5. reˈâyâ-perver ve cümlesi hoşnûd ve râzı ve sene-i âtiye dahî tâlib oldukda virmeyüb yine zaleme ve mütegallibeden kimesneye virüb mültezim-i
6. mezkûrun reˈâyâya zulm ideceği beridâr olmağla ˈazl idüb karye-i mezbûreyi mezkûr Hacı Ali’ye derˈuhde itmeleri içün
7. emr-i şerîfim sudûrunu istirhâm ve iltimâslarıyla sen ki İshaklı Nâˊibi Mevlânâ Mustafa zîde ˈilmuhusun ˈarz ve bu makūle reˈâyâ
8. ve tımâr karyeleri subaşıları zalemeden olub reˈâyâ fukarâsına zulm ve taˈaddîsi mukarrer ise şartıyla ˈazl ve yerine bir dindâr ve müslîm
9. ve reˈâyâya enfaˈ kimesne subaşı nasb itdirilmek kānûn olmağla kānûn üzere şürûtuyla emr-i şerîf tahrîri
10. bâbında biˊl-fiˈil Reîˊsuˊl küttâbım Mehmed Râgıb dâme mecduhu iˈlâm itmeğin iˈlâmı mûcebince ˈamel olunmak içün yazılmışdır. Fî evâsıt-ı Zilhicce sene 1155 (6-15 Şubat 1743)
119
Özet: Seyit Ali’nin, altın ve mallarını çalarak kaçan kölesini yanında bulunduran Halil
Ağa ve Ferit Ahmet Ağa’dan kölesinin, altın ve eşyalarının geri alınmasını talep etmesi hakkında.
83/5
Karaman Vâlisine ve Bor ve Niğde Kādîsına Hüküm ki,
1. Seyyid Ahmed zide şerefuhu gelüb bunun ˈabd-i memlûkü Gürciyyüˊl-asl Ali nâm 2. gulâmı bin yüz elli (boşluk) senesinde iki bin beş yüz guruşluk altun ve üç yüz 3. guruşluk eşyâsın ahz ve firâr ve Bor Kazâsı’na tâbiˈ Kelisahisar nâm karye 4. sâkinlerinden Halil Ağa dimekle maˈrûf kimesne ile Niğde Kazâsı sâkinlerinden 5. Ferit Ahmed Ağa dimekle meşhûr kimesneler birbirleriyle yekdil ve bunun 6. gulâm-ı mezkûru ve yedinde olan ol-mikdâr altun ve eşyâsın
7. ahz u kabz idüb ve mezbûrlar dahî ikrâr ve iˈtirâf dahî
8. itmişler iken virmeyüb zimmetlerinde kalub ziyâde gadr ve taˈaddî eyledikleri
9. ve yedinde daˈvâsına muvâfık Şeyhuˊl-İslâm’dan fetvâ-yı şerîfe ve hüccet-i şerˈiyyesi 10. olduğun bildirüb mahallinde şer’le görülüb gulâm ve eşyâ ve altunu
11. tamâmen tahsîl ve alıvirilüb icrâ-yı hakk olunmak bâbında hükm-i hümâyûnum
12. recâ eylediği ecilden mahallinde şer’le görülmek içün yazılmışdır. Fî evâsıt-ı Zilhicce sene 1155 (6-15 Şubat 1743)
Özet: Kayseri sakinlerinden tüccar İbrahim’in koyun ticareti amacıyla gittiği Kırşehir
Kazası Kesik Köyü’nde misafirken köy sakinlerinden Deli Yakup ve beraberindeki kişiler tarafından altınlarının çalınması ile ilgili İbrahim’in şikâyeti ve davasının görülmesi talebi hakkında.
