2. yine Türkman tâˊifesinden Karacakürd Cemâˈati’nden Taman (Tuman) Hasan oğlu Nasuh ve Kararilioğlu (?) Mustafa ve Tatar Ahmed ve Kâni Osman ve Hiroğlu
3. Ömer Bölükbaşı ve Hacı Yakub oğlu Abili İbrahim dimekle maˈrûf şakīler kendü hâllerinde olmaduklarından nâşî otuz kırk nefer erâzil
4. eşhâs ile Kayseriyye Kazâsı’na tâbiˈ Karakise kurbunda Kalkancık Bınarıbaşı nâm mevzîˈde bin yüz elli (boşluk) senesinde kableˊz-zuhûr bunu
5. basub ˈiyâlinin üzerine gelüb hetk-i ırz eylediklerinden gayrı mezbûrdan Nasuh ve Mustafa ve Osman ve Ömer ve merkūm İbrahim
6. hilâf-ı şerˈ-i şerîf bunu darb eyle deyu emr itmeleriyle mezkûr İbrahim dahî hilâf-ı şerˈ-i şerîf ve bi-gayr-ı hakkın bunu mûcib-i
7. diyet olur âlet ile burnu üzerinden sol gözü kapağı üstünden sol kulağına varınca darb ve cerh ve bir
8. gözünü ihrâç ol-vechile ziyâde fesâd ve gadr-ı ˈazîm itmeleriyle taraf-ı şerˈden üzerlerine varub mezbûrun diyetine nazâr
9. olundukda vech- i meşrûh üzere olduğu şerˈan nümâyân ve keşf olunduğunu müşˈîr yedine hüccet-i şerˈiyye virülüb lâkinn henüz icrâ-yı hakk olunmayub
10. mezkûrlar Türkman tâˊifesinden olduklarından taht-ı kazânızda mürûr üzere olundukların bildirüb hüccet-i şerˈiyyesi mûcebince
11. şerˈle görülüb lâzım gelen diyeti alıvirilüb icrâ-yı şerˈ ve ihkāk-ı hakk olunmak bâbında emr-i şerîfim recâ eyledüğü ecilden şerˈle görülmek içün yazılmışdır. Fî evâhir-i Zilkaˈde sene 1155 (17-26 Ocak 1743)
Özet: İstanbul sakinlerinden Ümmü Hanım’ın vefat eden Niğdeli eşi İsmail Ağa’da olan
129
tarafından verilmemesi ile ilgili Ümmü Hanım’ın şikâyeti ve alacağının, mirastan hissesinin ve mehrinin kendisine teslim edilmesini talep etmesi hakkında.
86/4
Ber-vech-i Arpalık Niğde Sancağı’na Mutasarrıf olan [boşluk] Dâme İkbâluhuya ve Niğde ve [boşluk] Kādîlarına Hüküm ki,
1. İstanbul sâkinlerinden Ümmü nâm hatun gelüb bundan akdem İstanbul’da sâkin iken fevt olan zevci Niğdeli es-Seyyid İsmail Ağa dimekle maˈrûf
2. kimesne zimmetinde cihet-i karz-ı şerˈden bin yüz elli (boşluk) senesinde iki kıtˈa deyn temessüğü mûcebince dokuz yüz elli iki (952) guruş hakkı olub almadın
3. zevci-yi mezbûr fevt olmağla Niğde’de sâkin zevce-i âharından mütevellid evlâdı verese-i sâˊireleri zevci-yi müteveffâ-yı mezbûrun Niğde’de vâkıˈ
4. tereke ve akara sen ahz ve kabz itmekle bu dahî zevci-yi müteveffâ-yı mezbûrun zimmetinde olan iki kıtˈa deyn temessüğü mûcebince ol-mikdâr guruş
5. hakkı ile on iki bin (12.000) akca mehr-i müˈeccel ve tereke-i müteveffâ-yı mezbûrdan hisse-i şâyiˈasın taleb eyledükde mezbûrlar bi-vech-i şerˈî virmekde
6. taˈallül ve gadr murâd eylediklerin bildirüb şerˈle görülüb zevci-yi müteveffâ-yı mezbûrun zimmetinde iki kıtˈa deyn temessüğü mûcebince olan
7. ol-mikdâr hakkı ve mehri ve hisse-i şâyiˈası müteveffâ-yı mezbûrun terekesine vazˈuˊl-yed olan mezbûrlardan tamâmen kendüye tahsîl ve alıvirilüb
8. icrâ-yı şerˈ ve ihkāk-ı hakk olunmak bâbında hükm-i hümâyûnum recâ itmeğin mahallinde şerˈle görülmek emrim olmuşdur. Fî evâhir-i Zilkaˈde sene 1155 (17-26 Ocak 1743)
Özet: İncesu Kazası sakinlerinden hazinedar olan Mustafa Beşe’nin Hamra Keşiş isimli
zimmiden alacağının tahsil edilmesini talep etmesi hakkında.
