İzzet-Me‘âb Şeri‘at-Nisâb Mevlânâ-yı Sâlih Efendi Kam-Yâb
Ba‘de’t-tahiyyetü’l-vâfiye inhâolunur ki şehr-i emânet-i celîlesi dâhilinde kâffe-i Kandıra Kazâsı’na mülhak Şeyhler Nâhiyesi niyâbet-i şer‘iyyesi iş bû binüçyüziki senesi şehr-i zilhiccenin yirmibirinci gününden i’tibâren uhde ki ihâle ve tefvîz olunmuştur. Gerekdir ki yevm-i mezkûrda nâhiye-i mezbûru bi’n-niyâbe zabt idüp beyne’l-ahâli icrây-ı a‘zâm-ı şer‘-i âlîde sa‘y ve gayret ve vukû‘-ı yafta olan muhallefât-ı mevtâ-ymuhallefât-ı asâkiriyyenin mevcûd tahrîr olanlarmuhallefât-ınmuhallefât-ı tahrîr ve ve beyne’l-verese bi’l farîzatü’ş-şerîyye tevzî‘ ve taksîmi hususunda dikkat eyleyesüz vesselâm 26-Zi'l-hicce 1302
NUMARA 1.1
Mahmiye-i İzmit Sancağı ve nefsi Kasaba civarında sâkine bundan akdem vefât eden Esmâ Hanım bint-i Mustafa Efendi bin ‘Abdullah’ın ber-vech-i âti hâzır vârîsi olduklarını iddi‘â eden İzmit Sancağı dâhilinde ve Kandıra Kazâsı’na muzaf Şeyhler Nâhiyesi’ne tâbi‘ Bozburun Divânı Perdenli Karyesi’nde sâkinlerinden Molla İsmail oğulları Mehmed Ali ve Ahmed Ağa bintan Salih Ağa ibn-i ‘Abdullah nam kimesneler nâhiye-i mezbûrun Hükümet Konağı’nda ve ma‘kûd-ı şer‘-i şerîf-i enverde müteveffiye-i mezbûre Esmâ Hâtûn derûn-ı sâlifu’z- zikr nâhiye-i mezbûra tâbi‘ Hoca Karyesi sâkinlerinden ve Na‘lbant esnafından Ali Ağa bin Halil Ağa mahzarında üzerine da‘vâ ve takrîr-i kelâm idüp müteveffiye-i mezbûre Esmâ Hâtûn’un vâlidesi müteveffiye Fâtıma Hanım bizim kızkarındaşımız olup ol-vechle müteveffiye- mezbûre Esmâ Hanım’ın ve verâseti zevc-i metrûkü Hâcı Rasîm Efendi ile zülâl-i âmm cihetinde hâzirân bizlere münhasıra olup bizlerden başka vârîs ve terekesine müstehak âheri olmamağla mûrisimiz müteveffiye-i mezbûre Esmâ Hanım’ın hayâtında merkûm Ali
idüb meblağ-ı mezbûr zevc-i merkûm Hâcı Rasîm Efendi ile bizlere mûris olmağla meblağ-ı mezkûr altıyüz gurûşu merkûm Ali Ağa’dan bi’l-verâse hala taleb ideriz diyu su’âl olunup bizlere edâ ve teslîme merkûm Ali Ağa’ya tenbîh olunmak muradımdır, dedikten sonra gıbbe’s- su’al oldahi cevâbında cihet-i merkûmeden müteveffiye-i mezbûre Esmâ Hanım zimmetinde meblağ-ı mezbûr altıyüz gurûş deyni olduğunu tav‘an ikrâr ve itirâf idüp yine müdde‘âyân-ı mezbûrân Mehmed Ali ve Ahmed Ağa’ların ma’dâ verâset-i müdde‘âlarını inkâr etmeyle müdde‘âyân-ı mezbûrân ber-minvâl-i muharrer verâset-i mezkûre müdde‘âlarına mutâbık beyyine taleb olundukda usûl-ı şer‘iyyesi veçhle evvela bâvaraka- i mahmûre-i mestûre mensûb oldukları sâlifu’l- beyân Bozburun Divânı İmamı Salih Efendi bin Hakkı Efendi ve Muhtar Halil Ağa bin Mustafa Ağa ve Ahmed Çavuş bin ‘Abdullah ve Emin Çavuş bin Hüseyin Usta Ahmed Çavuş .