn Mustafa
B-4 Devamı
Mahzarında bi-l tev’iha ikrar-ı tam ve takrir-î kelâm idub mezbur Ahmed beşe bundan akdem yigrmi beş guruş mihr-i muaccel-i tesmiyesiyle zevç ve ahalim olub iş bu tarih-i kitab günü bende tatbik etmekle muacelem ve nafaka-i ve ma’kul-u âliye olan yigrmi beş guruş mihr-i muacelem ve nafaka-i iddet-i seknam içün dahi bit terazi ta’yin olunan beş ğuruşe cemcan otuz guruşu bana defc ve teslim eyledikde ben dahi yedinden tamamen ahz ve kabz idüb hukuk-u zevciyete ve tarih-î vesikaya gelince beynimizde cârî bil-cümle ahz ve ictâ ve muamelât-ı şitâya vesair müteallike amme-i dâcvayı mütâlabat ve kefe-î iman Mezbur Ahmed beşenin zimmetini birâ-yı amme sahih-i şer’i rafi inhisamla ibrâ ve iskat eylediğimde ol dahi ibrâ-yı mezkure kabul eyledim dedikde ğıbbet tasdik-üş şer-î mâ-vâkâ bi-t taleb ketb olundu fi-l yevm-ül hamis144amişSafer-ül Hayr sene tis’a aşer ve mieteyn ve elf
Şuhud-ül Hâl
Haseki-i Hassadan Mehmed Beg, Divanhâne Çavuşlarında Ömer Ağa, Bostanî Ömer Ağa
V 13-b B-5
Husus-u âti-ül beyanın mahalinde ketb ve tahrir içün sevab-ı şer-î enverden bilâ iltimas irsal olunan Mevlana Kâtib Edib Efendi İbn Mehmed mahruse-î Galata’ya müzafe Kasaba-î Beşiktaş’da Rum Ali Ağa mahallesinde sakin Ali Ağa İbn Mustafa’nın menziline varub zeyl-î sahifede muharrer-ül esami-i müslimin huzurlarına akd-ı meclis-î şer-î âli eyledik de mezbur Ali Ağa meclis-î ma’kud-u mezkurde vasiyet âti-ül beyanı tenfize vasi muhtar nasb ve tayin eylediği hâlâ zecesi baasata hazini-l vesika Meryem Hatun binti Mehmed mahzarında ikrar-ı tam ve takrir-î kelâm idüb bundan akdem zevcem mezbure Meryem Hatun yedinden min cihet-ül karziyye üç yüz ğuruş ahz ve kabz idüb umuruma harç ve sarf ile istihlak etmeyle meblağ-ı mezkur üç yüz ğuruş ile zevcem mezbureye mütememdide ve mütekarrer ve ma’hud-u aliye deynim olan mihr-î muacceli seksen ğuruş cem’an üç yüz seksen ğuruş lazım-ül edâ’ zevcem mezbure Meryem Hatun’a deynimdir dedik de bi Emrullah-i tealâ vefat eylediğimde zevcem mezbure bi-l cümle terekemi ahz ve kabz idüb ol vecihde minval üzere teçhiz ve tekfinim ve levazım-ı meramlevazım-ı emrleri görülüb deyü mezkurem dahi ba’de-l edâ baki kalan terekemin sülüsünü ikraz ve sülüs-ü mezkurdan yigrmi beş ğuruşu iskat ve kefaret içün devr olunub fukara-yı müslimine tasdik oluna ve bakî kalur ise vesaye-i mezbure kendü reyiyle vücuh bile harç ve sarf eyleye deyü vasiyet ve veçhe mübeyyin üzere vesaya-yı mezkuremi tenfize zevcem mezbure Meryem Hatun’u vasi muhtar nasb ve ta’yin eyledim dedik de ol dahi ber vehci muharrer vesayet-î merkumeyî kabul ve hizmet-î lazımesini ke’ma mâhak edâ’ya taahhüd ve zam eylediğini mevlanayı mezbur mahalinde ketb ve tahrir ve mâ mürsel emnâ i şer’e gelüb âli vuku’e inha ve takrir etmegin ma vâkâ bi-t taleb ketb olundu fi-l yevm-ül hamiş min şehr-i Rebiül evvel sene tis’a aşer ve mi’eteyn ve elf