86/5
Karaman Vâlîsine [boşluk] Kādîsına ve İncesu Nâˊibine Hüküm ki,
1. İncesu Kazâsı sâkinlerinden bundan akdem hazinedârı olan
2. Mustafa Beşe dimekle maˈrûf kimesne gelüb yine İncesu Kasabası’na tâbiˈ
3. Akhib (?) nâm karye sâkinlerinden Hamra Keşiş nâm zimmî zimmetinde bin yüz elli (boşluk) senesinde
4. cizye malından dört yüz elli buçuk (450.5) guruş alacak hakkı olub meblağ-ı merkūmdan yüz elli (150) guruş kalub taleb eyledikde bugün
130
5. yarun deyu ˈavk murâfaˈa-i şerˈ olduklarında hüccet virilmişken edâda taˈallül eyledüğün bildirüb
6. şerˈle görülüb alıvirilüb icrâ-yı hakk olunmak bâbında emr-i şerîfim recâ itmeğin şerˈle görülmek içün yazılmışdır. Fî evâhir-i Zilhicce sene 1155 (16-24 Şubat1743)
Özet: Niğde Kalesi dizdarı Murteza’nın görevinde yolsuzluklar yapması ile ilgili Niğde
Kalesi Kethüdası Ahmet ve askerlerin şikâyetleri hakkında.
87/1
Ber-vech-i Arpalık Niğde Sancağı Mutasarrıfına ve Niğde Kādîsına Hüküm ki,
1. Niğde Kalˈasının kethüdâsı Ahmed ile neferât-ı kalˈa-i mezbûr gelüb neferâtlar ˈuhdelerine lâzım gelen hizmetlerin edâ idüb kusûrları
2. yoğiken kalˈa-i mezbûre dizdârı olan Niğde’de sâkin Murteza nâm kimesne ˈuhdesine lâzım gelen hizmeti edâ eylemediğinden
3. mâˈadâ devr-i ebvâb ve neferât-ı kalˈanın baˈzısından bin yüz elli (boşluk) senesinden beru izn ve levend akcası nâmıyla hilâf-ı şerˈ
4. ahz-ı ruşvet ve küllî akcaların alub ve emr-i şerîfimle kalˈa bendi fermânım olan kimesnelerin ruşvetlerin ahz ve karâr itdirilüb
5. ve neferât-ı kalˈanın üzerlerine şerˈan bir nesne sâbit olmadın hilâf-ı şerˈ tecrîm ve tağrîm ve bunun emsâli zulm ve taˈaddîsinin nihâyeti
6. olmaduğun bildirüb şerˈle görülüb icrâ-yı hakk ve mezbûrun keyfiyet-i ahvâlîni der-devlet-medâra ˈarz ve iˈlâm olunmak
7. bâbında emr-i şerîfim recâ eyledikleri ecilden şerˈle görülmek içün yazılmışdır. Fî evâhir-i Zilhicce sene 1155 (16-24 Şubat1743)
Özet: Konya Sancağı’nda Hatunsaray Nahiyesi’nde ve başka köylerde mutasarrıf olan
Mehmet Bey’in tasarrufunda olan Turgut Nahiyesi’ndeki bazı mezraların mahsül ve rusumuna Esbkeşan voyvodası tarafından müdahale edilmesi ile ilgili Mehmet Bey’in şikâyeti hakkında.