Ömer Ağa nâm mezkûrun sırren ve ba‘dehu mezbûrûn ve sâ’irlerden alenen lede’t- ta‘dîl ve’t- tezkiye adl ve makbûlü’ş- şehâde eyledikleri ihbâr olan divân-ı mezkûrun Perdenli Karyesi sâkinlerinden orta boylu kumral sakallı kırkbeş yaşlarında .Karabacakzâde Ferhat Efendi bin Emin Ağa ve kırk yaşında orta boylu sarı sakallı Mehmed Ağa bin Hüseyin Usta bin ‘Abdullah nam kimesneler li-ecli’ş- şehâdeler meclîs-i şer‘-e hâzirân olup işhâd olunduklarında fi’l- hakîka iş bu müdde‘âyân-ı mezbûrân müteveffiye-i mezbûre Esmâ Hanım’ın vâlidesinin ve li-ebeveyn erkarındaşlarıdır. Babalarının ismi Salih’tir. Ve vâlidelerinin ismi Fâtıma Hâtûn’dur. Ol vechle müteveffiye-i mezbûre Esmâ Hanım’ın verâseti zevc-i merkûm Hâcı Rasîm Efendi ile zül ve ehlim cihetinde mezbûrân Mehmed Ali ve Ahmed Ağa’lara münhasıradır. Ve bundan başka gayrı vârîs ve terekesine müstehak âheri olduğu bizim ma‘lûmemiz değildir. Bizler buhusûsu bu vech üzere şâhitleriz. Şehâdet dahi ederiz. Ve bu her biri müttefeku’l-lafz ve’l-ma‘nâ hatm-ı hâcette şehâdet-i şer‘iyye itmeğin mûcebince müdde‘âyân-ı mezbûrânın verâsetlerine ba‘de’l- hükm ve’t-tenbîh mâ vak‘a bi’t-taleb ketb ve imlâ olundu. Hurrire fi’l- yevmi’r-râbi‘ ve’l- işrîn min şehr-i muharremü’l- haram sene selâse ve mi’etin ve elf
NUMARA 1.2
Şeyhler Nâhiyesine tâbi‘ Yanıkkebîr Divânı dâhilinde ve Yanıkkebîr Karyesi sâkinlerinden bundan akdem vefat eden Molla Fettah.oğlu Yahya bin Mehmed nam müteveffânın verâseti zevce-i menkûha-i metrûkesi Zeynep bint-i ‘Osmân ile sulbî sağîr oğlu Alişah’a münhasıra olduğu inde’ş-şer‘i’l- enver zâhir ve mütehakkık olduktan sonra sağîr-i mezbûr Alişah’ın vakd-ı rüşd ve sedâdına değin tesviye-i umûruna değin kıbel-i şer‘-i şerîfden bâ hüccet-i şer‘i mensûb vasîsi ta‘yin kılınan ‘Abdullah Efendi bin ‘Abdullah Efendi’nin taleb ve mu‘arrefeti ve ma‘rifet-i şer‘le tahrîr ve taksîm olan tereke-i müteveffâdırki ber-vech-i zikr ve beyan olunur. Hurrire fi’l-yevmi-t tâsi‘ ve’l-’işrîn min şehr-i muharremü’l-haram sene selâse ve selâse mi’etin ve elf.
