Divān-ı Fevzī Efendi Bağdadī Raḥimehu’llāh
Ḫayāl-i ʽārıżın̄la ḫūn-ı dilden dīde nem çekmiş
Ġam-ı hicrin̄le merdümler ne demlerle sitem çekmiş
Lebin̄ şevḳiyle dāġ-ı sīneme Ferhād-ı dil her dem Külünk-i āhla bir ṣūret-i Şīrin-ṣanem çekmiş
O cām-ı bāde-i ʽaşḳı ki çekdim yād-ı laʽlin̄le
Ne baḥr-i ẓulmet içre Ḥıżr ne cāmında cem çekmiş
Dil-i dīvānenin̄ dīvān-ı hüsnün̄de olan zārī
Degil bī-cā anı rençbere zülf-i ḫam-be-ḫam çekmiş
Ġamın̄la aġlasam cevlān éder eşkimde müjgānım Ḳıyās eyler gören ḫār u ḥası emvāc-ı yemm çekmiş
Degildir ṣūret-i zerdimde ʽārıż eşk-i gül-gūn̄um Ciger ḳanıyla ressām-ı ezel resm-i elem çekmiş
Ḥurūf-i ʽaşḳın̄ı levḥ-i dilinde yazmaġa Fevzī Vücūd-ı kāyināta ser-be-ser ḫaṭṭ-ı ʽadem çekmiş
Gülleri gülşende ol kim böyle ḫandān eylemiş ʽAşḳla bülbülleri dem-sāz-ı giryān eylemiş
Bāde-i cām-ı maḥabbet neş’esidir kim müdām Şevḳle eflāki ser-gerdān u ḥayrān eylemiş
s.7091 ʽAşḳ vādīsinde cān vérmekden ikrāh étmeyen Ṭayy-ı rāh-ı menzil-i cānānı āsān eylemiş
Cemʽ ḳılmış ḳayd-ı sevdāda ḥużūr esbābını Ol gön̄ül kim mesken-i zülf-i perīşān eylemiş
Hep vücūdun̄ ʽāleminde devr édenler ẕerre-veş Tāb-ı mihr-i rūy-ı dil-dār ile devrān eylemiş
Zāhir étmiş gird-i māh-rūyı gerd-i ḫaṭṭını43
… āsār- ḳamer devri nümāyān eylemiş44
Ṣakla tīr-i ġamzesin Fevzī derūn-ı dīdede Çün emānet refʽinin̄ ahdini insān eylemiş
Fāʽilātün Fāʽilātün Fāʽilātün Fāʽilün
Kimse dilberlerde böyle nāz-perver görmemiş Ḳadd-i bālāsı gibi serv-i semen-ber görmemiş
43 Bu mısra eksiktir.
Nergis-i çeşmi degil ruḫsārının̄ mānendini Gülşen-i ʽālemde bir vechle gözler görmemiş
Meşʽal-i mehtāb ile her çend devr étmiş felek Ḥüsn-i dīdārına ben̄zer bedr-i enver görmemiş
ʽĀlem-i ṣūretde rūy-ı rāḥat-efzāsı gibi Dīde-i ʽuşşāḳ bir rūḥ-ı muṣavver görmemiş
Gerçi her bir şīvesinde çoḳ fünūn görmüş gön̄ül Ġamze-i çeşmi gibi amma füsūn-ger görmemiş
s.7090 Cüst u cū étmiş yem-i āfāḳı ġavvāṣ-ı ḫāyal Gevher-i zātı gibi yek-dāne gevher görmemiş
Naẓm éder silk-i güher bu aṣr-ı pür-ekdārda Ḫāme-i Fevzī gibi kimse hüner-ver görmemiş
Fāʽilātün Fāʽilātün Fāʽilātün Fāʽilün
Zāġ-ı serime ġamze şemşīrini tābān eylemiş Fitne āṣārın yine çeşmi nümāyān eylemiş
Dāne-i dil-cū-yı ḫālin mürġ-i diller ṣaydına Dāmgāh-ı ḫalḳa-i zülfünde pinhān eylemiş
Dīde-i Leylāsının̄ sevdāsı çoḳ dānāları ʽAşḳ vādīsinde Mecnūn gibi ḥayrān eylemiş
Şevḳ-i ruḥsār leb-i gül-gūnudur gülzārde Bülbüli nālān güli lālā-yı ḫāndān eylemiş
Ḫˇān-ı elvān-ı viṣālinden dili maḥrūm idüp Naḳş-ı sevdāsı ḫayālin gözde pinhān eylemiş
