2-1 Vergi Gelirleri
Nefs-i Şehr-i Konya hâne 210, fî guruş 14,5 akçe / Türbe-i Celâliye 500 guruş / Sille 200 guruş/
Müşkile guruş 29 akçe 46, hâsılı guruş 3066 akçe 66 / yekûn irad guruş 3795,5. Mîr-mîrân-ı Karaman olan ‘İzzetli Ali Paşa hazretlerine üç günlük geden masraftır ki zikr olunur.
Bazarbaşının defter-i mûcibince bal ve yağ ve Pîrinç ve şâ‘îr hınta şa‘îr keyl 229, mum bahâsı guruş 225, 400 guruş 60 guruş
Ekmek guruş 33/ yekûn guruş 718 / cem‘i şud bâ-yed-i Boyacızâde Hüseyin Çelebi 2-2 Gedik Bölükbaşıya Verilenler
Gedik Bölükbaşı’ya dört günde verilen zehâyir ve hediyedir ki zikr olunur.
Mezbûr Gedik Bölükbaşı’ya konakçısına nakd virilen çuka zirâ‘ kutni aded 1 Nakd virilen guruş 510, guruş 20, 4 akçe guruş 9 akçe guruş 6
Arpa Emini’ne çuka ba‘de virilen guruş 4 zirâ‘ 11 akçe guruş 17 şa‘îr keyl 117 Bazarbaşının defteri mûcibince bal ve yağ Pîrinç ve sâ‘ir ve zehâyir ekmek guruş Guruş 234, guruş 51, 13 akçe 9 lahm bahâsı ve kuzu re’s 22 akçe guruş 30
Saman araba müfettiş-i Anadolu olan vezîr-i rûşen-i zamîr Ahmed Paşa hazretlerinin tarafı ‘âlîlerinden fermânı Şerîf getiren ağaya hidmet guruş 30
Mütesellim Ağa sâkin olduğu sarayın şâdırvânı merematı ve saraya kereste guruş 8, Odun guruş 7,5,
‘Attârlar yediyle büber ve za‘faran ve sâ‘ir akçe13
Sâdırlar ve Hâcıcemâl Mahalleleri virdiği yoğurt ve süt ve tavuk guruş 3 Vilâyet-i maslahat için İstanbul’a geden âdemlere ücret guruş 100
Menzil kirası guruş 2 Yekûn guruş 1052 2-3 Karahisar Begine Verilenler
Karahisar-ı sahib Beg’i olan Yeğen Paşa’ya vilâyet tarafından verilen hediye ve zehâyirdir ki zikr olunur.
Hediye verilen haber ki bahâsı guruş 150 Mesnevî han zâdeden alınmıştır, Kırat Ömer Efendiden alınmışdır.
Defa at re’s guruş 190 Seyyid sinan Çelebiden alınmıştır.