Karye-i mezkûrda vaki‘ bir bâb mülk menzil 500 gurûş Koyun re’s 5 adet/200 gurûş
Keçi re’s 5 adet/150 gurûş
İdris Ağadan alacağı öküz esmânı 1650 gurûş Kilim1 adet/10 gurûş Çöp kilim 2 adet/20 gurûş Yüklü Divân 1 adet/20 gurûş Yorgan 3 adet/30 gurûş Çuval 3 adet/15 gurûş Âdi sandık 2 adet/15 gurûş Nuhâsî 16 kiyye/130 gurûş Saban demiri 1 adet/15 gurûş Zincir 1 adet/20 gurûş Güğüm 1 adet /50 gurûş
Tek. ve demir tüfenk
1 adet/30 gurûş 40 gurûş _________________Cem‘an yekünü’l-eşyâ 2490 gurûş
_________________Minhe’l-ihrâcât Teçhîz tekfîn 60
gurûş
Dellâliyye 20 gurûş Merkûm oğlu Alişah’a deyni müteveffiye vâlidesi terekesinden
1330 gurûş Virgü-i terâküm 205
gurûş
Zevcesine mihr-i mü’eccel deyn-i müsbet 200 gurûş
Hatipoğlu Hüseyine deyn 60 gurûş
________________________Sahhu’l-bâkî 615 gurûş Resm-i kısmet ve kaydiyye ve varaka baha 20 gurûş
Kalan 595 gurûş
Hisse-i zevcetü’l-mezbûre 74 gurûş Hisse-i ibnü’l-mezbûr 521 gurûş
Verese-i kebîrenin hisse-i ırsiyyesi ve mihr-i mu’eccel kendüne teslîm olunduğu gibi eytâm-ı merkûm Alişah’ın hisse-i ırsiyyesi li ecli’l-edâne vasîsi bulunan ‘Abdullah Efendi’ye teslîm ve tenbîh olunduğu tescîl kılındı. 27 Muharremü’l-haram 1301
______________________Şuhûdu’l-Hâl
‘Abdullah Efendi Mehmed Emin Molla Mustafa Abdioğlu Adem ve gayruhum
Aslına bi’l-mukâbele mutâbık olduğu
NUMARA 1.3
Kandıra Kazâsının Şeyhler Nâhiyesi’ne tâbi‘ Gölköprü Divânı dahilinde ve Gölbaşı Karyesi’nde sâkine Kara Hasan Ağa zevcesi Ayşe Hâtûn bint-i ‘Abdullah nâm kimesne karye-i mezbûrda akd olunan meclîs-i şer‘i şerîf-i enverde divân-ı mezkûr sâkinlerinden Tımar Karyesi’nde Kara Mustafa Ağa bin Mehmed Ali Ağa mahzarında bitav‘ihâ ikrâr-ı tâm ve takrîr-i kelâm idüp bey‘i âti’z-zikrin südûruna değin müteveffiye vâlidem Nefise Hâtûn’dan müntekil yedimde mâlım ve mülküm olan mezkûr Tımar Karyesi’nde ma‘lûmu’l-hudûd ve’l-cîrân fevkânî ve tahtânî iki göze müştemil bir bâb mülk menzili bi cümleti’t-tev’abi‘ ve’l-levâhık ve kâffetü’l-hukûk ve’l-merâfık terafeynden icâb ve kabû’l-ı hâvî şurût-ı müfside ve muvâzı‘adan ârî bey‘-i bâtt-ı sahîh-i şer‘le merkûm Kara Mustafa Ağa’ya binikiyüz gurûşa bey‘ ve furûzunu temlîk ve teslîm eyledikde ol-dahi işterâ ahz ve kabz ve kabul ve tesellüm ve temellük eylediğinde semeni olan binikiyüz gurûşuna merkûmun yedinden bi’t-temâm ve’l-kemâl ahz ve kabz eyledim. Fî
mâ ba‘d menzil-i mahdûd-ı mezkûrda benim asla ve kat‘a alâka ve medhalüm kalmayup müteveffâ-yı merkûm Kara Mustafa Ağa’nın mülk ve müşterâsı ve hakk-ı sarfı olmuştur. Keyfe mâ yeşâ’ ve yahşâ ve mâlik ve mutasarrıf olsun dedikte gıbbe’t-tasdîki’ş-şer‘i mâ vak’a bit taleb ketb ve imlâ olundu. Hurrire fi’l-yevmi’s-sâni ve’l-işrîn min şehr-i muharremu’l-haram sene selâse ve mi‘etin ve elf
______________________Şuhûdu’l-hâl
Muhtar İsmail Ağa Sakıp Mehmed Ağa Yakup Ağa oğlu Ahmed Ağa Salih Çavuş
Mehmed Ağa’nın oğlu Mustafa Ağa Çorbacı oğlu İsmail Ağa ve gayruhum.
