Sayfa No: 2 Hüküm No:1
Ya Allah Ya Hadî Ya Rezzak Ya Fettâh Ya Rahîm Ya Settâr Ya Ekramel Ekramîn Bismillâhirrahmânirrahîm ve hüvel mu‘în
Elhamdülillahillezi şer’-i kütübü’s-sukûk ve’s-sicillât tahrîren an ziyâ‘il-müslimîn ve’l-müslimât ve’s-salatü ve’s-selâmü alâ nebiyyihî Muhammed eftalü’l-enbiyâ fi’l-hidayât-i ve alâ alihî ve eshâbihî ve evzahü’l-hacci ve’n-niyât ve ba‘de ferhunde-i ceride-i cedîde ve harita-i cedîdetü’l-hadese be-kütübi’s-sukûk ve’s-sicillât ve zabtü’d-de‘aviyyü’ş-şer’iyyetü ve’l-mürselât Allahümme salli alâ Muhammedin ve alihî ve ezvacü’t-tâhirât ve sahbihî ecma‘în
İzzet-me‘âb şerîat-nikâb eşraf-ı kuzât-ı kirâmdan Mevlana el-hâc Osman Rifat Efendi kâm-yâb
Ba‘de’t-tahiyyetü’l-vâfiye inhâ olunur ki ber-vech-i mansıb mutasarrıf olduğum Seferihisar Günyüzü kazasının umûr-ı ahkâm-ı şer’iyyesi iş bu sene tis’a ve erbaîn ve mi’eteyn ve elf.
Zilkadetü’ş-şerife gurresinden zabt etmek üzere tarafımızdan (…) ihâle ve tefvîz olunmuştur. Gerektir ki kaza-i merkûmun gurre-i mezbûrdan bi’n-niyabe zabt edüb beyne’l-ahâlî icrâ-yı şer’-i âli ve cadde-i şerîat-ı garrâdan inhirâfa cevaz göstermeyesin ve’s-selâm.
El-fakîr es-seyyid Hafız Ömer Tahir El-mutasarrıf be-kaza-yı El-mezbûr
Günyüzü kazası ahâlisinin rikâb-ı hümayûna (…) kat‘ olunarak fakire eyledikleri mahzarlarının suretidir ki buraya kayd şod
Sayfa No:2 Hüküm No: 2
Atebe-i aliyye-i hüsrevâne ve sıdk-ı seniyye-i tacidârâne turâbına Günyüzü kazasında sakinûn bi’l-cümle ulema sulehâ ve e’imme-i hatib ve vücûh ve muhtarı kurâve bi’l-umûm fukarâ-i zu‘afâ kullarının be-tarikil mahzar arzuhal-i ma-fi’l-bâlleridir ki iş bu kırk dokuz senesi ba-emr-i âli kazâmız voyvodalığı uhdelerine ihâle kılınan atufetlü Es-Seyyid Osman Ağa kulları kazâmıza duhûl ve fukarâ-i zu‘afâyı himâyet ve siyânet ve ber-vech-i hakkaniyet kazâmızın tesviye-i umûrunu bezl-i makderet idüp vürûd iden evâmir-i aliyyenin infâz ve tenfizine umûr-ı meham-ı seniyyenin ve matlubât-meham-ı aliyyenin tanzîm ve tedâriki hususlarmeham-ında kemâl-i ihtimam ve dikkat idüb da‘ima üzerlerimize farîza-i zimmetlerimiz olan padişah-ı âlem-penâh efendimiz hazretlerine isticlâb-ı da‘vât-ı hayriyyelerine müdâvemet ve istihsâl-i esbâb-ı istirahatlerimize sa‘y u gayret etmekten sâye-i inâyet-vâye-i mülûkânede cümlemiz emin ve istirahatte olup ma‘azan billahi te‘âlâ kazâmız derûnundan hilâf-ı şer’-i âli ve mugâyir-i rızâ-yı âli hareket vukû‘a gelir ise ve daire-i ita‘atden her kim hurûc ider ise bi’l-ittifâk ve’l-ittihâd isim ve şöhretleriyle der-bâr-ı adalet-karâra vukû‘u üzre ifâde ve inhâ kılınacağı ve hafazanallâhi te‘âlâ iğmâz-ı ayn olarak ol makulelere ittibâ‘ etmek lazım gelse amellerimize mucâzâttan başka asâkir-i mansûre muhammediye masârifi içün mukâta‘at hazine te’diye etmek içün iki yüz bin guruş nezrimiz olup bu vech üzre cümle ahd-i mîsâk ve kavl-i ittifâk eylediklerimiz mübeyyin rikâb-ı mülûkâneye be-tarikı’l-mahzar arzuhâl takdîmine ictisâr kılındı.