87/2
Karaman Vâlîsine Turgud ve [boşluk] Kādîlarına Hüküm ki,
1. Erbâb-ı tımâr tekāˈüdlerinden Mehmed nâm tekāˈüd gelüb Konya Sancağı’nda Hatunsaray Nâhiyesi’nde Halsa (?) nâm karye ve gayrıdan on iki bin dokuz yüz
131
2. yirmi yedi (12.927) akca tımâra ber-vech-i tekāˈüd berât-ı şerîfimle mutasarrıf olub Turgud Nâhiyesi’ne tâbiˈ müşterekiyle bunun tımârı mülhakātından Akbınar Karyesi
3. icmâline dahî Mezraˈa-i Tamlarcık ve Mezraˈa-i Beşkavak ve Mezraˈa-i Sazviran ve Tuğluk mezraˈalarında Esbkeşan voyvodasının
4. alâkası olmayub bir-vechile dahl icâb itmez iken zikr olunan mezraˈaların mahsûlâtına hilâf-ı defter-i hâkānî fuzûlî müdâhaleden
5. mâˈadâ perâkende olan hâssı reˈâyâsının rusûmâtını sizden alırım deyu zikr olunan Akbınar Karyesi reˈâyâlarını taˈcîz ve rencîde
6. eyledüğünden gayrı sâlifuˊz-zikr Tuğlak Mezraˈası tobrağında zirâˈat ve herâset iden sibâhîmize Hacılu Kethüdâsı Kara Süleyman ve
7. Hacı Süleyman nâm kimesneler mütegallibeden olmalarıyla birkaç seneden beru ˈöşrlerin edâda taˈallül ve muhâlefet itmeleri mahsûlüne gadr-i küllî
8. eylediklerin bildirüb zikr olunan karye ve mezraˈalar mûceb-i defter-i hâkānî müşterekiyle buna zabt ve vâkıˈ olan mahsûlât ve rusûmâtı
9. ahz ve kabz itdirilüb hâss-ı mezbûr voyvodası tarafından dahl ve taˈarruz itdirilmeyüb menˈu defˈ olunmak bâbında mezbûrların
10. zimmetlerinde tevcîh iden ˈöşr ve mahsûlâtı tahsîl olunmak bâbında emr-i şerîfim recâ ve Defterhâne-i ˈÂmire’mde mahfûz olan
11. ruznâmçe-i hümâyûnum ve defter-i icmâl ve mufassala mürâcaˈat olundukda Turgud Nâhiyesi’ne tâbiˈ yedi nefer reˈâyâ ve hâsıl-ı tahtında gendüm
12. ve şaˈîr yekûn maˈa gayrihâ bin beş yüz (1500) akca yazar Karye-i Akbınar ve hâsıl-ı ˈöşr ve gallât ve salârı-yı gendüm havâle yekûn gayrihâ
13. bin yüz akca (1100) yazu ile Mezraˈa-ı Tamlarcık maˈa Bozca Ovabel (?) ve hâsıl ˈan-teslîm ve gayrihi bin akca (1000) yazu ile Mezraˈa-ı
14. Beşkavak ve Sazviran ve Tuğlak ve Karacaviran ve Hızırbey Bazarı ve Beşkavak deyu defter-i mufassalda muharrir kalemiyle başka başka
15. tahrîr ve defter-i icmâlde bir görülüb on yedi bin beş yüz (17.500) akca bir icmâl ve icmâl-i mezbûrun dört bin iki yüz elli (4250) akcası
16. mezkûr Mehmed veled-i Abdullah ve bâkīsı müşterekleri kaydında ve yüz kırk yedi senesinde bâ-fermân-ı alî Defterhâne-i ˈÂmire’mde mahfûz olan
17. Esbkeşan reˈâyâsı mukātaˈası defteri yazulduğu mahalde Turgud Kazâsı’na tâbiˈ on bir nefer reˈâyâ iki Karye-i Yörükân
132
18. ve tahtında dokuz nefer cemâˈatgirîn sâkin karye-i mezbûr ve mezraˈagân-ı mezbûrların yurdlarıdır deyu defter-i ˈatîkde mukayyed olmağla kemâ-kân
19. defterde kayd olunmuşdur deyu kurâ-i sâˊiresiyle ol-dahî defter-i hâkānîde mestûr olduğu üzere defter-i mezbûrda muharrir kalemiyle tahrîr olmağın ber-mûceb-i
20. defter-i hâkānî tarafının icmâl ve mufassalı başka ve Esbkeşan tarafı dahî başka olduğun biˊl-fiˈil
21. defter emîni olan Seyyid Ali Kâtibi dâme mecduhu ˈarz itmeğin defter emîni ˈarzı mûcebince ˈamel olunmak içün yazılmışdır. Fî evâhir-i Zilhicce sene 1155 (16-24 Şubat1743)
Özet: Niğde Kazası ahalilerinden Seyit Ali ve bazılarının paralarının Hacı Hüseyin ve
beraberindeki kişiler tarafından gasp edilmesi ile ilgili şikâyetleri ve geri alınması talepleri hakkında.
