İncelenen sayfa aralıklarında gayrimüslimler ile ilgili belgeler, daha çok kilise tamirlerini içermektedir. Osmanlı Devleti bir yeri fethettiğinde, o yerin en büyük kilisesini camiye çevirir, geri kalan kiliseler yıkılırdı. Bölgede Hristiyanların ibadet etmesi için bir kilise aynen bırakılır ve yeni bir kilisenin inşasına izin verilmezdi. Rumeli’nde veya Anadolu’da yaşayan gayrimüslim reaya, Müslüman reaya ile aynı şartlarda yaşardı. Eşkıyalık yapabilir veya eşkıyadan zarar gören taraf olabilirdi. Darp, hırsızlık, adam öldürme, tecavüz, sahte evrak bulundurma gibi suçlara karışmışlardır.
Ermeniler, batıdaki güçlü devletlerle aynı mezhepte değildi. Ermeniler Gregoryen, batıdaki devletler Katolik ve Protestan’dı. İstanbul’da bazı Ermeni rahipler, Ermenileri
184 Hüküm, 1900. 185 Hüküm, 2385. 186 Hüküm, 2386. 187 Hüküm, 2387. 188 Hüküm, 2341. (Fî evail-evasıt 1113/5-24 Eylül 1701).
40
Protestan ve Katolik devletlere yaklaştırmak için bazı çalışmalar yaptı. Ayrıca bazı kimseler Ermeni kitaplarında değişiklik yaparak bu kitapları Ermenilerin arasında yaydı. Bu kitap olayı araştırıldı. Ermeniler arasında çok eskiden beri kitap basımı yapıldığı için şu ana kadar kendilerine engel olunmamıştı. Değiştirilmiş kitapların Frengistan’dan geldiği ve para ile satıldığı anlaşıldı. Bunun üzerine Osmanlı ülkesinde ne kadar kitap basan varsa araştırılıp bütün aletlerinin yakılması ve iş yerlerinin kapatılması emredildi. Kitap basmacılığı yasaklandı ve kitap basan olursa yakalanması emredildi.189
Amid’de hiç kilise yokken rahipler gelip burada bir kilise inşa ettiler. Bu rahipler burada Ermeni, Süryani ve Rumların arasına fesat karıştırıp, karışıklık çıkardı. İslam ülkelerinde yeni bir kilise inşa etmek yasak olduğu için kilisenin yıkılması emredildi.190
189 Hüküm, 2259, 2281. (Fî eva’ili Ra sene 113/6-15 Ağustos 1701). 190 Hüküm, 2301. (Fî evâsıtı Ra sene 1113/26 Ağustos-4 Eylül 1701).
41
İKİNCİ BÖLÜM
111 NUMARALI MÜHİMME DEFTERİ’NİN TRANSKRİPSİYONU 508/1760 Kalebend Cezası
Bi’l-fiꜥil turnacı başı olub Belgrad Kalꜥası muhâfazasında yeniçeri zâbıtı olan Mehmed zîde mecdühûya hüküm ki
Bundan akdem muhâfaza-i mezbûrda ihtiyâr fesad ve şekâvet ve kalꜥa kapusuna top atub baꜥis-i fitne olmağla sen ki mûmâ-ileyhsin ahz ve Semendre Kalꜥasında kalꜥa-bend ve ꜥarz ve iꜥlâm eyledikden sonra Hüseyin nam şakînin cezâsı tertib olunmak fermânım olmağla tarafından muꜥtemed-i ꜥaliyye ademler gönderüb şakî-i mezbûrun bilâ-te’hir cezâsın tertib itdürüb te’hir ve tevakkufe cevâz göstermeyesin deyu yeniçeri ağası İbrahim ağa tarafından mühürlü mektûb virilmekle mûcebince yazılmışdır. Fî evâhiri N sene 112. (1-10 Mart 1701)
508/1761 Mescid-i Aksa İçerisinde Uygunsuz Davrananların Uzaklaştırılması Kudüs-i şerîf mollasına hükümki