Mani-i naḳd-ı dil uşşāḳını celb étmege Būse resmin nev-ḫaṭ ile yüzde nişān eylemiş
Fevzī vaṣf-ı ebruvān-ı tiġ-sānından kalem Dem-be-dem ḳaṭ’-ı zebān çāk-ı girībān eylemiş
s.7089 Mefāʽīlün Mefāʽīlün Mefāʽīlün Mefāʽīlün
Gön̄ül bir mihr-i sīmā ṭalʽatından āb u tāb almış Hevā-yı şevḳ-ı dīdārında feyż-i incizāb almış
Leb-i mey-gūn u cān-baḫş u ṣafā-efzāsı yādıyla Dehān-ı kāme her dem neş’e-i laʽl-i ḥizāb almış
Degildir noḳṭa-i ḫāli ruḫında şīveden ḫālī
Meḥāsin-i resmiyyede kim ḥüsn-i ḫaṭṭı intiḫāb almış
Nigāh-ı çeşm-i cādū çīn-i zülf-i müşk-būsundan Ġazāldan iltifāt-ı ʽayn u resm-i piç [ü] tāb [almış]
Şuʽūr-i ġamze-i mestānesin lāy-ı şarāb almış
O şūḫın̄ vaṣlı sevdāsıyla dil bāzār-ı ʽaşḳında Vérüben naḳd-ı ārāmı metāʽ-ı ıżṭırāb almış
Dimāġ-ı ehl-i ʽaşḳa būy-ı güldür Fevzīnin̄ naẓmı Hezār ṭabʽ-ı gül-rūyāndan būy-ı gülāb almış
Fāʽilātün Fāʽilātün Fāʽilātün Fāʽilün
Kimse dildārım gibi bir şūḫ-ı dilber görmemiş ʽĀşıḳ-ı zāra dil-āzār u sitem-ger görmemiş
Çoḳ perī-peyker bu ṣūretḫānede görmüş naẓar Böyle bir nūr-ı baṣar rūḥ-ı muṣavver görmemiş
s.7088 Bülbül-i dil gülşen-i āfāḳı étmiş cüst-u-cū Reng-i ruḫsārına ben̄zer bir gül-i ter ḳalmamış
Bāġ-ı maḳṣūd-ı emelde ḳumrī-i rūḥ-ı revān Ḳāmet-i servī gibi bir sāye-güster görmemiş
Sīne-i cān çoḳ ḫadeng-i ġamzeler görmüş velī Ġamze-i ḫūn-rīzinin̄ mānendi oḳlar görmemiş
Çeşm-i şehlāsın gören medhūş olur her laḫẓada Dīde böyle dil-rübā mestāne gözler görmemiş
Ḫayli demdir Fevzī bu devrān-i dūn Esʽad gibi Zīb-i dīvān-ı hüner bir ʽālī-güher görmemiş
Mefʽūlü Mefāʽīlü Mefāʽīlü Feʽūlün
Envār-ı ṣafā rū-yı żiyādārına maḫṣūṣ Envāʽ-ı cefā ġamze-i ḫūn-ḫ ͮ ārına maḫṣūṣ ͮ
Dest-i ḳader endāze-i taḳdīr ile biçmiş Nāz ile ḫırāmı ḳad-i reftārına maḫṣūṣ
Dür dişleri vaṣfın işüdüp gūşını dutmuş Sāḥilde ṣadef baḥs̱-i dürer-bārına maḫṣūṣ
Ḫam-der-ḫam olan ḥalḳa-i çīn içre gön̄üller Bend eylemek ol zülf-i ḫaṭākārına maḫṣūṣ
Her ḫandede bir silk-i güher eylemek iẓhār Yāḳūt-i leb-i mucize-āsārına maḫṣūṣ
s.7087 Maḥbūbı éden ṭavr-ı cefākārda étmiş Derd ü miḥen ü cevri giriftārına maḫṣūṣ
Fevzī ḫaṭ-ı reyḥānı ile eyledi taʽlīḳ Pīrāye-i ḥüsn-i ḫaṭ-ı ruḥṣārına maḫṣūṣ
Ṣāf édüp āyine-i ḳalbimi nūr-ı iḫlāṣ Étdi ʽaks-i ruḫ-ı dildāre anı mesken-i ḫāṣ
ʽĀteş-i ʽaşḳ ile ḳāl oldı vücūdum nideyim Kavġamdan édemem ḥāl-i dil-i zārı ḫalāṣ
Tīr-i müjgān ile ḳaṣd eylese ḳanım dökse Étmem ol ġamzesi ḫūn-rīz ile daʽvā-yı ḳıṣāṣ
Ne bilür leẕẕet-i ʽaşḳı dil-i ḫod-kām-ı avām Bilür ol leẕẕeti kām-ı dil-i pür-zevḳ-ı ḫavāṣ