Bal ve yağ ve Pîrinç ve şâ‘îr zehâyir Bazarbaşının defteri mûcibince guruş 171 akçe128 hazari Sarık guruş 3
El-Hâc Şa‘bândan alınan çuka zira‘ 7,5 guruş 16
Yine mezbûr el-Hâc Şa‘bân’dan alınan, Acem Atlası 2 guruş 12
El-Hâc Seyyid Muhammedden alınan Çuka zira‘ akçe 28 guruş 2 guruş 17
Yine el-Hâc Seyyid Mehmedten alınan kutni 4 guruş 24
Yine mezbûr Seyyid Mehmedden alınan merre 2 guruş 10 El-Hâc Halilden alınan zira 7 guruş 63
Şeyh Ali Efendeden alınan kutni 1 aded guruş 7 Naib Efendeden alınan kutni 1 guruş 7
Meşalelerr için verilen mum yağı guruş 2,5
Saman 6 adet guruş 6
Karaciğan Mahallesinden alınan bulgur ve tavuk 1 guruş 6 3-1 Giderler
Sinânperâkendesi ve Poladlar Mahalleleri ahâlisinden alınan yumûrta ve tavuk ve yoğurt ve sûd guruş 2
Katır kirâsı guruş 3 / çam çıres‘ı guruş 1
Arpa Emini ve vekîli harç ve Konakçı ve Tuğcu ve Zahireci ve Kethüdaya nakden verilen guruş 193
Tuğ topları için bakır ve yaldız guruş 6, 1/3
Akçe faidesi guruş 39 şa‘îr kile 292 guruş 585 koyun re’s 82
Kuzu re’s 20 mecmû‘ guruş 155 etmek guruş 8, 1/4 yedekçiler ücreti guruş 13 Odun guruş 7 darçın ve Za‘feran ve büber guruş 4 rubu 3
Hazîne için katır kirâsı guruş 2 sülüs 2
Bayraklara virilen sâ‘irin zarı için Arpacılara imdâd guruş 12, Harcı mahkeme guruş 80
Naibe guruş 20
Kethüdaiyye ve katibiye ve sa’ir hüddameye guruş 20
Yekûn Guruş 1904 cümle-i mesârif guruş 3795, Cem’ul-câmi‘‘ 3795,5 3-2 Sûret
Sürsat mahsuben li-sene 1098
Mahallat-ı nefs-i Şehri Konya hane 210
Nâhiye-i Sahrâ hâne 11 rub‘ 1 Nâhiye-i Hatunsarây hâne 47 rub‘ 1 Nâhiye-i Sudirhemi hâne 43 rub‘ 1 Nâhiye-i Sa’îd-ili hâne 23 rub‘1 Yekûn hâne 334 rub‘ 3
el-muafât Evkâf Türbe-i Celâliye guruş 1196
Muafat-ı Sug‘la guruş 500/ karye-i sille guruş 308/ karye-i sa’id-ili guruş 5
Karye-i Zortula guruş 30/ karye-i Karadiğin guruş 25/ Hocacihân guruş 45/ yekûn guruş 2109
el-Masârıf Mal Mîrî ber-muceb Sûret-i defter-i hakâni akçe 357.000
Hidmet-i müb’aşer Ağa guruş 250
Akçe cem‘eden ağasına hidmet guruş 30
Tahsisat Guruş 3245/ harc-ı mahkeme guruş 50/ huddamiye guruş 20 Yekûn guruş 3595,5
4-1 Vergi Gelirleri
Nefs-i Şehri Konya hane 210 fî guruş 57 hasılı guruş 1155
Nâhiye-i Sudirhemi guruş 490 me‘a el muafât Nâhiye-i Hatunsarâyı guruş 490 me‘a el-muafât Nâhiye-i Sa’îd-ili guruş 180 me‘a el muafat Nâhiye-i Sahrâ guruş 440 me‘a el muafat Muafat-ı Türbe-i Celâliye guruş 400
Hocacihân karyesi 40, müşkil guruş 11, hâne me‘a el muafat hasıl yekûn guruş 3206 Cem‘ şud bayed Eskicioğlu Mehmed Çelebi
el- masârıf Eskicioğlu bi’l-fî’il memâlik-i Anadolu müfettişi olan vezir Ruşen zamîr saadetlü Ahmed Paşa hazretlerinin tarafı Alilerinden mümza ve mahtum defter buyruldu-yu Şerîf mucebince matlûb olan zehâyir bahâsı için virilen nakd-i guruş 2500
