hemma.com
Frykti tekkee sinun iloseks
Karra pannee sinun huonole pääle
norrbotten.se/vpv norrbotten.se/vpv
KARRA PANNEE LAPSET HUONOLE PÄÄLE
Vain joka viies lapsi saapi tarpheeks paljon fryktiä ja vihaneksia jota tartethaan ette ruumis voipi hyvin. Moni lapsi syöpi karraa, pullia, keksiä ja juopi sokerisia juomia joka päivä. Sokkeri tekkee ette ve- risokkeri laskee ylös ja alas kovvaa vauhtia. Sillon sinun lapsi tullee helpola äreäks ja huonole pääle.
KÄÄNÄ TAVAT
Pruuvaa puolentaa määrän so- kerisia ainheita ja tuplaa määrän fryktiä ja kröönsaakkia. Alota ekstra fryktin kans eli vähän ene- män vihaneksia ruokhaan. Hyvä keino joka koskee karraa on
”lauantai karra” joka tekkee ettei niitä syö niin paljon ja useasti.
Sillon sinun lapsi saattaa naut- tia karrasta sopivissa määrissä.
Nämät kaks muutokset olisit erittäin hyvät sinun lapsen terh- veyvele.
VIIS PÄIVÄSSÄ
Lapset alle neljä vuotta pitävät syöä fryktiä ja vihaneksia joka päivä.
Mielelhään joka ruan aikana. Vanheemat lapset pitävät ajatella ”viis päivässä”, siis yhteensä viis fryktiä ja vihanesta. Esimerkiks kolme fryktiä, eli vastaava määrä marjoja, ja kaks reilua nyrkilistä kröön- saakkia, esimerkiks muuruutti, maisi, brokkoli eli valkokaali. Frykti ja vihanes sisältävä vitamiinia ja mineraalia, just sellaista mitä kasvava lapsi tarttee suurissa määrissä. Jos sinun lapsi oppii varhain syöh- mään fryktiä ja kröönsaakkia sillon se tapa jatkuu jälemin elämän aikana. Siksi on ekstra tärkeä ette sie autat sinun lasta saahmaan jo pienenä terhveelisiä tapoja. Se tekkee ette lapsi pikku hiljaa saapi friskimän ja pitemän elämän.
VALITTE POIS SEN SOKERISEN
Lapset tarttevat hyvän laatusta ruokaa ette kasvaa. Karra tekkee ette lapset syövät kehnomin ja se ei sisälä mithään sitä mitä lapsi tarttee. Pienissä vattoissa ei vain ole tillaa sekä karrale ette ruale.
Kahenvuotian lapsele kaneelipulla ja yks klassi on maksimaali yhen viikon aikana. Jos net samala kans pitävät saa ravinon puolesta hyvvää ruokaa.
Joka syöpi sokerisia ainheita saapi helpola ylipainon. Tänä päivänä joka viies 7-9 vuotian lapsi painavat liikaa.
Ylipainon kans tullee useasti vakavia sairh- auksia.
PÄIVÄSSÄ
