2. Kayseriyye sâkinlerinden Hacı Osman Halîfe nâm kimesneye bin yüz elli (boşluk) senesinde
3. cihet-i kefâletden yüz elli (150) guruş deyni olub beher sene bunun üzerine 4. devr-i şerˈî ve lâzım-ı rıbh olunmuş değil iken mezbûr her sene
5. otuzar guruşdan bilâ-devr murâbaha nâmıyla asl-ı mâldan ziyâde üç yüz (300) 6. guruş akcası alub ziyâde gadr itmekle baˈdehu bu dahî bilâ-devr rıbh-ı mezbûrun 7. asl-ı mâl mikdârını asliyye tutub ziyâdesini giru istirdâd
8. itmek istedikde bi-vech-i şerˈî taˈallül ve gadr sevdâsında olduğun ve bu bâbda 9. daˈvâsına muvâfık fetvâ-yı şerîfe virüldüğün bildirüb fetvâ-yı şerîfe
10. mûcebince şerˈle görülüb icrâ-yı şerˈ ve ihkāk-ı hakk olunmak bâbında hükm-i hümâyûnum recâ itmeğin şerˈle görülmek içün yazılmışdır. Fî evâˊil-i Zilkaˈde sene 1155 (28 Aralık 1742-6 Ocak 1743)
Özet: İncesu Kazası’nda serdar olan Altmışyedi Cemaati’nin Bölükbaşı Mehmet Bey’in
serdarlığının kaza ahalisinin kendisiyle ilgili olumlu görüşe sahip olmasına rağmen, Uzun Mustafa Beşe ve Cebeci Hüseyin Beşe tarafından tanınmaması üzere İncesu Kazası naibinin Mehmet Bey’e müdahale edilmemesini talep etmesi hakkında.
67
70/1
İncesu Kazâsı Nâˊibine Hüküm ki,
1. Sen ki İncesu Kazâsı Nâˊibi Mevlânâ Kasım zîdeˈ ilmuhusun Südde-i Saˈâdet’ime mektûb gönderüb İncesu Kazâsı’nda hâlâ
2. serdâr olan Altmışyedi Cemâˈati’nin Bölükbaşı Mehmed zîde kadruhu bu sene serdârlık mektûbunu mahfil-i
3. şerˈe götürüb kuzât-ı merkūm mahzârında kırâˈat olundukda içlerinden Uzun Mustafa Beşe ve Cebeci
4. Hüseyin Beşe dimekle maˈrûf kimesne mahfil-i şerˈde cevaba tasaddî ve serdârlık mektûbunu teslîm-i kayd ve
5. sebt-i sicîl olunduğu halde dahî biz ve etbâˈımız merkūm Mehmed’e itâˈat itmezüz deyüb bir mahalle cemˈ
6. ve merkūm Serdâr Mehmed’in sû-i hâlini müşˈîr ve ifk u iftirâları mutazammın mahzâr peydâ ve merkūm Serdâr
7. Mehmed’in ahvâli ahâli-yi vilâyetden suˊâl olundukda ˈulemâ ve sulehâ ve eˊimme ve hutebâ ve reˈâyâ ve berâyâ merkūm
8. Serdâr Mehmed çeri ve cesur ve yaramazın hakkından gelür ve ehl-i ˈırz olanlar rahat olurlar deyu
9. meclis-i şerˈde haber virdiklerini biˊl-iltimâs sen ˈarz ve İncesu Kazâsı’nda hâlâ serdâr olan 10. Altmışyedi Cemâˈati’nin merkūm Mehmed’in hüsn-i hâlini müşˈîr ve kazâ-i mezbûr
sükkânından Uzun
11. Mustafa Beşe ve Cebecioğlu Hüseyin Beşe dimekle maˈrûf kimesneler kendü hâllerinde olmayub bâlâda
12. tahrîr olunduğu üzere ve kendileri mutazammın iˈlâmı mûcebince sâdır olan fermân-ı ˈâlîye imtisâlen
13. mezbûrdan kimesneleri baˈdeˊl-yevm kendü hallerinde olmak üzere mahallinde maˈrifet-i şerˈle tenbîh olunub
14. mezbûr serdâr-ı merkūm muhâlefet zımnında yavuz hareketleri ve gerek bir ferde taˈaddîleri vâkıˈ olur ise
15. haklarından gelmek üzere keyfiyetleri ˈarz ve ˈi’lâm olunmak bâbında biˈl-fiˊil Dergâh-ı Muˈallâm yeniçerileri
68
16. ağası olan vezîrim Hasan Paşa edâmallâhu taˈâlâ iclâluhuya iˈlâm itmeğin iˈlâmı mûcebince ˈamel olunmak içün yazılmışdır. Fî evâˊil-i Zilkaˈde sene 1155 (28 Aralık 1742-6 Ocak 1743)
Özet: Mehmet Bey’in Sivas ve Konya sancaklarında Budaközü ve başka nahiyelerde
tasarrufunda olan toprakların mahsül ve rusumuna Esbkeşan Mukataası voyvodalarının kendi tasarruflarındaki toprakların mahsül ve rusumuna kanaat etmeyerek müdahale etmesi ile ilgili Mehmet Bey’in şikâyeti hakkında.