Husûs-u mezbûr için gelen Ömer Ağaya hidmed guruş 500 Harcı mahkeme me‘a hüddamiye 140, Masraf yekûn guruş: 3140
4-2 Vergi Gelirleri
‘Avârız ve bedeli nûzul mahsuben li-sene 1098 fî 5 Ramazan sene 1098(5 Ramazan 1098/15 Temmuz 1687)
Nefs-i Şehri Konya hane 210
Nâhiye-i Sahrâ hâne 11 rub‘ 1 Nâhiye-i Hatunsarây-ı hâne 47 rub‘ 1 Nâhiye Sa’îd-ili hâne 23
Yekûn hâne 334 rub‘ 3 fî guruş 12 hasılı guruş 4232 5-1 Müderris Mehmed Efendiye Fermân
Tabbaka aslıhu el-Mümza el-Mahtûm gaferalehû el-fakir ilehi subhanehi Es-Seyyid Hasan el-Mevlâna hılâfeti bi Mahalle-yi Mahmûd Paşa bi Medine-i kostantiniyye el Mahmiye gaferalehu
Fahru’l-müderrisîn Mehmed Efendi el-Mükerrem tahiyyât-ı safîyat ve teslimat-ı vafîye ithafî siyakîn da inha olunur ki iş bu sene seman ve tıs‘ın ve elf şehri Ramazanın dördüncü gününde Konya ve İnsuyu ve Bayburd ve Aladağ ve Belvîrân kazâlarının umûr-u kısmet-i askeriyesi tarafımızdan size sipariş olunmuştur. Gerekdir ki vâki‘ olan asker mevtasının muhalefâtını tahrîr ve beyne’l-verese tevzi ve kısmet edip ismi âdisini bu tarafa irsal idesin ve’s-selâm fî ‘t-tarîhi mezbûr
Vasale fî 18 Ramazan 1098(28 Temmuz 1687)
el-Fakîr İbrahim bin Abdülhây el kadı bi-asker-i Anadolu
Fî 10 şevval 1098(19 Ağustos 1687) Nefs-i Şehri Konya hâne 210
Nâhiye-yi Sahrâ hâne 11 rub‘ 1 Nâhiye-yi Hatunsarây hâne 47 rub‘ 1
Nâhiye-yi Sudirhemi hâne 43 rub‘ 1 Nâhiye-yi Sa’îd-ili hâne 10
Hane 31 rub‘ 3 fî guruş 2 hasılı guruş 243,5 4-3 Harcamalar-Masraflar
el- masârıf:
‘avârız guruş 1597 bede‘l-nüzul guruş 2195 müb’aşer Ağaya hidmed guruş 200 Veziri Ahmed Paşa masârıfından Sa’îd-ili Nâhiyesi’nden tahsîl olunmayan guruş 30 Mütesellim Ağa yediyle müfettişler Ağasına verilen guruş 55 akçe guruş 11
Tazıcı Ağasına ve müfettiş Ahmed Paşa Ağasına lahm ve ekmeli vesâ‘ir zahire guruş 29
Vali-i Mısır hazretlerinin Divan Efendisine verilen Çuka guruş 10 rub‘ 1
Gedik bölükbaşı için alınıp verilen tütün çubukları guruş 1 Harc-ı mahkeme guruş: 50
Hüddamiye guruş: 40 Yekûn guruş 4232 rub‘1 5-2 Masraflar
el-masârıf:
Menzilci Ahmed Çelebi ve Sefer Çelebiye ücretlerinden ziyade bil‘a-fermân verdikleri ba’ğirleri zararı için vilâyetleri imdad tarikiyle virdikleri guruş 500
Vezir Ahmed Paşa hazretleri taamiyesinden Sa’îd-ili Nâhiyesi’nde mütesellim Yusuf Ağa tahsîl edip virmeyüb alıp gittiği guruş 81,5
Şam valisi vezir Salih Paşa hazretlerinin ademisi çubukçu Seyyid Abdü‘l-fettâhın alıp gittikleri bargiri bahâsı guruş 12
Hırsızlar için fermân-ı Şerîf getiren Ağaya hidmet guruş 50 Yekûn Masraf: guruş 643,5
5-3 Hâne Sayıları ve Gelirler
