s.7124 Nevā-yi nāy-i hengām-ı ṣabā ey muṭrib-i çālāk

Uṣūliyle nühüfte çenber-i sāzında fenden geç

Cevāhir seng ile kȃnında hem-seng [ü] tesāvīdir Kemāle raġbet istersen eger Fevzī vaṭandan geç

Mefāʽīlün Mefāʽīlün Mefāʽīlün Mefāʽīlün

Gön̄ül ʽaşḳın̄ ġamıyla sūzen-i bārik teninden geç Mis̠āl-i rişte-i peyrevliḳle ceyb-i pīrehenden geç

Nem-i eşkiyle ṭoldur dīdeyi ger zīnet istersen Ser-ā-ser silk-i müjgānı rū-yı nāb-ı ʽAdenden geç Zeynel Hasan Muhammed38

Resen-bāz-ı ḫayālātı geçür maẓmūn-ı maʽnāya Ṣınāʽatle suṭūr-ı çenber-i müşgīn-resenden geç

Süḫan mülküni tesḫīr étmege ey ḫāme-i fikrim

Nezāketle niyām-ı ḫāme-i nāzük-bedenden geç

Naẓar kesme gön̄ülden ey ḫadeng-i ġamze-i dilber Nişānın̄dır senin̄ her laḥẓa ḳalb-i pür-miḥenden geç

Ne ṭurfe dürr-i şeh-vārı geçürdün̄ rişte-i naẓma Hünerle sende Fevzī sübḥa-i erbāb-ı fenden geç

Fāʽilātün Fāʽilātün Fāʽilātün Fāʽilün

Eylemek yārı merām üzre viṣāle rām güç Derd-i hicrān u firāḳ ile daḫı ārām güç

s.7125 Neşe-i laʽl-i lebinden mest olan ʽāşıḳlara Devr-i ruḥsārında terk-i bāde-i gül-fām güç

Étme ey dil vaṣlını her dem o meh-rūyun̄ niyāz Ṭabʽ-ı nāzına niyāz āzārdır ibrām güç

Zīb-i ruḫsār olduġın ḫaṭṭ étme ey dil iddiā’ Ḳı͂l ile davā-yı fāsid bulmaḳ istiḥḳām güç

Sāzkār-ı ʽālem olmaḳ gerçí ḫoşdur ʽādeta Lebin̄ étmek imtizāc-ı bed-mizāc-ı āmm güç

Şöyle ṭursun vaẓʽ-ı nā-maṭbūʽ çeraḫ-ı köhne sāl S̠ıḳlet-i evẓāʽ-ı nev-perverde-i eyyām güç

Cehldir sermāyesi bāzār-i dehrin̄ Fevziyā Māye-i ʽirfān ile kesb étmek oldı kām güç

Fāʽilātün Fāʽilātün Fāʽilātün Fāʽilün

Ey türāb-ı pāy-ı iclālin̄ ser-i eflāke tāc Nūr-ı rūy-ı tāb-nākin̄ ẓulmet-i kevne sirāc

Feyż-i teşrīf-i vücūd-ı rūḫ-baḫşındır senin̄ Vérmiş eczā-yı vücūd-ı āb [u] ḫāke imtizāc

Rūy-māl-i ḫāk-i dergāhın̄ olan merdümlerin̄ Érmez aṣlā rū-yı maḳsūdına gerd-i ihtiyāc

s.7126 Sikke-i şerʽin̄ le rūy-ı ḳalbini ṣāf étmeyen Ḥaşr bāzārında bulmaz naḳd-ı aʽmāli revāc

Ḫas̠te-i cürm u ḫaṭādır Fevzī-i āşüfte-ḥāl Derdine ḥarf-ı şefāʽat-baḫş-ı laʽlin̄dir ʽilāc

Feʽilātün Feʽilātün Feʽilātün Feʽilün

Gördü kim meşreb-i feyż kerem-i mīnāda ḳadeḥ Aldıġın vérdi yine bezm-i eḥibbāda ḳadeḥ

Her zamān müşrif-i nā-kām gibi naḳd-ı dili Bād-peymālıḳ ile vérmededir bāde ḳadeḥ

Ṭavr-ı ādābile devrān-ı ferah-baḫşında Devr-i Cemşīd ile cāmı getürür bāde ḳadeḥ

Al ile ṭopṭolu bir sāḥır-ı pür-fendir kim Merdümi duḫter-i rezle éder üftāde ḳadeḥ

