Târîh-i Vilâdet-i Na‘îme Sultân (Fe‘ilâtün Fe‘ilâtün Fe‘ilün)

1 Mâ-bihi'l-fahr-ı selâtîn-i cihân Hân Mecîd dâver-i deryâ-ihsân

2 Emr ü fermânına ‘âlem münkâd Bende-i dergehi şâhân-ı zamân

3 O şehen-şâh-ı cihânıñ Mevlâ Ni‘metin ‘âleme itmiş erzân 4 Oldı tevfîki hemîşe yâver

Her umûrında bi-feyz-i Yezdân 5 Yine lutf itdi Hudâ bir duhter

Makdemi kıldı cihânı şâdân

6 Gonca-i verd-i riyâz-ı şevket Oldı ârâyiş-i mehd-i devrân 7 Şübhesiz fâl-i meserretdir bu

Revnak-ı gülşen-i âl-i ‘Osmân

8 Yâ Rab ol pâdişeh-i meh-tal‘at Haşre dek mihr-veş olsun rahşân

9 Rub‘-ı meskûnı İlâhî teshîr İde ol şâh-ı ‘adâlet-‘unvân 10 Top atıldıkça tonanmasında

Ola a‘dâsına mesken nîrân

21. Târih M2 ve M4'te yok, matbu nüshalardan alındı.

11 Nice şeh-zâdeler etrâfında Haşre dek tura çü bedr-i tâbân

12 Didi kem-ter kulı Leylâ târîh İki mısrâ‘la itdikde beyân

13 "Yümn ile revnak-ı gehvâre olup Geldi ekvâna Na‘îme Sultân"

22- Târîh-i Ferîk-i Sa‘îd Paşa Necl-i Ercemend-i Vâlî-i Mısr Mehemmed ‘Alî Paşa (Mefâ‘îlün Mefâ‘îlün Mefâ‘îlün Mefâ‘îlün)

1 Cenâb-ı Zıll-i Hak ‘Abdü'l-Mecîd Hân-ı kerem-pîrâ Yine bir necl-i ‘âlî-şânı mesrûr eyledi ber-câ

2 İdüp ‘izz ile bahriyye ferîki ol himem-kârı Bu yüzden mükrem itdi vâlid-i zî-şânını hakkâ 3 O hâkân-ı hüner-pîrâya bende böyle lâyıkdır

Hüner-mend ü ma‘ârif-senc ü ‘âkil necl-i bî-hemtâ 4 Cahîm eyler cihânı havf-ı şemşîrinden a‘dâya

Dilerse ‘afvın ol dem âb-ı cûdiyle ider itfâ 5 Kerîm ibni kerîm ü kâm-rân u âsumân-pâye

Nola olsa vücûd-ı devleti kevne şeref-efzâ

6 Göre ol necl-i pâki vâlideyni pîr-i rûşen-dil

Budur me’mûlümüz ancak be-hakk-ı Ka‘be-i ‘ulyâ 7 Didim tebşîr idüp dünyâya Leylâ tâm târîhin

"Bu sâl ‘izz ile yümn ile ferîk oldı Sa‘îd Pâşâ"

23- Târîh-i Def‘a-i Sâniye-i Rûm İli Berây-ı Yahyâ Begefendi (Mefâ‘îlün Mefâ‘îlün Mefâ‘îlün Mefâ‘îlün)

1 Meh-i burc-ı fazîlet âfitâb-ı matla‘-ı himmet Cihân-ı cûd u re’fet zât-ı vâlâ-yı bülend-ecdâd

22. Târih M2 ve M4'te yok, matbu nüshalardan alındı.

Başlık: Göft Tekerrür-i Sadr-ı Rûm-Şoden-i Yahyâ Beg M2

2 Tevâzu‘-kâr u sa‘d-âsâr Yahyâ Beg Efendi kim Vücûdın Hak Ta‘âlâ merhametle eylemiş hem-zâd

3 Tekerrürle olunca câh-ı sadr-ı Rûm'a zîb-efzâ Kudûmiyle cihânı kıldı bî-şek hurrem ü dil-şâd

4 Kemâl-i ‘adl ile oldı o sadr-ı mekrümet-kârıñ Der-i devlet-medârı mültecâ-yı bende vü âzâd

5 Kadîmî bende-i dergâhıyım eski efendimdir Degildir ‘ayb idersem ben dahi bâbından istimdâd 6 Sekiz mâh oldı kim bu bende-gânıñ deşt-i gurbetde