İmdad-ı menzili fî 20 zilhicce 98 Nefs-i Şehri Konyahane 210
Nâhiye Sahrâ hâne 11 rub‘ 1 Nâhiye Hatunsarây hâne 47 rub‘ 1 Nâhiye Sudirhemihane 43 rub‘ 1 Nâhiye Sa’îd-ili hâne 10
Hane 321 rub‘ 3 fî guruş 6 akçe 106 Hasılı guruş 2083 akçe 178
el- masârıf: Menzilci Ahmed Çelebi ve Sefer Çelebiye bakiyye-i ücretleri için virilecek guruş 2000
Eyalet-i Karaman mütesellimi olan Kalanoğlu’nun zulmen aldığı akçeyi ashabına red için tarafı saltanat-ı Aliyeden gelen Kapucu Paşaya ba‘zarbaşı el-Hâc Receb Yediyle vilâyet tarafından verilen bal ve yağ vesâ‘îr zehâyir guruş 21
Kızılbaşoğlu el-Hâc Mustafa Yediyle Yeğen Paşaya verilen saman bahâsı guruş 4,5 Müfettiş vezirAhmed Paşa hazretlerinin Ağasına Haffâflar verdiğiçizme bahâsı guruş 6
Mahsul mahkeme guruş 25 harc-ı hüddâm-ı mahkeme guruş 15 Lahm guruş 5 akçe 98 Şa‘îr guruş 1 etmek guruş 5 akçe 192 Yekûn masraf: guruş 2083 akçe 178
6-1 Yeğen Osman Paşaya Verilen Hediyeler
Sûret Mahallat-ı Nefs-i Şehri Konya hâne 210 fî akçe 212 hasılı guruş 198,5
İzzetlü Yeğen Paşa hazretlerinin oğulluğu Ağa Konya’ya geldikte vilâyet tarafından verilen hediyedir ki zikr olunur.
Nakid virilen esedi guruş 50 doru at re’s 50 kumaş aded 2 guruş kıymet 13 rub‘ 1 Çuka zira aded 16 kıymet guruş 36
Dara-yı astarlı çizme çifti 6 guruş 9 buğası astarlı çizme aded guruş 1 rub‘ 1
Konakçı ve mirahor ve Çavuşa hidmet nâmıyla virilen guruş 16 Seb’ahan Mahallesinin Arpa akçesi guruş 1 rub‘ 3,5
Mısır hazînesine virilen çıra bahâsı guruş 7
Harc-ı mahkeme guruş 11 hüddamiye guruş 2,5 yekûn masraf: guruş 198,5 Tahrîren fî gurre-i Saferi’l-hayr ü‘l-hayr li-sene tis‘a ve tıs’ıne ve elf.(1-10 Saferi’l- hayr ü‘l-hayr 1099/7-17 Aralık 1687)
9-1 II.Süleymân’nın Tahta çıkış Fermânı
Akzâ-yı kuzâti’l-müslimîn evlâ-yı vülâti’l-muvahhidîn ma‘denü’l-fazl ve’I-yakîn hüccetü’l-hakkı ale’l-halk-ı ecma‘în vâris-i ulûmi’l-enbiyâ ve’I-mürselîn el-muhtass bi- mezîd-i inâyeti’l-meliki’l-mu‘în Mevlânâ Konya kâdısı zîdet fezalihü ve mefahirül-kuzâtü’l- ve’I-hûkkâm maadinil-fezâil ve’I-kelâm Karaman Eyaletinde vâki‘ olan kadılar zîde fazlıhüm ve kıdvetül-emâsil ve’I-akrân Konya mütesellimi zîde kadrûhu tevk‘i ref-i hümâyûn vâsıl olıcak ma‘lûm olaki hazreti Hüdavend vahibü’l-ani’l-şübbihi ve’I-nazir ve’l- mesalik teyidat ezeliye ve teyamen tevfî kat lem yezeliyesiyle nasiye-i ahvâl saadet minval mülükanemle olan istihkâkı kamile-i lahiye ve cebhe-i ikbâl şevket-meâl Hüsrevanemde olan kabiliyyete ve isti‘dat-ı şamile-i gayri mütenâhiye muktezası üzere emri saltanatta ahvalim ‘inna cealnâke halifeten fî’l-arz’ ziyneti ile müzeyyen ve taç bâ-ibtihac devlet ve ikbalim “fahkum beyne’n-nâs bil-adl” ünvanı ile muanen olup ittifak ara ve rey şura vüzera-yı izâm