Terk-i cān étmede ʽāşıḳ alur ancaḳ kāmın Kesmese nār-ı nefes gevher bulamaz ġavvāṣ
Devr éder sāʽat-i cismimde daḳīḳa ṭurmaz Şevḳ-i zencīr-i maḥabbetle dil olmuş raḳḳāṣ
Étme Fevzī dürer-i naẓmın̄ı nādāna nis̱ār Evc-i eflāke maʽārifde Süreyyā gibi aṣ
s.7086 Fāʽilātün Fāʽilātün Fāʽilātün Fāʽilün
Nūr-ı rūyın̄dır żiyā-yı mihr-i dünyādan ġaraż Serv-ḳaddin̄ dir naʽīm-i bāġ-ı uḳbādan ġaraż
Fażl-ı zāt-ı raḥmet-āyātın̄durur kim ādeme Vaṣf-ı kerremnā ile taʽlīm-i esmādan ġaraż
Mefḫaret-bāb-ı sipāsı ḫāk-i pāyındır hemān İrtifāʽ-ı pāye-i ʽarş-ı muʽallādan ġaraż
Nūr-ı tebşir-i ṭulūʽ-ı şems-i dīdārın̄ idi Ṭūr-ı Mūsāda ẓuhūr éden tecallādan ġaraż
Rūḥ-ı mevcūdāt olan rūḥ-ı vücūdun̄dur yine Mürde-yi iḥyā éden iʽcāz-ı Īsādan ġaraż
Āfitāb-ı ʽālem-ārā-yı cemālin̄ devridir
Seyr-i mihr ü māh u devr-i çerḫ-ı ziyādan ġaraż
Fevzīnin̄ yoḳdur melāzı dekheden mā-ʽadā Maġfiretdir cürmüne bu bāb-ı vālādan ġaraż
Feilāʽtün Feilāʽtün Feilāʽtün Feʽilün
Ey nesīm-i seḥer ét ḥālimi sulṭānıma ʽarż Pādişāh-ı dil [ü] cān server-i ḫūbānıma ʽarż
Ġonce-veş derd-i ġam-ı hicr ile dem-besteligim Ol gül-i bāġ-ı ḥayā lebleri ḫandānıma ʽarż
s.7085 Rū-yı zerdimde gören reng-i sirişk-i alı Eyle bu vech ile aḥvālimi cānānıma ʽarż
Eylesem derdimi ol serv-i ḫırāmānıma ʽarż
Ṣabr ḳıl nā’il olursun dedi kāma Fevzī Eyledim rāzımı bir yār-ı süḫandānıma ʽarż
Fāʽilātün Fāʽilātün Fāʽilātün Fāʽilün
Ḥüsn-i ḥaṭṭ-ı rūy-ı yāre ḫāldir resm-i nüḳat Noḳtadan ḫāli olursa ḫoş görülmez ḥüsn-i ḫaṭ
Şīve-i mū-yı miyān seyr éden taḥḳīḳ ider Nükte-i ḫayru’l-ümūr kesb ḳılmışdır vasaṭ
İştimāli var cefāya bilirim efʽālinin̄
ʽAşḳına vérdim bedel gön̄lümi ol şūḫın ġalaṭ
Gāh çeşm-i fitne-sāz u gāh tīġ-i nāz ile İḫtirāʽ étmekdedir her dem cefāya bir namaṭ
Ḫālī olmaz hiç ḫayāl-i cünbüş-i ebrūları Dīde-i pür ābden mānende-i emvāc-ı şaṭ
Kārbān-ı ġam metāʽ-ı miḥnet-i eyyām ile Her maḥalden varır olsa sīnemi eyle muḥaṭ
s.7084 Dīde-i mestānına dil-dādelerden Fevzīnin̄ Nāvek-i müjgānına gön̄li hedef olmuş faḳaṭ
Mefāʽīlün Mefāʽīlün Mefāʽīlün Mefāʽīlün
Gön̄ül olsa n’ola bir yār-ı gül-ruḫsārdan maḫẓūẓ Hemişe ʽandelib-i zār olur gülzārdan maḫẓūẓ
Beni ḫoş-ḥāl éder olduḳça efzūn-ı āteş-i aşḳım Semender-veş olur cism-i nizārım nārdan maḫẓūẓ
Ḫayāl-i çeşm-i dildārile dil āram éder ancaḳ Olur bīmār olan ünsiyet-i bīmārdan maḫẓūẓ
Marīż-i aşḳa sıḥḥat-baḫşdır eczā-yı elfāẓı Éder derd-i derūn uşşāḳı güftārdan maḫẓūẓ