84/1
Karaman Vâlîsine ve Kırşehri Kādîsına ve Konya Kazâsı Nâˊibine Hüküm ki,
1. Kayseriyye sâkininden tüccar tâˊifesinden el-Hâcc İbrahim nâm kimesne gelüb bu bunun Kırşehri Kazâsı’na tâbiˈ Kesik nâm karyeye kendü akcası
2. ile koyun iştirâ itmek içün nüzûl ve müsâfireten sâkin iken karye-i mezbûr ahâlîsinden Deli Yakub ve Sarı Hasan oğlu Süleyman
3. ve Şemseddin oğlu Deli Nebi ve Ali’nin oğlu Hüseyin ve Hatiboğlu Hasan dimekle maˈrûf şakīler kendü hâllerinde olmayub hevâlarına
4. tâbiˈ rufekālarından maˈlûmuˊl-esâmî dokuz nefer kimesne ile yekdil ve hilâf-ı şerˈ-i şerîf bin yüz elli senesinde sâkin olduğu odasına
120
5. girüb sekiz yüz otuz üç (833) guruşluk mahlût altununu sırka idüb gadr itmeleriyle bundan akdem Kırşehri Mahkemesi’nde
6. mürâfaˈa olmak istediğinde mezkûrların hevâlarına tâbiˈ Türkman tâˊifesinden baˈzı kimesneler ile sabıkan Kastamonu Mütesellimi Küçük İbrahim
7. dimekle maˈrûf kimesne sâhib çıkub muˈîn-i kesîreleri olduğundan bunu cebren Ürgüb Kazâsı’na götürüb anda mürâfaˈa-i şerˈ-i
8. şerîf olduklarında mezbûrûndan şerˈan yemîn teklîf olundukda yemînden nükûl ve sulhâ tâlib olmuşlar iken muˈîn-i kesîreleri sebebiyle
9. bir-vechile icrâ-yı hakk olunmayub üç aydan beru ehl (ü) ˈiyâlinden gadr olub ziyâde gadr-i küllî olduğun ve bu bâbda fetvâsı
10. olduğun bildirüb ol-bâbda istidˈâ-yı ˈinâyet itmeğin mahallinde şer’le görülüb ihkāk-ı hakk olunmaz ise Konya’ya ihzâr olunmak emrim olmuşdur. Fî evesât-ı Zilhicce sene 1155 (6-15 Şubat 1743)
Özet: Larende Kazası’nda müftü olan Seyit Mehmet ve akrabalarının ahaliden bazılarının
İçil Sancağı’na göç etmelerine varacak kadar vergi toplama faaliyetlerinden kaynaklanan yaptıkları kötülükler ile ilgili Larende Kazası ahalisinin şikâyeti hakkında.
84/2
Müftü-yi mezbûr fetvâdan hicr ve kayınbabası dahî (…) ˈazl ve fîmâ-baˈde umûrlarına karışmamak üzere emr-i şerîf yazıldı. Fî evâhir-i Rebiˊuˊl-evvel sene 1157 (4-13 Mayıs 1744)
Karaman Vâlîsine Larende Kādîsına Hüküm ki,
1. Larende Kazâsı ahâlîsi rikâb-ı hümâyûnuma gelüb bunların kazâlarında müftü olan Seyyid Mehmed Efendi ve kayınbabası Seyyid
2. Abdullah Efendi ve akrabalarından Hacı Abdi oğlu Yahya dimekle maˈrûf kimesneler birbirleriyle yekdil ve yekcihed ve fukarâya
3. zulm ve taˈaddîlerinin nihâyeti olmayub bin yüz elli senesinden beru iki ayda bir vilâyet masrafı nâmıyla otuzar ve kırkar
4. kise akca fukarâya tevzîˈ ve salyâne ve cebren ve kahren tahsîl iderek karyeleri biˊl-külliye perâkende ve perîşân olub yalnız
5. Larende Kasabası kalmış iken yine kanâˈat itmeyüb bu vech üzere yine salyâne ve tevzîˈ ve tahsîl eylemeleriyle kasaba-i
121
6. mezbûrede dahî perîşâna yüz tutub bir seneden beru üç dört yüz kadar fukarâ evlerin kaldurub İçil
7. Sancağı semtlerine gidüb bu def’a sen ki vezîr-i müşârun-ileyhsin mezbûrlar Konya’ya ihzâr ve töhmeti sebebiyle
8. yirmi kise cerîme virüb halâs olub geldiklerinde meblağ-ı mezbûru on kise akca dahî zam ve otuz kiseden
9. yine fukarâya salyâne ve tevzîˈ ve cebren tahsîl murâd idüb ahvâlleri diğer gûn olduğun bildirüb sen ki vezîr-i müşârun-ileyhsin
10. maˈrifetin ve zâbitleri maˈrifetiyle şer’le görülüb hilâf-ı şerˈ-i şerîf aldıkları hukūk-ı ibâd ashâbına istirdâd
11. ve icrâ-yı hakk olunmak bâbında emr-i şerîfim recâ eyledikleri ecilden kıdvetuˊl-emâsil veˊl-akran (boşluk) zîde kadruhu
12. maˈrifeti ve maˈrifet-i şerˈle görülüb hilâf-ı şerˈ-i şerîf ve dabiˈa-i hâlkuˊl-berâyâ (ve) reˈâyâ fukarâsından aldıkları her ne ise
13. baˈdeˊs-sübût ashâbına istirdâd ve ihkāk-ı hakk olundukdan sonra vâkıˈ-ı hâli sûret-i sicillâtlarıyla ˈarz ve i’lâm olunmak içün yazılmışdır. Fî evâsıt-ı Zilhicce sene 1155 (6-15 Şubat 1743)
Özet: Medrese Mahallesi sakinlerinden Halil, İbrahim ve Mehmet Hasan isimli
sipahilerden Cemele Köyü sipahileri tarafından kendi köylerinde sakin olduklarını ve dolayısıyla köy ahalisinden olduklarını iddia ederek para talep etmeleri ve kişilere zulüm etmeleri ile ilgili kişilerin şikâyeti hakkında.