Zevḳ ile būs-i leb-i laʽl-i bütāndır ḳaṣdı Boş degil gerdişi her cā-yı ṭarab-zāre ḳadeḥ

Bezme teşrīfin̄ içün ey güzelim olmuşdur

Raḳṣa dāmençe-i gülgūn ile āmāde ḳadeḥ

Böyle bir ḫande-i şīrīn ile Fevzī ne ben̄zer Ḳalʽına dāġ-ı ġamın̄ tīşe-i Ferhāde ḳadeḥ

Mefʽūlü Mefāʽīlü Mefāʽīlü Feʽūlün

s.7127 Bir māʼide-i bī-mezedir mā-ḥażar-ı çarḫ Dil-ḫ̌ āha göre kimse degil behrever-i çarḫ

Zāyil olacaḳ vérdigi zīnet daḫı nāḳıṣ Bir géce kemāl üzredir ancaḳ ḳāmer-i çarḫ

Ser-geşte ider gerdişi erbāb-ı leyāli

Hep ʽaksinedir devr-i mezemmet-es̠ er-i çarḫ

Her devrde eyler kimi refʽ ü kimini ḥafż Bu devr-i teselsülde olur reh-güzer-i çarḫ

Çoḳ dūnun̄ éder farḳını nā-farḳda īsāl Farḳ eylemez aʽlā-yı deniden naẓar-ı çarḫ

Müşkil ola dil kīsesi ḫāli hevesinden Her ḳalbe cilā-dāde iken sīm ü zer-i çarḫ

Fevzī yine ḳaydında olur kāh-keşānın̄ Her çend ise de kevkebe-i zīb ü fer-i çarḫ

Fāʽilātün Fāʽilātün Fāʽilātün Fāʽilün

Ey ṭabībim dil-i bīmārıma bir çāre meded Ḳorḳarım kim ḳala bu derd ile biçāre meded

Yaralar ġamze-i mestānesi her laḥẓa dili Dostlar yaralarım bildirin̄ ol yāre meded

s.7128 Āb-pāş ol dil-i mecrūḥuma sāḳī kerem ét Ġam-ı devrān ile yoḳsa yanarım nāre meded

Dil-i sevda-zedegān hep ṭaġılur ey şāne Çoḳ duḫūl étme ṣaḳın ṭurre-i ṭārrare meded

Felekin̄ cevrine imdād-ı Ḫüdā ḳāfīdir Kimseden étme ṭaleb Fevzī bu āzāre meded

Kūyında işitmezse ger ol ser[v]-i sehi-dād Eflāke çıḳar āhım ile ḳāmet-i feryād

Étmiş dil-i āşüftemi pāmāl-i taḥayyür Bu şīve-i reftār ile bu ḥüsn-i Ḫudā-dād

Pervāze gelüp ṭāir-iʽaḳl oldu perende Pertev ṣalalı şīşe-i çeşme o perī-zād

Düşdi şekere ṣuyı mükerrer ṭalebinde Bir kerre varınca lebinin̄ ḳandini ḳannād

Reng-i ruḫunı būy-ı gül u yāsemin étsün Çekdiyse eger ṣūretinin̄ naḳşını Behzād

Dırnaġ ile bin̄ daġını ʽaşḳın ḳazarım ben Dırnaġıma yetmez dehen-i tīşe-i Ferhād

s.7129 Āzmāye ile kimi nişān aldı kimi şān Sen daḫı buraḳ Fevzī kemālat ile bir ad

Mefāʽīlün Mefāʽīlün Mefāʽīlün Mefāʽīlün

Degil bīhūde her dem gerdiş-i dolābdan feryād Éder çerḫ-i denī devrānını işrābdan feryād

Şitāb ile güzār-ı rūzgār-ı ʽömr-i dünyāyı İfāde eylemekdir kim ider seylābden feryād

Cehālet ḥükmüdür evżaʽ-ı nā-hem-vārı nādānın̄ Tecāhül-gūne-i vażʽ-ı ulü’l-elbābdan feryād

Zamān-ı ʽizz u rifʽatde maḥabbet eyleyüp iẓhār Dem-i ẕilletde ʽaksin gösteren aḥbābden feryād

Giriftār-ı kemend-i aşḳ olan diller ṣadāsıdır Érüşür gūş-ı yāre gīsū-yı pür-tābdan feryād

