SAYFA Belge No: 24

Bâîs-i mürâsele-i Ģer‟iyye oldur ki

Debbağ esnafından ġimĢek oğlu Ali debbağhanede semerci Mustafa‟nın dükkânının kapısını ber-takrib ve küĢâd içine girip iki parça câmûs gönünü ahz ve ahere bey‟le istihlâk eylediğini meclis-i Ģer‟de bi‟t-defa‟ât ikrâr etmekle öteden beri esnâf-ı mezkûr bu misillü hilâf-ı Ģer‟i Ģerîf hareket-i nâ-merziyyesi men‟i zuhûr eden âdemi esnâf-ı mezkûreden tard ve ib‟âd olunmak mu‟tâd esnafdan olduğu ustabaĢlarından on neferden mütecâviz ustaları huzûr-ı Ģer‟de ihbâr ve taraf-ı Ģer‟den tenbîh olunup merkûm aleyhine dahi esnâf-ı mezkûre içine gelmeyip sanat iĢlememesine mu‟tâdları vechile istid‟â etmelerine binâen bi‟t-tenbîh ve sicil-i mahfûza ba‟de‟l-kayd fî-mâ ba‟d merkûm debbağlık sanatını iĢlemeyip tard ve ib‟adları için taraf-ı Ģer‟iden iĢ bu mürâsele-i Ģer‟iyye tahrîr ve esnâf-ı mezkûre ustabaĢısı yedine i‟tâ olundu gerektir ki fî-mâ-ba‟d merkûme Ali harekât-ı nâ merziyyesine binâen sanat-ı mezkûreyi iĢlemeyip esnâf-ı mezkûreden tard ve ib‟âd olundu ve ber-mûcib-i mürâsele-i Ģer‟iyye amel oluna ve-s-selâm

Fi 15 Ramazan sene 250

Belge No: 25

Kıdvetü‟n-nüvvâbi‟l-müteĢerri‟în Kalecik kazası nâibi mevlânâ zîde ilmuhû ve mefâhir-ül-emâsîl ve‟l-akrân a‟yân ve vücûh-ı memleket ve bi‟l-cümle iĢ erleri zîde kadrûhûm Tevki‟-i refî-i hümâyûn vâsıl olacak ma‟lûm ola ki mukırr vâsıl olan fermân-ı âlîĢânım mûcibince bu def‟a Kalecik kazasının kırk dokuz senesi rûz-ı Kasım‟ından rûz-ı Hızır‟ına gelinceye kadar altı aylık olmak üzere vukû‟ bulan mesârifâtın Dersa‟adetime vürûd eden mümzâ ve memhûr bir kıt‟a tevzî‟ defter-i yekûnu bir yük dört yüz altmıĢ buçuk kuruĢa bâliğ olmuĢ ve defteri mezkûr bi‟t-tedkîk üç bin kuruĢu tenzîl ile ma‟ harc-ı fermân sahh‟ül-bâkî doksan sekiz bin dört yüz kırk buçuk kuruĢun tevzî-i irâde-i aliyyeme mütevakkıf idüğini bu tarafta tedkîk-i defâtire me‟mûr olan ricâl-i devlet-i aliyyemden Ģıkk-ı sânînin inzimâmıyla hâla Harameyn-i ġerifeyn muhâsebecisi iftihâr-ül-ekâbir Ali Râif zîde uluvvuhu zîr-i deftere tahrîr ve temhîr etmiĢ ve defter-i mezkûr bâlâsına sahh-ı keĢîde olunarak iâde ve irsâl kılınmıĢ olmağla siz ki