Aslına bi’l-mukâbele mutâbık olduğu.
NUMARA 1.4
Şeyhler Nâhiyesi’ne tâbi’ Divân dahilinde Dargeçit Karyesi sâkinlerinden bundan akdem vefât eden Adalıoğlu Koca Mehmed bin ‘Abdullah nâm müteveffânın verâseti sulbî kebîr oğulları Ali ve Ârîf ve İbrahim ve Ahmed ve sulbîye kebîre kerîmesi Hatice’ye münhasıra olduğu inde’ş-şer’il-enver zâhir ve numâyan olduktan sonra merkûm Ahmed ve İbrahim asâkir-i şahânede ve suvârî taburu dâ’iresinde bulunup gâ’ib oldukları halde pederlerinden mevrûs hisse-i musîbelerinin vurûdlarına değin li’ecli’l-muhafaza ve vasîleri nasb olunan merkûm İbrahim zevcesi Fâtıma Hâtûn ile diğer Ahmed’in vasîsi erkarındaşı merkûm Ali’nin taleb ve mu‘arefeti ve ma‘rifet-i şer‘le tahrîr ve taksîm olunan tereke-i müteveffâdır ki ber-vech-i âti zikr ve beyân olunur. Hurrire fi’l-yevmi’l-hâmis min şehr-i saferü’l-hayr sene selâse ve selâse mi’etin ve elf.
Karye-i mezbûrede vâki‘anbar bir bab mülk menzil 600 gurûş Diğer yeni mülk menzil 800 gurûş Çayır samanhâne 200 gurûş Bir gözlü kara sığır damı 60 gurûş Diğer samanhâne 300 gurûş İki gözlü tam 180 gurûş Koca kara sığır öküzü 500 gurûş Malak manda öküz 2 adet/1200 gurûş Kara sığır öküzü 2 adet/600 gurûş Manda öküzü 1 adet/700 gurûş
Beyaz kara sığır ineği 1 adet/200 gurûş Cılk sığır 1
adet/200 gurûş
Siyah kara sığır ineği 1 adet/150 gurûş
Küçük dana 2 adet/150 gurûş
Koyun re’s 15 adet/600 gurûş
Koyun kuzu 4 adet/80 gurûş
Erkek koyun 1adet/20 gurûş
Tek demir tüfenk 1 adet/60 gurûş
Küçük tek demir tüfenk 1 adet/30 gurûş Tabanca 1 adet/20
gurûş
Bıçak 1 adet/10 gurûş Hınta 20 kile/300 gurûş
Şaîr 8 kile/64 gurûş Alaf 15 kile/160 gurûş Tohum hınta 15 kile/225 gurûş Kapluca 10 kile/50guruş Mısır 10 kile/100 gurûş Keten tohumu 4 kile/80 gurûş
Yüklü döşek 1 adet/40 gurûş
Yorgan 4 adet/80 gurûş
Yastık 6 adet/60 gurûş Çöp döşek 2 adet/30 gurûş Çöp kilim 8 adet/96 gurûş Yünlü kilim 4 adet/600 gurûş
Çuval 6 adet/30 gurûş Manda çulu 2
adet/40 gurû
Nuhâsî 25 kıyye/250 gurûş
Saban demiri çift 3 adet/30 gurûş
Araba 1adet/100 gurûş Zincir 2 adet/40
gurûş
Balta 3 adet/30 gurûş Küfeli 1 adet/5 gurûş
orak 3 adet/15 gurûş Yuğu taşı 1
adet/30 gurûş
Orak tahta 4 adet/30 gurûş Düzen 1 adet/20 gurûş Hırdavât-ı menzil/50 gurûş ______________________Yekün 8275 ______________________Minhe’l-ihrâcât Teçhîz tekfîn 285 gurûş Ârîf zevcesi Emine’ye deyni 60 gurûş
Ali zevcesi Hatice’ye deyni 270 gurûş
Acem Ali’ye deyni 50 gurûş Arabacı Mehmed Ağa’ya deyni 10 gurûş Fettah oğlu
Mehmed’e 10 gurûş
Dellâliyye 50 gurûş
_________________________Yekün 735 gurûş
_________________________Sahhu’l-bâkî 5700 gurûş Resm-i kısmet 180 gurûş
Kalan 5520 gurûş
Kaydiyye ve varaka baha 20 gurûş Yalnız beşbinbeşyüz gurûştur. 5500 gurûş Hisse-i ibnü’l-mezbûr Ali 1222 gurûş