ve ulema-i kirâm ve icmâi ve’t-tarâd cümle-i havas ve avâm ile işbu sene tis‘a ve tis‘în ve elf muharremü’l-haramının ikinci günü cumairtesidir serir-i saltanat mevrusuma iclas velibas keramet iktibas ve cealnâküm halife fî l-arz kamet vill-a rutebi istidadıma ilbas olunup hutbe ve sikke nâm Şerîfi ile müşerref olmağın bu mevhibe-i uzmâ ve atiyye-i kebir-i ilahiyyenin cümle memâlik-i mahruseme ilâm ve ilânı lazım ve mühim olmağın tayin olunup gönderilmiştir buyurdum ki vusul bulundukda bir an tehir ve tevakkuf etmeyip devlet ve ikbâl ve saadeti İclâl ile seriri saltanat cihanbani ve tahtı Ali bahtı kisver-sitanı üzre cülüsı hümâyûn saadet-makrunum vâki‘ olduğun eyalet-i mezbûrada vâki‘ olan kasabat ve kura halkına ilâm ve işar edüp vâki‘ olan cevamii Şerîfde hutbe nâm Şerîfîm kıraat ve kala’larda toplar attırup envai şenlikler itdüresizki bu nöbed behçet te’yidin vürudundan reâya ve berâya mesrur ve şadan olup devamı ömür ve devlet-i ebed peyvend ve kıyam-ı haşmet ve saltanat ruzu efzunum ediyesiyle müdavemet ve iştigal üzre olalar şöyle bilesiz alemeti Şerîfe itimad kılasız tahrîren fî evâili sene tıs’a ve tıs ‘în ve elf (1-10 Muharrem 1999/7-17 Kasım 1687)
Be-Makâm-ı Kostantiniyye el-Mahrûse
Vasale fî 26 Saferi’l-hayr 1099(1 Ocak 1688) 9-2 Sadrazam Siyavuş Paşa’nın Mektubu
Fermânı Şerîf mûcibince saadetlü sadrazam hazretlerinin mektubu Şerîfleridir Faziletlü Efendi hazretlerinin meclîs-i Şerîflerine da‘vât-ı safîyat ithafıyla şerâyı‘ şiâr Karaman eyaletinde vâki‘ kuzât Efendiler zîde fazlıhum inha olunur ki hâlâ iş bu bin doksan dokuz senesi muharremü‘l-haramının ikinci sebt günü serir-i saltanat-ı Osmani ve örnek cihanbâni bafîr henk cihanbanı şevketlü ve mehabetlü ve kerametlü ve saadetlü padişahımız sultan Süleymân han halledâllahu teâla hılâfetihi ve ebede saltanatıhı ile nihayeti’z-zaman hazretlerinin cülusu meymenet manûvisleriyle müftehir ve mübahi ve hutbe ve sikke nâmı ve isim samilerine intis‘ap ile karin-i ferrûhl olup bu nevit Behçet mezidin cümle memaliki mahrusa-i mevruselerine ilâm ve ilanı lazım ve mühim olmağla ol babda sudur bulan emri Şerîf cihan meta mûcibince mektup tahrîr ve irsal olunmuştur vusulunda mucip fermânı Ali üzre bu cülusu hümâyûn saadet makrun vukuunu eyaleti mezbûrede olan kasabat ve kurra halkına ilâm ve işar ve vâki‘ olan cevaimi Şerîfede hutbeyi nâmı Şerîf padişahiye kıraat ettirüp ve kale’larda davullar ittürüp envai şadimanı ve şenlikler ettiresin ki reaya ve beraya ve cemi ibadullah mesrur ve şadan olup devamı ömr ve devleti
şehriyârî ve kıyam füru haşmet cihandari dualarına müdavemet ve iştigal göstereler baki fazilet daim bad