Şuhudü-l Hâl
Sinan Paşa İmamı Es-Seyyid Ali Efendi İbn El-hac Mustafa, Türbedar El-Hac Ahmed Ağa İbn Mehmed, Es-Seyyid Süleyman Ağa İbn Mehmed, Aşçı Başı Osman beşe ibn Halil
B-6 İbrâ
Mahruse-î Galata’ya müzafe Kasaba-î Beşiktaş’da Sinan Paşa’yı Atik mahallesinde sakin iken bundan akdem vefat iden Zaim İsmail Ağa İbn Ali’nin veraset-i zevce-i metrukesi Azime Hanım İbneti Mahmud ile Sülbiye Kebir Oğlu Ali Beg ve
Sülbiye Sağire kızları Fatma ve Emine ve Sabiryye izhar-ı ba’de-l tasdik üş-şer’î mahmiye-î İslambol’da Kafesci Es-Seyyid Ömer Bin Es-Seyyid Ali nam kimesne meclis-î şer-meclis-î hatır lazım-üt tevkirde iş bu baas-ül vesika zevce-meclis-î mezbure Azime Hanım mahzarında ikrar-ı tam ve takrir-î kelâm idüb müteveffa-yı mezbur Zaim İsmail Ağa zimmetinde ma’lum-ül aded tahta semeninden olarak hakkım olan yetmiş ğuruş kendü hisse-i irsiyesinden edâ etmek üzere bundan akdem mezbure Azime Hanım üzerine olub meblağ-ı merkumun yigrmi beş ğuruşunu bana edâ’ ve teslim ve ben dahî yedinden ahz ve kabz idüb baki kalan kırk beş ğuruşu dahi taleb-i dâ’va südurunda olduğumda ol vecihle beynimizde ba’de-l vuku’ olunan bâ vesâtat-ı müslimin da’vâ-yı mezkuremden ferağa olmak üzere on ğuruş üzerine ben inşa-î akd-ı sulh eylediklerinde ben dahi bir münval-ı muharrer sulh-u mezkurumu ba’de-l kabul bedel-i sulh olan meblağ-ı merkum on ğuruş mezbure Azime Hanım yedinden ahz ve kabz idüb meblağ bakî otuz beş ğuruş müteallike amme-i da’vâda ve mütalabat ve kefe-î iman ve muhasamatdan mezbure Azime Hanım’ın zimmetini ibrâ-yı amme rafi inhişam ve kat’il niza ile ibrâ ve iskat eylediğimde ol dahi bana medfuc olan bedel-i sulh mezkure müteallika da’vâdan benim zimmetimi ibrâ ve iskat idüb ve her birimiz ber vech-i muharrer aherin ibrâsını kabul eyledik dedik de ğıbbe-t tasdik üş şer-î mâ vâkâ bi-t taleb ketb olundu fi-l yevm-ül samin min şehr-i Rebi-ül evvel sene tis’a aşer ve mi’eteyn ve elf
Şuhudü-l Hâl
Hacegân-ı Divan-ı Mualla Erkanından Safalızade İsmail Efendi, Zahir El-Küttab Mustafa Edib Efendi İbn Mehmed, Muhassır Mahmud Ağa İbn Süleyman, Muhassır Veliyüddin Bin Mustafa
B-7 İlâm
Maruz-u Daî-î Devlet-i Âliyeleridir ki
Kasaba-î Beşiktaş’a tabi Arnabud karyesinde mütemekkin Çukacı Nikole Veled Dimitri nam zımmi karye-î mezburede Yasakçı Mehmed Said kulları mübaşeretiyle meclis-î şer-e ihzar etdirdiği Kahveci Ferdunus Veled Anaşdaş nam zımmî müvaehesinde meclis-î şer’de tarih-î i’lâmdan altı sene mukaddem yedinden iştirâ ahz ve kabz eylediği bir çuka mülk ve bir şalvar semeninden mesfur Ferdunus zemmî zimmetinde elli ğuruş alacak hakkım olub yigrmi yedi ğuruşunu bundan akdem ahz ve kabz idüb yigrmi üç