Sen ki mevlânâ-yı mûmâ-ileyhsin südde-i saꜥadetime mektûb ve Kudüs-i şerîf’de sâkin ꜥulemâ ve sulehâ ve ümenâ ve hutebâ ve meşâyıh ve ꜥayân mahzar gönderüb bundan akdem Kudüs-i şerîf sancağına mutasarrıf olan Ivez paşa Mescid-i Aksâ dâhilinde livâ-yı mezbûr mutasarrıfları otura geldikleri saray önünde hücerât ve kenif ihdâs ve sefer-i humâyûnumdan menzuꜥ baꜥzı yeniçerilik iddiꜥasında olanları cihâd-ı merkûmede ivâ ve iskân itmekle dâhil-i mescid-i akzâ’da şirb-i hamr ve envaꜥ-i fısk ve fücur-ı ikaꜥ ve iꜥlâmına baꜥis yedi olmağla muhdes olan hücerât ve kenif refꜥ ve hedm olunmak bâbında istidꜥa-yı ꜥinâyet olunmağın sen ki mevlânâ-yı mûmâ-ileyhsin vech-i meşrûh üzere muhdes olan hücerât-ı kenif hedm ve refꜥ ve mezbûrlar ol bükꜥa-yı mübârekede ikâmetden menꜥ ve defꜥ olunmaları bâbında yazılmışdır. Fî evâsıtı N sene 112. (19-28 Şubat 1701)
508/1762 Kudüs Mutasarrıflarının Reayaya Kötü Davranmaması İçin Gönderilen Hüküm
Kudüs-i şerîf kadısına hüküm ki
Sen ki mevlânâ-yı mûmâ-ileyhsin südde-i saꜥadetime mektûb ve Kudüs-i şerîf’de sâkin ꜥulemâ ve sâdât ve ümenâ ve hutebâ ve meşâyıh ve ꜥayân mahzar gönderüb Kudüs-i şerîf sancağına mutasarrıf olanlar oturageldiklerinden reꜥâyâ ve berâyâya ibtidâ geldikleri cevr ve iꜥtisafda mecânîn ve nesr-i insâf ꜥadâlet ile kalublerin celb itmeleriyle hüsn-i hâlleri şaꜥr-ı ahâli- i vilâyetden mahzar alub Asitâne-i saꜥadetime irsâl eyledikden sonra zulm ve teꜥaddi ve envaꜥ-i
42
müsveddât ve harâne şuruꜥ itmeleriyle min-baꜥd ꜥulemâ ve sulehâ ve meşâyıh ve sâdât vesâir ahâli-i belde-i mezbûre livâ-yı mezbûr mutasarrıflarının hüsn-i hâlleri şaꜥr ꜥarz u mahzar mutâlebesiyle rencide olmamaları bâbında istidꜥa-yı inâyet olunmağın sen ki mevlânâ-yı mûmâ- ileyhsin madâm ki keyfiyet hâlleri tefahhus içün emr-i şerîfim sâdır olmadıkça livâ-yı mezbûr mutasarrıflarının tarafından hüsn-i halleri mübeyyin ꜥarz u mahzâr mutâlebesiyle ahâli-i vilâyete dahl ve rencide olunmamaları bâbında yazılmışdır. Fî evâsıtı N sene 112. (19-28 Şubat 1701)
508/1763 Kudüs Reayasından Haksız Yere Alınan Malların Geri Verilmesi ve Reayaya Kötü Davranılmaması İçin Gönderilen Hüküm
Kudüs-i şerîf mollasına hükümki
Sen ki mevlânâ-yı mûmâ-ileyhsin südde-i saꜥadetime mektûb ve Kudüs-i şerîf’de sâkin ꜥulemâ ve sulehâ ümenâ ve hutebâ ve sâdât ve meşâyıh ve ꜥayân mahzar gönderüb Kudüs-i şerîf sancağına mutasarrıf olanlar ve mütesellimleri izâfdan aldıkları eşyânın kıymetlerin tamâmen virilmeyüb te’hir ve baꜥde hukuk-ı ꜥabâd ziyâde aldıkça niçe dürlü cevr ve teaddi ve tecâvüz ve rub kıymetinde akd-i tekâlif idüb ziyâde gadr ve teꜥaddi itmeleriyle ol-bâbda hükm-i humâyûnum istidꜥa-yı ꜥinâyet olunmağın sen ki mevlânâ-yı mûmâ-ileyhsin livâ-yı mezbûre mutasarrıfı ve mütesellimlerine ehl-i ꜥarz aldıkları eşyânın kıymetlerin ashâb-ı hukuka mah mah tamâmen eda itdürülüb te’hir ve noksan tekâlifi ile dahl ve rencide olunmamaları bâbında yazılmışdır. Fî evâsıtı N sene 112. (1-10 Mart 1701)