Hisse-i ibnü’l-mezbûr Ârîf 1222 guruş Hisse-i ibnü’l-mezbûr İbrahim 1222 gurûş Hisse-i ibnü’l-mezbûr Ahmed 1222 gurûş Hisse-i bintü’l-mezbûre Nur 610 gurûş
Toplam 5499 gurûş
Küsür 1 gurûş
Toplam 5500 gurûş
Verese-i mevcûde hisse-i musîbelerine vaz‘u’l-yed olundu ki iki gâ’ibân-ı mezbûrânın hisseleri ber minvâl-i mezkûr vasîlerine teslîm olunduğu iş bu mahalle şerh verildi. _______________________________Şuhûdu’l-hâl
Muhtar Ârîf Ağa Mehmed Ağa
Okçuoğlu Ahmed Ağa Koca Salih Mustafa Okçuoğlu Kadir Molla ‘Osmân OğluAziz Bi’l-mukâbele aslına mutabık olduğu
NUMARA 1.5
Şeyhler Nâhiyesi’ne tâbi‘ Bozburun Divânı dâhilinde ve Karabacak Karyesi sâkinlerinden bundan akdem vefât eden Ateşlioğlu İbrahim bin Süleyman nâm müteveffânın verâseti zevce-i menkûha-i metrûkes-i Hanife bint-i Mustafa ile uhd-ı
li-ebeveyn kız karındaşı Hasibe ve yedi aylık haml-i mevkûfuna münhasıra olduğu inde’ş-şer‘i’l-enver zâhir ve numâyan olduktan sonra verese-i kibârın taleb ve mu‘arrefeti ve ma‘rifet-i şer‘le tahrîr ve taksîm olunan tereke-i müteveffâdır ki ber-vech-i âti zikr ve beyân olunur. Hurrire fil yevmi-r râbi‘ ve’l-işrîn min şehr-i muharremü’l-haram sene selâse ve selâse mi’etin ve elf.
Karye-i mezbûrede vâki‘ bir bâb mülk menzil 1500 gurûş Saman keşîdeli samanhâne 100 gurûş kara sığır öküzü re's 2 adet/700 gurûş
kara sığır ineği re's 1 adet/200 gurûş Def'a kara sığır ineği
1 adet/100 gurûş
Kara sığır danası re’s 1 adet/100 gurûş Hınta 19 kile/350 gurûş Kapluca 3 kile/15 gurûş Keten tohumu 2 kile/45 gurûş
Hınta def’a 3 kile/60 gurûş Müsta‘mel kilim 1 adet/20 gurûş Yorgan 1 adet/20 gurûş Döşek 1 adet/20 gurûş
Yastık 1 adet/10 gurûş Nuhâsî 15 kıyye/100 gurûş
Çöp kilim 1 adet/10 gurûş Çuval 5 adet/40
gurûş
Araba 1 adet/40 gurûş Zincir 1 adet/20 gurûş
Saban demiri 2 adet/20 gurûş Balta 1 adet/10 gurûş Orak 2 adet/5 gurûş Tekne tahta 10 gurûş Yuğu taşı 40
gurûş Döğen 1 adet/10
gurûş
Kazma 1 adet/10 gurûş Kazgan 1 adet/20 gurûş
Sini 1 adet/30 gurûş Sahan ve tava 1
adet/20 gurûş
Düzen 1 adet/40 gurûş Salih ağa zimmeti 35 gurûş Hırdavat-ı menzil 50 gurûş __________________________Yekün 3750 gurûş __________________________Minhe’l-İhrâcât Techîz tekfîn 233 gurûş
Zevcesine mihr-i müeccel muhtar Halil Ağa ile Ahmed Çavuş şehâdeti ile ba‘de’t-tahlîf deyn-i müsbet 310 gurûş
Hatap tüccarı Recep Ağa’ya Halil Ağa ve Ahmed Çavuş ve Mehmed şehâdeti ile ba‘de’t-tahlîf deyn-i müsbet 587 gurûş
Ermeni Nişâne Çorbacı’ya 25 gurûş
Virgü sene 301/50 gurûş ________Cem‘an yekünü’l – ihrâcât 1205 gurûş
_______________________Sahhu’l-bâkî 2545 gurûş Resm-i kısmet 63 gurûş
Kalan 2482 gurûş
Kaydiyye 2 gurûş
Kalan 2480 gurûş
Yalnız ikibin dört yüz seksen gurûştur.
