853 Mah-ı mezbûr resm-i serçîn ve perçîn
Sayfa No: 37 Hüküm No: 1
Mefahirü’n-nüvvâbü’l-müteşerri‘în Seferihisar Günyüzü ve Şecer-i Kebîr kazaları naibleri zide ilmühûm ve kıdvetü’l-emâcid ve’l-ayân kazahâ-i merkûme voyvodası Nuri zide mecdühû tevkî‘-i refî‘-i hümayûn vâsıl olacak malûm ola ki mansûre hazine-i celilemde mazbût mahallerden derûn emr-i şerife mevzû‘an irsâl olunan memhûr ve mümzî bir kıt‘a suret-i defterde muharrer ve murakkâm olduğu üzre Hüdavendigâr sancağında kâin ma‘a merbûtân Seferihisar Günyüzü ve Şecer-i Kebîr kazaları voyvodalıklarımla beraber çend parça iltizâmatdan zaman-ı zabtları itibar ile iki yüz elli dört Mart’ı ve elli beş Muharrem’i senelerine mahsûben zabt ve irâde olunmak üzre cem‘an iki yük yetmiş bir bin dört yüz kırk sekiz guruş semerât ve menafi ve bedelât mukayyidi ve sarrâf ta‘ahhüdüyle sen ki voyvoda-i mûmâ-ileyhsin uhdene ibkâ ihalesi hususuna irâde-i seniyye-i mülûkânem ta‘alluk etmiş ve ol vechile tarafından dahi bi’l-kabûl mebaliğ-i semarât ve menâfi ve bedelât-ı mezbûre evkâf-ı mu‘ayyenesinde mansûre-i hazine-i celileme ve mebaliğ-i
mezbûrdan başka kazahâ-i merkûm dahillerinde olub ber-vech-i âti süvarî ve humbaracı dahi ve lağımcı asâkiri tımarâtından ve gerek hazine-i saire-i şâhânemde mazbût ve gerek ashâb-ı uhdelerinde bulunan iltizâmatdan mansûre-i hazine-i celileme defter-i iltizâmatında mukayyed olan iltizâmat bedelâtı dahi hazine-i merkûmenin memhûr senedâtıyla bila-cevr ve ezâ ve vakt-i zamanıyla mahal ve ashâbına te’diye ve ifâ olunmak üzre ta‘ahhüd’ü-şâmil sarrâf kıbelinden memhûr deyn temessükü verilmiş olmağla ma‘a merbûtâd-ı voyvodalık ve iltizâmat-ı saire-i mezkûre öteden beri teveccühle zabt ve irâde oluna gelmiş ise yine ol vechile ve bunlardan tahmîs usûl ve nizâm-ı mu‘tâdesi ve İstanbul tahmishanesi usûlü üzre ma‘a tamga ihtisabında dahi usûl e nizâmına te‘amül-ü cariye-i kadîmesine ve mahallinde mukayyed ve müseccel olan tarifelerine tatbikan mu‘tâd-ı vechile zaman-ı zabtlarzaman-ı olan marü’z-zikr iki yüz elli dört Mart ve elli beş Muharrem’i ibtidâlarzaman-ından seneleri gayetine değin sene-i kamile tarafından zabt ve idare ve vakî‘ olan mahsûlât ve rüsûmat ve âidleri ve tayyrât-ı mu‘tâdları ve olageldiği vechile ahz u kabz olunması ve ihtisab nizâm-ı vechile der-saâdetime İzmir’e gelecek ve gidecek eşyadan ve sair mahaller dahi ihtisab-ı tezkîre-i mûteberesiyle yed-i âhara tedavül itmeyerek resm-i ihtisab ve tamgası edâ olunmuş emti‘adan ve tarifeden haric ve fazla resm-i ihtisab alınmayub ve biladlarda ihdas dahi olunmaması ve bâlâda ima olunduğu üzre salifü’z-zikr süvarî mansûre ve humbara ve lağımcı asâkiri timarâtından ashâbı