509/1764 Kalebend Cezası
Limni Kalꜥası muhâfazasında yeniçeri zâbıtı ve Limni Kalꜥası dizdârına hüküm ki Hâlâ Bağdad muhâfazasında olan kul kethüdâsı Mustafa dâme mecdühûnun ademisi İsmail nam yeniçeri bundan akdem Bağdad dârü’l-islâm Kalꜥası muhâfazasında hüdemât-ı humâyûnumda mevcûd olan neferâta isminiz defterde yokdur deyu serhadd-i mezbûrede olan guzât-ı İslâm’ı tağyir ve tefrik idüb ihtilâle baꜥis olmağla bundan akdem Bağdad muhâfazasından nefy ve Asitâne-i saꜥadetime gedikde yine kendü hâlinde olmayub muhterik fesad olmağla ıslâh-ı nefs idince Limni Kalꜥasında kalꜥa-bend olunmak fermânım olub (Boş) mübâşir irsâl olunmağın mezbûru kalꜥa-i mezbûrede muhkem kalꜥa-bend idüb madâmki itlâkiçün fermân sâdır olmadıkça ıtlâk olunmayub mübâşir merkûm ile vusulün yazub ꜥarz idesiz deyu ağa mektûbu mûcebince yazılmışdır. Fî Evâsıtı N sene 112. (19-28 Şubat Aralık 1700)
43
509/1765 Eşkıyalık Yapan Gayrimüslim Kişinin Sürgün Edilmesi İçin Özi vâlisine ve Harsun kadısına hüküm ki
Sen ki kadısın mektûb gönderüb kazâ-i mezbûra tâbiꜥ Dabaköyü nam karye imâmı vesâir ahâli-i müslimin ve keferesi meclis-i şerꜥe varub karye-i mezbûrede mütemekkin Panço veled- i Tolas nam zimmi kesret şirb ve fesadı sebebiyle bundan akdem emr-i şerîf ile nefy olunmuşken birkaç zamandan sonra yine gelüb kendü hâlinde olmayub hânesinde cemꜥiyet ve gicelerde eşkıyâyı başına cemꜥ ve dürlü fesad peydâ ve nice müslimin ve kefere reꜥâyâsını ehl- i ꜥörfe gammaz ve hilâf-ı inhâ ile tecrim ve müzevver mahzar peydâ idüb şerir ve gammaz olmağla yine nefy olunmak bâbında ilmühaberiyle ꜥarz itmeğin mesfur zimmi âhar diyâra nefy olunmak içün yazılmışdır. Fî evâhiri N sene 112. (1-10 Mart 1701)
509/1766 Kilise Tamiri Ante kadısına hüküm ki
Ante kazâsına tâbiꜥ Kulurmu cezîresinin ehl-i zimme reꜥâyâsı südde-i saꜥadetime ꜥarzuhâl idüb cezîre-i mezbûrede vâkiꜥ Bena Bakanumu (?) dimekle maꜥruf feth-i hâkâniden berü yedlerine terk olunan kadîmi kilisenin mürur-ı eyyâm ile sakfı ve baꜥzı mevâzꜥi harâbe meşref olmağla bundan akdem şerꜥle keşf olundukda vech-i meşrûh üzere sakf ve baꜥzı mevâzꜥı ve üzerinin kubbesi harâbe meşref olduğu muꜥayene ve cânib-i şerꜥden hüccet-i şerꜥiyye virildiğin bildürüb hüccet-i şerꜥiyye mûcebince harâbe meşref olan mahallerin hâriçden iscâr ve işcâr vazꜥ olunmamak üzere kendü tasarrufu ile mesꜥa-i şerꜥ olduğu mertebe vazꜥ kadîmisi üzere bilâ-tevziꜥ ve bilâ-terfiꜥ termimine muhâlefet olunmamak bâbında hükm ricâsına mesꜥa-i şerꜥ olunduğu üzere taꜥmirine muhâlefet olunmaya deyu yazılmışdır. Fî evâhiri N sene 112. (1-10 Mart 1701)