Hisse-i zevcei mezbûre 310 gurûş Hisse-i haml-i mevkûf 2170 gurûş Hisse-i uhdu’l-mezbûre 0 gurûş _________________________Yekün 2480 gurûş
Ber-mûceb kısmet-i haml-i mevkûfenin tevellüdüne değin hisse-i musîbesi olan ikibinyüzyetmiş gurûş vâlidesi mezbûre Hanife Hâtûn’a teslîm olunduğu iş bu mahalle şerh ve tahrîr kılındı.
_______________________Şuhûdu’l-hâl
Muhtar Halil Ağa Ahmed Çavuş
Recep Ağa Mustafa Efendi Salih Ağa Salih Efendi ve gayruhum
NUMARA 1.6
Ma‘rûz-ı dâ‘îleridir ki
Medîne-i İzmit Ömer Ağa Mahallesi’nde sâkine olup Kandıra Kazâsı’na mülhak Şeyhler Nâhiyesi’ne tâbi‘ Yanıkkebîr Divânı dâhilinde Yeniköy Karyesi’nde
misâfireten ikâmet etmekte iken bundan yirmi gün mukaddem vefât eden ‘Azime Hâtûn bint-i Mustafa bin ‘Abdullah nâm müteveffiyenin ber-vech-i âti verâseti olduğunu iddi‘â eden nâhiye-i mezbûra muzâf Hoca Karyesi sâkinlerinden Fâhir oğlu Tâhir ve Sâcide ve Esmâ Hâtûn nâmûn kimesneler nâhiye-i mezbûrun Hükûmet Konağı’nda ma‘kûd meclîs-i şer-i şerîf-i enverde müteveffiye-i mezbûrenin mezkûr karye-i mezbûrdan Sa‘îd Efendi bin Halil Ağa mahzarında her biri da‘vâ ve takrîr-i kelâm idüp müteveffiye-i mezbûre ‘Azime Hâtûn vâlidemiz hâzire-i mezbûre Esmâ Hâtûn’dan mütevellid li-ebeveyn kız karındaşımız olup babalarımızın ismi Mustafa bin ‘Abdullah ve vâlidemizin ismi Esmâ Hâtûn bint-i Ahmed Ağa bin Mehmed Ağa ve muskat re’isleri mezkûr Hoca Karyesi olup ol-vechle müteveffiye-i mezbûrenin verâseti bizlere münhasıra bizlerden gayrı vârîsi ve terekesine müstehak âheri olmamağla mûrisimiz müteveffiye-i mezbûrenin merkûm Sa‘îd Efendi zimmetinde cihet-ı karz-ı şer‘i alacağı olan onbir gurûş kable’l-ahz vel istifâ vefât etmekle meblağ-ı mezbûru hâzirân bizlere mevrûs olmağla merkûm Sa‘îd Efendi’ye su’âl olunup bi’l- verâse bizlere edâ ve teslîme tenbîh olunmak murâdımızdır dediklerinde ol-dahi cevâbında müteveffiye-i mezbûre cihet-i mezkûreden ol-miktar deyni olduğunu tâbi‘an ikrâr ve i‘tirâfla ma‘dâ verâset-i müdde‘âlarını inkârına mukârîn müdde‘iyyûn-ı mezbûrûnlardan ber-vech-i muharrer verâset-i müdde‘âlarına beyyine taleb olundukta usûl-ı mevzû‘asına kat‘iyyen her biri mahallerinden Ahmed Ağa bin ‘Abdullah ve Muhtar Nuh Efendi bin Mehmed Deli Baltaoğlu Tâhir Ağa bin ve Reşît Beyoğlu Mehmed Bey ve Tahsin Efendi bin Hâcı Efendi’den