Maito tekkee sulle hyvvää
Läski pannee sinun huonole pääle
norrbotten.se/vpv norrbotten.se/vpv
LÄSKI TEKKEE SINUN KIPEÄKS
Sokkeri läskissä aiheuttaa liikapainoa ja vakavia sairhauksia kuin esimerkiks tiabeettes. Joka sinänsä saattaa joh- taa vaikeishiin seurasairhaukshiin ja liian varhaisheen kuolemhaan. Läs- kin kans seuraa useasti halu muihin epähyvhiin kun pizza ja karra.
Joka viies lapsi 7-9 vuen iässä on ylipainonen.
KÄÄNÄ TAVAT!
Valitte vettä eli maitoa useamin kun läskiä. Syö enemän fryktiä ja kröönsaakkia kun karraa.
Vältä pikkusyöntiä ja epähyvvää ainetta päivän kolmen päär- uan välissä. Valitte sen eestä terhveelisiä väliruokia. Se on erikoisen tärkeä jos sie elät lapsiperheessä, koska lapsen ruokatavat seuraavat matkassa raahvaasheen ikhään.
Aijan mennessä lapsi saapi paremat hamphaat ja terhveelisemän – ja pitemän – elämän.
KUINKA USEASTI JUOT LÄSKIÄ?
Lapset ja nuoret juovat useamin läskiä ja enemän kun koskhaan aiemin. Joka vuosi met ruottalaiset juoma kohta jokhainen 100 litraa läskiä. Mutta monet lapset ja nuoret ryyppävät paljon enemän.
Läskinjuonti on tuplaintunu 15 vuessa. Samala maijonjuonti on laskenu puolela.
LÄSKI PANNEE SINUN HUONOLE PÄÄLE
Se happa läskissä (ph-arvo) syövyttää hamphaita ja pillaa emaljin. Syövytysvahingot ottavat kipeästi ja ei mene korjata samala tavala kun tavalisia hamphaan reikiä. Käsittely maksaa kans paljon rahhaa Folktandvårdenile ja yhteiskunnale.
Lähespä 40 prusenttia nuorista yli 14 vuotta on jo saahneet syövytysvahingon alkuja hamphoishiin.