Mezellet gördigiyçün imtizācından éder mīnā Ayaġa düşdigi demde şarāb-ı tābdan feryād

Derūn-ı dilden āh étsem rek-i cism-i nizārım hep Ṣanasın tār-ı şeş-tādır éder mıżrābdan feryād

Nevā-yi nāy-ı kilkim naʽme-i uşşāḳ ile Fevzī Éder taḥrīr-i ḥarf-i ʽışḳ-ı āteş-bāddan39 _feryād

s.7130 Fāʽilātün Fāʽilātün Fāʽilātün Fāʽilün

Gerçi dirler derd-i firḳat telḫdir vuṣlat leziz Līk encāmı visāl ile olan firḳat leziz

Nāle étmem erre-i ẕilletle baġrım yarsa yār Étdigi cevr ü aẕābı ʽaẕbdir ẕillet leẕiz

Ruḫlarından kām alınmaz ḫaṭṭı ẓāhir olmasa Nevbahār olsa olur gülzārdaʽişret leẕiz

Renc-i āzār-ı ḫumārı sīne miḳdārıncadır Her ne miḳdār olsa ẕevḳ-i bāde-i devlet leẕiz

Kām-ı erbāb-ı fenāda Fevziyā ancaḳ olur Āteş-i ‘ışḳ ile pervāne-ṣıfat ḥurḳat leẕiz

Mefāʽīlün Mefāʽīlün Mefāʽīlün Mefāʽīlün

Hevā-yı būy-ı zülfün̄ kim ser-i şeydāya girmişdir Ḫayāliyle süveydā-yı dilim sevdāya girmişdir

Éder geh Türk çeşmi geh nigāhı ṣabrımı yaġmā Bu ḥāl ile perīşan-ḫāṭırım ġavġāya girmişdir

Niyāz almaḳ degil ‘uşşāḳa belki nāz hem ṣatmaz Bu bī-pervā bugün bāzār-ı istiġnāya girmişdir

Kemān u tīr ile iḳlīm-i ḥüsni étmege tesḫīr Ṣaf-ı müjgānları ebrū-yı ʽanber-sāye girmişdir

Görüp bu reng ü āb [u] tāb ile ruḫsārını ṣahbā Ayaġa düşmeden evvel varup mīnāya girmişdir

s.7131 Miyān-ı çīn-i müşk-sāda noḳṭa-i ḫāli Mis̠āl-i Hindū-yı Keşmīrdir Şehbāye girmişdir

Dil-i ʽuşşāḳı zülfünden perīşān eyleyen şāne Yine bir muʽteriż cümle gibi araya girmişdir

Dür-i naẓmında Fevzī pey-rev olmaġla Nedīmāya Bu şi’r-i dil-keş-i rengīn-edā imlāya girmişdir

Mefāʽīlün Mefāʽīlün Mefāʽīlün Mefāʽīlün

Hezār-ı dil temāşā-yı gül-i ruḫsāra ḥasretdir Gülistān-ı viṣālin̄de nevā-yı zāre ḥasretdir

Degil lüṭfun̄ la düşnām olsa da memnūn olur ʽāşıḳ Hemān şīrīn-lebin̄den leẕẕet-i güftāre ḥasretdir

Gözüm Ya’ḳūb-veş ol Yūsuf-ı Mıṣr-ı melāḥatden Beşīr ile gelen pirāhen-i aḫbāre ḥasretdir

Ḳabā-yı nāz ile seyr ü temāşāye ḫırāmān ol Çemende servler bu nāz ile reftāre ḥasretdir

Dehānın̄ noḳṭa-ı mevhūmdur cānā kí şerḥinde Leb-i ḥikmet-şinās ol nükte-i esrāre ḥasretdir

Bu devrān-ı fenā içre elinden sāḳī dehrin̄ Dehān-ı ārzū peymāne-i ser-şāre ḥasretdir

Kemāli olmayan dünyāda bu as̠ āre ḥasretdir

Mefʽūlü Mefāʽīlü Mefāʽīlü Feʽūlün

Saḥrā-yı cünūn seyrine ey dil seferim var Sākin olamam kūy-ı ʽaḳılda ḫaṭarım var

Sermāye-i idrāk bāzār-ı hevāda40

Sevdā-yı cünūn étmege elbet naẓarım var

Pejmürde nihāl-i miḥanım bāġ-ı cihānda Ġam dāġı ile ḫūn-ı ciger berg ü berim var

Yansa cesedim şemʽi ruḫ-ı yāre ne pervā Pervāne gibi yanmaḳ içün bāl ü perim var

Leb-ber-leb ü hem-ṣoḥbet olup duḫter-i rezla Dün géce ṣafā eyledigin̄den ḫaberim var