Baki emr ü fermân hazret-i men-lehü’l-emirdir. Hurine fi’l-yevmi’s-salis ışrîn min şehr-i zilkadetü’ş-şerife sene tis‘a ve erbain ve mi’eteyn ve elf.
İş bu mahzar Günyüzü mutasarrıfı tarafımızdan ve Günyüzü naibi efendi tarafından rikâb-ı mülûkâneye i‘lâm olunmuşdur.
El-kitab (…) (…)
Sayfa No: 2 Hüküm No: 3
Bâis-i nemîkadır ki
Voyvoda-i esbâk Salih Ağa ve voyvoda-i sâbık Mustafa Ağanın matlûbâtından bekaya bi’t-tahvîl ahalî-i kazanın düyûnları ve Körbaşı çavuş Ahmet’in masârifatı ve kırk dokuz senesi Ruz-ı Hızır ibtidâsından sene-i mezbûre Martı ibtidâsına kadar kaza-i mezbûrda be-emr-i-âli ve buyuruldu-i samî tevarüd iden matlûbât ve mübaşirân hizmetleri ve kaza-i mezbûrda vukû‘ bulan masârifât-ı mütenevvi‘a ve saire cümle marifetleri vukûf-ı şer’i ve bi’l-umûm muhtarlar marifetleriyle yegân yegân ru’iyet-i muhasebe olunarak yalnız iki yük otuz sekiz
’bin’ yüz otuz bir guruşa lede’l-iblağ-ı mezbûrda mu‘tâd-ı kadim üzere kuraların beher hane başına dokuzar yüz elli altışar guruş isabet etmekle ber-vech-i-bâlâ karyeniz sehmine ez-gayr-i teslimat isabet iden mebaliğ tahsîl ve mahâline te’diye olunmak içün kaza-i mezbûr ahâlileri üzerlerine tarh ve tahmîl olunan defter müfredatıdır ki ber-vech-i-âti zikr olunur.
