Kahveci Çolak Kara Mehmed Beş, Kemahlı Mehmed Beşe, Bostancı Halil beşe, Turşucu Mehmed beşe, Eski Abdullah Beşe
Mübaya’a-yı hisse-i menzil B-3
Mahruse-î Galata’ya müzâfe Kasaba-yı Beşiktaş’da Sinan Paşa’yı Cedid mahallesinde sâkin iken bundan akdem vefat Kuzat-ı kiramdan Mehmed Emin Efendi İbn El-Hâc Hasan bin Abdullah’ın veraset-i zevce-i metruke-i menkusesi Şerife Rukiye
Hatun ibneti Es-Seyyid Mehmed ile li-üm er karındaşı El-Hâc İbrahim Ağa’nın ve Sülbiye Kebir oğlu Muhzır Alemdar Hüseyin El-Kerem Mehmed Şâkir Efendi’ye münhasır ve tashih mes’ulesi dört sehmden i’tibar olub siham-ı meskûreden bir sehm zevce-î mezbure-î şerife Rukiye Hatun ve üç sehm mumâ ileyh Mehmed Şâkir Efendi’ye isabet ve intikal eylediği bâ’de-l tahkik üş-şer’î mezbure-î Şerife Rukiye Hatun tarafından bey-i ati’üz zikre ikrare vekil olduğu zât-ı mezbureyi bi-l ma’rifet-üş şer’iye-i ârifân Türbedar El-Hâc Ahmed Ağa İbn Mustafa ve müezzin Molla Ahmed bin Mehmed nam kimesneler şehadetleriyle sabit ve sübut vekâletine hükm-ü şer-ül-hâk olan Es-Seyyid Ali ASğa İbn Es-Seyyid Mehmed Selim nam kimesne meclis-î şer-î hatir-î rafi ikrarda iş bu rafiîcül kitab mumâ ileyh Mehmed Şakir Efendi mahzarında bi-l vekâle ikrâr-ı tam ve takrir-î kelâm idüb müvekkilim mezbur Şerife Rukiye Hatun mahalle-î mezburede vâkî bir tarafdan Doğşa Kadın menzili ve bir tarafdan Kılıç Ali Paşa Hamamı ve bir tarafdan Saray Bekçisi Muhammed Ağa menzili ve ba’zan Hanife Usta menzili ve mukabir-i müslimin ve tarık-î âmm ile mahdud dahiliyede tabaka-î âliyesinde bir bâb oda ve bir sofa ve divanhâne ve bir kenif ve tabakac ustasından üç bâb oda ve bir sofa ve divanhâne ve bir kenif ve tabaka sofalı bir bâb oda ve bir hamam ve bir mutbah ve bir ber’a ve bir kenif ve eşcâr-ı meşruh ve ğayri meşruh bir mikdar bağçe ve harciyesine tabaka-i âliyede iki bâb oda ve bir sofa ve divanhâne ve tabaka-i ruhsata bir bâb oda ve bir sofa ve bir kenif ve tahtında bir samanhâne ve iki ahur ve bir mikdar havlı ve dahiliye-î mezkurede Hanife usta menzili tarafında vâkî tabaka-yı âliyyede iki bâb oda ve bir sofa ve divanhane ve bir kiler ve bir kenif ve tabaka-yı ruhsatda iki bâb oda ve bir sofa ve divanhane ve bir kiler ve bir kenif ve tabaka-yı sofalı iki bâb oda ve bir mutbah ve bir kömürhane ve bir bâb sokak kapısın müştemil hariciye ve dahiliyeyi muhtevi bir bâb mülk
B-3 Devamı
Menzil-i müruşumuz müteveffâ-yı mezburun al-el vefatı mülkü ve baad-el vefate terekesinden olub siham-ı mezkure mucebince bizlere isabet ve intikal etmişdi el-hâletü hazihî ben menzil-i mahdud-u mezkurde olan siham-ı mezkure mucebince bir sehm hisse-i ırshisse-iyet şa’yhisse-ihisse-imhisse-i bhisse-i-l cümlethisse-i mahisse-işethisse-imle Rukhisse-iye tarafından hisse-icâb ve kabul-ü hâvî şürut müfessededen ârî bey-i’bât sahih-i şer-î ile mumâ ileyh Mehmed Şakir Efendi’ye bin iki yüz elli guruş beyc ve temlik ve teslim eyledikde ol dâhî ber münval-ı muharrer istirâ ve temellük ve tesellüm ve kabz ve kabul idüb semen olan meblağ-ı mezkûr bin iki yüz elli guruş bana defc ve teslim ve ben dahi yedinden tamamen ahz ve kabz idüb hisse-i