Gülzārde serv ile semen gön̄lümü açmaz Ḳadd ü ruḫ-i dildārdan ayru kederim var

Fevzī ulaşırsan nola ser-ḥadd-i kemāle Sū-yı emele ʽaşḳ gibi rāhberim var

Mefāʽīlün Mefāʽīlün Mefāʽīlün Mefāʽīlün

40 _{Vezin eksik}

Ruḫun̄ dan ey gül-i raʽnā olan maḥsūs-ı gül-gūndur Lebin̄ den yoḳsa mirʽāt-ı ruḫa maʽkūs-ı gül-gūndur

s.7133 Şafaḳ ṣanma ufuḳda şāhid-i ḫāver cemālin̄ den Ḥicāb étmiş ṣarılmış perde-i nāmūs-ı gül-gūn̄dur

Degil surḫ-i remed-i şemʽ-i ḫayāl ʽārıżın̄ üzre Aṣılmış gözde ḫūn-ı dīdeden fānūs-ı gül-gūn̄dur

Sınur-ı ġabġab-ı rengīn olan burc-ı laʽlin̄

S̠ügūr-i ḥüsnün̄e bir serḥad-i maḫrūs-ı gül-gūndur

Ḳadi serv-i sehī bir āteşīn ruḫsār-ı şevḳinden Nihāl-i medd-i āhım sīnede maġrūs-ı gül-gūndur

Ḳızılırmaḳ gibi aḳup öper dāmānı yüz yerde Bu vech ile sirişk-i al dāmen-būs-ı gül-gūndur

Naẓīr olmaḳda Fevzī ḥālete şerm ü ḫacāletden ʽİzār-ı şāhid-i naẓm-ı ḥayā me’nūs-ı gül-gūndur

Mefāʽīlün Mefāʽīlün Mefāʽīlün Mefāʽīlün

O kim levḥ-i dilinden maḥv-ı naḳş-ı māsivā eyler Feżā-yı sinesin nūr-ı tecellī pür-żiya eyler

Rümūz-ı bā’-i bismiʼllāhı idrāk eyleyen ʽārif Vücūdın noḳṭa-i dil-cūsına maḥv [u] fenā eyler

Yüzüni görmeyen bīgāne mir’āt-ı ḫaḳīḳatde Maḳām-ı vaḥdete ẓan étme kendin āşinā eyler

s.7134 Ḥavādis̠ zaḫmına faṣṣ-i nigīn-āsā gögüs gersün Cihānda kesb u nām u şāne her kim iʽtinā eyler

Naẓire vādīsinde ḫiẕmet-peyrevligi Fevzī Eger maḳbūl éderse luṭfile ʽayn-ı rıżā eyler

Fāʽilātün Fāʽilātün Fāʽilātün Fāʽilün

Zülf-i yāre gitdi dil bilmem ki ḳaṣdı Çīnedir Yoḳsa kim rāh-ı Ḫāṭā düşmüş yüzi Māçīnedir

Hindū-yı zülfüyle Rūmī seyr ider seyrāngāhı Ya Ḳızılelmayadır ya maʽden-i sīmīnedir

Revḥa-i rūya temāşā eyleyen merdümlerin̄ Maḳṣadı sīb-i zenaḫdān turunc-i sīnedir

Kūhken ile içmişim şīr-i maḥabbet dāyeden Meyli ṭıfl-ı ṭabʽımın̄ nūş-ı leb-i Şīrīnedir

Ḥüsnün̄e olsam muḳābil şiʽr-i Ṣāfī söylerim Ṭūṭī-i ṭabʽ-ı süḫan-gūye ruḫun̄ āyinedir

Bāde-i mīnā-yı çerḫ-i nīlgūn dīrīnedir

Étdigi cevr u cefā erbāb-ı ʽirfāne felek Fevziyā ẓan étme ḥādis̠ dir ḳadīmī kīnedir

s.7112 Feilāʽtün Feilāʽtün Feilāʽtün Feʽilün (Fāʽilāʽtün Feilāʽtün Feilāʽtün Faʽlün)

Peyk-i cān-baḫş-ı ṣabā nükhet-i cānān getürür Gön̄lüme zevḳ u ṣafā derdime dermān getürür