taraflarında zabt ve ta‘şîri elli dört senesi ta‘vîk olunmuş ise de derdest olan Tanzîmat-ı hayriyye usûlüne nazaran timarât-ı merkûmenin ashâbı taraflarında zabt ve irâdesi uyamayacağından kemâfi’s-sâbık mahalleri me’mûrları taraflarından zabt ve ta‘şîr olunarak bedelât ve hasılâtlarından vakit ve zamanıyla ashâbına te’diye etdirilmesi hususuna bu def‘a irâde-i seniyye-i şâhanem ta‘alluk etmiş olduğuna ve bunlardan vech-i muharrer üzre mansûre-i hazine-i celilem defterinde mukayyed olanların bedelâtı der-aliyyemde sarrâf tarafından ashâbına i‘tâ olunacağına binaen keyfiyet malumun olarak timarât-ı merkûmeden mahallerinde olan iltizâmat defterinde mukayyed olanı ve ashâbından dahi orada bulunan olur ise ol makulelerin bedelât-ı mukayyedesini teshîlen li’l-maslaha ba-senedât makbûz mahallinde tarafından ashâbına i‘tâ ve ber- vech-i meşrûh mahallinde olan iltizâmat defterlerinde mukayyed olub ashâbı ol tarafda olmayanların bedelâtı kezâlik der-aliyyemde sarrâf cânibinden ba-senedât ashâbına verimlik üzre bu makulelerin dahi
timar ve tasarruflarının esâmisi ve verilecek bedellerin kemiyyetini ale’l-infirâd beyân olunarak mümzî defter-i mansûre-i hazine-i celileme (…) İngiltere tüccarı hakkında mün‘akid olan mu‘âhede mucibince Mart’tan itibâren lazım gelen mu‘amele bundan böyle tarife-i cedidenin tanzîminde müstekilen neşr ve i‘lân olunacağı ecilden ol vakit tüccar-ı merkûme hakkında mu‘amele-i lazıme ol vechile ve kazahâ-i merkûmenin umûr-ı maliyesi mansûre hazine-i celîlem tarafından bi’n-nezaret rû’yet olunacağı misüllü umûr-ı askeriyyesi kemagân taraf-ı ser askerîden bi’n-nezâret tesviye olunacağından bu babda dahi harekât-ı merbûbe-i icâbiyyenin icrâ kılınması hususlarına sa’y ve fevz-i gayret eylemek fermânım olmağın zabtını havi ba-ilm u haber iş bu emr-i âli-şanım ısdâr ve tisyâr kılınmışdır. İmdi vusûlünde keyfiyet irâde-i seniyye-i mülûkânem mantûk-ı emr-i münîfimden malumun oldukda ber-minvâl muharrer amel ve hareket ve taraf-ı vâzıh-ı eşraf-ı cenâb-ı padişâhânem içün ahâli ve fukarâdan isticlâb-ı da‘avât-ı hayriyye ile her halde infâz-ı emr-i âli-şanıma sa’y-ı bi-şümâr-ı garet ve dikkat eyleyesin ve siz ki naibler mûmâ-ileyhimsiz.
Siz dahi mucib emr-i şerîfimle amel ve hareket ve hilâfından hazer ve mucânebed eylemeniz bâbında fermân-ı âli-şânım sâdır olmuşdur. Buyurdum ki hükm-ü şerifimle vardıkda bu babda vech-i meşrûh üzre şeref-yafte-i sudûr olan iş bu emr-i şerif-i celilü’ş-şân-ı vacibü’l-ittibâ‘ ve lazımü’l-imtisâl mazmûn-ı münifi birle amil olasız. Şöyle bilesiz ; alâmet-i şerifime itimat kılasız. Tahrîren fi yevmi’s-sâdîs min-şehr-i Zilhicce sene erba‘a ve hamsîn ve mi’eteyn ve elf.