87/3
Karaman Vâlîsine Niğde ve [boşluk] Kādîlarına Hüküm ki,
1. Niğde Kazâsı’na tâbiˈ Bernek/Bertek (?) nâm karyeden Seyyid Ali ile ahâlî-yi karyeden baˈzıları gelüb bunlar kendü hâllerinde olub
2. yine karye-i mezbûreden Hacı Hüseyin ve refîki Torun Hüseyin ve İbrahim ve kızı Ümmü (boşluk) nâm kimesneler kendü hâllerinde
3. olmadıklarından bin yüz elli (boşluk) senesinden beru hevâlarına tâbiˈ yalan şâhidleriyle mevâdd isnâdıyla üzerlerine şerˈan
4. bir nesne sâbit olmadın rencîde eylediklerinden mâˈadâ ehl-i ˈörf tâˊifesine istinâden bi-gayr-ı hakkın üç yüz elli (350) guruş akcaların
5. gasb ve zulm-i sarîh eylediklerin ve bu bâbda fetvâ-yı şerîfeleri olduğun bildirüb yedlerinde olan fetvâ-yı şerîfe mûcebince
6. şerˈle görülüb alıvirilmek bâbında mahallinde şerˈle görülmek içün yazılmışdır. Fî evâhir-i Zilhicce sene 1155 (16-24 Şubat1743)
Özet: Akşehir Kazası ahalisinin muhtarları olan Hacı Mehmet’e emaneten verdikleri
parayı geri istediklerinde Hacı Mehmet’in vilayet işleri için harcadığını söyleyerek ahalinin parasını vermemesi ile ilgili olarak ahalinin şikâyeti ve paralarının tahsil edilmesini talep etmesi hakkında.
133
Karaman Vâlîsine ve Akşehir Nâˊibine Hüküm ki,
1. Sen ki nâˊib-i mûmâ-ileyh Mehmed zîde ˈilmuhusun Südde-i Saˈâdet’ime mektûb gönderüb kazâ-i mezbûr ahâlîsi bâ-cemˈihim meclis-i şerˈa varub
2. üzerlerine edâsı lâzım gelen emr-i şerîfimle vâkıˈ olan tekâlîfden tahammüllerine göre hisselerine düşeni bundan akdem
3. beynlerinde cemˈ ve tevzîˈ ve tahsîl eyledikleri iki bin beş yüz (2500) guruş bin yüz (1100) akcaları mahallinde edâ edinceye dek cümle maˈrifeti
4. ve maˈrifeti şerˈle muhtârları olan yine kazâ-i mezbûrda sâkin Bezzastan şeyhi olan Hacı Mehmed nâm kimesneye bin yüz
5. senesinde emâneten teslîm olunub baˈdehu alub mahalline virmek murâd eylediklerinde mezbûr meblâğ-ı mezkûru virmeyüb ve bunlar vilâyet umûruna sarf eyle deyu mezkûra emr itmiş değiller iken şirrete sülûk ve ben meblağ-ı merkūmu vilâyet umûruna
6. sarf eyledüm deyu taˈaddî itmekle mezbûrun zimmetinde tekâlîfleri husûsu içün emâneten virdikleri meblağ-ı mezbûru tamâmen
7. tahsîl olunmak bâbında emr-i şerîfim virilmek recâsına vâkıˈ hâli bi’l-iltimâs ˈarz eyledikleri ecilden mahallinde şerˈle görülmek içün yazılmışdır. Fî evâhir-i Zilhicce sene 1155 (16-24 Şubat 1743)
Özet: Seyit Mehmet ve annesinin, Mehmet ve Yunus ile problemli oldukları hamam
konusunda anlaşmaya varmaların rağmen memnun olmayarak Mehmet ve Yunus’un paralarını gasp etmeleri ile ilgili kişilerin şikâyetleri ve paralarının geri alınmasını talep etmeleri hakkında.