509/1767 Tokat Voyvodasının Oğlu Ömer’in İstanbul’a Gelmesi İçin Anadolu vâlisi vezir Abdi paşaya hüküm ki
Tokad voyvodası olan Mihallevikya’nın oğlu Ömer’in İstanbul’a ihzârı lâzım gelmekle kayd ü bend ile ihzâr eyleyesin deyu yazılmışdır. Fî evâhiri N sene 112. (1-10 Mart 1701)
509/1768 Aydın ve Saruhan Sancaklarında Askeri ve Reayanın Belirlenmesi İçin Aydın muhassılına hüküm ki
Aydın ve Saruhan sancaklarında olan ꜥaskerî tâifesinin teftiş ve tefahhus ve reꜥâyâ ve ꜥaskerînin tenbih olunmaları içün sâdır olan emr-i şerîfim mûcebince tavâif-i mezbûreyi buldurub ve ne mikdâr olduğu ꜥarz ve iꜥlâm eyledik de defterleri tashim ve sana gönderilmişdi
44
minvâl-i meşrûh üzere tekayyüd olunub defterden hâric olanlardan bir ferde sâhib çıkılmayub dirlik iddiꜥasın itdürmeyüb (silik) tahrîr eylediğin vech üzere Turgutlu kazâsında olan ꜥaskerî tâifsesi ne mikdâr tahrîr olalı öteden adât sâhib çıkmayalar deyu Turgutlu kadısına ve serdârına mezkûr emr-i şerîfim gönderilmekle sen ki mir mirân-ı mûmâ-ileyhsin sen dahi tekayyüd idüb … … ꜥalâkaları (silik) hâric ez-defter olmağla min-baꜥd dirlik iddiꜥasın itdürmeyesin deyu yeniçeri ağası mektûbu mûcebince yazılmışdır. Fî evâhiri N sene 112. (1-10 Mart 1701)
510/1769 Cezayir ve Tunus ve Trablusgarb Ocakları Arasındaki Anlaşmazlık
Fermân-ı hümâyûn vâcibü’l-imtisâlin mazmûn-ı münifi ile ꜥamel eyleyesiz hilâfdan irtikad iderseniz sonra bidꜥadıma mahzâr olursuz beyninizde bu ꜥadâvet maꜥkûl iş değildir sizin zaꜥafınıza düşmanların kuvvetine sebeb olur ꜥakılâne hareket eyleyesiz deyu ꜥunvânına hatt-ı humâyûn şevketmakrûn vârid olmuşdur.
Cezayir-i garb beglerbegisi Ali dâme ikbâlehûya ve dayısına ve müftü ve kadı ve ꜥulemâ ve sulehâ ve yeniçeri ağasına ve bölük başılara ve yaya başılarına ve onbaşılarına vesâir ihtiyârlarına hüküm ki
Suğûr-ı İslâmiye’de olan Cezayir-i garb ve Trablus ve Tunus ocakları kadimü’l- eyyâmdan berü hüsn-i vikâf ve kemâl-i itihad ve ittifak ile ikâmetlerine fî sebebi’llah gazâ ve cihâd sarf idüb ol-tarafda sedd-i İslâm olmuşken hâlâ beynlerinde olan ittifâk ve ittihâd bîhude ve bî-maꜥnâ ağrâz baꜥzı ꜥavârız ve esbâb ile hilâf ve şikâka meydan olmağla cenk ve cidâl ve harb ve kıtale muaddil olub tarafından sen nüfus-i müslîmîn ꜥariza-i telef ve ikdâm olunduğu mesmꜥu-ı humâyûnum olub himâyet-i ber-saffa-i din ve sıyânet-i şerꜥiat seyyidü’l-mürselin ꜥazâm din ve devlete ve ihdam-ı mesâlihe mülk ve milletin olub semer-i vikâf her hâlde … saꜥadet ve selâmete ve hâr hilâf ve şikâka baꜥis şemâtet ve melâmet eyledüğü cemꜥi ezmânında mahrub ve meşhur olduğundan gayrı müslîmîn beyninde bu misâllü … ve teneffüz ile cenk ve harb ve kavga ꜥibâden bi’llahi teꜥâlâ şenn asâ-yı mü’mine ve şemâtet-i aꜥdâ-yı dine muaddil olub Allahu aꜥzimüş-şân rızâ-yı kerîmine muhâlif iştikâ girân