84/3
Karaman Vâlîsine Kırşehri Kādîsına Hüküm ki,
1. Kazâ-i mezbûr mahallâtından Medrese Mahallesi sâkinlerinden ebnâ-i sibâhîyândan Halil ve İbrahim ve Mehmed Hasan nâm sibâhîler gelüb bunlar erbâb-ı tımâr karyelerinden 2. kazâ-i mezbûra tâbiˈ Cemele nâm karyenin raˈiyyet ve raˈiyyeti oğullarından değil iken
karye-i mezbûrun sibâhîleri olan Altunlu Ali ve Halil nâm sibâhîler
3. zuhûr ve celb-i mâl sevdâsıyla on sene mukaddem siz bizim zikr olunan Cemele Karyesi’nde sâkin olur imişsiz buna takdirce tımârımız karyesinin reˈâyâsındansız
4. sizin mahalle-i mezbûrda mutasarrıf olduğunuz emlâkları furûht ve getürdüğünüzü karye-i mezbûrede iskân ve gâh rusûm-ı raˈiyyet mütâlebesiyle rencîdeden
122
5. hâlî olmadıkların bildürüb menˈu defˈ olunmak bâbında emr-i şerîfim recâ eyledikleri ecilden kānûn üzere ˈamel olunmak içün yazılmışdır. Fî evâhir-i Zilhicce sene 1155 (16-24 Şubat 1743)
Özet: Ereğli-yi Karaman Kazası Hortu Derbendi Köyü sakinlerinden Halil Bey ve Salih
evlerinde değilken evlerinin Aksaray sakinlerinden Hacı Mehmet tarafından basılarak zapt edilmesi ile ilgili şikâyetleri hakkında.
84/4
Karaman Vâlîsine Ereğli-yi Karaman ve [boşluk] Kādîlarına Hüküm ki
1. Ereğli-yi Karaman Kazâsı’na tâbiˈ Hortu Derbendi sükkânından eˊimmeden Halil zide salâhahu ile Emir Salih nâm kimesne Südde-i Saˈâdet’ime
2. ˈarzuhâl idüb bunlar bundan akdem diyâr-ı âharda iken Aksaray sâkinlerinden mütegallibeden Hacı Mehmed bin Hacı Hüseyin bin
3. yüz elli senesinde bunların hilâf-ı şerˈ-i şerîf ve kānûn on dört bâb mülk menzîllerin baˈzı mütegallibeye istinâd ile fuzûlî
4. ve tegallüben zabt ve hevâsına tâbiˈ kādîya istinâd ile ihkāk-ı hakk mümkün olmayub gadr ve taˈaddî eylediklerin bildirüb şer’le
5. görülüb fuzûlî zabt eyledikleri mülk menzîlleri alıvirilüb icrâ-yı şerˈ ve ihkāk-ı hakk olunmak bâbında hükm-i hümâyûnum recâ eyledikleri ecilden şerˈle görülmek emrim olmuşdur. Fî evâhir-i Zilhicce sene 1155 (16-24 Şubat 1743)
Özet: Niğde Kazası sakinlerinin işlerini görmesi için vekil seçtikleri, kendisinden razı ve
hoşnut oldukları Süleyman Bey’e müdahale etmek gerekmezken bazılarının müdahale etmesi ile ilgili Niğde Kazası sakinlerinin şikâyetleri hakkında.