mezkûrenin ğain ve tağririne müteallike âmme-î dâ’vadan mumâ-ileyh Mehmed Şakir Efendi’nin zimmetini ibrâ-yı âmme ile ibrâ ve iskat eyledim bâ’de-l yevm menzil-i mahdud ve mezkûrun üç sehm arsa ve bir shem dahi şerrâr mumâ ileyh Mehmed Şakir Efendi’nin mülkü mahzı ve hakk-ı sarfı olmuşdur benim kat’a alaka ve medhalim kalmamışdır beytima yâ’şâ ve bahtiyar mutasarrıf olsun didi dedikde ğıbbe-t tasdik üş şer’î mâ vâkâ bi-t taleb ketb olundu fi-l yevm-ül hadî aşer min şehr-i Rebi-ül evvel
Sene 219 Şuhuü-l Hâl
Fahr-ül Ulema Zaim Mehmed İsmed Ağa İbn El-Hâc Ömer, Berber Mehmed Ağa İbn Halil, Nakkaş Ahmed beşe Emin Mehmed, Derviş İsmail bin Halil, Abdulkadir bin Mustafa, İbrahim bin Mustafa
B-4
Mahruse-î Galata’ya müzafe Kasaba-î Beşiktaş’a tabi Arnabud karyesinde mütemekkin bakkal esnafından Kostantin Veled Anaştaş nam zımmî meclis-î şer-î şerif-î enverde iş bu hamil-üs sefer Aleksandır Veled Yenaki nam zımmi müvacehesinde ikrar-ı tam ve takrir-î kelam idüb istiflâl-ikrar-ı âti-ül beyanikrar-ın süduruna değin bi-l hüccet-î şer’iyye-î yedimde mülküm olub karye-şer’iyye-î mezburede eski Çeşmebaşı nam mahalde vâki led-el ahali ve-l ceran malum ül-hudud Küllahcı oğlu dükkanı demekle arife bir bâb bakkal dükkânı derununa mevcud beyn-ül esnaf gediği tabir olunur iki mizan ma’a derayim ve üç kantar ve beş tabla ve iki revgan-ı zeyd küpü vesair bi-l cümle âlat-ı lazıme-i ma’lumeden olan nısf-ı hisse-i gediği ve yine karye-i mezburede zevkinde vaki led-el ahali ve-l cerân ma’lum-ül hudud Kapıkolluk dükkânı demekle meşhur bir bâb bakkal dükkânı derununa mevcud beyn-ül esnaf gediği tabir olunur iki mizan ma’a derayim ve üç kantar ve beş tabla vesair bi-l cümle âlat-ı lazıme-î ma’lumeden olan nısf-ı hisse-i gediği bi safiyyet-ül ahz mesfur Aleksandır zımmiye bin ğuruş bi-tarık ül-istiflal beyc ve teslim eylediğimde ol dahi ber minval-ı muharrer iştira ve tesellüm ve kabul edüb semeni olan meblağ-ı mezkur bin ğuruşu bana defc ve teslim Ve ben dahi yedinden tamamen teslim ve ahz ve kabz eyledikden sonra mesfur Aleksandır zikr olunan dükkânlarda olan nısf-ı gedikleri ba’de-l tahliyet-üş şer’iyye tarih-î kitabdan iki sene tamamına değin beher şehr on ikişer ğuruşdan iki yüz seksen sekiz ğuruşu yine bana icâr ve teslim ve ben dahi ber minvâl-ı
muharrer isticar ve kabul eyledim dedik de ğıbbe-t tasdik üş şer’î ma vâkâ bi-t taleb ketb olundu fi-l yevm-ül hadî aşer min şehr-i Rebi-ül evvel sene tis’a aşer ve mieteyn ve elf
Şuhudü-l Hâl
Nikde Veled Anaşedi Simander Veled Dimitri, Kostanti Veled Dimitri, Panayot Veled Yani, Nikole Veled Anaştaş, Kethüdâ Anaştaş ve ğayruhun
B-5 Muhala’a