ehemm-i mühimmeden idüğü delil ve bir … mütenezzi olmağla inneme’l-mü’minûne ihvetün müddeꜥasın birbiriniz ike ꜥakd-i müzâkere ve muahede ve yekdil ve yekcihet olub kemâl-i hamiyyet ve atıfet ve hulûs ve muvakkaf üzere olmanız lâzım ve lâbid olmağla ve in tâifetâni mine’l-mü’miniaktetelu fe aslihû beynehümâ fehvâ-yı kerîmesi üzere beyninizde olan şikâk ve hilâf ve münâferet ve ihtilâfın defꜥi ve refꜥi ve tevfik ve ıslâhı içün dergâh-ı muꜥallâm kapucu başılarılarından (Boş) dâme mecdühû mübâşir taꜥyin ve irsâl ve bu husûs içün Tunus ve Trablus ocakları halkına dahi emr- i şerîfim ve şerefyafte sâdır olub gönderilmişdir inşâllahû teꜥâlâ vusulünde ve’l-tecꜥal fî kulubina gillen lillezine âmenu târika-i marziyyesin meslûk kablinden olan mücâdelet ve muhalefet ve
45
muvâfakat ve muvâhiline tebdil idüb meyânada geçen esbâb … ve ağrâzdan bi’l-külliye ꜥavârız- ı ağrâz eyleyesiz … kelâm ilân ve ittihad ve ittifak üzere olmanız ikzâ-yı murâd-ı humâyûnumdur etrâf u eknâfınız muhaalefet ve muharebede olub siz ol-cânibde ittifak ve ittihad ile gazâ ve cihada meşgul iken ağrâz-ı tamde ile birbirinize dalaşub bu misâllü işe şevketmenize rızâ-yı şerîfim yokdur gerek Tunus ve gerek Trablus ahâlisi vesâir etrâfda olan ahvâle din ile merâsim hüsn-i cevâbın müddeꜥasını … idinüb hilâfdan ittikâ eyleyesiz şöyleki bundan sonra yine mekâsir olmayub beyninizde da olan bu maksad cidâle tebdil olunmaz ise ati’u-llah ve atiu’r-resûl ve ulû’l-emri minkum nass-ı şerîfe muhalefet itmiş olmakdasız bundan sonra tarafımızdan ağrâz vech olunur ise bidꜥada mazhar olmanızı mukarrer bilüb hilâf-ı din ve dünyanıza ne vech üzere mutazarrır ise âna göre hareket eylemeniz bâbında fermân-ı ꜥalişânım sâdır olmuşdur deyu yazılmışdır.
510/1770 Suret
Fermân-ı hümâyûn vâcibü’l-imtisâlin mazmûn-ı münifi ile ꜥamel eyleyesiz hilâfdan irtikad iderseniz sonra bidꜥadıma mahzâr olursuz beyninizde bu ꜥadâvet maꜥkûl iş değildir sizin zaꜥafınıza düşmanların kuvvetine sebeb olur ꜥakılâne hareket eyleyesiz.
Bir sûreti Trablusgarb beglerbegisi ve dayısı Mehmed dâme ikbâlehûya ve müftü ve kadı ve ꜥulemâ ve sulehâ ve yeniçeri ağası ve bölükbaşılarına ve odabaşı vesâir yurddaşlarına vech-i meşrûh üzere.
510/1771 Suret
Fermân-ı hümâyûn vâcibü’l-imtisâlin mazmûn-ı münifi ile ꜥamel eyleyesiz hilâfdan irtikad iderseniz sonra bidꜥadıma mahzâr olursuz beyninizde bu ꜥadâvet maꜥkûl iş değildir sizin zaꜥafınıza düşmanların kuvvetine sebeb olur ꜥakılâne hareket eyleyesiz deyu ꜥunvânına hatt-ı humâyûn şevketmakrûn vârid olmuşdur.
Bir sûreti Tunus beglerbegisi Süleymana ve Tunus ve Trablus begi Murad dâme ꜥizzûhûya ve Tunus ocağı dayısına ve müftü ve kadı ve ꜥulemâ ve sulâha ve yeniçeri ağası ve bölükbaşılarına ve odabaşı vesâir yurddaşlarına vech-i meşrûh üzere.