85/1
Niğde Kazâsı Nâˊibine Hüküm ki
1. Sen ki mevlânâ-yı mûmâ-ileyh Seyyid Ahmed zîde ˈilmuhusun mektûb gönderüb Niğde Kazâsı’nda sâkin ˈulemâ ve sulehâ ve eˊimme ve hutebâ ve sâdât-ı kirâm ve sâˊir
2. reˈâyâ fukarâsı cemˈ-i kesîr ve cemˈ-i gafîr bâ-cemˈihim meclis-i şerˈa varub vâkıˈ olan tekâlîf ve sâˊir umûr ve husûsların görmek içün
3. rızâları ve cümle maˈrifeti ve maˈrifet-i şer’le kasaba-i mezbûre sâkinlerinden el-Hâcc Süleyman kimesneye bâ-hüccet-i şerˈiyye taraflarından vekîl nasb ve mezkûr
123
4. ˈuhdesine lâzım gelen hizmetin sadakāt ve istikāmet üzere görüb ve cümlesi mezkûrdan râzı ve hoşnûd üzere iken ashâb-ı
5. ağrazdan baˈzıları hilâf-ı şerˈ ve bi-vechi ve bilâ-sened vekâleti umûruna müdâhale ve taˈaddî itmeleri menˈu defˈ olunmak bâbında emr-i şerîfim
6. virilmek recâsına vâkıˈ-ı hâli biˊl-iltimâs ˈarz eyledüğün ecilden şerˈle görülmek içün yazılmışdır. Fî evâsıt-ı Zilhicce sene 1155 (6-15 Şubat 1743)
Özet: Niğde Kazası sakinlerinden Seyit Ahmet, Seyit Hasan ve beraberindeki kişilerin
Niğde Kazası’na bağlı Bastana Köyü’ndeki mülklerine Harbendeli Cemati sakinlerinin yerleşmesi ve mahsüllerine zarar vermesi ile ilgili kişilerin şikâyetleri ve zararlarının tazmin edilmesini talep etmesi hakkında.
85/2
Niğde Sancağı Mutasarrıfına ve [boşluk] Kādîsına ve Niğde Kazâsı Nâˊibine Hüküm ki,
1. Sen ki Niğde Kazâsı Nâˈibi Mevlânâ Seyyid Ahmed zide ˈilmuhusun mektûb gönderüb Niğde Kasabası sâkinlerinden sadâtdan Seyyid Ahmed Efendi ve Seyyid Hasan
2. ve Murteza ve Seyyid Mehmed ve Seyyid Abdullah dimekle maˈrûf kimesneler meclis-i şerˈa varub bunların eben ve ecdâdlarından müntakıl Niğde Kazâsı’na
3. tâbiˈ Bastana nâm karye sınuru dâhilinde vâkıˈ biˊl-fiˈil ber-vech-i iştirâk zabt ve tasarruflarında olan mülklerine Göçebe tâˊifesinden
4. Harbendeli Cemâˈati bin yüz elli senesinde eyyâm-ı baharda gelüb konub birkaç gün meks idüb zirâˈat eyledikleri
5. mahsûllerin devâbb ve mevâşîlerine yedürüb itlâf itmeleriyle taraf-ı şerˈden Halil nâm nâˊib varub keşf ve mahsûlleri
6. itlâf eyledikleri sâbit olmağla mahsûlât-ı müstehlekelerin icâb iden kıymetini tahsîl ve alıvirilmek üzere hükm birle cânib-i
7. şerˈden hüccet-i şerˈiyye virilmişken icrâ-yı hakk mümkün olmayub mezbûrlar taht-ı hükûmet ve kazânızda mürûr-ı ˈubûr üzere
8. olmalarıyla bulundukları mahalde hüccet-i şerˈiyyeleri mûcebince şerˈle görülüb ihkāk-ı hakk olunmak bâbında emr-i şerîfim virilmek recâsına
9. vâkıˈ-ı hâli biˊl-iltimâs ˈarz eyledikleri ecilden hüccet-i şerˈiyye mûcebince şerˈle görülüb ihkāk-ı hakk olunmak içün yazılmışdır. Fî evâsıt-ı Zilhicce sene 1155 (6-15 Şubat 1743)
124
Özet: Ereğli ile Ulukışla bendi Çavuşlar Derbendi’nde sakin Otamışlı Cemaati’nden
Musa’nın üzerine düşen vergilerini ödemesine rağmen zabitin Musa’ya müdahale etmesi ile ilgili Musa’nın şikâyeti hakkında.