Mahruse-î Galata’ya müzâfe Kasaba-î Beşiktaş’da Sinan Paşa Atik mahallesinde sakin-î zevat-ı zeyl-î vesikada muharremül esami-î müslimin tarifleriyle marife hadice binti Mehmed Emin nam Hatun meclü-î şer-î hatir lazım üt tevkirde zevç muhali-i iş bu baar-ül-vesika Bostanî Mehmed Bin Mustafa mahzasında bi tev’ina ikrar-ı tam ve takrir-î kelâm idüb Mezbur Mehmed bundan akdem altmış beş ğuruş mihr-takrir-î muaccel iltimasıyla zevç ve ahalim olub lakin beynimizde bir vecihle hüsn-ü zindegânı mümkün olmamağla ben hâlâ talibe ve müfarıkata tağibe olduğum eclden mezburun zimmetinde mütekarer ve ve ma’kud-u ziyye olan mihr-î muaccel-î mezkuredeve nafaka-î iddet-î malye-î malumem üzerlerine ve mu’ineti seknam dahi kendü üzerime almak üzere zevcim mezbur ile muhala’a-i sahihe-i şer’iyye ile ihâl olduğumda ol dahi bir münvel-ı muharrer hal’î mezkuru bâ’de-l kabul hukuk-u zevriyete ve tarihî kitaba gelince beynimizde carî bilcümle ahz ve îtâ ve muamelât-ı şifaya vesaire müteallika amme-î davayı ve mütalabat ve kefe-î iman ve muhasamatdan her birimiz aherin zimmetini ibra-yı amme sahih-î şer’î rafi inhisamla ibra ve iskat idüb ve her birimiz ber veçhi muharrer aherin ibrasını kabul eyledik dedikde ğıbbe-t tasdik üş-şer’î mâ vâkî bit taleb ketb olundu fi-l yevm-ül sâni aşer min Rebi-ül ahir
Sene 219 Şuhudü-l Hâl
Bostanî Hasan Ağa İbn İbrahim, Bostanî Mutafa Beşe Bin Ömer, Bostanî Ahmed Bin Ali, Muhzır Mahmud Ağa Bin Süleyman
B-6
Terekeden ibrâ
Mahruse-î Galata’ya müzafe Kasaba-î Beşiktaş’da Süleymaniye mahallesinde sakin iken bundan akdem vefat iden Molla Mustafa Bin İsmail’in veraset-i zevce-i menhuse-i metrukesi Hadire binti Halil nam Hatun ile li ebeveyn er karındaşı Mehmed Emin’in Sülbiye Kebir oğlu El-Hac Ali Ağa’ya münhasır olduğu ledel şer’ül enver zahir ve mütehakkık olduktan sonra mezbur El-Hac Ali Ağa meclis-î şer-î hatir lazım-üt tevkirde iş bu baasat-ül vesika zevce-î mezbure Hatice Hatun mahzarında bi-l verase ikrar-ı tam ve takrir-i kelam idüb mevrusumuz müteveffa-yı mezburun terekesi akl-ı keyl olmağla tereke müteveffa-yı mezburdan dört sehm İtibarıyla üç sehm hisse-i ırsiyemden ezyed ve evler olmak üzere şeriât-ı sahih-i havi âli tarık öl-deharic üş-şer’î yigrmi ğuruş üzerine bi-l itiraz sulh olduğumda ol dahi sulh-u mezkuru bâde-l kabul bedel-i sulh mezhur bana defc ve teslim ve ben dahi yedinden tamamen teslim ve ahz ve kabz idüb mevrusumuz müteveffa-yı mezburun dahili defter-î kassam ve harici ez defter-i kebir ve celil ve harikimiz ism-î mâl ıtlak olunur terekesinden hisse-i mezkureme müteallika amme-i da’vâ ve mütalabat ve kefe-î iman ve muhasamatdan mezbure Hadice Hatun’un zimmetini ibra-ı amme sahih-î rafi inhisamla ibrâ ve iskat eylediğimde ol dahi ber vech-i muharrer ibrâ-yı mezkuremi kabul eyledi dedikde ğıbbe-t tasdik üş-şer’î ma vâkâ bi-t taleb kütb olundu
Fi 12 Ra (Rebiül Ahir) Sene 219