ğuruşu hâlâ zimmetinde bakî kalmağla taleb ederim deyü ba’de-l da’vâ ve-l ikrar mucebiyle meblağ-ı baki mezkur yigrmi üç ğuruş dahi müddei-i mesfur edâ’ ve teslim-i merkum Ferdunus zımmiye tenbih olunduğu tescil ve mübaşir-î merkum iltimasıyla huzur-u âlilerine ilâm olundu baki el-emr kefaretimizle melleh-ül emrindir
Fi 9 Ra (Rebiül Ahir) Sene 219 B-8
İbra
Mahruse-î Galata’ya müzafe Kasaba-î Beşiktaş’a tabi Ortaköy mütemekkinelerinden şahs-ı zeyl-i vesikada muharrer-ül esami kimesneler tarifleriyle marife Ezmira bintî Kostantin nam nasraniye meclis-î şer-î hatir lazım-üt tevkirde Sülbiye Kebire kızı iş bu hamlet-ül sefir Despine binti Anaştaş nam nasraniye muvacehesinde bir tev’iha ikrar-ı tam ve takrir-î kelam idüb karye-î mezburede vaki bir tarafdan hakkım Çalbuk Yahudi veresesi Tendir-i ve Gürcü Yenaki menzili ve bir tarafdan Yahudihâne ve taraf-ı rabi tarik-i amm ile mahdud-u mâ’lum-ül müştemilât bir bâb vakf-ı menzil ve bi-l icareteyn bazan mütevelli kızım Despine Nasraniye ile al-el iştirak taht ve tasarrufumuzda olmağla ben bundan akdem menzil-i mahdud-u mezkurde olan nısf-ı hisse-i şayi’imi bi tev’iha ve-l rıza kızım mersume Despine Nasraniyeye sekiz yüz ğuruş bedel mukabelesinde bazen mütevelli ferağ ve tefviz eylediğimde ol dahi ber münval-ı muharrer ba’de-l tefviz ve-l kabul bedel-i mezkur yüz ğuruşun yedi yüz elli beş ğuruşunu bundan akdem bana defc ve teslim ve ben dahi yedinden tamamen teslim ve ahz ve kabz idüb kırk beş ğuruşu zimmetinde baki kalmışdı el-haletü hazihi meblağ-ı baki-î mezkur kırk beş ğuruşu dahi bana edâ’ı ve teslim etmekle ben dahi yedinden teslim ve ahz ve kabz idüb menzil-i mekzur bedeline ve tarih-î kitaba gelince beynimizde ceryan eden ahz ve i’ta ve muamelât şitaya ve bi-l cümle hukuk saireye müteallika amme ve mütealabat ve kefe-î iman ve muhasamatdan kızım mesfure Despine Nasraniyenin zimmetni ibrâ-yı amme sahih-î şer’e, rafı inhisamla ibrâ ve iskat idüb ol dahi ber vech-i muharrar ibra-î mezkuremi kabul eyledi dedik de ğıbbe-t tasdik üş-şer’î ma vâkâ bi-t taleb ketb olundu fi-l yevm-ül tas imin şehr-i Rebiül evvel sene 1219
Şuhudü-l Hâl
İmam Mehmed Şakir Efendi İbn El-Hac Hafız Hüseyin Efendi, El_hac Mehmed Emin Efendi İbn Ömer, Mehmed Emin Efendi İbn Hafız Mehmed Seyyid Efendi, Berber İsmail Ağa İbn Muhammed, Memiş Ağa İbn Mustafa
V 14-a
İ’lâm mahalleden ihraç B-1
Maruz-u Daî-î Devlet-i Âliyeleridir ki