511/1772 Halep Eyaletine Bağlı Bulak Kazasında Eşkıyalık
Kimesnenin umûruna karışmayub bir ferde … … olunmayub teꜥaddi ve şekâveti görilür ise ol-vilâyetden ꜥalâkası katꜥ ola evlâd ve etbâꜥıyla nefy olunmağa şerꜥle Fetlullah’ın ıtlâkiçün yazılmışdır. Fî evâsıtı L sene 113. (11-20 Mart 1702)
46
Bulak sâkinlerinden şekâvetle meşhûr olub bundan akdem fermân-ı humâyûnumla katl olunan Murtaza’nın karındaşı Fethullah ile topal oğlu Ömer ve karlı oğlu İbrahim ve eskici oğlu nacar Ali ve Kürd Hasan ve Uzun oğlu Hasan Ali ve diğer Uzun oğlu kara Ali ve nalbur Ali ve kara Hamza ve kör Ali ve Timur oğlu Mehmed nam şakîler kendi hâllerinde olmayub kadılarını ve sâbıkân … şeyhi Mehmed efendi dimekle maꜥruf kimesne ile karındaşı Mustafa’yı katl idüb dâima fesad ve şekâvet ve ꜥibâdullaha zulm ve teꜥaddi ꜥadet-i müstemireleri olduğu iꜥlâm olunmağla sen ki vezir müşârün-ileyhsin zikr olunan on bir nefer şakîleri ahz ve şerꜥan üzerlerine sâbit ve zâhir olan mevâdı sicil ve hüccet oldundukdan sonra … haklarında tertib-i cezâl icâb idenlerin mâꜥrifet-i şerꜥle cezâları tertib ve şerꜥle habsleri lâzım gelenleri fermân-ı humâyûnum sâdır olmadıkça ıtlâk olunmamak üzere habs ve kalꜥa-bend eyleyüb zikr olunan şakîlere muꜥayyen olub kendi hâllerinde olmayan müftü-i sâbıka molla Ali ile … ekrâdından molla Mehmed dahi cezîre-bend olmak üzere Kıbrıs cezîresine nefy olunmak bâbında yazılmışdır. Fî evâhiri N sene 1112. (1-10 Mart 1701)
511/1773 Sürgün Cezası
Kıbrıs beglerbegisi Seyyid Ahmed paşaya ve Lefkoşa monlasına hüküm ki
Bulak sâkinlerinden olub kadılarını ve sâbıkân … şeyhi Mehmed efendi dimekle maꜥruf kimesne ile karındaşı Mustafa’yı katl itmeleriyle haklarında hudûdullah icrâ olunması fermânım olan on bir nefer şakîlere muꜥayyen olub kendi hâllerine olmayan mütftü-i sâbık molla Ali ve … ekrâdından molla Ahmed Haleb vâlisi vezirim Mehmed paşa maꜥrifetiyle Kıbrıs cezîresine nefyleri fermânım olmağla sen ki mir mirân-ı mûmâ-ileyhsin mezkûr molla Ali ve molla Ahmed cezîre-i merkûmeye vusulünde fermân-ı humâyûnum sâdır olmadıkça sebilleri tahliye olunmamak üzere cezîre-bend eylemeğin bâbında deyu yazılmışdır. Fî evâhiri N sene 1112. (1-10 Mart 1701)
511/1774 Eğriboz ve İnebahtı Sancaklarında Reayanın Durumu Eğriboz muhâfazına ve … ve (Boş) kadılarına hüküm ki
… kazâsı reꜥâyâsından Matrukan ve (Boş) ve (Boş) nam zimmiler gelüb bundan akdem vâkiꜥ olan muhârebe esnâsında baꜥzıları etrâfa müteferrik ve perîşan olub hâlâ bi meşinetillahi teꜥâlâ terfiye-i ahvâl-i ꜥabâd ve taꜥmir-i müzâꜥ ve bilâd içün devlet-i ꜥaliyye-i ebedpeyvendimle Venedik cumhûru beyninde mesâlih ve muvâdaꜥa vâkiꜥ olmağla kadîmi sâkin oldukları yerlerine ve yurdlarına gelüb tavattun murâd eylediklerinde … kazâsı sâkinlerinden Köstendil Kuzaki nam zimmi istilâdan mukaddem sizden yüz guruş alacağım vardır deyu güzeşte hukuk mutâlebesiyle rencide itmekle güzeşte mahsûl ve rüsûm mutâlebesinde olanların ve istilâdan
47