70/2
Karaman Vâlîsine ve Eskiil ve Kādîlarına Hüküm ki,
1. Zuˈamâdan Mehmed zîde kadruhu gelüb Sivas ve Konya sancaklarında Budaközü ve gayrı nâhiyelerde Karalar nâm karye
2. ve gayrıdan yirmi bin dört yüz (20.400) akca zeˈâmete berât-ı şerîfimle mutasarrıf olub zeˈâmeti mülhakātından Konya Sancağı’nda Eskiil Nâhiyesi’nde
3. yedi yüz akca (700) yazusu olan İki Konun Yeri müstakıllen mûmâ-ileyhin zeˈâmeti mülhakātından olub âhardan bir-vechile dahl olunmak icâb
4. itmez iken Esbkeşan Mukātaˈası mülhakātından Eskiil Kazâsı’nda Gene Mezraˈasında yetmiş dört nefer reˈâyâ ve Mezraˈa-i Gene ve Çiftlikiller
5. müstakıl yurtlarıdır deyu ber-mûceb-i tahrîr-i cedîd ve defter-i hâkānîde mukayyed olmağla mukātaˈa-i merkūm voyvodaları ber-mûceb-i defter-i hâkānî mukātaˈa-i
6. mezbûreye hâsıl kayd olunanı ˈahz u kabza kanâˈat itmeyüb hilâf-ı defter-i hâkānî ve mûmâ-ileyhin yedinde olan berât-ı şerîfime mugâyir
7. zeˈâmeti mülhakātından sâlifuˊz-zikr karyesinin zeˈâmeti tarafına ˈâˊid olan mahsûl ve rusûmuna fuzûlî müdâhale ve taˈaddî
8. eyledüğün bildürüb defter-i hâkānî mûcebince ˈamel olunub hilâf-ı defter-i hâkānî taˈaddîleri menˈu defˈ olunmak bâbında hükm-i hümâyûnum
9. recâ ve Defterhâne-i ˈÂmire’mde mahfûz olan ruznâmçe-i hümâyûn ve defter-i icmâl ve mufassala mürâcaˈat olundukda Eskiil
10. Nâhiyesi’ne tâbiˈ on bir nefer reˈâyâ ve hâsıl-ı tahtında gendüm ve şaˈîr yekûn maˈa gayrihâ yedi yüz (700) akca yazar karye-i İki Konun Yeri
11. defter-i mufassalda muharrir kalemiyle tahrîr ve defter-i icmâlde maˈa gayrihi üç bin dokuz yüz (3900) akca bir icmâl ve icmâl-i mezbûr tamâmen
69
12. merkūm Mehmed kaydında ve yüz kırk yedi senesinde bâ-fermân-ı ˈâlî Defterhâne-i ˈÂmire’mde mahfûz olunan Esbkeşan Reˈâyâsı
13. Mukātaˈası ve defteri yazıldığı mahalde Eskiil Kazâsı’na tâbiˈ yetmiş üç nefer reˈâyâ ile der-Karye-i Gene Mezraˈa-i Gene ve Çiftlikiller
14. müstakıl yurtlarıdır deyu mukayyed kemâ-kân ve deftere kayd olundu ve cemâˈat-i mezbûrenin ellerinde hüccet-i şerˈiyyeleri vardır
15. mûcebince ˈamel oluna gelmişdir deyu defterhânede mestûr olduğu üzere kurâ-i sâˊiresiyle ol-dahî muharrir kalemiyle defter-i
16. mezbûrda tahrîr olunmağın ber- mûceb-i defter-i hâkānî zeˈâmet-i mezbûrenin icmâl ve mufassalı başka ve Esbkeşan tarafı
17. dahî başka olduğun biˈl-fiˈil Defter Emîni olan Seyyid Ali Kâtibi ˈarz itmeğin defter emîni ˈarzı mûcebince
18. ˈamel olunmak içün yazılmışdır. Fî evâsıt-ı Zilkaˈde sene 1155 (7-16 Ocak 1743)
Özet: Aksaray Kazası’na bağlı Ihlara Köyü sakinlerinden Seyfullah, Hasan ve
beraberindeki kişilerin Halveli Köyü sakinlerinden Ahmet’e kendilerine karşı olumsuz bir durumda onların kefilleri olduğunu söylemeleri ve zararlarını karşılayacaklarına söz vermelerine rağmen Ahmet ve babasının hapis edilerek paralarının gasp edildiğinde sözlerini tutmamaları ile ilgili Ahmet’in şikâyeti hakkında.