Kasaba-î Beşiktaş’da Maçka mahallesi ahalisinden İmam Hafız Mehmed Efendi İbn Ali ve İsmail Efendi İbn El-Hâc Mehmed ve Es-Seyyid Osman Çelebi İbn Es-Seyyid Mehmed ve Ali bin Hüseyin ve Mehmed Ağa İbn Mustafa ve Salih bin Hüseyin ve Molla Ahmed bin Mehmed ve Hasan bin Mehmed ve Çelebi Ağa İbn Mehmed ve Yahya bin Mustafa ve Osman bin Ömer ve Abdullah bin Mehmed ve El-Hâc Ali Ağa ibn Mustafa ve Mehmed Ağa ibn Ali ve El-Hâc Mustafa Ağa ibn Ahmed ve el-Hâc Mehmed Ağa İbn Osman ve Hafız Mehmed Ağa ibn Mustafa ve müezzin Es-Seyyid Mustafa İbn Es-Seyyid Mehmed nam kimesneler İzzetlü Bostancı Başı Ağa tarafından tâ’yin olunan Haseki Mehmed Ağa kulları mübaşeretiyle ihzâr etdirdikleri mahalle-î mezbur sakinden Saka Salih bin Halil muacelesinde meclis-î şer’de mezbur saka salih mahallemizde arz ve da’at ile ikamet etmeyüb fahişe güruhundan nâmahrem nutemerri menziline getürüb fısk ve fesad üzere olduklarından mâ’da kapusu pişkâhından leyl ve nihar-ı arazil-i zekbat geşt ve güzar etmekle bi-l külliye ve ihtiraz maslub olmağın bundan akdem mezbur Saka Salih’e arz ve da’at ile ikamet etmek üzere bi-l vukuat tenbih ve nesh ve pend eylediğmizde ıslahımızı asfa etmeyüb if’al-ı kubbiyesinde ısrar eyledikden ğayrı süduru lâyık olmayan kelimat-ı nâsıra ile tâ’ciz ve tekdire ibtidar vecihle evza ve etvarından aciz ve Pazar olmamızla mezbur Saka Salih mahalle-i mezbureden hurucuyla tağrir ve iz’ac olunması muradımızdır deyü her biri bi-l müvacehe ihbar ve mahalle-i mezbureden ihraç olunmasını iltimas etmeleriyle Mezbur Saka Salih ıslah-ı nefs edinceye kadar mahalle-î mezbureden hurucuna kabul şer’î enverden tenbih olunduğu tescil ve mübaşir-î merkum iltimasıyla huzur-û âlilerine îlâm oulndu baki el-emr mellehül emrindir.
Mübaya’a-yı dükkân B-2
Mahruse-i Galata’ya müzâfe Kasaba-î Beşiktaş’da Sinan Paşa’yı atik mahallesinde sakin El-Hâc Ahmed Ağa İbn Ali Ağa nam kimesne meclis-î şer-î hatir-î lazım üt tevkide iş bu baasül vesika El-Hâc Sadullah Efendi İbn El-Hac Abdullah Efendi mahzarında ikrâr-ı tam ve takrir-î kelam idüb aleyhin südur haze-l beycî yedimde mülk ve hakkım olub kasaba-yı mezburede Arb İskelesi kurbunda etmekçi fırını karşısında vâkî bir tarafdan Hazinedâr Ağa dükkânı ve bir tarafdan Mehmed Selim Ağa menzili ve tarik-î âmm ile mahdud birbirine müteselsil dört kepenk iki bâb mülk Kolancı dükkanlarını cümleti maişetimle bikaye tarafından îcâb ve kabulü hâvî şürut müfessede ve muvaza’adan ârî beyc-î bât sahih-i şer-î ile müşteri-i mezbur El-Hâc Sadullah Efendi’ye dört yüz on guruş beyc ve temlik ve teslim eyledikde ol-dahi ber münvâl-ı muharrer bâ’de-l iştira ve temebâ’de-lbâ’de-lük ve tesebâ’de-lbâ’de-lüm
B-2 Devamı
Ve-l kabul semeni olan meblâğ-ı mezkûr dört yüz on guruş bana defc ve teslim ve ben dahi yedinden tamamen teslim ve ahz ve kabz eyledim bâ’de-l yevm mâr-ûz zikr iki bâb Kolancı dükkânı mezbur El-Hâc Sadullah Efendi’nin mülk müşterası ve hakk-ı sarf olub benim kat’â âlâka ve medhalim kalmamışdır keyfimâ yâ’şa ve bahtiyar ve mutasarrıf olsun dedik de ğıbbet tasdik üş şer’i mâ vâkâ bi-t taleb ketb olundu
Fi 13 Ra (Rebiül ahir) Sene 219