Minel-mahlas el-Hâc Siyavuş
11 –1 Mevlâna Süleymân’ın Ta’yinî
Akzâ-yı kuzâti’l-müslimîn evlâ-yı vülâti’l-muvahhidîn ma‘denü’l-fazl ve’I-yakîn hüccetü’l-hakkı ale’l-halk-ı ecma‘în vâris-i ulûmi’l-enbiyâ ve’I-mürselîn el-muhtass bi- mezîd-i inâyeti’l-meliki’l-mu‘în Manisa pâyesiyle sâbıkan Kütahya kâdısı olan Mevlâna Süleymân zîde fezâiluhu tevkî’-i refî hümâyûn vâsıl olıcak ma‘lûm ola sen ehl-i ilim ve sâhib-i fâzilet ve müteşerri ve dîndâr olduğun ecilden hâliyâ hakkında mezit inâyet Aliye şahane ve mezit rafet seniyye-i padişahanem zuhura getirülüp iş bu sene tis‘a ve tis‘în ve elf Rebî‘ü’l-evvel gurresinden zabt etmek üzere Diyarbekir pâyesiyle Konya kazâsın sana tevcih ve inâyet edüp ilamiçin tayin olunmuştur buyurdum ki vusul buldukda bu babda sâdır olan fermânı celilül-kadrim mûcibince Diyarbekir pâyesiyle kazâi mezbûre şehri merkum gurresinden zabt etmek üzere sen mutasarrıf olup ahâlisi beyninde icrayı ahkamı şeriye-i nebevi ve inkıyat evamiri Ali ye Mustafavi sallahu Teâlâ ‘âlâ şâri‘ı hadebezl-i makdûr Vasî na-mahsur eyleyüp muaccelen adamın gönderüp beratın ihraç ettiresin şöyle bilesin alemeti Şerîfe itimad kılasın tahrîren fî evahiri şehri Muharremü’l-haram sene tis‘a ve tis‘în e ve elf(1-10 Muharremü’l-haram 1099/7-17 Kasım 1687)
Be-Makam-ı Kostantiniye el mahrusa
vasale fî 25 sefer 1099(31 Aralık 1687) 11-2 Menzilci Ta ‘yîni
Mahmiye-i Konya ahâlisinden bazarbaşı el-Hâc İsma‘îl ibn el-Hâc Ahmed ve Haffâf el-Hâc Seyyid Mehmed ibn el-Hâc Mahmûd ve el-Hâc Şa‘bân bin Veli ve Ahibaba Seyyid Mehmed Çelebi ibn Yusuf ve Terzi el-Hâc Veli bin Mehmed ve Bezzaz Ali Çelebi ibn Ahmed Efendi ve terzi el-Hâc Mustafa ibn el-Hâc Hızır ve Debbâğ el-Hâc Mevlûd bin Abdurahman ve el-Hâc Abdurrahman bin Mahmûd ve Haffâf el-Hâc Mustafa bin Pîr Ali ve Debbâğ Bayram Çelebi ibn Sefer ve terzi el-Hâc Halil bin ‘İvaz ve Haffâf el-Hâc Mehmed ibn el-Hâc Şa‘bân ve bakkâl Hüseyin bin Yusuf ve hallâç sefer bin Ali ve bakkâl Mehmed Çelebi ibn Osman ve kuyumcu el-Hâc Mehmed bin Hüseyin ve gazzaz Osman Çelebi ibn Mehmed ve külahçı Halil ibn Emrullah nâm kimesneler ve sâ‘îr leri meclîs-i Şerîf
hatîr-ı lazım tevkîrde bâ‘isü’l-kitâb Recep Ağa ibn mahzarında herbiri ikrâr ve tâkriri kelâm edip mahmiye-i Konya’da bin doksan sekiz senesi Cumadi’ l-ulası gurresinden bir sene tamamına dek menzilciler olan Ahmed Çelebi ibn el-Hâc İbrahim bey‘ senesi tamam olup yerine bir menzilci lazım ve mühim olmağın bin doksan dokuz senesi Cumadi’l-ulası gurresinden bir sene tamamına dek mahmiye-i mezbûreye mürûr ve ûbur edüp fermânı Şerîfle yüklü ve yüksüz bargir talep eden