İderken çarh-ı gaddârıñ elinden nâle vü feryâd 7 Firâk-ı dâder ile mâderim âh eyleyüp her gâh

Felekden çekdigim cevr ü sitem olmaz iken ta‘dâd 8 Peyâm-ı müjde-i teşrîfiñi sadra idince gûş

Bi-hamdillâh yeñiden feyz kesb itdi dil-i nâ-şâd

9 Hidîvâ zâtıñı medh itmede ‘afv eyle noksânım Sühan kanda bulur şâkird menfâda ola üstâd 10 ‘İnâyet kıl terahhum vaktidir lutfuñla şâd eyle

Ferâmûş itme ihsânıñla dâ’im bendeñi kıl yâd 11 Yeter Leylâ şikâyet söz tamâm oldı du‘â eyle

İde Bârî Ta‘âlâ ‘ömrini ikbâlini müzdâd 12 Hatâlardan idüp mahfûz evlâd-ı kirâmıyla

Şebin Kadr eyleyüp her rûzını Mevlâ ide a‘yâd 13 Bu vâlâ mısra‘ı hâtif didi teşrîfine târîh

"Sezâdır yine sadru'r-Rûm‘a Yahyâ Beg mübârek-bâd" (1244)

24- Târîh-i Sadâret-i Anatolı Berây-ı Hamdullâh Efendi (Fâ‘ilâtün Fâ‘ilâtün Fâ‘ilâtün Fâ‘ilün)

1 Müjdeler âfâka kim bir fâzıl-ı takvâ-şiyem Anatol sadrın müzeyyen eyledi iclâl ile

Başlık: Târîh-i Sadr-ı Anatolı-Şoden-i ‘Arab-zâde Efendi M2

2 Ol meh-i evc-i himem müşkil-güşâ genc-i hikem Gıbta-fermâ-yı selefdir ‘ilm ile efdâl ile

3 Söz açarsa meclisinde Fahr u Sa‘d u Seyyidî Mülzem eyler cümle fende nüshasın ikmâl ile 4 ‘İlm ü hilm ü fazl ile şimdi o zât-ı ekremiñ

Yok nazîri münferiddir ahsen-i ef‘âl ile

5 Öyle bir ‘allâme-i ‘âlem ki erbâb-ı hüner Nâ’il-i me’mûl olur dergâhına rû-mâl ile 6 Dürr-i bahr-i ma‘delet kim rüşd ü isti‘dâd ile

Hak bilür kim fâ’iku'l-akrândır her hâl ile

7 Söz tamâm oldı yeter kâbil degil vasfın edâ Kıl du‘â-yı devletin Leylâ hulûs-ı bâl ile

8 Hak mehâdîm-i kirâmıyla idüp ‘âlemde şâd Eyleye efzûn ‘ömr ü devletin ikbâl ile 9 Şevk-i teşrîfiyle iki mısra‘ı bu beytimiñ

Nasbına târîh düşdi böyle hayr-i fâl ile

10 "Geçdi sadr-ı Anatolı'ya ide Mevlâ sa‘îd

Müjde Hamdullâh Efendi ‘izz ile iclâl ile" (1244)

25- Târîh-i Sadâret-i Rûm İli Berây-ı Rahmî Beg (Fâ‘ilâtün Fâ‘ilâtün Fâ‘ilâtün Fâ‘ilün)

1 Müjde Rahmî Begefendi kim ‘uluvv-i şân ile Eyleyüp teşrîf câh-ı sadr-ı Rûm'ı kıldı câ

2 Gûş idüp teşrîfini a‘lâm fahr itse nola Dergeh-i iclâlidir ehl-i dile kıble-nümâ

3 Pertev-i iclâli fer virsün cihâna haşre dek Zâtına da‘vât-ı hayriyye budur subh u mesâ

1b- müzeyyen / münevver M4

8b- Eyleye efzûn ‘ömr ü devletin / ‘Ömrini ikbâlini efzûn ide M4 25. Târih M2'de yok.