Diyār-ı ʽaşḳda hiç derdine özge bulmadım hem-dem Anın̄la oldı bī-çāre gön̄ül nā-çārdan maḫẓūẓ
Ḫatı geldikde nūş-ı laʽlini dil ārzū étdi
Olur mey-ḫ ͮ ār olanlar cā-yı sebze-zārdan maḫẓūẓ
Der-i dūnāndan Fevzī ümīdin ḳaṭʽ édüp olmuş Der-i bī-imtinān-ı ḫaṭvet-i Cebbārdan maḫẓūẓ
s.7083 Fāʽilātün Fāʽilātün Fāʽilātün Fāʽilün
Ḳatl-ı uşşāḳına ol şāh-ı siyāset iḫtirāʽ Ġamzenin̄ tīġine zāġ sürmeden vérmiş şuʽāʽ
Rāḥat-ı ārāmı tārāc étmek istemiş yine Kişver-i ḥüsnünde bir nev-şīve resmin ibtidāʽ
Tīġ-i bī-dād ile baġrım ḳaṭʽa ḳaṭʽa yarsa yār Rişte-i mihr eylemez ḳaṭʽā ḳabūl-i inḳıṭāʽ
Cām-ı ʽaşḳı çünki nūş étdin̄ gön̄ül …… Tiş-i cevre ḳıl taḥammül ʽaḳl u derke elvedāʽ
Her dü çeşmimin ẓuhūr-i eşkdir ecr éden Mācerā-yı küllü sırrın cāveze’l-isneyni şāʽ
Kūy-ı ʽaşḳında vufūr-i eşkimin̄ tesiri yoḳ Ḳıymeti erzān olur çoḳ gelse bir şehre metāʽ
Fāʽilātün Fāʽilātün Fāʽilātün Fāʽilün
Ġālibā ben̄zer démişler ol gül-i ḫandāna şemʽ Her şeb aġlar şermle bezminde yana yana şemʽ
Devr-i ḫüsn-i dilberānın̄ revnaḳın étmiş şikest Maḥv olur olsa muḳābil mihr-i nūr efşāna şemʽ
Vaṣf-i ḥüsn eyler zebān-ı dil ateş ‘aşḳa yanar Bellüdür ʽālemde bülbül gül sever pervāne şemʽ
s.7082 Beyt-i āḫzānıma yārim géce gelse eylerim āh Rūġan-ı dil rişte-i cānımdan ol cānāna şemʽ
Āşinā-yı ḳurb olur mı merdüm-i bī-maʽrifet Dīde-i bī-nūrda elbet olur bīgāne şemʽ
Nūr-baḫş olmaḳda ‘āmma gören himmet ehlidir Cismini her bezmde şāyān ider sūzāna şemʽ
Berḳ-ı āh ū nāleyi gösterme vuṣlat günleri Ṣaḳla anı kim olur Fevzī şeb-i hicrāna şemʽ
Fāʽilātün Fāʽilātün Fāʽilātün Fāʽilün
Lāle-ruḫ dilberlerin̄ ʽaşḳıyla dilde tāze dāġ Ẓāhir olduḳça yanar sīnemde rūşen bir çerāġ
Dil virüp bir çeşmi mestin̄ nūş-i cām-i lāʽline Zevḳı devr-i sū véren meyḫāneden çekdim ayaġ
Her gören bu ʽārıż-ı gül-gūnuyla reftārını Eylemez seyr-i gülistānda nigāh-ı serv-i bāġ
Dāġdār eyler tebessüm ile dil-i ʽuşşāḳın Nāz ile ger ḫande-i mestāne eylerse dudaġ
Eyledim zülf-i benefşe-fām-ı ʽanber-būyının̄ Ḫūlyā-yı fikr-i sevdāsıyla taʽṭīr-i dimāġ
Nūḥ ile vérse dil-i fevvāre-i çeşm-i mesāġ
Sūr éderdim Fevzī īḳlim-i ʽIrāḳı naẓmla Bī-nevā dilden eger ġam étseydi bir dem ferāġ
Fāʽilātün Fāʽilātün Fāʽilātün Fāʽilün
Ḥüsünün̄ün̄ ānı ḳılmışdır beşer ʽaḳlın ḫafīf Ṣān peridir görülür mīnā-yı rūyın̄da laṭīf
İttiṣāl-ı āftāb-ı ḥüsni mümkin olmadı Olmadıḳca hicr ile cism hilāl-āsā naḥīf
Pek amel étme ḫaṭ-ı ruḫsāre kim müftī-i ʽaşḳ Ḳıl ile yazmış cevāz-ı būseye ḳavl-ı żaʽīf
Ḫaṭṭ degil gelsün deyü taḳbīle ʽuşşāḳ-ı cihān Ṣādır olmuş pādişāh-ı hüsnden ḫaṭṭ-ı şerīf