Dem-be-dem ḫāk-i rehinden o ʽIrāḳī ṣanman̄ Çeşm-i ʽuşşāḳa ṣabā kühl-i Ṣıfāhān getürür

Tīr-i ġamzeyle dil-i ġamzedeye urduġı dem Sīneden neşter-i fassād gibi ḳān getürür

Zülf-i müşgīn ü siyeh perçeminin̄ sevdāsı Géceler dideme çoḳ ḫāb-ı perişān getürür

Āteş-i āhla efġāndan aḳar seyl-i sirişk Olsa ger raʽd ile berḳ ebrde bārān getürür

Hiç inanma götürür düşmen-i dānā-ı fiʽle Ol belāyı başa kim dost-ı nādān getürür

Gül-ruḫān vaṣfına Fevzī gibi bülbül gelmez Çemen-i dehre felek yoḳsa hezārān getürür

Mefāʽīlün Mefāʽīlün Mefāʽīlün Mefāʽīlün

Ḳaçan ol nāzenīn-i serv-ḳad-i reftār nāz eyler Gön̄üller saye-veş rāhında ferş olmaḳ niyāz eyler

Ḫaden̄k-i ġamzeden mürġ-i dil-i ʽuşşāḳ olur mecrūḥ Nigāh-ı nāz ile her laḫẓa kim çeşmini bāz eyler

s.7111 Kemend-i zülfüne bend oldıġı demden dil-i zāre Cefā vü miḥneti çoḳ rāḥat u ārāmı az eyler

Derūn-ı sīnede mümkin mü olsun derdimiz iḫfā Dem-ā-dem āh [u] zār derdi bir bir keşf-i rāz eyler

Dürūd étdikce peykān-ı ḥavādis dil olur ḫandān Bu vech ile edā-yı ḫande-i mihmān-nüvāz eyler

Temennā-yı murād ile cihāna ser-fürū étmez O pür-dil kim cihānın̄ terki anı ser-firāz eyler

Nihāl-i ḳāmet-i bālāsının̄ evṣāfi bābında Zebān-ı kilk-i Fevzī ḳıṣṣa-i baḫṣi dirāz eyler

Fāʽilātün Fāʽilātün Fāʽilātün Fāʽilün

Encümen ʽaḳd eylemiş gülzārda güllerle ḫār Bülbül-i şeydā éder ḳayd-ı ḳafesde āh [u] zār

Şemʽ-i aġyāre şeb-i ʽişretde nūr-efşān olur Reşkden pervāne bāl ü per yaḳar bī-iḫtiyār

Her zamān ʽāyine-i ṣāf-ı dil-i dānālara Vérmeden ḫālī degil seng-i ḥavādis inkisār

Cāhil-i dūn kāmile eyler tefevvuḳ cāhile Kefe-i mīzānda aʽlālanur nāḳıṣ-ʽayār

Māh-ı ‘ālem-tāb iken bedri hilāl eyler felek

Fevziyā hīç zaḫm-ı noḳṣān görmeyan kāmil mi var

s.7110 Feʽilātün Feʽilātün Feʽilātün Feʽilün (Fāʽilātün Feilāʽtün Feilāʽtün Faʽlün)

Hicrde yār-ı ḫayāli göze raḫşān görinür Nūrı şemʽin̄ şeb-i ẓulmetde fürūzān görinür

Rū-yı baḫtımda feraḥ görmedim aṣla bir gün Ḫ ͮ ābda gelse ban̄a yine perīşān görinür

Ḥüsni tāb-efken-i ʽāyine-i cān oldıġına Her cihetden ban̄ a ʽaks-i ruḫ-ı cānān görinür

Ṭaraf-ı kaʽbe-i kūyına naẓar gitdiġi dem Pāy-ı şevḳine müje ḫār-ı muġaylān görinür

Ṭavrı müstaḥsen olan dilber-i şīrīn-dehenin̄ Cevr-i düşnāmı daḫı ʽāşıḳa iḥsān görinür

Ḫoş görür cāhil olan ṣadrı velάkin süḫanın̄ Zir u bālāsı daḫi ʽāḳıla yeksān görinür

Reng-i al-i zen-i dünyāya olanlar meftūn Merdüm-i dīde-i dānişver-i nādān görinür

Ġam yeme şimdi görilmezde maʽārif ḳadri Vaḳt olur Fevzī ki bir ṣāḥib-i ʽirfān görinür