sırran ve ba’dehû cerîde de isimleri mezkûr kimesnelerden alenen lede’d- ta‘dîl ve’t- tezkiye adl ve makbûlu’ş- şehâde oldukları ihbâr olunan mezkûr Hoca Karyesi’nde mukîm Na‘lbant Ali Ağa bin Halil Ağa bin ‘Abdullah ve Ali ‘Osmân Ağa bin Mehmed Ali Ağa bin Mehmed nâmûn kimesneler meclîs-i şer’a hâzirân olup istişhâd olunduklarında fi’l- hakîka müteveffiye-i mezbûre ‘Azime Hâtûn iş bû müdde‘iyyûn-ı mezbûrûnlardan Tâhir ve Sâcide Hâtûn’un li-ebeveyn kız karındaşlarıdır. Ve mezbûre Esmâ Hâtûn’un kerîmesidir. Babalarının ismi Kadıoğlu Mustafa bin ‘Abdullah ve vâlidelerinin ismi mezbûre Esmâ Hâtûn bint-i Ahmed Ağa ve muskat re’isleri Hoca Karyesi olup müteveffiye-i mezbûrenin verâseti mezbûrûn Tâhir ve Sâcide ve Esmâ Hâtûn’a münhasıra olup bunlardan gayrı vârîs ve terekesine müstehak âheri olduğunu bilmeyüz. Bizler bu husûsa bu vechle şâhitleriz. Ve şehâdet-i şer‘iyye dahi ideriz. Diye her biri müttefeku’l-lafz ve’l-ma’nâ bi’l- muvâcehe ber-nehc-i
şer‘i edâ ve şehâdet-i şer’iyye etmeleriyle lâzime müdde‘î-i merkûm Tâhir ve müdde‘iyye-i mezbûretân Sâcide ve Esmâ Hâtûn’lar müteveffiye-i mezbûre ‘Azime Hâtûn’un vârîsi oldukları sâbit ve hükm-i şer’-i lâ-hık oldukta merkûm Tâhir ile mezbûretan Sâcide ve Esmâ Hâtûnların meclîs-i şer‘i şerîf-i enverde Şeyhler Nâhiyesi’nin Asakir-i Jandarma Suvârî Zabtiye neferâtından olup mezbûre Sâcide Hâtûn’un zevc ve ehli Hidayetullah bin ‘Abdullah mahzarında her biri ikrâr-ı tâm ve takrîr-i kelâm idüp mûrisimiz müteveffiye-i mezbûre ‘Azime Hâtûn’un İzmit’te ve Ömer Ağa Mahallesi’nde vâki‘ mülk ve menzil ve hânesinde mevcûd ve hâziran bizlere mevrûs olan emvâl ve eşyâ ve terekesini vâzı‘u’l-yed olanlardan ve zımm-i nâsda olan hukûkun dahi sâkıb medyûnlardan taleb ve da‘va-yı ahz ve kabza makbûzunu bizlere irsâl ve îsâl ve lede’l-iktizâ sulh ve ibrâya ve mütevekkıf olduğu umûrun küllüne tarafımızdan vekâlet-i âmme-i mutlaka-i sahîha-i şer‘i ile Hidayetullah’ı vekîl ve nâ’ib-i münâsib nasb ve ta‘yîn eyledik dedikte ol-dahi ber-vech-i muharrer vekâlet-i mezkûreyi kabûl ve hizmet-i lâzimesini kemâyenbagi edâya ta‘ahhüt ve iltizâm eylediği tescîl ve iltimâs hukûk-ı âlîlerine i‘lâm olundu. hurrire Fi’l-yevmi’l- hâmis min şehr-i cemâziye’l- âhir sene selâse ve selâse mi’etin ve elf. Bi’l-mukâbele aslına mutâbık olduğu.