70/3
Karaman Vâlîsine ve Aksaray Kādîsına Hüküm ki,
1. Aksaray Kazâsı’na tâbiˈ Halveli nâm karye sâkinlerinden Ahmed gelüb yine kazâ-i mezbûra tâbiˈ Ihlara nâm karye sükkânından Seyfullah ve Hasan ve Mehmed
2. ve diğer Mehmed nâm kimesne bin yüz elli (boşluk) senesinde bir husûsları içün bunu ve babası Mehmed nâm kimesneyi ehl-i ˈörf tâˊifesine irsâl
3. ve eğer ehl-i ˈörf tâˊifesi tarafından zulmen mülkün ahz olunur ise biz zâmin u kefîlleriz deyu taˈahhüd eylediklerinden sonra ehl-i ˈörf
4. tâˊifesi bunları habs ve babası mezkûr mahbûs oldığı halde fevt oldığından mâˈadâ bunun zulmen bin iki yüz (1200) guruşu
5. ahz olunmağla bu meblağ-ı mezbûru merkūmlardan taˈahhüd ve tekfîl eylediklerine binâˊen taleb eyledikde kırk (40) guruş virüb kusûrunu
6. bi-vech-i şerˈî ˈillet ve bahâne ile edâda taˈallül ve muhâlefet ve gadr-i küllî eylediklerin ve bu bâbda fetvâ-yı şerîfesi olduğun bildirüb
70
7. mûcebince şerˈle görülüb tevcîh iden hakkı tamâmen tahsîl ve ihkāk-ı hakk olunmak bâbında hükm-i hümâyûnum recâ eyledüğü ecilden şerˈle görülmek içün yazılmışdır. Fî evâˊil-i Zilkaˈde sene 1155 (28 Aralık 1742-6 Ocak 1743)
Özet: Barçın Kazası’nda Boynuboğumlu Cemaati’nden Hacı Mustafa’nın mallarının ve
parasının Musacalı Aşireti’nden Kamber Bey, Mehmet Bey ve beraberindeki kişiler tarafından gasp edilmesi ve görevlendirilen mübaşir yardımıyla bu kişilere engel olunmasının talep edilmesi hakkında.