Fāʽilātün Fāʽilātün Fāʽilātün Fāʽilün

Serv-i nāzım her ne dem gülşende ḳāmet gösterir Naḫl-i servī dideme bī-istiḳāmet gösterir

s.7109 Ṣubḥ-ı rūyından dem urmaḳ şermdir her günde şems Perde-i şāma girer reng-i ḫacālet gösterir

Ḫande-i nāzıyla her dem ‘āşıḳ-ı dil-ḫasteye Ḥoḳḳa-i laʽl-i şifā-baḥşı ifāḳat gösterir

Ser-be-pā nūr-ı mücessemdir vücūd-ı nāziki Her cihetden kim naẓar étsem leṭāfet gösterir

Cünbüş -i şemşīr-i ebrūsıyla ol ḫūnī-civān Ḳatl-i ‘uşşāḳına her laḥza işāret gösterir

Ki esir-i miḥnet-i hicrāngehi ḥayrān-ı vaṣl ‘Āşıḳa ẓan étme dünyā lāmi raḥat gösterir

Dīde-i ḫuffāşa benzer Fevzī ebnā-yı zamān Baḳamazlar an̄a kim şems-i belāġat gösterir

Mefāʽīlün Mefāʽīlün Mefāʽīlün Mefāʽīlün

Démişler yüzde bir ḫāl olsa ol bin̄ dāġ-ı sevdādır Ser-ā-pā ḫāldir ben sevdigim gör kim ne sevdādır

Siyeh-mest-i cünūn olsam beni ʽayb étme ey zāhid Siyeh engūrde mużmer olan bir ʽaḳl-ı fersādır

Ḥayātımdır benim çāh-ı zenaḫdānından içmek ṣu Belī āb-ı ḥayātın̄ menbaʽ-ı ẓulmetde peydadır

s.7108 Ḳara sevdālar ile kūy-ı ʽaşḳında beni mecnūn İden bir gözi āhū saçı şeb ü zülfi leylādır

Dil ü dīdemde Fevzī bir Ḥabeş zībāsı cāy étmiş Sevād-ı dūd-ı āh u ḫūn-ı çeşmim ṣanma bi-çāredir

Feʽilātün Feʽilātün Feʽilātün Feʽilün (Fāʽilātün Feilāʽtün Feilāʽtün Faʽlün)

Pürsiş-i ḫāṭır-ı bīmārıma cānān geliyor

Şehlevendāne reviş ṭurre-i ṭarrārı be-dūş Cām-ı ʽunvān ile bī-hūş [u] perīşān geliyor

Bezm-i ‘uşşāḳ-ı ırāḳ içre maḳām étmek içün Her ṣabā vaḳti o şehnāz-ı nevāḫͮ ān geliyor

Bāġda ġonceyi dem-beste u lāle eylemege Nev-şüküfte gül u lālā gibi ḫandān geliyor

Sāye-veş pāyine üftāde olan ʽuşşāḳ Gözlerinde es̠er-i fitne nümāyān geliyor

Fevzī mir’āt-i dil jeng-i kederden ṣāf ét ʽAks-i dīdārına baḳ kim san̄a mihmān geliyor

Mefāʽīlün Mefāʽīlün Mefāʽīlün Mefāʽīlün

Mevādd-ı ʽaşḳ-ı şāmil-nüsḫa-i dil pür-meʽānidir Sirişk-i çeşm-i ḫūnbārım anın̄ şerḥ u beyānıdır

s.7107 Bu pīç u tāb u żaʽf-ı ḥāl ile nāl eyleyen cisim Ḫayāl-i pīç-i zülf ü ḥasret-i mūy-ı miyānıdır

O ehl-i ḥikmetin̄ kim cevher-i ferdi éder is̠bāt Delīl-i müddeʽāsı ṣıfr-ı mevhūm-ı dehānıdır

Gön̄ül incinme tīr-i nīm-bāz-ı çeşm-i nāzından Ki düzdīde-naẓarla ġamzesi luṭf-i nihānıdır

Ne den̄ lü cevr u bīdār étse de ḫoşdur ban̄a zīrā Gön̄ül iḳlīminin̄ ol pādişāh-ı ḳāmrānıdır

Nice maʽmūr olur dil-dādesi ol dil-rübānın̄ kim Hezārān dil-rübā anın̄ ḫarāb-ı ḥüsn ü ānıdır