85/3
Karaman Vâlîsine ve Ereğli-yi Karaman Vâlîsine Hüküm ki
1. Sen ki Ereğli-yi Karaman Kādîsı Mevlânâ Halil zîde fazluhusun mektûb gönderüb Havâss-ı Hümâyûn’da OtamHavâss-ışlu Cemâˈati reˈâyâsHavâss-ından
2. el-Hâcc Musa on iki sene varub Ereğli ile Ulukışla bendi Çavuşlar Derbendi’nde sâkin ve mütemekkin ve üzerine edâsı lâzım
3. gelen rusûm-ı raˈiyyeti oturduğu yerde kānûn ve defter mûcebince hâssı zâbitine edâ idüb bu makūle edâsına bir yerde sâkin
4. olan reˈâyâ kaldırılmak hilâf-ı kānûn iken hâssı zâbiti hilâf-ı kānûn kaldırmak teklîfî ile taˈaddî itmekle menˈ
5. u defˈ olunmak bâbında hükm-i hümâyûnum virilmek recâsına ˈarz eylemek kānûn üzere ˈamel olunmak içün yazılmışdır. Fî evâhir-i Zilhicce sene 1155 (16-24 Şubat 1743)
Özet: Konar ve göçer Yörükan Aşireti Türkmeni’nden Çobanoğlu İsmail ile beraberindeki
kişilerin, Haymanateyn Kazası Haymana-i Kebîr Nahiyesi’ne bağlı Sivri Köyü ahalisinin mallarına ve ekinlerine zarar vermesi ile ilgili ahalinin şikâyeti hakkında.
85/4
Karaman Vâlîsine [boşluk] ve [boşluk] Kādîlarına Haymana ve Ankara ve Konya ve Kütahya Kazâları Nâˊiblerine Kütahya Mütesellimine ve Haymana Hâssı Voyvodasına Hüküm ki,
1. Sen ki Haymanateyn Kazâsı nâˊibi mevlânâ-yı mûmâ-ileyh Ali zîde ˈilmuhusun mektûb gönderüb Haymanateyn Kazâsı muzâfâtından Haymana-i Kebîr
2. Nâhiyesi’ne tâbiˈ Sivri Karyesi’nden Seyyid Hacı Ömer ve Sarı Halil Karyesi’nden Receb nâm kimesneler meclis-i şerˈa varub yine sene-i
3. mübârekede taht-ı hükûmet ve kazânızda konar ve göçer Yörükân ˈAşîreti Türkmanı’ndan Çobanoğlu İsmail nâm şakī
4. otuz kırk mikdârı âdemle ekinleri üzerine konub cebren ve kahren beş altı bin koyun ve seksen mikdârı develerin
5. sevk ve seksen deve samanları ve üç yüz araba otlakların ve zerˈ olunmuş ekinlerin itlâf ve küllî gadr eylemeleriyle daˈvet-i
125
6. şerˈ içün mahzâr ve mürâsele irsâl olundukda itâˈat-ı şerˈ itmemekle yedlerinde olan hüccet-i şerˈiyyeleri mûcebince şerˈle görülmek
7. bâbında hükm-i hümâyûn virilmek recâsına ˈarz eyledüğün ecilden bulundukları mahalde şerˈle görüle deyu yazılmışdır. Fî evâsıt-ı Zilhicce sene 1155 (6-15 Şubat 1743)
Özet: Niğde Kazası’nın bazı sakinlerinin çeşitli bahaneler öne sürerek vergilerini
vermemesinden dolayı diğerlerinin zor duruma düşmeleri ve perişan olmaları nedeniyle Niğde ahalisinin bu kişilerle birlikte vergilerin ortak ödenmesini talep etmesi hakkında.
