İstanbul Şehir Üniversitesi Arşivi, Belge no.: 001630111018 Transkripsiyon Metni:
CENERĀL ALANİ’NİÑ MÜTĀLİBĀTINDAN HĀRİCİYYE NEZĀRETİ’NE MÜTE‘ALLİK MEVĀDI
1. Altıncı Ordu kumandanı ‘Ali İhsān Paşa’nıñ me’mûriyetine hitām verilecekdir.
2. Altıncı ordu kāmilen teslîm-i silāh edecek, top, mitralyöz ve eslaha’-i sā’iresi mu‘ayyen bir noktada tarafıma i‘tā olunacakdır.
3. Tarafımdan emir verildiginde ehliniñ yedinde bulunan eslaha toplatılacakdır.
4. Benim muntakam dāhilinde ve ihtiyācım olmayan Türk jandarması teslîm-i silāh edecek ve emrim mûcebince terhîs olunacakdır. Taht-ı idāremdeki muntaka dāhilinde bulunan Türk jandarması terhîs olununcaya kadar emrime tābi‘ tutulacakdır.
8. Konya’nıñ şarkında bulunan bütün şimendüfer hatları tarafımdan kontrol olunacakdır*. 10. Lağv olunacak Altıncı Ordu’nuñ efrâdı ( ) tārîhinden i‘tibāren haftada tokuz yüzer kişi
olmak sûretiyle memleketlerine sevk ü i‘zām edilecektir.
11. Me’mûrîn-i ‘Osmāniyye Hind ordumuzuñ efrādı dāhil olduğu hālde bi’l-cümle firārîleri teslîm eyleyecekdir.
12. İstedigim mevāki‘i işgāl etmek salāhiyetini hā’iz olduğum vāreste’-i îzāhdır.
* Sekizinci maddede zikr olunan ‘kontrol’ kelimesinden matlûb şudur ki:
“Tarafımdan iş‘ār kılınacak zamanlarda, Bağdād hattının ‘askerî veyā sivil her dürlü nakliyātı arzu etdigim vech-ile icrā etdirecegim; kimi hatt-ı mezkûrı her cins nakliyāt icrāsından her dā’im men‘ eylemek salāhiyetini hā’iz olacağım.”