nâib ve a‟yân ve sâir mûmâileyhimsiz vusûl-i Ģerîfimde sâlifü‟z-zikr doksan sekiz bin dört yüz kırk buçuk kuruĢun ma‟rifetiniz ve cümle ma‟rifetiyle kazâ-i mezbûr ahâlisine ta‟dil ve tesviye Ģurûtuna ri‟âyet olunarak tevzî‟ ve taksim ve yerli yerinden cem‟ ve tahsîl ile mahallerine te‟diye ve teslime dikkat ve meblağ-ı mezbûrun hîn-i tevzî‟inde defter-i mezkûre bir akçe zamm ve ilâve olunmak veyâhûd tahsildâriye nâmıyla ziyâde akçe ahz ve tahsîl kılınmak lâzım gelir ise bi‟t-tahkîk mütecâsir olanların haklarından gelineceği muhakkak ve mukarrer olduğuna binâen ona göre amel ve hareket mezîd-i ihtimâm ve dikkat eylemeniz fermânım olmağın mahsûsen iĢ bu emr-i celîlü‟l-kadrim ısdâr ve tisyâr olunmuĢtur. Ġmdi keyfiyyet ma‟lûmunuz oldukta ber-minvâl-i muharrer amel ve harekete ziyâde ikdâm ve gayret ve meblağ-ı mezbûrun sûret-i tevzî‟i ve tahsîli bu tarafda dahi ma‟lûm olmak için lâzım gelen i‟lâmın Dersa‟adetime irsâl ve takdîmine müsâra‟at ve mugâyir-i vaz‟a irâe-i ruhsat ile nefsinizi mühlikeye ilkâdan tevakki‟ ve mübâ‟adet eylemeniz bâbında fermân-ı âliĢânım sâdır olmuĢtur buyurdum ki vusûl buldukta bu bâbda vech-i meĢrûh üzere Ģeref-yâfte-i sudûr olan fermân-ı vâcib‟ü-l-ittibâ ve lâzımü‟l-imtisâlimin mazmûn-ı itâ‟at makrûnuyla amel ve hareket eyleyesiz Ģöyle bilesiz alâmet-i Ģerîfe i‟timâd kılasız tahrîren fî evâil-i Ģehr-i Safer-il-hayr sene hamsîn ve mieteyn ve elf kıdvetü‟l-nüvvâbi‟l-müteĢerri‟in

Kalecik kazası nâibi mevlânâ zîde ilmuhû mefâhir-ül-emâsîl ve-l-akrân a‟yân ve vücûh-ı memleket ve bi-l-cümle iĢ erleri zîde kadruhûm tevki‟-i refî‟-i hümâyûn vâsıl olacak ma‟lûm ola ki mukaddemâ sâdır olan fermân-ı âli-Ģ-Ģânım mûcibince bu def‟a Kalecik kazasının kırk senesi rûz-ı Kasım‟ı i‟tibâriyle vuku‟ bulan mesârifât Dersa‟adetime vürûd eden mûmzâ ve memhûr bir kıt‟a tevzî‟ defteri yekûnu yüz on altı bin yedi yüz iki kuruĢa bâliğ olmuĢ ve defter-i mezkûr bi‟t-tedkîk üç bin kuruĢunu tenzîl ile ma‟a harc-ı fermân sahh-ül-bâki yüz on dört bin sekiz yüz otuz dokuz kuruĢun tevzî‟i irâde-i aliyyeme mütevakkıf idüğünü bu tarafta tedkîk-i defâtire me‟mûr olan ricâl-i devlet-i aliyyemden Ģıkk-ı sânînin inzimâmıyla hâlâ Haremeyn-i ġerifeyn muhasebecisi iftihârü‟l-ekâbir ve-l-ekârim Ali Raif zîde uluvvuhu zîr-i deftere tahrîr ve temhîr olunmuĢ ve defter-i mezkûr bâlasına sahh-ı keĢîde olunarak iâde ve irsâl kılınmıĢ olmağla sen ki nâib ve a‟yân vesâirler mûmâileyhimsiz vusûl-i emr-i Ģerîfimde sâlif-üz-zikr 839 kuruĢu ma‟rifetiniz ve cümle ma‟rifetiyle kazâ-i mezbûr ahalisine ta‟dîl ve tesviye Ģurûtuna riâyet olunarak tevzî‟ ve taksim ve yerli yerinden cem‟ ve tahsil ile mahallerine te‟diye ve teslimine dikkat ve meblağ-ı mezbûrun hîn-i tevzi‟inde defter-i mezkûre bir akçe zamm ilave olunmak yâhûd tahsildâriyye nâmıyla ziyâde akçe ahz ve tahsîl kılınmak lâzım gelir ise bi-t-tahkîk mütecâsir olanların haklarından gelineceği muhakkak ve mukarrer olduğuna binâen ona göre amel ve harekete mezîd-i ihtimâm ve dikkat eylemeniz