71/1
Karaman Vâlîsi Vezîre ve [boşluk] ve Kādîlarına ve Kütahya Mütesellimine ve Ankara Sancağı Mütesellimine Hüküm ki,
1. Biˈl-fiˊil Daru’s-Saˈâdet’im ağası olub Haremeyn-i Şerîfeyn Evkāfı nâzırı olan el-Hâcc Beşir Ağa dâme ˈuluvvuhu ˈarz gönderüb taht-ı nezâretinde olan evkāfdan
2. Üsküdar’da vâkıˈ merhūm ˈAtîk Vâlide Sultan tâbe sarâha evkāfından Yeniil ve Türkman-ı Haleb Havâssı aklâmından Barçın Kazâsı’nda sâkin
3. Boynuboğumlu Cemâˈati’nden Hacı Mustafa nâm kimesne dâˊimâ kendü hâliyle mukayyed olub hilâf-ı şerˈ-i şerîf kimesneye vazˈ ve hareketi yoğiken Musacalı ˈAşîreti’nden
4. Kamber Bey ve Mehmed Bey ve Hacı Kethüdâ ve Çakır ve Şev Ahmedoğlu Mehmed ve Herik Uşağı dimekle maˈrûf ve havâdarları maˈlûmu’l-esâmî
5. şakīler birbirleriyle ittifak ve bin yüz elli (boşluk) senesinde bunun maˈlûmu’l-mikdâr akca ve eşyasın gasb ve gâret eylediklerinden
6. mâˈadâ bu defˈa göçeklerinin önlerine inüb talâk-ı selâseye şart virdiklerinden sonra merkūm Hacı Mustafa Bey bi-gayr-ı hakkın
7. beş yüz (500) guruşunu alub dürlü dürlü mezâlim ile fukarâyı rencîde ve şerˈ ve mazarratlarından ahvâl-i fukarâ diğer gûn perâkende
8. ve perîşân olacakları nümâyân olduğun merkūm Hacı Mustafa ˈarzuhâl birle istirhâm itmeğin eşkıyâ-yı mezbûrûna
9. mübâşir taˈyîn olunan (boşluk) zîde kadruhu maˈrifetiyle ahz ve hüsemâsıyla terâfuˈ ve zimmetlerinde sâbit olan meblağ-ı mezbûr ile
10. hukūk-ı fukarâ ber-muktezâ-yı şerˈ kavîm tahsîl ve ashâbına redd ve teslîm itdirilüb emr-i şerîfimin mazmûn-ı münîf
71
11. maˈrifet-i şerˈ ve mübâşir-i merkūm mâˈrifetiyle infâz olunmak içün nâzır-ı vakf olan ağa-yı müşârun-ileyh ˈarz ve sâdır olan
12. fermân-ı ˈâlî mûcebince emr-i şerîfim sudûru bâbında Haremeyn Muhâsebesi kaleminden memhûr tezkîre virilmekle vech-i meşrûh üzere
13. ˈamel olunmak bâbında fermân-ı ˈâlî yazılmışdır. Fî evâhir-i Zilkaˈde sene 1155 (17-26 Ocak 1743)
Özet: Barçın Kazası’nda Boynuboğumlu Cemaati’nden Osman’ın mallarının ve eşyasının
Musacalı Aşireti’nden Yusuf tarafından gasp edilmesi ve görevlendirilen mübaşir yardımıyla Yusuf’a engel olunmasının, malların ve eşyanın geri alınmasının talep edilmesi hakkında.
71/2
Karaman Vâlîsine ve [boşluk] ve [boşluk] ve [boşluk] Kādîlarına ve Kütahiyye Mütesellimine ve Ankara Sancağı Mütesellimine Hüküm ki,
1. İftiharuˊl-havâss veˊl-mukarrebîn muˈtemedüˊl-mülûk veˊs-selâtîn muhtâruˊl-ˈizz veˊt-temkîn biˈl-fiˈil Daru’s Saˈâdet’im ağası olub Haremeyn-i Şerîfeyn Evkāfı nâzırı
2. olan el-Hâcc Beşir Ağa dâme ˈuluvvuhu Südde-i Saˈâdet’ime ˈarz gönderüb taht-ı nezâretinde olan evkāfdan Üsküdar’da vâkıˈ merhûm ˈAtîk
3. Vâlîde Sultan tâbe sarâha vakfı olan Yeniil ve Türkman-ı Haleb havâssı aklâmından Barçın Kazâsı sâkinleri
4. Boynuboğunlu Cemâˈati’nden Osman nâm kimesne dâˊimâ kendü hâliyle mukayyed olub hilâf-ı şerˈ-i şerîf kimesneye vazˈ ve taˈaddîsi yoğiken Musacalu
5. ˈAşîreti’nden Yusuf nâm şakī bin yüz elli (boşluk) senesinde âlet-i harb ile katl kasdıyla bunun üzerine hücûm ve bu dahî bir tarîkle
6. nefsini tahlîs eyleyüb baˈdehu mezbûr havâdarları olan eşkıyâyı başına cemˈ ve bunun