Sayfa No: 37 Hüküm No: 2
Saâdetlü mekremetlü meveddet-şi‘ârım Ağa-yı muhterem hazretleri
Hüdavendigâr sancağından müretteb redif hassa-i şâhâne alayının bundan akdem Bahr-i Sefîd me’mûr buyurulmuş olan birinci taburundan beş on başı ile otuz beş nefer ki cem‘an kırk nefer firar etmiş olduklarını boğaz-ı mezkûr muhafızı atufetlü el-hâc Ali Paşa hazretleri tarafından iş‘âra ve salifü’z-zikr firarilerin ahz u girift olunmaları içün tahârrî ve ikdam olunarak bi-mennihî te‘âlâ ele getürülecekleri derkâr ise de firari merkûmlar cümlesi silahlarıyla buldukları ve bunları çevirmek da‘iyesinde olan bin başılarına suret-i muhalefet üzre olduklarına nazaran bu def‘a
dahi ahz u giriftlerine me’mûr kılınacak adamlara karşı koyub teşhîr-i silah kaziyyesine mütecasir oldukları halde me’mûrîn taraflarından ne vechile mu‘amele olunmak lazım geleceği ifadesine dair vârid olan şukka-i şerîfeleri me‘âli malûm-u mahalli olmuş ve keyfiyet dâr-ı şûrâ-yı askeriyyeye lede’l-havale bundan böyle asakir-i redifenin küçük zabıtân ve neferâtından firar idenler ahz u girift olunub alay cânibine lede’l-i‘ade cezaname-i hümayûna tatbikan te’dîbi bade’l-icrâ adâb-ı talim ve ta‘allüm ve usûl-ü nizâm-ı askeriyyeye tahsîl-i vukûf etmek içün silk-i redifden bi’l-ihrâc asker-i muntazama-i muvazzafa silkine idhâl ve idrâc ve yerine memleketden başka mübtedî redife tahrîr ve idhâl olunmak ve iş bu hüdavendigâr alayı firarilerini ahz u girift etmek içün meʼmûrîn taraflarından dahi misliyle mukabele etmek lazım geleceği bi’t-tensîb karar verilmiş ve ol babda dâr-ı şûrâdan tanzîm olunan mazbatanın bir sureti dahi leffen irsâl kılınmış olmağla ber-minvâl muharrer icâbının icrâsı hususuna himmet eylemeleri içün şukka-i muhâlasa tahrîr ve tesyîr kılındı.
Fi 19 Rebiü’l-Evvel 1255 Sayfa No: 38
Hüküm No: 1
İftiharü’l-emâcid ve’l-ekârim camiü’l-mehâmid ve’l-mekârim el-muhtassu bi-mezîd-i inayeti’l-meliki’d-dâim dergâh-ı mu‘allâm kapucu başılarından Hüdavendigâr sancağı mütesellimi el-hâc Mustafa dâme mecdühû mefahirü’l-kuzât ve’l-hükkâm madenü’l-fezâ’il ve’l-kelâm Hüdavendigâr sancağında afyon husule gelen kazaların kuzât ve nüvvâbı zide fazlühûm ve mefahirü’l-emasil ve’l-akrân voyvodagân ve ayân vücûh-ı memleket ve bi’l-cümle iş erleri zide kadriühûm tevkî‘-i refî‘-tevkî‘-i hümayûn vâsıl olacak malûm ola ktevkî‘-i (…) memaltevkî‘-ik-tevkî‘-i mahrûsa-tevkî‘-i şâhânemde husule gelen afyon yed ve ihdâ usûlü üzre cânib-i darphane-i âmiremden mübayâ olunmakda ise de zât-ı hilâfet simât-ı şâhânem mevhibe-i ilâhiye olan şime-i fahime-i ra‘iyyet perveri ve şevkat iktizâsınca afyon zira‘atiyle me’lûf olan ahâli ve fukarânın sâye-i mekârim vâye-i mülûkânemde tezâyüd-ü refah ve ta‘îşi niyyet-i hayriyyesiyle zikr olunan yed ve ihdâ usûlünün bâde-ezîn terk ve ilgâsı emr ve irâde-i seniyye-i mülûkânem muktezâ-yı münîfinden olub ancak (…) beher kilesinden şimdiye kadar istihsâl kılınmakda olan otuz guruşdan mütecâviz (…) ashâb-ı zira‘ate terk olunacak