85/5
Niğde Nâˊibine Hüküm ki,
1. Sen ki mevlânâ-yı mûmâ-ileyh es-Seyyid Ahmed zide ˈilmuhusun Südde-i Saˈâdet’ime mektûb gönderüb kazâ-i mezbûr sâkinlerinden ˈulemâ ve sulehâ ve eˊimme ve hutebâ ve sâdât-ı
2. kirâm ve sâˊir fukarâ ve zuˈafâ ve mahallât mütevellîleri ve kurâ ihtiyârları cemˈ-i gafîr ve cemˈ-i kesîr ba-serhem meclis-i şerˈa varub
3. kazâ-i mezbûrun vâkıˈ olan tekâlîflerini tevzîˈ defteri mûcebince ve maˈrifet-i şerˈle aˈlâ ve evsât ve ednâ iˈtibâriyla
4. tevzîˈ ve taksîm eylediklerinde mahallât ve kurâlarında sâkin hâneye bağlu tekâlîf alınmak icâb ider baˈzıları Koloğlu
5. ve yeniçerilik iddiˈâsında emlâk ve arâziye mutasarrıf olanlardan baˈzıları ben kethüdâyeri ittibaˈında ve sibâhî
6. ˈammîsi ve ˈammîzâdesi ile deyu hisselerine isâbet ideni maˈrifet-i şer’le cemˈine meˈmûr olanlara virmeyüb fukarâya çekdirüb
7. fukarânın perîşân olmalarına bâˈis olmağın hâne-i ˈavârıza bağlu tekâlîf alınmak icâb ider emlâkı ve arâzî mutasarrıfları aˈlâ
8. ve evsât ve ednâ iˈtibâriyle mezbûrlar bunlar ile mâˈen tahammüllerine göre hisselerine isâbet ideni tahsîl olunmak bâbında emr-i şerîfim
9. virilmek recâsına vâkıˈ-ı hâli bi’l-iltimâs ˈarz eyledüğün ecilden kānûn üzere ˈamel olunmak içün yazılmışdır. Fî evâsıt-ı Zilhicce sene 1155 (6-15 Şubat 1743)
Özet: Mustafa Bey’in İncesu Kazası sakinlerinden Mehmet Bey’den satın aldığı tarlaya
vekil tayin ettiği kişiye müdahale edilmesi ile ilgili şikâyeti hakkında.
126
Karaman Vâlîsine İncesu Kādîsına Hüküm ki,
1. Mustafa zîde kadruhu gelüb İncesu Kasabası sâkinlerinden İmadoğlu
2. Mehmed nâm kimesne kazâ-i mezbûra tâbiˈ Sarıburun nâm mahalde mutasarrıf oldığı 3. bir bâb mülk değirmân ve maˈlûmuˊl-hudûd mülk bağın buna bin yüz elli (1150) guruş 4. beyˈ-i badˈ-i katˈî ile beyˈ u teslîm ve bu dahî tesellüm ve yine mahall-i mezbûrede Esad
Ağa Tarlası
5. dimekle maˈrûf tarlasıyla Osmanoğlu Tarlası dimekle meşhûr nısf tarlası bin yüz elli iki 6. senesinde hüsn-i rızâsı ve sahib-i arz maˈrifetiyle buna ferağ u tefvîz ve bu dahî tefvîz ve
yedine virilen
7. sâhib-i arz temessükü mûcebince beher sene tarafından vekîl (boşluk) nâm kimesne zabt ve zirâˈat ve ˈöşr ve rusûmu sâhib-i arza edâ
8. idüb mülk-i müşterâsıyla arâzî-yi müfevvezesine bir-vechile dahl icâb itmez iken hevâsına tâbiˈ baˈzı kimesnelere istinâden
9. mülk-i müşterâ ve arâzî-yi müfevvezesine hilâf-ı şerˈ ve kānûn müdâhale ve vekîl-i mezkûrun zabtına mümânaˈat ve gadr sevdâsında
10. olduğun ve tarafından hâlâ Omruk Mustafa dimekle meşhûr kimesneyi vekîl eyledüğün bildürüb
11. şerˈle görülüb senedât-ı şerˈiyyeleri mûcebince zikr olunan mülk-i müşterâsıyla arâzî-yi müfevvezesine bunun
12. tarafından vekîl-i mezbûra zabt itdirilüb mezkûrun hilâf-ı şerˈ ve kānûn ol-vechile müdâhale
13. ve taˈaddîsi menˈu defˈ olunmak bâbında emr-i şerîfim recâ itmeğin mahallinde şerˈle görülmek içün yazılmışdır. Fî evâhir-i Zilhicce sene 1155 (16-24 Şubat 1743)
Özet: Kayseri Kazası Göstere Nahiyesi sakinlerinden Hasan, Seyit Süleyman ve Hamza’ya
ve amcalarına büyük babalarından miras kalması; fakat amcaların kendi hisselerine kanaat etmeyerek Hasan, Seyit Süleyman ve Hamza’nın hisselerini de zapt etmeleri ile ilgili kişilerin şikâyetleri hakkında.