Fi Gurre-i Rebiü’l-Evvel 1249
Guruş
92121 Voyvoda-i esbâk sâbık Salih Ağa’nın voyvoda-i sâbık Mustafa matlûbâtından bakî mebaliğ
10100 Ehl-i islamdan alınan zîʻl-kudret
10600 Ehl-i zimmet reayalarından alınan zîʻl-kudret
06782 Hacı ağalar Burusa’ya gitdikden sonra şehir kethüdâsının kabz eylediği zîʻl-kudret
29221 Rûz-ı Kasım tevzîʻinden kura ve şehirden voyvoda Mustafa Ağa’nın makbûzâtı
146824 Yekûn
03850 Kadı kıran masârifinden kuralara iâne olunan on beş bin bu kadar guruşdan bakaya kalmış olunacak mebaliğ
01550 Konyalı oğlu önce İstanbul’a gitdikde ve nce Burusa’ya giden iki nefere verilen harcirah
03232 Ruz-ı Kasım tevzîʻinden ba-defter-i müfredât şehir kethüdâsının dört bin beş guruşdan ez-gayr-ı teʻdiye bakî kalmış olan
01238 Ruz-ı Kasım tevzîʻinde deftere dahil olunan koak yevmiyeleri 18000 Hesap ruʼiyetinde Burusa mahkemesine verilen resm-i âdî 174739 Yekûn
05102 Ruz-ı Kasım’dan kırk dokuz senesi Mart’ına kadar vukûʻ bulan konak yevmiyeleri
00350 Hacı ağalar Burusa’ya gitdikde verilen bedel-i reʼs bargir kirası 00128 Mürûr ve ubûr idenlere verilen kahve ve dûhan bahası
03500 Sâbık voyvoda ağanın alacağından dolayı ba-havale Hacı Muzaf Mehmed Ağa’ya ve Hacı Ali Ağa’ya
04223 Ba-pusula ve buyuruldu sancak masârifi 188042 Yekûn
00170 Şehir kethüdâsının ücretinden geri kalmış
02100 Ba-buyuruldu ve pusula Domaniç kazasının şaʻîr iânesi
01500 Voyvoda Salih Ağa ve Mustafa Ağa’nın bakayasını tahsîle meʼmûr
Mehmed Bey’e hizmet
01000 Mûmâ-ileyhe esb-baha
01000 Asker matlûbuna meʼmûr ve hizmet-i mübaşiriyye 00300 Mehmed Bey’in uşağıa hizmet
194013 Yekûn
07879 Mustafa Ağa ve Salih Ağa bakayası taʻahhüdiyyesi içün der-aliyyede sadaka verilen taʻahhüdiyye
02000 Hakim Efendi’ye harc-ı imzâ 01750 Kiracı başıya kalan düyûn
23083 Körbaşı çavuşluk bedeliyle tevzîʻinde kura ve şehirden kabz olunan 230831 Yekûn
Yalnız iki yük otuz ’bin’ sekiz yüz otuz bir guruş
Gök Kurna üstünde vali elli beş sıra bağ davasında hatunun zimmetinin kırk kuruş üzerine akd-i müsâlaha olunur. Kara Mahmud oğlu mesfûrenin amme-i da‘vâdan zimmetini ibrâ ve iskât.
Sayfa No: 3 Hüküm No: 1 Gayretnameden Ağa
Evkaf-ı hümayûn hazinesinden mazbut olup süvari asâkir yevmiyesinin irkâbı içün hayvanat yetiştirilmek kaziyyesine mebni beher sene bedel-iltizâmi malûm-ı mansûr hazinesinden evkâf-ı hümayûn hazinesine i‘tâ olunmak üzere mansûr hazinesi tarafından devâ‘ir olunmakta olan Çifteler Çiftliği’nin meraları Karahisar
sahip ve Seferihisar ve Eskişehir ve Seyit Gazi topraklarında olduğundan bahisle müdehale-i vâkı‘anın men‘ ve def‘ olunması çiftlik-i mezkûrun müdiri Hacı Feyzullah Ağa tarafından inhâ olunmuş olup Karahisar-ı sahip sancağında Barçınlı kazasında vâkı‘ Çifteler ve sair malûmu’l-esâmi dört kıt‘a çiftlikât ikinci rençber kadın mahlûlünden iki yüz kırk tarihinde vakf-ı celilü’ş-şâniye ilhâk olunmuş ise de zikr olunan Çifteler çiftliğinin defterhane-i âmirede sarâhaten tahrîri mahalli bulunmamış ve bu suretle çiftlik-i mezkûr meralarının mahallerinde bi’t-tahrîr badehû icâbının icrâsı lazım gelmiş olduğundan çiftlik-i mezbûr meralarının mahallerinde marifet-i şer’i şerîf ve müdiri mûmâ-ileyh ve sair erbâb-ı vukûf ve cümle ittifâk ve marifetiyle mu‘ayene ve tahrîr olunarak icâbına bakılmak üzere mümzi defterlerinin celbiyle keyfiyetin istiş‘ârı icâb-ı maslahattan idüğü mansur hazinesi defterdârı izzetlü efendü ba-takrir ifade etmiş ve keyfiyet tarafımızdan atufetlü Karahisar-ı sahip mutasarrıfı hazretlerine Eskişehir mütesellimine yazılmış olmağla ber-minvâl-i meşrûh zikr olunan meraların mu‘âyene ve tahrîriyle defterlerinin irsâline ve keyfiyetin imzası ve iş‘ârına mübâderet eylemek içün kâ‘ime tahrîr ve irsâl olunmuşdur. İnşallahü Te‘âlâ vüsûlünde ber-vech-i muharrer harekete mübâderet eyleyesiz deyû
Fi 22 Şevval 1250
Hususi mezbûr bugün i‘lâm ve mümzî defteri pâye-i serîr-i âlâya bugün cümle ihtiyarân marifetiyle arz ve i‘lâm olunmuşdur.