4 Necl-i dürr-i pâkini Hak gösterüp ‘âlemde pîr Birbirinden haşre dek ayırmaya Hayy-ı Hudâ

5 Bendesi Leylâ didi tebrîk idüp târîh-i tâm

"Câh-ı sadr-ı Rûm'a Rahmî Begefendimiz revâ" (1243)

26- Târîh-i Lıhye Berây-ı Mîr-i Müşârün-İleyh (Mefâ‘îlün Mefâ‘îlün Mefâ‘îlün Mefâ‘îlün)

1 Cenâb-ı Mîr Yahyâ-yı mehâsin-şîmeniñ necli Güşâd-ı lıhye ile virdi rûy-ı pâkine zînet 2 O mahdûm-ı hüner-perver idince hattını izhâr

Yazıldı şübhesiz levh-i cemâle nûrdan âyet 3 ‘Aceb ra‘nâ bitürdi gülde Mevlâ tâze sünbüller

Güşâd ola dem-â-dem ol gülistâna der-i devlet

4 Göre ol necl-i pâki vâlideyni pîr ü rûşen-dil Budur subh u mesâ Leylâ'ya da‘vât-ı safâ-gâyet

5 Yazılsun vecne-i hûra hat-ı târîh-i cevher-dâr

"Sefîd ide Hudâ irsâl kıldı lıhye Mîr ‘İsmet" (1240)

27- Târîh-i Ser-Çavûşân Şoden-i Necîb Efendi (Müstef‘ilün Müstef‘ilün Müstef‘ilün Müstef‘ilün) 1 Bahr-i kerem evc-i himem ya‘nî Necîb Efendi kim

Oldı sezâdır yümn ile ikbâl ile ser-çâvuşân 2 Görse Aristûlar eger re’yin o zât-ı ekremiñ

Bî-şübhe atarlardı ol dem reşk ile ‘ukbâya cân 3 Ol kulzüm-i cûd u kerem tayy itdi nâm-ı Hâtem'i

Emvâc-ı lutfı olmada bî-keslere her dem revân 4 İtmekde dîn ü devlete hıdmet sadâkatla müdâm

Ragbet ider miydi tehî ol zâta sultân-ı zamân

Başlık: Târîh-i Lıhye M2 27. Târih M4'te yok.

5 Fâ’ik disem akrânına her hâl ile hakdır sözüm Zîrâ semâhatla nazîrin görmedi çeşm-i cihân 6 İkbâlini müzdâd ide Mevlâ idüp ‘ömrin füzûn

İhlâs ile eyle du‘â-yı devletin Leylâ hemân 7 Tebrîkine harf-i mücevherle didim târîhini

"Çâvuşbaşı oldı Necîb Efendi kevne virdi şân"

28- Târîh-i Vilâdet-i Necl-i Mevlevî Mehemmed Efendi (Fâ‘ilâtün Fâ‘ilâtün Fâ‘ilâtün Fa‘ilün)

1 Mesnevî-hân Mevlevî hem-nâm-ı Fahr-i Enbiyâ Sulb-i pâkinden gelüp dünyâya bir necl-i ‘afîf

2 Hân-kâh-ı Mevlevî'de açılup bir verd-i ter Gülşen-i dehri mu‘attar eyledi bûy-ı latîf 3 Mihr-veş geldikde ekvânı münevver eyleyüp

Makdemiyle şâd u handân oldı ol merd-i zarîf

4 Himmet-i Monlâ ile olsun mu‘ammer haşre dek Dergehinde eyleyüp çok münkiri pâk u nazîf 5 Pîr-dâşım togdı Leylâ söyledim târîhini

"Zîb-i dehr oldı şerefle ‘izz ile ‘Abdu'l-Latîf"

29- Târîh-i Vilâdet-i Necl-i Feyzî Efendi (Mefâ‘îlün Mefâ‘îlün Mefâ‘îlün Mefâ‘îlün) 1 Mübârek ola sulb-i Hazret-i Feyzî Efendi'den

Gelüp dünyâya bir mahdûm Hakk'ıñ oldı ihsânı 2 Zihî nûr-ı mücessem makdemi ekvâna fer virdi

Sezâ dirler ise ol tıfl-ı pâke Yûsuf-ı sânî 3 ‘Alî-nâm u Rızâ-sîret kımâta oldı zîb-efzâ

Görenler vechini yâd itmeyüp cennetde gılmânı

28. Târih M2 ve M4'te yok, matbu nüshalardan alındı.

29. Târih M2 ve M4'te yok, matbu nüshalardan alındı.

4 Hemîşe var idüp ‘âlemde Mevlâ vâlideyniyle Mu‘ammer ola tûl-i ‘ömr ile bâ-feyz-i Subhânî 5 Didim mîlâdına harf-i mücevher ile târîhin

"Rızâ'nıñ mevlidi şâd eyledi ‘izz ile ekvânı"

30- Târîh-i Vilâdet-i Nâfiz Efendi