beylerbeylere vesâ‘îr ulkalara kalil ve kesir bargirler verip ve bil cümle hidimadı lâzime ve mesârifı mühimelerini görüvirmek için Konyakazâsının karye-i Ladikden mâ-adâ olan bil cümle hanelerinden üç bin yedi yüz elli kuruş ücretle merkum Recep Ağayı menzilcilik hidmetine her birimiz isticar edip ol dahi kabûl ve sinini sabıkada menzilci olanlar hidmet eyledikleri hidmatı lazımeyi bi’t-tamam edâya taahhüd ve iltizâm etmekle kadimi canibi mireden Mu’în olunan dört re’s bargirleri yerine teslim eyledik ve karye-i Ladik ahâlisi menzilci bargirlerine yem ve saman viregelmeleriyle menzilci ücreti için ahâli vilâyet tarafından ve menzilci tarafından mezbûrlar asla mutalebe olunmamak üzre tarafeynden taahhüt olunmuştur sû’âl olunup takrîri tahrîr olunması matlubumuzdur dediklerinde gıbbe’s-sû’âl mezbûr Recep Ağa cevabında gurre merkûmeden bir sene tamamına dek mahmiye-i mezbûreye mürûr ve umûr edip fermânı hümâyûn ile yüklü ve yüksüz bargir talep eden ulaklara ve beylerbeylere kalil ve kesir bargirler virip sinini sabıkada menzilci olanlar hidmet eyledikleri uslup üzre bi’l- cümle hidmati lâzime ve masrıfı mühimmesini edâ edip esnai müddette zahire bahaya çıkmıştır deyu vesâ‘îr bir-vechle ahâli-i vilâyeti rencîde etmemek üzere ücreti mezbûre ile menzilcilik hidmeti kabûl eyledim dedikten sonra Maydaf el-Hâc Süleymân bin Ali ve Mehmed Çelebi ibn Ali ve nevruz oğlu demekle maruf el-Hâc Halil ibn Süleymân ve Hoca Cihandan müezzin el-Hâc Mehmed bin ve vefalızâde demekle maruf Abdi halife ibn Ahmed Efendi ve Topçuzâde Halil Çelebi ibn el-Hâc Ali ve İbrahim Çelebi el-Hâc Süleymân nâm kimesneler mezbûr Recep Ağa müddeti merkûme tamam olmadan firar ve yahut ihtifa edip edâ-i hidmet etmezse biz malımızdan müddeti mezkûre tamamına dek vücuhu mezbûre üzre hidmatı mezkûreyi tekmil etmek içun kefî l bil-mal olduk deyup mezbûr Recep Ağa merkûmun kendinin emri ile kefî l olduklarını itiraf ve ahâli vilâyet herbirinin kefaletini kabûl itmeyin mâ vaka‘a bi’t talep ketb olundu fî’l-yevmi’s sâlis vel ışrîn fî şehr i Rebî‘ü’l-âhir li sene tis‘a ve tis‘în e ve elf(27 Rebî‘ü’l-âhir 1099/1 Mart 1688)
Fahrü’l-akrân Abdülfettâh beşe Serdarı yeniçeriyan hala, fahrü’l işal Mahmûd Ağa kethüda yeri sâbıkan, umdetül işbah Mustafa Ağa durdu, Ali beşe bin el-Hâc Hasan, Hasan beşe bin Mustafa
12 –1 Konya’ya Kaim-makam Ta‘yîni
Tabbaka aslıhu’l-mümzael-mahtum hurrire hu’l fakir ileyhi Teâla İbrahim el-mevlâ hilâfeti mahkeme Ahi Çelebi ufî yelehu