mukaddem iddiꜥa-yı hukuk idenlerin daꜥvaları istimaꜥ olmamak üzere bundan akdem Eğriboz ve İnebahtı sancakları reꜥayâsına virilen emr-i şerîfim mûcebince kendülere hükm-i humâyûnum ricâ itmeleriyle ahkâm kaydına mürâcaꜥat olunduk da livâ-yı mezbûrân reꜥâyâ ve berâyasının eğer zuꜥama ve erbâb-ı timar subaşıları ve havâss ve evkâf zâbıtları her kim olur ise olsun güzeşte hukuk ve rüsûm mutâlebesinde olanların ve istilâdan mukaddem iddiꜥa-yı hukuk idenlerin daꜥvası istimaꜥ olunmayub ve bu mâkule daꜥva sadediyle ısrâr ve ibrâz eyledikleri evâmir ellerinden ahz ve der-kise olunub Asitâne-i saꜥadetime irsâl oluna deyu emr-i şerîfim virildüğü mestût ve mukayyed olunmağla vech-i meşrûh üzere ꜥamel oluna deyu yazılmışdır. Fî eva’ili N sene 1112. (9-18 Şubat 1701)
512/1775 Ravüşte Kazasında Eşkıyalık
Itlâklariçün yazılmışdır. Fî 27 L sene 113. (27 Mart 1702)
Ravüşte kadısına ve Üsküb Kalꜥası dizdârına hüküm ki
Belgrad muhâfızı vezir Hasan paşa mektûb gönderüb Ravüşte kazası sâkinlerinden Ebubekir nam zaꜥim bundan akdem kendi hânesinde gice ile maktûl bulunub emvâl ve eşyâsı nehb ü gâret olunmağla maktûl-i mezkûrun eşyâları kazâ-i mezbûrda sâkin ebnâ-i sipâhiyân çavuşlarından Bosnevi Mustafa çavuş ve ebnâ-i ademinden Ahmed ve Hasan ve Receb ve gulâmları büyük Şahin ve Süleyman nam kimesneleri içün katillerimizdir deyu muzanna ittihaz itmeleriyle mezbûrlar ahz olunub şerꜥle teftiş ve tafahhus olunduk da mezkûrûn Ahmed ve Hasan ve … ve gulâmları olan Şahin ve Süleyman mezkûr Mustafa çavuşun tahriki ile biz varub Ahmed’in költeği ile başını darb idüb ve mezbûr Hasan kılınç ile çalub katl eyledi vesâir biz dahi kosun olan akçe ve eşyâyı götürüb mezkûr Mustafa çavuşa teslim eyledik deyu meclis-i şerꜥde ikrâr ve iꜥtirâf idüb gasb olunan akçe ve eşyâdan yedlerinde bir nesne zâhir olmayub keyfiyet ahvâlleri kazâ-i mezbûre ve civârında olan kazâ ahâlisinden suâl olunduk da mezkûr Mustafa çavuş içün ehl-i fesad ve hıyn-ı tedârik olub kazâmızda sâkin oldukça rahatımız olmayub cümlemiz perâkende ve perîşan oluruz deyu her biri izhâr ve gammaz itmeleriyle mezkûr Mustafa çavuş ebnâ-i ademiyle meꜥan Üsküb Kalꜥasında kalꜥa-bend olunub min-baꜥd mezkûrlar Ravüşte kazâsında ikâmet itdirilmemek içün emri şerîfim virilmek ricâsına ꜥarz itmeğin ıslâh-ı nefs idince Üsküb Kalꜥasında kalꜥa-bend olunmak emrim olmuşdur deyu yazılmışdır. Fî eva’ili N sene 112. (9-18 Şubat 1701)
512/1776 Tunus Kalyonlarının Sakız Limanında Alıkonulması İçin
Ümerâ-yı deryâdan Sakız’da sâkin Muhyi paşazâde Abdurrahman ve cezîre-i Delos ve kapudan paşazâde Ali ve Deli Bekirzâde Ahmed ve diğer paşazâde Salih dâme ikbâlehum ile
48
Sakız monlasına ve ümerâ-yı deryâdan Sakız’da sâkin Muhyi paşazâde Kasım dâme ꜥizzühûya ve Sakız’da yerlü neferât ağaları ve zâbıtlarına hüküm ki
Cezayir-i garb ile Tunus ocakları halkı beynlerinde baꜥzı ꜥarâz-ı esbâb ile münafese ve muhahama vâkiꜥ olub birbirleriyle nizaꜥ üzere oldukları mukaddemâ mesmꜥu-ı humâyûnum olub