Bū-yı rāḥat nice umsun dil o gül-ruḫsārdān Kim bahār ʽayşına faṣl-ı ḫazān olmuş redīf
Fiʽl-ı dil ḳayd-ı ʽalelden daḫı bulmaz ṣıḥḥati Çün ḥiref-i zülfün̄ oldu an̄a maḳrūn-ı naṣif
Étmeseydi ser-fürūluk pāy-ı naẓm-ı Ḥākim’e ẓarīf Yazamazdı kilk-i Fevzī böyle bir şiʽr-i Naẓīf
s.7080 Fāʽilātün Fāʽilātün Fāʽilātün Fāʽilün
Āh kim bu devr-i eflāḳ-ı felāket-i ittiṣāf Eylemiş kālā-yı cevrin ehl-i fażla itḥāf
Ḫān-ı ebnā-yı zamānīyi nemāda ḳoymadı Kef-i bedden māʽadā ehl-i kemāle bir kifāf
Ne muḫālif devre uġraşdıḳ ki vérmiş gerdiş İstiḳāmet merkezinden rast-ı ṭabʽa inḥirāf
Eylemiş dānā olan ehl-i dil-i miḥnetle lāl Maʽrifetle ḫāliyā nādān éder lāf-ı güzāf
Bāġ-ı dādā çūb-ı huşk olsa ḳalem berbād olur Kilk-i Fevzīdir hemān bī-dād ile bulmuş cefāf
Fāʽilātün Fāʽilātün Fāʽilātün Fāʽilün
Ṭūṭī-i ḫāṭır éder kām üzre yārı ittiṣāf Jeng-i mūlarden eger mir’āt-i ḥüsni olsa ṣāf
Ḳāmer-veş sergeşte ol ey dil hevā-yı vaṣla çün Étdin̄ ol āẕāre sevdin̄ ḳulluġuna iʽtirāf
Ḫoş geçirdim vaʽde-i vaṣlıyla hicrān günlerin Bilürim étmez kerīm īfā-yı vaʽdinde ḫılāf
Ger safā-yı ḳalble vaṣl-ı minā maḳṣūd ise Sa’yle ét kaʽbe-i kuyını dildārın̄ ṭavāf
Menʽ-i ʽaşḳa naḳd-i pendi nāsiḥā ṣarf étme kim Tīġla sevdā-yı ʽaşḳ étmez kabūl-i inḥirāf
s.7079 Fehm éden evc-i makām-ı ʽaşḳı rāh-ı rāstdan45 Ḥarf-i aġyār u muḫālifle éder mi inḥirāf
Ger dilersen Fevzī olmaḳ serfirāz-ı ʽuşşāḳān Müstaḳīm ol zīr-i pāy-ı ʽaşḳda mānend-i Ḳāf
Fāʽilātün Fāʽilātün Fāʽilātün Fāʽilün
ʽAybdır olsa ġanī naḳd-i seḫādan ḫālī kef Ḳadri ḳalmaz ger tehī ḳaldıysa incūden ṣadef
Ey dil ét ṣarf-ı naẓar nev-devlatān-ı ʽaṣrdan Naḳd-ı nūrı ṣūret-i bī-himmete étme telef
Reng-i jengār u ṭılā ile mücellā olsada Kāse-i faġfūr-i Çīne ben̄zemez kāṣi ḫazef
Gevher-i zātında insānın̄ reşādet olmasa Ḥāṣıl étmez māye-i saʽy ile irşād u şeref
Evc-i rifʽatde maḳām étse fürū-māye éder
Ḫalḳı irża étmege Ḫālıḳ-ı rıżāsın ber-ṭaraf
Ġamze-i ebrū-yı ḳavs-āsā ile ehl-i dilin̄ Bī-ġaraż āmālin eyler tīr-i ḫırmāna hedef
Nazmın̄ eyyām-ı selef gibi olurdı muʽteber Olmasaydı Fevzī ebnā-yı zamāna nā-ḫalef
s.7078 Mefāʽīlün Mefāʽīlün Mefāʽīlün Mefāʽīlün
Niçün aġyāre yār oldun̄ anın̄la ittiḥād étdin̄ Benim manẓūme-i ḥālim ġām ile müstezād étdin̄
Budur resm-i vefā kim soḥbet-i dīrīne-i cümle Ferāmūş eyleyüp yār-ı ḳadīme hayr yād étdin̄
Raḳībe şemʽ-i bezm-efrūz olup yaḳdın̄ dil-i zārı Bu cevr-i ban̄ a ʽamden eyledin̄ yoḳsa ınād étdin̄