Ḳadim ḫam cismimi Fevzī hilāl étmekde maḳṣūdum Yüzi ḫūrşīd-veş bir māh-sīmā ıktırānıdır

Fāʽilātün Fāʽilātün Fāʽilātün Fāʽilün

Bī-vefā dil-dāre meyl étme dile āzār éder Rūzgār-ı ʽıyş-i hicrān ile teng [ü] tār éder

Her zamān aġyār ile hem-bezm [ü] hem-soḥbet olup ʽĀşıḳ-ı dil-ḫāstesin bir kez su’āle ʽār éder

Çār-ebrūya véren bir kez naḳd dil bī-çāresin41

Çār şemşīr-i belā yaraların dūçār éder

s.7106 ʽAndelīb-āsā gül-i ruḫsārına māyīl olan Merdümānı gül be-çeşm-i ḥasret-i dīdār éder

Resm-i ādāb-ı hünerden bī-ḫaber dilberlerin̄

41 _{Vezin bozuk}

Ṭavr-ı nāhemvār[ı] Fevzī ʽāşıḳı bī-zār éder

Mefʽūlü Mefāʽīlü Mefāʽīlü Feʽūlün

Ol māh-ı ruḫun fikri ki dilden güẕer eyler Afāḳ-ı dili nūr ile pür-zīb ü fer eyler

Ṭūṭī gibi taʽlīm éder ādāb-ı kelāmı Mir’āt-ı ruḫ-ı ṣāfına her kim naẓar eyler

Her laḥẓa ḫaṭāsız dile étmek iṣābet Tīr u nigehi kār-ı ḳażā vü ḳader eyler

Gözyaşını gördükçe éder cevrini efzūn Ḫūnābe kebāb āteşini tīz-ter eyler

Fevzī hemān étmez o sitem-pīşeye te’sīr Āhım şereri āhen-i seng-i es̠er eyler

Fāʽilātün Fāʽilātün Fāʽilātün Fāʽilün

Gözyaşım ḳan olsa ayb étmen ki zaḫmım cāndedir İltiyāmında ṭābīb-i çāre-cū derman-dedir

s.7105 Sīneme yüz zaḫm urur her laḥẓa tīr ü ġamzeden Bilmez ol şūḫ-ı cefā-endīşe gön̄lüm ḳandadır

Şīve virmez rū-yı ḥüsne reng bū-yı ʽārıżı Ān olursa ḥüsn-i dilberde melāḥat andadır

Bāde-i laʽlin̄ ile uşşāḳı yād ét sāḳıyā hep Ḥüsnünün̄ peymānesi mādāmkim devrāndadir

Aġlamaḳdan nevḥa vü zārımla çeşmim merdümi Nūḥ-veş deryā-yı eşk içre gezer ṭūfāndadır

Ol gül-i bāġ-ı ḥayādan ayru bilmem neyleyim Sīne dāġ-ı hicri ile bir yana dil bir yandadir

Kūh [u] deşt-i ʽaşḳda Ferhād u Ḳaysı mest éden Cām-ı meyden mest olup Fevzī bugün meydāndadir

Fāʽilātün Fāʽilātün Fāʽilātün Fāʽilün

Ey ṣabā merhem-i cān u dili cānānıma ṣor Yāre var yaralarım derdini dermānıma ṣor

Dāġ-ı Şīrīn ile āzürde olan Ferhādın̄ Çāre-i dāġını ol ḫusrev-i ḫūbānıma ṣor

Mācerāmı ne bilir merdüm-i ṭūfān-dīde Cā-be-cā cū gibi cārī olan ecfānıma ṣor

s.7104 Tāb-ı gīsūsuna düşmüş dil-i bī-tāb-ı esīr Tābiş-i nālesin ol zülf-i perīşānıma ṣor

Sırr-ı mevhūmını ʽallāmına ʽirfānıma ṣor

Sūziş-i sāz-ı nevā-sāz mı hengām-ı ṣabā Resm-i ḳānūnum ile sīne-i sūzānıma ṣor

Vaṣf-ı ḫāl u ḫaṭṭını Fevzī o gül-ruhsārın̄ Bülbül-i kilk-i süḫan-sene ü ḥoş-elḥānıma ṣor

Fāʽilātün Fāʽilātün Fāʽilātün Fāʽilün

Dilberin̄ rū-yı semen-fāmında ḫaṭṭ-ı sebz-ter Ṣan nihāl-i yāsemenden ẓāhir olmuş nilūfer