86/1
Karaman Vâlîsine ve Kayseriyye Kādîsına Hüküm ki,
1. Kayseriyye Kazâsı muzâfâtından Göstere Nâhiyesi’ne tâbiˈ Bostalı/Bostala nâm karye sâkinlerinden Hasan ve Seyyid Süleyman ve Hamza nâm kimesneler gelüb bunların büyük babaları
127
2. Kalender nâm kimesne karye-i mezbûre sâkininden iken bin yüz elli (boşluk) senesinde fevt oldukda mutasarrıf oldığı emlâkı irs-i şerˈle bunlar ile karye-i mezbûre
3. sâkinlerinden ˈammîzâdeleri Üveys ve Ali ve Abdullah nâm kimesnelere intikāl idüb mezbûrlar kendi hisselerin almağa kanâˈat itmeyüb
4. bunların hisseleri dahî fuzûlî zabt ve bundan akdem taleb eylediklerinde virmediklerinden ısdâr itdirdikleri emr-i şerîfimle mürâfaˈa-i şerˈ olundukda
5. büyük babaları müteveffâ-yı merkūmdan müntakıl emlâkinden hisseleri hükm birle cânib-i şerˈden hüccet-i şerˈiyye virilmişken yine emlâk-ı merkūmdan hisselerin virmeyüb
6. ziyâde gadr ve taˈaddî üzere oldıkların bildirüb hüccet-i şerˈiyyeleri mûcebince şerˈle görülüb büyük babaları müteveffâ-yı merkūmdan müntakıl emlâk-ı mezkûrdan
7. hisseleri bunlara alıvirilüb zabt itdirilmek bâbında emr-i şerîfim recâ eyledikleri ecilden mahallinde şerˈle görülmek içün yazılmışdır. Fî evâhir-i Zilkaˈde sene 1155 (17-26 Ocak 1743)
Özet: Niğde Kazası’na bağlı Bazaröyüğü, Germiyan ve bazı köylerin sipahilerinin
köylerini terk ederek giden ahalinin geri köylerine taşınması ve yerleştirilmesi ile ilgili talepleri hakkında.
86/2
Niğde ve [boşluk] Kādîlarına Hüküm ki,
1. Sen ki Niğde Kazâsı Nâˊibi Mevlânâ es-Seyyid Ahmed zîde ˈilmuhusun Südde-i Saˈâdet’ime mektûb gönderüb Niğde Kazâsı’na tâbiˈ
2. Bazaröyüğü ve Germiyan ve tevâbiˈileri karyelerinin ve (boşluk) ve (boşluk) ve (boşluk) nâm zaˈim ve sibâhîleri ve (boşluk) nâm sibâhîler meclis-i şerˈa
3. varub zeˈâmet ve tımârları karyelerinin defterde mukayyed raˈiyyet ve raˈiyyeti oğullarından baˈzıları kadîm-i karyelerinden
4. kalkub varub hâlâ taht-ı kazânızda vâkıˈ kasabât ve kurâ ve ˈaskerî çiftliklerinde sâkin olub ol-makūle
5. defterlü reˈâyâları bulundukları yerlerden kaldurub kadîmi karyelerine nakl ve iskân itdirilmek recâsına biˊl-iltimâs
6. ˈarz eyledüğün ecilden kānûn üzere iskân itdirilmek emrim olmuşdur. Fî evâsıt-ı Zilkaˈde sene 1155 (7-16 Ocak 1743)
128
Özet: Evim Türkmeni’nden İsmail Bey’in hiç kimseye zararı olmamasına rağmen
Türkmen taifesinden Karacakürt Cemaati’nden Taman Hasan oğlu Nasuh ve beraberindeki kişiler tarafında darp edilmesi, ailesine zarar verilmesi ile ile ilgili İsmail Bey’in şikâyeti, diyet talebi ve suçluların cezalandırılmasını talep etmesi hakkında.
86/3
Kayseriyye Monlasına [boşluk] ve [boşluk] Kādîlarına Hüküm ki,
1. Evim Türkmanı’ndan İsmail bin Ahmed nâm kimesne gelüb bu kendü hâlinde olub hilâf-ı