Görüldü ṣūret-i ḥālin̄de ʽaks-i ẓann [u] me’mūlüm Yolun̄ da çektigim renc [u] taʽb ecrini yād étdin̄
Ḥabībim kesdi şemşīr-i teġāfül rişte-i āhım Ban̄ a bī-dād u ẓulmi iḳtidārımda ziyād étdin̄
Naṣībim ülfetin̄den ye’s-i ḥırmān eyledin̄ ẓālim Ḳıyāmetde mükāfāt olamaz iş iʽtiḳād étdin̄
Unutdun̄ haḳḳ-ı nān u niʽmet ile ʽahd [ü] peymānı Cezā-yı rūz-ı ferdāyı ne fikr étdin̄ ne yād étdin̄
Vefān̄a iʽtimāden san̄a dil vérmiş iken Fevzī Vefāsızlıḳ édüp ḥaḳḳında ġayra iʽtimād étdin̄
Fāʽilātün Fāʽilātün Fāʽilātün Fāʽilün
Ḫūn-i dilden rūy-ı zerd üzre efendim eşk-i al Yaralardan yāre bu ṣūretde vérdim ʽarż-ı ḥāl
s.7077 Neyle meyle eyleyem derdim ilācın neyleyem Derd-i yāre ṣabr ile étmek devā emr-i muḥāl
Çeng ü ney gibi dem-ā-dem āh [u] zārım āteşi Sīnemi pür-dāġ étmiş ḳāmetin mānend-i dāl
Ḥāl-i ʽuşşāḳı ne bilsün ʽilm-i ḥālin bilmeyen Bu muʽammā sırra vāḳıfdır mücerred ehl-i ḥāl
Vaṣf olunmaz bāde-i cām-ı muḥabbet neş’esi Zevḳini ancaḳ bilür şūrīde-ḥāl olan ricāl
Çeşm-i ḥaḳ-bīni vücūd-ı Vācibe ʽārif olan Mümkinātı hep ḥaḳīḳatde görür ẓıll-ı ḫayāl
Fevzīyā mihr-i pür-envār-ı kemal-i hüsnünün̄ Derkine iẓhār-ı ʽacz étmekdedir ʽayn-ı kemāl
Mefʽūlü Mefāʽīlü Mefāʽīlü Feʽūlün
Taḥṣīl-i merām étmege dünyādan uṣandım Ebnā-yı zamāneye müdārādan uṣandım
Bir dāne içün sünbüle-i çarḫ-ı denīden Dihkān-ı nüh eflāḳ ile daʽvādan uṣandım
İḥyāya niyāz eyle tevessül hele ṭursun Hengāme-i kem-fırṣat-i aʽdādan uṣandım
s.7076 Keyfiyyeti degmez żarar-ı renc ü ḫumāra Hem ṣoḥbet-i mīnā ile ṣahbādan uṣandım
Kālā-yı nefīs-i hüneri sūḳ-i cihānda Sermāye-i idrāk ile sevdādan uṣandım
Kesmem yedimi dāmen-i teslīm ü rıżādan Gerçi sebaḳ-i ḥarḳı tesellādan uṣandım
Ümmid-i ʽilāc-ı dil-i bīmār ile Fevzī Dārū-yı taḳāżā-yı eṭıbbādan uṣandım
Mefāʽīlün Mefāʽīlün Mefāʽīlün Mefāʽīlün
Tevāżuʽ ḫılʽatin ārāyiş-i bālā-yı ḥāl étdim
Hevā-yı nergisiyle āb-ı çeşmim eyleyüp cārı Eridüp cism-i ḫāki āteş-i ʽaşḳında ḳal étdim
Dü dest-i şevḳ u raġbetle ṣebistān-ı teḫayyülde Miyān-ı mū-yı yāri zīb-i āgūşı ḫayāl étdim
Ġam-ı ʽaşḳıyla döndürdüm hilāle ṣūret-i resmim O mihr-i evc-i ʽizz u nāza ancaḳ ittiṣāl étdim
Şeb-i vuṣlatda Fevzī gibi yandırmaḳ ümidiyle Dil-i pervāne-veş ser-geşte-i şemʽ-i cemāl étdim
Fāʽilātün Fāʽilātün Fāʽilātün Fāʽilün
Derd-i ʽaşḳıyla ḫoşem ey dil devādan geçmişim Āh-ı dil-sūz ile dem-sāzem nevādan geçmişim
s.7075 Dām-ı cān ārām-ı sevdāsında gön̄ lüm ḳayd édüp İşbu keyfiyyetle ḳayd-ı māsivādan geçmişim
Vaṣf-ı ḥüsn-i bī-mis̱ālinde kemāl-i ʽaczden Ḳaṭʽ-ı ḳīl u ḳāl édüp çūn ü çirādan geçmişim