87/5
Karaman Vâlîsine Konya Kazâsı Nâˊibine Hüküm ki,
1. Mehmed ve diğer Mehmed ve Yunus nâm kimesneler gelüb bunların üzerlerine 2. şerˈan bir nesne sâbit olmuş değil iken kazâ-i mezbûrda sâkin Seyyid Mehmed 3. ve vâlidesi Şerife Hava nâm hatun ile mülk hammâm nizâˈları olub
4. murâfaˈa olduklarında muˈârazadan menˈ birle hüccet virilmişken mezbûrlar 5. memnûˈ ve mündefˈolmayub bunların hilâf-ı şerˈ bin yüz elli (boşluk) senesinde 6. ehl-i ˈörfe istinâden altı yüz (600) guruş alub gadr-i küllî eyledükde
7. ve fetvâ-yı şerîfesi olduğun bildirüb zâbitleri maˈrifetiyle şerˈle görülüb
8. hilâf-ı şerˈ aldıkları alıvirilmek bâbında hükm-i hümâyûnum recâ itmeğin şerˈle görülmek içün yazılmışdır. Fî evâhir-i Zilhicce sene 1155 (16-24 Şubat 1743)
134
Özet: Seyit Ahmet’in Sultan Alâeddin Cami-i Şerifi Vakfı’nın gelirlerini kendisi için
kullanması, vakıf malının harap olmasına sebep olması ile ilgili Sultan Alâeddin Cami-i Şerifi Vakfı’nın mütevellisi Seyit Haydar’ın şikâyeti hakkında.
88/1
Karaman Vâlîsine ve Akşehir Kazâsı Nâˊibine Hüküm ki,
1. Akşehir’de vâkıˈ müteveffâ Sultan Alâˊeddin Câmiˈ-i Şerîfi Vakfı’nın nukūd-ı mevkūfesinin biˊl-fiˈil berât-ı şerîfimle mütevellîsi olan
2. sâdât-ı kirâmdan es-Seyyid Haydar zîde şerefuhu Südde-i Saˈâdet’ime ˈarzuhâl idüb bundan akdem vakf-ı mezbûr mütevellîsi olub baˈdeˊl-azl hâlâ kazâ-i mezbûrda
3. sâkin Ahmed nâm kimesne ziyâde tamaˈkâr mütegallibeden olmağla hevâsına tâbiˈ babası Abdullah nâm kimesne ile yekdil ve bu tevliyyeti hâlinde vakf-ı şerîfin nukūdunu
4. sadâkāt ve istikāmet üzere hıfz itmeyüb câmiˈ-i mezbûr harâbe müşrîf ve taˈmîr ve termîme muhtacdır deyu baˈzı kimesnelere istinâden tahmilinden ziyâdeye
5. keşf ile mâl-ı vakfı ekl ve belˈve itlâf ve izâˈat eylediği mâl-ı vakfdan zimmetinde zuhûr iden maˈrifet-i şerˈle biˊt-tevliye alub vakf içün
6. hıfz itmek istedikde mezbûr muhâsebesin görmekde taˈallül ve ol-vechile vakf-ı şerîfe küllî gadr eyledüğün ve husûs-ı mezbûr minvâl-i muharrer üzere
7. oldığın sen ki nâˊib-i mûmâ-ileyhsin ˈarz eylediğin bildirüb mütevellî-yi sâbık-ı merkūm Ahmedˈin maˈrifet-i şerˈle muhâsebesin görülüb
8. zimmetinde zuhûr iden mâl-ı vakfı tahsîl ve biˊt-tevliye buna alıvirilüb vakfı içün sâdakāt ve istikāmet üzere hıfz itdirilmek
9. bâbında emr-i şerîfim recâ itmeğin şerˈle görülmek içün yazılmışdır. Fî evâhir-i Zilhicce sene 1155 (16-24 Şubat 1743)
Özet: Ereğli-yi Karaman Kasabası sakinlerinden Ayşe Hanım’ın, eşini vekil tayin ederek
Kasım Beyle olan davasının görülmesinden kaçınması ile ilgili Kasım Bey’in şikâyeti hakkında.
88/2
Ereğli-yi Karaman ve [boşluk] Kādîlarına Hüküm ki,
1. Kasım nâm kimesne gelüb bunun Ereğli-yi Karaman Kasabası mahallâtından Abdi Halîfe Mahallesi sâkinelerinden Mustafa Ağa Kızı
135
2. dimekle maˈrûf Âişe nâm hatun ile bin yüz elli (boşluk) senesinde mülk hân daˈvâları olmağla bundan akdem
3. mezbûre kıbel-i şerˈden daˈvet-i şerˈ olundukda mücerred ızrâr kasdıyla mücerredlerinden