NUMARA 1.7
Kandıra Kazâsı mülhakâtından Şeyhler Nâhiyesi’ne tâbi‘ Sarıbeyli Divânı’nın Mihter Karyesi sâkinlerinden Karamanoğlu Mehmed bin Emin nâm kimesne oğlunun oğlu kızı Ârîfe ibn-i Halil mahzarlarında nâhiye-i mezkûr mahkeme-i şer‘i şerîif-i enverde bi-tav ihâ ikrâr-ı tâm ve takrîr-i kelâm idüp akd-ı âti’z-zikrin sudûruna değin yedimde müstakilen malım ve mülküm olan karye-i mezkûrede vâki‘ etrâf-ı erba‘ası ma‘lûmu’l-hudûd bir bâb hâne me‘a bahçenin dört hisse i‘tibârîyle üç hissesi ve bir bâb samanhâne me‘a harman ve bir bab hayvan damı ve re’s manda öküzü ve onbir kile mezrû‘ hınta ve on kile şaîr ve beş kile mezrû‘ alaf ve dört kile mezrû‘ kapluca ve kile mezrû‘ tohum ve on kıyye nuhâs ve iki kat yatak takımı ve bir dögen ve bir araba ve bir zincir ve bir balta ve bir kazma ve bir tırban ve iki orak ve bir burgu taşı ve bir cedîd yün kilim çöp kilim ve altı çuval ve bu bâlâda zikr olunan eşyâ ve zehâ’ir üç hisse i‘tibârîyle iki hissesi
oğlunun oğlu Mustafa ve bir hissesi kızı Ârîfe’ye icâb ve kabûlü hâvî şurût-ı müfside ve muvâzı‘adan ârî bey‘-i bâtt-ı sahîh-i şer‘le binbeşyüz gurûşa merkûmân Mustafa ve Ârîfe’ye bey‘ ve temlîk ve teslîm eyledikte onlar dahî ber-minvâl-i muharrer işterâ ve tesellüm ve kabûl ve kabz eylediklerinde semeni olan binbeşyüz gurûş merkûmân yedinden ahz ve kabz eyledim. Bundan böyle zikr olunan eşyâ ve zehâ’irden benim aslâ ve kat‘a alâka ve medhalum kalmayup merkûmân Mustafa ve Ârîfe’nin mülk-i mahsûs ve hakk-ı sarfı olmuştur. Keyfe mâ yeşâ mâlik ve mutasarrıf olsun dedikte gıbbe’t-tasdîki’ş-şer‘i mâ vak‘a bi’t-taleb ketb ve imlâ olundu .21 recep 1303
NUMARA 1.8
Kandıra Kazâsı mülhakâtından Şeyhler Nâhiyesi’ne tâbi Kayacık Divânı’nın Kulaklı Karyesi sâkinlerinden Çoraoğlu Mehmed Ali bin Halil nâm kimesne damadı Hüseyin kızı Emine ibn-i Mehmed Ali mahzarlarında nâhiye-i mezkûr mahkeme-i şer‘i şerîf-i enverde ikrâr-ı tâm ve takrîr-i kelâm idüp akd-i âti’z-zikrin sudûruna değin yedimde müstakilen malım ve mülküm olan karye-i mezkûrede vâki‘ etrâf-ı erba‘ası ma‘lûmu’l- hudûd bir bâb üç hisseden iki hissesi ve bir kıt‘a harman yeri ve manda danası ve bir kara sığır öküzü ve onbeş kile mezrû‘ hınta ve iki kile mezrû‘ şaîr ve altı kile mezrû‘ alaf ve dört kile mezrû‘ kapluca ve bir araba ve bir zincir ve bir balta ve bir kazma ve bu bâlâda zikr olunan eşyâ ve zehâ’ir iki hisse i‘tibârî ile ve bir hissesi damadı Hüseyin’e ve bir hissesi kızı Emine’ye icâb ve kabûlü hâvî şurût-ı müfside ve muvâzı‘adan ârî bey‘-i bâtt-ı sahîh-i şer‘i ile bin gurûşa merkûmân damadım Hüseyin ve kızım Emine’ye