Étme ey vāʽiẓ ban̄a bāġ-ı cinān vaṣfın yine Şevḳ-i dīdār ile zevḳ-i dü-serādan geçmişim
Öyle ʽankā-yı vesʽī ü’l-bal ḳaf-ı rıfʽatım Himmet-i bālā ile bāl-i hümādan geçmişim
Bi-vefā dünyā fenāsın fehm édüb devrāndan Rind-i fāni gibi Fevzī bu fenādan geçmişim
Mefāʽilün Mefāʽilün Mefāʽilün Mefāʽilün
Kerem ḳıl sāḳiyā feyzin̄le ʽaşıḳ ter dimāġ olsun Ele girmezse būsi gerden-i minā āyāġ olsun
Bu maʽmūl ile her dem mukīm-i āsitānın̄ dır Ki yansun āteş-i ʽaşḳın̄la ḳapun̄da çerāġ olsun
Ḫumār-ālūd-ı mest nāzdır gülizār-ı hüsnün̄de Hemişe nergis-i gözler yamān gözden ʽırāġ olsun
Feża-yı sīnem içre leşker-i derd [u] ġamın̄ ḳonsun Dü çeşm perdesi şāhım ḫayālin̄ çün otāġ olsun
Éder āzerde cism-i nāziki naḳş-ı gül zer-bāf Senin̄ çün nāzeninim būy-ı şirinden yatāġ olsun
s.7074 Ḫırām ét ḳāmet-i bālā ile ruḫsārın̄ ı görsün Çemende serv-i üftāde derūn-ı lāle dāġ olsun
Édüb aġyārı yār u ḫalvet esrārın̄ı maḥrem Revāmı bezm-i vaṣlın̄ içre ʽuşşāḳa yasāġ olsun
Ḫayāl-i būse-i ḫālinle dāġ olmuş dil-ī Fevzī Eger ḫālinden olmazsa lebin̄ den vér dudāġ [olsun]
Mefāʽīlün Mefāʽīlün Mefāʽīlün Mefāʽīlün
Seḥāb-ı dīde feyż-ās̱ārdır çeşm-i kebūdundan Riyāż-ı sīne sünbülzārdır çeşm-i kebūdundan
Ḳabā-yı ezraḳ u zerḳ ile zāhid halḳa-i Hū’da Gezüp geşt étmege der-kārdır çeşm-i kebūdundan
Sipihr-i nīlgūn şevḳiyle ol mihr-i cihāntābın̄ Basīṭ-i ḫāke şuʽle-bārdır çeşm-i kebūdundan
Feżāyı ʽālem-i tecrīdde ebdāl-i tenhā-veş
Şeh-i ḫāver-zemīn seyyārdır çeşm-i kebūdundan
Ṣorarsan menbaʽ-ı ʽayn-ı semāden göre me’āli Hevā üstünde ber-teyyārdır çeşm-i kebūdundan
Merām üzre tekellümden dutulmış ṭūṭī-i ṭabʽım Gön̄ül mir’ātı pür-jengārdır çeşm-i kebūdundan
s.7073 Ḫam-ı nīlīde Fevzīnin̄ boyanmış cāme-i baḫtı Bu reng ile zamānı tārdır çeşm-i kebūdundan
Ber-ṭaraf indirme zülfün̄ gerden-i kāfūrden Pertevi efzūn olur şemʽin̄ şeb-i deycūrdan
Safḥa-i beyżā-yı ruḫsār üzre ḫaṭṭ-ı nevresin̄ Tāze reyḥāndır ẓuhūr étmiş riyāż-ı nūrdan
Dest-i nābından ḳırılmışken ne ḥikmetdir yine Cānib-i ruḫsārı dutmaḳ ṭurre-i meksūrdan
Ġamze ile ḳān döker her laḥẓada bir mestdir Görmedi bir kimse ṣıhḥat dīde-i maḫmūrdan
Oldıġı devrān-ı çeşmin̄ fitne-i devr-i ḳamer Bellüdür gird-i ruḫda āyet-i mesṭūrdan
Gelse ey sāḳī elin̄den çek ayaġ-ı sāḳī Fırṣatı fevt étme ét ḳaṭʽ-ı naẓar maḫẕūrdan
Naẓm-ı Fevzī ol ḳadar pür-neş’edir kim ḫāmesi Ḳatʽ olunmuş ṣanki çūb-ı hūşe-i engūrdan
Mefʽūlü Mefāʽīlü Mefāʽīlü Feʽūlün
Ḫālī édemem ḫayāl-i ḫālin̄ naẓarımdan Sevdā-yı sır-ı zülf-i siyāhını serimden