Umdetu’s-sadatul-kiram es-seyyid Hasan Efendi dame Şerefehü seyy’atehu tahiyyatı safî yat ve teslimat vafîyetihi neseb ithafıyla inha olunur ki Konya kazâsında vâki‘ sadat-ı kiram üzerlerine tarafımızdan sizi kaim makam nasb ve tayin etmişizdir gerekdir ki sahayıkın-neseb olanlara tazim ve ikram teseyyudî zahir olanları ve kadı hücceti kaimmakamlar temessükleriyle istimal siyadet edenleri men idip ihzar ve hapis ve ikameti had ve tazirde sâ‘îr hükkama müdahale ettirmeyip her veçhiyle tevkî’-ir husûs siyadette ve tazim emri şerafette teşmir sak ikdam eyleyesin vesselâm hurrire fî’l-yevmi’s sâmin fî Muharremü’l-haram li sene tıs’a ve tis‘în e elf(8 Muharremü’l-haram 1099/14 Kasım 1687)
ve nevahi Konya’da Bayburt ve ersarlı ve Belvîrân ve Aladağ kazâlarının dahi bervechi mutad kaymakamlığı size
Sipariş olunmuştur vesselâm
Vasale fî 29 Muharremü’l-haram 99(29 Muharrem 1099/5 Aralık 1687)
12-2 Medrese-i Karâtay Müderris Ta‘yîni
Sûretü’l aslıl mevsuk bihi el-fakir ileyhi suphanehu es-Seyyid Hasanül Mevlâ mahkemeyi Mahmûd Paşa Konstantiniye gafara lehu
Medrese-i Karâtayı kebir der Konya
Kıdvetül ulemail muhakkakin Mevlâna Ali Efendi zîde fazluhu arzuhâl sunup medresei mezbûrûn müderrisi olan Seyyid Ahmed Efendiye mansap verilüp yeri hali kalmağın kendiye verilmek babında inâyet rica etmeğin faziletlü Şeyhülislam Efendi hazretlerinin işaretleriyle tevcih olunmak
Fî 11 Saferi’l-hayr 1099 tis‘a ve tis‘în ve elf(11 Safer 1099/17 Aralık 1687) Kayd şud fî 15 Rebî‘ü’l-evvel 1099(19 Ocak 1688)
13-1 Esb-Keşân için Paşa Mektubu
Temessük esb-keşan
Şerayi şiar ve ve ve kadıları Efendiler zîde fazluhum esbi keşan hası havasımız aklamından bin doksan sekiz senesinde vâki‘ iptidasından bir sene tamamına dek zabt eylemek üzere kıdvetü’l-emasil ve’l akrân zîde kadrihiye ber-vechi maktu yedi bin kuruşa deruhte olunmağın inşallahu Teâla sene-i sabıkda zabt olunduğu üzre bi-hasbi Şer‘îvel kanun vâki‘ olan hukûk ve rüsumatın zabt ve ahz ittirüp fî küllil vücuh serbestiyet üzre kimesne-i dahl ittirmeyesiz vesselâm
Mustafa Paşa vasale fî 3 Şa‘bân sene 1098(14 Haziran 1687) 13-2 Konya Kazasından Müftüyü Şikâyet
Meclîs-i Şerîf redifleri savbına tahiyyatı layıka ithafı siyakîn da inhayı mahlası budur ki Konya kazâsında ifta eden Ahmed Efendeden şikayet olunmakla iftadan men ve hucr olunmuştur gerektir ki mezbûre min bad-i ifta etmemek üzre tembih eylesiz baki dermend şeriat daim bad
Minel mahlasıl fakir Muhammed afa anhü vasale fî 19 Şa‘bân 98(30 Haziran 1687)
Tabbaka aslıhu’l-hatîr-ı ata el-fakir ileyhi suphanehu es-Seyyid Hasan el hılâfehu mahkemeyi Mahmûd Paşa bi medine-i konstantiniye mahmiyye gafaralehu
13-3 Mütesellim Seyyid Mehmed Ağa Hakkında Fermân
Fermân-ı Şerîf mütesellim cedid Seyyid Mehmed Ağa
Akzâ-yı kuzâti’l-müslimîn evlâ-yı vülâti’l-muvahhidîn ma‘denü’l-fazl ve’I-yakîn