Serv-i āzādı ḫırām étdikçe zülfi sāye-veş ʽÖzr-i taḳṣīrine yüz yirde ḳoyar pāyine ser

ʽAks-i müjgānı görür resm-i sevād-ı ḫaṭ gibi Eylese mir’āṭ-ı rūy-ı ṣāfına her kim naẓar

Ṣayd éder bir laḫẓada mürġ-i dil-i bī-çāreyi Ger açarsa nāz ile şehbāz-ı çeşmi bāl u per

Kām-cū oldum o meh-rūden̄ hilāl-ebrū ile Étdi imā zülfüne ʽaḳrebdedir şimdi ḳamer

Öyle bir muʽciz-nümādır lebleri kim gösterir Ḫande ile kān-ı laʽl-i nābdan naẓm derer

s.7103 Ḥüsn-i taʽbīr ile vardır sūret-i nazmın̄ da ān Derk éder …. diḳḳatle Fevzī anı erbāb-ı hüner

Fāʽilātün Fāʽilātün Fāʽilātün Fāʽilün

Ṣanma kim bu ān içinde her civānın̄ hüsni var Kimde aḫlāḳ-ı meḥāsin olsa anın̄ ḥüsni var

Gerçi mest-i ḥüsn degil dār-ı fenā her vechle Līk iḥsān ehline elbet cihānın̄ ḥüsni var

Dīde-i nādāna ḫoşdur zīver-i māl ile cāh Çeşm-i dānāda maʽārif-āşinānın̄ hüsni var

Hīç ḳalur mı ḫālī erbāb-ı hünerden rūzgār Bir kemāl ehliyle her devr-i zamānın̄ ḥüsni var

Şimdi buldı zīb u fer dīvān-ı erbāb-ı kemāl Kim içinde ḥüsn-i şīrīn-edānın̄ ḥüsni var

Kār-sāz-ı ḫāṣ u ‘āmma ihtimāmın vaḳf éder Ḳār-ı ḫayr étmekde böyle kārdānın̄ ḥüsni var

Renc vérmez ḫārı gül-çin-i merām-ı Fevzīyā Bir gül olduysa yine ol gülsitānın̄ ḥüsni var

Gülşen-i ḥüsne daḫı gülnārdır par par yanar Ḳāmeti naḫl-i tecellī-zārdır par par yanar

s.7102 Māh-ı nevdir ḳaşı mānend-i Süreyyādır dişi Mihr-veş envār ile serşārdır par par yanar

Neyyir-i ufḳ-ı ṣabāh olan dü-çeşm-i rūşeni Ferḳadeyn meşrıḳ-ı dīdārdır par par yanar

Cebhesi perçemden iẓhār-ı furūġ étdikçe ṣan Lemʽa-i berḳ-ı seḥāb-ı nārdır par par yanar

Rişte-i ārām-ı dildir ḳıṭʽa-tāb-ı ārıżı Kıṭʽa-i elmās-ı revnaḳdārdır par par yanar

Zülfi sevdāsıyla gön̄lüm ḳalsa ẓulmetde ne var Berḳ-ı āh-ı pür-şerārım-vār durur par par yanar

Şiʽr-i Fevzī vaṣf-ı yār-ı āteşin-ruḫsār ile ‘Aşḳ dīvānında āteş-zāddır par par yanar

Fāʽilātün Fāʽilātün Fāʽilātün Fāʽilün

Her zamān ẓann étme kim bāġ-ı emel bī-āb olur Seyr-i dolāb-ı felekle birgün ol sīrāb olur

Étme ikrāh olsa ger dār u diyārın̄ teng u tār Ḳatre ḳaldıkça ṣadef ḳarnında dürr-i tāb olur

Baḳma ʽaks-i devrine çarḫın̄ ki bin̄ naḳş-ı murād Kilk-i taḳdīr ile her devrinde ṣuret-yāb olur

s.7101 Olma muġberr gird-bād-ı gerdiş-i gerdūnden Bir nesīm-i lutf-ı feyż-ās̠ār ile tān-yāb olur

Ḳıl taḥammül bu cihānın̄ derd-i bī-dermānına Ṣābir-i belvā olan Mevlāsına evvāb olur

Tīre ḳalmaz ḫāne-i merdüm yine bir dem gelür Māhrū-yı şāhid ile dīdeler mehtāb olur

Belgede Fevzî-i Bağdadî’nin şiirleri (sayfa 65-99)