fermânım olmağın mahsûsen iĢ bu emr-i celîl-ül-kadrîm ısdâr ve tisyâr olunmuĢtur imdi keyfiyyet-i ma‟lûmunuz oldukta ber-minvâl-i muharrer amel ve harekete ziyâde ikdâm ve gayret ve meblağ-ı mezbûrun sûret-i tevzî‟ ve tahsili bu tarafa dahi ma‟lûm olmak için lâzım gelen i‟lâmın dersa‟adetime irsâl ve takdimine müsâraat ve mugâyiri vaz‟a irâe-i ruhsât ile nefsinizi mühlikeye ilkâdan tevakkî‟ mübâ‟adet eylemeniz bâbında vech-i meĢrûh üzere Ģeref-yâfte-i sudûr olan fermân-ı vâcib-ül-ittibâ‟ ve lâzım-ül-imtisâlimin mazmûn-ı itâat makrûnuyla amel ve hareket eyleyesiz Ģöyle bilesiz alâmet-i Ģerîfe i‟timâd kılasız tahrîren fî evâil-i Ģehr-i Safer‟ül-hayr sene hamsîn ve mieteyn ve elf.

Belge No: 26

Kıdvet-ül nüvvâbi‟l-müteĢerri‟in zîde kadrihim tevki‟-i refî‟-i hümâyûn vâsıl olacak ma‟lûm ola ki mukaddemâ sâdır olan fermân-ı âli-Ģ-Ģânım mûcibince bu def‟a Kalecik kazasının kırk dokuz senesi rûz-ı Hızır‟ında elli senesi rûz-ı Kasım‟ına gelince vuku‟ bulan mesârifâtın dersa‟adetime vürûd eden mümzâ ve memhûr bir kıt‟a tevzî‟ defteri yekûnu altmıĢ yedi bin yüz yetmiĢ sekiz kuruĢa bâliğ olunmuĢ ve defter-i mezkûr ba‟de-l-mutâla‟a ma‟ harc-ı fermân altmıĢ yedi bin sekiz yüz kırk dokuz kuruĢunun tevzî‟-i irâde-i aliyyeme mütevakkıf idüğünü bu tarafta tedkîk-i defâtire me‟mûr olan ricâl-i devlet-i aliyyemden hâlâ Haremeyn-i Ģerifeyn muhâsebecisi Ali Raif zîde uluvvuhu zîr-i deftere tahrîr ve temhîr etmiĢ ve defter-i mezkûr bâlasına sahh-ül keĢîde olunarak iâde ve irsâl kılınmıĢ olmağla sen ki nâib-i mûmâileyhim siz ve a‟yân-ı mûmâileyhimsin vusûl-i emr-i Ģerîfimde sâlif-üz-zikr altmıĢ yedi bin sekiz yüz kırk dokuz kuruĢu ma‟rifetiniz ve cümle ma‟rifetiyle kazâ-i mezbûr ahalisine ta‟dîl ve tesviye Ģurûtuna riâyet olunarak tevzî‟ ve taksim ve yerli yerinden cem‟ ve tahsili ile mahallerine te‟diye ve teslimine dikkat ve meblağ-ı mezbûrun hîn-i tevzi‟inde defter-i mezkûru bir akçe zâmm ve ilave olunmak veyâhûd tahsildâriyye nâmıyla ziyâde akçe ahz ve tahsîl kılınmak lâzım gelir ise bi-t-tahkîk mütecâsir olanların haklarından gelineceği muhakkak ve mukarrer olduğuna binâen ona göre amel ve harekete mezîd-i ihtimâm ve dikkat eylemeniz fermânım olmağın mahsûsen iĢ bu emr-i celîl-ül-kadrîm ısdâr ve tisyâr olunmuĢtur imdi keyfiyyet-i ma‟lûmunuz oldukta ber-minvâl-i muharrer amel ve harekete ziyâde ikdâm ve gayret ve meblağ-ı mezbûrun sûret-i tevzî‟ ve tahsili bu tarafa dahi ma‟lûm olmak için lâzım gelen i‟lâmın dersa‟adetime irsâl ve takdimine müsâraat ve mugâyiri vaz‟a irâe-i ruhsât ile nefsinizi mühlikeye ilkâdan tevakkî‟ mübâ‟adet eylemeniz bâbında fermân-ı âli-Ģ-Ģânım sâdır olmuĢtur buyrudum ki vusûl buldukda bu bâbda vech-i meĢrûh üzere Ģeref-yâfte-i sudûr olan fermân-ı vâcib-ül-ittibâ‟ ve lâzım-ül-imtisâlimin mazmûn-ı itâat makrûnuyla âmil olasız Ģöyle bilesiz

alâmet-i Ģerîfe i‟timâd kılasız tahrîren fî evâhir-i Ģehrü‟l ġa‟bânü‟l-muazzam sene hamsîn ve mieteyn ve elf.

11. Sayfa