Laʽl-i lebin̄ resmini ḫūn-i cigerimden
Her āyine étmem dili bir dilbere tevcīh Yüz görse eger āyīne dilber-i nermden
Her dem ḳadem-i nāzını ol şūḫ baṣarsa Çeşm üzre dil incinmez o nūr-ı baṣarımdan
Āh étmem anın̄ āteş-i ʽaşḳıyla ki çarḫın̄ Mihri dutulur dūd-i dil-i pür-şererimden
Ṭaʽn ile beni ṣubḥ-ı viṣālinden éden dūr İtmez mi ḥaẕer zār ile āh-ı seḥerimden
Fevzī mey-i enfāsım éder vālih ü ser-mest Erbāb-ı dili mey-gede-i şiʽr-i terimden
Fāʽilātün Fāʽilātün Fāʽilātün Fāʽilün
Ḫūblar sulṭānıdır ol mihr-i evc-i hüsn ü ān Andan almış māh-sīmālar nişān u nām u şān
Zülfüdür dīvān-ı hüsnünde dile rencberdār Ḳaşıdır ṭāḳ-ı ʽadālet aġzıdır Nūş-i revān
Lāle-i bāġ-ı leṭāfetdir ruḫı ammā lebi
Bilmedim yāḳūt mercāndır veyaḫud ḳūt-i cān
s.7071 Ṭālib-i ʽaşḳa éder nevresm-i ḫaṭṭ-ı ʽārıżı Nüsḫa-i hüsn-i bedīʽīnin̄ meʽānīsin beyān
Berḳ-ı ḥüsni ḫürremin tāb u tevānı yaḳdı hep Rūy-ı āteş-tābının̄ ʽaşḳına ey dil sende yan
Dil ḫayāl-i ġamzesin elden ḳomaz ḳan olsa da Bu mes̠el meşhūrdur dérler dutar ḳānluyu ḳan
Fikr-i mevhūm eylemek vaṣf-ı raḳīḳ ile muḥāl Fevzīyā gelmez ḫayāl-i āġūşın mū-yı miyān
Fāʽilātün Fāʽilātün Fāʽilātün Fāʽilün
Terk-i serle ancaḳ āġuşa gelür ol sīm-ten Geçmeseydi serden anı ḳocamazdı pirehen
Öldürür ʽuşşāḳını süzdükçe çeşm-i şūḫunu El-amān ol şāh-bāz-ı cān-şikār-ı dīdeden
Ḫaṭṭ degildir dūd-i āh-ı ʽāşıḳāndır gün yüzün Böyle dütmüşdir ki farḳ olmaz ṣabāḥı tīreden
Ḳırmasaydı ḳalbimi aġyāre ḳılmazdım naẓar Görilür çoḳ ṣūret elbet sınıḳ-ı āyīneden
Cünbüşi dūşīnesi bintü‘l-ʽineble ṣubḥa dek Bellüdür reftār-ı kecle dīde-i mestāneden
Naḳş-ı tezvīr-i dīgerdir sūret-i ṣūlḥ-ı raḳīb Dostluḳ meʽmūl olunmaz düşmen-i dīrīneden
s.7069 Fāʽilātün Fāʽilātün Fāʽilātün Fāʽilün
Zīver-i rūşen hayāt étdim ḳanāʽat ḫılʽatın İstemem çarḫın̄ bu zāyil ʽayşının̄ bāṭıl zinetin
Ayş [u] nūşum eylerim ḫūn-i ciġerle eşkden Çekmenem ebnā-yı dehrin̄ bād-ı cām-ı minnetin
Bī-vefā bir sifle-perverdir felek ben neylerim Çend rūz-ı fānī-i devrinde fānī ülfetin
Bī-nevālıḳdan ne den̄lü ḫāksārım ölsem yine Ārzu étmem nevā-yı luṭf u evc-i rifʽatin
Māh u mihr-i kāmile her dem virür naḳṣ-i zevāl Vérdigi ḫāṣıyyetinden bilmişim māhiyyetin
Hiç inanma ḫande-i şīrīnine kim gizlemiş Leẕẕet-i nūş-i lebi żımnında nīş-i zilletin
Her çi bād-a-bād ile mülk-i dili ābād idüp Bāde vérdim bāde-i ye’siyle her keyfiyyetin
Fevzī istersen eger iki cihānın̄ rahatın
Mefʽūlü Mefāʽīlü Mefāʽīlü Feʽūlün
Ne ben̄zer ki dil-figārdır bir pāre-i āsmān