Fi 21 Şevval 1250 Çifteler çiftliğinin hududu beyânında Sarısu kenârında Mantarlık ve Kurtlar Viranı ve Koşu Tacalı ve Dilbasan nam mahallerden arz olunmuşdur.
İhtisâbın yedindeki tarifesi beyân olunur.
Hîn-i bey‘de bayî’i tarafından guruş başında bir pâre damga olunması icâb iden eşyanın mikdârı.
(…) Fi 21 Rebiü’l-Evvel 1250
Mal-ı katon ta‘bîr olunur emvâl-i efrenciyenin damga kabul edenlere vaz-ı damga ve etmişlere ashâb-ı yedine memhûr ihtisâb tezkîresi verilerek damga rüsûm-ı zebh ve kayd üzre ahz olunacak.
Kezâlik Burusa ve Diyarbekir ve mahall-i sair kumaşları verilerek envâ‘ı ve boya ve şeker ve kahve ve çivit ve (…) ve ilah cüher ve zeytun ve palamut ve buna mümâsil kâffe-i emti‘ânın rüsûmat damgası ahz olunacağı
Def‘a hınta ve şa‘îr ve emsali hubûbatdan bayî’i tarafından olarak harc-ı hamal olmak üzere guruşdan bir pâre ahz olunacağı
Kasabların zebh eylediği ağnamdan ma‘adâ olarak ağnam ve hayvanat-ı sair fürûhtundan bayî’i tarafından guruşda bir pâre resm-i ihtisab ahz olunacağı
Yörük civarından ve sair nev’inden ve çuval ve kilim ve (…) ve yün ve yapağı ve tiftik ve buna mümasil eşya fürûht olundukça ve bayî’i tarafından kıymetine göre guruşda bir pâre resm-i damga alınması
Serayiste-i mütenevvi‘ânın hîn-i furûhtunda bayî’i tarafından guruşda bir pâre resm-i ihtisab olunacağı
Haffâfân fürûht eylediği ayak kabına vaz‘-ı damgalarıyla kaleminden guruşda bir pâre resm-i damga ahz olunacağı
Debbağ Han’da imâl olunan gönden (…) meşin kıymetten guruşda bir pâre resm-i damga ahz olunacağı
Bezzâzân esnâfından ve sairenin cedîd mübdî eylediği elbiseye vaz‘-ı damga ile kıymetinden guruşda bir pâre resm-i damga ahz olunacağı
Camus ve kara sığır ve ağnam ve keçi derileri fürûht olundukda eshab-ı yedinden guruş başına resm-i ihtisâb bir pâre ahz olunacağı
Resm-i bâc tahsil olunması iktizâ iden zehâyir-i mütenevvi‘â ve eşya-yı sairenin mikdârı
Saman yükünün beherinden resm-i ihtisab olarak pâre
4
Fürûht olunan hatabda pâre 12 araba yükünden 6 bargir